ឱបងប្អូនមូស្លីមទាំងឡាយ! ចូរកោតខ្លាចអល់ឡោះជាម្ចាស់ដ៏ខ្ពង់ខ្ពស់ ហើយត្រូវមានស្មារតីដឹងជានិច្ចថា ទ្រង់តែងតែឃ្លាំមើលរាល់ទង្វើរបស់យើង មិនថាលាក់កំបាំង ឬបើកចំហ។ ចូរអនុវត្តតាមឲ្យបានត្រឹមត្រូវនិងខ្ជាប់ខ្ចួន នូវរាល់បទបញ្ជាទាំងឡាយរបស់ទ្រង់ ហើយចៀសវាងឲ្យឆ្ងាយពីរាល់ប្រការទាំងឡាយដែលទ្រង់បានហាមឃាត់។


ចូរអ្នកដឹងថា អល់ឡោះបានបានបង្កើតមនុស្សលោក និងពពួកជិន ដើម្បីឱ្យពួកគេគោរពសក្ការៈចំពោះទ្រង់តែមួយ និងមិនឱ្យពួកគេផ្សំភ្ជាប់ទ្រង់ជាមួយនឹងអ្វីផ្សេងឡើយ។ ដូចដែលទ្រង់បានមានបន្ទូលថា៖


ﵟوَمَا خَلَقۡتُ ٱلۡجِنَّ وَٱلۡإِنسَ إِلَّا لِيَعۡبُدُونِ ٥٦ﵞ ﵝالذَّارِيَات : ﵖﵕﵜ


“ហើយយើងមិនបានបង្កើតជិននិងមនុស្សលោកនោះឡើយ លើកលែងដើម្បីឱ្យពួកគេគោរពសក្ការៈ(មកចំពោះយើងតែមួយគត់)ប៉ុណ្ណោះ។”


ទ្រង់បានបញ្ជូនបណ្ដាអ្នកនាំសារដើម្បីគោលបំណងនោះដែរ ដោយបានមានបន្ទូលថា៖


ﵟوَمَآ أَرۡسَلۡنَا مِن قَبۡلِكَ مِن رَّسُولٍ إِلَّا نُوحِيٓ إِلَيۡهِ أَنَّهُۥ لَآ إِلَٰهَ إِلَّآ أَنَا۠ فَٱعۡبُدُونِ ٢٥ﵞ ﵝالأَنبِيَاء : ﵕﵒﵜ


“ហើយយើងមិនបានបញ្ជូនអ្នកនាំសារណាម្នាក់មុនអ្នក(ឱអ្នកនាំសារមូហាំម៉ាត់)នោះឡើយ លើកលែងតែយើងបានផ្តល់វ៉ាហ៊ីទៅកាន់គេថា៖ ពិតប្រាកដណាស់ គ្មានព្រះជាម្ចាស់ឯណាដែលត្រូវគោរពសក្ការៈដ៏ពិតប្រាកដក្រៅពីយើងឡើយ។ ហេតុនេះ ចូរពួកអ្នកគោរពសក្ការៈចំពោះយើង(តែមួយគត់)។”


ទ្រង់បានហាមឃាត់ខ្ញុំបម្រើរបស់ទ្រង់ពីការដាក់ភាគីជាមួយទ្រង់ក្នុងការគោរពប្រណិប័តន៍ ដោយបានមានបន្ទូលថា៖


ﵟوَلَقَدۡ أُوحِيَ إِلَيۡكَ وَإِلَى ٱلَّذِينَ مِن قَبۡلِكَ لَئِنۡ أَشۡرَكۡتَ لَيَحۡبَطَنَّ عَمَلُكَ وَلَتَكُونَنَّ مِنَ ٱلۡخَٰسِرِينَ ٦٥ بَلِ ٱللَّهَ فَٱعۡبُدۡ وَكُن مِّنَ ٱلشَّٰكِرِينَ ٦٦ﵞ ﵝالزُّمَر : ﵕﵖ - ﵖﵖﵜ


“ហើយជាការពិតណាស់ គេបានផ្តល់វ៉ាហ៊ីទៅកាន់អ្នក(ឱអ្នកនាំសារមូហាំម៉ាត់) និងទៅកាន់អ្នក(នាំសារ)ជំនាន់មុនអ្នកថា៖ ប្រសិនបើអ្នកធ្វើស្ហ៊ីរិក(មកចំពោះយើង) នោះទង្វើ(កុសល)របស់អ្នកពិតជានឹងរលាយសាបសូន្យ ហើយអ្នកប្រាកដជានឹងស្ថិតក្នុងចំណោមពួកដែលខាតបង់ជាមិនខាន។ ផ្ទុយទៅវិញ ចំពោះអល់ឡោះ(តែមួយគត់) ចូរអ្នកគោរពសក្ការៈ ហើយចូរអ្នកស្ថិតក្នុងចំណោមបណ្តាអ្នកដែលដឹងគុណ។”


ទ្រង់បានបញ្ជាក់ឲ្យយើងដឹងថា ស្ហីរិក(ការភ្ជាប់ដៃគូជាមួយទ្រង់)គឺជាអំពើបាបដ៏ធំបំផុត ដោយបានមានបន្ទូលថា៖


ﵟإِنَّ ٱللَّهَ لَا يَغۡفِرُ أَن يُشۡرَكَ بِهِۦ وَيَغۡفِرُ مَا دُونَ ذَٰلِكَ لِمَن يَشَآءُۚ وَمَن يُشۡرِكۡ بِٱللَّهِ فَقَدِ ٱفۡتَرَىٰٓ إِثۡمًا عَظِيمًا ٤٨ﵞ ﵝالنِّسَاء : ﵘﵔﵜ


“ពិតប្រាកដណាស់ អល់ឡោះជាម្ចាស់ទ្រង់មិនអភ័យទោសឱ្យអ្នកដែលធ្វើស្ហ៊ីរិកចំពោះទ្រង់ឡើយ តែទ្រង់នឹងអភ័យទោសឱ្យចំពោះបាបកម្មផ្សេងពីនេះ ចំពោះជនណាដែលទ្រង់មានចេតនា។ ហើយជនណាដែលធ្វើស្ហ៊ីរិកនឹងអល់ឡោះជាម្ចាស់នោះ ពិតប្រាកដណាស់ រូបគេពិតជាបានប្រព្រឹត្តបាបកម្មមួយដ៏ធ្ងន់ធ្ងរបំផុត។”


បងប្អូនអ្នកមានជំនឿទាំងឡាយ! នៅក្នុងខុតបះមុនៗ យើងបានលើកឡើងអំពីទម្រង់មួយចំនួននៃការនិយមជ្រុលចំពោះផ្នូរ ដែលកំពុងរីកសាយភាយនៅក្នុងប្រទេសមូស្លីមមួយចំនួន។ ហើយនៅថ្ងៃនេះ យើងនឹងនិយាយអំពីទម្រង់ថ្មីមួយទៀត នោះគឺ ការគោរពសក្ការៈចំពោះអល់ឡោះ ដោយការទៅទស្សនាទីកន្លែង និងស្លាកស្នាម ដែលពួកព្យាការី និងជនសុចរិតធ្លាប់ឆ្លងកាត់ ដោយគ្រាន់តែហេតុផលថាពួកគេធ្លាប់ឆ្លងកាត់ទីនោះ។


ឱខ្ញុំបម្រើរបស់អល់ឡោះទាំងឡាយ! ស្ហៃខ អាប់ឌុល អាហ្ស៊ីស ប៊ីន បាស ‘ បានមានប្រសាសន៍ក្នុងប្រធានបទនៃ “ការលើកតម្កើងស្លាកស្នាមប្រវត្តិសាស្ត្រ”ថា៖ «ពិតប្រាកដណាស់ ការលើកតម្កើងស្លាកស្នាមប្រវត្តិសាស្ត្រ មិនមែនធ្វើឡើងដោយការសាងសង់សំណង់ ការសរសេរឆ្លាក់ និងការត្រាប់តាមពួកកាហ្វៀរនោះទេ។ ប៉ុន្តែ ការលើកតម្កើងស្លាកស្នាមដ៏ពិតប្រាកដ គឺធ្វើឡើងដោយ ការដើរតាមគំរូនៃម្ចាស់ស្នាមទាំងនោះ នៅក្នុងទង្វើដ៏ឧត្តុង្គឧត្តមរបស់ពួកគេ សីលធម៌ដ៏ល្អប្រសើររបស់ពួកគេ និងការតស៊ូដ៏ត្រឹមត្រូវរបស់ពួកគេ ទាំងពាក្យសម្ដី ទង្វើ និងការផ្សព្វផ្សាយសាសនាដោយភាពអត់ធ្មត់។ របៀបនេះហើយដែលពួក សាឡាហ្វ(អ្នកមូស្លីមជំនាន់ដើមដ៏ល្អត្រឹមត្រូវ) ធ្លាប់លើកតម្កើងស្លាកស្នាមរបស់បុព្វបុរសសុចរិតរបស់ពួកគេ។


រីឯការលើកតម្កើងស្លាកស្នាមដោយការសាងសង់សំណង់ ការតុបតែងលម្អ និងអ្វីដែលដូចនេះ វាគឺជាទង្វើផ្ទុយនឹងការណែនាំរបស់ពួក សាឡាហ្វ។ ផ្ទុយទៅវិញ វាគឺជាទំនៀមទម្លាប់របស់ពួក យ៉ាហ៊ូទី(យូដា) និង ណាសរ៉ានី(គ្រីស្ទាន) និងអ្នកដែលធ្វើដូចពួកគេ។ ទង្វើនេះគឺជាមធ្យោបាយដ៏ធំបំផុតមួយដែលនាំទៅរក ស្ហីរិក និងការគោរពបូជាព្យាការី និងពួក "វ៉ាលី" (អ្នកសច្ចំ) ដូចដែលការពិតជាក់ស្តែងបានបង្ហាញ និងដូចដែលមានភស្តុតាងពីហាទីស និងកំណត់ត្រាក្នុងបណ្ដាសៀវភៅ "ស៊ុណ្ណះ"»( )។ ចប់សម្តីរបស់គាត់។


បងប្អូនអ្នកមានជំនឿទាំងឡាយ! ក្នុងចំណោមស្លាកស្នាមដែលមនុស្សមួយចំនួនលើកតម្កើងខ្លាំងនោះគឺ រូងភ្នំ ហ៊ីរ៉ក នៅឯទីក្រុង ម៉ាក្កះ។ នេះគឺជាកន្លែងដែលព្យាការី × ធ្លាប់ធ្វើការគោរពសក្ការៈ (ការដកខ្លួនទៅសម្ងំធម៌) មុនពេលគាត់ត្រូវបានតែងតាំងជាព្យាការី។


ការលើកតម្កើងរូងភ្នំនេះ គឺជាផ្នែកមួយនៃ "ប៊ីទអះ" (ការបង្កើតថ្មីក្នុងសាសនា) និងជារឿងដែលគេបង្កើតឡើង ដែលមិនត្រូវបានគេស្គាល់ឡើយបន្ទាប់ពីការតែងតាំងជាព្យាការី ហើយក៏មិនមាននៅក្នុងសម័យកាលនៃខាលីហ្វះ (អ្នកដឹកនាំក្រោយព្យាការី) និងអ្នកដែលបន្ទាប់ពីពួកគេដែរ។


អ៊ីបនូ តៃមីយ្យ៉ះ ‘ បានមានប្រសាសន៍ថា៖ «ការធ្វើ "តា ហាន នុស" និងការគោរពសក្ការៈរបស់គាត់នៅក្នុងរូងភ្នំ ហ៊ីរ៉ក គឺធ្វើឡើងមុនពេលការចាត់តាំងជាព្យាការី។ បន្ទាប់មក នៅពេលដែលអល់ឡោះបានផ្តល់កិត្តិយសដល់គាត់ដោយភាពជាព្យាការី និងការនាំសារ ហើយបានតម្រូវលើសត្វលោកឲ្យមានជំនឿលើគាត់ និងគោរពតាមគាត់; គាត់បានស្នាក់នៅម៉ាក្កះជាង ១០ ឆ្នាំ ជាមួយអ្នកដែលជឿលើគាត់ក្នុងចំណោមពួក មូហាជីរីន(អ្នកដែលត្រៀមធ្វើចំណាកស្រុក)ដែលជាមនុស្សល្អបំផុត។ គាត់(ព្យាការី)មិនដែលទៅរូងភ្នំ ហ៊ីរ៉ក វិញឡើយ ហើយក៏គ្មានដៃគូរបស់គាត់ណាម្នាក់ទៅទីនោះដែរ។


បន្ទាប់មក គាត់បានធ្វើ ហ៊ីជ្ជរ៉ោះ(ការធ្វើចំណាកស្រុក) ទៅកាន់ ម៉ាឌីណះ។ គាត់បានធ្វើ អ៊ុមរ៉ោះ(ធម្មយាត្រាតូច) ចំនួន ៤ ដង៖


1.    អំរ៉ោះ ហ៊ូដៃប៊ីយ៉ះ ដែលពួកមូស្ហរីគីនបានរារាំងគាត់ពីការចូល កាក់បះ។


2.    អំរ៉ោះ កាដរ (អំរ៉ោះសង)( ) នៅឆ្នាំបន្ទាប់។ គាត់បានចូលម៉ាក្កះជាមួយដៃគូជាច្រើន ហើយស្នាក់នៅទីនោះ ៣ ថ្ងៃ។


3.    នៅពេលដែលគាត់បើកទីក្រុងម៉ាក្កះ គាត់បានមកធ្វើអំរ៉ោះពីតំបន់ អាល់-ជិរ៉ានះ( )។


4.    បន្ទាប់មក គាត់បានធ្វើអំរ៉ោះទីបួនរបស់គាត់ជាមួយនឹង ហាជ្ជ វ៉ាដាក (ហាជ្ជលាគ្នា)។ មនុស្សជាច្រើនបានធ្វើហាជ្ជជាមួយគាត់ មិនមានអ្នកណាម្នាក់អាក់ខានឡើយ លើកលែងតែអ្នកដែលអល់ឡោះមានចេតនា។


នៅក្នុងហេតុការណ៍ទាំងអស់នោះ ទាំងរូបគាត់ និងដៃគូរបស់គាត់ មិនមានអ្នកណាម្នាក់ទៅកាន់រូងភ្នំ ហ៊ីរ៉ក ឡើយ ហើយក៏មិនទៅទស្សនាវាដែរ។ ពួកគេមិនបានទៅទស្សនាកន្លែងណាមួយនៅជុំវិញម៉ាក្កះឡើយ លើកលែងតែ ម៉ាស្ជិត អាល់-ហារ៉ម , នៅចន្លោះភ្នំ សាហ្វា និងម៉ារវ៉ះ, នៅ មីណា, នៅ មូហ្សដាលីហ្វះ, និងនៅ អារ៉ាហ្វះ។ គាត់បានសឡាត ហ្សូហរ៍ និង អាសរ៍ នៅកណ្តាលជ្រលងភ្នំ អ៊ូរ៉ាណះ ហើយគុប្បះ ត្រូវបានបោះសម្រាប់គាត់នៅ ណាមីរ៉ោះ(នៅថ្ងៃអារ៉ាហ្វះ)។


បន្ទាប់ពីគាត់ ខាលីហ្វះដ៏ត្រឹមត្រូវ និងអ្នកផ្សេងទៀតពីជំនាន់ដើម មិនដែលធ្វើដំណើរទៅកាន់រូងភ្នំ ហ៊ីរ៉ក ឬកន្លែងផ្សេងទៀតដើម្បីសឡាត ឬបួងសួង នៅទីនោះឡើយ។


ដូចគ្នាដែរ ចំពោះរូងភ្នំដែលត្រូវបានលើកឡើងនៅក្នុងគម្ពីរអាល់គួអាន ក្នុងបន្ទូលរបស់ទ្រង់ថា៖ ﴿إِذْ هُمَا فِي الْغَارِ﴾  “នៅពេលដែលអ្នកទាំងពីរនៅក្នុងរូងភ្នំ” [អាត់តាវបះ: 40] ដែលជា រូងភ្នំ សាវរ៍  នៅខាងត្បូងម៉ាក្កះ( )។ ព្យាការីមិនបានកំណត់ច្បាប់ឲ្យប្រជាជាតិរបស់គាត់ធ្វើដំណើរទៅទីនោះ ឬទៅទស្សនាវា ឬសឡាត ឬបួងសួងនៅទីនោះទេ។


ហើយអ្នកនាំសាររបស់អល់ឡោះ × មិនបានសាងសង់ម៉ាស្ជិត ណាមួយនៅម៉ាក្កះឡើយ ក្រៅពី ម៉ាស្ជិត អាល់-ហារ៉ម។


រីឯម៉ាស្ជិតដែលឃើញសព្វថ្ងៃនេះ គឺសុទ្ធតែជារបស់ដែលបង្កើតថ្មី ដូចជា៖ ម៉ាស្ថិតនៅកន្លែងកំណើត (Masjid al-Mawlid) និងកន្លែងផ្សេងទៀត។


គាត់ក៏មិនបានកំណត់ច្បាប់ឲ្យប្រជាជាតិរបស់គាត់ទៅទស្សនាកន្លែងដែលគាត់កើត ឬទៅទស្សនាកន្លែងធ្វើ "បៃអះ" (ការសច្ចាប្រណិធាន) នៅ អាគបះ  នៅ មីណា នោះដែរ ទោះបីជាមានម៉ាស្ជិតមួយត្រូវបានសាងសង់នៅទីនោះក៏ដោយ។


ជាវាត្រូវបានគេដឹងច្បាស់ថា ប្រសិនបើរឿងនេះគឺជាការកំណត់របស់សាសនា ឬជាអំពើដែលគួរធ្វើ(មុស្តាហាប់)នោះ ព្យាការីច្បាស់ជាបានបង្រៀនវាដល់មនុស្ស ហើយសហាបះរបស់គាត់ច្បាស់ជាបានដឹងរឿងនេះ។ ហើយសហាបះរបស់គាត់ គឺជាអ្នកដែលដឹងបំផុត និងចង់បានបំផុតនូវការគោរពសក្ការៈ និងការកៀកជិតនឹងអល់ឡោះជាងអ្នកដែលមកក្រោយពួកគេ។


នៅពេលដែលពួកគេមិនបានងាកទៅរកធ្វើរឿងទាំងនោះ វាត្រូវបានគេដឹងថា រឿងទាំងនោះគឺជា "ប៊ីទអះ" ដែលពួកគេមិនធ្លាប់ចាត់ទុកថាជាការគោរពសក្ការៈ ឬការកៀកជិត ឬការគោរពប្រតិបត្តិឡើយ។ ដូច្នេះ អ្នកណាដែលចាត់ទុកការធ្វើបែបនោះ ជាការគោរពសក្ការៈ ឬការកៀកជិតអល់ឡោះ ឬការគោរពប្រតិបត្តិ នោះគេពិតជាបានដើរតាមផ្លូវដែលមិនមែនជាផ្លូវរបស់ពួកគេ ហើយបានបង្កើតច្បាប់សាសនាដែលអល់ឡោះមិនបានអនុញ្ញាត។


ប្រសិនបើនេះគឺជាវិធានចំពោះកន្លែងរបស់ព្យាការីយើង × ដូចជារូងភ្នំ ហ៊ីរ៉ក ដែលការចាប់ផ្តើមនៃការក្លាយជាព្យាការី និងការបញ្ចុះគម្ពីរអាល់គួអានបានកើតឡើងនៅទីនោះព្រមទាំងរូងភ្នំដែលត្រូវបានលើកឡើងនៅក្នុងគម្ពីរអាល់គួអាន ដែលអល់ឡោះបានបញ្ចុះភាពស្ងប់សុខ(សាកីណះ)ទៅលើគាត់៖ វាត្រូវបានគេដឹងថា កន្លែងរបស់ព្យាការីផ្សេងទៀត (ដែលមិនច្បាស់លាស់) គឺរឹតតែមិនគួរត្រូវបានកំណត់ជាគោលដៅសម្រាប់ការធ្វើដំណើរទៅកាន់ទីនោះ ដើម្បីសឡាត ឬបួងសួង ឬអ្វីផ្សេងទៀតឡើយ ជាពិសេសប្រសិនបើយើងមិនដឹងថាវាជារឿងពិត ឬជារឿងកុហក?» ( )។


ឱខ្ញុំបម្រើរបស់អល់ឡោះទាំងឡាយ! អ៊ីបនុល កយ្យិម ‘ បានមានប្រសាសន៍ថា៖ «ផ្ទុយទៅវិញ សូម្បីតែរូងភ្នំ ហ៊ីរ៉ក ដែលជាកន្លែងចាប់ផ្តើមនៃការចុះមកនៃវ៉ាហ៊ី(វិវរណៈ) ដែលគាត់(ព្យាការី) ធ្លាប់ទៅសម្ងំនៅទីនោះមុនពេលក្លាយជាព្យាការី ក៏គាត់មិនដែលមានបំណងទៅទីនោះទៀតដែរ ហើយក៏គ្មានសហាបះណាម្នាក់របស់គាត់ទៅដែរ បន្ទាប់ពីមានព្យាការី ពេញមួយរយៈពេលដែលគាត់ស្នាក់នៅម៉ាក្កះ។


គាត់មិនបានកំណត់កន្លែងណាមួយដែលវ៉ាហ៊ីបានចុះមក ដើម្បីធ្វើការគោរពសក្ការៈនោះទេ ហើយគាត់ក៏មិនបានកំណត់ពេលវេលាណាមួយដែលវ៉ាហ៊ីបានចុះមក ដើម្បីធ្វើជាពេលវេលាគោរពសក្ការៈដែរ។


អ្នកដែលកំណត់ទីកន្លែង និងពេលវេលាដោយខ្លួនឯង ដើម្បីធ្វើការគោរពសក្ការៈ ដោយយោងទៅលើហេតុផលទាំងនេះ (ទីកន្លែង/ពេលវេលាប្រវត្តិសាស្ត្រ) គឺប្រៀបដូចជាទង្វើរបស់ "អះលុល គីតាប" (គ្រិស្ទាន និង ជ្វីហ្វ) ដែលបានកំណត់ពេលវេលានៃព្រឹត្តិការណ៍ជីវិតរបស់លោកយេស៊ូ(ណាពីអ៊ីសា) ឲ្យទៅជាពិធីបុណ្យ និងការគោរពសក្ការៈ ដូចជាថ្ងៃបុណ្យកំណើត (Christmas) និងថ្ងៃបុណ្យជ្រមុជទឹក (Baptism) និងអ្វីៗផ្សេងទៀតដែលទាក់ទងនឹងជីវិតរបស់គាត់»។( )


ស្ហៃខ មូហាំម៉ាត់ ហាមីដ អាល់-ហ្វីគី ‘ បាននិយាយអំពីបញ្ហានៃការលើកតម្កើងផ្ទាំងថ្មដែលនៅក្បែរភ្នំ អារ៉ាហ្វះ ថា៖ «ផ្ទាំងថ្មទាំងនោះមិនមានលក្ខណៈពិសេសអ្វីលើសពីផ្នែកផ្សេងទៀតនៃជើងភ្នំអារ៉ាហ្វះនោះទេ។ ព្យាការី × បានឈរនៅទីនោះ គ្រាន់តែដើម្បីធ្វើជាសញ្ញាសម្គាល់សម្រាប់អ្នកដែលចង់ជួបគាត់នៅថ្ងៃនោះ (ថ្ងៃអារ៉ាហ្វះ) សម្រាប់កិច្ចការណាមួយដែលកើតឡើងចំពោះពួកគេ ដូចជាពួកគេបានសួរគាត់អំពីបុរសម្នាក់ដែលបានធ្លាក់ពីលើអូដ្ឋរបស់គាត់ហើយស្លាប់នៅថ្ងៃនោះ។ ហើយអល់ឡោះដឹងច្បាស់បំផុត» ( )។


បងប្អូនអ្នកមានជំនឿទាំងឡាយ! ក្នុងចំណោមទីកន្លែងដែលល្បីល្បាញខាងការលើកតម្កើង គឺទីកន្លែងដែលគេនិយាយថាជា កន្លែងដែលព្យាការី × បានប្រសូត។ ទីតាំងនេះ ទោះបីជាគេប៉ាន់ស្មានថាវាពិតជាកន្លែងនោះមែនក៏ដោយ ក៏ការលើកតម្កើងវាគឺជារឿងមិនត្រឹមត្រូវដែរ។ ពីព្រោះព្យាការី × មិនបានជំរុញប្រជាជាតិមូស្លីម ឲ្យធ្វើបែបនោះទេ។ ប្រសិនបើវាជារឿងល្អ គាត់ច្បាស់ជាបានណែនាំយើងហើយ។។


ស្ហៃខ សឡេះ ប៊ីន ហ្វាវហ្សាន អាល់-ហ្វាវហ្សាន -حفظه الله- បាននិយាយនៅក្នុងអត្ថបទមួយដែលមានចំណងជើងថា «ការថែរក្សានូវអ្វីដែលគេគិតថាជាទីកន្លែងកំណើតរបស់ព្យាការី × »៖ “រាល់ការសរសើរគឺចំពោះអល់ឡោះ, សឡាវ៉ាត និងសន្តិភាពសូមមានលើព្យាការីមូហាំម៉ាត់ ក្រុមគ្រួសារ និងសហាបះរបស់គាត់។ បន្ទាប់មក មានការសរសេរជាច្រើននៅក្នុងកាសែត និងការពិភាក្សានៅក្នុងវេទិកានានា... អំពីទីកន្លែងដែលគេអះអាងថាជាកន្លែងកំណើតរបស់ព្យាការី × នៅម៉ាក្កះ និងថាវាចាំបាច់ត្រូវតែថែរក្សានិងទុកវាឲ្យនៅដដែល ដើម្បីជាការថែរក្សានូវព្រឹត្តិការណ៍ប្រវត្តិសាស្ត្រ។ យើងសូមនិយាយថា៖


1.    វាមិនត្រូវបានបញ្ជាក់ឲ្យច្បាស់លាស់ពីអត្ថបទគម្ពីរ ឬស៊ុនណះ ពីទីកន្លែងកំណើតរបស់ព្យាការី × នោះទេ។ ប្រសិនបើការដឹងអំពីវាមានប្រយោជន៍សម្រាប់យើង ម៉្លេះសមអល់ឡោះនិងអ្នកនាំសាររបស់ទ្រង់បានបញ្ជាក់ប្រាប់យើងហើយ។


2.    បើទោះបីជាទីកន្លែងកំណើតរបស់ព្យាការី × ត្រូវបានបញ្ជាក់ថាត្រឹមត្រូវតាមប្រវត្តិសាស្ត្រដូចដែល ស្ហៃខ ស៊ូឡៃម៉ាន បានអះអាងក៏ដោយ ក៏វាមិនត្រូវបានអនុញ្ញាតតាមច្បាប់សាសនាឲ្យយើងធ្វើការថែរក្សាវាដែរ។ ពីព្រោះព្យាការី × និងសហាបះរបស់គាត់ មិនដែលថែរក្សាវា និងមិនដែលយកចិត្តទុកដាក់ចំពោះវាទេ។ អ្វីដែលចាំបាច់គឺការយកចិត្តទុកដាក់ចំពោះសុណ្ណះ (គំរូ/ការប្រតិបត្តិ) របស់គាត់គាត់ និងសុណ្ណះរបស់ខាលីហ្វះរបស់គាត់(កំពូលអ្នកដឹកនាំទាំងបួនបន្ទាប់ពីគាត់) ដូចដែលព្យាការីបានផ្តាំផ្ញើ។


3.    អ្វីដែលចាំបាច់ត្រូវថែរក្សា គឺទីកន្លែងដែលត្រូវបានប្រើសម្រាប់ធ្វើពិធីសាសនា និងការគោរពសក្ការៈ ដូចជា ម៉ាស្ជិត អាល់-ហារ៉ម, មីណា, មូហ្សដាលីហ្វះ, និង អារ៉ាហ្វះ។


ចំពោះផ្ទះសម្បែង និងទ្រព្យសម្បត្តិនៅម៉ាក្កះ គឺជាកម្មសិទ្ធិរបស់ម្ចាស់វា ពួកគេអាចលក់ដូរ និងបន្តមរតកដូចជាទ្រព្យសម្បត្តិផ្សេងទៀតដែរ។


ហេតុនេះហើយ នៅពេលដែលព្យាការី × ត្រូវបានគេសួរនៅពេលដែលគាត់ចូលមកដល់ម៉ាក្កះថា៖ "តើលោកនឹងស្នាក់នៅក្នុងផ្ទះរបស់លោកនៅថ្ងៃស្អែកឬ?"


គាត់ឆ្លើយថា៖


وَهَلْ تَرَكَ لَنَا عَقِيلٌ مِنْ رِبَاعٍ أَوْ دُورٍ؟ [رواه البخاري (1588)، ومسلم (1351)]


«តើ អាគីលនៅសល់ផ្ទះ ឬទីជម្រកណាមួយទុកឲ្យយើងឬ?»


មានន័យថា អាគីល ប៊ីន អាប៊ី តាលីប បានលក់វាអស់ហើយ នៅពេលដែលព្យាការី × បានធ្វើហ៊ីជ្ជរ៉ះ(ចាកចេញ)ទៅកាន់ម៉ាឌីណះ។


ព្យាការី × បានស្នាក់នៅកន្លែងណាក៏បាននៅម៉ាក្កះ ដែលងាយស្រួលសម្រាប់គាត់ ដូចជាគាត់បានស្នាក់នៅតំបន់ អាល់-អាប់តះ និង អាល់-មូអាល់ឡា ជាដើម។


4.    ការការថែរក្សាទីកន្លែងទាំងនេះ (ដូចជាកន្លែងកំណើត) អាចបោកបញ្ឆោតដល់ពួកល្ងង់ខ្លៅ និងពួកវង្វេង ឲ្យធ្វើការស្វែងរក "បារ៉ាកាត់" (សិរីសួស្តី) ពីវា និងទៅទស្សនាវា។ ហើយពួកគេអាចនឹងគិតថាវាគឺជាផ្នែកមួយនៃទីកន្លែងសក្ការៈរបស់សាសនា។


ហើយអល់ឡោះគឺជាអ្នកផ្តល់ភាពជោគជ័យ និងជាអ្នកណែនាំទៅកាន់ផ្លូវដ៏ត្រឹមត្រូវ។ ហើយសូមអល់ឡោះប្រទានពរដល់ព្យាការីរបស់យើង មូហាំម៉ាត់ និងក្រុមគ្រួសារ និងសហាបះរបស់គាត់» ( )។


[ស្ហៃខ សឡេះ អាល់-ហ្វាវហ្សាន ជាសមាជិកនៃគណៈកម្មាធិការអចិន្ត្រៃយ៍សម្រាប់ការចេញហ្វាត់វ៉ា និងជាសមាជិកនៃក្រុមប្រឹក្សាអ្នកប្រាជ្ញជាន់ខ្ពស់]


ឱខ្ញុំបម្រើរបស់អល់ឡោះទាំងឡាយ! មានហាឌីសជាច្រើនដែល ខ្សោយ(ទអ៊ីហ្វ) ឬ ក្លែងក្លាយ(ម៉ាវទុ) ដែលនិយាយអំពីឧត្តមភាពនៃទីកន្លែងមួយចំនួន ឬការសឡាតនៅទីនោះ។ ដូចជាការសឡាតនៅ ជិតដះ (Jeddah), នៅលើផ្ទាំងថ្មនៃ បៃទុល ម៉ាកឌីស (ហ្សេរុយសាឡឹម), នៅ ហូមស៍(ស៊ីរី), នៅ ម៉ារវ៍, នៅ យេម៉ែន, នៅ លីបង់, នៅបណ្តាប្រទេសអាហ្វ្រិក, នៅ អេហ្ស៊ីប និងកន្លែងផ្សេងទៀត។


ហាទីសទាំងអស់នេះ មិនមានមួយណាត្រឹមត្រូវ(សហេស) ពីព្យាការី × នោះទេ( )។


بَارَكَ اللهُ لِي وَلَكُمْ فِي الْقُرْآنِ الْعَظِيمِ، وَنَفَعَنِي وَإِيَّاكُمْ بِمَا فِيهِ مِنَ الْآيَاتِ وَالذِّكْرِ الْحَكِيمِ، أَقُولُ قَوْلِي هَذَا، وَأَسْتَغْفِرُ اللهَ لِي وَلَكُمْ فَاسْتَغْفِرُوهُ، إِنَّهُ هُوَ الْغَفُورُ الرَّحِيمُ.


الخطبة الثانية


الْحَمْدُ لِلَّهِ وَحْدَهُ، وَالصَّلَاةُ وَالسَّلَامُ عَلَى مَنْ لَا نَبِيَّ بَعْدَهُ، أَمَّا بَعْدُ، فاتقوا الله عباد الله،


ចូរពួកអ្នកកោតខ្លាចអល់ឡោះ ឱខ្ញុំបម្រើរបស់អល់ឡោះទាំងឡាយ!


ហើយចូរដឹងថា អត្ថបទគម្ពីរគួរអាន និងកំណត់ត្រារបស់ពួកសាឡាហ្វ បានបង្ហាញអំពី ភាពជា "ប៊ីទអះ" (ការបង្កើតថ្មីខុសឆ្គង) នៃការយកទីកន្លែងដែលព្យាការីធ្លាប់ឆ្លងកាត់ ឬធ្លាប់រស់នៅ ឬធ្លាប់ទទួលបានវ៉ាហ៊ីនៅទីនោះ ធ្វើជាកន្លែងគោរពសក្ការៈ និងសឡាត។


មូលហេតុគឺដោយសារតែព្យាការី × មិនបានកំណត់ច្បាប់បែបនេះទេ។ ប្រសិនបើវាជារឿងគួរធ្វើ គាត់ច្បាស់ជាបានណែនាំសហគមន៍របស់គាត់ឲ្យធ្វើវាហើយ។ ដ្បិតមិនមានរឿងល្អណាមួយឡើយ លើកលែងតែគាត់បានចង្អុលបង្ហាញដល់សហគមន៍របស់គាត់ ហើយមិនមានរឿងអាក្រក់ណាមួយឡើយ លើកលែងតែគាត់បានព្រមានពួកគេឲ្យជៀសវាង។


ដូចដែល អាប៊ូ ហ្សារ ÷ បាននិយាយថា៖


> لَقَدْ تَرَكَنَا مُحَمَّدٌ  صَلَّى اللَّهُ عَلَيْهِ وَسَلَّمَ  وَمَا يُحَرِّكُ طَائِرٌ جَنَاحَيْهِ فِي السَّمَاءِ إِلَّا أَذْكَرَنَا مِنْهُ عِلْمًا < [رواه أحمد  (5/153، 162) والطبراني (1647)]


«បានចាកចេញពីពួកយើង(ស្លាប់) ដោយគាត់មិនបានបន្សល់ទុកនូវរឿងអ្វីមួយ (ដែលមិនបានបង្រៀន) សូម្បីតែសត្វស្លាបដែលបក់ស្លាបរបស់វានៅលើមេឃ ក៏គាត់បានផ្តល់ចំណេះដឹងដល់យើងអំពីវាដែរ»។


មានន័យថា គាត់បានបង្រៀនសាសនាសព្វគ្រប់អស់ហើយ សូម្បីតែរឿងតូចតាច)។


អាស្រ័យហេតុនេះ៖ វាមិនត្រូវបានអនុញ្ញាតឡើយ ក្នុងការទៅទស្សនាទីកន្លែងដែលព្យាការី × មិនបានកំណត់ច្បាប់ឲ្យទៅទស្សនា។ មិនថាទីកន្លែងនោះនៅ ម៉ាឌីណះ ឬនៅ ម៉ាក្កះ ដូចជា រូងភ្នំ ហ៊ីរ៉ក ឬអ្វីដែលគេហៅថា ផ្ទះព្យាការី × ឬទីកន្លែងមួយចំនួនដែលនៅរាយប៉ាយនៅទូទាំងពិភពអ៊ីស្លាម ដូចជានៅ អាល់-ស្ហាម (ស៊ីរី/ប៉ាឡេស្ទីន) ឬកន្លែងផ្សេងទៀត។


ទាំងអស់នេះគឺជា "ប៊ីទអះ"(រឿងបង្កើតថ្មី)នៅក្នុងសាសនា។ មនុស្សមិនទទួលបានផលបុណ្យពីការធ្វើវានោះទេ តែផ្ទុយទៅវិញ នឹងទទួលបានបាបកម្ម ។


អ្វីដែលល្អបំផុតសម្រាប់អ្នកដែលធ្វើដំណើរទៅ ម៉ាក្កះ គឺការស្នាក់នៅក្នុង ម៉ាស្ជិត អាល់-ហារ៉ម នៅម៉ាក្កះ ឬ ម៉ាស្ជិតព្យាការីនៅម៉ាឌីណះ ហើយធ្វើការសឡាត "ណាវ៉ាហ្វីល"(សឡាតសុណ្ណះ)ឲ្យបានច្រើន និងការរំលឹកអល់ឡោះ(ហ្សីកៀរ) និងការសូត្រគម្ពីរអាល់គួអាន និងការដើរ "តាវ៉ាហ្វ" (នៅកាក់បះ)។ នេះគឺជាអ្វីដែលពួក សាឡាហ្វធ្លាប់ធ្វើ និងជាអ្វីដែលគម្ពីរគួរអាន និងសុណ្ណះបានណែនាំ។ ហើយអល់ឡោះដឹងច្បាស់បំផុត។