ឱបងប្អូនមូស្លីមទាំងឡាយ! ចូរកោតខ្លាចអល់ឡោះជាម្ចាស់ដ៏ខ្ពង់ខ្ពស់ ហើយត្រូវមានស្មារតីដឹងជានិច្ចថា ទ្រង់តែងតែឃ្លាំមើលរាល់ទង្វើរបស់យើង មិនថាលាក់កំបាំង ឬបើកចំហ។ ចូរអនុវត្តតាមឲ្យបានត្រឹមត្រូវនិងខ្ជាប់ខ្ចួន នូវរាល់បទបញ្ជាទាំងឡាយរបស់ទ្រង់ ហើយចៀសវាងឲ្យឆ្ងាយពីរាល់ប្រការទាំងឡាយដែលទ្រង់បានហាមឃាត់។


ចូរអ្នកដឹងថា អល់ឡោះបានបានបង្កើតមនុស្សលោក និងពពួកជិន ដើម្បីឱ្យពួកគេគោរពសក្ការៈចំពោះទ្រង់តែមួយ និងមិនឱ្យពួកគេផ្សំភ្ជាប់ទ្រង់ជាមួយនឹងអ្វីផ្សេងឡើយ។ ដូចដែលទ្រង់បានមានបន្ទូលថា៖


ﵟوَمَا خَلَقۡتُ ٱلۡجِنَّ وَٱلۡإِنسَ إِلَّا لِيَعۡبُدُونِ ٥٦ﵞ ﵝالذَّارِيَات : ﵖﵕﵜ


“ហើយយើងមិនបានបង្កើតជិននិងមនុស្សលោកនោះឡើយ លើកលែងដើម្បីឱ្យពួកគេគោរពសក្ការៈ(មកចំពោះយើងតែមួយគត់)ប៉ុណ្ណោះ។”


ទ្រង់បានបញ្ជូនបណ្ដាអ្នកនាំសារដើម្បីគោលបំណងនោះដែរ ដោយបានមានបន្ទូលថា៖


ﵟوَمَآ أَرۡسَلۡنَا مِن قَبۡلِكَ مِن رَّسُولٍ إِلَّا نُوحِيٓ إِلَيۡهِ أَنَّهُۥ لَآ إِلَٰهَ إِلَّآ أَنَا۠ فَٱعۡبُدُونِ ٢٥ﵞ ﵝالأَنبِيَاء : ﵕﵒﵜ


“ហើយយើងមិនបានបញ្ជូនអ្នកនាំសារណាម្នាក់មុនអ្នក(ឱអ្នកនាំសារមូហាំម៉ាត់)នោះឡើយ លើកលែងតែយើងបានផ្តល់វ៉ាហ៊ីទៅកាន់គេថា៖ ពិតប្រាកដណាស់ គ្មានព្រះជាម្ចាស់ឯណាដែលត្រូវគោរពសក្ការៈដ៏ពិតប្រាកដក្រៅពីយើងឡើយ។ ហេតុនេះ ចូរពួកអ្នកគោរពសក្ការៈចំពោះយើង(តែមួយគត់)។”


ទ្រង់បានហាមឃាត់ខ្ញុំបម្រើរបស់ទ្រង់ពីការដាក់ភាគីជាមួយទ្រង់ក្នុងការគោរពប្រណិប័តន៍ ដោយបានមានបន្ទូលថា៖


ﵟوَلَقَدۡ أُوحِيَ إِلَيۡكَ وَإِلَى ٱلَّذِينَ مِن قَبۡلِكَ لَئِنۡ أَشۡرَكۡتَ لَيَحۡبَطَنَّ عَمَلُكَ وَلَتَكُونَنَّ مِنَ ٱلۡخَٰسِرِينَ ٦٥ بَلِ ٱللَّهَ فَٱعۡبُدۡ وَكُن مِّنَ ٱلشَّٰكِرِينَ ٦٦ﵞ ﵝالزُّمَر : ﵕﵖ - ﵖﵖﵜ


“ហើយជាការពិតណាស់ គេបានផ្តល់វ៉ាហ៊ីទៅកាន់អ្នក(ឱអ្នកនាំសារមូហាំម៉ាត់) និងទៅកាន់អ្នក(នាំសារ)ជំនាន់មុនអ្នកថា៖ ប្រសិនបើអ្នកធ្វើស្ហ៊ីរិក(មកចំពោះយើង) នោះទង្វើ(កុសល)របស់អ្នកពិតជានឹងរលាយសាបសូន្យ ហើយអ្នកប្រាកដជានឹងស្ថិតក្នុងចំណោមពួកដែលខាតបង់ជាមិនខាន។ ផ្ទុយទៅវិញ ចំពោះអល់ឡោះ(តែមួយគត់) ចូរអ្នកគោរពសក្ការៈ ហើយចូរអ្នកស្ថិតក្នុងចំណោមបណ្តាអ្នកដែលដឹងគុណ។”


ទ្រង់បានបញ្ជាក់ឲ្យយើងដឹងថា ស្ហីរិក(ការភ្ជាប់ដៃគូជាមួយទ្រង់)គឺជាអំពើបាបដ៏ធំបំផុត ដោយបានមានបន្ទូលថា៖


ﵟإِنَّ ٱللَّهَ لَا يَغۡفِرُ أَن يُشۡرَكَ بِهِۦ وَيَغۡفِرُ مَا دُونَ ذَٰلِكَ لِمَن يَشَآءُۚ وَمَن يُشۡرِكۡ بِٱللَّهِ فَقَدِ ٱفۡتَرَىٰٓ إِثۡمًا عَظِيمًا ٤٨ﵞ ﵝالنِّسَاء : ﵘﵔﵜ


“ពិតប្រាកដណាស់ អល់ឡោះជាម្ចាស់ទ្រង់មិនអភ័យទោសឱ្យអ្នកដែលធ្វើស្ហ៊ីរិកចំពោះទ្រង់ឡើយ តែទ្រង់នឹងអភ័យទោសឱ្យចំពោះបាបកម្មផ្សេងពីនេះ ចំពោះជនណាដែលទ្រង់មានចេតនា។ ហើយជនណាដែលធ្វើស្ហ៊ីរិកនឹងអល់ឡោះជាម្ចាស់នោះ ពិតប្រាកដណាស់ រូបគេពិតជាបានប្រព្រឹត្តបាបកម្មមួយដ៏ធ្ងន់ធ្ងរបំផុត។”


បងប្អូនអ្នកមានជំនឿទាំងឡាយ! នៅក្នុងខុតបះមុនៗ មុនៗ យើងបានលើកឡើងអំពីទម្រង់មួយចំនួននៃការនិយមជ្រុល (ការលើកតម្កើងហួសហេតុ) ចំពោះផ្នូរ ដែលកំពុងរីកសាយភាយនៅក្នុងប្រទេសមូស្លីមមួយចំនួន។ ហើយនៅថ្ងៃនេះ យើងនឹងនិយាយអំពីទម្រង់ថ្មីមួយទៀតគឺ ការស្នាក់នៅធ្វើសក្ការៈនៅទីផ្នូរ(អូកូហ្វ) និងការដើរប្រទក្សិណ(តវ៉ាហ្វ)ជុំវិញផ្នូរ។


ឱបងប្អូនមូស្លីម! ពាក្យថា "អាល់-អាកូហ្វ" មកពីពាក្យ "អាល់-អៀកទីកាហ្វ" ដែលមានន័យថា ការនៅជាប់នឹងអ្វីមួយ។ ការធ្វើអៀកតីកាហ្វនេះ មានប្រភេទដែលត្រូវបានអនុញ្ញាត និងប្រភេទដែលត្រូវបានហាមឃាត់។


អូកូហ្វ ដែលត្រូវបានអនុញ្ញាត(តាមច្បាប់សាសនា)៖ គឺការសម្ងំធម៌នៅក្នុងម៉ាស្ជិត ដើម្បីគោរពប្រតិបត្តិចំពោះអល់ឡោះ ដូចជាការសឡាត ការរំលឹកដល់អល់ឡោះ និងការសូត្រគម្ពីរអាល់គួអាន។ អល់ឡោះមានបន្ទូលថា៖


ﵟوَلَا تُبَٰشِرُوهُنَّ وَأَنتُمۡ عَٰكِفُونَ فِي ٱلۡمَسَٰجِدِﵞ ﵝالبَقَرَةِ : ﵗﵘﵑﵜ


“ហើយពួកអ្នកមិនត្រូវរួមដំណេកជាមួយពួកនាង ខណៈពេលដែលពួកអ្នកកំពុងតែអៀកទីកាហ្វនៅក្នុងម៉ាស្ជិតឡើយ។”


អ្នកធ្វើអៀកតីកាហ្វ គឺត្រូវតាំងនៅក្នុងវិហារ និងមិនចេញពីវិហារឡើយ (លើកលែងតែមានការចាំបាច់)។


អូកូហ្វដែលគេហាមឃាត់: គឺការនៅជាប់នឹងកន្លែងណាមួយដើម្បីប្រព្រឹត្តអំពើបាបចំពោះអល់ឡោះ។ ឧទាហរណ៍នៃរឿងនេះ គឺអ្វីដែលអល់ឡោះបាននិទានប្រាប់យើងអំពី ព្យាការី អ៊ីព្រហ៊ីម  | នៅពេលដែលគាត់សួរទៅកាន់ប្រជាជាតិរបស់គាត់ថា៖


ﵟمَا هَٰذِهِ ٱلتَّمَاثِيلُ ٱلَّتِيٓ أَنتُمۡ لَهَا عَٰكِفُونَ ٥٢ﵞ ﵝالأَنبِيَاء : ﵒﵕﵜ


“តើរូបបដិមាដែលពួកអ្នកនាំគ្នាគោរពសក្ការៈចំពោះពួកវាទាំងនេះ គឺជាអ្វី?


មានន័យថា៖ ពួកអ្នកកំពុងស្នាក់នៅក្បែរវា និងនៅជាប់នឹងវា ដើម្បីគោរពសក្ការៈវា។


មនុស្សមួយចំនួនបាននិយមជ្រុលក្នុងការលើកតម្កើងអ្នកស្លាប់ រហូតដល់បញ្ហានេះបានឈានដល់កម្រិតនៃ ការសម្ងំនៅឯផ្នូររបស់ជនសុចរិត ដោយពួកគេស្នាក់នៅទីនោះជាច្រើនថ្ងៃដើម្បីធ្វើការសឡាតនៅទីនោះ និងការបួងសួង (នៅឯផ្នូរនោះ) ដោយសង្ឃឹមថានឹងទទួលបានផលបុណ្យ និងការតបស្នង! (ដែលនេះគឺជាការយល់ខុសដ៏ធ្ងន់ធ្ងរ ព្រោះការបួងសួង ឬសុំពរជ័យពីអ្នកស្លាប់ គឺជាអំពើហាមឃាត់)។


អ៊ីបនូ តៃមីយ៉ះ ‘ បានមានប្រសាសន៍ថា៖ «ចំពោះការធ្វើ "អាកូហ្វ" (ការសម្ងំ) និងការស្នាក់នៅក្បែរដើមឈើ ឬដុំថ្ម មិនថាមានរូបចម្លាក់ ឬគ្មានរូបចម្លាក់ ឬការធ្វើ "អាកូហ្វ" និងការស្នាក់នៅក្បែរ ផ្នូររបស់ព្យាការី ឬផ្នូរអ្នកផ្សេងក្រៅពីព្យាការី ឬកន្លែងសក្ការៈរបស់ព្យាការី ឬអ្នកផ្សេងក្រៅពីព្យាការី នោះ ទង្វើនេះមិនមែនជាសាសនារបស់ជនមូស្លីមនោះទេ។ ផ្ទុយទៅវិញ វាគឺជាប្រភេទសាសនារបស់ពួក មូស្ហរីគីន(អ្នកគោរពព្រះច្រើន) ដែលអល់ឡោះបានប្រាប់អំពីពួកគេនៅក្នុងគម្ពីររបស់ទ្រង់ថា៖


ﵟوَلَقَدۡ ءَاتَيۡنَآ إِبۡرَٰهِيمَ رُشۡدَهُۥ مِن قَبۡلُ وَكُنَّا بِهِۦ عَٰلِمِينَ ٥١ إِذۡ قَالَ لِأَبِيهِ وَقَوۡمِهِۦ مَا هَٰذِهِ ٱلتَّمَاثِيلُ ٱلَّتِيٓ أَنتُمۡ لَهَا عَٰكِفُونَ ٥٢ﵞ ﵝالأَنبِيَاء : ﵑﵕ - ﵒﵕﵜ


“ហើយជាការពិតណាស់ យើងបានប្រទានឱ្យព្យាការីអ៊ីព្រហ៊ីមនូវការចង្អុលបង្ហាញដល់គេកាលពីមុន។ ហើយយើងជាអ្នកដែលដឹងបំផុតចំពោះគេ។ នៅពេលដែលគាត់បាននិយាយទៅកាន់ឪពុករបស់គាត់ និងក្រុមរបស់គាត់ថា៖ តើរូបបដិមាដែលពួកអ្នកនាំគ្នាគោរពសក្ការៈចំពោះពួកវាទាំងនេះ គឺជាអ្វី?


នេះគឺជាការសម្ងំ (អាកូហ្វ) របស់ពួកមូស្ហរីគីន។ ចំណែកឯការសម្ងំរបស់ជនមូស្លីម គឺនៅក្នុង ម៉ាស្ជិត ដើម្បីគោរពសក្ការៈចំពោះអល់ឡោះតែមួយគត់ គ្មានដៃគូសម្រាប់ទ្រង់។ រីឯការសម្ងំរបស់ពួកមូស្ហរីគីន គឺធ្វើឡើងចំពោះអ្វីដែលពួកគេសង្ឃឹម (ចង់បានប្រយោជន៍) និងភ័យខ្លាច ក្រៅពីអល់ឡោះ ហើយពួកគេចាត់ទុកវត្ថុទាំងនោះជាដៃគូ (របស់អល់ឡោះ) និងជាអ្នកជួយអង្វរ (ស្ហាហ្វាអះ)»។( )"


ហើយគាត់ (អ៊ីបនូ តៃមីយ៉ះ) ក៏បាននិយាយដែរថា៖ «ដោយហេតុនេះហើយ បានជាពួក សាឡាហ្វ(អ្នកកាន់សាសនជំនាន់ដើមដ៏ល្អត្រឹមត្រូវ) ពួកគេឧស្សាហ៍សុំពរជ័យ និងសន្តិភាពដល់ព្យាការី នៅគ្រប់ទីកន្លែងនិងគ្រប់ពេលវេលា ប៉ុន្តែ ពួកគេមិនដែលទៅជួបជុំគ្នានៅឯផ្នូររបស់គាត់ឡើយ។ ពួកគេមិនទៅទីនោះដើម្បីសូត្រគម្ពីរចប់  ឬដុតទៀន ឬចែកអាហារនិងទឹក ឬសូត្រកំណាព្យ ឬអ្វីផ្សេងទៀតដូចនេះទេ។ ផ្ទុយទៅវិញ ទង្វើទាំងនេះគឺជា "ប៊ីទអះ"(ការបង្កើតថ្មីក្នុងសាសនាដែលខុសឆ្គង)។ អ្វីដែលពួកគេធ្លាប់ធ្វើនៅក្នុងម៉ាស្ជិត របស់គាត់ គឺដូចជាអ្វីដែលត្រូវបានអនុញ្ញាតឲ្យធ្វើនៅក្នុងម៉ាស្ជិតដទៃទៀតដែរ ដូចជាការសឡាត ការសូត្រគម្ពីរ ការរំលឹកអល់ឡោះ(ហ្សីកៀរ) ការបួងសួង ការធ្វើអៀកតីកាហ្វ ការបង្រៀននិងរៀនគម្ពីរអាល់គួអាន និងចំណេះដឹងជាដើម»។( )


ឱខ្ញុំបម្រើរបស់អល់ឡោះទាំងឡាយ! ការសម្ងំអៀកតីកាហ្វនៅក្បែរវត្ថុគ្មានជីវិត (ដូចជាថ្ម ដើមឈើ ផ្នូរ) ដោយមានចេតនាគោរពសក្ការៈ គឺជាលក្ខណៈរបស់ពួក "ជាហ៊ីលីយ៉ះ" (ពួកល្ងង់ខ្លៅសម័យមុនអ៊ីស្លាម)។


រាយការណ៍ពី អាប៊ូ វ៉ាគីទ អាល់-ឡៃស៊ី ÷ បាននិយាយថា៖ យើងបានចេញដំណើរជាមួយអ្នកនាំសាររបស់អល់ឡោះ × ទៅកាន់សមរភូមិ ហ៊ូណៃន៍ ហើយពេលនោះពួកយើងទើបតែចាកចេញពីភាពមិនជឿ(កាហ្វៀរ) ថ្មីៗ (មានន័យថា ពួកគេទើបតែចូលអ៊ីស្លាមថ្មីៗ មិនទាន់យល់ច្បាស់)។ ពួកមូស្ហរីគីន(អ្នកគោរពរូបព្រះ) មានដើមទ្រយឹងមួយដើម ដែលពួកគេតែងតែ សម្ងំអៀកតីកាហ្វនៅជុំវិញវា និងព្យួរអាវុធរបស់ពួកគេនៅលើវា(ដើម្បីសុំសិរីសួស្តីពីដើមឈើនោះ) ដែលដើមឈើនោះត្រូវបានគេហៅថា "ហ្សាត អាល់-អាន់វ៉ាត" ( )។ ដូច្នេះ នៅពេលយើងបានដើរកាត់ដើមទ្រយឹងមួយដើម យើងក៏និយាយថា៖ "ឱអ្នកនាំសាររបស់អល់ឡោះ! សូមបង្កើត ហ្សាត អាល់-អាន់វ៉ាត មួយសម្រាប់ពួកយើង ដូចដែលពួកគេមាន ហ្សាត អាល់-អាន់វ៉ាត ដែរ"។


ពេលនោះ ព្យាការី ﷺ មានប្រសាសន៍ថា៖


> اللَّهُ أَكْبَرُ، إِنَّهَا السُّنَنُ، قُلْتُمْ وَالَّذِي نَفْسِي بِيَدِهِ كَمَا قَالَتْ بَنُو إِسْرَائِيلَ لِمُوسَى: ﴿اجْعَل لَّنَا إِلَٰهًا كَمَا لَهُمْ آلِهَةٌ ۚ قَالَ إِنَّكُمْ قَوْمٌ تَجْهَلُونَ﴾ لَتَرْكَبُنَّ سَنَنَ مَنْ كَانَ قَبْلَكُمْ <


«អល់ឡោះអាកពើរ! នេះគឺជាទម្លាប់ (របស់អ្នកមុនៗ)។ ពួកអ្នកពិតជាបាននិយាយពាក្យសម្ដីមួយ - ដោយអ្នកដែលព្រលឹងខ្ញុំនៅក្នុងដៃរបស់ទ្រង់ - ដូចអ្វីដែលកូនចៅអ៊ីស្រាអែលបាននិយាយទៅកាន់មូសាថា៖ "សូមបង្កើតព្រះមួយសម្រាប់ពួកយើង ដូចដែលពួកគេមានព្រះជាច្រើនដែរ  គាត់(មូសា) បាននិយាយថា ពិតប្រាកដណាស់ ពួកអ្នកគឺជាក្រុមមនុស្សដែលល្ងង់ខ្លៅ" (ពិតប្រាកដណាស់) ពួកអ្នកពិតជានឹងដើរតាមគន្លងរបស់អ្នកដែលនៅមុនពួកអ្នក។»( )


(ហាទីសនេះបង្ហាញថា ការសុំវត្ថុពិសិដ្ឋដើម្បីគោរពសក្ការៈ ឬសុំសិរីសួស្តី គឺស្មើនឹងការសុំព្រះក្លែងក្លាយ។)


ឱខ្ញុំបម្រើរបស់អល់ឡោះទាំងឡាយ! ការធ្វើ "អ៊ូគូហ្វ" (ការស្នាក់នៅគោរពសក្ការៈ) នៅឯផ្នូរ ត្រូវបានចាត់ទុកថាជា ការនិយមជ្រុលដែលគួរឲ្យស្អប់ខ្ពើម។ វាមិនមែនជាអ្វីដែលអល់ឡោះបានបញ្ជាឡើយ ប៉ុន្តែវាជាអ្វីដែលអល់ឡោះនិងរ៉ស៊ូលរបស់ទ្រង់បានហាមឃាត់ ហើយវាគឺជាមធ្យោបាយមួយដែលនាំទៅរក ស្ហីរិក(ការគោរពដៃគូជាមួយអល់ឡោះ) និងជាផ្លូវរបស់ពួកល្ងង់ខ្លៅ។ អ្នកណាដែលចង់ធ្វើ អៀកទីកាហ្វ ត្រឹមត្រូវតាមច្បាប់សាសនា ត្រូវធ្វើវានៅក្នុង ម៉ាស្ជិត ដើម្បីគោរពប្រតិបត្តិចំពោះអល់ឡោះ។ ហើយអល់ឡោះដឹងច្បាស់បំផុត។


بَارَكَ اللهُ لِي وَلَكُمْ فِي الْقُرْآنِ الْعَظِيمِ، وَنَفَعَنِي وَإِيَّاكُمْ بِمَا فِيهِ مِنَ الْآيَاتِ وَالذِّكْرِ الْحَكِيمِ، أَقُولُ قَوْلِي هَذَا، وَأَسْتَغْفِرُ اللهَ لِي وَلَكُمْ فَاسْتَغْفِرُوهُ، إِنَّهُ هُوَ الْغَفُورُ الرَّحِيمُ.


الخطبة الثانية


الْحَمْدُ لِلَّهِ وَحْدَهُ، وَالصَّلَاةُ وَالسَّلَامُ عَلَى مَنْ لَا نَبِيَّ بَعْدَهُ، أَمَّا بَعْدُ، فَاتَّقُوا اللهَ عِبَادَ اللهِ.


ចូរពួកអ្នកកោតខ្លាចអល់ឡោះ ឱខ្ញុំបម្រើរបស់អល់ឡោះទាំងឡាយ! ហើយចូរដឹងថា ក្នុងចំណោមទម្រង់នៃការលើកតម្កើងអ្នកស្លាប់ គឺការដើរ "តាវ៉ាហ្វ" (ដើរក្រវិលជុំវិញ) ផ្នូររបស់ពួកគេ។ នេះគឺជា "ស្ហីរិក" យ៉ាងច្បាស់ក្រឡែត។


មូលហេតុគឺដោយសារតែ "តាវ៉ាហ្វ" គឺជាការគោរពសក្ការៈ(អ៊ីបាដះ)។ អល់ឡោះទ្រង់មានបន្ទូលថា៖


﴿وَلْيَطَّوَّفُوا بِالْبَيْتِ الْعَتِيقِ﴾ [الحج: 29]


“ចូរឲ្យពួកគេតវ៉ាហ្វជុំវិញពៃតុលឡោះ។” (គឺកាក់បះ នៅម៉ាក្កះ)


នៅពេលដែលវាត្រូវបានបញ្ជាក់ថា តាវ៉ាហ្វ គឺជាការគោរពសក្ការៈ នោះការបង្វែរវាទៅធ្វើចំពោះអ្នកផ្សេងក្រៅពីអល់ឡោះ (ដូចជាធ្វើចំពោះផ្នូរ) គឺជា ស្ហីរិក។


ហើយវាត្រូវបានគេដឹងច្បាស់ថា អល់ឡោះមិនបានអនុញ្ញាតឲ្យធ្វើ តាវ៉ាហ្វ ឡើយ លើកលែងតែ តាវ៉ាហ្វជុំវិញ "កាក់បះ" ប៉ុណ្ណោះ ដែលអល់ឡោះបានបង្កើនភាពថ្លៃថ្នូរ ភាពអស្ចារ្យ និងការគោរពដល់វា។ ដូច្នេះ អ្នកណាដែលដើរ តាវ៉ាហ្វ ជុំវិញកន្លែងផ្សេងក្រៅពី កាក់បះ ដូចជាចេតិយ និងផ្នូរ នោះគេពិតជាបានធ្លាក់ចូលទៅក្នុង ស្ហីរិកធំ (បាបកម្មដែលធ្វើឲ្យគេចេញពីសាសនា)។ យើងសុំការការពារពីអល់ឡោះចំពោះរឿងនេះ។