ឱបងប្អូនមូស្លីមទាំងឡាយ! ចូរកោតខ្លាចអល់ឡោះជាម្ចាស់ដ៏ខ្ពង់ខ្ពស់ ហើយត្រូវមានស្មារតីដឹងជានិច្ចថា ទ្រង់តែងតែឃ្លាំមើលរាល់ទង្វើរបស់យើង មិនថាលាក់កំបាំង ឬបើកចំហ។ ចូរអនុវត្តតាមឲ្យបានត្រឹមត្រូវនិងខ្ជាប់ខ្ចួន នូវរាល់បទបញ្ជាទាំងឡាយរបស់ទ្រង់ ហើយចៀសវាងឲ្យឆ្ងាយពីរាល់ប្រការទាំងឡាយដែលទ្រង់បានហាមឃាត់។


ចូរអ្នកដឹងថា អល់ឡោះបានបានបង្កើតមនុស្សលោក និងពពួកជិន ដើម្បីឱ្យពួកគេគោរពសក្ការៈចំពោះទ្រង់តែមួយ និងមិនឱ្យពួកគេផ្សំភ្ជាប់ទ្រង់ជាមួយនឹងអ្វីផ្សេងឡើយ។ ដូចដែលទ្រង់បានមានបន្ទូលថា៖


ﵟوَمَا خَلَقۡتُ ٱلۡجِنَّ وَٱلۡإِنسَ إِلَّا لِيَعۡبُدُونِ ٥٦ﵞ ﵝالذَّارِيَات : ﵖﵕﵜ


“ហើយយើងមិនបានបង្កើតជិននិងមនុស្សលោកនោះឡើយ លើកលែងដើម្បីឱ្យពួកគេគោរពសក្ការៈ(មកចំពោះយើងតែមួយគត់)ប៉ុណ្ណោះ។”


ទ្រង់បានបញ្ជូនបណ្ដាអ្នកនាំសារដើម្បីគោលបំណងនោះដែរ ដោយបានមានបន្ទូលថា៖


ﵟوَمَآ أَرۡسَلۡنَا مِن قَبۡلِكَ مِن رَّسُولٍ إِلَّا نُوحِيٓ إِلَيۡهِ أَنَّهُۥ لَآ إِلَٰهَ إِلَّآ أَنَا۠ فَٱعۡبُدُونِ ٢٥ﵞ ﵝالأَنبِيَاء : ﵕﵒﵜ


“ហើយយើងមិនបានបញ្ជូនអ្នកនាំសារណាម្នាក់មុនអ្នក(ឱអ្នកនាំសារមូហាំម៉ាត់)នោះឡើយ លើកលែងតែយើងបានផ្តល់វ៉ាហ៊ីទៅកាន់គេថា៖ ពិតប្រាកដណាស់ គ្មានព្រះជាម្ចាស់ឯណាដែលត្រូវគោរពសក្ការៈដ៏ពិតប្រាកដក្រៅពីយើងឡើយ។ ហេតុនេះ ចូរពួកអ្នកគោរពសក្ការៈចំពោះយើង(តែមួយគត់)។”


ទ្រង់បានហាមឃាត់ខ្ញុំបម្រើរបស់ទ្រង់ពីការដាក់ភាគីជាមួយទ្រង់ក្នុងការគោរពប្រណិប័តន៍ ដោយបានមានបន្ទូលថា៖


ﵟوَلَقَدۡ أُوحِيَ إِلَيۡكَ وَإِلَى ٱلَّذِينَ مِن قَبۡلِكَ لَئِنۡ أَشۡرَكۡتَ لَيَحۡبَطَنَّ عَمَلُكَ وَلَتَكُونَنَّ مِنَ ٱلۡخَٰسِرِينَ ٦٥ بَلِ ٱللَّهَ فَٱعۡبُدۡ وَكُن مِّنَ ٱلشَّٰكِرِينَ ٦٦ﵞ ﵝالزُّمَر : ﵕﵖ - ﵖﵖﵜ


“ហើយជាការពិតណាស់ គេបានផ្តល់វ៉ាហ៊ីទៅកាន់អ្នក(ឱអ្នកនាំសារមូហាំម៉ាត់) និងទៅកាន់អ្នក(នាំសារ)ជំនាន់មុនអ្នកថា៖ ប្រសិនបើអ្នកធ្វើស្ហ៊ីរិក(មកចំពោះយើង) នោះទង្វើ(កុសល)របស់អ្នកពិតជានឹងរលាយសាបសូន្យ ហើយអ្នកប្រាកដជានឹងស្ថិតក្នុងចំណោមពួកដែលខាតបង់ជាមិនខាន។ ផ្ទុយទៅវិញ ចំពោះអល់ឡោះ(តែមួយគត់) ចូរអ្នកគោរពសក្ការៈ ហើយចូរអ្នកស្ថិតក្នុងចំណោមបណ្តាអ្នកដែលដឹងគុណ។”


ទ្រង់បានបញ្ជាក់ឲ្យយើងដឹងថា ស្ហីរិក(ការភ្ជាប់ដៃគូជាមួយទ្រង់)គឺជាអំពើបាបដ៏ធំបំផុត ដោយបានមានបន្ទូលថា៖


ﵟإِنَّ ٱللَّهَ لَا يَغۡفِرُ أَن يُشۡرَكَ بِهِۦ وَيَغۡفِرُ مَا دُونَ ذَٰلِكَ لِمَن يَشَآءُۚ وَمَن يُشۡرِكۡ بِٱللَّهِ فَقَدِ ٱفۡتَرَىٰٓ إِثۡمًا عَظِيمًا ٤٨ﵞ ﵝالنِّسَاء : ﵘﵔﵜ


“ពិតប្រាកដណាស់ អល់ឡោះជាម្ចាស់ទ្រង់មិនអភ័យទោសឱ្យអ្នកដែលធ្វើស្ហ៊ីរិកចំពោះទ្រង់ឡើយ តែទ្រង់នឹងអភ័យទោសឱ្យចំពោះបាបកម្មផ្សេងពីនេះ ចំពោះជនណាដែលទ្រង់មានចេតនា។ ហើយជនណាដែលធ្វើស្ហ៊ីរិកនឹងអល់ឡោះជាម្ចាស់នោះ ពិតប្រាកដណាស់ រូបគេពិតជាបានប្រព្រឹត្តបាបកម្មមួយដ៏ធ្ងន់ធ្ងរបំផុត។”


បងប្អូនអ្នកមានជំនឿទាំងឡាយ! នៅក្នុងខុតបះមុន យើងបានរៀបរាប់ទម្រង់នៃការជ្រុលនិយម ក្នុងការលើកតម្កើងបណ្តាណាពីនិងអ្នកសុចរិតជារួម និងបានបញ្ជាក់ថាវាមានលើសពី២០ទម្រង់។ នៅក្នុងខុតបះនេះនិងបន្ទាប់ យើងនឹងលើកយកទម្រង់ទាំងនោះមកពន្យល់ជាលម្អិត ព្រមទាំងភស្តុតាងសាសនាក្នុងការព្រមានពីវា។


បងប្អូនខ្ញុំបម្រើរបស់អល់ឡោះ! ទម្រង់ធំបំផុតនៃការលើកតម្កើងអ្នកសុចរិតគឺការយកផ្នូររបស់ពួកគាត់ធ្វើជាម៉ាស្ជិដ។ ការហាមឃាត់របស់ណាពី ه អំពីការយកផ្នូរធ្វើជាម៉ាស្ជិដមានក្នុងហាឌីសជាច្រើន។ ការហាមឃាត់នេះត្រូវបានបញ្ជាក់ម្តងទៀតនៅក្នុងពេលជំងឺមុនមរណៈរបស់លោក ទោះបីជាជំងឺធ្ងន់យ៉ាងណាក៏ដោយ។ បន្ទាប់មកលោកបានបញ្ជាក់ការហាមឃាត់ម្តងទៀតនៅពេលជិតមរណៈ ដែលបង្ហាញពីគ្រោះថ្នាក់និងសារៈសំខាន់នៃរឿងនេះ ព្រោះសូម្បីតែការឈឺចាប់នៃការដកដង្ហើមចុងក្រោយក៏មិនបានរារាំងលោកពីការហាមឃាត់ការយកផ្នូរធ្វើជាកន្លែងសឡាតដែរ។


មានហាឌីសលើសពី២០ពីអ្នកនាំសាររបស់អល់ឡោះអំពីរឿងនេះ រួមមាន:


ហាទីសទីមួយ: ហាឌីសពីចុនដុប ប៊ិន អាប់ឌុលឡោះ អាល់-បាចាលី اថា គាត់បានឮណាពី ﷺ និយាយប្រាំថ្ងៃមុននឹងមរណៈថា៖


> أَلَا وَإِنَّ مَنْ كَانَ قَبْلَكُمْ كَانُوا يَتَّخِذُونَ قُبُورَ أَنْبِيَائِهِمْ وَصَالِحِيهِمْ مَسَاجِدَ أَلَا فَلَا تَتَّخِذُوا الْقُبُورَ مَسَاجِدَ إِنِّي أَنْهَاكُمْ عَنْ ذَلِكَ < [رواه مسلم]


«ចូរដឹងថា ពិតប្រាកដណាស់ ពួកមុនៗអ្នក ធ្លាប់បានយកផ្នូររបស់ព្យាការីរបស់ពួកគេ និងផ្នូររបស់ពួកអ្នកសុចរិតរបស់ពួកគេ ធ្វើជាកន្លែងថ្វាយបង្គំ។ ចូរដឹងថា ពួកអ្នកកុំយកផ្នូរធ្វើជាកន្លែងថ្វាយបង្គំឡើយ។ ពិតប្រាកដណាស់ ខ្ញុំហាមពួកអ្នកពីទង្វើនោះ»


ហាឌីសទីពីរ: ហាឌីសពីអាអ៊ីស្សះ ل និយាយថា អ្នកនាំសាររបស់អល់ឡោះ ه មានប្រសាសន៍នៅក្នុងខណៈជំងឺរបស់លោកមិនបានជាសះស្បើយនោះថា៖


> لَعَنَ اللهُ الْيَهُودَ وَالنَّصَارَى، اتَّخَذُوا قُبُورَ أَنْبِيَائِهِمْ مَسَاجِدَ < [رواه البخاري ومسلم]


«អល់ឡោះបានដាក់បណ្ដាសាជនជាតិយូដានិងគ្រិស្តសាសនិក ដែលពួកគេបានយកផ្នូររបស់ព្យាការីរបស់ពួកគេធ្វើជាម៉ាស្ជិត(កន្លែងគោរពសក្ការៈ)។»


នាង(អាអ៊ីស្ហះ)និយាយថា: "បើមិនមែនដោយសាររឿងនោះទេ ផ្នូររបស់លោកនឹងត្រូវបានដាក់នៅខាងក្រៅ ប៉ុន្តែគេខ្លាចថាវានឹងត្រូវបានគេយកធ្វើជាម៉ាស្ជិដ។"


ពាក្យសម្តីរបស់អាអ៊ីស្សះ ل ច្បាស់លាស់ថា បើមិនមែនដោយសារការខ្លាចរបស់សាហាបះថាមនុស្សនឹងយកផ្នូររបស់ណាពី ه ធ្វើជាកន្លែងសឡាតទេ ពួកគាត់នឹងដាក់វានៅខាងក្រៅ - មានន័យថានឹងបញ្ចុះនៅក្នុងពិធានដូចផ្នូរផ្សេងទៀត។ ដូច្នេះ ពួកគាត់បានឯកភាពគ្នាបញ្ចុះលោកក្នុងផ្ទះរបស់លោក ដើម្បីបិទផ្លូវអ្នកដែលចង់សង់ម៉ាស្ជិដលើផ្នូរ ឬសឡាតនៅក្បែរផ្នូររបស់លោក។


បងប្អូនអ្នកមានជំនឿទាំងឡាយ! អត្ថន័យនៃឃ្លា "ការយកផ្នូរធ្វើជាម៉ាស្ជិដ" រួមមានរឿងពីរ:


1.    ការសង់ម៉ាស្ជិដលើផ្នូរ


2.    ការសឡាតនៅក្បែរផ្នូរដោយគ្មានការសង់វិហារ


ភស្តុតាងទីបីនៃការហាមឃាត់ការសឡាតនៅក្បែរផ្នូរគឺថា កន្លែងម៉ាស្ជិដរបស់ណាពី ه ធ្លាប់ជាទីបញ្ចុះសពរបស់ពួកមុស្រិគីនមុនពេលសាងសង់។ ព្យាការី ه បានជីកផ្នូររបស់ពួកគេ ហើយបានយកឆ្អឹងរបស់អ្នកស្លាប់ចេញ បន្ទាប់មកបានរៀបចំដីឱ្យរាបស្មើ ហើយបន្ទាប់មកបានសង់វិហារ។ ទីកន្លែងនោះមិនត្រូវបានយកធ្វើជាវិហារទេ លុះត្រាតែផ្នូរត្រូវបានដកចេញពីទីនោះ។


បងប្អូនខ្ញុំបម្រើរបស់អល់ឡោះ!


ភស្តុតាងទីបួននៃការហាមឃាត់ការសឡាតនៅក្បែរផ្នូរគឺការប្រឆាំងរបស់សាហាបះចំពោះអ្នកដែលធ្វើបែបនោះ។ ការប្រឆាំងរបស់សាហាបះ  ╚គ្រប់គ្រាន់ជាភស្តុតាងហើយ ព្រោះពួកគាត់ជាគំរូសម្រាប់មូស្លីមរហូតដល់ថ្ងៃបរលោក។ មានរាយការណ៍ពីអាណាស  اថា: "ខ្ញុំបានឈរសឡាត ខណៈមានផ្នូរនៅខាងមុខខ្ញុំដោយខ្ញុំមិនដឹង។ អ៊ូម៉រ បានហៅខ្ញុំថា 'ផ្នូរ ផ្នូរ' ខ្ញុំគិតថាគាត់សំដៅទៅលើព្រះច័ន្ទ។ អ្នកជិតខ្ញុំបានប្រាប់ខ្ញុំថា 'គាត់សំដៅទៅលើផ្នូរ' ដូច្នេះខ្ញុំក៏ចេញពីកន្លែងនោះ។"


សាប៊ិតបាននិយាយ - ដូចក្នុងការរាយការណ៍របស់អាប់ឌុរ រ៉ស្សាក - ថា: "អាណាសតែងតែកាន់ដៃខ្ញុំនៅពេលគាត់ចង់សឡាត ហើយចេញឆ្ងាយពីផ្នូរ។"


នេះបង្ហាញថាពួកសហាបះបានយល់ស្របគ្នាថាការសឡាតនៅក្បែរផ្នូរគឺត្រូវបានហាមឃាត់។


ភស្តុតាងទីប្រាំនៃការហាមឃាត់ការសឡាតនៅក្បែរផ្នូរគឺថា ការហាមឃាត់នេះត្រូវបានរាយការណ៍ពីក្រុមសាហាបះនិងតាប៊ីអីនជាច្រើន ដូចជា អាណាស អាប់ឌុលឡោះ ប៊ិន អំរ អាល់-ហាសាន អាល់-អុរនី អាល់-មុសាយ៉ាប់ ប៊ិន រ៉ហ្វីអ៍ ខៃសាម៉ះ ប៊ិន អាប់ឌុរ រ៉ហ្មាន អាល់-ម៉ាដានី អ៊ីប្រហ៊ីម អាន់-ណាខាអី អ៊ីបនូ សីរីន និងម៉ាក់ហ៊ូល។


ភស្តុតាងទីប្រាំមួយនៃការហាមឃាត់ការយកផ្នូរធ្វើជាម៉ាស្ជិដគឺថា វាមិនអាចទៅរួចដែលការសឡាតជិតផ្នូរអ្នកសុចរិតជារឿងល្អស្រាប់តែណាពី ه និងសាហាបះមិនធ្វើ ខណៈពួកគាត់ជាអ្នកដែលចង់បានផលបុណ្យជាងគេ និងដឹងច្បាស់ជាងគេអំពីវា។ ពួកគាត់ជាគំរូសម្រាប់មូស្លីមរហូតដល់ថ្ងៃបរលោក។ ជាពិសេសណាពី ه បានប្រាប់យើងពីកន្លែងដែលល្អ និងជំរុញអ៊ុម៉ះរបស់លោកឱ្យសឡាតនៅទីនោះ ដូចជាម៉ាស្ជិដបី និងម៉ាស្ជិដកូបាអ៍។


ស្ហៃខុលអ៊ីស្លាម អ៊ិបនូតៃមីយ្យ៉ះ ♫ បាននិយាយថា៖ «គ្មាននរណាម្នាក់ក្នុងចំណោមពួកសាឡាហ្វ (ជំនាន់ដំបូងនៃអ៊ីស្លាម) មិនថានៅក្នុងសម័យសហាបះ ឬតាបីអ៊ីន ឬតាបីអ៊ីត-តាបីអ៊ីន (អ្នកដើរតាមតាបីអ៊ីន) ធ្លាប់បានព្យាយាមសឡាត និងបួងសួងនៅក្បែរផ្នូររបស់ពួកព្យាការី និងពួកអ្នកសុចរិត ឬសុំជំនួយពីពួកគេ ឬស្វែងរកការសង្គ្រោះពីពួកគេ មិនថាក្នុងអវត្តមានរបស់ពួកគេ ឬនៅក្បែរផ្នូររបស់ពួកគេឡើយ»។


ភស្តុតាងទីប្រាំពីរនៃការហាមឃាត់នេះគឺការឯកភាពរបស់ពួកអ៊ីម៉ាំអ៊ីស្លាមលើបញ្ហានេះ។ វាត្រូវបានគេដឹងថាការឯកភាពរបស់ពួកមូស្លីមគឺជាភស្តុតាងស្របច្បាប់ យោងតាមពាក្យសម្ដីរបស់ព្យាការី ه មានប្រសាសន៍ថា៖


> إِنَّ اللهَ تَعَالَى لَا يَجْمَعُ أُمَّتِي عَلَى ضَلَالَةٍ، وَيَدُ اللهِ عَلَى الْجَمَاعَةِ < [رواه الترمذي]


«ពិតប្រាកដណាស់ អល់ឡោះដ៏ឧត្តមបំផុត នឹងមិនអនុញ្ញាតឲ្យប្រជាជាតិរបស់ខ្ញុំរួបរួមគ្នានៅលើភាពវង្វេងឡើយ។ ហើយព្រះហស្ត(ជំនួយ) របស់អល់ឡោះ ស្ថិតនៅជាមួយក្រុម(ដែលរួបរួម)។»


និងប្រសាសន៍របស់លោកថា៖


> يَدُ اللهِ مَعَ الْجَمَاعَةِ < [رواه الترمذي]


«ព្រះហស្ត(ជំនួយ) របស់អល់ឡោះ ស្ថិតនៅជាមួយក្រុម(ដែលរួបរួម)។»


អ៊ីបនូ រ៉ជាប់ អាល់-ហាន់បាលី♫ បាននិយាយក្នុងការពន្យល់ហាឌីស:


> لَعَنَ اللهُ الْيَهُودَ وَالنَّصَارَى اتَّخَذُوا قُبُورَ أَنْبِيَائِهِمْ مَسَاجِدَ <


«អល់ឡោះបានដាក់បណ្ដាសាជនជាតិយូដា និងគ្រិស្តសាសនិក ដែលពួកគេបានយកផ្នូររបស់ព្យាការីរបស់ពួកគេធ្វើជាកន្លែងគោរពសក្ការៈ(ម៉ាស្ជិត)។»


ថាមានការឯកភាពរបស់អ៊ីម៉ាំលើការហាមឃាត់ការសឡាតជិតផ្នូរ។ គាត់បាននិយាយថា: "មេដឹកនាំអ៊ីស្លាមបានឯកភាពគ្នាលើអត្ថន័យនេះ" គឺមានន័យថាការហាមឃាត់ការសឡាតជិតផ្នូរ។


អ៊ីបនូ តៃមីយ្យ៉ះ ♫ ក៏បានលើកឡើងពីការឯកភាពរបស់ពួកគេផងដែរ ដោយលោកបាននិយាយថា៖ «ចំណែកឯបុរសដែលចង់សឡាតនៅក្បែរផ្នូររបស់ពួកព្យាការី ឬពួកអ្នកសុចរិតមួយចំនួន ដោយស្វែងរកពរជ័យពីការសឡាតនៅទីកន្លែងនោះ នេះគឺជាការប្រឆាំងផ្ទាល់នឹងអល់ឡោះ និងអ្នកនាំសាររបស់លោក ការបំពានលើសាសនារបស់លោក និងការបង្កើតថ្មីក្នុងសាសនាដែលអល់ឡោះមិនបានអនុញ្ញាត។ ពីព្រោះពួកមូស្លីមបានឯកភាពគ្នាលើអ្វីដែលពួកគេបានដឹងជាចាំបាច់ពីសាសនារបស់អ្នកនាំសាររបស់អល់ឡោះ ه ថាការសឡាតនៅក្បែរផ្នូរ - ផ្នូរណាក៏ដោយ - មិនមានគុណធម៌សម្រាប់រឿងនោះទេ ហើយក៏គ្មានគុណសម្បត្តិល្អប្រសើរអ្វីនៅក្នុងការសឡាតនៅទីកន្លែងនោះទាល់តែសោះ ផ្ទុយទៅវិញវាគឺជាមានតែគុណវិបត្តិអាក្រក់។"


ចំណុចសំខាន់ៗ:


1.    មានភស្តុតាងច្រើនហាមឃាត់ការសឡាតជិតផ្នូរ


2.    សាហាបះបានប្រតិបត្តិតាមការហាមឃាត់នេះ


3.    អ៊ីម៉ាំទាំងអស់ឯកភាពលើការហាមឃាត់នេះ


4.    ការសឡាតជិតផ្នូរគ្មានផលបុណ្យ មានតែអំពើបាប


ពាក្យសម្តីរបស់អ៊ីម៉ាំនៃមាសហាបអំពីការហាមឃាត់ការយកផ្នូរធ្វើជាម៉ាស្ជិដដើម្បីសឡាតជិតវា


បងប្អូនខ្ញុំបម្រើរបស់អល់ឡោះ! ដោយផ្អែកលើភស្តុតាងសាសនាដែលបានលើកមកខាងលើ មានអ៊ីម៉ាំនៃមាសហាបមួយចំនួនបានចេញហ្វតវ៉ាហាមឃាត់ការសឡាតជិតផ្នូរ។ ក្នុងចំណោមអ្នកដែលបានចេញហ្វតវ៉ានេះមាន អ៊ីម៉ាំសាហ្វីអី អ៊ីម៉ាំអះម៉ាត់ និងអ៊ីបនូ កូដាម៉ះ។


សេចក្តីសង្ខេប


បងប្អូនខ្ញុំបម្រើរបស់អល់ឡោះ! តាមរយៈហាឌីសដែលបានលើកមក បានបង្ហាញយ៉ាងច្បាស់ពីការហាមឃាត់ការសឡាតជិតផ្នូរ។ តើមិនបានច្បាស់យ៉ាងណា នៅពេលហាឌីសបានមកក្នុងទម្រង់ប្រាំដែលមានការព្រមានយ៉ាងខ្លាំងសម្រាប់អ្នកដែលធ្វើបែបនោះ:


1.    ការដាក់បណ្តាសាអ្នកដែលធ្វើបែបនោះ


2.    ជាទម្លាប់និងផ្លូវរបស់ពួកយ៉ាហ៊ូឌីនិងពួកណាសរ៉


3.    ការហាមឃាត់យ៉ាងច្បាស់លាស់ពីទង្វើនេះ ដូចជាប្រសាសន៍ថា "កុំយក..."


4.    ការបួងសួងប្រឆាំងនឹងអ្នកដែលធ្វើបែបនោះដោយការប្រយុទ្ធ មានន័យថាការប្រយុទ្ធរបស់អល់ឡោះចំពោះគេ


5.    ការពិពណ៌នាអ្នកដែលធ្វើបែបនោះថាជាមនុស្សអាក្រក់បំផុតចំពោះអល់ឡោះនៅថ្ងៃបរលោក


តើអ្នកដែលជឿលើអល់ឡោះនិងថ្ងៃបរលោកនៅតែជជែកប្រកែកអំពីការហាមឃាត់សឡាតជិតផ្នូរបន្ទាប់ពីការព្រមានទាំងនេះទៀតឬ?


បងប្អូនខ្ញុំបម្រើរបស់អល់ឡោះ! អ្នកដែលយកផ្នូរធ្វើជាម៉ាស្ជិដមានពីរករណី:


1.    ការគោរពសក្ការៈផ្នូរដោយផ្ទាល់ ដោយសឡាតនិងសូជូដចំពោះវា ដូចដែលពួកគោរពរូបសំណាកធ្វើចំពោះរូបសំណាករបស់ពួកគេ។ នេះគឺជាការបដិសេធជំនឿដោយច្បាស់លាស់ គ្មានការសង្ស័យ។


2.    ករណីទីពីរ: ការសឡាតជិតផ្នូរដោយជឿថាការសឡាតជិតផ្នូរមានគុណសម្បត្តិនិងផលបុណ្យលើសពីការសឡាតដែលមិនជិតផ្នូរ ទោះបីជាគោលបំណងនៃការសឡាតគឺសម្រាប់អល់ឡោះក៏ដោយ។ ករណីនេះហើយដែលមានការហាមឃាត់ក្នុងហាឌីសរបស់ណាពី។


នៅក្នុងករណីទីពីរនេះមានពីរស្ថានភាព:


1.    បើគេមានគោលបំណងសឡាតឆ្ពោះទៅផ្នូរនិងបែរមុខទៅរកវាពេលសឡាត នេះគឺជាស្ហីរិកធំ ដូចដែលស្ហៃខុលអ៊ីស្លាម អ៊ីបនូ តៃមីយ្យ៉ះ ♫ បាននិយាយ។


2.    បើគេមានគោលបំណងសឡាតនៅក្នុងបរិវេណឬជិតផ្នូរដើម្បីស្វែងរកបារ៉ោកះពីកន្លែងនោះ និងស្វែងរកពរជ័យពីអ្នកស្លាប់ដោយមិនបែរទៅរកផ្នូរពេលសឡាត នេះគឺជាប៊ីដអះដែលហារ៉ាមក្នុងសាសនាអ៊ីស្លាម ហើយជាមូលហេតុនៃការធ្លាក់ក្នុងស្ហីរិក។ វាក៏ជាផ្លូវរបស់ពួកមុស្រិគីននៅពេលចាប់ផ្តើមកើតមានស្ហីរិក និងជាជំហានរបស់ស្ហៃតនដែលនាំទៅរកស្ហីរិកក្នុងការគោរពសក្ការៈ។


សរុបមក មិនអនុញ្ញាតឱ្យយកផ្នូរធ្វើជាម៉ាស្ជិដទេ។ វាជាស្ហីរិកឬជាមធ្យោបាយនាំទៅរកស្ហីរិក។ ការសឡាតជិតផ្នូរត្រូវបានហាមឃាត់យ៉ាងច្បាស់លាស់និងដាច់ខាត មិនថាតិចឬច្រើន នៅក្នុងបរិវេណឬក្រៅបរិវេណដូចដែលស្ហៃខុលអ៊ីស្លាម អ៊ីបនូ តៃមីយ្យ៉ះ សិស្សរបស់លោកអ៊ីបនូល ក៉យ្យីម និងអ្នកចេះដឹងផ្សេងទៀតបាននិយាយ។


بَارَكَ اللهُ لِي وَلَكُمْ فِي الْقُرْآنِ الْعَظِيمِ، وَنَفَعَنِي وَإِيَّاكُمْ بِمَا فِيهِ مِنَ الْآيَاتِ وَالذِّكْرِ الْحَكِيمِ، أَقُولُ قَوْلِي هَذَا، وَأَسْتَغْفِرُ اللهَ لِي وَلَكُمْ فَاسْتَغْفِرُوهُ، إِنَّهُ هُوَ الْغَفُورُ الرَّحِيمُ.


الخطبة الثانية


មូលហេតុនៃការហាមឃាត់ការសឡាតនៅក្បែរផ្នូរ


الْحَمْدُ لِلَّهِ وَحْدَهُ، وَالصَّلَاةُ وَالسَّلَامُ عَلَى مَنْ لَا نَبِيَّ بَعْدَهُ، أَمَّا بَعْدُ، فاتقوا الله


សូមដឹងថា ស្ហារីអះអ៊ីស្លាមបានមកជាមួយការហាមឃាត់ការសឡាតជិតផ្នូរដោយមានមូលហេតុប្រាំមួយ:


    មូលហេតុទីមួយ៖ អ្នកដែលសឡាតនៅក្បែរផ្នូរបែបនោះភាគច្រើនជឿថា ការសឡាតនៅក្បែរនោះមានពរជ័យពិសេស គុណសម្បត្តិ និងគុណធម៌លើសពីការសឡាតនៅទីកន្លែងផ្សេងទៀត។ ជំនឿនេះមិនមានមូលដ្ឋាននៅក្នុងគម្ពីរ គូរអាន របស់អល់ឡោះ ឬនៅក្នុងស៊ុនណា របស់ព្យាការី មូហាំម៉ាត់ هឡើយ។ ស្ហារីអះមិនបានកំណត់ការប្រសើរជាងនៃការសឡាតនៅកន្លែងណាក្រៅពីម៉ាស្ជិដហារ៉ាម ម៉ាស្ជិដណាពី ម៉ាស្ជិដអាក់សរ និងម៉ាស្ជិដកូបាអ៍នៅម៉ាឌីណះទេ។


ដោយផ្អែកលើរឿងនេះ ការសឡាតជិតផ្នូរគឺជាប៊ីដអះនិងជាការបង្កើតថ្មី។ យើងដឹងថាប៊ីដអះត្រូវបានបដិសេធចំពោះម្ចាស់វា និងមិនត្រូវបានទទួលយកនៅចំពោះមុខអល់ឡោះទេ ផ្ទុយទៅវិញ វានាំមកនូវអំពើបាបធំដល់អ្នកប្រព្រឹត្តវា។ ដូចក្នុងហាឌីសពីអិរបាដ ប៊ិន សារីយ៉ះ ا ថាណាពី ه មានប្រសាសន៍ថា៖


> وَإِيَّاكُمْ وَمُحْدَثَاتِ الْأُمُورِ فَإِنَّ كُلَّ مُحْدَثَةٍ بِدْعَةٌ وَكُلَّ بِدْعَةٍ ضَلَالَةٌ < [رواه أبو داود]


«សូមប្រយ័ត្នពីការបង្កើតថ្មីក្នុងកិច្ចការ(សាសនា)ព្រោះគ្រប់ការបង្កើតថ្មីគឺជាប៊ីដអះ ហើយគ្រប់ប៊ីដអះគឺជាការវង្វេង»


និងមានរាយការណ៍ពីអាអ៊ីស្សះ  ل ថា អ្នកនាំសាររបស់អល់ឡោះ ه មានប្រសាសន៍ថា៖


> مَنْ أَحْدَثَ فِي أَمْرِنَا هَذَا مَا لَيْسَ مِنْهُ فَهُوَ رَدٌّ < رواه البخاري ومسلم]


«អ្នកណាបង្កើតថ្មីក្នុងកិច្ចការ(សាសនា)របស់យើងនេះ នូវអ្វីដែលមិនមែនមកពីវា នោះត្រូវបានបដិសេធ។»


និងក្នុងការរាយការណ៍មួយរបស់មូស្លិម៖


«مَنْ عَمِلَ عَمَلاً لَيْسَ عَلَيْهِ أَمْرُنَا فَهُوَ رَدٌّ <


«អ្នកណាធ្វើទង្វើដែលគ្មានបទបញ្ជារបស់យើងលើវា នោះត្រូវបានបដិសេធ។»


    មូលហេតុទី២ នៃការហាមឃាត់ការសឡាតជិតផ្នូរ: ការជំរុញឱ្យសឡាតជិតផ្នូរគឺការលើកតម្កើងម្ចាស់ផ្នូរ ខណៈដែលកាតព្វកិច្ចគឺការលើកតម្កើងអល់ឡោះត្រូវតែគ្រប់គ្រងលើចិត្តរបស់អ្នកសឡាត។


    មូលហេតុទី៣: ការលើកតម្កើងម្ចាស់ផ្នូរដោយការសឡាតជិតផ្នូររបស់គាត់នឹងកើនឡើងតាមពេលវេលា រហូតដល់នាំទៅរកការផ្តល់ការគោរពសក្ការៈខ្លះដល់ម្ចាស់ផ្នូរ ដូចជាការសូជូដ រូកូអ៍ បួងសួង ពលីសត្វ និងតវាហ្វ។ ទីបំផុត គេនឹងធ្លាក់ក្នុងការគោរពរូបសំណាក។ សូមអល់ឡោះការពារ។


អាន់-ណាវ៉ាវី  ♫បាននិយាយថា: "អ្នកចេះដឹងបាននិយាយថា: ណាពីهបានហាមឃាត់ការយកផ្នូររបស់លោកនិងផ្នូរផ្សេងធ្វើជាម៉ាស្ជិដ ដោយខ្លាចការលើសហេតុក្នុងការលើកតម្កើងនិងការវង្វេងជាមួយវា ដែលអាចនាំទៅរកការបដិសេធជំនឿ ដូចដែលបានកើតឡើងចំពោះអូម៉ាត់ជាច្រើនមុន។"


អ៊ីបនូ តៃមីយ្យ៉ះ ♫ បាននិយាយថា: «ការយកផ្នូរធ្វើជាកន្លែងសឡាតគឺជាមូលដ្ឋានគ្រឹះមួយនៃការបង្កើតស្ហីរិក»។


ហើយលោកក៏បាននិយាយដែរថា៖ «ក្នុងចំណោមការបង្កើតថ្មីដ៏ធំបំផុត និងមូលហេតុនៃស្ហីរិកគឺ៖ ការសឡាតនៅក្បែរផ្នូរ ការយកផ្នូរធ្វើជាកន្លែងសឡាត និងការសង់វិហារលើផ្នូរ»។"


    មូលហេតុទីបួន នៃការហាមឃាត់ការយកផ្នូរធ្វើជាកន្លែងសឡាត - ដែលទាក់ទងនឹងផ្នូរដែលមាននៅក្នុងវិហារ - គឺថាការសង់ផ្នូរនៅក្នុងវិហារគឺផ្ទុយនឹងគោលបំណងពិតដែលអល់ឡោះបានបញ្ញត្តិការសង់ម៉ាស្ជិដ។ គោលបំណងនោះគឺការធ្វើឱ្យម៉ាស្ជិដជាផ្ទះដែលបរិសុទ្ធសម្រាប់អល់ឡោះ គ្មានភាគីដទៃរួមជាមួយទ្រង់។ ខណៈការសង់ផ្នូរក្នុងម៉ាស្ជិដមានន័យថាការដាក់ភាគីរវាងអល់ឡោះនិងការបង្កើតរបស់ទ្រង់ ដោយធ្វើឱ្យម៉ាស្ជិដក្លាយជាផ្ទះរបស់អល់ឡោះនិងការបង្កើត។


    មូលហេតុទី៥ ដែលទាក់ទងនឹងផ្នូរដែលមាននៅក្នុងវិហារ - គឺថាអល់ឡោះបានបញ្ញត្តិឱ្យមូស្លីមសង់ម៉ាស្ជិដដោយមានគោលបំណងលើកតម្កើងអល់ឡោះតែមួយគត់និងការសឡាតចំពោះទ្រង់ មិនមែនដើម្បីលើកតម្កើងអ្នកស្លាប់ទេ មិនថាអ្នកស្លាប់ទាំងនោះជាណាពី អ្នកចេះដឹងសុចរិត ឬផ្សេងក៏ដោយ។ ការសឡាតជិតផ្នូរត្រូវបានហាមឃាត់ ព្រោះការលើកតម្កើងក្នុងចិត្តរបស់អ្នកសឡាតមិនបរិសុទ្ធសម្រាប់អល់ឡោះទេ តែមានភាគីផ្សេងរួមជាមួយទ្រង់គឺម្ចាស់ផ្នូរនោះ។


    មូលហេតុទី៦ - ដែលទាក់ទងនឹងផ្នូរដែលមាននៅក្នុងវិហារ - គឺថាអល់ឡោះមិនបានបញ្ញត្តិឱ្យពួកមូស្លីមបញ្ចុះសពអ្នកស្លាប់នៅក្នុងវិហារតាំងពីដំបូងឡើយ ហើយព្យាការី ه ក៏ដូចជាពួកសហាបះ និងពួកតាបីអ៊ីន នៅក្នុងបីជំនាន់ដំបូងដែលត្រូវបានគេពេញចិត្ត ក៏មិនបានធ្វើបែបនោះដែរ។ ដូច្នេះការយកផ្នូរនៅក្នុងវិហារគឺជាប៊ីដាអ៍នៅក្នុងសាសនារបស់អល់ឡោះ ហើយរាល់ប៊ីដាអ៍គឺជាភាពវង្វេង ដូចដែលបានមកនៅក្នុងហាឌីសរបស់អិរបាដ ប៊ិន សារីយ៉ះ ا ដែលបានលើកមកខាងលើ។


ثُمَّ اعْلَمُوا رَحِمَكُمُ اللهُ أَنَّ اللهَ سُبْحَانَهُ وَتَعَالَى أَمَرَكُمْ بِأَمْرٍ عَظِيمٍ فَقَالَ:


ﵟإِنَّ ٱللَّهَ وَمَلَٰٓئِكَتَهُۥ يُصَلُّونَ عَلَى ٱلنَّبِيِّۚ يَٰٓأَيُّهَا ٱلَّذِينَ ءَامَنُواْ صَلُّواْ عَلَيۡهِ وَسَلِّمُواْ تَسۡلِيمًا ٥٦ﵞ


اللَّهُمَّ صَلِّ وَسَلِّمْ عَلَى عَبْدِكَ وَرَسُولِكَ مُحَمَّدٍ، وَارْضَ عَنْ أَصْحَابِهِ الْخُلَفَاءِ، وَارْضَ عَنِ التَّابِعِينَ وَمَنْ تَبِعَهُمْ بِإِحْسَانٍ إِلَى يَوْمِ الدِّينِ.


اللَّهُمَّ أَعِزَّ الْإِسْلَامَ وَالْمُسْلِمِينَ، وَأَذِلَّ الشِّرْكَ وَالْمُشْرِكِينَ، وَدَمِّرْ أَعْدَاءَكَ أَعْدَاءَ الدِّينِ، وَانْصُرْ عِبَادَكَ الْمُوَحِّدِينَ.


اللَّهُمَّ آمِنَّا فِي أَوْطَانِنَا، وَأَصْلِحْ أَئِمَّتَنَا وَوُلَاةَ أُمُورِنَا، وَاجْعَلْهُمْ هُدَاةً مُهْتَدِينَ.


اللَّهُمَّ وَفِّقْ جَمِيعَ وُلاةِ الْمُسْلِمِينَ لِتَحْكِيمِ كِتَابِكَ، وَإِعْزَازِ دِينِكَ، وَاجْعَلْهُمْ رَحْمَةً عَلَى رَعَايَاهُمْ.


اللَّهُمَّ ادْفَعْ عَنَّا الْغَلاءَ وَالْوَبَاءَ وَالرِّبَا وَالزِّنَا، وَالزَّلَازِلَ وَالْمِحَنَ وَسُوءَ الْفِتَنِ، مَا ظَهَرَ مِنْهَا وَمَا بَطَنَ، عَنْ بَلَدِنَا هَذَا خَاصَّةً، وَعَنْ سَائِرِ بِلادِ الْمُسْلِمِينَ عَامَّةً، يَا رَبَّ الْعَالَمِينَ.


رَبَّنَا آتِنَا فِي الدُّنْيَا حَسَنَةً، وَفِي الْآخِرَةِ حَسَنَةً، وَقِنَا عَذَابَ النَّارِ.


سُبْحَانَ رَبِّنَا رَبِّ الْعِزَّةِ عَمَّا يَصِفُونَ، وَسَلامٌ عَلَى الْمُرْسَلِينَ، وَالْحَمْدُ لِلَّهِ رَبِّ الْعَالَمِينَ.


****