الخطبة الأولى


ٱلْـحَمْدُ لِلَّهِ ٱلْعَلِيِّ ٱلْأَعْلَى، ٱلَّذِي خَلَقَ فَسَوَّى، وَٱلَّذِي قَدَّرَ فَهَدَى، وَأَشْهَدُ أَنْ لَا إِلَٰهَ إِلَّا ٱللَّهُ وَحْدَهُ لَا شَرِيكَ لَهُ، لَهُ ٱلْـحَمْدُ فِي ٱلْآخِرَةِ وَٱلْأُولَى، وَأَشْهَدُ أَنَّ مُحَمَّدًا عَبْدُ ٱللَّهِ وَرَسُولُهُ، بَلَّغَ ٱلرِّسَالَةَ، وَأَدَّى ٱلْأَمَانَةَ، وَنَصَحَ ٱلْأُمَّةَ، وَكَشَفَ ٱلْغُمَّةَ، صَلَّى ٱللَّهُ عَلَيْهِ وَعَلَى آلِهِ وَأَصْحَابِهِ، وَمَنْ سَارَ عَلَى نَهْجِهِمْ وَٱقْتَفَى، وَسَلَّمَ تَسْلِيمًا كَثِيرًا. أَمَّا بَعْدُ، عِبَادَ ٱللَّهِ،


ឱបងប្អូនមូស្លីមទាំងឡាយ! ចូរកោតខ្លាចអល់ឡោះជាម្ចាស់ដ៏ខ្ពង់ខ្ពស់ ហើយត្រូវមានស្មារតីដឹងជានិច្ចថា ទ្រង់តែងតែឃ្លាំមើលរាល់ទង្វើរបស់យើង មិនថាលាក់កំបាំង ឬបើកចំហ។ ចូរអនុវត្តតាមឲ្យបានត្រឹមត្រូវនិងខ្ជាប់ខ្ចួន នូវរាល់បទបញ្ជាទាំងឡាយរបស់ទ្រង់ ហើយចៀសវាងឲ្យឆ្ងាយពីរាល់ប្រការទាំងឡាយដែលទ្រង់បានហាមឃាត់។


ចូរដឹងថា ជំនឿលើវាសនា ឬ កដារ(القدر) គឺជាសសរស្តម្ភមួយក្នុងចំណោមសសរស្តម្ភទាំងប្រាំមួយនៃជំនឿ ដែលមិនអាចសម្រេចបាន ឬត្រឹមត្រូវឡើយ បើគ្មានការបំពេញវា។ កដារ គឺជាការកំណត់របស់អល់ឡោះចំពោះអ្វីៗទាំងអស់ ទៅតាមអ្វីដែលទ្រង់បានដឹងរួចហើយ និងតាមប្រាជ្ញាញាណរបស់ទ្រង់។


អ្នកបម្រើរបស់អល់ឡោះទាំងឡាយ!  ជំនឿលើកដារផ្អែកលើសសរស្តម្ភបួនយ៉ាង៖ ជំនឿលើចំណេះដឹង ការសរសេរ ព្រះហឫទ័យ( المشيئة ) និងការបង្កើត។ ចំណែកឯ ចំណេះដឹង គឺជំនឿថា អល់ឡោះបានដឹងអ្វីៗទាំងអស់ទាំងលម្អិត និងទូទៅ តាំងពីអតីតកាល រហូតដល់បច្ចុប្បន្ន និងទៅអនាគត។ មិនថាវាទាក់ទងនឹងសកម្មភាពរបស់ទ្រង់ ដូចជាការធ្វើឲ្យរស់ ការធ្វើឲ្យស្លាប់ និងការបញ្ចុះភ្លៀង ឬទាក់ទងនឹងសកម្មភាព និងពាក្យសម្ដីរបស់ខ្ញុំបម្រើរបស់ទ្រង់ឡើយ។ ទាំងអស់នេះគឺត្រូវបានអល់ឡោះដឹងច្បាស់។ ភស្តុតាងសម្រាប់ចំណុចនេះគឺព្រះបន្ទូលរបស់ទ្រង់ថា៖


ﵟإِنَّ ٱللَّهَ كَانَ بِكُلِّ شَيۡءٍ عَلِيمٗا ٣٢ﵞ ﵝالنِّسَاء : ﵒﵓﵜ


“ពិតប្រាកដណាស់ អល់ឡោះជាម្ចាស់មហាដឹងបំផុតនូវរាល់អ្វីៗទាំងអស់។”


និងព្រះបន្ទូលរបស់ទ្រង់ថា៖


ﵟوَعِندَهُۥ مَفَاتِحُ ٱلۡغَيۡبِ لَا يَعۡلَمُهَآ إِلَّا هُوَۚ وَيَعۡلَمُ مَا فِي ٱلۡبَرِّ وَٱلۡبَحۡرِۚ وَمَا تَسۡقُطُ مِن وَرَقَةٍ إِلَّا يَعۡلَمُهَا وَلَا حَبَّةٖ فِي ظُلُمَٰتِ ٱلۡأَرۡضِ وَلَا رَطۡبٖ وَلَا يَابِسٍ إِلَّا فِي كِتَٰبٖ مُّبِينٖ ٥٩ﵞ ﵝالأَنۡعَام : ﵙﵕﵜ


 “ហើយកូនសោរទាំងឡាយនៃប្រការអាថ៌កំបាំង គឺស្ថិតនៅជាមួយទ្រង់(តែមួយគត់)។ គ្មាននរណាម្នាក់ដឹងអំពីវាក្រៅពីទ្រង់ឡើយ។ ហើយទ្រង់ដឹងនូវរាល់អ្វីដែលមាននៅលើគោក និងអ្វីដែលមាននៅក្នុងសមុទ្រ។ គ្មានស្លឹកឈើមួយសន្លឹកណាដែលជ្រុះនោះឡើយ លើកលែងតែទ្រង់ដឹងអំពីវា ហើយក៏គ្មានគ្រាប់ធញ្ញជាតិណាមួយដែលកប់ក្នុងដីងងឹត ឬមានសំណើម ឬក្រៀមស្វិតនោះឡើយ លើកលែងតែមានចារទុកជាស្រេចនៅក្នុងលិខិតកំណត់ត្រាដ៏ច្បាស់លាស់(ឡាវហ៊ុលម៉ះហ៊្វូស)។”


បងប្អូនអ្នកមានជំនឿ សសរស្តម្ភទីពីរនៃជំនឿលើវាសនា គឺជំនឿលើ ការសរសេរ។ មានន័យថា អល់ឡោះបានសរសេរវាសនារបស់អ្វីៗទាំងអស់ រហូតដល់ថ្ងៃបរលោក នៅក្នុងកំណត់ត្រាដែលត្រូវបានរក្សាទុក( اللوح المحفوظ ) ។ ទ្រង់បានសរសេរវា ៥០ ០០០ ឆ្នាំមុននឹងទ្រង់បង្កើតមេឃ និងផែនដី។ ភស្តុតាងនៃការសរសេរ គឺព្រះបន្ទូលរបស់ទ្រង់ថា៖


ﵟقُل لَّن يُصِيبَنَآ إِلَّا مَا كَتَبَ ٱللَّهُ لَنَاﵞ ﵝالتَّوۡبَة : ﵑﵕﵜ


“ចូរអ្នក(ឱអ្នកនាំសារមូហាំម៉ាត់)ពោលចុះថា៖ ពួកយើងមិនទទួលបានអ្វីក្រៅតែពីអ្វីដែលអល់ឡោះទ្រង់បានចារកំណត់សម្រាប់ពួកយើងប៉ុណ្ណោះ។”


ទ្រង់មានបន្ទូលថា


ﵟمَآ أَصَابَ مِن مُّصِيبَةٖ فِي ٱلۡأَرۡضِ وَلَا فِيٓ أَنفُسِكُمۡ إِلَّا فِي كِتَٰبٖ مِّن قَبۡلِ أَن نَّبۡرَأَهَآﵞ ﵝالحَدِيد : ﵒﵒﵜ


“គ្មានគ្រោះណាមួយកើតមាននៅលើផែនដី ហើយក៏គ្មានគ្រោះណាមួយកើតមានក្នុងខ្លួនពួកអ្នកនោះឡើយ លើកលែងតែវាសុទ្ធតែ(ត្រូវបានគេកត់ត្រាទុក)នៅក្នុងសៀវភៅកំណត់ត្រា(ឡាវហ៊ុលម៉ះហ៊្វូស)មុនពេលដែលយើងបង្កើតវា។” (មានន័យថាមុនពេលបង្កើតមើខ្លូក)។


មានរាយការណ៍ពីអាប់ឌុលឡោះ ប៊ិន អ៊ាមរ ប៊ិន អាល់អាស់ រ¶  ថាគាត់បានឮរ៉សូ ﷺ មានប្រសាសន៍៖


> كَتَبَ اللهُ مَقَادِيرَ الخَلائِقِ قَبْلَ أنْ يَخْلُقَ السَّماواتِ والأرْضَ بِخَمْسِينَ ألْفَ سَنَةٍ <


«អល់ឡោះទ្រង់បានចារិកនូវវាសនានៃសត្វលោកទាំងអស់ មុនពេលទ្រង់បង្កើតមេឃនិងផែនដីចំនួនហាសិបពាន់ឆ្នាំ។» [រាយការណ៍ដោយមូស្លឹម ២៦៥៣]


មានរាយការណ៍ ពីអូបាដះ ប៊ិន អាស់សមិត ◙  ពីណាពី ﷺ ថាគាត់បានមានប្រសាសន៍៖


> إِنَّ أَوَّلَ مَا خَلَقَ اللهُ القَلَمُ، فَقَالَ لَهُ اكْتُبْ. قَالَ: رَبِّ وَمَاذَا أَكْتُبُ؟ قَالَ: اكْتُبْ مَقَادِيرَ كُلِّ شَيْءٍ حَتَّى تَقُومَ السَّاعَةُ <


«ពិតប្រាកដណាស់ អ្វីដែលអល់ឡោះបានបង្កើតមុនគេបង្អស់ គឺប៊ិច។ រួចទ្រង់មានបន្ទូលទៅវាថា៖ «ចូរអ្នកសរសេរ!» វា(ប៊ិច) បានទូលថា៖ «ឱព្រះអម្ចាស់របស់ខ្ញុំ! តើទូលបង្គំត្រូវសរសេរអ្វី?» ទ្រង់មានបន្ទូលថា៖ «ចូរអ្នកសរសេរនូវវាសនានៃអ្វីៗទាំងអស់ រហូតដល់ថ្ងៃបរលោកមកដល់។»


បន្ទាប់មកអូបាដះនិយាយទៅកាន់កូនរបស់គាត់៖ «កូនប្រុស អ្នកណាស្លាប់ដោយមិនជឿលើរឿងនេះ គឺមិនមែនជាផ្នែកមួយរបស់ខ្ញុំទេ។» [រាយការណ៍ដោយអាប៊ូដាវូដ ៤៧០០ និងអាត់ទីរមីហ្សី ៣៣១៩]


អ្នកមូស្លីមទាំងឡាយ! សសរស្តម្ភទីបី នៃជំនឿលើវាសនាគឺ ព្រះហឫទ័យ( المشيئة ) ។ អត្ថន័យរបស់វាគឺជំនឿថា អ្វីៗទាំងអស់ដែលកើតឡើងនៅក្នុងចក្រវាឡនេះ គឺមិនអាចកើតឡើងបានឡើយ លើកលែងតែដោយព្រះហឫទ័យរបស់អល់ឡោះ មានន័យថា ដោយការអនុញ្ញាតរបស់ទ្រង់។ មិនថាវាទាក់ទងនឹងសកម្មភាពរបស់ទ្រង់ ដូចជាការធ្វើឲ្យរស់ ការធ្វើឲ្យស្លាប់ និងការគ្រប់គ្រងកិច្ចការនៃចក្រវាឡ ឬទាក់ទងនឹងសកម្មភាពរបស់ម៉ើខឡូក ដូចជាការទៅ ការមក ការធ្វើ ការបោះបង់ចោល ការគោរពប្រតិបត្តិ និងការបំពាន និងសកម្មភាពផ្សេងទៀតរបស់ខ្ញុំបម្រើដែលមិនអាចរាប់បានឡើយ។ អល់ឡោះបានមានបន្ទូលអំពីសកម្មភាពរបស់ទ្រង់ថា៖


ﵟوَرَبُّكَ يَخۡلُقُ مَا يَشَآءُ وَيَخۡتَارُﵞ ﵝالقَصَص : ﵘﵖﵜ


“ហើយព្រះជាម្ចាស់របស់អ្នកទ្រង់បង្កើត និងជ្រើសរើសនូវអ្វីដែលទ្រង់មានចេតនា។”


និងទ្រង់មានបន្ទូលថា


ﵟوَيَفۡعَلُ ٱللَّهُ مَا يَشَآءُ ٢٧ﵞ ﵝإِبۡرَاهِيم : ﵗﵒﵜ


“ហើយអល់ឡោះទ្រង់ធ្វើនូវអ្វីដែលទ្រង់មានចេតនា។”


ទ្រង់មានបន្ទូលអំពីសកម្មភពរបស់សត្វលោកថា៖


ﵟوَلَوۡ شَآءَ ٱللَّهُ لَسَلَّطَهُمۡ عَلَيۡكُمۡ فَلَقَٰتَلُوكُمۡﵞ ﵝالنِّسَاء : ﵐﵙﵜ


“ហើយប្រសិនបើអល់ឡោះជាម្ចាស់មានចេតនា ទ្រង់ពិតជានឹងធ្វើឱ្យពួកគេត្រួតត្រាលើពួកអ្នក ពេលនោះពួកគេនឹងធ្វើសង្គ្រាមឈ្នះពួកអ្នកជាមិនខាន។”


ដូច្នេះការប្រយុទ្ធ ដែលជាសកម្មភាពរបស់ខ្ញុំបម្រើ គឺមិនកើតឡើងឡើយ លើកលែងតែដោយព្រះហឫទ័យរបស់ទ្រង់ មានន័យថា ដោយការអនុញ្ញាតរបស់ទ្រង់។ ហើយទ្រង់បានមានបន្ទូលថា៖


ﵟوَلَوۡ شَآءَ رَبُّكَ مَا فَعَلُوهُۖ فَذَرۡهُمۡ وَمَا يَفۡتَرُونَ ١١٢ﵞ ﵝالأَنۡعَام : ﵒﵑﵑﵜ


 “ហើយប្រសិនបើព្រះជាម្ចាស់របស់អ្នកមានចេតនា ពួកគេក៏មិនអាចធ្វើដូច្នោះបាននោះដែរ។ ហេតុនេះ ចូរអ្នកបណ្តោយពួកគេ និងអ្វីដែលពួកគេបានប្រឌិតកុហកនោះចុះ។”


និងទ្រង់មានបន្ទូលថា៖


ﵟوَلَوۡ شَآءَ ٱللَّهُ مَآ أَشۡرَكُواْﵞ ﵝالأَنۡعَام : ﵗﵐﵑﵜ


“ហើយប្រសិនបើអល់ឡោះទ្រង់មានចេតនា គឺពួកគេមិនធ្វើស្ហ៊ីរិកនោះឡើយ។”


ដូច្នេះ គ្មានអ្វីកើតឡើងនៅក្នុងចក្រវាឡនេះឡើយ លើកលែងតែដោយព្រះហឫទ័យរបស់អល់ឡោះ និងការអនុញ្ញាតរបស់ទ្រង់ មិនថាវាទាក់ទងនឹងសកម្មភាពរបស់ទ្រង់ ឬសកម្មភាពរបស់ខ្ញុំបម្រើរបស់ទ្រង់ឡើយ។ ពីព្រោះចក្រវាឡនេះគឺជាកម្មសិទ្ធិរបស់អល់ឡោះ។ ដរាបណាអ្វីមួយគឺជាកម្មសិទ្ធិរបស់ទ្រង់ វាមិនអាចកើតឡើងនៅក្នុងកម្មសិទ្ធិរបស់ទ្រង់បានឡើយ លើកលែងតែអ្វីដែលទ្រង់មានព្រះហឫទ័យ និងអនុញ្ញាត មិនថាវាជាអ្វីដែលទ្រង់ពេញចិត្ត ដូចជាការគោរពប្រតិបត្តិ ឬអ្វីដែលទ្រង់មិនពេញចិត្ត ដូចជាអំពើបាបឡើយ។ គ្មានអ្វីកើតឡើងនៅក្នុងកម្មសិទ្ធិរបស់ទ្រង់ដោយគ្មានការអនុញ្ញាតរបស់ទ្រង់ឡើយ។


ប្រសិនបើមានអ្វីមួយកើតឡើងដោយគ្មានការអនុញ្ញាតរបស់ទ្រង់ នោះកម្មសិទ្ធិរបស់ទ្រង់នឹងមិនពេញលេញឡើយ។


អ្នកមូស្លីមទាំងឡាយ! សសរស្តម្ភទីបួន នៃជំនឿលើ កដារ គឺ ការបង្កើត( الخلق ) ។ មានន័យថា ជំនឿថា អល់ឡោះបានបង្កើតអ្វីៗទាំងអស់ ដោយរូបរាង លក្ខណៈសម្បត្តិ និងសកម្មភាពរបស់វា ពីភាពទទេស្អាត។  អល់ឡោះមានបន្ទូលថា:


ﵟٱللَّهُ خَٰلِقُ كُلِّ شَيۡءٖﵞ ﵝالزُّمَر : ﵒﵖﵜ


“អល់ឡោះជាម្ចាស់ជាអ្នកដែលបង្កើតរាល់អ្វីៗទាំងអស់។”


និងទ្រង់មានបន្ទូលថា:


ﵟوَخَلَقَ كُلَّ شَيۡءٖ فَقَدَّرَهُۥ تَقۡدِيرٗا ٢ﵞ ﵝالفُرۡقَان : ﵒﵜ


“ហើយទ្រង់បានបង្កើតអ្វីៗទាំងអស់ដោយទ្រង់បានកំណត់(ក្រឹត្យក្រមរបស់វា)យ៉ាងជាក់លាក់។”


និងទ្រង់មានបន្ទូលថា:


ﵟإِنَّا كُلَّ شَيۡءٍ خَلَقۡنَٰهُ بِقَدَرٖ ٤٩ﵞ ﵝالقَمَر : ﵙﵔﵜ


“ពិតប្រាកដណាស់ រាល់អ្វីៗទាំងអស់ គឺយើងបានបង្កើតវាទៅតាមការកំណត់(អំពីយើង)។”


អ្នកបម្រើរបស់អល់ឡោះទាំងឡាយ!  ទាំងបួនយ៉ាងនេះគឺជាសសរស្តម្ភនៃជំនឿលើវាសនា។ អ្នកណាដែលយល់ និងបំពេញវា គឺពិតជាបានបំពេញជំនឿលើវាសនាហើយ។


بَارَكَ اللهُ لِي وَلَكُمْ فِي الْقُرْآنِ الْعَظِيمِ، وَنَفَعَنِي وَإِيَّاكُمْ بِمَا فِيهِ مِنَ الْآيَاتِ وَالذِّكْرِ الْحَكِيمِ، أَقُولُ قَوْلِي هَذَا، وَأَسْتَغْفِرُ اللهَ لِي وَلَكُمْ فَاسْتَغْفِرُوهُ، إِنَّهُ هُوَ الْغَفُورُ الرَّحِيمُ.


សូមអល់ឡោះប្រទានពរដល់ខ្ញុំ និងអ្នកទាំងឡាយ ជាមួយនឹងគម្ពីរគួរអានដ៏អស្ចារ្យ ហើយប្រទានប្រយោជន៍ដល់ខ្ញុំ និងអ្នកទាំងឡាយ ជាមួយនឹងអាយ៉ាត់ និងការរំលឹកដ៏ឈ្លាសវៃនៅក្នុងនោះ។ ខ្ញុំសូមថ្លែងពាក្យសម្ដីរបស់ខ្ញុំនេះ ហើយខ្ញុំសូមអង្វរអល់ឡោះសម្រាប់ខ្ញុំ និងអ្នកទាំងឡាយ ដូច្នេះចូរសុំការអភ័យទោសពីទ្រង់ចុះ។ ពិតប្រាកដណាស់ ទ្រង់គឺជាអ្នកអភ័យទោសបំផុត ដ៏មេត្តាករុណាបំផុត។


الخطبة الثانية


الْحَمْدُ لِلَّهِ وَحْدَهُ، وَالصَّلَاةُ وَالسَّلَامُ عَلَى مَنْ لَا نَبِيَّ بَعْدَهُ، أَمَّا بَعْدُ، فاتقوا الله عباد الله،


ឱខ្ញុំបម្រើរបស់អល់ឡោះ ចូរអ្នកទាំងឡាយកោតខ្លាចអល់ឡោះ ហើយចូរដឹងថា ការកំណត់វាសនារបស់អល់ឡោះមានបីប្រភេទ៖


1.    ការកំណត់តាំងពីដើម ( التقدير الأزلي )៖ នេះគឺកើតឡើង ៥០ ០០០ ឆ្នាំមុននឹងទ្រង់បង្កើតមេឃ និងផែនដី នៅពេលដែលអល់ឡោះបានបង្កើតប៊ិច ហើយទ្រង់បានប្រាប់វាថា៖ «ចូរសរសេរវាសនារបស់អ្វីៗទាំងអស់ រហូតដល់ថ្ងៃបរលោក»។


2.    ប្រភេទទីពីរគឺការកំណត់អាយុជីវិត (التقدير العمري)៖ នេះកើតឡើងនៅពេលដែលមេជីវិតត្រូវបានបង្កើតឡើងនៅក្នុងស្បូន ហើយនៅពេលនោះ ភេទរបស់វា (ប្រុស ឬស្រី) អាយុ ការងារ សេចក្ដីទុក្ខ ឬសេចក្ដីសុខ និងលាភសក្ការៈទាំងអស់ដែលវានឹងជួបប្រទះ ត្រូវបានកត់ត្រាទុក។ គ្មានអ្វីត្រូវបានបន្ថែម ឬកាត់បន្ថយឡើយ។ ភស្តុតាងរបស់វាគឺហាស់ឌីសរបស់អាប់ឌុលឡោះ អ៊ីប៊ីន ម៉ាស់អ៊ូដ  ◙ បាននិយាយថា អ្នកនាំសាររបស់អល់ឡោះ ﷺ ដែលជាអ្នកស្មោះត្រង់ និងពិតជាអ្នកដែលត្រូវបានជឿ បានមានប្រសាសន៍: "ពិតប្រាកដណាស់ ការបង្កើតរបស់ម្នាក់ក្នុងចំណោមអ្នករាល់គ្នាត្រូវបានប្រមូលផ្តុំនៅក្នុងផ្ទៃម្ដាយរបស់គាត់អស់រយៈពេល ៤០ ថ្ងៃ បន្ទាប់មកវាក្លាយជាដុំឈាមក្នុងរយៈពេលដូចគ្នា បន្ទាប់មកវាក្លាយជាដុំសាច់ក្នុងរយៈពេលដូចគ្នា បន្ទាប់មកអល់ឡោះបញ្ជូនទេវតា ហើយគេបញ្ជាវាឲ្យសរសេរពាក្យបួនឃ្លា ហើយគេប្រាប់វាថា៖ ចូរសរសេរការងាររបស់វា លាភសក្ការៈរបស់វា អាយុរបស់វា ហើយថាតើវាសំណាង ឬអកុសល បន្ទាប់មកវិញ្ញាណត្រូវបានផ្លុំចូលទៅក្នុងវា..." [រាយការណ៍ដោយអាល់ពូខរ៉ី៣២០៨ និងមូស្លឹម ២៦៤៣]


3.    ការកំណត់ប្រចាំឆ្នាំ ( التقدير الحولي أو السنوي )៖ ការកំណត់នេះកើតឡើងនៅក្នុងរាត្រីឡៃឡាតុលកឌើរ (ليلة القدر) ក្នុងអំឡុងពេលដប់យប់ចុងក្រោយនៃខែរ៉ាម៉ាឌនជារៀងរាល់ឆ្នាំ។ នៅក្នុងរាត្រីនោះ អល់ឡោះនឹងកំណត់នូវអ្វីដែលនឹងកើតឡើងពេញមួយឆ្នាំ រហូតដល់រាត្រីដូចគ្នានៅឆ្នាំបន្ទាប់។ ភស្តុតាងសម្រាប់ចំណុចនេះគឺព្រះបន្ទូលរបស់ទ្រង់ថា៖


ﵟإِنَّآ أَنزَلۡنَٰهُ فِي لَيۡلَةٖ مُّبَٰرَكَةٍۚ إِنَّا كُنَّا مُنذِرِينَ ٣ فِيهَا يُفۡرَقُ كُلُّ أَمۡرٍ حَكِيمٍ ٤ أَمۡرٗا مِّنۡ عِندِنَآۚ إِنَّا كُنَّا مُرۡسِلِينَ ٥ﵞ ﵝالدُّخَان : ﵓ - ﵕﵜ


“ពិតប្រាកដណាស់ យើងបានបញ្ចុះវា(គម្ពីរគួរអាន) នៅយប់ដ៏មានបារ៉ាកាត់(ពរជ័យ)។ ពិតប្រាកដណាស់ យើងជាអ្នកព្រមាន។ នៅក្នុងយប់នោះ រាល់កិច្ចការដ៏ឈ្លាសវៃទាំងអស់ត្រូវបានបែងចែក(និងសម្រេច)។ (វាគឺជា)បញ្ជាមួយពីយើង។ ពិតប្រាកដណាស់ យើងជាអ្នកចាត់បញ្ជូន(អ្នកនាំសារ)។”


ស្ហៃខ អាប់ឌុរ រ៉ហ្ម៉ាន ពិន ណាសីរ អាស-សអ៍ឌី ♫ បានពន្យល់អំពីអាយ៉ាត់នេះថា៖ រាល់រឿងជោគវាសនានិងច្បាប់សាសនាដែលអល់ឡោះបានកំណត់ នឹងត្រូវបានបែងចែក ញែកចេញ និងកត់ត្រា។ ការកត់ត្រានិងការបែងចែកដែលកើតឡើងនៅឡៃលាតុលក៊ដរិ គឺជាការកត់ត្រាមួយក្នុងចំណោមការកត់ត្រាទាំងឡាយដែលត្រូវបានសរសេរ និងញែកចេញ ដោយស្របទៅនឹងកំណត់ត្រាដំបូងដែលអល់ឡោះបានកត់ត្រាជោគវាសនា អាយុ លាភសក្ការៈ ទង្វើ និងស្ថានភាពរបស់ពួកគេ។» ចប់។


បងប្អូនមូស្លីមទាំងឡាយ! (សូមអល់ឡោះមេត្តាដល់អ្នករាល់គ្នា) ចូរដឹងថា ជំនឿលើជោគវាសនាមិនមានន័យថា មនុស្សត្រូវបានបង្ខំឱ្យធ្វើអំពើរបស់គេទេ មិនថាល្អឬអាក្រក់។ អល់ឡោះបានផ្តល់ឱ្យមនុស្សនូវឆន្ទៈនិងសមត្ថភាព ហើយប្រទានបញ្ញាដល់គេដើម្បីញែកភាពត្រឹមត្រូវពីភាពខុសឆ្គង និងជ្រើសរើសផ្លូវរួចផុតដោយចៀសវាងផ្លូវវិនាស។ ទ្រង់បញ្ជាឱ្យធ្វើយុត្តិធម៌ ល្អ និងចែករំលែកដល់ញាតិសន្តាន ហើយហាមឃាត់ពីអំពើអសីលធម៌ អំពើអាក្រក់ និងការរំលោភបំពាន។ ដូច្នេះ រឿងនេះគឺអាស្រ័យលើមនុស្សផ្ទាល់ បើចង់អរគុណក៏បាន បើចង់បដិសេធក៏បាន បើចង់វង្វេងក៏បាន បើចង់ដើរត្រង់ក៏បាន បើចង់ស្តាប់បង្គាប់ក៏បាន បើចង់ប្រឆាំងក៏បាន។ រួចអល់ឡោះនឹងគិតគូរជាមួយគេនៅថ្ងៃបរលោកអំពីអំពើដែលគេបានជ្រើសរើសនិងប្រព្រឹត្ត បើល្អបានល្អ បើអាក្រក់បានអាក្រក់។ អល់ឡោះបានបញ្ជាក់ថាមនុស្សមានឆន្ទៈដោយមានបន្ទូលថា៖


ﵟفَمَن شَآءَ ٱتَّخَذَ إِلَىٰ رَبِّهِۦ مَـَٔابًا ٣٩ﵞ ﵝالنَّبَإ : ﵙﵓﵜ


“ដូចេ្នះ ជនណាដែលចង់ទទួលបានជោគជ័យ ចូរឱ្យគេជ្រើសយកកន្លែងវិលត្រឡប់ទៅកាន់ព្រះជាម្ចាស់របស់គេចុះ។”


និងទ្រង់មានបន្ទូល៖


ﵟفَمَن شَآءَ فَلۡيُؤۡمِن وَمَن شَآءَ فَلۡيَكۡفُرۡﵞ ﵝالكَهۡف : ﵙﵒﵜ


“ដូច្នេះ ជនណាដែលមានបំណង ចូរឱ្យគេមានជំនឿចុះ។ ជនណាដែលមានបំណង ចូរឱ្យគេប្រឆាំងចុះ។”


និងទ្រង់មានបន្ទូល៖


ﵟفَأۡتُواْ حَرۡثَكُمۡ أَنَّىٰ شِئۡتُمۡﵞ ﵝالبَقَرَةِ : ﵓﵒﵒﵜ


“ហេតុនេះ ចូរពួកអ្នកមករកថ្នាលរបស់ពួកអ្នក(ពោលគឺទ្វារមាស)តាមដែលពួកអ្នកពេញចិត្តចុះ។”


ثُمَّ ٱعْلَمُوا رَحِمَكُمُ ٱللَّهُ أَنَّ ٱللَّهَ سُبْحَانَهُ وَتَعَالَى أَمَرَكُمْ بِأَمْرٍ عَظِيمٍ، فَقَالَ:


ﵟإِنَّ ٱللَّهَ وَمَلَٰٓئِكَتَهُۥ يُصَلُّونَ عَلَى ٱلنَّبِيِّۚ يَٰٓأَيُّهَا ٱلَّذِينَ ءَامَنُواْ صَلُّواْ عَلَيۡهِ وَسَلِّمُواْ تَسۡلِيمًا ٥٦ﵞ


ٱللَّهُمَّ صَلِّ وَسَلِّمْ عَلَى عَبْدِكَ وَرَسُولِكَ مُحَمَّدٍ، وَٱرْضَ عَنْ أَصْحَابِهِ ٱلْخُلَفَاءِ، وَٱرْضَ عَنِ ٱلتَّابِعِينَ، وَمَنْ تَبِعَهُمْ بِإِحْسَانٍ إِلَىٰ يَوْمِ ٱلدِّينِ.


ٱللَّهُمَّ أَعِزَّ ٱلْإِسْلَامَ وَٱلْمُسْلِمِينَ، وَأَذِلَّ ٱلشِّرْكَ وَٱلْمُشْرِكِينَ، وَدَمِّرْ أَعْدَاءَكَ أَعْدَاءَ ٱلدِّينِ، وَٱنْصُرْ عِبَادَكَ ٱلْمُوَحِّدِينَ.


ٱللَّهُمَّ آمِنَّا فِي أَوْطَانِنَا، وَأَصْلِحْ أَئِمَّتَنَا وَوُلَاةَ أُمُورِنَا، وَٱجْعَلْهُمْ هُدَاةً مُهْتَدِينَ.


ٱللَّهُمَّ وَفِّقْ جَمِيعَ وُلَاةِ ٱلْمُسْلِمِينَ لِتَحْكِيمِ كِتَابِكَ، وَإِعْزَازِ دِينِكَ، وَٱجْعَلْهُمْ رَحْمَةً عَلَىٰ رَعَايَاهُمْ.


ٱللَّهُمَّ إِنَّا نَسْأَلُكَ مِنَ ٱلْخَيْرِ كُلِّهِ، عَاجِلِهِ وَآجِلِهِ، مَا عَلِمْنَا مِنْهُ وَمَا لَمْ نَعْلَمْ، وَنَعُوذُ بِكَ مِنَ ٱلشَّرِّ كُلِّهِ، عَاجِلِهِ وَآجِلِهِ، مَا عَلِمْنَا مِنْهُ وَمَا لَمْ نَعْلَمْ.


ٱللَّهُمَّ إِنَّا نَعُوذُ بِكَ مِنْ زَوَالِ نِعْمَتِكَ، وَتَحَوُّلِ عَافِيَتِكَ، وَفُجَاءَةِ نِقْمَتِكَ، وَجَمِيعِ سَخَطِكَ.


رَبَّنَا ٱغْفِرْ لَنَا وَلِإِخْوَانِنَا ٱلَّذِينَ سَبَقُونَا بِٱلْإِيمَانِ، وَلَا تَجْعَلْ فِي قُلُوبِنَا غِلًّا لِّلَّذِينَ آمَنُوا، رَبَّنَا إِنَّكَ رَءُوفٌ رَّحِيمٌ.


رَبَّنَا آتِنَا فِي ٱلدُّنْيَا حَسَنَةً، وَفِي ٱلْآخِرَةِ حَسَنَةً، وَقِنَا عَذَابَ ٱلنَّارِ.


سُبْحَانَ رَبِّنَا رَبِّ ٱلْعِزَّةِ عَمَّا يَصِفُونَ.


****