ឱបងប្អូនមូស្លីមទាំងឡាយ! ចូរកោតខ្លាចអល់ឡោះជាម្ចាស់ដ៏ខ្ពង់ខ្ពស់ ហើយត្រូវមានស្មារតីដឹងជានិច្ចថា ទ្រង់តែងតែឃ្លាំមើលរាល់ទង្វើរបស់យើង មិនថាលាក់កំបាំង ឬបើកចំហ។ ចូរអនុវត្តតាមឲ្យបានត្រឹមត្រូវនិងខ្ជាប់ខ្ចួន នូវរាល់បទបញ្ជាទាំងឡាយរបស់ទ្រង់ ហើយចៀសវាងឲ្យឆ្ងាយពីរាល់ប្រការទាំងឡាយដែលទ្រង់បានហាមឃាត់។
ចូរអ្នកដឹងថា អល់ឡោះបានបានបង្កើតមនុស្សលោក និងពពួកជិន ដើម្បីឱ្យពួកគេគោរពសក្ការៈចំពោះទ្រង់តែមួយ និងមិនឱ្យពួកគេផ្សំភ្ជាប់ទ្រង់ជាមួយនឹងអ្វីផ្សេងឡើយ។ ដូចដែលទ្រង់បានមានបន្ទូលថា៖
ﵟوَمَا خَلَقۡتُ ٱلۡجِنَّ وَٱلۡإِنسَ إِلَّا لِيَعۡبُدُونِ ٥٦ﵞ ﵝالذَّارِيَات : ﵖﵕﵜ
“ហើយយើងមិនបានបង្កើតជិននិងមនុស្សលោកនោះឡើយ លើកលែងដើម្បីឱ្យពួកគេគោរពសក្ការៈ(មកចំពោះយើងតែមួយគត់)ប៉ុណ្ណោះ។”
ទ្រង់បានបញ្ជូនបណ្ដាអ្នកនាំសារដើម្បីគោលបំណងនោះដែរ ដោយបានមានបន្ទូលថា៖
ﵟوَمَآ أَرۡسَلۡنَا مِن قَبۡلِكَ مِن رَّسُولٍ إِلَّا نُوحِيٓ إِلَيۡهِ أَنَّهُۥ لَآ إِلَٰهَ إِلَّآ أَنَا۠ فَٱعۡبُدُونِ ٢٥ﵞ ﵝالأَنبِيَاء : ﵕﵒﵜ
“ហើយយើងមិនបានបញ្ជូនអ្នកនាំសារណាម្នាក់មុនអ្នក(ឱអ្នកនាំសារមូហាំម៉ាត់)នោះឡើយ លើកលែងតែយើងបានផ្តល់វ៉ាហ៊ីទៅកាន់គេថា៖ ពិតប្រាកដណាស់ គ្មានព្រះជាម្ចាស់ឯណាដែលត្រូវគោរពសក្ការៈដ៏ពិតប្រាកដក្រៅពីយើងឡើយ។ ហេតុនេះ ចូរពួកអ្នកគោរពសក្ការៈចំពោះយើង(តែមួយគត់)។”
ទ្រង់បានហាមឃាត់ខ្ញុំបម្រើរបស់ទ្រង់ពីការដាក់ភាគីជាមួយទ្រង់ក្នុងការគោរពប្រណិប័តន៍ ដោយបានមានបន្ទូលថា៖
ﵟوَلَقَدۡ أُوحِيَ إِلَيۡكَ وَإِلَى ٱلَّذِينَ مِن قَبۡلِكَ لَئِنۡ أَشۡرَكۡتَ لَيَحۡبَطَنَّ عَمَلُكَ وَلَتَكُونَنَّ مِنَ ٱلۡخَٰسِرِينَ ٦٥ بَلِ ٱللَّهَ فَٱعۡبُدۡ وَكُن مِّنَ ٱلشَّٰكِرِينَ ٦٦ﵞ ﵝالزُّمَر : ﵕﵖ - ﵖﵖﵜ
“ហើយជាការពិតណាស់ គេបានផ្តល់វ៉ាហ៊ីទៅកាន់អ្នក(ឱអ្នកនាំសារមូហាំម៉ាត់) និងទៅកាន់អ្នក(នាំសារ)ជំនាន់មុនអ្នកថា៖ ប្រសិនបើអ្នកធ្វើស្ហ៊ីរិក(មកចំពោះយើង) នោះទង្វើ(កុសល)របស់អ្នកពិតជានឹងរលាយសាបសូន្យ ហើយអ្នកប្រាកដជានឹងស្ថិតក្នុងចំណោមពួកដែលខាតបង់ជាមិនខាន។ ផ្ទុយទៅវិញ ចំពោះអល់ឡោះ(តែមួយគត់) ចូរអ្នកគោរពសក្ការៈ ហើយចូរអ្នកស្ថិតក្នុងចំណោមបណ្តាអ្នកដែលដឹងគុណ។”
ទ្រង់បានបញ្ជាក់ឲ្យយើងដឹងថា ស្ហីរិក(ការភ្ជាប់ដៃគូជាមួយទ្រង់)គឺជាអំពើបាបដ៏ធំបំផុត ដោយបានមានបន្ទូលថា៖
ﵟإِنَّ ٱللَّهَ لَا يَغۡفِرُ أَن يُشۡرَكَ بِهِۦ وَيَغۡفِرُ مَا دُونَ ذَٰلِكَ لِمَن يَشَآءُۚ وَمَن يُشۡرِكۡ بِٱللَّهِ فَقَدِ ٱفۡتَرَىٰٓ إِثۡمًا عَظِيمًا ٤٨ﵞ ﵝالنِّسَاء : ﵘﵔﵜ
“ពិតប្រាកដណាស់ អល់ឡោះជាម្ចាស់ទ្រង់មិនអភ័យទោសឱ្យអ្នកដែលធ្វើស្ហ៊ីរិកចំពោះទ្រង់ឡើយ តែទ្រង់នឹងអភ័យទោសឱ្យចំពោះបាបកម្មផ្សេងពីនេះ ចំពោះជនណាដែលទ្រង់មានចេតនា។ ហើយជនណាដែលធ្វើស្ហ៊ីរិកនឹងអល់ឡោះជាម្ចាស់នោះ ពិតប្រាកដណាស់ រូបគេពិតជាបានប្រព្រឹត្តបាបកម្មមួយដ៏ធ្ងន់ធ្ងរបំផុត។”
បងប្អូនអ្នកមានជំនឿទាំងឡាយ! នៅក្នុងខុតបះមុន យើងបាននិយាយអំពីទម្រង់ទី១នៃការហួសហេតុក្នុងការលើកតម្កើងអ្នកសុចរិត គឺការយកផ្នូររបស់ពួកគាត់ធ្វើជាម៉ាស្ជិដ មានន័យថាជាកន្លែងគោរពសក្ការៈនិងសឡាត។ នៅក្នុងខុតបះនេះ យើងនឹងនិយាយអំពីទម្រង់ទី២នៃការហួសហេតុក្នុងការលើកតម្កើងអ្នកសុចរិត គឺ ការសង់ម៉ាស្ជិដលើផ្នូររបស់ពួកគាត់។
បងប្អូនខ្ញុំបម្រើរបស់អល់ឡោះ! ក្រុមមនុស្សមួយចំនួនមិនត្រឹមតែសឡាតនៅក្បែរផ្នូរប៉ុណ្ណោះទេ ពួកគេថែមទាំងបានសង់វិហារលើផ្នូរដើម្បីឱ្យការសឡាតនៅទីនោះមានភាពរឹងមាំ និងស្ថិតស្ថេរជានិច្ច មិនថាជាការសឡាតកាតព្វកិច្ច ឬសឡាតស្មគ្រចិត្តនោះទេ។ ពួកគេជឿថាការធ្វើដូច្នេះនឹងទទួលបានផលបុណ្យកាន់តែច្រើនជាងការសឡាតនៅក្នុងវិហារដែលគ្មានផ្នូរ ហើយថាការបួងសួងនៅក្នុងវិហារដែលមានផ្នូរនឹងទទួលបានការឆ្លើយតបលឿនជាងវិហារដែលគ្មានផ្នូរ។ ថែមទាំងអ្នកខ្លះបានចំណាយប្រាក់យ៉ាងច្រើនដើម្បីសង់វិហារ រួចហើយក៏ផ្តាំផ្ញើឱ្យបញ្ចុះសពពួកគេនៅក្នុងនោះទៀតផង!
បើត្រឡប់ទៅមើលសុណ្ណះណាពី យើងនឹងឃើញថា ព្យាការី ه បានដាក់បណ្ដាសាលើអ្នកដែលធ្វើបែបនេះ ហើយបានបញ្ជាក់ថាពួកគេគឺជាមនុស្សអាក្រក់បំផុតចំពោះអល់ឡោះនៅថ្ងៃបរលោក។
ពី លោកស្រីអាអ៊ីស្ហះ ដែលបាននិយាយថា អ៊ុំមូ ហាប៊ីបាះ និង អ៊ុំមូ សាឡាម៉ះ បានរៀបរាប់អំពីវិហារមួយដែលពួកគេបានឃើញនៅ ហាប៉ាស្ហះ ដែលមានរូបភាពជាច្រើនដែលមានរូបភាពបណ្តាព្យាការីរបស់អល់ឡោះ ។ អ្នកនាំសាររបស់អល់ឡោះ ه មានប្រសាសន៍ថា៖
> إِنَّ أُولَئِكَ إِذَا كَانَ فِيهِمْ الرَّجُلُ الصَّالِحُ فَمَاتَ بَنَوْا عَلَى قَبْرِهِ مَسْجِدًا وَصَوَّرُوا فِيهِ تِلْكَ الصُّوَرَ، أُولَئِكَ شِرَارُ الْخَلْقِ عِنْدَ اللَّهِ عَزَّ وَجَلَّ يَوْمَ الْقِيَامَةِ < [رواه البخاري ومسلم]
«ពិតប្រាកដណាស់! អ្នកទាំងនោះ(ប្រជាជាតិមុនៗ) នៅពេលដែលមានមនុស្សសុចរិតក្នុងចំណោមពួកគេស្លាប់ ពួកគេបានសង់វិហារលើផ្នូររបស់គាត់ ហើយបានគូររូបភាពទាំងនោះនៅក្នុងនោះ។ អ្នកទាំងនោះគឺជាមនុស្សអាក្រក់បំផុតចំពោះអល់ឡោះ(ដ៏ខ្ពង់ខ្ពស់) នៅថ្ងៃបរលោក»។
អ៊ីបនូ អាប់ឌុល បារ ♫ បាននិយាយថា: "ហាឌីសនេះហាមឃាត់មូស្លីមពីការយកផ្នូររបស់បណ្តាព្យាការី អ្នកប្រាជ្ញ និងអ្នកសុចរិតធ្វើជាម៉ាស្ជិដ។"
អ៊ីបន រ៉ាចាប់ បានមានប្រសាសន៍ថា៖ «ហាឌីសនេះបញ្ជាក់ពីការហាមឃាត់ការសង់វិហារលើផ្នូររបស់ពួកអ្នកសុចរិត និងការគូររូបភាពរបស់ពួកគេនៅក្នុងនោះ ដូចដែលពួកគ្រីស្ទានធ្វើ។ គ្មានការសង្ស័យទេថា ទង្វើទាំងពីរនេះត្រូវបានហាមឃាត់រៀងៗខ្លួន។ ការគូររូបភាពមនុស្សត្រូវបានហាមឃាត់ ហើយការសង់វិហារលើផ្នូរក៏ត្រូវបានហាមឃាត់ដោយខ្លួនឯងដែរ ដូចដែលភស្តុតាងផ្សេងទៀតបានបញ្ជាក់»។
បងប្អូនមូស្លីមទាំងឡាយ! អ្វីដែលត្រូវបានរាយការណ៍ពីសាហាបះអំពីការស្អប់ការសង់ម៉ាស្ជិដលើផ្នូរ គឺអ្វីដែល អ៊ីបនូ អាប់ឌី ស្ហៃបា បានរៀបរាប់នៅក្នុង «មូសាន់ណាហ្វ» របស់លោកពី អាណាស់ ا ថា លោកស្អប់ការសង់វិហារនៅចន្លោះផ្នូរ។
បងប្អូនខ្ញុំបម្រើរបស់អល់ឡោះ! អ្វីដែលត្រូវបានរាយការណ៍ពីតាប៊ីអីនអំពីការស្អប់ការសង់ម៉ាស្ជិដលើផ្នូរ គឺអ្វីដែលអ៊ីបនូ អាប៊ី សៃបះ បានរាយការណ៍តាមខ្សែសាណាដរបស់គាត់ពីអ៊ីប្រហ៊ីម អាន់-ណាខាអី ថាគាត់ស្អប់ការយកផ្នូរធ្វើជាម៉ាស្ជិដ។
បងប្អូនអ្នកមានជំនឿទាំងឡាយ! ផ្អែកលើការហាមឃាត់ដែលមាននៅក្នុងហាឌីស ពួកអ្នកប្រាជ្ញនៃនិកាយទាំងបួនបាននិយាយថាការសង់វិហារលើផ្នូរត្រូវបានហាមឃាត់។ មូហាំម៉ាត់ អាស្ហស្ហៃបានី សិស្សរបស់ លោកអាប៊ូ ហានីហ្វា, អាល់-គូរតុប៊ី អាល់-ម៉ាលីគី នៅក្នុងសៀវភៅរបស់លោក «الجامع لأحكام القرآن», អាស្ហាហ្វីអ៊ី នៅក្នុងសៀវភៅរបស់លោក «អាល់-អុម», អាល់-ណាវ៉ាវី, និង អ៊ីបនូ គូដាម៉ះ សុទ្ធតែបាននិយាយពីការហាមឃាត់នេះ។
អ៊ីបនូ តៃមីយ្យ៉ះ ♫ បានរាយការណ៍ពីការឯកភាពរបស់អ្នកចេះដឹងលើការហាមឃាត់ការសង់ម៉ាស្ជិដលើផ្នូរ។ គាត់ត្រូវបានសួរថា: "តើការសឡាតក្នុងម៉ាស្ជិដដែលមានផ្នូរ និងអ្នកប្រមូលផ្តុំគ្នាសម្រាប់សឡាតចាម៉ាអះនិងជុមអះត្រឹមត្រូវឬទេ? ហើយតើគួរធ្វើឱ្យផ្នូរស្មើឬធ្វើរបាំងឬជញ្ជាំងជុំវិញវាឬ”?
គាត់បានឆ្លើយថា: "អាល់ហាមឌូលីលឡោះ អ៊ីម៉ាំបានឯកភាពថាមិនត្រូវសង់ម៉ាស្ជិដលើផ្នូរទេ ព្រោះណាពី ه បានមានប្រសាសន៍: "ពិតប្រាកដណាស់! អ្នកដែលនៅមុនអ្នករាល់គ្នាធ្លាប់បានយកផ្នូរធ្វើជាវិហារ។ ចូរដឹងចុះ! កុំយកផ្នូរធ្វើជាវិហារឡើយ ខ្ញុំហាមឃាត់ពួកអ្នកពីទង្វើនោះ"។
ហើយក៏មិនត្រូវបញ្ចុះសពអ្នកស្លាប់នៅក្នុងវិហារដែរ។ ប្រសិនបើវិហារមានមុនពេលបញ្ចុះសព នោះត្រូវផ្លាស់ប្តូរ ទាំងដោយការតម្រង់ផ្នូរឱ្យរាបស្មើ ឬដោយការជីកកកាយវាចេញ ប្រសិនបើវាថ្មី។
ហើយប្រសិនបើវិហារត្រូវបានសង់បន្ទាប់ពីផ្នូរ នោះត្រូវដកវិហារចេញ ឬដកទម្រង់ផ្នូរចេញ។ វិហារដែលសង់លើផ្នូរ មិនត្រូវសឡាតហ្វើរឌូ ឬសុណ្ណះ នៅក្នុងនោះទេ ពីព្រោះវាត្រូវបានហាមឃាត់»។
លោកក៏បានមានប្រសាសន៍ផងដែរថា៖ «ការហាមឃាត់របស់លោក (ចំពោះការយកផ្នូរធ្វើជាវិហារ) រួមបញ្ចូលទាំងការហាមឃាត់ការសង់វិហារលើផ្នូរ និងការបំណងសឡាតនៅក្បែរផ្នូរ ហើយទង្វើទាំងពីរនេះត្រូវបានហាមឃាត់ដោយការឯកភាពរបស់ពួកអ្នកប្រាជ្ញ។ ពួកគេបានហាមឃាត់ការសង់វិហារលើផ្នូរ ថែមទាំងបានបញ្ជាក់ពីការហាមឃាត់នោះ ដូចដែលភស្តុតាងបានបង្ហាញ»។
ការបញ្ជាក់ថាការសង់លើផ្នូរគឺជាការបង្កើតថ្មីនៅក្នុងអ៊ីស្លាម
សម្រាប់ជាប្រយោជន៍ លោក ♫ បានមានប្រសាសន៍ថា៖ «ដូចគ្នានេះដែរ វិហារដែលសង់លើផ្នូរ ដែលត្រូវបានគេហៅថា "អាល់-ម៉ាស្ហាហ៊ីដ (ទីបូជា)" គឺជាការបង្កើតថ្មីនៅក្នុងអ៊ីស្លាម ហើយការធ្វើដំណើរទៅកាន់ទីនោះក៏ជាការបង្កើតថ្មីនៅក្នុងអ៊ីស្លាមដែរ។ គ្មានអ្វីត្រូវបានសង់បែបនោះនៅក្នុងជំនាន់ទាំងបីដ៏ល្អឡើយ»។
ថែមទាំងលោកបានបញ្ជាក់ថា ការសង់វិហារលើផ្នូរមិនត្រូវបានគេស្គាល់រហូតដល់ចុងសតវត្សទីបី។ លោកបានមានប្រសាសន៍ថា៖ «ការលេចឡើងនិងការរីករាលដាលនៃទីបូជាបានកើតឡើងនៅពេលដែលរដ្ឋខលីហ្វះរបស់ បានី អាប់បាស ចុះខ្សោយ ហើយអូម៉ាត់បានបែកបាក់គ្នា ហើយពួក ហ្សាន់ដាកោះ (ពួកលាក់ពុត) ដែលបោកប្រាស់ពួកមូស្លីមមានចំនួនច្រើន ហើយពាក្យសម្ដីរបស់ពួកអ្នកបង្កើតថ្មីក្នុងសាសនាបានរីករាលដាល។ នេះបានកើតឡើងតាំងពីសម័យរដ្ឋាភិបាលរបស់ អាល់-មូកតាឌីរ នៅចុងសតវត្សទីបី។ នៅពេលនោះ ពួក អាល់-ការ៉ាមីតោះ អាល់-អ៊ូបៃឌីយ៉ះ អាល់-កដដាហ៊ីយ៉ះ បានលេចឡើងនៅក្នុងទឹកដីម៉ូរូកូ ហើយបន្ទាប់មកបានមកដល់ទឹកដីអេហ្សីប ហើយប្រហាក់ប្រហែលគ្នានោះ ពួក បានី ប៊ូវៃហ៍ បានលេចឡើង ហើយមានពួកហ្សាន់ដាកោះ និងការបង្កើតថ្មីក្នុងសាសនាដ៏ខ្លាំងក្លាច្រើននៅក្នុងចំណោមពួកគេ»។
بَارَكَ اللهُ لِي وَلَكُمْ فِي الْقُرْآنِ الْعَظِيمِ، وَنَفَعَنِي وَإِيَّاكُمْ بِمَا فِيهِ مِنَ الْآيَاتِ وَالذِّكْرِ الْحَكِيمِ، أَقُولُ قَوْلِي هَذَا، وَأَسْتَغْفِرُ اللهَ لِي وَلَكُمْ فَاسْتَغْفِرُوهُ، إِنَّهُ هُوَ الْغَفُورُ الرَّحِيمُ.
الخطبة الثانية
បញ្ជាក់ពីមូលហេតុនៃការហាមឃាត់ការសង់លើផ្នូរ
الْحَمْدُ لِلَّهِ وَحْدَهُ، وَالصَّلَاةُ وَالسَّلَامُ عَلَى مَنْ لَا نَبِيَّ بَعْدَهُ، أَمَّا بَعْدُ، فاتقوا الله عباد الله،
សូមដឹងថា មូលហេតុនៃការហាមឃាត់ការសង់លើផ្នូរគឺអ្វីដែលកើតឡើងក្នុងចិត្តអ្នកដែលមកមើល គឺការលើកតម្កើងម្ចាស់ផ្នូរហួសហេតុរហូតនាំទៅរកការងាកទៅរកគាត់ដោយប្រភេទនៃការគោរពសក្ការៈ ដូចជាការបួងសួង ការបន់ស្រន់ និងផ្សេងៗ។
អាស្ហ-ស្ហាវកានី ♫បានពន្យល់ពីមូលហេតុនៃការហាមឃាត់ការសង់វិហារលើផ្នូរនៅក្នុងសៀវភៅរបស់លោក «ស្ហារហ៍ អាស្ហូឌូរ ហ្វី តាហ៍រីម រ៉ាហ្វអ៊ីល-គូបូរ» យ៉ាងដូច្នេះថា៖
«ពិតប្រាកដណាស់! មនុស្សល្ងង់ខ្លៅនៅពេលដែលភ្នែករបស់គាត់ឃើញផ្នូរមួយដែលត្រូវបានសង់គូបបា(ដំបូល) លើវា ហើយគាត់បានចូលទៅក្នុងនោះ ហើយមើលឃើញវាំងននដ៏ស្រស់ស្អាត និងចង្កៀងដ៏ភ្លឺចែងចាំងនៅលើផ្នូរ ហើយមានធូបក្រអូបអណ្ដែតជុំវិញ នោះគ្មានការសង្ស័យទេថា ចិត្តរបស់គាត់នឹងពោរពេញដោយការលើកតម្កើងផ្នូរនោះ ហើយគំនិតរបស់គាត់នឹងពិបាកនឹងស្រមៃពីឋានៈរបស់មរណៈជននោះ។ គាត់នឹងមានអារម្មណ៍ភ័យខ្លាច និងគោរព ដែលនឹងបណ្ដុះជំនឿអាក្រក់របស់ ស្ហៃតន នៅក្នុងចិត្តរបស់គាត់ ដែលជាល្បិចកលដ៏ធំបំផុតរបស់ស្ហៃតនសម្រាប់ពួកមូស្លីម និងជាមធ្យោបាយដ៏គ្រោះថ្នាក់បំផុតរបស់វាដើម្បីបំភ័ន្តខ្ញុំបម្រើរបស់អល់ឡោះ។ វានឹងរុញច្រានគាត់ឱ្យឃ្លាតឆ្ងាយពីអ៊ីស្លាមបន្តិចម្ដងៗ រហូតដល់គាត់សុំពីម្ចាស់ផ្នូរនោះនូវអ្វីដែលគ្មានអ្នកណាអាចធ្វើបានក្រៅពីអល់ឡោះ ដូច្នេះគាត់នឹងក្លាយជាផ្នែកមួយនៃពួក មូស្ហ្រីគីន។
ស្ហីរិក នេះអាចកើតឡើងចំពោះគាត់តាំងពីពេលដំបូងដែលគាត់ឃើញផ្នូរដែលមានលក្ខណៈបែបនោះ និងតាំងពីពេលដំបូងដែលគាត់ទៅលេងវា ពីព្រោះវាត្រូវតែលេចឡើងនៅក្នុងចិត្តរបស់គាត់ថា ការយកចិត្តទុកដាក់ខ្ពស់បែបនេះពីមនុស្សរស់ចំពោះមរណៈជនបែបនេះ មិនអាចកើតឡើងបានឡើយ លើកលែងតែមានប្រយោជន៍ដែលពួកគេសង្ឃឹមពីគាត់ ទាំងផលប្រយោជន៍លោកិយ ឬផលប្រយោជន៍បរលោក។ ហើយគាត់នឹងមានអារម្មណ៍ថាតូចតាចចំពោះអ្នកដែលគាត់ឃើញទៅលេងផ្នូរនោះ គោរពសក្ការៈវា និងកាន់ជើងរបស់វា។
ស្ហៃតនអាចនឹងបង្កើតក្រុមបងប្អូនរបស់វាពីក្នុងចំណោមមនុស្សឱ្យឈរនៅក្បែរផ្នូរនោះ បោកប្រាស់អ្នកដែលមកលេង បំភ័យពួកគេ និងធ្វើរឿងរ៉ាវប្លែកៗពីខ្លួនឯង ហើយភ្ជាប់វាទៅនឹងមរណៈជនតាមរបៀបដែលមនុស្សល្ងង់ខ្លៅមិនអាចដឹងបាន។ ពួកគេអាចនឹងបង្កើតការកុហកដែលមានរឿងរ៉ាវដែលពួកគេហៅថា ការ៉ាម៉ាត (អព្ភូតហេតុ) សម្រាប់មរណៈជននោះ ហើយផ្សព្វផ្សាយវាក្នុងចំណោមមនុស្ស ព្រមទាំងរំលឹកវាម្តងហើយម្តងទៀតនៅក្នុងកិច្ចប្រជុំរបស់ពួកគេ និងនៅពេលដែលពួកគេជួបមនុស្ស ដូច្នេះវាបានរីករាលដាលហើយត្រូវបានទទួលយកដោយអ្នកដែលទុកចិត្តលើមរណៈជន ហើយចិត្តរបស់ពួកគេទទួលយកនូវរឿងកុហកដែលត្រូវបានរៀបរាប់អំពីពួកគេ។ គាត់នឹងរៀបរាប់វាដូចដែលគាត់បានឮ ហើយនិយាយអំពីវានៅក្នុងកិច្ចប្រជុំរបស់គាត់ ដូច្នេះមនុស្សល្ងង់ខ្លៅនឹងធ្លាក់ចូលទៅក្នុងគ្រោះមហន្តរាយដ៏ធំធេងនៃជំនឿ។ ពួកគេនឹងបន់ស្រន់ដោយទ្រព្យសម្បត្តិដ៏មានតម្លៃបំផុតរបស់ពួកគេទៅកាន់មរណៈជននោះ ហើយរក្សាដីធ្លីដែលពួកគេស្រឡាញ់បំផុតសម្រាប់ផ្នូររបស់គាត់ ដោយជឿថាពួកគេនឹងទទួលបាននូវភាពល្អដ៏អស្ចារ្យ និងផលបុណ្យដ៏ច្រើនដោយបុណ្យបារមីរបស់មរណៈជននោះ។ ពួកគេជឿថាការធ្វើដូច្នេះគឺជាការថ្វាយបង្គំដ៏ធំធេង ការគោរពប្រតិបត្តិដ៏មានប្រយោជន៍ និងអំពើល្អដែលត្រូវបានទទួលយក ដូច្នេះហើយទើបសម្រេចបាននូវគោលបំណងរបស់ពួកអ្នកដែលស្ហៃតនបានបង្កើតជាបងប្អូនរបស់វាពីក្នុងចំណោមមនុស្សនៅក្បែរផ្នូរនោះ។ ពួកគេបានធ្វើទង្វើទាំងនោះ បំភ័យមនុស្សដោយរឿងរ៉ាវទាំងនោះ និងកុហកដោយការកុហកទាំងនោះ ដើម្បីទទួលបានចំណែកខ្លះនៃទ្រព្យសម្បត្តិពីមនុស្សល្ងង់ខ្លៅ។
ដោយមធ្យោបាយដ៏អាក្រក់ និងល្បិចកលរបស់ស្ហៃតននេះហើយ ទើបទ្រព្យសម្បត្តិវ៉ាកហ្វ៍ (ទ្រព្យសម្បត្តិបរិច្ចាគ) លើផ្នូរបានកើនឡើងយ៉ាងច្រើន រហូតដល់ទិន្នផលនៃវ៉ាកហ្វ៍លើផ្នូរល្បីៗ អាចចិញ្ចឹមអ្នកភូមិធំមួយក្នុងចំណោមភូមិរបស់ពួកមូស្លីម។ ប្រសិនបើទ្រព្យសម្បត្តិហាមឃាត់ដែលមិនត្រឹមត្រូវទាំងនោះត្រូវបានលក់ អល់ឡោះនឹងធ្វើឱ្យក្រុមជនក្រីក្រដ៏ធំមួយមានជីវភាពធូរធារ ហើយទាំងអស់នេះគឺជាការគោរពសក្ការៈនៅក្នុងអំពើបាបចំពោះអល់ឡោះ។ ពិតប្រាកដណាស់ អ្នកនាំសាររបស់អល់ឡោះ ه ថា:
> لَا نَذْرَ فِي مَعْصِيَةِ اللَّهِ <
«គ្មានសេចក្តីប្តេជ្ញា(ឬការបន់ស្រន់) ណាមួយ នៅក្នុងអំពើបាបចំពោះអល់ឡោះឡើយ។»
គ្មានការសង្ស័យទេថា ភាគច្រើននៃអ្នកដែលត្រូវបានបោកបញ្ឆោតទាំងនេះ បើមាននរណាម្នាក់សុំឱ្យពួកគេបន់ស្រន់អ្វីដែលពួកគេបានបន់ស្រន់ឱ្យផ្នូរអ្នកស្លាប់ទៅលើអំពើល្អឬអំពើកុសល ពួកគេនឹងមិនធ្វើឡើយ។ សូមមើលថាតើការលេងសើចរបស់ស្ហៃតនចំពោះពួកគេបានទៅដល់កម្រិតណា ក្នុងរណ្តៅដ៏ជ្រៅដែលងងឹតគ្រប់ជ្រុង!
គ្មានការសង្ស័យទេថា ភាគច្រើននៃពួកអ្នកដែលបោកបញ្ឆោតទាំងនេះ ប្រសិនបើមានអ្នកណាម្នាក់សុំឱ្យពួកគេបន់ស្រន់នូវអ្វីដែលពួកគេបានបន់ស្រន់សម្រាប់ផ្នូរមរណៈជននោះ នៅក្នុងអ្វីដែលជាការគោរពប្រតិបត្តិមួយក្នុងចំណោមការគោរពប្រតិបត្តិ និងជាការថ្វាយបង្គំមួយក្នុងចំណោមការថ្វាយបង្គំ ពួកគេនឹងមិនធ្វើ ឬស្ទើរតែមិនធ្វើឡើយ។ ដូច្នេះចូរមើលទៅថាតើស្ហៃតនបានលេងសើចជាមួយពួកគេទៅដល់ទីណា គឺទៅដល់រណ្ដៅដ៏ជ្រៅ ដែលមានជ្រុងងងឹត!
នេះគឺជាគ្រោះថ្នាក់មួយក្នុងចំណោមគ្រោះថ្នាក់នៃការលើកផ្នូរ ការសាងសង់ ការតុបតែង និងការធ្វើឱ្យរលោងរបស់វា»។
សរុបសេចក្ដីមក ការសង់វិហារលើផ្នូរត្រូវបានហាមឃាត់។ ដូច្នេះហើយ វាត្រូវបានហាមឃាត់មិនឱ្យបញ្ចូលផ្នូរនៅក្នុងវិហារ។ អ្វីដែលក្រមសាសនាបាននាំមកគឺត្រូវបំបែកទីបញ្ចុះសពដាច់ដោយឡែក ហើយវិហារដាច់ដោយឡែក ពីព្រោះអល់ឡោះមិនបានបញ្ញត្តិឱ្យសង់វិហារដើម្បីបញ្ចុះសពអ្នកស្លាប់នៅក្នុងនោះទេ ហើយក៏មិនបានបញ្ញត្តិទីបញ្ចុះសពដើម្បីសឡាតនៅក្នុងនោះដែរ។ ផ្ទុយទៅវិញ អល់ឡោះបានបញ្ញត្តិវិហារសម្រាប់ការគោរពសក្ការៈសុទ្ធសាធតែមួយគត់ ហើយទីបញ្ចុះសពសម្រាប់ការបញ្ចុះសពអ្នកស្លាប់សុទ្ធសាធតែមួយគត់។ សម្រាប់ហេតុផលនេះ ព្យាការីهបានមានប្រសាសន៍ថា៖ "ចូរធ្វើការសឡាតខ្លះនៅក្នុងផ្ទះរបស់អ្នក ហើយកុំធ្វើឱ្យផ្ទះទាំងនោះក្លាយជាផ្នូរឡើយ។"
នេះគឺជាភស្តុតាងដែលថាទីបញ្ចុះសពមិនត្រូវបានបង្កើតឡើងសម្រាប់សឡាតនោះទេ។
ثُمَّ اعْلَمُوا رَحِمَكُمُ اللهُ أَنَّ اللهَ سُبْحَانَهُ وَتَعَالَى أَمَرَكُمْ بِأَمْرٍ عَظِيمٍ فَقَالَ:
ﵟإِنَّ ٱللَّهَ وَمَلَٰٓئِكَتَهُۥ يُصَلُّونَ عَلَى ٱلنَّبِيِّۚ يَٰٓأَيُّهَا ٱلَّذِينَ ءَامَنُواْ صَلُّواْ عَلَيۡهِ وَسَلِّمُواْ تَسۡلِيمًا ٥٦ﵞ
اللَّهُمَّ صَلِّ وَسَلِّمْ عَلَى عَبْدِكَ وَرَسُولِكَ مُحَمَّدٍ، وَارْضَ عَنْ أَصْحَابِهِ الْخُلَفَاءِ، وَارْضَ عَنِ التَّابِعِينَ وَمَنْ تَبِعَهُمْ بِإِحْسَانٍ إِلَى يَوْمِ الدِّينِ.
اللَّهُمَّ أَعِزَّ الْإِسْلَامَ وَالْمُسْلِمِينَ، وَأَذِلَّ الشِّرْكَ وَالْمُشْرِكِينَ، وَدَمِّرْ أَعْدَاءَكَ أَعْدَاءَ الدِّينِ، وَانْصُرْ عِبَادَكَ الْمُوَحِّدِينَ.
اللَّهُمَّ آمِنَّا فِي أَوْطَانِنَا، وَأَصْلِحْ أَئِمَّتَنَا وَوُلَاةَ أُمُورِنَا، وَاجْعَلْهُمْ هُدَاةً مُهْتَدِينَ.
اللَّهُمَّ وَفِّقْ جَمِيعَ وُلاةِ الْمُسْلِمِينَ لِتَحْكِيمِ كِتَابِكَ، وَإِعْزَازِ دِينِكَ، وَاجْعَلْهُمْ رَحْمَةً عَلَى رَعَايَاهُمْ.
اللَّهُمَّ ادْفَعْ عَنَّا الْغَلاءَ وَالْوَبَاءَ وَالرِّبَا وَالزِّنَا، وَالزَّلَازِلَ وَالْمِحَنَ وَسُوءَ الْفِتَنِ، مَا ظَهَرَ مِنْهَا وَمَا بَطَنَ، عَنْ بَلَدِنَا هَذَا خَاصَّةً، وَعَنْ سَائِرِ بِلادِ الْمُسْلِمِينَ عَامَّةً، يَا رَبَّ الْعَالَمِينَ.
رَبَّنَا آتِنَا فِي الدُّنْيَا حَسَنَةً، وَفِي الْآخِرَةِ حَسَنَةً، وَقِنَا عَذَابَ النَّارِ.
سُبْحَانَ رَبِّنَا رَبِّ الْعِزَّةِ عَمَّا يَصِفُونَ، وَسَلامٌ عَلَى الْمُرْسَلِينَ، وَالْحَمْدُ لِلَّهِ رَبِّ الْعَالَمِينَ.
****
