الخطبة الأولى


إِنَّ الْحَمْدَ لِلَّهِ، نَحْمَدُهُ وَنَسْتَعِينُهُ وَنَسْتَغْفِرُهُ، وَنَعُوذُ بِاللَّهِ مِنْ شُرُوْرِ أَنْفُسِنَا وَمِنْ سَيِّئَاتِ أَعْمَالِنَا، مَنْ يَهْدِهِ اللَّهُ فَلَا مُضِلَّ لَهُ، وَمَنْ يُضْلِلْ فَلَا هَادِيَ لَهُ، وَأَشْهَدُ أَنْ لَا إلـٰه إِلَّا اللَّهُ وَحْدَهُ لَا شَرِيكَ لَهُ، وَأَشْهَدُ أَنَّ مُحَمَّدًا عَبْدُهُ وَرَسُولُهُ.


ﵟيَٰٓأَيُّهَا ٱلَّذِينَ ءَامَنُواْ ٱتَّقُواْ ٱللَّهَ حَقَّ تُقَاتِهِۦ وَلَا تَمُوتُنَّ إِلَّا وَأَنتُم مُّسۡلِمُونَ ١٠٢ﵞ


ﵟيَٰٓأَيُّهَا ٱلنَّاسُ ٱتَّقُواْ رَبَّكُمُ ٱلَّذِي خَلَقَكُم مِّن نَّفۡسٖ وَٰحِدَةٖ وَخَلَقَ مِنۡهَا زَوۡجَهَا وَبَثَّ مِنۡهُمَا رِجَالٗا كَثِيرٗا وَنِسَآءٗۚ وَٱتَّقُواْ ٱللَّهَ ٱلَّذِي تَسَآءَلُونَ بِهِۦ وَٱلۡأَرۡحَامَۚ إِنَّ ٱللَّهَ كَانَ عَلَيۡكُمۡ رَقِيبٗا ١ ﵞ


ﵟيَٰٓأَيُّهَا ٱلَّذِينَ ءَامَنُواْ ٱتَّقُواْ ٱللَّهَ وَقُولُواْ قَوۡلٗا سَدِيدٗا ٧٠ يُصۡلِحۡ لَكُمۡ أَعۡمَٰلَكُمۡ وَيَغۡفِرۡ لَكُمۡ ذُنُوبَكُمۡۗ وَمَن يُطِعِ ٱللَّهَ وَرَسُولَهُۥ فَقَدۡ فَازَ فَوۡزًا عَظِيمًا ٧١ﵞ


أَمَّا بَعْدُ، فَإِنَّ خَيْرَ الْكَلَامِ كَلَامُ اللهِ، وَخَيْرَ الْهَدْيِ هَدْيُ مُحَمَّدٍ صَلَّى اللهُ عَلَيْهِ وَسَلَّمَ، وَشَرَّ الْأُمُورِ مُحْدَثَاتُهَا، وَكُلَّ مُحْدَثَةٍ بِدْعَةٌ، وَكُلَّ بِدْعَةٍ ضَلَالَةٌ، وَكُلَّ ضَلَالَةٍ فِي النَّارِ.


ឱបងប្អូនមូស្លីមទាំងឡាយ! ចូរកោតខ្លាចអល់ឡោះជាម្ចាស់ដ៏ខ្ពង់ខ្ពស់ ហើយត្រូវមានស្មារតីដឹងជានិច្ចថា ទ្រង់តែងតែឃ្លាំមើលរាល់ទង្វើរបស់យើង មិនថាលាក់កំបាំង ឬបើកចំហ។ ចូរអនុវត្តតាមឲ្យបានត្រឹមត្រូវនិងខ្ជាប់ខ្ចួន នូវរាល់បទបញ្ជាទាំងឡាយរបស់ទ្រង់ ហើយចៀសវាងឲ្យឆ្ងាយពីរាល់ប្រការទាំងឡាយដែលទ្រង់បានហាមឃាត់។


សូមដឹងថា ក្នុងចំណោមសញ្ញានៃភាពជាម្ចាស់របស់អល់ឡោះលើមនុស្សលោក គឺការដែលទ្រង់តែមួយគត់មានសិទ្ធិក្នុងការលើកតម្កើងអ្វីដែលទ្រង់សព្វព្រះទ័យ មិនថាបុគ្គល ទីកន្លែង ឬពេលវេលាឡើយ។ អល់ឡោះមានបន្ទូលថា៖


ﵟوَرَبُّكَ يَخۡلُقُ مَا يَشَآءُ وَيَخۡتَارُﵞ ﵝالقَصَص : ﵘﵖﵜ


“ហើយព្រះជាម្ចាស់របស់អ្នកទ្រង់បង្កើត និងជ្រើសរើសនូវអ្វីដែលទ្រង់មានចេតនា។”


ពិតប្រាកដណាស់ អល់ឡោះបានជ្រើសរើសបណ្តាព្យាការី ក្នុងចំណោមមនុស្ស។ ទ្រង់បានជ្រើសរើស អ៊ូលូល៍-អាហ្សមី ក្នុងចំណោមព្យាការី ហើយពួកគេគឺ ណូហ៍, អ៊ីប្រាហ៊ីម, មូសា, អ៊ីសា និង មូហាំម៉ាត់ ﻹ។

ទ្រង់បានជ្រើសរើស អាល់-ខលីលែន (មិត្តស្និទ្ធស្នាលបំផុតពីរនាក់) ក្នុងចំណោមប្រាំនាក់ គឺអ៊ីប្រាហ៊ីម និងមូហាំម៉ាត់។ ហើយទ្រង់បានជ្រើសរើស មូហាំម៉ាត់ក្នុងចំណោមអាល់-ខូលលែន ដូច្នេះលោកគឺជាព្យាការី និងរ៉សូលដែលប្រសើរបំផុត សូមសាឡាវ៉ាត់លើលោក។


ក្នុងចំណោមទីកន្លែងដែលអល់ឡោះបានជ្រើសរើស គឺម៉ាក្កះ។ ទ្រង់បានធ្វើឱ្យវាជាទីកន្លែងដែលល្អបំផុតនៅលើផែនដីរបស់ទ្រង់ បន្ទាប់មកគឺ ម៉ាឌីណះ។ ហើយទ្រង់បានធ្វើឱ្យការសឡាតនៅក្នុងវិហារទាំងពីររបស់វានូវរង្វាន់ទ្វេដង។


ក្នុងចំណោមពេលវេលាដែលអល់ឡោះបានជ្រើសរើស គឺថ្ងៃសុក្រ ឬថ្ងៃសុក្រ ដែលជាថ្ងៃប្រសើរបំផុត។ អល់ឡោះបានផ្តល់លក្ខណៈពិសេសដល់វា និងលើកតម្កើងវាលើសពីថ្ងៃផ្សេងៗដោយហេតុផលមួយចំនួន សំខាន់ជាងគេគឺ៖


1.    ព្រឹត្តិការណ៍សំខាន់ៗបានកើតឡើងក្នុងថ្ងៃនេះ។ អោស ប៊ិន អោស  ◙បានរាយការណ៍ថា ព្យាការី ﷺ បានមានប្រសាសន៍ថា៖


> إِنَّ مِنْ أَفْضَلِ أَيَّامِكُمْ يَوْمَ الْجُمُعَةِ، فِيهِ خُلِقَ آدَمُ، وَفِيهِ قُبِضَ، وَفِيهِ النَّفْخَةُ، وَفِيهِ الصَّعْقَة < [رواه أبو داود]


«ពិតណាស់ ក្នុងចំណោមថ្ងៃដែលប្រសើរបំផុតរបស់អ្នកទាំងឡាយគឺថ្ងៃសុក្រ។ ក្នុងថ្ងៃនោះ អាដាមត្រូវបានបង្កើត ក្នុងថ្ងៃនោះគាត់បានស្លាប់ ហើយនៅក្នុងថ្ងៃនោះមានការផ្លុំត្រែ(សម្រាប់ថ្ងៃបរលោក) ហើយនៅក្នុងថ្ងៃនោះ គឺការសន្លប់(សម្រាប់ថ្ងៃបរលោក)។»


អាប៊ូហ៊ូរ៉យរ៉ោះ ◙ បានរាយការណ៍ថា ណាពី ﷺ បានមានប្រសាសន៍ថា៖


> خَيْرُ يَوْمٍ طَلَعَتْ عَلَيْهِ الشَّمْسُ يَوْمُ الْجُمُعَةِ، فِيهِ خُلِقَ آدَمُ، وَفِيهِ أُدْخِلَ الْجَنَّةَ، وَفِيهِ أُخْرِجَ مِنْهَا وَلَا تَقُوْمُ السَّاعَةُ إِلَّا فِيْ يَوْمِ الْجُمُعَةِ < [رواه مسلم]


«ថ្ងៃដ៏ប្រសើរបំផុតដែលព្រះអាទិត្យរះលើវា គឺថ្ងៃសុក្រ។ ក្នុងថ្ងៃនោះ អាដាមត្រូវបានបង្កើត ក្នុងថ្ងៃនោះគាត់ត្រូវបានបញ្ចូលទៅក្នុងឋានសួគ៌ និងក្នុងថ្ងៃនោះដែរគាត់ត្រូវបានបណ្តេញចេញពីវា។ ហើយថ្ងៃបរលោកនឹងមិនកើតឡើងលើកលែងតែនៅថ្ងៃសុក្រ។»


2.    ក្នុងចំណោមលក្ខណៈពិសេសនៃថ្ងៃសុក្រ គឺជាថ្ងៃដែលមនុស្សជួបជុំគ្នា និងរំឭកពីអ្វីៗដែលអល់ឡោះបានបង្កើត និងថ្ងៃបរលោក។ អល់ឡោះបានកំណត់សម្រាប់គ្រប់អ៊ួម៉ាត់នៅក្នុងសប្តាហ៍នូវថ្ងៃមួយដើម្បីពួកគេទំនេរសម្រាប់ការថ្វាយបង្គំ និងជួបជុំគ្នាដើម្បីរំឭកពីម៉ាខឡូក ថ្ងៃបរលោក ផលបុណ្យ និងទោសទណ្ឌ។ សម្រាប់ហេតុផលនេះហើយ បានជាព្យាការី ﷺ សូត្រក្នុង សឡាតហ្វាជើរ នៃថ្ងៃសុក្រ ស៊ូរ៉ោះ អាស្សាជាដះ និង សូរ៉ោះ អាល់អិនសាន ដោយសារសូរ៉ោះទាំងពីរនេះមានរួមបញ្ចូលនូវអ្វីដែលបានកើតឡើង និងនឹងកើតឡើងពីការចាប់ផ្ដើមនិងការត្រឡប់ទៅវិញនិងការប្រមូលផ្ដុំនៃការបង្កើត និងការប្រោសពួកគេពីផ្នូរទៅកាន់ឋានសួគ៌និងឋាននរក។


3.    ក្នុងចំណោមលក្ខណៈពិសេសនៃថ្ងៃសុក្រ គឺថាវាជា ថ្ងៃបុណ្យដែលកើតឡើងដដែលៗរាល់សប្ដាហ៍ ដូចមាននៅក្នុងហាឌីស អ៊ីបនុ អាប់បាស ¶ បានរាយការណ៍ថា រ៉សូលុលឡោះ ﷺ បានមានប្រសាសន៍ថា៖


> إِنَّ هَذَا يَوْمُ عِيدٍ جَعَلَهُ اللَّهُ لِلْمُسْلِمِينَ، فَمَنْ جَاءَ إِلَى الْجُمُعَةِ فَلْيَغْتَسِلْ، وَإِنْ كَانَ طِيبٌ فَلْيَمَسَّ مِنْهُ، وَعَلَيْكُمْ بِالسِّوَاكِ < [رواه ابن ماجة]


«ពិតណាស់ នេះជាថ្ងៃបុណ្យដែលអល់ឡោះបានកំណត់សម្រាប់មូស្លីម។ អ្នកណាមកសឡាតថ្ងៃសុក្រ ចូរងូតទឹក។ ហើយប្រសិនបើមានទឹកអប់ ចូរគាត់លាបវា ហើយចូរអ្នករាល់គ្នាប្រើ ស៊ីវ៉ាក។»


4.    អល់ឡោះបានជ្រើសរើសថ្ងៃសុក្រសម្រាប់អ៊ួម៉ាត់ដ៏ប្រសើរបំផុត គឺអ៊ួម៉ាត់របស់មូហាំម៉ាត់ ﷺ និងបានធ្វើឱ្យអ៊ួម៉ាត់ផ្សេងទៀតវង្វេងពីវា។ អាប៊ូហ៊ូរ៉ើរ៉ះនិងហ៊ូហ្សៃហ្វះ ¶ បានរាយការណ៍ថា រ៉សូលុលឡោះ ﷺ បានមានប្រសាសន៍ថា៖


> أَضَلَّ اللَّهُ عَنِ الْجُمُعَةِ مَنْ كَانَ قَبْلَنَا، فَكَانَ لِلْيَهُودِ يَوْمُ السَّبْتِ، وَكَانَ لِلنَّصَارَى يَوْمُ الأَحَدِ، فَجَاءَ اللَّهُ بِنَا فَهَدَانَا اللَّهُ لِيَوْمِ الْجُمُعَة < [رواه مسلم]


«អល់ឡោះបានធ្វើឱ្យអ្នកមុនពួកយើងវង្វេងពីថ្ងៃសុក្រ។ យ៉ាហ៊ូឌីមានថ្ងៃសៅរ៍ ណាសរ៉នីមានថ្ងៃអាទិត្យ។ រួចអល់ឡោះបាននាំពួកយើងមក ហើយទ្រង់បានណែនាំពួកយើងទៅរកថ្ងៃសុក្រ។»


5.    ក្នុងចំណោមលក្ខណៈពិសេសនិងគុណសម្បត្តិនៃថ្ងៃសុក្រ គឺថា សឡាតហ្វាជើ (ពេលព្រឹកព្រលឹម) ជា ចាម៉ាអាះ (ជាក្រុម) នៅក្នុងថ្ងៃនោះ គឺជាសឡាតដ៏ល្អបំផុតដែលអ្នកមុស្លីមសឡាតក្នុងមួយសប្ដាហ៍របស់គាត់។ អ៊ិបនុ អូម៉ារ ¶ បានរាយការណ៍ថា រ៉សូលុលឡោះ ﷺ បានមានប្រសាសន៍ថា៖


> أَفْضَلُ الصَّلَوَاتِ عِنْدَ اللهِ صَلَاةُ الصُّبْحِ يَوْمَ الجُمُعَةِ فِي جَمَاعَةٍ <


«សឡាតដ៏ប្រសើរបំផុតនៅចំពោះអល់ឡោះ គឺសឡាតស៊ូបហ៍ (ពេលព្រឹកព្រលឹម) នៅថ្ងៃសុក្រជាចាម៉ាអាះ»។


ហេតុផលនៃគុណសម្បត្តិដ៏ប្រសើរនេះ គឺថាសឡាតហ្វាជើគឺជាសឡាតដ៏ប្រសើរបំផុតក្នុងចំណោមសឡាតទាំងប្រាំដង។ ហើយថ្ងៃសុក្រគឺជាថ្ងៃដ៏ប្រសើរបំផុត។ ហើយចាម៉ាអាះប្រសើរជាងការសឡាតតែម្នាក់ឯង។ នេះគឺជាគុណសម្បត្តិដ៏ប្រសើរបំផុត។


6.    ក្នុងចំណោមលក្ខណៈពិសេសនៃថ្ងៃសុក្រ គឺការសុណ្ណះសូត្រសូរ៉ោះ អាស់-សាជាដះ ក្នុងរ៉ាកអាត់ទីមួយ និងសូរ៉ោះ អាល់-អ៊ិនសាន ក្នុងរ៉ាកអាត់ទីពីរនៃសឡាតហ្វាជើរ។ អាប៊ូហ៊ូរ៉យរ៉ោះ ◙ បានរាយការណ៍ថា ណាពី ﷺ បានសូត្រក្នុងសឡាតហ្វាជើរនៅថ្ងៃសុក្រ សូរ៉ោះ អាស្សាជាដះ ក្នុងរ៉ាកអាត់ទីមួយ និងសូត្រសូរ៉ោះ អាល់អិនសាន ក្នុងរ៉ាកអាត់ទីពីរ។ [រាយការណ៍ដោយ ពូខរ៉ីលេខ ៨៩១ និងមូស្លីម លេខ ៨៨០]


អ៊ីបនូ-តៃមីយ៉ះ ♫ បាននិយាយថា៖ «ពិតប្រាកដណាស់ ព្យាការី ﷺ ធ្លាប់សូត្រស៊ូរ៉ោះទាំងពីរនេះនៅក្នុងសឡាតហ្វាជើនៃថ្ងៃសុក្រ ពីព្រោះវាមានរួមបញ្ចូលនូវអ្វីដែលបានកើតឡើង និងនឹងកើតឡើងនៅក្នុងថ្ងៃនោះ។ ព្រោះវាមានរួមបញ្ចូលនូវការបង្កើតអាដាំនិងការរំលឹកដល់ការត្រឡប់ទៅវិញនិងការប្រមូលផ្ដុំបណ្ដាអ្នកបម្រើ ( របស់អល់ឡោះ ) ហើយនោះនឹងកើតឡើងនៅថ្ងៃសុក្រ។ ហើយនៅក្នុងការសូត្រស៊ូរ៉ោះទាំងពីរនេះនៅក្នុងថ្ងៃនេះ គឺជាការរំលឹកដល់អ៊ុំម៉ះអំពីអ្វីដែលបានកើតឡើង និងនឹងកើតឡើងនៅក្នុងនោះ»។ (ចប់)។


7.    ក្នុងចំណោមលក្ខណៈពិសេសនៃថ្ងៃសុក្រ គឺការសូត្រសូរ៉ោះអាល់កាហ្វ៍ក្នុងថ្ងៃនេះ។ អាប៊ូសាអីដ អាល់ខុដរី  ◙បានរាយការណ៍ថា ណាពី ﷺ បានមានប្រសាសន៍ថា៖


> مَنْ قَرَأَ سُورَةَ الكَهْفِ يَوْمَ الجُمُعَةِ أَضَاءَ لَهُ مِنَ النُّورِ مَا بَيْنَ الجُمُعَتَيْنِ <


«អ្នកណាសូត្រសូរ៉ោះអាល់កះហ្វីនៅថ្ងៃសុក្រ នឹងមានពន្លឺសម្រាប់គាត់រវាងថ្ងៃសុក្រទាំងពីរ។»


8.    ក្នុងចំណោមលក្ខណៈពិសេសនៃថ្ងៃសុក្រ គឺមានពេលវេលាមួយដែលទូអាត្រូវបានទទួលយក។ គ្មានអ្នកបម្រើមុស្លីមណាម្នាក់សុំអល់ឡោះអ្វីមួយនៅក្នុងនោះ លើកលែងតែទ្រង់នឹងប្រទានឱ្យគាត់។ ។


អាប៊ូហ៊ូរ៉យរ៉ោះ◙ បានរាយការណ៍ថា រ៉សូលុលឡោះ ﷺ បានមានប្រសាសន៍ថា៖


> إِنَّ فِي الْجُمُعَةِ لَسَاعَةً لَا يُوَافِقُهَا مُسْلِمٌ يَسْأَلُ اللَّهَ فِيهَا خَيْرًا إِلَّا أَعْطَاهُ إِيَّاهُ  < [رواه البخاري ومسلم]


«ពិតណាស់ នៅក្នុងថ្ងៃសុក្រមានពេលវេលាមួយ មូស្លីមណាដែលសុំសេចក្តីល្អពីអល់ឡោះក្នុងពេលនោះ ទ្រង់នឹងប្រទានឱ្យគាត់»


លោកបាននិយាយថា៖ «ហើយវាគឺជាម៉ោងដ៏ខ្លី» មានន័យថា វាឆ្លងកាត់យ៉ាងលឿន។


9.    ក្នុងចំណោមលក្ខណៈពិសេសនៃថ្ងៃសុក្រ គឺអ្នកដែលស្លាប់នៅថ្ងៃសុក្រឬយប់ជូមអាត់ អល់ឡោះនឹងការពារគាត់ពីទារុណកម្មក្នុងផ្នូរ។ អាប់ឌុលឡោះ ប៊ិន អាមរ  ¶ បានរាយការណ៍ថា រ៉សូលុលឡោះ ﷺ បានមានប្រសាសន៍ថា៖


> مَا مِنْ مُسْلِمٍ يَمُوتُ يَوْمَ الْجُمُعَةِ أَوْ لَيْلَةَ الْجُمُعَةِ إِلَّا وَقَاهُ اللَّهُ فِتْنَةَ الْقَبْر <


«មូស្លីមណាដែលស្លាប់នៅថ្ងៃសុក្រឬយប់សុក្រ អល់ឡោះនឹងការពារគាត់ពីការសាកល្បង/ទុក្ខលំបាកក្នុងផ្នូរ។»


10.    ក្នុងចំណោមលក្ខណៈពិសេសនៃថ្ងៃសុក្រ គឺមានសឡាតថ្ងៃសុក្រ ដែលជាសឡាតមួយក្នុងចំណោមសឡាតដ៏ប្រសើរបំផុត និងមានសារៈសំខាន់បំផុត។ អល់ឡោះបានបញ្ជាក់ក្នុងអាល់គួរអានអំពីការហៅទៅកាន់វា និងការប្រញាប់ទៅកាន់វា។ អល់ឡោះមានបន្ទូលថា៖


ﵟيَٰٓأَيُّهَا ٱلَّذِينَ ءَامَنُوٓاْ إِذَا نُودِيَ لِلصَّلَوٰةِ مِن يَوۡمِ ٱلۡجُمُعَةِ فَٱسۡعَوۡاْ إِلَىٰ ذِكۡرِ ٱللَّهِ وَذَرُواْ ٱلۡبَيۡعَﵞ ﵝالجُمُعَة : ﵙﵜ


“ឱបណ្ដាអ្នកដែលមានជំនឿ! នៅពេលដែលគេ(អាហ្សាន)ប្រកាសហៅទៅកាន់ការប្រតិបត្តិសឡាតនៅថ្ងៃសុក្រ ចូរពួកអ្នករួសរាន់ទៅកាន់ការរំលឹកអល់ឡោះ(ស្តាប់ខុតហ្ពះ និងសឡាតជុមអាត់) ហើយចូរពួកអ្នកបោះបង់នូវការលក់ដូរ។”


11.    ក្នុងចំណោមលក្ខណៈពិសេសនៃថ្ងៃសុក្រ គឺផលបុណ្យនៃការបរិច្ចាគត្រូវបានគុណនៅថ្ងៃនេះ។ អាប់ឌូរ៉ូ-រ៉ូហ្សាគបានរាយការណ៍នៅក្នុងកម្រងរបស់គាត់ពី កាអាប់ ◙ បាននិយាយថា: "ការបរិច្ចាគនៅថ្ងៃសុក្រមានផលបុណ្យធំជាងការបរិច្ចាគនៅថ្ងៃផ្សេងៗ"។


ហើយ អ៊ីបនូ-អាប៊ី សៃបះ បានរាយការណ៍នៅក្នុង (កម្រងរបស់គាត់) អំពីគាត់ថា៖ «ការបរិច្ចាគ ត្រូវបានទ្វេដងនៅថ្ងៃសុក្រ»។


អ៊ីបនុល-កយ្យីម ♫ បាននិយាយថា៖ «ការបរិច្ចាគនៅក្នុងថ្ងៃនោះមានគុណសម្បត្តិពិសេសលើថ្ងៃផ្សេងទៀត។ ហើយការបរិច្ចាគ នៅក្នុងថ្ងៃនោះ បើប្រៀបធៀបនឹងថ្ងៃផ្សេងទៀតក្នុងសប្ដាហ៍ គឺដូចជាការបរិច្ចាគក្នុងខែរ៉ាម៉ាឌនបើប្រៀបធៀបនឹងខែផ្សេងទៀត។ ខ្ញុំបានឃើញ សេកហូល់-អ៊ីស្លាម អ៊ីបនូ-តៃមីយ៉ះសូមអល់ឡោះបន្សុទ្ធវិញ្ញាណរបស់គាត់ នៅពេលដែលគាត់ចេញទៅសឡាតថ្ងៃសុក្រ គាត់យកនំប៉័ង ឬរបស់ផ្សេងទៀតដែលគាត់រកឃើញនៅក្នុងផ្ទះ ហើយធ្វើការបរិច្ចាគនៅក្នុងផ្លូវរបស់គាត់ដោយសម្ងាត់។ ខ្ញុំបានឮគាត់និយាយថា៖ ប្រសិនបើអល់ឡោះបានបង្គាប់យើងឱ្យធ្វើការបរិច្ចាគនៅមុនពេលទាក់ទងជាមួយរ៉សូលរបស់អល់ឡោះ  ﷺនោះការបរិច្ចាគ នៅមុនពេលទាក់ទងជាមួយទ្រង់ គឺប្រសើរជាង និងស័ក្តិសមជាងសម្រាប់គុណសម្បត្តិដ៏ប្រសើរ»។


12.    ក្នុងចំណោមលក្ខណៈពិសេសនៃថ្ងៃសុក្រ គឺការច្រើនធ្វើសឡាវ៉ាតនិងសាឡាមលើណាពី ﷺ ។ សឡាវ៉ាតលើគាត់នៅថ្ងៃនេះមានគុណសម្បត្តិពិសេស ព្រោះរាល់សេចក្តីល្អក្នុងលោកិយនិងបរលោកដែលអ៊ួម៉ាត់របស់គាត់ទទួលបាន គឺតាមរយៈគាត់។


ដូច្នេះ ក្នុងការបង្ហាញការដឹងគុណ ការសរសើរ និងការបំពេញសិទ្ធិបន្តិចបន្តួចរបស់គាត់ យើងគប្បីច្រើនធ្វើសឡាវ៉ាតលើគាត់នៅក្នុងថ្ងៃនិងយប់របស់វា ជាមួយនឹងការយល់ដឹងពីអត្ថន័យសឡាវ៉ាតលើគាត់ ដែលជាការសុំទូអាដោយការសរសើរលើកតម្កើងគាត់ និងការលើកស្ទួយកិត្តិយសនិងកេរ្តិ៍ឈ្មោះរបស់គាត់នៅលើមេឃនិងផែនដី។


បងប្អូនទាំងឡាយ ទាំងនេះគឺជាលក្ខណៈពិសេសជាច្រើននៃថ្ងៃសុក្រ ដែលធ្វើឱ្យថ្ងៃសុក្រក្លាយជាថ្ងៃដ៏មហិមានៅចំពោះអល់ឡោះ និងចំពោះមនុស្ស ហើយដោយសារវា វាក៏បានក្លាយជា ស៊ីដុល៍-អៃយ៉ាម (ស្ដេចនៃបណ្ដាថ្ងៃ)។


بَارَكَ اللهُ لِي وَلَكُمْ فِي الْقُرْآنِ الْعَظِيمِ، وَنَفَعَنِيْ وَإِيَّاكُمْ بِمَا فِيهِ مِنَ الْآيَاتِ وَالذِّكْرِ الْحَكِيمِ، أَقُولُ قَوْلِي هَذَا، وَأَسْتَغْفِرُ اللهَ لِي وَلَكُمْ فَاسْتَغْفِرُوهُ، إِنَّهُ هُوَ الْغَفُورُ الرَّحِيْمُ.


الخطبة الثانية


الْحَمْدُ لِلَّهِ وَحْدَهُ، وَالصَّلَاةُ وَالسَّلَامُ عَلَى مَنْ لَا نَبِيَّ بَعْدَهُ، أَمَّا بَعْدُ،


សូមដឹងថា អល់ឡោះបានបញ្ជាឱ្យច្រើនធ្វើសឡាវ៉ាតលើណាពី ﷺ នៅថ្ងៃសុក្រ។ ទ្រង់មានបន្ទូលថា៖


ﵟإِنَّ ٱللَّهَ وَمَلَٰٓئِكَتَهُۥ يُصَلُّونَ عَلَى ٱلنَّبِيِّۚ يَٰٓأَيُّهَا ٱلَّذِينَ ءَامَنُواْ صَلُّواْ عَلَيۡهِ وَسَلِّمُواْ تَسۡلِيمًا ٥٦ﵞ


“ពិតណាស់ អល់ឡោះនិងម៉ាឡាអ៊ីកះរបស់ទ្រង់ធ្វើសឡាវ៉ាតលើណាពី។ ឱ្យបណ្ដាអ្នកដែលមានជំនឿ! ចូរធ្វើសឡាវ៉ាតនិងសាឡាមលើគាត់ចុះ។”


اللَّهُمَّ صَلِّ وَسَلِّمْ عَلَى عَبْدِكَ وَرَسُولِكَ مُحَمَّدٍ، وَارْضَ عَنْ أَصْحَابِهِ الْخُلَفَاءِ، وَارْضَ عَنِ التَّابِعِينَ وَمَنْ تَبِعَهُمْ بِإِحْسَانٍ إِلَى يَوْمِ الدِّينِ. اللَّهُمَّ أَعِزَّ الْإِسْلَامَ وَالْمُسْلِمِينَ، وَأَذِلَّ الشِّرْكَ وَالْمُشْرِكِينَ، وَدَمِّرْ أَعْدَاءَكَ أَعْدَاءَ الدِّينِ، وَانْصُرْ عِبَادَكَ الْمُوَحِّدِينَ.


اللَّهُمَّ آمِنَّا فِي أَوْطَانِنَا، وَأَصْلِحْ أَئِمَّتَنَا وَوُلَاةَ أُمُورِنَا، وَاجْعَلْهُمْ هُدَاةً مُهْتَدِينَ، وَارْزُقْهُمُ الْبِطَانَةَ الصَّالِحَةَ.


رَبَّنَا آتِنَا فِي الدُّنْيَا حَسَنَةً، وَفِي الْآخِرَةِ حَسَنَةً، وَقِنَا عَذَابَ النَّارِ.


عِبَادَ اللَّهِ، إِنَّ اللَّهَ يَأْمُرُ بِالْعَدْلِ وَالْإِحْسَانِ وَإِيتَاءِ ذِي الْقُرْبَى، وَيَنْهَى عَنِ الْفَحْشَاءِ وَالْمُنْكَرِ وَالْبَغْيِ،  يَعِظُكُمْ لَعَلَّكُمْ تَذَكَّرُونَ. فَاذْكُرُوا اللَّهَ الْعَظِيمَ يَذْكُرْكُمْ، وَاشْكُرُوهُ عَلَى نِعَمِهِ يَزِدْكُمْ، وَلَذِكْرُ اللَّهِ أَكْبَرُ، وَاللَّهُ يَعْلَمُ مَا تَصْنَعُونَ.


****