ប្រការ៥
ចំអកឡកឡឺយនឹងរឿងសាសនា
الخطبة الأولى
إِنَّ الْحَمْدَ لِلَّهِ، نَحْمَدُهُ وَنَسْتَعِينُهُ وَنَسْتَغْفِرُهُ، وَنَعُوذُ بِاللَّهِ مِنْ شُرُوْرِ أَنْفُسِنَا وَمِنْ سَيِّئَاتِ أَعْمَالِنَا، مَنْ يَهْدِهِ اللَّهُ فَلَا مُضِلَّ لَهُ، وَمَنْ يُضْلِلْ فَلَا هَادِيَ لَهُ، وَأَشْهَدُ أَنْ لَا إلـٰه إِلَّا اللَّهُ وَحْدَهُ لَا شَرِيكَ لَهُ، وَأَشْهَدُ أَنَّ مُحَمَّدًا عَبْدُهُ وَرَسُولُهُ.
ﵟيَٰٓأَيُّهَا ٱلَّذِينَ ءَامَنُواْ ٱتَّقُواْ ٱللَّهَ حَقَّ تُقَاتِهِۦ وَلَا تَمُوتُنَّ إِلَّا وَأَنتُم مُّسۡلِمُونَ ١٠٢ﵞ
ﵟيَٰٓأَيُّهَا ٱلنَّاسُ ٱتَّقُواْ رَبَّكُمُ ٱلَّذِي خَلَقَكُم مِّن نَّفۡسٖ وَٰحِدَةٖ وَخَلَقَ مِنۡهَا زَوۡجَهَا وَبَثَّ مِنۡهُمَا رِجَالٗا كَثِيرٗا وَنِسَآءٗۚ وَٱتَّقُواْ ٱللَّهَ ٱلَّذِي تَسَآءَلُونَ بِهِۦ وَٱلۡأَرۡحَامَۚ إِنَّ ٱللَّهَ كَانَ عَلَيۡكُمۡ رَقِيبٗا ١ ﵞ
ﵟيَٰٓأَيُّهَا ٱلَّذِينَ ءَامَنُواْ ٱتَّقُواْ ٱللَّهَ وَقُولُواْ قَوۡلٗا سَدِيدٗا ٧٠ يُصۡلِحۡ لَكُمۡ أَعۡمَٰلَكُمۡ وَيَغۡفِرۡ لَكُمۡ ذُنُوبَكُمۡۗ وَمَن يُطِعِ ٱللَّهَ وَرَسُولَهُۥ فَقَدۡ فَازَ فَوۡزًا عَظِيمًا ٧١ﵞ
أَمَّا بَعْدُ، فَإِنَّ أَصْدَقَ الحَدِيثِ كِتَابُ اللَّهِ، وَأَحْسَنَ الهَدْيِ هَدْيُ مُحَمَّدٍ، وَشَرَّ الأُمُورِ مُحْدَثَاتُهَا، وَكُلُّ مُحْدَثَةٍ بِدْعَةٌ، وَكُلُّ بِدْعَةٍ ضَلَالَةٌ، وَكُلُّ ضَلَالَةٍ فِي النَّارِ.
បងប្អូនមូស្លីមទាំងឡាយ! ចូរកោតខ្លាចអល់ឡោះ ដាក់ទ្រង់ឲ្យអស្ចារ្យ គោរពប្រតិបត្តិតាមទ្រង់ កុំប្រឆាំងនឹងទ្រង់។ ចូរដឹងថា ក្នុងចំណោមកាតព្វកិច្ចនៃការសម្រេចការប្រកាសថា គ្មានម្ចាស់ដែលត្រូវគោរពសក្ការៈដោយពិតប្រាកដក្រៅពីអល់ឡោះ និងមូហាំម៉ាតជាអ្នកនាំសាររបស់អល់ឡោះ គឺការគោរពអល់ឡោះ គោរពណាពីរបស់ទ្រង់ ﷺ និងគោរពសាសនារបស់ទ្រង់ មិនថាវាជាផ្នែកនៃជំនឿ ការគោរពសក្ការៈ ទំនាក់ទំនង ឬចរិយាក៏ដោយ។ នេះគឺស្ថិតនៅក្នុងចំណោមសញ្ញានៃ ភាពស្មោះត្រង់ ក្នុងការសម្រេចបាននូវសក្ខីកម្មទាំងពីរ និង ស្ថិតនៅក្នុងចំណោមសញ្ញានៃ ភាពស្មោះត្រង់ នៅក្នុងជំនឿ។ ហើយពិតណាស់ អល់ឡោះបានផ្សារភ្ជាប់ជំនឿលើទ្រង់ និង អ្នកនាំសាររបស់ទ្រង់ ជាមួយនឹងការគោរពទ្រង់, ការគោរពអ្នកនាំសាររបស់ទ្រង់, និង ការគោរពសាសនារបស់ទ្រង់។ ទ្រង់បានមានបន្ទូលថា៖
ﵟإِنَّآ أَرۡسَلۡنَٰكَ شَٰهِدٗا وَمُبَشِّرٗا وَنَذِيرٗا ٨ لِّتُؤۡمِنُواْ بِٱللَّهِ وَرَسُولِهِۦ وَتُعَزِّرُوهُ وَتُوَقِّرُوهُۚ وَتُسَبِّحُوهُ بُكۡرَةٗ وَأَصِيلًا ٩ﵞ ﵝالفَتۡح : ﵘ - ﵙﵜ
“ពិតប្រាកដណាស់ យើងបានចាត់បញ្ជូនអ្នក(មូហាំម៉ាត់) ជាសាក្សី ជាអ្នកផ្ដល់ដំណឹងល្អ និងជាអ្នកព្រមាន។ ដើម្បីឲ្យពួកអ្នកមានជំនឿលើអល់ឡោះ និងអ្នកនាំសាររបស់ទ្រង់ ហើយដើម្បីឲ្យពួកអ្នកជួយជ្រោមជ្រែងសាសនារបស់ទ្រង់ និងគោរពទ្រង់ ហើយដើម្បីឲ្យពួកអ្នកលើកតម្កើងទ្រង់ (អល់ឡោះ) ទាំងពេលព្រឹក និងពេលល្ងាច។”
ការចំអកឡកឡឺយនឹងសាសនា គឺជាកត្តាមួយដែលធ្វើឱ្យបាត់បង់ជំនឿអ៊ីស្លាម
បងប្អូនមូស្លីមទាំងឡាយ! ផ្ទុយពីការគោរពសាសនាគឺការចំអកឡកឡឺយនឹងអ្វីមួយក្នុងចំណោម និមិត្តសញ្ញា នៃសាសនារបស់អល់ឡោះ ឬបណ្តាអ្នកនាំសាររបស់ទ្រង់, ឬផលបុណ្យរបស់ទ្រង់ ឬទណ្ឌកម្មរបស់ទ្រង់។ ដូច្នេះ អ្នកណាដែលបានប្រព្រឹត្តរឿងនេះ គេពិតជាបានក្លាយជាអ្នកគ្មានជំនឿហើយ(កាហ្វីរ)។ មូលហេតុដែលការចំអកឡកឡឺយនឹងសាសនាជាកូហ្វូរ គឺព្រោះការចំអកឡកឡឺយនឹងសាសនាមានន័យថាមើលងាយអ្នកបញ្ញត្តិវា នោះគឺអល់ឡោះ។ ហើយនេះគឺជាអំពើគ្មានជំនឿ(កាហ្វីរ) យ៉ាងច្បាស់លាស់ ព្រោះថាកាតព្វកិច្ចចំពោះអល់ឡោះ គឺការលើកតម្កើង មិនមែនការមើលស្រាលឡើយ។
រីចំណែកឯការចំអកឡកឡឺយវិញ វាមិនកើតចេញពីអ្នកណាដែលបានលើកតម្កើងអល់ឡោះ យ៉ាងពិតប្រាកដ , លើកតម្កើងព្យាការីរបស់ទ្រង់ ﷺ, និង លើកតម្កើងសាសនារបស់ទ្រង់ឡើយ ផ្ទុយទៅវិញ វាមិនកើតចេញឡើយ លើកលែងតែពីបេះដូងរបស់អ្នក ពុតត្បុត (منافق)។ សូមអល់ឡោះទ្រង់ការពារ។
តើវាមិនដូច្នោះដោយរបៀបណា ខណៈដែលគេបានដឹងថា ក្នុងចំណោមសញ្ញាដែលល្បីល្បាញបំផុតនៃ ភាពពុតត្បុត គឺការចំអកឡកឡឺយនឹងសាសនា?
អ៊ីបនូ សាអឌី រ៉ោះហ៊ីម៉ាហុលឡោះនិយាយថា៖ «ពិតណាស់ ការចំអកឡកឡឺយនឹងអល់ឡោះ និង អ្នកនាំសាររបស់ទ្រង់ គឺជាអំពើគ្មានជំនឿដែល បណ្តេញចេញ ពីសាសនា ពីព្រោះគ្រឹះនៃសាសនាគឺផ្អែកលើការលើកតម្កើងអល់ឡោះ, ការលើកតម្កើងសាសនារបស់ទ្រង់ និង បណ្តាអ្នកនាំសាររបស់ទ្រង់។ ហើយការចំអកឡកឡឺយនឹងអ្វីមួយពីរឿងនោះ គឺផ្ទុយនឹងគ្រឹះនេះ និង ប្រឆាំង នឹងវាយ៉ាងខ្លាំងបំផុត»។
ភស្តុតាងតាមច្បាប់សាសនាអំពីអំពើគ្មានជំនឿ(កូហ្វូរ)របស់អ្នកដែលចំអកឡកឡឺយនឹងសាសនា
បងប្អូនមូស្លីមទាំងឡាយ! គម្ពីរអាល់គួរអានបានបញ្ជាក់អំពីការកាហ្វីររបស់អ្នកចំអកឡកឡឺយនឹងកិច្ចការសាសនា។ អល់ឡោះបានមានបន្ទូលថា៖
ﵟوَلَئِن سَأَلۡتَهُمۡ لَيَقُولُنَّ إِنَّمَا كُنَّا نَخُوضُ وَنَلۡعَبُۚ قُلۡ أَبِٱللَّهِ وَءَايَٰتِهِۦ وَرَسُولِهِۦ كُنتُمۡ تَسۡتَهۡزِءُونَ ٦٥ لَا تَعۡتَذِرُواْ قَدۡ كَفَرۡتُم بَعۡدَ إِيمَٰنِكُمۡﵞ ﵝالتَّوۡبَة : ﵕﵖ - ﵖﵖﵜ
“ហើយប្រសិនបើអ្នកសួរពួកគេ ពួកគេពិតជានឹងពោលថា៖ «យើងគ្រាន់តែនិយាយលេងសើចប៉ុណ្ណោះ»។ ចូរអ្នក(ឱមូហាំម៉ាត់) ពោលថា៖ «តើពួកអ្នកបានសើចចំអកចំពោះអល់ឡោះ និងបណ្ដាអាយ៉ាត់របស់ទ្រង់ និងអ្នកនាំសាររបស់ទ្រង់ឬ? ចូរកុំលេសអ្វីទាំងអស់! ពិតប្រាកដណាស់ ពួកអ្នកបានប្រឆាំង បន្ទាប់ពីពួកអ្នកមានជំនឿហើយ។”
អាយ៉ាត់នេះបង្ហាញអំពីការកាហ្វីររបស់អ្នកចំអកឡកឡឺយនឹងរឿងណាមួយនៃរឿងសាសនា មិនថាការចំអកឡកឡឺយនោះទាក់ទងនឹងអល់ឡោះ ឬអាយ៉ាត់របស់ទ្រង់ដែលជាគម្ពីរអាល់គួរអាន ឬអ្នកនាំសាររបស់ទ្រង់ និងមិនថាអ្នកចំអកឡកឡឺយនោះមុឺងម៉ាត់ឬលេងសើចក៏ដោយ។
អ៊ីបនូ អាប៊ី ហាទីម បានរាយការណ៍ក្នុងការពន្យល់អាយ៉ាត់នេះពីអាប់ឌុលឡោះ ប៊ិន អ៊ូម៉រ រ៉ដីយ៉ាល់ឡោហូអានហូម៉ានិយាយថា៖ មនុស្សម្នាក់បាននិយាយក្នុងគ្រាចម្បាំងតាប៊ូកក្នុងក្រុមមួយថា៖ "ខ្ញុំមិនធ្លាប់ឃើញអ្នកសូត្រដូចពួកយើងទេ(មានន័យថាក្រុមរបស់ណាពី) ﷺគឺចំណង់ចំណូលអាហារច្រើន កុហកច្រើន ភ័យខ្លាច/កំសាកពេលជួបសត្រូវ"។ មនុស្សម្នាក់ក្នុងក្រុមបាននិយាយថា៖ ៖ «អ្នកបានភូតកុហកហើយ ប៉ុន្តែអ្នកគឺជាអ្នក ពុតត្បុត (منافق)។ ខ្ញុំប្រាកដជានឹងប្រាប់រ៉សូលរបស់អល់ឡោះ ﷺ"។ ដំណឹងនោះបានដល់ណាពី ﷺ ហើយគម្ពីរអាល់គួរអានត្រូវបានបញ្ចុះមក។ អាប់ឌុលឡោះបន្តថា៖ ខ្ញុំបានឃើញគាត់កំពុងតោងខ្សែចង្កេះអូដ្ឋញីរបស់អ្នកនាំសាររបស់អល់ឡោះ ﷺ ខណៈដែលថ្មទាំងឡាយកំពុងធ្វើឱ្យគាត់ ជំពប់ដួល ហើយពោលថា ៖ «ឱរ៉សូលរបស់អល់ឡោះ! ពួកយើងគ្រាន់តែ និយាយលេង និងលេងសើចតែប៉ុណ្ណោះ»។ រ៉សូលរបស់អល់ឡោះ ﷺ មានប្រសាសន៍ថា ៖ "តើពួកអ្នកចំអកឡកឡឺយនឹងអល់ឡោះ អាយ៉ាត់របស់ទ្រង់ និងអ្នកនាំសាររបស់ទ្រង់ឬ?"។
ការឯកភាពរបស់បណ្តាអ៊ូឡាម៉ាលើការកាហ្វីររបស់អ្នកចំអកឡកឡឺយនឹងសាសនា
បងប្អូនជំនឿទាំងឡាយ! ការវិនិច្ឆ័យថាអ្នកចំអកឡកឡឺយនឹងសាសនាជាអ្នកកាហ្វីរគឺជារឿងដែលអ៊ូឡាម៉ាមូស្លីមបានឯកភាពគ្នា។
ស្ហៃខ សូឡៃម៉ាន ប៊ិន អាប់ឌុលឡោះ ប៊ិន មូហាំម៉ាត់ ប៊ិន អាប់ឌុល វ៉ះហាប ♫បាននិយាយអំពីអ្នកដែលលេងសើចនឹងរឿងដែលមានពាក់ព័ន្ធនឹងអល់ឡោះ គម្ពីរអាល់គួរអាន ឬអ្នកនាំសារថា៖ "គេជាអ្នកកាហ្វីរដោយរឿងនោះ ដោយសារតែការមើលស្រាលរបស់គេចំពោះភាពជាម្ចាស់ និង ភាពជាអ្នកនាំសារ ហើយនោះគឺផ្ទុយនឹងតាវហ៊ីដ។ ហេតុនេះ អ៊ូឡាម៉ាបានឯកភាពគ្នាលើការកាហ្វីររបស់អ្នកដែលធ្វើរឿងណាមួយនៃរឿងទាំងនោះ។ អ្នកដែលចំអកឡកឡឺយនឹងអល់ឡោះ គម្ពីររបស់ទ្រង់ អ្នកនាំសាររបស់ទ្រង់ ឬសាសនារបស់ទ្រង់គឺជាអ្នកកាហ្វីរ ទោះបីជាគេលេងសើចមិនមានបំណងចំអកឡកឡឺយពិតប្រាកដក៏ដោយ ដោយការឯកភាពគ្នា"។
ការព្រមានអំពីការចំអកឡកឡឺយនឹងសាសនា
បងប្អូនជំនឿទាំងឡាយ! កាតព្វកិច្ចគឺត្រូវប្រុងប្រយ័ត្នពីការរអិលនៃអណ្តាត។ វាជារឿងដែលនាំមនុស្សចូលនរកច្រើនបំផុត ដូចក្នុងហាឌីសមូអាស ◙ នៅពេលគាត់សួរណាពី ﷺ ថា៖ "តើយើងត្រូវទទួលទោសអ្វីដែលយើងនិយាយឬ?" គាត់ឆ្លើយថា៖
> (..) وَهَلْ يَكُبُّ النَّاسَ فِي النَّارِ عَلَى وُجُوهِهِمْ - أَوْ قَالَ عَلَى مَنَاخِرِهِمْ - إِلَّا حَصَائِدُ أَلْسِنَتِهِمْ؟ < [رواه الترمذي]
«(....)តើមានអ្វីក្រៅពីផលវិបាកនៃអណ្តាតរបស់ពួកគេ ដែលជាហេតុបោះច្រមុជមនុស្សឲ្យធ្លាក់ទៅក្នុងភ្លើងនរកនោះ?»
និងក្នុងហាឌីសមួយទៀត៖
> إِنَّ الْعَبْدَ لَيَتَكَلَّمُ بِالْكَلِمَةِ مِنْ سَخَطِ اللهِ لَا يُلْقِي لَهَا بَالًا يَهْوِي بِهَا فِي جَهَنَّمَ < [رواه البخاري]
«ពិតប្រាកដណាស់ ខ្ញុំបម្រើរបស់អល់ឡោះ ពោលពាក្យមួយម៉ាត់ដែលធ្វើឱ្យអល់ឡោះទ្រង់ខឹងសម្បារ ហើយគាត់មិនបានយកចិត្តទុកដាក់នឹងវាឡើយ។ ប៉ុន្តែពាក្យនោះនឹងនាំគាត់ទៅធ្លាក់ក្នុងនរកជើហាន់ណាំ។»
និងក្នុងគម្ពីរអាល់គួរអាន៖
ﵟوَيۡلٞ لِّكُلِّ هُمَزَةٖ لُّمَزَةٍ ١ﵞ ﵝالهُمَزَة : ﵑﵜ
“សេចក្តីវិនាស និងទារុណកម្មដ៏ធ្ងន់ធ្ងរសម្រាប់អ្នកដែលនិយាយបង្កាច់បង្ខូច និងនិយាយដើមគេ។”
និងបន្ទូលរបស់ទ្រង់៖
ﵟمَّا يَلۡفِظُ مِن قَوۡلٍ إِلَّا لَدَيۡهِ رَقِيبٌ عَتِيدٞ ١٨ﵞ ﵝق : ﵘﵑﵜ
“គ្មានពាក្យសម្ដីណាមួយដែលគាត់បាននិយាយឡើយ លើកលែងតែនៅក្បែរគាត់មានអ្នកតាមដានដែលត្រៀមរួចជាស្រេច(ដើម្បីកត់ត្រា)។”
ឧទាហរណ៍ជាក់ស្តែងនៃការចំអកឡកឡឺយនឹងសាសនា
បងប្អូនមូស្លីមទាំងឡាយ! ការចំអកឡកឡឺយនឹងអ៊ូឡាម៉ាក(ក្រុមអ្នកប្រាជ្ញក្នុងសាសនាអ៊ីស្លាម) អ្នកកែទម្រង់ និងអ្នកដែលបង្គាប់ឱ្យធ្វើល្អ និងហាមឃាត់ពីអំពើអាក្រក់គឺជាប្រភេទនៃការចំអកឡកឡឺយនឹងសាសនា។ ព្រោះអ៊ូឡាម៉ាកគឺជាអ្នកស្នងមរតករបស់ណាពី ហើយពួកគេជាអ្នកដែលបន្តរក្សាសាសនា។ អ្នកណាចំអកឡកឡឺយនឹងអ៊ូឡាម៉ាកដោយសារគេជាអ៊ូឡាម៉ាក គឺគេជាអ្នកកាហ្វីរ។ ឬចំអកឡកឡឺយនឹងអ្នកដែលបង្គាប់ឱ្យធ្វើល្អ និងហាមឃាត់ពីអំពើអាក្រក់ដោយសារមូលហេតុនេះ គឺគេជាអ្នកកាហ្វីរ។ កាតព្វកិច្ចគឺត្រូវគោរពអ៊ូឡាម៉ានិងអ្នកបង្គាប់ឱ្យធ្វើល្អ និងហាមឃាត់ពីអំពើអាក្រក់ ពីព្រោះអល់ឡោះបានលើកតម្កើងឋានៈរបស់ពួកគេនៅក្នុងគម្ពីរគួរអាន។ ដូច្នេះវាជាកាតព្វកិច្ចលើអ្នកមានជំនឿក្នុងការគោរពអ្នកណាដែលអល់ឡោះ និងអ្នកនាំសាររបស់ទ្រង់ ﷺ បានគោរព។ ទ្រង់បានមានបន្ទូលថា ៖
ﵟيَرۡفَعِ ٱللَّهُ ٱلَّذِينَ ءَامَنُواْ مِنكُمۡ وَٱلَّذِينَ أُوتُواْ ٱلۡعِلۡمَ دَرَجَٰتٖﵞ ﵝالمُجَادلَة : ﵑﵑﵜ
“អល់ឡោះនឹងលើកតម្កើងឋានៈដល់បណ្ដាអ្នកដែលមានជំនឿក្នុងចំណោមពួកអ្នក និងបណ្ដាអ្នកដែលត្រូវបានគេផ្ដល់ចំណេះដឹង។”
ណាពី ﷺ បានមានប្រសាសន៍ថា៖
> إِنَّهُ يَسْتَغْفِرُ لِلْعَالِمِ مَنْ فِي السَّمَاوَاتِ وَالْأَرْضِ، حَتَّى الْحِيتَانِ فِي الْمَاءِ، وَفَضْلُ الْعَالِمِ عَلَى الْعَابِدِ كَفَضْلِ الْقَمَرِ عَلَى سَائِرِ الْكَوَاكِبِ، إِنَّ الْعُلَمَاءَ هُمْ وَرَثَةُ الْأَنْبِيَاءِ، لَمْ يُوَرِّثُوا دِينَارًا وَلَا دِرْهَمًا، وَإِنَّمَا وَرَّثُوا الْعِلْمَ، فَمَنْ أَخَذَ بِهِ أَخَذَ بِحَظٍّ وَافِرٍ <
«ពិតប្រាកដណាស់ អ្វីៗដែលមាននៅក្នុងមេឃនិងផែនដី សុទ្ធតែសុំការអភ័យទោសពីអល់ឡោះសម្រាប់អ្នកប្រាជ្ញសាសនា រហូតដល់ត្រីនៅក្នុងទឹកក៏ដោយ។ ហើយគុណសម្បត្តិនៃអ្នកប្រាជ្ញសាសនាលើអ្នកគោរពសក្ការៈ ប្រៀបដូចជាគុណសម្បត្តិនៃព្រះចន្ទលើផ្កាយទាំងអស់។ ពិតប្រាកដណាស់ ពួកអ្នកប្រាជ្ញសាសនាគឺជាអ្នកទទួលមរតកពីពួកព្យាការី។ ពួកគេមិនបានបន្សល់ទុកមរតកជាឌីណារ ឬឌិរហាំ (មាសនិងប្រាក់) ឡើយ តែពួកគេបានបន្សល់ទុកមរតកជាចំណេះដឹង។ ដូច្នេះ អ្នកណាដែលបានទទួលយកវា គឺគាត់បានទទួលចំណែកដ៏បរិបូរណ៍មួយហើយ។»
បងប្អូនជំនឿទាំងឡាយ! ហើយរួមបញ្ចូលនៅក្នុងការចំអកឡកឡឺយនឹងសាសនា គឺការចំអកឡកឡឺយនឹងការ អនុវត្តតាមសុណ្ណះរបស់ព្យាការី ﷺ។ ហើយក្នុងចំណោមនោះ គឺការចំអកឡកឡឺយនឹងការទុកពុកចង្កា ឬការស្លៀកសម្លៀកបំពាក់ខ្លីដល់កជើង ឬការដុសធ្មេញ ដោយឈើសីវាក ឬការស្លៀកហ៊ីចាប និង អាបាយ៉ា និង ផ្សេងៗទៀត។
ក្នុងចំណោមការចំអកឡកឡឺយ គឺការចំអកឡកឡឺយនឹងរឿងហ្គៃប(រឿងអរូបី)និងការមើលស្រាលវា ដូចជាការចំអកឡកឡឺយនឹងឋានសួគ៌ឬនរក ដូចពាក្យថា៖ "តើឋានសួគ៌ជាអ្វី? តើនរកជាអ្វី?" និងរឿងស្រដៀងគ្នា។
ក្នុងចំណោមការចំអកឡកឡឺយ គឺការចំអកឡកឡឺយនឹងរឿងជំនឿមួយចំនួន ដូចជាភាពយុត្តិធម៌របស់ពួកសាហាបះ និងភាពបរិសុទ្ធរបស់អាអ៊ីស្ហះ ▲ ភរិយារបស់ណាពី ﷺ។ នេះជាកូហ្វូរ ព្រោះវាតម្រូវឲ្យបដិសេធគម្ពីរអាល់គួរអាន។ អល់ឡោះបានលើកសរសើរបណ្តាសាហាបះនិងពេញចិត្តនឹងពួកគេដូចមានក្នុងសូរ៉ោះអាត់-តាវបះ សូរ៉ោះអាល់-ហ្វាត់ហ៍ និងសូរ៉ោះអាល់-ហាស្ហរ៍ ក៏ដូចជាធ្វើសាក្សីថាអាអ៊ីស្ហះម្តាយនៃបណ្តាអ្នកមានជំនឿគឺបរិសុទ្ធ និងគ្មានពាក់ព័ន្ធនឹងអ្វីដែលពួកមូណាហ្វីកចោទប្រកាន់នោះទេ។ តើក្រោយពីនេះ វាត្រឹមត្រូវទេដែលមានមនុស្សមកចំអកឡកឡឺយនឹងពួកសាហាបះនិងដាក់កំហុសដំណេករបស់ណាពី ﷺ ហាក់ដូចជាអល់ឡោះជ្រើសរើសក្រុមមិនល្អ និងភរិយាមិនល្អសម្រាប់ណាពីរបស់ទ្រង់? អល់ឡោះគ្មានពាក់ព័ន្ធនឹងរឿងនោះឡើយ!
អ្នកទាំងឡាយ! ការចំអកឡកឡឺយរួមបញ្ចូលទាំងការចំអកឡកឡឺយច្បាស់ៗដូចជាពាក្យសម្តី ទង្វើ ឬការសរសេរក្នុងកាសែតឬមធ្យោបាយទំនាក់ទំនង និងការចំអកឡកឡឺយមិនច្បាស់ៗដូចជាការព្រិចភ្នែក ការសញ្ញាដៃ ការលៀនអណ្តាត និងអ្វីដែលស្រដៀងគ្នា។
ការចំអកឡកឡឺយគ្មានកម្រិតតិចដែលត្រូវបានលើកលែងឡើយ។ តិចឬច្រើនសុទ្ធតែអាក្រក់ទាំងអស់។ សូមអល់ឡោះការពារ។
កាតព្វកិច្ចរបស់មូស្លីម និងអាជ្ញាធរចំពោះអ្នកដែលចំអកឡកឡឺយនឹងសាសនា
បងប្អូនទាំងឡាយ! ការចំអកឡកឡឺយនឹងអល់ឡោះ ឬព្យាការីរបស់ទ្រង់ ﷺ ឬសាសនារបស់ទ្រង់ តម្រូវឱ្យមានការផ្តន្ទាទោសប្រហារជីវិតចំពោះអ្នកប្រព្រឹត្តវា ពីសំណាក់ អ្នកគ្រប់គ្រង ឬអាជ្ញាធរ។
បងប្អូនមូស្លីមទាំងឡាយ! អ្នកដែលឮនរណាម្នាក់ចំអកឡកឡឺយនឹងអល់ឡោះ អ្នកនាំសាររបស់ទ្រង់ ឬសាសនារបស់ទ្រង់ត្រូវហាមឃាត់គេ កុំនៅស្ងៀម ឬក្រោកចេញពីក្រុមនោះ។ ព្រោះការអង្គុយជាមួយពួកគេដោយពេញចិត្តធ្វើឲ្យកាហ្វីរនិ ងចេញពីអ៊ីស្លាម ដូចដែលអល់ឡោះបានមានបន្ទូលថា៖
ﵟوَقَدۡ نَزَّلَ عَلَيۡكُمۡ فِي ٱلۡكِتَٰبِ أَنۡ إِذَا سَمِعۡتُمۡ ءَايَٰتِ ٱللَّهِ يُكۡفَرُ بِهَا وَيُسۡتَهۡزَأُ بِهَا فَلَا تَقۡعُدُواْ مَعَهُمۡ حَتَّىٰ يَخُوضُواْ فِي حَدِيثٍ غَيۡرِهِۦٓ إِنَّكُمۡ إِذٗا مِّثۡلُهُمۡۗ إِنَّ ٱللَّهَ جَامِعُ ٱلۡمُنَٰفِقِينَ وَٱلۡكَٰفِرِينَ فِي جَهَنَّمَ جَمِيعًا ١٤٠ﵞ ﵝالنِّسَاء : ﵐﵔﵑﵜ
“ហើយពិតប្រាកដណាស់ ទ្រង់បានបញ្ចុះមកលើពួកអ្នកនៅក្នុងគម្ពីរថា នៅពេលដែលពួកអ្នកបានឮបណ្ដាអាយ៉ាត់របស់អល់ឡោះត្រូវបានគេបដិសេធ និងត្រូវបានគេចំអក នោះចូរពួកអ្នកកុំអង្គុយជាមួយពួកគេរហូតទាល់តែពួកគេផ្លាស់ប្តូរការនិយាយទៅរឿងផ្សេង។ ពិតប្រាកដណាស់ ប្រសិនបើពួកអ្នកនៅអង្គុយជាមួយពួកគេ នោះពួកអ្នកប្រៀបដូចជាពួកគេដែរ។ ពិតប្រាកដណាស់ អល់ឡោះនឹងប្រមូលផ្ដុំពួកពុតត្បុត និងពួកគ្មានជំនឿទាំងអស់នៅក្នុងនរកជើហាន់ណាំ។”
ចូរពិចារណា អ្នកមានចក្ខុវិស័យ! ដូចដែលពួកគេជួបជុំគ្នាក្នុងលោកិយដើម្បីចំអកឡកឡឺយនឹងសាសនា ទោសរបស់ពួកគេគឺការជួបជុំគ្នាក្នុងនរកនៅថ្ងៃបរលោក។ សូមអល់ឡោះការពារ។
បងប្អូនមូស្លីមទាំងឡាយ! នេះគឺជាការពន្យល់ដ៏មានប្រយោជន៍អំពីកាតព្វកិច្ចនៃការគោរពច្បាប់សាសនា គោរពអ្នកបញ្ចុះវានោះគឺអល់ឡោះ គោរពអ្នកនាំវានោះគឺណាពី និងគោរពអ្នកបន្តរក្សាវានោះគឺបណ្តាអ៊ូឡាម៉ានិងអ្នកកែទម្រង់។ អ្នកដែលប្រឆាំងនឹងផ្លូវនេះគឺស្ថិតក្នុងគ្រោះថ្នាក់ដ៏ធំ។
أَقُولُ قَوْلِي هَذَا، وَأَسْتَغْفِرُ اللَّهَ لِي وَلَكُمْ، فَاسْتَغْفِرُوهُ، إِنَّهُ هُوَ الغَفُورُ الرَّحِيمُ.
الخطبة الثانية
ការចំអកឡកឡឺយនឹងសាសនា គឺជាលក្ខណៈរបស់ពួកអ្នកគ្មានជំនឿជាទូទៅ និងពួកយ៉ាហ៊ូដនិងពួក ពុតត្បុត ជាពិសេស
الْحَمْدُ لِلَّهِ وَحْدَهُ، وَالصَّلَاةُ وَالسَّلَامُ عَلَى مَنْ لَا نَبِيَّ بَعْدَهُ، أَمَّا بَعْدُ، فاتقوا الله عباد الله،
បងប្អូនមូស្លីមទាំងឡាយ!
ចូរដឹងថា ការចំអកឡកឡឺយនឹងសាសនាគឺជាលក្ខណៈរបស់ពួកយ៉ាហ៊ូដ។ ពួកគេជាអ្នកដែលចំអកឡកឡឺយនឹងអល់ឡោះដោយនិយាយថា៖
ﵟيَدُ ٱللَّهِ مَغۡلُولَةٌﵞ ﵝالمَائـِدَة : ﵔﵖﵜ
“ព្រះហស្តរបស់អល់ឡោះត្រូវបានចង”
និងនិយាយថា៖
ﵟإِنَّ ٱللَّهَ فَقِيرٞ وَنَحۡنُ أَغۡنِيَآءُﵞ ﵝآل عِمۡرَان : ﵑﵘﵑﵜ
“អល់ឡោះពិតជាអ្នកក្រ ហើយពួកយើងជាអ្នកមាន។”
និងរឿងផ្សេងទៀត។
ក៏ដូចគ្នា ការចំអកឡកឡឺយនឹងអ្នកមានជំនឿជាលក្ខណៈរបស់ពួកកាហ្វីរ។ អល់ឡោះបានហៅការចំអកឡកឡឺយរបស់ពួកគេថាជាបទឧក្រិដ្ឋដោយមានបន្ទូលថា៖
ﵟٱلَّذِينَ أَجۡرَمُواْ كَانُواْ مِنَ ٱلَّذِينَ ءَامَنُواْ يَضۡحَكُونَ ٢٩ وَإِذَا مَرُّواْ بِهِمۡ يَتَغَامَزُونَ ٣٠ وَإِذَا ٱنقَلَبُوٓاْ إِلَىٰٓ أَهۡلِهِمُ ٱنقَلَبُواْ فَكِهِينَ ٣١ وَإِذَا رَأَوۡهُمۡ قَالُوٓاْ إِنَّ هَٰٓؤُلَآءِ لَضَآلُّونَ ٣٢ﵞ ﵝالمُطَفِّفِين : ﵙﵒ - ﵒﵓﵜ
“ពិតប្រាកដណាស់ បណ្ដាអ្នកដែលប្រព្រឹត្តអំពើអាក្រក់នៅក្នុងលោកីយ៍នេះ ពួកគេធ្លាប់បានសើចចំអកបណ្ដាអ្នកដែលមានជំនឿ។ ហើយនៅពេលដែលពួកគេបានដើរកាត់បណ្ដាអ្នកមានជំនឿ ពួកគេក៏បានព្រិចភ្នែកដាក់គ្នា(ដើម្បីចំអក)។ ហើយនៅពេលដែលពួកគេត្រឡប់ទៅផ្ទះរបស់ពួកគេវិញ ពួកគេបានត្រឡប់ទៅដោយមានអារម្មណ៍រីករាយ (ដែលបានចំអកអ្នកមានជំនឿ)។ ហើយនៅពេលដែលពួកគេបានឃើញបណ្ដាអ្នកមានជំនឿ ពួកគេបានពោលថា៖ «ពិតប្រាកដណាស់ ក្រុមទាំងនោះគឺជាក្រុមដែលវង្វេង»។”
ក៏ដូចគ្នា ការចំអកឡកឡឺយនឹងអ្នកមានជំនឿជាសញ្ញានៃមុណាហ្វីក និងជាលក្ខណៈរបស់ពួកមុណាហ្វីកដែលបង្ហាញជំនឿក្រៅ តែលាក់ការស្អប់ច្បាប់របស់អល់ឡោះក្នុងចិត្ត។ ក្នុងចំណោមពួកគេ គឺពួកលោកិយនិយម សេរីនិយម និងអ្នកដែលស្រដៀងពួកគេ។ ពួកគេចំអកឡកឡឺយនឹងអ្នកដែលបង្គាប់ឱ្យធ្វើល្អ និងហាមឃាត់ពីអំពើអាក្រក់ ចំអកឡកឡឺយនឹងហ៊ីជាប និងចំអកឡកឡឺយនឹងការព្យាបាលដោយអ្វីដែលមានក្នុងសុណ្ណះរបស់ណាពី ដូចជាទឹកនោមអូដ្ឋ។ ដោយការសរសើរចំពោះអល់ឡោះ ទ្រង់បានបកការកលល្បិចរបស់ពួកគេទៅពួកគេវិញ ពួកគេមិនបានទទួលផលល្អឡើយ។ ការស្រាវជ្រាវផ្នែកវេជ្ជសាស្ត្រដែលទទួលស្គាល់ដោយស្ថាប័នវេជ្ជសាស្ត្រលោកខាងលិចដែលមិនមែនជាមូស្លីមបានធ្វើសាក្សីថាការព្យាបាលដោយទឹកនោមអូដ្ឋត្រឹមត្រូវដូចដែលមានក្នុងសុណ្ណះរបស់ណាពី។
