Lɩslɑɑngã yɑɑ bõn-nɑɑnds Nɑɑbã dĩini

Ne Wẽnd yʋʋrã barka, sẽn yaa yols yaleng Soabã, n yaa Yolsdã, la d sɩngd d tʋʋmdã


Lɩslɑɑngã yɑɑ bõn-nɑɑnds Nɑɑbã dĩini


Ānd lɑ fo Soɑbã?

Yãwã lɑ sokr sẽn yɩɩd bedrem belmã pʋgẽ; ɑ le yɑɑ sokr sẽn pɑk n yɩɩd tɩ yɑɑ tɩlɑe ne ninsɑɑlɑ t'ɑ bãng ɑ leokrã.

Tõnd Soɑbã Yẽ n nɑɑn sɑɑsã lɑ tẽngã, lɑ A sik koom sɑɑsẽ wã, n yiis sẽn tũ ne koomã tɩ-biis buud fãɑ, lɑ tɩɩse, tɩ yɑɑ rɩɩb ne tõndo lɑ rũm-mugsã, Lɑ yɑɑ Yẽ lɑ sẽn nɑɑn tõnd lɑ A nɑɑn tõnd sɑɑm-dãmbã, lɑ A nɑɑn bũmbã fãɑ, lɑ Yẽ n mɑɑn yʋngã la wĩndgã, lɑ A mɑɑn yʋngã tɩ yɑɑ gõeem lɑ vʋʋsg wɑkɑto, tɩ wĩndgã yɑɑ tʋʋm lɑ rɩɩb bɑoob wɑkɑto. Lɑ yɑɑ Yẽndɑ n wõr wĩndgã lɑ kiuugã lɑ ãdsã lɑ moagã, lɑ A wõr rũm-mugsã n kõ tõnd tɩ d rɩt-b lɑ d nɑfd ne b bĩismã lɑ b gãndã.


Bõn-nɑɑndsã Soɑbã sɩf-rãmbã yɑɑ bõe?

Soɑbã Yẽ lɑ sẽn nɑɑn bõn-nɑɑndsã, lɑ Yẽ n kãndg-bɑ n tʋg sɩdã lɑ kãndgrã, lɑ Yẽ n dɑbsd bõn-nɑɑndsã yεlɑ fãɑ, lɑ Yẽ n rɩlgd-b, lɑ Yẽ n so sẽn be dũni vɩɩmã fãɑ lɑ yɑoolem rɑɑrã pʋgẽ wã, lɑ bũmb fãɑ yɑɑ Yẽ soolem lɑ sẽn pɑ Yẽ fãɑ, yɑɑ Yẽ n so-ɑ, Lɑ Yẽ lɑ Vɩt ningɑ sẽn pɑ kiid lɑ A ka gõe, lɑ Yẽ lɑ yals-m-toor Soɑbã bũmb fãɑ sẽn yãs ne A sɑgellã, lɑ Yẽ yolsgã gũbgɑ bũmbã fãɑ, lɑ Yẽ lɑ bũmb bɑ ɑ yembr sẽn pɑ solgd-A sɑɑsẽ wã pɑ tẽngẽ wã. Bũmb pɑ be n yɑɑ wɑlɑ Yẽ ye, lɑ Yẽ me lɑ Wʋmdã n yɑɑ Netã, lɑ A be A sɑɑsã yĩngri, n sek A Meng n A bõn-nɑɑndsã, lɑ bõn-nɑɑndsã tɑrɑ tʋlsem ne-A, lɑ A bõn-nɑɑndsã bɑ ɑ yembr pɑ lebd A Mengẽ wã ye, (A Nɑɑm yɩlg n zẽke), Soɑbã Yẽ n nɑɑn dũni-kãngã tõnd sẽn ne wã n lɑgem ne ɑ nɑ-kẽndrã sẽn yõgen n pɑ yõsdã, zem tɩ yɑɑ nebã yĩngɑ nɑ-kẽndrã mɑɑ rũmsã, mɑɑ yɑɑ dũni wã nɑ-kẽndrã sẽn be tõnd kɩremsã ɑ wĩndgã ne ɑ ãdsã lɑ ɑ yel-tõmdsã fãɑ.

Lɑ bũmb fãɑ b sẽn tũud tɩ pɑ Wẽnde yẽ pɑ tõe n nɑf ɑ mengɑ ɑ pɑ tõe n nɑmse, rẽnd nɑ n yɩɩ wãn-wãnɑ t'ɑ tõog n nɑf ned ning sẽn tũ-ɑ, mɑɑ ɑ tus nɑngã n yi-ɑ?


Tõnd Soɑbã hɑkε sẽn be tõnd zug yɑɑ bõe?

Ad A hɑkε wã sẽn be nebã fãɑ zugã yɑɑ b tũ-A ɑ Yembre lɑ b rɑ mɑɑn lɑgm-n-tɑɑr ne-A bɑɑ fʋɩ, rẽnd b pɑ tũud zẽng sẽn pɑ Yẽ mɑɑ b tũ n nɑɑg-A ninsɑɑlɑ, pɑ kugri, pɑ kʋlgɑ pɑ bõn-koεεngɑ, pɑ ãndgɑ, pɑ bɑɑ fʋɩ, ɑyo. B mɑɑndɑ tũudmã fãɑ tɩ yɩlg n welg ne Wẽnd A Yembre sẽn yɑɑ bõn-nɑɑndsã Nɑɑbã.


Lɑ nebã hɑkε sẽn zɑo b Soabã zug yɑɑ bõe?

Ad nebã hɑkε sẽn be Wẽnd zugu tɩ b sã n tũ-A yɑɑ A kõ-b vɩɩm sẽn yɑɑ yɩlengɑ, vɩɩm ningɑ b sẽn pɑɑmd bɑs-m-yɑm lɑ lɑɑfɩ lɑ yĩn-yõgnego lɑ yɑrdɑ ɑ pʋgẽ, lɑ yɑoolem zɑkẽ wã yɑɑ A kẽes-b arzãnã lɑ be ɑ pʋgẽ neemã sẽn duumdã, lɑ pɑɑb sẽn pɑ tɑr tεkã, lɑ b sã n kɩɩs-A lɑ b yõsg A sɑgellã, A mɑɑn tɩ b vɩɩmã yɩ zu-beedo lɑ keelem baɑ tɩ b sã n tẽed tɩ bãmb bee zu-noog lɑ vʋʋsg pʋgẽ. Lɑ yɑoolem rɑɑrã A kẽesd-b-lɑ Bugmẽ b sẽn pɑ nɑ n yi ɑ pʋgẽ ye, b tɑrɑ ɑ pʋgẽ sɩbgr sẽn duumdi, lɑ pɑɑb sẽn pɑ tɑr tεkɑ.


Tõnd belmã võor yaa bõe? Lɑ yɑɑ bõe yĩng lɑ A nɑɑn tõndo?

Ad Soɑbã sẽn yɑɑ wɑgellã A kõo tõnd kibɑr t'A nɑɑnɑ tõnd ne rɑɑb sẽn yɑɑ zɩsgo, lɑ rẽ yɑɑ d tũ Wẽnd A Yembre, lɑ d rɑ mɑɑn lɑgem-n-tɑɑr ne-A bɑɑ fʋɩ, lɑ A roglg tõnd tɩ d me tẽngã ne neer lɑ mɑnesgo, rẽnd ned ning sẽn tũ tɩ pɑ ɑ Soɑbã lɑ ɑ Nɑɑndã, ɑ pɑ bãng rɑɑb ning b sẽn nɑɑn-ɑ ne wã ye, lɑ ned ning sẽn sãɑmɑ tẽngã pʋgɑ, yẽ soɑb pɑ bãng tʋʋmd ning b sẽn rogl-ɑ wã ye.


Yaa wãna la d tũud d Soabã?

Ad Soabã, (A Naam yɩ wagelle) A ka naan tõndo la A bas tõnd zaalem ye, A ka maan tõnd vɩɩmã tɩ yaa reem ye, la ad A tũusa tẽn-tʋʋmba ninsaalbẽ wã n tʋms b nebẽ wã, bãmba n yɩɩd nebã ne zʋg-sõngo n leb n yɩɩd-b ne yõn-yɩlma, n leb n yɩɩd-b ne sũ-yɩlma, t'A sik A tẽn-tʋmdã b zugu, la A ning A tẽn-tʋmdã pʋgẽ bũmb ning sẽn yaa tɩlae ne nebã tɩ b bãnge, sẽn kẽed ne b Soabã, (A Naam yɩ bedre) la b leb n bãng dũni wã yikr raar yellã, yẽ me la geelgã la rolbã raare. La Tẽn-tʋʋmbã taasa b nebã b sẽn na n tũ b Soabã to-to ninga, la b vẽneg n vilg-ba tũud-rãmbã sẽn yɩt to-to ninga la b wakat-rãmbã la b keoorã dũni kaanẽ la laahre, la b bugs-ba n yi b Soabã sẽn gɩdg b zugu, sẽn yaa rɩbdo, la bõn-yũudi la fur-rãmb nins sẽn gɩdgã, la b kãnd-ba n tʋg zʋg-wagla la b gɩdg-ba n yi zʋg-yoodo.


Yaa dĩin bʋd la reegd Soabã nengẽ wã (A Naam yɩ wagelle)?

Dĩin ning sẽn reegd Wẽnd nengẽ wã yaa lɩslaango, yẽ me la dĩin ninga Nabiyaam-rãmbã fãa sẽn taasã, la Wẽnd ka reegd dũni yikr raare, dĩin tɩ ka yẽ ye, la dĩin fãa nebã sẽn kẽ tɩ ka lɩslaangã yẽ yaa zaalem, a ka na n naf a soaba, a pʋs n na n yɩɩ zu-beed a zugu, dũni kaanẽ la laahre.


Dĩin-kãngã (lɩslaangã) a yẽgã la a zeng raadã yaa bõe?

Dĩin-kãngã Wẽnd yols-a-la A yembsã zugu, rẽnd a zeng raadã sẽn tʋg n zɩs n yɩɩda, yaa f kõ sɩd ne Wẽnde, t'A yaa Soaba la Soab tũudenga, la f kõ sɩd ne A malεgsã la A Gaf-rãmbã, la A Tẽn-tʋʋmbã, la yaoolem raarã, la Pʋlengã, rẽnd f maanda kaset tɩ Soab sẽn na n tũ n tɩlg ka be sã n ka Wẽnde, a Mʋhammad me yaa Wẽnd Tẽn-tʋʋmã, la f tẽeg tɩrg ne Pʋʋsgo, la f kõ Zaka f sã n tar ligdi Zak yaa tɩlae a pʋgẽ, la f loe Ramadaane, yẽ me yaa kiuug yʋʋmdã pʋgẽ, la f maan hagiimd Wẽnd yĩnga n tʋg Roog ning sẽn yaa Ro-kʋd-kãsenga, a ɭbraahɩɩm (tɩlgr be a yĩnga) sẽn me-a wã, sẽn tũ ne a Soabã sagellã, tɩ fo sã n paam sor n na n tʋg Roogẽ wã La zãag bũmb ning Wẽnd sẽn gɩdgã, sẽn yaa lagem-n-taare, la yõor kʋʋbo, la yoobo, la haraam ligd rɩɩbo, rẽnd fo sã n kõ sɩd ne Wẽnde, la f tʋm tũudum-kãensã la f zãag haraam-kãensã, fo yaa lɩslaama dũni wã pʋgẽ, la dũni yikr raare Wẽnd kõta foom neema duumdga la paab sẽn duumd arzãnã pʋga.


Rẽ yĩnga lɩslaangã yaa dĩin sẽn welg n kõ neb maa kõbg bɩɩ?

Lɩslaangã yaa Wẽnd dĩin n kõ nebã gilli, ned ka be beenẽ n tar yɩɩdlem a to zugu, rẽnda Wẽn-zoεεga la tʋʋm-sõngo la nebã fãa zema taab a pʋgẽ.


Nebã maanda a wãn n bãng Tẽn-tʋʋmbã sɩdã (pʋʋsg la tɩgr be b yĩnga)?

Nebã bãngda Tẽn-tʋʋmbã sɩdã sẽn tũ ne soy wʋsgo, be b pʋgẽ:

Yaa tɩ b sẽn wat ne bũmb ningã sẽn yaa sɩdã la kãndgrã, yamã la fɩtra (rog-ne) ning sẽn manegã sakd-a lame, yamã leb n maanda kaset t'a bee neere, la zẽng sẽn ka Tẽn-tʋʋmbã ka tõe n wa ne bãmb sẽn wa ne wã ye.

Yaa tɩ bũmb ning Tẽn-tʋʋmbã sẽn wa ne wã, nebã dĩinã la b dũni wã, la b yεlã yalsg la b vɩɩmã meeb manegr be a pʋgẽ, la b dĩinã gũubu la b yamã la b arzεgse la b burkĩndi (manegr be a pʋgẽ).

Yaa tɩ Tẽn-tʋʋmbã (tɩlgr be b yĩnga) b ka baood keoor nebã nengẽ ye, b sẽn boond-ba n tʋgd sõmã wã la kãndgrã yĩng ye, la b gũuda bãmb keoorã b Soabã nengẽ.

Yaa tɩ Tẽn-tʋʋmbã sẽn wa ne bũmb ninga yaa sɩda la vẽenega, sik ka gẽdgd-a ye, a ka kɩɩsd taaba, a ka golemde, la Nabiyaam fãa sɩdgda Nabiyaam-rãmb nins sẽn reng yẽ taoorã, la a bool n tʋg bãmb me sẽn bool n tʋgã buudu.

Yaa tɩ Wẽnde, A kengda Tẽn-tʋʋmbã (tɩlgr be b yĩnga) ne tagmas-rãmb sẽn yaa vẽenega la yel-soalem-rãmb sẽn windi, tɩ yaa Wẽnd n kẽnesd-b b nusẽ wã tɩ b yɩtẽ, bʋɩl yĩng tɩ b na yɩ kaset-rãmb sẽn yaa sɩda, sẽn wilgd tɩ bãmb yaa Tẽn-tʋʋmb sẽn yi Soabã nengẽ, la Nabiyaam-rãmbã yel-soalem sẽn tʋg n zɩs n yɩɩda yaa Tẽn-tʋʋm Pidsg a Mʋhammad yel-solemdã, (Wẽnd pʋʋsg la A tɩlgr be a yĩnga) yẽ me la Alkʋrãan wagellã.


Alkʋrãan wagellã yaa boe?

Alkʋrãan wagellã yẽnda la bõn-naandsã Naab Gafã, yẽ me la Wẽnd Goamã malεk a Gibriil (tɩlgr be a yĩnga) sẽn sik Tẽn-tʋʋmã, a Mʋhammad zugu, la be a pʋgẽ Wẽnd sẽn maan tɩ yaa tɩlae n zao nebã fãa tɩ b bãngã, sẽn kẽed ne Wẽnde, la A malεgsã, la A Gaf-rãmbã la A Tẽn-tʋʋmbã la yaoolem raarã la Pʋlengã, a noog la a toog fãa be a pʋgẽ, la tũud-rãmb nins sẽn yaa tɩlae wã me be a pʋgẽ, la yεl nins sẽn gɩdg tɩ yaa tɩlae tɩ nebã gũus-ba, la zʋg-waglã la sẽn sãbsã, la bũmb fãa sẽn yag ne nebã b dĩinã pʋgẽ la b dũni wã la b yaoolem raarã be a pʋgẽ, la Alkʋrãanã yaa Gaf sẽn komsd a geesdbã, Wẽnd geesa nebã tɩ b wa ne a buudu. A yaa Gaf b sẽn gũ n na n tʋg n tãag dũni yikr raare, ne buud goam ning a sẽn sig ne wã, baa gʋls-bill a yembr ka boog a pʋgẽ, la gom-bill baa a yembr me ka tedg a pʋgẽ.


Yikrã kũumã poorẽ wã la tʋʋmã geelg daliil yaa bõe?

Rẽ yĩnga fo ka ne tɩ tẽngã wat n kiime n kʋɩ tɩ vɩɩm ka a zugu, tɩ koomã sã n sig a zugu, bɩ a pus n bul bõn-bundi tɩ tar ra-sãnde, ad Naab ning sẽn vɩɩms-a wã A yaa Tõod ne A na vɩɩms kũ-rãmba, Ad Soab ning sẽn naana ninsaalã ne koom sẽn yaa yaalgã, A yaa Tõod ne A leb n yik-a dũni yikr raare, n geel-a la A yao-a rolb sẽn pidi, sã n yaa sõmã yaa sõma, la sã n yaa wẽnga, yaa wẽnga, Ad Naab ning sẽn naana saasã la tẽngã, la ãdsã, A yaa Tõod ne A lebs ninsaal naanegã, bala ninsaal naanegã lebsg yẽnda naana n yɩɩd saasã la tẽngã naanego.


Bõe na n yɩ dũni yikr raare?

Soabã (A Naam yɩ wagell n zẽke) A na n yika bõn-naandsã b yaadẽ wã, rẽ poorẽ t'A geel-ba b tʋʋmã, rẽnd ned ning sẽn kõ sɩda la a sɩdg Tẽn-tʋʋmbã, A kẽesd-a-la arzãnã, arzãn ning sẽn yaa neemã duumdg, neemã ning sẽn ka kẽed ninsaal tagsgẽ a bedrẽmã keelem. La ned ning sẽn kɩflã A kẽesd-a-la Bugmã, Bugum ning sẽn yaa nang duumdgã, nang ning ninsaal sẽn ka tol n tagsd a buud ye. La ned sã n kẽ arzãnã maa Bugmã, a ka leb n kiid lae-lae, rẽnd a yaa duumda, n yaa paada neemã wã pʋgẽ maa namsgã pʋgẽ.


Ninsaal sã n rat n kẽ lɩslaangã, bõe la a maanda, rẽ yĩngã yεl n be beenẽ tɩ yaa tɩlae t'a maan bɩɩ, neb me n be beenẽ tɩ yaa tɩlae tɩ b kõ-a sor t'a kẽ bɩɩ?

Ninsaal sã n bãng tɩ lɩslaangã dĩin yaa sɩda, la yaa yẽ la bõn-naandsã Naab dĩinã, rẽnd sõmba ne-a t'a yãg n kẽ lɩslaangã pʋgẽ, bala yam soaba sɩd sã n vẽneg ne-a sõmba ne-a t'a yãg n kẽng a nengẽ, la a ra yaoolg yel-kãngã ye, la ned ning sẽn rat lɩslaangã kõom, ka tɩlae ne-a t'a maan yεl sẽn welg toor ye, ka tɩlae me tɩ yɩ neda, sẽn yaa a soab fãa bõn-naandsã pʋgẽ taoor ye, la sã n yɩ lɩslaam taoore, maa lɩslaambã sãntrẽ, yẽnda yaa sõma sẽn paas sõma bala, sã n ka rẽ sekda yẽnda t'a yeele: (Ashadʋ anlaa-ɩlaaha ɩllallaahʋ, wa Ashadʋ anna Mʋhammadan Rasʋʋlʋllaah= m maand kaset tɩ soab sẽn na n tũ sɩd-sɩd ka be, sã n pa Wẽnde, la m maand kaset t'a Mʋhammad yaa Wẽnd Tẽn-tʋʋma). T'a yaa sẽn mi a maanã wã, n kõ sɩd ne-a, woto bala a lebgda lɩslaama, rẽ poorẽ t'a karem lɩslaangã sãri-rãmb nins sẽn kellã bilf-bilfu, bʋɩl yĩng t'a na yik n yals ne bũmb ning Wẽnd sẽn maan tɩ yaa tɩlae n rog yẽ wã.

.

Sẽn na paas bãngre: https://byenah.com/mos