Mga Terminolohiyang Arabik

·       Hadith  -  (pangmaramihan - ahadith) ay isang piraso ng impormasyon o isang kuwento. Sa Islam ito ay isang tala ng salaysay ng mga kasabihan at mga gawa o kilos ni Propeta Muhammad at ng kanyang mga kasamahan.

·       Sunnah - Ang salitang Sunnah ay may ilang kahulugan depende sa sangay ng pag-aaral gayunpaman ang kahulugan na karaniwang tinatanggap, na kahit ano na iniulat na sinabi, ginawa, o sinang ayunan ng Propeta.

·       Sahabah - ang pangmaramihang anyo ng "Sahabi," na naisasalin sa mga Kasamahan. Ang isang sahabi, kung saan ang salitang ito ay karaniwang ginagamit ngayon, ay isang taong nakakita kay Propeta Muhammad, naniwala sa kanya at namatay bilang isang Muslim.

The Rights of Neighbours in Islam 1.jpg

Sa isang tunay na hadith, ang mainam at magandang pakikitungo sa mga kapitbahay ay nakaugnay sa paniniwala sa Allah at sa mga nasasakupan ng Islam. Sinabi ni Propeta Muhammad na, "Sinumang naniniwala sa Allah at sa Araw ng Paghuhukom ay mahalaga sa kanya na hindi niya saktan ang kanyang mga kapitbahay ..." [1] Sa gayon ay naintindihan natin na ang mga karapatan ng mga kapitbahay ay may mataas na katayuan sa Islam, sa katunayan na ang mahal na asawa ni Propeta Muhammad na si Aisha ay nagsabi sa isa pang hadith na ang anghel na si Gabriel ay sobrang mapilit sa pagtataguyod ng mga karapatan ng mga kapitbahay, na  napaisip si Propeta Muhammad kung ang mga karapatan ng mana ay ibibigay ba sa malapit na mga kapitbahay.

Ang mga sahabah ay patuloy na pinapaalalahanan ng parehong salita at gawa na binigyang  ng Allah at ng Kanyang Sugo ang malaking kahalagahan ng pagsasaalang-alang  at maayos na pakikitungo sa mga kapitbahay. Si Propeta Muhammad ay isang beses nagkaroon ng isang kapitbahay na sinasaktan at iniinsulto siya sa bawat pagkakataon. Nang ilang araw na ang nakalipas at hindi nakita ng Propeta ang lalaki, binisita niya ito dahil nababahala siya na ang kanyang kapitbahay ay maaaring may sakit o nangangailangan ng tulong. Ganito ang pakikitungo ni Propetang Muhammad sa kanyang mga kapitbahay, kahit na hindi sila mga kapatid sa Islam. Ang isang mabuting kapitbahay ay isa na nagtitiyak ng kaginhawaan, seguridad at kaligtasan. Ito ay totoo maging anuman ang etniko o relihiyon ng mga kapitbahay. Ang pakikipag-ugnayan sa komunidad ay napakahalaga at dapat malampasan ang mga hadlang tulad ng lahi, relihiyon o pagka-akibat sa pulitika.

Ang lipunan ng mga Muslim, lalo na ang lipunan na itinatag sa lungsod ng Medina, ay nagbigay   diin sa pagkakaisa ng komunidad. Kung ang isang miyembro ng komunidad ay naghihirap ang buong komunidad ay nalalagay sa panganib. Noong nakaraan, ang mga kapitbahay at mga malawak na mga miyembro ng komunidad ay nakasalalay sa bawat isa sa mga panahon ng alitan o kalamidad. Hindi ito kagay sa mga sitwasyon na nakikita natin ngayon; ang mga matatandang tao ay kinakalimutan at namamatay mag-isa at ang mga kapitbahay ay nagugutom sa likod ng mga saradong pinto. Maraming mga problema sa komunidad na tulad ng mga ito na maaaring malutas sa pamamagitan ng malasakit sa kapwa.

Kamakailan lamang ang isang grupo ng mga batang nasa high school sa Sydney Australia ay nagsimulang magtabas ng mga halamanan at maglinis ng mga yarda ng kanilang mga matatanda at may kapansanan na mga kapitbahay. [2] Ang mga kalalakihan ay mga Muslim; subalit karamihan sa kanilang mga kapitbahay ay hindi. Isang marangal na pamamaraan para sundin ng mga kabataan na ito ang mga yapak ng kanilang minamahal na Propeta. Ang mga kapitbahayan ay nag-uusap tungkol sa kanilang sorpresa at pag-aalala sa mga layunin ng mga lalaki ngunit nang tumagal ay naging komportable din sila. Ang mabuting pakikitungo sa kapwa ay ang tiyak na sinabi ng Propeta Muhammad na ito; ay isang kagalakan sa buhay ng isang tao.

Tulad ng makikita natin mula sa halimbawa sa Sydney, ang mga Muslim ay nasa isang natatanging kalagayan upang bigyan ang mga komunidad ng isang bagay na kadalasang nawawala habang naglalakbay ang mundo sa hinaharap: pagkakaisa ng komunidad at isang ligtas na kapaligiran. Bilang mga Muslim alam natin na bahagi ng pagsunod sa Allah at ng kanyang Sugo ay ang pagtitiyak ng isang ligtas na komunidad para sa lahat. Hindi natin kailangang hulaan ang mga paraan upang gawin itong isang katotohanan ngunit magagawa nating sundin ang patnubay ng Quran at ng tunay na Sunnah.

Dahil sa kahalagahan ng pagkakaroon ng mabubuting kapitbahay, ang mga tao ay kadalasang gumagawa ng mga katanungan bago lumipat sa isang lugar. Ito ay marahil ang isang maling uri ng kapitbahay ay maaaring gawin ang buhay na miserable. Tulad ng isang masamang relasyon sa isang kapitbahay ay maaaring gawin ang buhay na ubod ng sama, ang isa namang mabuting kapitbahay ay maaaring gawin ang kabaligtaran. Sinabi ni Propeta Muhammad, "Kabilang sa mga bagay na nagdudulot ng kaligayahan sa isang mananampalataya sa buhay na ito ay isang matuwid na kapitbahay, maluwang na bahay at maginhawang paraan ng transportasyon". [3] Kung hindi tayo sigurado kung paano pakikitunguhan ang ating mga kapitbahay maaari nating tingnan ang sahabah at subukan tularan ang kanilang pag-uugali sa paraan na angkop sa ating oras at lugar.

Si Abu Dhar, ay sinabihan ni Propeta Muhammad na magdagdag ng tubig sa kanyang sabaw upang makapag-alok ng iilan sa kanyang mga kapitbahay. [4] Si Abdullah ibn Amr ay nagtanong minsan sa kanyang tagapaglingkod pagkatapos magkatay ng isang tupa, "Ibinigay mo ba ang ilan sa ating mga Hudyo na kapitbahay?" [5] Ang isang mananampalataya ay hinihimok na magbigay ng mga regalo kahit na maliliit na halaga lamang. Ang tunay na halaga ng regalo ay ang diwa kung para saan ito ibinigay. Ang pagbibigay ng mga regalo ay naghihikayat ng pagkakaibigan at mabubuting relasyon sa kapwa. Nang tanungin ng asawa ng Propeta na si Aisha ang Propeta kung aling mga kapitbahay ang dapat niyang padalhan ng kanyang mga regalo, sumagot siya, "Sa mga pinto na pinakamalapit sa iyo". [6] Bagaman ang pinakamalapit na mga kapitbahay ang dapat nating alalahanin unang-una, hinihimok tayo ng Islam na pangalagaan ang lahat ng ating mga kapitbahay at alalahanin ang mas malawak na komunidad.

Mayroong maraming mga ahadith na binibigyang diin ang kahalagahan ng mabuting pakikitungo sa mga kapitbahay. "Ang pinakamainam sa mga kasamahan para sa Allah ay ang pinakamabuti sa kanyang kasamahan, at ang pinakamabuti sa mga kapitbahay para sa Kanya ay ang siyang pinakamabuti sa kanyang kapwa." Ngunit paano ang mga kapitbahay na nakagagambala sa ganap na kasiyahan at karapatan ng isang tao sa kanyang sariling tahanan? Si Propeta Muhammad ay tinanong tungkol sa isang babae na nagdarasal at nag-aayuno higit pa sa mga obligado sa kanya, at nagbibigay nang sagana ng kawanggawa, ngunit sa kasamaang palad, hindi siya humihinto sa pagsasalita nang masasaki na salita sa kanyang mga kapitbahay. Inilarawan siya bilang kabilang sa mga taong Impiyerno. Ang isa pang babae ay inilarawan sa kanya na sumasamba ayon sa kung ano lang ang obligado sa kanya at sinabi niya na siya ay isang tao mula sa Paraiso dahil lamang siya ay isang mabuting kapitbahay. [7]

Sinabi ni Propeta Muhammad, "Ang pinakamabuti sa mga kasamahan para sa Allah ay ang pinakamabuti sa kanyang kasamahan, at ang pinakamabuti sa mga kapitbahay para sa Kanya ay ang pinakamabuti sa kanyang kapitbahay."[1] Sinabi rin niya, "Ang pumipinsala sa kanyang kapitbahay ay hindi papasok sa Paraiso."[2]

Sa gayon ay makikita natin na ang pakikitungo sa mga kapitbahay nang mabuti at may paggalang, ay isang napakahalagang konsepto sa Islam. Ginagawang mas kasiya-siya ang buhay para sa lahat ng nauukulan; kapag napapalibutan ka ng mga taong maaari mong asahan, ang mga pagsubok at kapighatian ay maaaring mas madaling harapin dahil sa kanilang suporta at pagpapalakas. Kung ang iyong mga kapitbahay ay mga Muslim, ang pagiging mabuting kapitbahay ay madali sapagkat ang mga karapatan ng mga kapitbahay ay nakapaloob sa mga mananampalataya sa Islam. Kabilang sa mga karapatan ng isang Muslim sa iba ay ang mga sumusunod:

·       Batiin mo siya sa Islam sa pagbati ng Assalam alaikum[3]. 

·       Bisitahin kapag siya ay masama ang pakiramdam.

·       Maghandog ng mga tulong at makiramay sa panahon ng kalamidad.

·       Mag-alok ng mga pagbati sa mga oras ng kagalakan at kaligayahan.

·       Hangga't maaari, pabayaan ang mga pagkakamali, magtiis sa mga nakakagambala at itago ang mga pagkakamali.

·       Magbigay ng mga regalo.

·       Tumulong sa pamamagitan ng salapi.

·       Huwag tumingin sa kanyang mga ari-arian ng may inggit.

·       Patnubayan siya sa mga bagay na pakikinabangan niya sa kanyang relihiyon at makamundong gawain.

Kung ang iyong mga kapitbahay ay hindi Muslim hindi ito nangangahulugan na sila ay dapat tratuhin ng anumang naiiba. Sa katunayan ang pakikitungo sa kanila ng may paggalang na mismong Islam ang naghihikayat, ay siguradong isang magandang bagay. At maaring ito pa  ang maging daan upang sila ay yumakap  sa Islam  at ang  pinaka konting maidudulot nito sa pangkalahatan sa kuminidad ay ang makapamauhay ng payapa  at nag tututulungan ang bawat isa. 

Ang mga sumusunod ay ilang mga kapaki-pakinabang na payo para sa mga nakatira sa mga komunidad na tinitirhan ng mga tao mula sa iba't ibang mga etniko at pananampalataya:

·       Ipakilala ang iyong sarili sa mga kapitbahay kapag lumipat ka sa isang bagong bahay o kapag lumipat ang mga bagong kapitbahay.

·       Ipakita ang pangangalaga at malasakit sa pamamagitan ng pagtatanong tungkol sa kalusugan ng mga matatanda o may sakit. Ang isang Muslim ay hindi dapat kumain kung ang kanyang kapitbahay ay gutom kaya't maaari kang tumulong sa pamamagitan ng pagpapadala ng pagkain pati na rin sa pagsasagawa ng mga gawain katulad ng pag-gapas ng damuhan o pagtatapon ng mga basura. Pinayuhan ni Propeta Muhammad ang isang sahabi na pa-usbungin ang mabubuting kaugnayan sa kapitbahay nang sinabi niya, "... Sa tuwing maghahanda ka ng sabaw, maglagay ng maraming tubig sa loob nito, at ibigay ang ilan nito sa iyong mga kapitbahay".[4]

·       Magbigay ng mga regalo. Ang pagbibigay ng mga regalo ay nagpapalambot sa kahit na mga matitigas na puso.

·      Mag-anyaya ng mga kapitbahay para sa kainan o barbeque o kahit na isang simpleng tasa ng tsaa. Sa iyong paanyaya siguraduhin na banggitin ang mga paghihigpit sa Islam sa alkohol (alak) at ilang mga kaugalian ng pagkain na kinakailangan para walang mga nakakahiyang sandali. Ito rin ay isang pagkakataon upang ipakita na ang alak ay hindi isang sangkap na kinakailangang sa masayang buhay ng pakikipagkaibigan.

·       Tanggapin ang mga imbitasyon. Maliban kung may isang mabuting dahilan ng hindi pagtanggap tulad ng alak o sayawan.

·       Habang nakikipag-usap, ilahad ang Islam sa pinakamainam na pamamaraan. Huwag pumasok sa walang saysay na mga argumento tungkol sa relihiyon o pulitika.

·       Kung ang iyong mga kapitbahay ay nagpapakita ng interes sa Islam, huwag maging mapilit o sila'y  madaliin (na tanggapin ang Islam). Marahil maaari kang magbigay ng mga mga libro na nakaka-anyaya o mag-imbita sa kanila sa mga kaganapan na naglalahad ng Islam.

·       Manguna sa pagtulong sa mga oras ng kalamidad. Ang iyong mga kapitbahay ay maaaring mangailangan ng pera, transportasyon o isang balikat na iiyakan.

Ang pagkakaroon ng mabubuting kapitbahay ay isang pagpapala at ang pakikitungo sa mabuting pamamaraan sa iyong mga kapitbahay ay kinakailangan sa Islam, ano ang dapat gawin ng isang tao kapag nahaharap sa masamang pag-uugali ng mga kapitbahay? Sa isang lipunang Muslim o kapitbahayan, isang mainam na pamamaraan upang mapigilan ang iyong kapitbahay na Muslim sa pagkilos nang hindi-kaaya-aya ay ipahayag sa madla ang kanyang pag-uugali.

Binanggit ng isa sa mga sahabah na tinanong ng isang lalaki ang Propeta kung paano haharapin ang isang kapitbahay na nagdulot sa kanya ng pinsala. Iminungkahi ng Propeta ang paghakot  ng kanyang mga gamit at pagtayo sa daan. Nang gawin ng lalaki ang iminungkahi, nagtipon ang mga tao sa paligid at nagtanong kung ano ang nangyayari. Ipinaliwanag ng sahabi kung ano ang kanyang ginagawa at na ito ay ang iminungkahi ni Propeta Muhammad. Ang mga tao ay nagulat at ang lalaki ay napahiya. Ito ay sa kahihiyan at pagsisisi na ang masamang kapit-bahay ay nagpunta sa nagawan niya ng di-tama at sinabi, "Bumalik ka sa iyong bahay. Sumpa man sa Allah, hindi na kita gagawan ng kahit anumang pinsala. "[5]

Gayunpaman mahalaga na kung isa-publiko ang katotohanan na siya ay may isang masamang kapitbahay hindi siya dapat magsagawa ng panlilibak o pagmamalabis sa pag kwento tungkol  sa  masamang pagtrato sa kanya. Ang payo ng Propeta ay upang ipakita sa kanyang kapitbahay na ang kanyang pakikitungo ay naging dahilan ng paglisan niya sa bahay. Hindi na siya nagsabi ng higit pa rito. Ito ay sapat na para malaman ng mga tao na ang bagay ay seryoso. Mahalagang tandaan na binigyang diin ang pakikitungo gamit ang mataas na pamantayan ng asal at moralidad  sa parehong mga Muslim at di-Muslim at kadalasan ay  nakagagawa ng kababalagahan (tungo sa mabuting samahan).

Ang kilalang pantas sa Islam na si Al-Qurtubi (1214 -1273 CE) ay nagsabi, "Sinasabi ko ang mabubuting pakikitungo sa mga kapitbahay ay inuutos at iminumungkahi, sila man ay Muslim o hindi. At ito ang tamang gawain. Ang mabubuting pakikitungo ay maaaring maging pagtulong o maaari sa pagiging mabait, pag-iwas sa pagkayamot at pakikisama sa kanila. "