Ang mga Alituntunin sa mga Pagkain
3
أحكام الأطعمة
Ang mga Alituntunin
sa mga Pagkain
Ipinag-utos ni Allah sa mga
lingkod Niya ang pagkain ng mga
mabuting bagay at ipinag-bawal Niya
sa kanila ang mga masamang bagay.
Sinabi Niya (2:172): O mga
sumampalataya, kumain kayo mula
sa anumang mga mabuting bagay na
itinustos Namin sa inyo.
Ang pangkalahatang panuntunan
sa pagkain ay ang pagpapahintulot
maliban sa [ilang] ipinag-bawal. Si
Ang mga Alituntunin sa mga Pagkain
4
Allah ay nagpahintulot sa mga mananampalatayang
lingkod Niya ng mga
mabuting bagay upang makinabang
sila sa mga ito. Hindi ipinahihintulot
na gumamit ng mga biyaya ni Allah
para sa pagsuway. Nilinaw nga ni
Allah sa mga lingkod Niya ang
ipinagbawal Niya sa kanila na mga
pagkain at mga inumin. Sinabi Niya
(6:119): samantalang puspusang
nilinaw na Niya sa inyo ang
ipinagbawal Niya sa inyo, maliban
doon sa napilitan kayo? Kaya ang
anumang hindi nilinaw ang
pagbabawal, ito ay halál
(ipinahihintulot ni Allah). Nagsabi
Ang mga Alituntunin sa mga Pagkain
5
naman ang Propeta (SAS): Tunay na
si Allah ay nag-satungkulin ng mga
tungkulin kaya huwag ninyong
ipagpawalang-bahala ang mga ito,
nagtakda ng mga hangganan kaya
huwag nin-yong lampasan ang mga
ito, nagbawal ng ilang bagay kaya
huwag ninyong labagin ang mga ito,
nanahimik sa ilang bagay bilang
awa sa inyo hindi sanhi ng pagkalimot
kaya huwag na kayong mag-usisa
tungkol sa mga ito. (Isina-laysay ito
ni Imám atTabaráníy.)
Kaya ang lahat ng hindi nilinaw ni
Allah o ng Sugo Niya (SAS) ang
pagbabawal gaya ng mga pagkain,
Ang mga Alituntunin sa mga Pagkain
6
mga inumin, at mga kasuutan ay hindi
ipinahihintulot na ipagbawal. Ang
pata-karan ay na ang bawat pagkain na
táhir na hindi nakapipinsala ay
ipinahihintulot, na taliwas naman sa
mga pagkaing najis1 gaya ng hayop na
patay, dugo, alak, sigarilyo, at bagay na
naha-luan ng najis sapagkat ang mga
ito ay ipinagba-bawal dahil
nakasasama at nakapipinsala. Ang
hayop na patay na ipinagbabawal ay ang
naalisan ng buhay nang hindi
[sumasailalim] sa pagkaka-tay na
1 Ang táhir ay ang itinuturing na malinis sa Islam at
ang najis naman ay ang itinuturin na marumi sa
Islam.
Ang mga Alituntunin sa mga Pagkain
7
tanggap sa Islam. Ang dugo [na
ipinag-babawal] ay ang dugong
ibinububo palabas sa kinakatay. Ang
dugo namang naiiwan sa loob ng mga
ugat ay ipinahihintulot.
Ang mga ipinahihintulot na
pagkain ay nasa dalawang uri: mga
hayop at mga halaman. Ipina-hihintulot
mula sa mga ito ang anumang walang
dulot na pinsala. Ang mga hayop ay
nasa dala-wang uri: mga hayop na
nabubuhay sa lupa at mga hayop na
nabubuhay sa dagat. Ang hayop na
nabubuhay sa dagat ay halál sa
kalubusan at hindi humihiling para
rito ng pagkatay [ayon sa Islam]
Ang mga Alituntunin sa mga Pagkain
8
yamang ipinahihintulot [pati] ang
hayop na patay ng dagat. Ang mga
hayop na nabubu-hay sa lupa ay
ipinahihintulot maliban sa ilang uri na
ipinagbawal ng Islam. Ang mga ito ay
ang sumusunod:
1. Ang asno na inaalagaan,
2. Ang may pangil na ipinansisila,
maliban sa hyena.
Ang mga ibon ay ipinahihintulot,
maliban sa sumusunod:
1. Ang may kukong ipinandadagit.
Nagsabi si Ibnu ‘Abbás (RA):
Ipinagbawal ng Sugo ni Allah (SAS)
ang bawat may pangil na kabilang sa
mga mabangis na hayop at ang
Ang mga Alituntunin sa mga Pagkain
9
bawat may kukong ipinaninila na
kabilang sa mga ibon. (Isinalaysay
ito ni Imám Muslim: 1934.)
2. Ang kumakain ng patay gaya ng
agila, buwitre, at uwak dahil sa
pagkarimarim ng kinakain nito.
Ipinagbabawal ang pinandidirihan gaya
ng ahas, daga, at mga kulisap [maliban
sa balang].
Ang iba pa sa nabanggit na mga
hayop at mga ibon ay halál gaya ng
kabayo, hayupan,2 manok, asnong
2 Mga inaalagaang hayop na kumakain ng damo gaya
baka, kalabaw, kambing, kamelyo, at iba pa.
Ang mga Alituntunin sa mga Pagkain
10
ligaw, dabb,3 ostritch, kuneho, usa, at
iba pa. Hindi kabilang sa mga ito ang
jallálah: ang hayop na bagaman halál
ngunit ang karamihan sa kinakain ay
najis. Ipinagba-bawal kainin ang
jallaláh hanggang hindi ito
ikinukulong nang tatlong araw at
pinakakain ng pagkaing táhir lamang.4
3 Isang uri ng iguana o kabilang sa uring iguana na
nanini-rahan sa disyerto ng Arabia. Hindi ito
bayawak.
4 Hayop na hindi nakakulong at hinayaang
gumala-gala kaya naman nakakakain ng marumi at
najis.
Ang mga Alituntunin sa mga Pagkain
11
Makrúh5 ang pagkain ng sibuyas,
bawang, at mga gaya nito na may
masamang amoy kapag papasok sa
masjid. Ang sinumang mapipilitang
kumain ng pagkaing ipinagbabawal,
dahil pina-ngangambahan ang isang
kapinsalaan kung hindi kakain nito, ay
pinahihintulutan [na kumain anumang]
makapagpapanatili ng buhay
niya6 mali-ban sa lason.
Ang sinumang mapadaan sa mga
bungang-kahoy sa isang pataniman na
5 Hindi harám ngunit hindi rin kanais-nais. Hindi
nagkakasala ang gumagamit o ang gumagawa ng
makrúh.
6 Halimbawa: kung walang makain kundi baboy at
baka ikamatay ang hindi pagkain nito.
Ang mga Alituntunin sa mga Pagkain
12
nasa punong-kahoy nito o naglaglagan
sa mga ito at walang anumang
nakabakod sa mga ito at wala ring
nakabantay, ipinahihintulot sa kanya
na kumain mula rito ngunit hindi siya
magdadala ng anuman mula roon.
Wala siyang karapatang umakyat sa
punong-kahoy ni mambabato ng
anuman ni kumain mula sa
nakatumpok na bunga malibang
bunsod ng pangangailangan.
Ang mga Alituntunin sa mga Pagkain
13
Ang mga Alituntunin sa
Pagkakatay
Tunay na bahagi ng kundisyon ng
pagiging halál ng hayop na panglupa ay
ang pagiging naka-tay nito ayon sa
Batas ng Islam. Ang pagkakatay ayon
sa Islam ay ang pagkakatay ng
panglupang kinakaing hayop sa
pamamagitan ng paglalaslas sa
lalamunan (daanan ng hangin
papuntang baga) at esopago (daanan ng
pagkain at inumin), o [sa pamamagitan
ng] pagsusugat sa [alinmang bahagi ng
katawan ng hayop na] mahirap
[katayin]. Hindi magiging halál ang
anumang bahagi ng hayop na makakaya
Ang mga Alituntunin sa mga Pagkain
14
namang katayin ngunit hindi kinatay
[ayon sa Islam] dahil ang hindi kinatay
ay hayop na patay.7
Mga Kundisyon sa
Pagkakatay
1. Ang kaangkupan ng tagapagkatay.
Siya ay may lubos na pag-iisip na
may makalangit na relihiyon gaya
ng Muslim o Kristiyano o Hudyo.
Kaya naman hindi ipinahihintulot
ang kinatay ng isang baliw o isang
lango8 o isang batang hindi pa
tumuntong sa sapat na gulang
7 Namatay nang hindi sadyaang kinatay.
8 Lasing sa alak o bangag sa gamot.
Ang mga Alituntunin sa mga Pagkain
15
dahil hindi magiging tanggap sa
mga ito ang layunin na magkatay
dahil sa kawalan ng kalubusan ng
pag-iisip nila. Hindi rin magiging
halál ang kinatay ng isang Káfir
na pagano o Mazdaista9 o
sumasamba sa patay.
2. Ang pagkakaroon ng kagamitan.
Ipinahi-hintulot ang pagkatay sa
pamamagitan ng bawat matalas
[na bagay] na nakapagpapa-danak
ng dugo dahil sa katalasan,
9 Mago ang isa pang tawag sa isang Mazdaista na
kaanib ng Mazdaismo. Ang relihiyong Mazdaismo ay
isang anyo ng Zoroasterianismo, ang relihiyong
itinatag ni Zoroaster o Zarathustra na Persiano.
Ang Tagapagsalin.
Ang mga Alituntunin sa mga Pagkain
16
maging ito man ay yari sa bakal o
yari sa bato o iba pa rito, maliban
sa ngipin, buto, at kuko sapagkat
hindi ipinahihintulot ang magkatay
sa pamamagitan ng mga ito.
3. Ang paglalaslas ng lalamunan na
siyang daanan ng hangin
papuntang baga, ng eso-pago na
siyang daanan ng pagkain at
inumin, at ng isa sa dalawang
malaking ugat sa leeg.
Ang katwiran sa pagtatakda sa
bahaging ito at sa pagputol sa mga
bagay na ito higit sa lahat ay
alang-alang sa paglabas ng dugo
dahil ang bahaging ito ay tagpuan
Ang mga Alituntunin sa mga Pagkain
17
ng mga pangunahing ugat at dahil
sa iyon ay pina-kamabilis sa
pagkitil ng buhay, kaya naman ito
ay higit na kaaya-aya para sa
karne at higit na maginhawa para
sa hayop.
Ang anumang hindi
magawang katayin sa bahaging
nabanggit dahil sa kawalan ng
kakayahang magawa iyon gaya ng
sa mailap na hayop at tulad nito,
ang pagkatay rito ay sa
pamamagitan ng pagsusugat sa
alin-mang bahagi ng katawan
nito. Ang hayop na mamatay gaya
ng nasakal, hinambalos (pinalo
Ang mga Alituntunin sa mga Pagkain
18
ng isang mabigat na bagay),
nalag-lag (bumagsak mula sa
mataas na bagay), sinuwag, at
anumang sinila ng hayop na
naninila, ito ay ipinahihintulot
kainin sa kundisyon na naabutan
ito habang may natitirang buhay
pa at makakatay pa.
4. Na magsasabi ang tagapagkatay
ng bismi lláh
bago magkatay.
Sunnah na sabihin ang Alláhu
akbar kasama ng bismi lláh.
Ang mga Alituntunin sa mga Pagkain
19
Mga Kaasalan sa Pagkakatay
1. Makrúh na katayin ang hayop ng
mapurol na kasangkapan.
2. Makrúh na hasain ang
kasangkapan habang ang hayop ay
nakatingin.
3. Makrúh na iharap ang hayop sa
iba pa sa Qiblah.
4. Makrúh na baliin ang leeg nito o
balatan ito bago tuluyang
namatay.
Ang sunnah ay na katayin ang
baka at ang tupa [o kambing] habang
nakahiga sa kaliwang tagiliran nito at
ang kamelyo habang nakatayong
Ang mga Alituntunin sa mga Pagkain
20
nakagapos ang kaliwang kamay nito.
Si Allah ay higit na nakaaalam.
Ang Pangangaso
Ipinahihintulot ang pangangaso
kapag ito dahil sa pangangailangan,
samantalang kapag para naman sa
paglilibang at paglalaro, ito ay
makrúh. Ang hayop na mailap,
matapos mata-maan at mahuli ito, ay
may dalawang kalagayan:
1. Na maaabutan ito habang ito ay
may buhay pa kaya ito ay
kailangang katayin;
2. Na maaabutan ito na namatay na
o buhay nga ngunit nag-aagawbuhay
na at ito ay magiging halál
Ang mga Alituntunin sa mga Pagkain
21
pa rin sa kalagayang ito [kahit hindi
nakatay].
Isinasakundisyon para sa
nangangaso ang isinasakundisyon
para sa nagkakatay:
1. Na siya ay may lubos na pagiisip,
isang Muslim o isang
Kristiyano o isang Hudyo. Kaya
naman hindi magiging halál para
sa Muslim na kumain mula sa
ipinangaso ng isang baliw o isang
lasing ni sa ipinangaso ng isang
Mazadista o isang pagano at tulad
nila na mga Káfir.
2. Isinasakundisyon sa kasangkapan
na ito ay pinatalas, na
Ang mga Alituntunin sa mga Pagkain
22
nakapagpapadanak ng dugo at
hindi gawa sa kuko ni ngipin
(lahat ng mga uri ng mga buto), na
susugatan ang ipi-nangangaso sa
pamamagitan ng katalasan niyon
hindi ng kapurulan niyon. Ang
mga ipinangangasong hayop gaya
ng mga aso at mga ibon na
ipinangangaso ay ipinahi-hintulot
kainin ang pinatay ng mga ito na
hayop na pinangagaso kapag ang
mga ito ay turuan. Turuan ang
hayop kung kapag pinawalan ito
ay humahayo ito at kapag
nakakuha ito ng hayop ay
pinipigilan nito iyon para sa mayAng
mga Alituntunin sa mga Pagkain
23
ari nito hanggang sa pumunta
siya rito at hindi nito pinipigilan
iyon para sa sarili nito.
3. Na pawawalan ang sandata habang
naglala-yong patamaan ang hayop.
Kaya kung nalag-lag ang sandata
mula sa kamay at nakapa-tay ito
ng isang hayop, hindi magiging
halál [ang tinamaan] dahil sa
kawalan ng layuning patamaan
iyon. Ganoon din naman kung
kumawala nang saganang sarili
ang aso at nakapatay ng isang
hayop, hindi magiging halál [ang
napatay] dahil sa hindi pagpapawala
rito ng may-ari nito at
Ang mga Alituntunin sa mga Pagkain
24
kawalan ng layunin niya. Ang
sinumang tumudla sa isang hayop
ngunit tumama sa iba roon o
nakapatay ng isang pangkat ng
mga hayop, magiging halál pa rin
ang tinamaan.
4. Ang pagsambit ng ngalan ni Allah
sa pagpa-pawala ng bala o
nangangasong hayop sa
pamamagitan ng pagsabi ng bismi
lláh
at sunnah na sabihin kasama
nito ang Alláhu akbar.
Ang mga Alituntunin sa mga Pagkain
25
Paalaala
Ipinagbabawal ang pag-aalaga ng
aso ayon sa layuning iba sa
ipinahintulot ng Sugo ni Allah (SAS).
Ito ay isa sa tatlong bagay: para sa
panga-ngaso o para sa pagbabantay
ng mga alagang hayop o para sa
pagbabantay ng mga pananim.
Ang mga Alituntunin sa mga Pagkain
26
Ang Magandang Asal
sa Pagkain at Pag-inom
Itinuturing ng Muslim na ang
pagkain at inumin ay daan lamang na
maghahatid sa isang layunin at hindi
ang mismong layunin. Kuma-kain siya
at umiinom nang sa gayon ay mapanatili
niya ang kalusugan ng kanyang
katawan na sa pamamagitan nito ay
nasasamba niya si Allah. Ang
pagsambang iyon ay nagbibigay sa
kanya ng karapatang matamo ang
tahanan sa Kabilang-buhay at
mamuhay na maligaya roon.
Hindi siya kumakain at umiinom
alang-alang sa pagkain, inumin, at
Ang mga Alituntunin sa mga Pagkain
27
sarap ng mga ito. Kaya naman kung
hindi rin lamang siya nagugutom ay
hindi siya dapat kumain, at kung hindi
siya nauuhaw ay hindi rin siya dapat
uminom. Naisa-laysay na ang Propeta
(SAS) ay nagsabi: Tayo ay mga taong
hindi kakain malibang nagugu-tom,
at kapag kumain naman tayo ay
hindi nagpapakabusog. Dapat sundin
ng isang Muslim sa pagkain at paginom
ang mga magandang asal na
itinatagubilin ng Islam.
Bago Kumain
1. Na pipiliin ang nakabubuting
pagkain at inumin sa pamamagitan
Ang mga Alituntunin sa mga Pagkain
28
ng paghahanda ng mga ito buhat sa
mga bagay na halál, naka-bubuti,
at hindi nahahaluan ng anumang
bagay na harám o nakapagdududa
(kung harám o hindi). Batay ito sa
sinabi ni Allah (2:172): O mga
sumampalataya, kumain kayo
mula sa anumang mga
mabuting bagay na itinustos
Namin sa inyo. Ang
nakabubuting bagay ay ang halál
na hindi marumi at hindi
nakadidiri.
2. Na ang lalayunin sa pagkain at
pag-inom ay ang ikalalakas ng
katawan upang masamba si Allah
Ang mga Alituntunin sa mga Pagkain
29
nang sa gayon ay magtamo ng gantimpala
sa kinain at ininom. Ang
gawaing ipinahihintulot, sa
pamamagitan ng mabu-ting
layunin, ay magiging isang
pagsamba kay Allah na may
nakalaang gantimpala.
3. Na huhugasan ang mga kamay bago
kumain kung ang mga kamay ay
may dumi o hindi natitiyak ang
kalinisan ng mga ito.
4. Na kung kumakain sa lapag ay uupo
na nag-papakumbaba — uupo
nang paluhod sa dalawang paa o
uupo sa kaliwang paa habang
nakatukod ang kanang binti — gaya
Ang mga Alituntunin sa mga Pagkain
30
ng gina-gawang pag-upo ng Sugo ni
Allah (SAS). Nagsabi ng Sugo
(SAS): Hindi ako kuma-kain na
nakatukod ang kamay sa sahig.
Ako ay isang alipin[ni Allah]
lamang na kumakain kung
papaanong kumakain ang isang
alipin, at ako ay umuupo kung
papaanong umuupo ang isang
alipin.
5. Na magkakasya sa kung ano ang
pagkain nakahanda. Na hindi ito
pipintasan. Kung magugustahan
ay kakainin at kung hindi
magustuhan ay huwag kainin.
Batay ito sa Hadíth na isinalaysay ni
Ang mga Alituntunin sa mga Pagkain
31
Abú Hurayrah (RA): Walang
pagkaing pinintasan ang Propeta
(SAS). Kung naiibigan niya ay
kinakain niya, at kung hindi niya
maibigan ay ini-iwan niya ito.
6. Na kakain na may kasamang iba pa
gaya ng panauhin o kamag-anak o
utusan. Batay ito sa isang Hadíth:
Magtipon kayo sa pagkain ninyo
at magsabi kayo ng bismi lláh,
pag-papalain Niya kayo sa
pagkain ninyo.
Habang Kumakain
1. Na sisimulan ang pagkain sa
pagsabi ng bismi lláh.
Batay ito
sa sinabi ng Propeta (SAS): Kapag
Ang mga Alituntunin sa mga Pagkain
32
kakain ang sinuman sa inyo ay
banggitin niya ang pangalan ni
Allah. Kapag nalimutan niyang
banggitn ang pangalan ni Allah
sa simula ng pagkain niya ay
sabihin niya: bismi lláh
awwalahu
wa ákhirahu.10
2. Na kakain (kung nagkakamay) sa
pamama-gitan nang tatlong daliri
(hinlalaki, hintuturo, at hingigitna)
ng kanang kamay. Liliitan ang subo
at ngunguyain nang maigi, kakainin
ang nasa malapit at hindi ang nasa
malayo. Batay ito sa sinabi ng
10 Sa ngalan ni Allah, sa simula at sa katapusan.
Ang mga Alituntunin sa mga Pagkain
33
Propeta (SAS): Anak, sabi-hin mo
ang bismillah, kumain ka sa
pama-magitan ng kanang kamay,
at kainin mo kung ano ang
malapit sa iyo.
3. Na pag-iigihin ang pagnguya at
sasairin ang laman ng plato pati
na ang naiwan sa mga daliri bago
punasan o hugasan ang kamay.
4. Na kapag nalaglag ang anuman sa
kinain, aalisin ang dumi at
kakainin.
5. Na hindi hihipan ang mainit na
pagkain, hindi ito kakainin hangang
hindi lumalamig-lamig nang
kaunti, hindi hihingahan ang tubig
Ang mga Alituntunin sa mga Pagkain
34
habang iniinom, at hihinga nang
tatlong ulit habang ang ilong ay
hindi nakatapat sa baso. Batay ito
sa Hadíth na isinalaysay ni Ibnu
‘Abbás (RA). Ayon sa kanya, ang
Propeta (SAS) ay: “nagbawal na
huminga sa loob ng baso o ihipan
ang loob nito.”
6. Na iiwasan ang labis-labis na
pagkabusog. Batay ito sa sinabi ng
Propeta (SAS): Wala nang
pinupunong sisidlan ang isang
tao na higit na masama kaysa
kanyang tiyan. Sapat na sa anak
ni Adan ang mga maliit na subo
na pupuno sa pangangailangan
Ang mga Alituntunin sa mga Pagkain
35
ng katawan niya. Kung hindi
niya iyon magawa, ang ikatlong
bahagi [ng tiyan] ay para sa
pagkain niya, ang ikatlong
bahagi ay para sa inumin niya,
at ang ikatlo ay para sa paghinga
niya.
7. Na hindi mauunang magsimulang
kumain o uminom kung sa hapag
ay may kasamang lalong karapatdapat
na paunahin dahil sa
katandaan o pagtataglay ng
kahigitan sa iba sapagkat ang
gayon ay nakasisira sa mga
magandang asal at ang gumagawa
nito ay mapagkakamalang
matakaw.
Ang mga Alituntunin sa mga Pagkain
36
8. Na hindi titingnan ang mga
kasama habang kumakain at hindi
sila babantayan sapagkat mahihiya
sila. Dapat pang ngang hindi ituon
ang paningin sa mga kumakaing
kasama at huwag silang
pagmamasdan dahil baka ikayamot
nila iyon.
9. Na hindi gagawin ang karaniwang
pinandi-dirihan ng mga tao. Kaya
huwag ipapagpag sa plato ang
[natitirang pagkain sa] kamay at
huwag ilalapit ang ulo sa plato
habang kumakain at sumusubo
upang walang anu-mang buhat sa
bibig ang malalag sa plato. Ang
Ang mga Alituntunin sa mga Pagkain
37
anumang kinagatan ay hindi
ibabalik sa plato (kung samasamang
kumakain sa iisang plato).
Hindi rin magsasalita ng mga
salitang ang ipinahihiwatig ay ang
mga marumi sapagkat baka
ikayamot iyon ng ilan sa mga
kasama. Ang pangyayamot sa
kapwa Muslim ay ipinagbabawal.
Matapos Kumain
1. Na hihinto sa pagkain bago tuluyang
mabusog bilang tanda ng pagtulad
sa Sugo (SAS) at upang huwag
maimpatso.
2. Na sasairin ang natirang pagkain
sa kamay at pagkatapos ay
Ang mga Alituntunin sa mga Pagkain
38
pupunasan o huhugasan ang
kamay. Ang paghuhugas ng kamay
ay siyang karapat-dapat at lalong
mainam.
3. Na pupulutin ang mga nahulog na
pagkain habang kumakin sapagkat
ito ay tanda ng pagpapasalamat sa
biyaya.
4. Na aalisin ang tinga sa mga ngipin,
magmu-mumog upang maalis ang
amoy ng pagkain sa bibig sapagkat
ang bibig ay ginagamit sa
pagsambit kay Allah at sa
pakikipag-usap sa kapwa tao, at
sapagkat ang kalinisan ng bibig ay
Ang mga Alituntunin sa mga Pagkain
39
nagpapanatili ng kalusugan ng
ngipin.
5. Na magpupuri kay Allah
pagkatapos kumain at uminom sa
pamamagitan ng pagsabi ng
Alhamdu lilláh11 o alhamdu
lilláhi lladhí
at‘amaní wa saqání
min ghayri hawlim minní wa lá
qúwah.12
11 Ang papuri ay ukol kay Allah.
12 Ang papuri ay ukol kay Allah na nagpakain sa
akin at nagpainom nang walang lakas mula sa akin
ni kapangya-rihan.
