باسی پاراستنی نهێنی

] kurdish – كوردی – كردي [

پشتیوان صابر عزیز

2014 - 1435

بابُ حفظ السِّر

« باللغة الكردية »

بشتيوان صابر عزيز

2014 - 1435

باسی پاراستنی نهێنی

ئایه‌تی قورئانی پیرۆز:

خوای گه‌وره‌ ده‌فه‌رموێت:{وَأَوْفُوا بِالْعَهْدِ ۖ إِنَّ الْعَهْدَ كَانَ مَسْئُولًا}

[ الإسراء: 34 ].

واته‌: وه‌فا بکه‌ن به‌ به‌ڵێن و په‌یمانه‌کانتان به‌ڕاستی (خاوه‌ن) به‌ڵێن و په‌یمان پرسیار لێ کراوه‌.

فه‌رمووده‌ی پێغه‌مبه‌رﷺ‬ :

عن ثَابِت، عَنْ أَنَسٍ (رضي الله عنه) قَالَ: أَتَى عَلَيَّ رَسُولُ اللَّهِ (صلی الله عليه وسلم) وَأَنَا أَلْعَبُ مَعَ الْغِلْمَانِ، قَالَ: فَسَلَّمَ عَلَيْنَا، فَبَعَثَنِي إِلَى حَاجَةٍ فَأَبْطَأْتُ عَلَى أُمِّي، فَلَمَّا جِئْتُ قَالَتْ: مَا حَبَسَكَ؟ قُلْتُ: بَعَثَنِي رَسُولُ اللَّهِ (صلی الله عليه وسلم) لِحَاجَةٍ، قَالَتْ: مَا حَاجَتُهُ؟ قُلْتُ: إِنَّهَا سِرٌّ. قَالَتْ: لَا تُحَدِّثَنَّ بِسِرِّ رَسُولِ اللَّهِ (صلی الله عليه وسلم) أَحَدًا. قَالَ أَنَسٌ: وَاللَّهِ لَوْ حَدَّثْتُ بِهِ أَحَدًا لَحَدَّثْتُكَ يَا ثَابِتُ. [رواه بخاري ومسلم].

واته‌: له‌(ثابت)ه‌وه‌، له‌(أنس)ه‌وه‌ (خوای لێ ڕازی بێت) ده‌ڵێ: پێغه‌مبه‌ر (صلی الله عليه وسلم) تێپه‌ڕی به‌لامدا له‌گه‌ڵ منداڵان یاریم ده‌كرد، ده‌ڵێ: سه‌لامی لێكردین و، منی نارد بۆ پێویستی یه‌ك دره‌نگ چوومه‌وه‌ بۆلای دایكم، پێی وتم: بۆچ دواكه‌وتی؟ وتم: پێغه‌مبه‌ر (صلی الله عليه وسلم) ناردمی بۆ پێویستی یه‌ك، وتی: پێویستییه‌كه‌ی چیبو؟ وتم: شتێكی نهێنییه‌، وتی: نهێنی پێغه‌مبه‌ر (صلی الله عليه وسلم) بۆ هیچ كه‌س باس نه‌كه‌یت، أنس وتی: ئه‌گه‌ر قسه‌م بكردایه‌ قسه‌م بۆتۆ ده‌كرد ئه‌ی (ثابت).

ڕاڤه‌ وروونكردنه‌وه‌:

یه‌كه‌م: نهێنی به‌ هه‌ر شتێكی شاراوه‌ ده‌وترێت كه‌ له‌ نێوان خۆت وكه‌سێكی تردا هه‌بێت.

دووه‌م: پاراستنی نهێنی یه‌كێكه‌ له‌ ڕه‌وشته‌كانی ئیماندار‌.

سێهه‌م: ڕه‌وا نیه‌ نهێنی كه‌سێك ئاشكرا بكرێت ته‌نانه‌ت بۆ دایك وباوكیش.

چواره‌م: ده‌توانێرێت متمانه‌ بكرێت به‌ منداڵی ژیر ودانا بۆ پاراستنی نهێنی.

پێنجه‌م: پاراستنی نهێنی ده‌بێته‌ مایه‌ی په‌یدابوونی خۆشه‌ویستی له‌ نێوان مرۆڤ وئه‌و كه‌سه‌ی نهێنیه‌كه‌ی ده‌پارێزێت.

له‌ كۆتاییدا داواكارم له‌ خوای گه‌وره‌ یارمه‌تیمان بدات بۆ پاراستنی نهێنیه‌كان.