Ислом Нури

Маколалар

Салафи солих рамазонда

Ислом Нури тахририяти

Бисмиллахир Рохманир Рохим

Аллохга хамду санолар, пайгамбаримиз, унинг оиласи, сахобалари ва уларга яхшилик билан эргашган барча кишиларга Аллохдан салавот ва саломлар бўлсин.

Мусулмон биродарим ва муслима синглим, сизларни Аллох учун яхши кўрганимиз сабабли калбимиз кўридан отилган мухаббат билан йўлламокчимиз. Аллох таъолодан ўзининг каромат диёри ва рахмат маконида бизларни сизлар билан бирга жам килишини сўраймиз. Рамазон ойининг келиши билан  сизларга камтарона совгани такдим этмокчимиз. Шояд бу совгани ва насихатларни кабул килсангиз.  Аллох сизларни ўз панохида сакласин.

 

Муборак рамазон ойини кандай кутиб оламиз?..

Аллох таъоло деди: «(У санокли кунлар) Рамазон ойидирки, бу ойда одамлар учун хидоят бўлиб ва хидоят ва фуркон (Хак билан ботилни, халол билан харомни ажратувчи) нинг очик оятлари бўлиб Куръон нозил килинган» (Бакара: 185)

Азиз дўстим, Аллох таъоло рамазон ойини бошка ойлардан кўп хусусият ва фазилатлар билан устун килди.

Рўзадорнинг огзидан келган хид Аллох таъолонинг хузурида мушкдан кўра хушбўйрокдир.

 Фаришталар ифтор килгунига кадар рўзадор учун истигфор айтадилар.

Аллох таъоло хар куни жаннатини безайди ва: «Тез кунда менинг солих бандаларим ўзларидаги кийинчилик ва машаккатларни ташлаб, сенга келадилар» — дейди.

Рамазон ойида шайтонлар занжирбанд килинади.

Рамазон ойида жаннат эшиклари очилиб, жаханнам эшиклари ёпилади.

Рамазон ойида кадр кечаси бўлиб, у минг ойда килинган ибодатдан кўра яхширокдир. Унинг яхшиликларидан махрум бўлган одам барча яхшиликлардан махрум бўлибди.

Рамазон ойининг охирги кунида рўзадорларнинг гунохлари кечирилади.

Аллох Рамазон ойининг хар кечасида жаханнамдагилардан баъзиларни озод килади.

Азиз дўстим, хусусият ва фазилатлари шундай бўлган ойни кандай кутиб оламиз? Унинг келишидан бетокат бўлиб, аччигланиб кутиб оламизми? Бундай бўлишидан  Аллохдан панох сўраймиз. Солих банда бу ойни тавба, сидкидиллик ва вактларни солих амаллар билан зийнатлаб, Аллох таъолодан чиройли ибодат килишни сўраб кутиб олади.

Шунинг учун хам, азиз дўстим, рамазон ойида килишимиз керак бўлган баъзи яхши амалларни эслатмокчимиз.

 

1- Рўза тутиш

Расулуллох саллоллоху алайхи ва саллам дедилар: «Одам фарзандининг хар бир амали ўзи учундир, хар бир яхшилик ўн мислдан етти юз мислга кадар кўпайтириб берилади. Аллох таъоло деди: «...Факатгина рўза, у мен учундир ва унга ўзим мукофот бераман. (Банда) мен учун шахвати, таоми ва ичимликларини тарк килди. Рўзадор учун  икки кувонч бордир: Ифтор килиш пайтида ва роббисига йўликкан вактда.

Рўзадорни огзининг хиди, Аллохнинг хузурида мушкнинг хидидан кўра хушбўйрокдир». (Муттафакун алайхи)

Расулуллох саллоллоху алайхи ва саллам дедилар «Рамазон рўзасини иймон билан  ва савоб умидида тутган кишининг ўтган гунохлари кечирилади».  (Муттафакун алайхи)

Шубхасиз бу катта савоб емок ва ичмокдангина  тийилган кишига берилмайди. Балки, расулуллох саллоллоху алайхи ва саллам айтганларидек: «Ёлгон сўзлашни ёки унга амал килишни тарк килмаган кишининг емок ва ичмогини тарк этишига Аллохнинг эхтиёжи йўк». (Имом Бухорий ривояти)

«Рўза калкондир. Сизлардан бирингиз рўза тутса сўкинмасин, фиск сўзларини сўзламасин ва жохиллик килмасин. Агар уни бирортаси хакорат этса: «Мен рўзадорман» — деб айтсин»  (Муттафакун алайхи).

Эй Аллохнинг бандаси, рўза тутсангиз кулокларингиз, кўзларингиз, тилингиз ва барча аъзоларингиз хам рўза тутсин! Рўзадорлик кунларингиз бошка кунларингиздан фаркли бўлсин.

 

2- Кечалари бедорлик.

Аллох таъоло деди: «Рахмоннинг бандалари – Ер юзида тавозе билан юрадиган, жохиллар (бемаъни) хитоблар килганида: «Саломат бўлинглар!» деган ва кечаларни сажда ва (намозда) туриш билан ўткизадиган (кишилардир)» (Фуркон: 63,64).

Расулуллох саллоллоху алайхи ва саллам дедилар: «Рамазон кечаларини иймон ва савоб умидида намоз ўкиб бедор ўткизган кишининг гунохлари кечирилади»   (Муттафакун алайхи).

Кечаларни ибодат билан бедор ўткизиш, расулуллох саллоллоху алайхи ва саллам ва сахобаларнинг одатларидан эди. Оиша розияллоху анхо дедилар: «Кечаларни бедор ўткизишни тарк килманг! Кечаларни (ибодат билан ) бедор ўткизиш  расулуллох саллоллоху алайхи ва салламнинг одатларидан эди. Агар касал бўлсалар ёки сустлик килсалар ўтириб намоз ўкир эдилар».

Умар ибн Хаттоб розияллоху анху кечалари намоз ўкир, кечанинг ярми бўлганида оиласини уйготар ва уларга : «Намозга туринглар, намозга туринглар!» дер ва ушбу оятни ўкир эди... «Ахлингизни намозга буюринг, ўзингиз хам у (намоз)да чидамли бўлинг. Биз сиздан ризк сўрамаймиз. Биз сизга ризк берамиз. Чиройли окибат (ахли) такво учундир» (Тоха: 132). Ибн Умар  розияллоху анху ушбу оятни ўкир эди: «Ёки кечалари сажда килган ва киём-тик турган холда ибодат килувчи, охиратдан кўркадиган ва Парвардигорининг рахматини умид киладиган киши (билан куфру исёнга гарк бўлган кимса баробар бўлурми?!)» (Зумар: 9). Ибн Умар  бу Усмон ибн Аффон  розияллоху анху – деди. Ибн Абу Хотим айтади: Ибн Умарнинг бундай дейишига сабаб: Амирул- муъминийн Усмон  розияллоху анху кечалари кўп намоз ва куръон ўкир эди. Хаттоки куръонни бир ракаатда хатм килган холлари хам бўлган.

Имом Молик: Мен салаф солихларнинг, имом саккиз ракаатда Бакара сурасини ўкиганини кўришса бу жуда хам енгил намоз ўкиди деганларини кўрдим – дедилар. Бизга нима бўлдики ана шу сурани бир неча кечада ўкиймиз?!..

Сойиб ибн Зайд розияллоху анху ривоят килган хадисда эса: «Сахобалар ичидаги кори икки юз оят ўкир, киёмнинг узок бўлиши сабабли асоларга суяниб колар эдик. Сахобалар субх кирганидагина намозларини тугатар эдилар» дейилган.

Танбех: Мусулмон биродарим, сиз имом билан таровехни охиригача ўкинг, шунда кечани ибодат билан ўткизган коимлар каторида ёзиласиз. Расулуллох саллоллоху алайхи ва саллам дедилар: «Имоми намозини тугатиб кайтиб кетгунига кадар бирга коим бўлган кишига кечаси билан ибодат килганлик ажри ёзилади».

 

Садака бериш

Расулуллох саллоллоху алайхи ва саллам энг саховатли кишилардан эдилар. Хусусан, рамазон ойи келганда у кишининг саховатлари эсиб турган шамолдан хам саховатлирок бўлиб колар эди.

Расулуллох саллоллоху алайхи ва саллам: «Садакаларнинг энг афзали рамазон ойидаги садакадир» — дедилар. (Термизий ривояти).

Умар ибн Хаттоб розияллоху анху деди: «Расулуллох саллоллоху алайхи ва саллам бизни садака беришга амр этдилар. Бу – менинг молим бор даврга тўгри келди. Мен ўзимга : «Абу Бакрдан ўзган куним бўлса шу кунимдир» — дедим. Молимнинг ярмини олиб келдим. Менга расулуллох саллоллоху алайхи ва саллам : «Оилангиз учун бирор нарсани колдирдингизми?» — деб сўрадилар. Мен: «Шунчасини колдирдим» — деб жавоб бердим. Абу Бакр ўзининг барча молини олиб  келди. Расулуллох саллоллоху алайхи ва саллам унга: «Оилангизга хам колдирдингизми?»  — деб сўрадилар. Абу Бакр: Уларга Аллох ва расулини колдирдим — деб жавоб берди. Шунда мен: Сиздан мен хеч бир нарсада ўза олмас эканман – дедим.

Азиз дўстим, садаканинг рамазон ойида ўзгача хусусиятлари бор шунинг учун хам рамазон ойида имкониятингизга караб садака килишга шошилинг. Садаканинг кўринишлари кўп бўлиб, шулардан баъзилари куйидагилар:

Таом едириш. Аллох таъоло деди: «Севимли бўлишига карамай мискин, етим ва асирларга таом берадилар ва  биз сизларга Аллохнинг юзи учун таом берамиз. Сизлардан мукофот ва миннатдорчилик истамаймиз. Бизлар Парвардигоримиз томонидан бўладиган, (дахшатли азобидан юзлар) тиришиб, буришиб коладиган бир Кундан кўркамиз – дедилар. Аллох уларни у Куннинг дахшатларидан саклади ва уларнинг юзларига нурафшонлик ва дилларига сурур берди. Ва уларни килган сабрларининг эвазига жаннат ва (жаннатда эгниларида бўладиган) ипак (либослар) билан мукофотлади» (Инсон: 2-8).

Салаф солих таом едиришга харис бўлиб, уни кўплаб ибодатлар устидан афзал кўрар эдилар. Бунда оч одамни тўйдириш ва солих дўстни таомлантириш ўртасида хеч фарк йўкдир. Чунки, таомлантириладиган одамда камбагаллик шарт эмас. Расулуллох саллоллоху алайхи ва саллам дедилар: «Кайси мўъмин бошка бир оч мўъминни таомлантирса  Аллох уни жаннат мевалари билан таомлантиради. Ташна мўъминни чанкогини кондирган кишини Аллох Рахийкул-махтумдан сугоради» (Термизий ривояти). Салафларнинг баъзилари: Мен учун дўстларимдан ўнтасини чакириб, иштахалари хохлаган таомни едиришим, Исмоил ўгилларидан ўнтасини озод килмогимдан кўра яхширок – деган эди.

Салафлардан кўплари ўзи рўзадор бўла туриб ифторлигини бошкаларга бериб юборар эди. Абдуллох  ибн Умар, Довуд ат- Тоий, Молик ибн Дийнор ва Ахмад ибн Ханбал шулар жумласидандир. Абдуллох ибн Умар етим ва мискинлар билангина ифтор киларди.  Гохида ахллари мискинларни кайтариб юборганликларини билиб колса ана шу кечада ифтор килмас эди.

Кўплаб салаф олимлари рўзадор бўлишларига карамай ўз дўстларига таом беришар ва хизмат килишар эди. Хасан Басрий ва Ибн Муборак шулар жумласидандир. Абу Суввор Адавий айтади: Адий кабиласидан бўлган кишилар мана шу масжидда намоз ўкишар ва улардан бирортаси ўзи ёлгиз  ифтор килмас эди. Таомини бирга ейдиган одам топмаса таомини масжидга олиб чикиб одамлар билан ер эди.

 Таомлантириш ибодатидан бошка ибодат хам келиб чикади. Дўстлашиш ва таом берган биродарларингиз учун мухаббат пайдо бўлиши. Зеро, расулуллох саллоллоху алайхи ва саллам: «Жаннатга муъмин бўлмагунингизга кадар кира олмайсизлар. Бир-бирингизга мухаббат килмагунингизча мўмин бўла олмайсизлар» - дедилар. Бундан ташкари, таом едиришдан солих кишилар билан бирга ўтириш, сизнинг берган таомларингиздан ибодат килишга кувват олишлари сабабли савобни умид килиш хам келиб чикади.

 

Рўзадорларга ифтор бериш.

Расулуллох саллоллоху алайхи ва саллам дедилар: «Рўзадорга ифтор берган кишига рўзадорнинг савобининг мислича савоб берилади ва рўзадорнинг савоби хеч хам  камайтирилмайди» (сахих хадис, Насоий ривояти). «Рўзадорга ифтор килган ёки гозийни жиходга тайёрлаган кишига (рўзадор ёки гозий) савоби берилади» (сахих ат-таргиб: 2701).

 

Куръон ўкишлик.

Азиз дўстим, мен сизга шу муносабат билан салаф солих хаётидан икки мухим нарсани эслатмокчиман:

А) Куръонни кўп ўкиш.

Б) Куръонни кироат килиш ёки тинглаш асносида Аллох таъолога хушуъ ва тавозе килиб йиглаш.

Рамазон ойи Куръон ойидир. Шунинг учун хам мусулмон банда Куръонни кўп тиловат килиши керак. Зеро, салаф солих Куръони Каримни ўкишга кўп эътибор берар эдилар. Жаброил алайхис-салом расулуллох саллоллоху алайхи ва саллам билан бирга Куръонни дарс килар эди. Усмон  розияллоху анху куръонни хар куни хатм килар эди. Баъзи салаф олимлари рамазон ойининг уч, баъзилари етти, баъзилари эса ўн кечасида хатм килар эдилар. Улар Куръонни намознинг ичида ва намоздан ташкарида ўкишар эди.

Катода доимо етти кунда, рамазонда уч кунда, охирги ўн кунликда эса хар куни бир марта хатм килар эди.

Имом Шофеъий рохимахуллох рамазон ойида, намоздан ташкари олтмиш марта Куръонни хатм килар эдилар.

Имом Зухрий рохимахуллох рамазон кириши билан хадис ва илм дарсларини тўхтатар ва Куръонни Мусхафга караб ўкишга берилар эди.

Ибн Ражаб рохимахуллох деди: «Куръон Каримни уч кунда давомли суратда хатм килиш такикланган. Бирок, рамазон ойи каби фазилатли вактлар, хусусан, кадр туни илинжида кечалари тиловат килиш, бундан ташкари Макка каби мукаддас ерларга кирган, лекин, маккалик бўлмаган кишиларнинг бу замон ва маконларни ганимат билиб, Куръон ўкишлари мустахабдир.

 

Тиловат пайтида йиглаш.

Куръон Каримни тафаккурсиз, шеър ўкилгани каби ўкиш салафлар йўлидан эмасдир. Чунки, улар Аллохнинг сўзлари билан таъсирланишар ва у билан калбларни титратишар эди. Имом Бухорийнинг сахих тўпламида Абдуллох ибн Масъуд розияллоху анхудан ушбу ривоят келтирилган. У деди: «расулуллох саллоллоху алайхи ва саллам : «Менга куръон ўкиб беринг» - дедилар. Сизга нозил килинган бўса-ю, мен сизга ўкиб берайинми? — дедим.  Расулуллох саллоллоху алайхи ва саллам: «Мен бошкалардан эшитишни ёктираман» — дедилар. Мен «Нисо» сурасини ўкиб «Биз барча халклардан гувохни келтириб, сизни уларнинг барчасига гувох килиб келтирсак кандай бўлади?» оятига келганимда: «бўлди» дедилар. Расулуллох саллоллоху алайхи ва салламга карадим. Ул зотнинг кўзларидан ёш куйилар эди».

Абу Хурайра розияллоху анху деди: «(Эй мушриклар), хали сизлар мана шу Сўздан (Куръондан) ажабланурсизларми?! (Ундаги оятларнинг беназир ва бемисл ўгит-насихатларидан таъсирланиб) йигламасдан, гофил бўлган холларингизда кулурсизларми?!» ояти нозил бўлганда суффадагилар йигладилар. Хатто уларнинг юзларидан кўз ёшлари окди. Уларнинг товушларини эшитган расулуллох саллоллоху алайхи ва саллам хам йигладилар. У кишининг йиглаганларини кўриб биз хам йигладик. Шунда расулуллох саллоллоху алайхи ва саллам: «Аллохдан кўркиб йиглаган кишилар жаханнамга кирмайдилар» — дедилар.

Абдуллох ибн Умар розияллоху анху  «Мутаффифийн» сурасини ўкир экан: «Одамлар барча Оламлар роббиси бўлган Аллох каршисида турган кунда» оятига етиб келганларида йиглаб йикилди ва ундан кейинги оятларни ўкий олмади.

 

Офтоб чиккунига кадар масжидда ўтириш.

Расулуллох саллоллоху алайхи ва саллам бомдод намозини ўкиганларидан кейин  куёш чиккунига кадар намозгохида ўтирар эдилар». (Имом Муслим ривояти).

Расулуллох саллоллоху алайхи ва саллам дедилар: «Жамоат билан намоз ўкиган, кейин, Куёш чиккунига кадар Аллохни зикр килган, кейин эса икки ракаат намоз ўкиган кишига хаж ва умранинг тўла-тўла савоблари берилади» (Термизий ривояти).

Бу савоблар хар куни берилар экан, рамазон ойида кандай берилмасин?!

Азиз дўстим, Аллох сизни ўз панохида асрасин, кечаларни бедор ўткизиш, солих кишилардан ўрнак олиш, Аллох учун нафсга карши курашиш билан савоблар олиш ва жаннатнинг олий макомларига етишиш учун Аллохдан ёрдам сўранг.

 

Эътикоф.

Расулуллох саллоллоху алайхи ва саллам рамазон ойида ўн кун эътикоф ўтирар эдилар. Вафот топган йиллари йигирма кун ўтирдилар. Эътикоф – намоз, Куръон тиловати, зирк ва бошка ибодатларни ўз ичига олган ибодатдир. Эътикофни тажриба килиб кўрмаган одамларгина кийин деб ўйлайдилар. Бирок, у Аллох енгил килган кишилар учун осондир. Яхши ният ва содик азм билан харакат килган одамга Аллох ёрдам беради. Эътикофни кадр кечасини топиш учун рамазон  ойининг охирги ўн кунида бўлиши суннати муаккададир. Эътикоф шаръан рухсат берилган танхоликдир. Эътикофга кирган одам Аллохнинг тоати ва зикри билан машгул бўлади ва нафсини чалгитадиган барча нарсалардан тияди. У калби ва бутун вужуди билан роббиси ва унга якин киладиган амаллар билан ибодат килади. Унинг кайгуси факат Аллохни розилигини топиш бўлади.

 

Рамазон ойида умра килиш.

Расулуллох саллоллоху алайхи ва саллам дедилар: «Рамазон ойидаги умра хажга баробардир»  (Муттафакун алайхи), бошка бир ривоятда: «Мен билан бирган хаж клишга баробардир» дедилар.

 

 Кадр кечасини топишга каттик интилиш.

Аллох таъоло деди: «Албатта Биз у (Куръон)ни Кадр кечасида нозил килдик. (Эй Мухаммад саллаллоху алайхи ва саллам), Кадр кечаси нима эканлигини Сиз каердан хам билар эдингиз?! Кадр кечаси минг ойдан яхширокдир. (Кадр: 1-3). Расулуллох саллоллоху алайхи ва саллам дедилар: «Кадр кечасини иймон билан ва савоб умидида намоз ўкиб ўткизган кишининг ўтган гунохлари кечирилади»  (Муттафакун алайхи).

Расулуллох саллоллоху алайхи ва саллам Кадр кечасини топишга тиришар ва сахобаларни хам бунга буюрар эдилар. Бундан ташкари расулуллох саллоллоху алайхи ва саллам ахл байтларини рамазоннинг охирги ўн кечасида уйготар эдилар.

Хой, умрини пуч нарсалар билан ўткизган одам, Кадр кечасида йўкотган нарсаларингизни топиб олинг! Чунки у кеча бир умрга тотийди. Унда килинган амал минг ойда килинган амалдан кўра яхширокдир. Унинг яхшиликларидан махрум колган кимса, кўп нарсадан махрум бўлади. У кеча рамазоннинг охирги ўн кунидаги ток кечаларнинг биридир. Убай ибн Каъб розияллоху анху: «расулуллох саллоллоху алайхи ва салламнинг бизга берган хабарларига кўра, у кечанинг тонггида офтоб нурсиз чикади» - деди. Имом Бухорий рохимахуллохнинг жомихус-сахихида ушбу ривоят бор : Оиша розияллоху анхо: «Эй, расулуллох мен Кадр кечасига тўгри келсам нима дейман – дедилар. Расулуллох саллоллоху алайхи ва саллам: «Илохим, сен афв килувчисан, афвни яхши кўрасан мени афв эт – денг, дедилар».

 

Зикр дуо ва истигфорни кўпайтириш.

Азиз дўстим, рамазон ойининг кунлари ва кечаларининг фазилатли соатлари бўлиб, сиз уни кўп дуо ва зикрлар билан ганимат билинг. Хусусан, дуолар ижобат бўладиган ушбу лахзаларда:

А) Ифтор килишни кутиб ўтирилган пайтда.

Б) Кечанинг охирги учдан бири колганида. Чунки бу пайтда Аллох таъоло дунё осмонига тушади ва сўрайдиган борми бераман, истигфор айтадиган борми унинг гунохларини кечираман – деди.

В) Сахарларда айтилган истигфор. Аллох таъоло: «Улар сахарларда истигфор айтадилар» - деди.

Г) Жума соатларини касд килиш. Аникроги жума кундузининг охирги соатларида астойдил дуо килиш.

Азиз дўстим, ва нихоят сизга энг мухим бўлган ишни эслатмокчимиз. Уни биласизми?!.. у ихлосдир. Ха, ихлос..

Рўза тутган канча-канча одамлар бўлсада, уларнинг баъзиларининг тутган рўзаларига «мукофот» очлик ва чанкоклик бўлади, холос.  

Одамлар ичида канча-канча кишилар борки, кечаларни ибодатда ўткизган, бирок, уларнинг мукофотлари бедорлик ва кийналиш бўлади холос. Аллох таъоло бизларни ва сизларни бундай бўлиб колишдан сакласин. Шунинг учун расулуллох саллоллоху алайхи ва саллам шу икки нукта : «Иймон ва савоб умид килиш» га каттик эътибор бердилар. Холбуки салаф солихларимиз хам ўз жонига жабр килиб кўйишдан кўркиб, амалларини сир саклашга тиришар эди...

Мухаммад ибн Восеъ рохимахуллох шундай деди: «мен баъзи одамларни кўрдимки, улар ўз хотинлари билан бир ёстикка бош кўйиб ухлашар ва кўз ёшларини тўкиб йиглаб, ёстикларини хўл килишар, бирок буни хотинлари билмас эди. Мен яна шундай одамларни кўрдимки улар намозларда сафда туриб йиглар, бирок, буни ёнидаги одам билмас эди.

Айюб Сихтиёний  рохимахуллох кечалари ибодат учун ўрнидан турар, бирок, буни яширар, тонг отишига якин колганда эса худди уйкудан турган кишидек овозларини кўтарар эдилар.

Ибн Абу Али деди: «Довуд ибн Абу Хинд кирк йил рўза тутди. Бирок, буни оиласи билмади. У жуда хам эхтиёткор одам эди. Таомларини ўзи билан олиб чикиб кетар, ва уларни кўчада садака килар, кеч кирганда эса уйига кайтиб, рўзасини оиласи билан кечки овкатда очар эди».

Суфён Саврий  рохимахуллох деди: Менга етган хабарларга кўра, банда бир амални махфий килади. Бирок, шайтон уни давомли васваса килиб, унга голиб келади. Натижада, амалини ошкор килгани амал дафтарига ёзилади. Шайтон васвасаларида яна давом этаверади. Хатто у одам килган амали эвазига макталишни хохлаб колади. Ундан амалини ошкор килганлиги ўчирилиб, риёкорлик килгани ёзиб кўйилади.

 

Рамазон ойида бехуда нарсалар билан шугулланишдан сакланиш

Азиз дўстим, вактни Аллохнинг тоат-ибодатидан бошка нарсаларда зое килиш гафлат ва Аллохнинг рахматларию инъомларидан махрумликдир. Аллох таъоло деди: «Ким Менинг эслатмамдан юз ўгирса, албатта унинг учун танг-бахтсиз хаёт бўлур. Ва биз уни Киёмат кунида кўр холда тирилтирурмиз.  У: «Эй роббим нега мени кўр килиб тирилтирдинг, ахир мен кўрар эдим-ку», дейди. (Аллох) айтади: «Шундай. Сенга бизнинг оят-мўжизаларимиз келганида уларни («кўрмадинг») — унутдинг. Бугун сен хам ана шундай «унутилурсан». Хаддан ошган ва роббисининг оятларига иймон келтирмаган кимсаларни мана шундай жазолармиз. Охират азоби шак-шубхасиз, каттикрок ва давомлирокдир» (Тоха: 124-127)

Аллох таъоло пайгамбаримиз, унинг оиласи ва сахобаларига салавот ва саломлар йўлласин.