75
Ayon kay Abú Dharr (RA): “Narinig niya ang Sugo ni
Alláh (SAS) na nagsasabi: Ang sinumang magtaguri sa
isang tao ng Kufr o magsabi: ‘Kaaway ni Alláh,’ gayong
hindi naman ito ganoon, magbabalik iyon sa kanya.”
Iniulat nina Imám al-Bukari at Imám Muslim.
Ayon kay Abú Mulayh, ayon sa isang lalaking nagsabi:
“Ako ay minsang angkas ng Propeta (SAS) nang matisod
ang kamelyo niya kaya nagsabi ako: Masawi si Satanas!
Kaya nagsabi siya: Huwag kang magsabing ‘Masawi si
Satanas’ dahil lalaki siya hanggang sa maging tulad ng
bahay at magsasabi pa siya: ‘Sa pamamagitan ng lakas ko
ay naibuwal ko siya.’ Sa halip ay magsabi ka ng Bismilláh
dahil tunay na kapag sinabi mo iyon ay manliliit siya
hanggang sa maging tulad ng langaw.” Iniulat ni Imám
Ahmad.
Mga Aral
1. Ang pagbabawal na tawaging Kafir ang isang Muslim.
2. Ang pagbabawal na tawaging kaaway ni Alláh ang isang
Muslim.
3. Ang pagtaguri sa pamamagitan ng dalawang nabanggit na
ito ay babalik sa nagsabi nito sa taong hindi karapat-dapat
sa katawagang ito.
4. Ang pagbabawal na magsabi ng: Masawi si Satanas at
ang payong magsabi ng Bismilláh sa halip niyon.
54. Ang Kabutihan ng Pakikibaka
Sinabi ni Alláh (61:10-11): “O mga sumampalataya,
magtuturo ba Ako sa inyo ng isang palitan na magliligtas
Mga Pang-araw-araw na Aralin
76
sa inyo sa isang masakit na pagdurusa? Sumampalataya
kayo lagi kay Alláh at sa Sugo Niya, at makibaka kayo
sa landas ni Alláh sa pamamagitan ng mga yaman ninyo
at sa pamamagitan ng mga sarili ninyo. Iyan ay mabuti
para sa inyo, kung inyong nalalaman.”
Ayon sa sinabi ni Abú Hurayrah (RA): “Tinanong ang
Sugo ni Alláh SAS): Aling gawain ang mainam? Nagsabi
siya: Pananampalataya kay Alláh at sa Kanyang Sugo.
Sinabi pa: Pagkatapos ay alin pa po? Nagsabi siya: Ang
Pakikibaka sa Landas ni Alláh. Sinabi pa: Pagkatapos ay
alin pa po? Nagsabi siya: Hajj na pinagpala.” Iniulat nina
Imám al-Bukhárí at Imám Muslim.
Ayon kay Anas (RA): “Ang Sugo ni Alláh (SAS) ay
nagsabi: Talaga namang ang isang umagang [ginugol]
sa Pakikiba sa Landas ni Alláh o isang gabi ay higit na
mainam kaysa sa mundo at anumang nasa ibabaw nito.”
Iniulat nina Imám al-Bukhárí at Imám Muslim.
Ayon sa sinabi ni ‘Abdurrahmán Ibn Jubayr (RA):
“Nagsabi ang Sugo ni Alláh (SAS): Hindi naalikabukan
ang dalawang paa ng isang lingkod [ni Alláh] sa Landas
ni Alláh para lamang salingin ito ng Impiyerno.”21 Iniulat
ni Imám al-Bukhárí.
Ayon sa sinabi ni Abú Hurayrah: “May nagsabi: O
Sugo ni Alláh, ano po ang makatutumbas sa Pakikibaka sa
Landas ni Alláh? Nagsabi siya: Hindi ninyo makakaya iyon.
Inulit nila sa kanya nang makalawa ulit o makatatlo. Sa
21 Kapag humayo ang isang tao dahil sa pakikibaka alang-alang kay Alláh
ay hindi siya masasaling ng Impiyerno.
Mga Pang-araw-araw na Aralin
77
tuwina niyon ay sinasabi niya: Hindi ninyo makakaya iyon.
Pagkatapos ay nagsabi siya: Ang halimbawa ng Nakikibaka
sa Landas ni Alláh ay katulad ng isang nag-aayuno, na
nagdarasal [nang tuloy-tuloy,] na sumusunod sa mga
kapahayagan ni Alláh, na hindi nanghihina [ang sigla]
sa pagdarasal at pag-aayuno hanggang sa dumating ang
Nakikibaka sa Landas ni Alláh.” Iniulat nina Imám al-
Bukhárí at Imám Muslim.
Mga Aral
1. Ang kadakilaan ng Pakikibaka sa Landas ni Alláh.
2. Ang Pakikibaka ay kabilang sa mga mainam na gawain.
3. Ito ay isang dahilan sa kaligtasan sa Impiyerno.
55. Ang Gantimpala ng Martir at Nakikibaka
Ayon sa sinabi ni Abú Hurayrah (RA): “Nagsabi ang
Sugo ni Alláh (SAS): Gumarantiya si Alláh sa sinumang
humahayo sa landasin Niya. [Sinabi Niya:] Kung walang
nagpahayo sa kanya kundi ang pakikibaka sa Landas Ko,
ang pananamapalataya sa Akin, at paniniwala sa mga
sugo Ko, siya ay ginagarantiyahan Ko na papapasukin
Ko siya sa Paraiso o pauuwiin Ko siya sa bahay na
nilabasan niya dala ang natamo niyang gantimpala o
nasamsam sa digmaan.22 Sumpa man sa Kanya na ang
kaluluwa ni Muhammad ay nasa kamay Niya, walang
22
Ang Salita ni Alláh ay dalawang uri: ang Salita Niya na nasasaad sa Qur’an at
ang Salita Niya na hindi nabanggit sa Qur’an ngunit sinabi ng Propeta Muhammad
(SAS) o binanggit nito sa Hadíth na sinabi Niya. Ang una ay tinatawag na áyah
at ang ikalawa ay tinatawag na Hadíth Qudsí o Banal na Hadíth. Ang Tagapagsalin.
Mga Pang-araw-araw na Aralin
78
anumang sugat na ikinasugat sa Landas ni Alláh na hindi
pupunta sa araw ng Pagkabuhay gaya ng anyo nito noong
araw na nasugatan: ang kulay nito ay kulay ng dugo at
ang amoy nito ay amoy ng Musk. Sumpa man sa Kanya na
ang kaluluwa ni Muhammad ay nasa kamay Niya, kung
hindi nga lamang mahirap para sa mga Muslim, hindi
sana ako nagpaiwan sa hulihan ng isang pulutong na
nakikipaglaban sa Landas kailanman. Subalit wala akong
tinataglay na yaman upang mabigyan sila ng sasakyan
at wala rin silang yaman [na magagamit sa pakikibaka].
Mahirap para sa kanila na magpaiwan sila sa halip na
ako. Sumpa man sa Kanya na ang kaluluwa ni Muhammad
ay nasa kamay Niya, talagang ninais kong makipaglaban
ako sa Landas ni Alláh at mapatay muli ako at pagkatapos
ay makipaglaban muli akong mapatay at pagkatapos ay
makikipaglaban muli ako at mapatay muli ako.” Iniulat
ni Imám al-Bukhárí.
Ayon sa sinabi ni Abú Hurayrah (RA): “Nagsabi ang
Sugo ni Alláh (SAS): Ang nararamdaman ng Martir na
hapdi ng kamatayan ay gaya lamang ng nararamdaman
ng sinuman sa inyo na hapdi ng kurot.” Iniulat ni Imám
at-Tirmidhí.
Ayon kay Anas (RA), ang Propeta (SAS) ay nagsabi:
“Walang sinumang papasok sa Paraisno na magnanais
pang bumalik sa Mundo kahit pa man ang bawat bagay
sa Mundo ay sa kanya na, maliban sa Martir: nagmimithi
siya na bumalik sa Mundo upang mapatay nang sampung
ulit alang-alang sa makikita niyang pagpaparangal.”
Iniulat nina Imám al-Bukhárí at Imám Muslim.
Mga Pang-araw-araw na Aralin
79
Ayon kay ‘Abdulláh Ibn ‘Amr (RA): “Ang Sugo ni
Alláh (SAS) ay nagsabi: Patatawarin ni Alláh ang martir
sa lahat ng bagay maliban sa pagkakautang.” Iniulat ni
Imám Muslim.
Mga Aral
1. Ang kadakilaan ng kalagayan ng Pakikibaka at na ito ay
kabilang sa mga napakalaking mga dahilan ng pagpasok
sa Paraiso.
2. Ang kadakilaan ng gantimpala ng isangMartir at ang
pamapalubag-loob sa hapdi ng kamatayan niya.
3. Ang pag-aalay ng buhay alang-alang sa Islam ay ilan sa
napakalaking mga dahilan ng pagpapawi ng mga kasalanan.
56. Ilang Saloobin ng mga Sahábí sa Pakikibaka
Ayon sa sinabi ni Anas (RA): “Nagtuloy ang Sugo ni
Alláh (SAS) kasama ang mga kasamahan niya hanggang sa
naunahan nila ang mga Mushrik sa Badr. Nang dumating
na rin ang mga Mushrik ay nagsabi ang Sugo ni Alláh (SAS):
Walang sinuman mula sa inyo na susulong patungo sa
anumang bagay hangga’t hindi ako ang nasa una niya.
Lumapit ang mga Mushrik kaya nagsabi siya: Tumindig na
kayo patungo sa Paraiso na ang lawak nito ay [singlawak
ng pagitan ng] mga langit at lupa. Nagsabi si ‘Umayr Ibn
al-Himam: O Sugo ni Alláh, Paraiso na ang lawak nito ay
[singlawak ng pagitan ng] mga langit at lupa? Nagsabi siya:
Oo. Nagsabi naman ito: Magaling! Magaling! Nagsabi ang
Sugo ni Alláh (SAS): Ano ang nagtulak sa iyo sa pagsabi
mo ng Magaling Magaling? Nagsabi ito: Wala naman,
Mga Pang-araw-araw na Aralin
80
Sugo ni Alláh, kundi ang paghahangad na ako ay maging
kabilang sa mga mananahan doon. Kaya nagsabi siya: Kung
gayon, tunay na ikaw kabilang sa mga mananahan doon.
At inilabas nito ang mga datiles mula sa talanga23 nito at
nagsimulang kumain ng mga iyon. Pagkatapos ay nakipaglaban
ito sa kanila hangang sa mapatay.” Iniulat ni Imám Muslim.
Ayon sa sinabi ni Anas (RA): “Lumiban ang amain
ko na si Anas Ibn an-Nadr (RA) sa labanan sa Badr kaya
nagsabi siya: O Sugo ni Alláh, lumiban po ako sa unang
labanang nakipaglaban ka sa mga Mushrik. Talaga namang
kung si Alláh ay magpapadalo sa akin sa pakikipaglaban sa
mga Mushrik, talaga ngang makikita ni Alláh ang gagawin
ko. Noong araw na ng [labanan sa] Uhud at nagsitakbuhan
ang mga Muslim ay nagsabi siya: O Alláh, tunay na ako po
ay humihingi ng paumanhin sa Iyo sa anumang ginawa ng
mga ito—ang tinutukoy niya ang kanyang mga kasama—
at nagpapaubaya sa Iyo sa anumang ginawan ng mga ito
—ang tinutukoy niya ay ang mga Mushrik. Pagkatapos ay
sumulong siya at nakaharap si Sa‘d Ibn Mu‘ádh. Nagsabi
siya rito: O Sa‘d Ibn Mu‘ádh, ang Paraiso, sumpa man sa
Panginoon ni an-Nadr! Tunay na akin nang naaamoy ang
halimuyak niyon sa paanan ng [bundok ng] ‘Uhud. Nagsabi
si Sa‘d: Hindi ko kaya, O Sugo ni Alláh, ang ginawa niya
(Anas Ibn an-Nadr).” Nagsabi pa si Anas: “Natagpuan namin
sa kanya ang higit sa walumpong taga ng tabak o tusok ng
sibat o tama ng palaso. Natagpuan namin siyang napatay at
23 Sisidlan ng mga palaso
Mga Pang-araw-araw na Aralin
81
ginutay-gutay kaya walang nakakilala sa kanya ni isa man
kundi ang babaeng kapatid niya sa pamamagitan ng daliri
niya. Itinuturing namin o ipinagpapalagay namin na ibinaba
patungkol sa kanya, at sa mga gaya niya, ang áyah na ito
(33:32): Sa mga mananampalataya ay mayroong may
mga kalalakihang tinotoo ang ipinangako nila kay Alláh
hanggang sa katapusan ng áyah.” Iniulat ni Imám al-Bukhárí.
Ayon kay Shaddád Ibn al-Hád (RA): “Mayroong isang
lalaking kabilang sa mga Arabeng-disyerto ang dumating sa
Propeta (SAS). Sumampalataya ito sa kanya at sumunod
sa kanya. Pagkatapos ay nagsabi ito: Lilikas ako sa piling
mo. Tinagubilinan ng Propeta ang ilan sa mga Kasamahan
niya kaugnay rito. Nang magkaroon ng labanan ay may
nasamsam ang Propeta (SAS) kaya binahagi niya iyon at
binahagian niya rin ito. Ipinahawak niya sa mga kasamahan
niya ang ibinahagi niya para rito, na nagpapastol noon ng
mga kamelyo nila. Nang dumating ito ay ibinigay nila rito
iyon. Ngunit nagsabi ito: Ano ito? Nagsabi sila: Bahaging
ibinahagi para sa iyo ng Propeta. Kinuha nito iyon at dinala
sa Propeta (SAS) at nagsabi ito: Ano po ito? Nagsabi siya:
Ibinahagi ko para sa iyo. Nagsabi ito: Hindi dahil dito kaya
ako sumunod sa iyo, datapuwat sumunod ako sa iyo upang
tamaan ako rito–itinuro nito ang lalamunan nito–ng palaso
at mamatay ako at papasok ako sa Paraiso. Kaya nagsabi
siya: Kung totohanin mo si Alláh, totohanin Niya iyon sa
iyo. Nanatili sila ng mga ilang panahon at pagkatapos ay
yumao sila sa pakikipaglaban sa mga kaaway. Pagkatapos
ay binubuhat itong dinala sa Propeta; tinamaan ito ng palaso
Mga Pang-araw-araw na Aralin
82
sa bahaging itinuro nito. Nagsabi ang Propeta: Siya, siya
ba? Nagsabi sila: ‘Opo.’ Nagsabi siya: Tinotoo nito si Alláh
kaya tinotoo Niya iyon dito.” Iniulat ni Imám an-Nasá’í.
Mga Aral.
1. Ang lakas ng pananampalataya ng mga Sahábí (RA) at
ang pagkaibig nilang magpakamartir sa landas ni Alláh.
2. Ang katapangan nila at ang bilis ng pagkukusa nila na
gumawa ng mabuti.
57. Ang Kainaman ng Pagtugon sa Pangangailangan
ng Mga Kapwa Muslim
Ayon kay Ibn ‘Umar (RA), ang Sugo ni Alláh (SAS)
ay nagsabi: “Ang Muslim ay kapatid ng [kapwa] Muslim:
hindi niya ginagawan ito ng kawalang-katarungan at hindi
niya iniiwan ito sa alanganin. Ang sinumang tumutugon
sa pangangailangan ng kapatid niya, si Alláh ay laging
tutugon sa pangangailangan niya; ang sinumang magpawi
sa isang Muslim ng isang kapighatian, magpapawi si
Alláh ng isang kapighatian buhat sa mga kapighatian sa
araw ng Pagkabuhay na muli; ang sinumang magtakip
sa isang Muslim, pagtatakpan siya ni Alláh sa araw ng
Pagkabuhay na muli.” Iniulat nina Imám al Bukhárí at
Imám Muslim.
Ayon kay Abú Hurayrah (RA), ayon sa sinabi ng Propeta
(SAS): “Ang sinumang mag-alis sa isang sumasampalataya
ng isang pighati, mag-aalis si Alláh sa kanya ng isang pighati
mula sa mga pighati sa araw ng pagkabuhay; ang sinumang
magpaginhawa sa isang nahihirapan, pagiginhawahin
Mga Pang-araw-araw na Aralin
83
siya ni Alláh sa Mundo at Kabilang-buhay; ang sinumang
magtakip sa isang Muslim, pagtatakpan siya ni Alláh sa
araw ng pagkabuhay. Si Alláh ay handa sa pagtulong sa
tao hangga’t ang tao ay handa sa pagtulong sa kapwa
niya. Kapag may nagtitipon na mga tao sa isang bahay
mula sa mga bahay ni Alláh, na binibigkas nila roon ang
Aklat ni Alláh at nagsisipag-aralan, bumababa sa kanila
ang kapanatagan, binabalot sila ng awa, pinaliligiran sila
ng mga anghel at binabanggit sila ni Alláh sa sinumang
nasa piling Niya. Ang sinumang pinabagal siya ng gawa
niya, hindi siya pabibilisin ng kaangkanan niya.” Iniulat
ni Imám Muslim.
Mga Aral
1. Ang kainaman ng pagsusumikap para tugunin ang mga
pangangailangan ng mga Muslim, lalo na ang mga mahirap
sa kanila dahil sa tindi ng pangangailangan nila.
2. Ang sinumang tumulong sa kapwa niya Muslim, si Alláh
ay laging handang tumulong sa kanya sa sandali ng kanyang
pangangailangan.
58. Ang Babala Laban sa mga Bid‘ah at ang
Tungkuling Sumunod sa Sugo (SAS)
Sinabi ni Alláh (3:31): “Sabihin mo: Kung kayo ay
umiibig kay Alláh ay sundin ninyo ako, iibigin kayo ni
Alláh at magpapatawad Siya sa inyo sa mga pagkakasala
ninyo.”
Sinabi pa Niya (4:65): “Kaya hindi nga, sumpa man
sa Panginoon mo, hindi sila sumasampalataya maliban
kung pinahahatol ka nila sa anumang pinagkahidwaan sa
Mga Pang-araw-araw na Aralin
84
pagitan sa kanila, pagkatapos ay hindi sila nakatatagpo sa
mga sarili nila ng isang pagtutol sa anumang ihinusga
mo at nagpapasakop sila nang tunay na pagpapasakop.”
Ayon sa sinabi ni ‘Á’ishah (RA): “Nagsabi ang Sugo
ni Alláh (SAS): Ang sinumang magpasok sa paniniwala
nating ito ng bagay na hindi naman bahagi nito, iyon ay
tatanggihan.” Iniulat nina Imám al-Bukhárí at Imám Muslim.
Sa isa namang sanaysay: “Ang sinumang gumawa ng isang
gawaing hindi nakabatay ito sa paniniwala natin, ito ay
tatanggihan.” Iniulat ni Imám Muslim.
Ayon sa sinabi ni al-‘Irbád Ibn Sáriyah (RA): “Nangaral
sa amin ang Sugo ni Alláh (SAS) ng isang masidhing pangaral,
na natakot ang mga puso namin dahil doon at lumuha ang
mga mata dahil doon, kaya nagsabi kami: O Sugo ni Alláh,
iyan ay parang pangaral ng pamamaalam kaya tagubilinan
Mo po kami. Nagsabi siya: Itinatagubilin ko sa inyo ang
pangingilag na magkasala kay Alláh, ang pagdinig at ang
pagtalima kahit pa man pamunuan kayo ng isang alipin
na Ethiopiano. Tunay na ang sinumang mabubuhay [nang
matagal] sa inyo ay makakikita ng maraming salungatan
kaya naman bumatay kayo sa sunnah ko at sa sunnah ng
mga khalífah na matutuwid na napatnubayan. Sakmalin
ninyo ito ng mga bagang. Mag-ingat kayo sa mga gawagawang
bagay dahil ang bawat bid‘ah ay pagkaligaw.”
Iniulat nina Imám Abú Dáwúd at Imám at-Tirmidhí.
Ayon sa sinabi ni Jábir (RA): “Ang Sugo ni Alláh
(SAS) noon, kapag nangusap, ay nagsasabi: Tunay na ang
pinakamainam na salita ay ang Aklat ni Alláh at ang
pinakamainam na patnubay ay ang patnubay ni Muhammad
at ang pinakamasamang mga bagay-bagay [sa paniniwala]
Mga Pang-araw-araw na Aralin
85
ay ang mga gawa-gawa sa mga ito, at ang bawat bid‘ah
ay pagkaligaw.” Iniulat ni Imám Muslim.
Mga Aral
1. Ang pagbabawal sa paggawa ng bid ah sa relihiyon. Iyon
ay sa pamamagitan ng pag-uukol kay Alláh ng pagsambang
hindi isinabatas ng Sugo ni Alláh.
2. Na ito ay kabialng sa mga malalaking kasalanan at ang
gawang ito ay ibabalik sa gumawa nito.
3. Ang tungkuling mag-ingat laban sa lahat ng uri ng mga
bid‘ah at na ang mga ito ay masama at nauuwi sa pagkaligaw.
4. Na ang daan sa pagtamo sa pag-ibig at kapatawaran ni
Alláh ay ang pagsunod sa Sugo (SAS).
59. Ang Kainaman ng Panalangin Para sa Sugo (SAS)
Sinabi ni Alláh (33:56): “Tunay na si Alláh at ang
mga anghel Niya ay nagpapala sa Propeta. O mga
sumampalataya manalangin kayo para sa kanya at
batiin ninyo siya ng pagbati.”
Ayon kay ‘Abdulláh narinig niya ang Sugo ni Alláh
(SAS) na nagsasabi: “Ang sinumang dumalangin para sa
akin ng isang panalangin ng pagpapala, pagpapalain siya
ni Alláh sa pamamagitan niyon nang makasmpu.” Iniulat
ni Imám Muslim.
Ayon sa sinabi ni Aws Ibn Aws (RA): “Nagsabi ang
Sugo ni Alláh (SAS): Tunay na ang pinakamainam sa
mga araw ninyo ay ang araw ng Biyernes, kaya dalasan
ninyo ang pagdalangin para sa akin sa [araw na] ito dahil
ang panalangin ninyo ay inilalahad sa akin. Nagsabi sila:
O Sugo ni Alláh, paanong ilalahad ang panalangin namin
Mga Pang-araw-araw na Aralin
86
para sa iyo kapagka nalansag ka na? Nagsabi siya: Tunay
na si Alláh ay nagbawal sa lupa na [bulukin] ang mga
katawan ng mga propeta.” Iniulat ni Imám Abú Dáwúd.
Ayon sa sinabi ni Abú Hurayrah (RA): “Nagsabi ang
Sugo ni Alláh (RA): Huwag ninyong gawing ang puntod
ko na dausan ng ‘íd. Manalangin kayo para sa akin dahil
ang panalangin ninyo para sa akin ay nakararating sa
akin saanman kayo naroon.” Iniulat ni Imám Abú Dáwúd.
Ayon sa sinabi ni Abú Hurayrah (RA): “Nagsabi ang
Sugo ni Alláh (SAS): Walang isa mang bumabati sa akin
nang hindi ibinabalik ni Alláh sa akin ang kaluluwa ko
upang tugunin ko rin siya ng pagbati.” Iniulat ni Imám
Abú Dáwúd.
Ayon sa sinabi ni Abú Hurayrah (RA): “Nagsabi ang
Sugo ni Alláh (SAS): Kaaba-aba ang isang taong binanggit
ako sa kanya ngunit hindi siya dumalangin para sa akin.”
Iniulat ni Imám at-Tirmidhí.
Mga Aral
1. Kanais-nais ang pagdalangin para sa Sugo (SAS).
2. Kanais-nais ang madalas na panalanging iyon lalo na sa
araw ng Biyernes.
3. Ang gantimpala sa sinumang nanalangin para sa Sugo ni
Alláh (SAS).
60. Kabutihan ng Pagpapapalugit sa Nagigipit
Ayon sa sinabi ni Hudhayfah (RA): “Nagsabi ang Sugo
ni Alláh (SAS): Kinuha ng mga anghel ang kaluluwa ng
isang taong [nabuhay] noong wala pa kayo. Nagsabi sila:
‘May nagawa ka bang kahit anong mabuti?’ Nagsabi siya:
‘Wala.’ Nagsabi sila: ‘Alalahanin mo mo.’ Nagsabi siya:
Mga Pang-araw-araw na Aralin
87
‘Ako ay nagpapautang noon sa mga tao at inuutusan ko
ang mga utusan ko na palugitan nila ang nagigipit at
palampasin nila ang [pagkukulang ng] nakaluluwag.’”
Nagsabi siya: “Nagsabi si Alláh, ang Makapangyarihan
at ang Kapita-pitagan: Palampasin ninyo [ang kasalanan]
niya.” Iniulat ni Imám Muslim.
Ayon kay Abú Hurayrah (RA) ang Sugo ni Alláh (SAS)
ay nagsabi: “May isang tao noon na nagpapautang sa mga
tao. Sinasabi niya sa utusan niya: ‘Kapag may pumunta
sa iyo na isang nagigipit, palampasin mo [ang kakulangan]
niya; harinawa’y palampasin ni Alláh [ang kakulangan]
natin. Nang nakatagpo niya si Alláh ay pinalampas Nito
[ang pagkukulang] niya.” Iniulat ni Imám Muslim.
Ayon kay Abú Qatádah siningil niya ang nagkautang
sa kanya ngunit nagtago ito at pagkatapos ay natagpuan niya
ito at nagsabi ito: “Tunay na ako ay gipit.” Kaya nagsabi
siya: “Sumpa man kay Alláh?” Nagsabi ito: “Sumpa man
kay Alláh.” Nagsabi: “Tunay ngang narinig ko ang Sugo
ni Alláh (SAS) na nagsasabi: “Ang sinumang nalulugod
na iligtas siya ni Alláh mula sa mga kapighatian sa araw
ng Pagkabuhay ay magpalugit sa nagigipit o patawarin
siya [sa pagkakautang].” Iniulat ni Imám Muslim.
Mga Aral
1. Ang pagiging kanais-nais ng pagpapalugit sa nagigipit
o pagpapalampas sa pagkakautang niya.
2. Na ito ay isang dahilan sa pagkaligtas sa mga pighati sa
Araw ng Pagkabuhay.
3. Na ito ay isang dahilan para sa pagpapaumanhin ni Alláh
sa tao.
Mga Pang-araw-araw na Aralin
88
61. Ang Ribá at ang Babala Laban Dito
Sinabi ni Alláh (2:275-276): “Ang mga nakikinabang
sa ribá ay hindi babangon kundi gaya ng pagbangon ng
ibinubuwal ng Demonyo dahil sa pagkabaliw. Iyan ay
dahil sila ay nagsabi na ang pagbibili ay gaya lamang ng
ribá. Ipinahintulot ni Alláh ang pagbibili at ipinagbawal
Niya ang ribá. Kaya ang sinumang dinatnan ng isang
pangaral mula sa Panginoon niya ay tumigil na at sa
kanya na ang nagdaan at ang pagpapatawad sa kanya ay
nasa kay Alláh na. Ang sinumang manumbalik, ang mga
iyon ang mga mananahan sa Apoy; sila ay doon mananatili.
Aalisan ni Alláh ng pagpapala ang ribá at palalaguin
Niya ang pinagkunan ng mga kawanggawa. Si Alláh ay
hindi umiibig sa bawat palatangging sumampalataya
na makasalanan.”
Sinabi pa Niya (2:278-279): “O mga sumampalataya,
mangilag kayong magkasala kay Alláh at iwan ninyo
ang anumang natira mula sa ribá kung kayo ay mga
Mananampalataya. Ngunit kung hindi ninyo gagawin,
tanggapin ninyo ang pahayag ng digmaan mula kay Alláh
at sa Sugo Niya.”
Ayon kay Abú Hurayrah, ang Propeta (SAS) ay nagsabi:
“Pangilagan ninyo ang pitong makapagpapahamak na
kasalanan.” Nagsabi sila: “O Sugo ni Alláh, at ano po ang
mga ito?” Sinabi niya: “Ang pagtatambal kay Alláh, ang
panggagaway, ang pagpatay sa buhay na ipinagbawal
ni Alláh [na patayin] maliban kung nasa katwiran, ang
pakikinabang sa ribá,24
ang paglustay sa ari-arian ng ulila,
24 Ang paggamit o pagtanggap ng patubo sa pautang.
Mga Pang-araw-araw na Aralin
89
ang pagtalikod [sa pakikipaglaban] sa araw ng digmaan,
at ang paninirang-puri sa mga babaeng mararangal na
mananampalataya na inosente.” Iniulat nina Imám al-
Bukhárí at Imám Muslim.
Ayon sa sinabi ni Ibnu Mas‘úd (RA): “Isinumpa ng
Sugo ni Alláh (SAS) ang kumakain ng riba at nagpapakain
nito.” Iniulat ni Imám Muslim.
Mga Aral
1. Ang pagdidiin sa babala laban sa ribá at na ito ay ilan
sa mga malalaking nakapagpapahamak na kasalanan.
2. Na ito ay nag-aalis ng biyaya at ang patuloy na kumakain
nito ay nakikipagdigma kay Alláh at sa Sugo Niya.
3. Na ang mga naghahanapbuhay sa pamamagitan ng ribá
ay mga isinumpa ayon sa pagkakasabi ng Sugo ni Alláh.
62. Ang Kabutihan ng Pagbigkas ng Qur’án
Ayon sa sinabi ni Abú Hurayrah (RA): “Nagsabi ang
Sugo ni Alláh (SAS): Nanaisin ba ng sinuman sa inyo
kapag umuwi siya sa mag-anak niya na makasumpong
siya roon ng tatlong malalaki at matatabang buntis na
kamelyo? Sinabi namin: Opo. Nagsabi siya: Samakatuwid,
ang tatlong talata [ng Qur’án] na bibigkasin ng sinuman
sa inyo sa saláh niya ay mainam pa kaysa sa tatlong
malaking buntis na kamelyo.” Iniulat ni Imám Muslim.
Ayon sa sinabi ni ‘Abdulláh Ibn Mas‘úd (RA): “Nagsabi
ang Sugo ni Alláh: Ang sinumang bumigkas ng isang titik
mula sa Aklat ni Alláh ay magtatamo ng isang nagawang
maganda. Ang nagawang maganda ay [may gantimpalang]
Mga Pang-araw-araw na Aralin
90
katumbas sa sampung tulad nito. Hindi ko sinasabing ang
alíf lám mím ay isang titik, manapa’y ang alíf ay isang
titik, ang lám ay isang titik at ang mím ay isang titik.”
Iniulat ni Imám at-Tirmidhí.
Ayon sa sinabi ni ‘Á’ishah (RA): “Nagsabi ang Sugo
ni Alláh: Ang bumibigkas ng Qur’án, at siya bihasa rito,
ay makasasama ng mga [anghel] na tagatala na marangal
na masunurin. Ang bumibigkas naman ng Qur’án na
nauutal samantalang nahihirapan siya ay magkakamit ng
dalawang [ulit na] gantimpala.” Iniulat ni Imám Muslim.
Mga Aral
1. Ang kabutihan ng pagbigkas o pagbabasa ng Qur’án.
2. Na ang pagbigkas o pagbasa ng bawat titik ay katumbas
sa isang magandang nagawa.
3. Na ang bihasa sa pagbigkas nito ay makasasama ng mga
tagatalang marangal na anghel sa Pariso.
4. Na ang sinumang nahirapan sa pagbigkas ay magtatamo
ng dalawang ulit na gantimpala.
63. Ang Súrah al-Baqarah at ang Súrah Ál ‘Imrán
Ayon kay Abú Hurayrah (RA) ang Sugo ni Alláh (SAS)
ay nagsabi: “Huwag ninyong gawin ang mga bahay ninyo
na mga libingan; tunay na ang Demonyo ay lumalayo
sa bahay na binibigkas doon ang Súrah al-Baqarah.”
Iniulat ni Imám Muslim.
Ayon sa sinabi ni Abú Umámah al-Báhilí (RA): “Narinig
ko ang Sugo ni Alláh (SAS) na nagsasabi: Bigkasin ninyo
ang Qur’án dahil ito ay darating sa araw ng pagkabuhay
Mga Pang-araw-araw na Aralin
91
bilang isang tagapamagitan sa mga bumibigkas nito.
Bigkasin ninyo ang dalawang manining: ang [Súrah]
al-Baqarah at ang Súrah Ál ‘Imrán dahil ang mga ito ay
darating sa araw ng Pagkabuhay na parang ang mga ito
ay dalawang ulap – o parang ang mga ito ay dalawang
lilim – o dalawang langkay ng mga ibon na nakabuka ang
mga pakpak, na mangangatuwiran sa mga bumibigkas
sa dalawang ito. Bigkasin ninyo ang Súrah al-Baqarah
dahil ang pagtangkilik nito ay biyaya at ang pag-iwan nito
ay hinagpis at hindi ito makakaya ng mga manggagaway.”
Iniulat ni Imám Muslim.
Ayon sa sinabi ni Abú Mas‘úd: “Nagsabi ang Propeta
(SAS): Ang sinumang bumigkas ng dalawang talata mula
sa huling bahagi ng Súrah al-Baqarah sa gabi, sapat na
ang dalawang ito para sa kanya.” Iniulat ni Imám al-Bukhárí.
Mga Aral
1. Ang kalamangan ng Súrah al-Baqarah at Súrah Ál ‘Imrán.
2. Na ang mga ito ay mangangatwiran sa araw ng pagkabuhay
para sa mga bumibigkas ng mga ito.
3. Na ang pagbigkas ng Súrah al-Baqarah ay nagtataboy sa
mga demonyo palayo sa bahay.
4. Ang kalamangan ng dalawang huling talata ng Súrah
al-Baqarah.
Mga Pang-araw-araw na Aralin
92
64. Ang Kabutihan ng Kawanggawa at Paggugol
sa Landas ni Alláh
Ayon sa sinabi ni Abú Hurayrah (RA): “Nagsabi ang
Sugo ni Alláh (SAS): Walang araw na dinadatnan ng
umaga ang isang tao na hindi bumababa ang dalawang
anghel at nagsasabi ang isa sa dalawa: ‘O Alláh, bigyan
Mo po ang gumugugol ng kabayaran;’ at nagsasabi ang isa
pa: ‘O Alláh, bigyan Mo po ang gahaman ng pagkawasak.”
Iniulat nina Imám al-Bukhárí at Imám Muslim.
Ayon sa sinabi ni Abú Hurayrah (RA): “Nagsabi ang
Sugo ni Alláh (SAS): Hindi nabawasan ng kawanggawa
ang isang yaman; walang idinagdag si Alláh sa isang tao
sa pamamagitan ng paumanhin kundi karangalan; at
walang sinumang nagpakumbaba kay Alláh na hindi siya
itinaas ni Alláh na Makapangyarihan na Kapita-pitagan.”
Iniulat nina Imám al-Bukhárí at Imám Muslim.
Ayon sa sinabi ni Abú Hurayrah (RA): “Nagsabi ang
Sugo ni Alláh (SAS): Ang sinumang magkawanggawa ng
katumbas sa isang datiles mula sa kinita mula sa mabuti,
yamang walang tinatanggap si Alláh kundi ang mabuti,
tatanggapin ito ni Alláh sa pamamagitan ng kanang kamay
niya at pagkatapos ay aalagaan Niya ito para sa may-ari
nito gaya ng pag-aalaga ng sinuman sa inyo sa isang guya
hanggang sa ito ay maging tulad ng bundok.” Iniulat nina
Imám al-Bukhárí at Imám Muslim.
Ayon sa sinabi ni Ibn Mas‘úd (RA): “Nagsabi ang Sugo
ni Alláh (SAS): Walang kaiinggitan kundi ang dalawa:
taong binigyan ni Alláh ng yaman at ginugol nito naman
Mga Pang-araw-araw na Aralin
93
hanggang sa maubos ito sa katotohanan at taong binigyan
ni Alláh ng karunungan at siya naman ay humahatol sa
pamamagitan nito at nagtuturo nito.” Iniulat nina Imám
al-Bukhárí at Imám Muslim.
Mga Aral
1. Ang kabutiahan ng kawanggawa at paggugol sa landas
ni Alláh.
2. Na ang kawanggawa ay hindi tatanggapin ni Alláh kung
hindi mula sa kinitang buhat sa mabuti.
3. Na ang kawanggawa ay isang dahilan upang pagpalain
at palaguin ni Alláh ang yaman.
65. Ang Kabutihan ng Kawanggawa
Sinabi ni Alláh (4:114): “Walang mabuti sa madalas
na lihim na pag-uusap nila, maliban pa sa kanya na
nagtagubilin sa paggawa ng kawanggawa o mabuti o
pagkakasundo sa pagitan ng mga tao. Ang sinumang
gumawa niyon dahil sa paghahangad ng lugod ni Alláh
ay bibigyan Namin siya ng masaganang gantimpala.”
Sinabi pa Niya (34:39): “Ang ginugol ninyo mula sa
anumang bagay, Siya ay magpapalit nito.”
Ayon sa sinabi ni ‘Abdulláh Ibn ash-Shikhkhír (RA):
“Nadatnan ko ang Propeta (SAS) habang siya ay bumibigkas
ng [Súrah (102:1):] Inaabala kayo ng pagpaparamihan.
Sinabi niya: Nagsasabi ang anak ni Adan: ang ari-arian
ko, ang ari-arian ko; at mayroon ka ba, o anak ni Adan,
na anumang ari-arian mo maliban pa sa kinain mo at
naubos mo o isinuot mo na niluma mo, ikinawanggawa
mo na ipinauna mo?” Iniulat ni Imám Muslim.
Mga Pang-araw-araw na Aralin
94
Ayon kay Abú Hurayrah (RA), ayon sa sinabi ng
Propeta (SAS): “Samantalang ang isang lalaki ay nasa
tigang na lupa ay nakarinig siya ng isang tinig sa ulap:
‘Patubigan mo ang hardin ni Polano.’ Pagkatapos ay
lumayo ang ulap at ibinuhos nito ang tubig nito sa isang
mabatong lupa. Walang anu-ano ay may isang daluyan
mula sa mga daluyang iyon na sumahod sa lahat ng tubig
na iyon. Kaya sinundan niya ang tubig at walang anu-ano
ay may lalaking nakatayo sa hardin nito na nagbabaling
ng tubig sa pamamagitan ng asarol nito. Kaya nagsabi
siya rito: ‘O lingkod ni Alláh, ano ang pangalan mo?’
Sinabi nito na Polano, na siya ring pangalan na narinig
niya sa ulap. Nagsabi ito: ‘O lingkod ni Alláh, bakit mo
ako tinatanong tungkol sa pangalan ko?’ Nagsabi siya:
‘Ako ay nakarinig ng isang tinig sa ulap na ito na ang
tubig niyon, na nagsasabi: ‘Patubigan mo ang hardin
ni Polano,’ na siya ring pangalan mo. Ano ang ginagawa
mo [sa biyaya] rito?’ Nagsabi ito: ‘Palibhasa yamang
sinabi mo ito, tunay na ako ay tumitingin sa tumutubo
mula rito; ikinakawanggawa ko ang ikatlong bahagi
nito, kinakain ko at ng mag-anak ko ang ikatlong bahagi
at ibinabalik ko rito ang ikatlong bahagi.” Iniulat ni
Imám Muslim.
Mga Aral
1. Ang kabutihan ng pagkakawanggawa.
2. Na ito ay isang dahilan ng paglago ng yaman at pagbaba
ng biyaya rito.
3. Na ang dapat na ikinakawanggawa ng isang Muslim ay
ang mula sa labis sa kanyang pangangailangan.
Mga Pang-araw-araw na Aralin
95
66. Ang Kabutihan ng Pagkakawanggawa (2)
Sinabi ni Alláh (2:272): “Ang anumang ginugugol
ninyo na mabuti, ay para sa mga sarili ninyo.”
Ayon sa sinabi ni ‘Uqbah Ibn ‘Ámir (RA): “Narinig ko
ang Sugo ni Alláh (SAS) na nagsasabi: Ang bawat tao ay
nasa lilim ng kawanggawa niya hanggang sa mahatulan
na ang mga tao.” Iniulat ni Imám Ahmad.
Ayon kay ‘Adí Ibn Hátim (RA) ang Sugo ni Alláh (SAS)
ay nagsabi: “Pangilagan ninyo ang Impiyerno kahit sa
pamamagitan ng isang biyak na datiles.” Iniulat nina Imám
al-Bukhárí at Imám Muslim.
Ayon kay Abú Hurayrah (RA) ang Sugo ni Alláh (SAS)
ay nagsabi: “Kapag namatay ang anak ni Adan, napuputol
ang gawa niya maliban sa tatlo: kawanggawang tuloytuloy
o kaalamang napakikinabangan o matuwid na anak
na nananalangin para sa kanya.” Iniulat ni Imám Muslim.
Mga Aral
1. Na ang pagkakawanggawa isang dahilan upang maligtas
sa mga nakapangingilabot na bagay sa araw ng pagkabuhay.
2. Na ito isang dahilan upang maligtas sa Impiyerno kahit
kakaunti ang naibigay na kawanggawa.
3. Na ito ay kabilang sa mga gawaing nagpapatuloy ang
gantimpala sa nakagawa nito kahit pa patay na ito.
67. Ang Mainam sa Kawanggawa
Ayon sa sinabi ni Abú Hurayrah (RA): “Ang Propeta
(SAS) ay nagsabi: Ang mainam sa kawanggawa ay ang
anumang ayon sa yaman. Magsimula ka sa sinumang
[tungkuling] tustusan mo.” Iniulat ni Imám al-Bukhárí.
Mga Pang-araw-araw na Aralin
96
Ayon sa sinabi ni Abú Hurayrah (RA): “May dumating
na isang lalaki sa Sugo ni Alláh (SAS) at nagsabi: O Sugo
ni Alláh, aling kawanggawa ang pinakamalaki ang gantimpala?
Nagsabi siya: Na magkawanggawa ka habang ikaw ay
malusog, maramot, natatakot na maghirap at nagmimithi
na yumaman. Huwag mong ipagpaliban ito hanggang sa
maghingalo at saka magsasabi: ‘Para kay Polano ang
ganito, at para sa [isa pang] Polano ang ganito,’ gayong
mapupunta lamang iyon kay Polano [na tagapagmana
niya].” Iniulat ni Imám al-Bukhárí.
Ayon sa sinabi ni Salmán Ámir (RA): “Nagsabi ang
Sugo ni Alláh (SAS): Ang kawanggawa [na ibinigay] sa
dukha ay kawanggawa at kung ito naman ay [ibinigay]
sa kamag-anak ay magiging dalawa: kawanggawa at
pagtataguyod ng pagkakamaagnakan.” Iniulat ni Imám
Ahmad.
Mga Aral
1. Na ang kawanggawa na ibinigay sa mga kamag-anak ay
mainam kaysa sa ibinigay sa ibang tao.
2. Na ang mainam na kawanggawa ay ang ibinibigay ng
isang tao sa panahong siya ay malusog, umaasang
mabubuhay pa ng matagal at may pangamba pang baka
siya maghirap.
68. Ang Kainaman ng Paglilihim ng Kawanggawa
Sinabi ni Alláh (2:271): “Kung ilalantad ninyo
ang mga kawanggawa, kay inam ng mga ito; at kung
ikukubli ninyo ang mga ito at ibibigay ang mga ito sa
mga maralita, higit na mabuti iyon para sa inyo.”
Mga Pang-araw-araw na Aralin
97
Ayon kay Abú Hurayrah (RA) ang Propeta (SAS) ay
nagsabi: “May pitong [uri ng tao na] pasisilungin sila ni
Alláh sa lilim Niya sa araw na walang lilim kundi ang
lilim Niya: makatarungang pinuno; binatang lumaki sa
pagsamba kay Alláh; lalaking ang puso nito ay nakatali sa
mga masjid; dalawang taong nagmamahalan alang-alang
kay Alláh: nagkikita alang-alang sa Kanya at naghihiwalay
alang-alang sa Kanya; isang lalaking inanyayahan ng
isang babaeng may mataas na kalagayan at kagandahan,
ngunit nagsabi ito: ‘Tunay na ako ay natatakot kay Alláh’;
at isang taong nagkawanggawa ng isang kawanggawa na
ikinubli nito iyon upang hindi malaman ng kaliwa nito
ang ginugol ng kanan nito; at taong nang nakaalaala kay
Alláh habang nag-iisa ay nag-umupaw ang mga mata nito
[sa luha].” Iniulat nina Imám al-Bukhárí at Imám Muslim.
Mga Aral
1. Tunay na ang paglilihim ng pagbibigay ng kawanggawa
ay mainam kaysa paghahayag niyon.
2. Ang kainaman ng paglilihim nito at na magpapasilong
si Alláh sa araw ng Pagkabuhay sa lilim ng trono Niya sa
sinaumang naglilihim sa pagbibigay ng kawanggawa nito.
69. Ang Pagpapahintulot sa Hayagang Pagbibigay
ng Kawanggawa Kung Makabubuti Iyon
Ayon sa sinabi ni Jarír (RA): “Kami ay nasa tabi ng
Sugo ni Alláh noong minsang nagsisimula ang araw nang
may dumating sa kanya na mga tao na mga nakayapak, na
mga nakasuot ng mga tapis na batik-batik na lana at balabal,
Mga Pang-araw-araw na Aralin
98
na mga nakasukbit ang mga tabak, na ang karamihan sa
kanila ay kabilang sa [lipi ng] Mudarr – kung hindi man
lahat sila ay kabilang sa [lipi ng] Mudarr. Nagbago ang kulay
ng mukha ng Sugo ni Alláh (SAS) noong makita niya sa
kanila ang karukhaan. Pumasok siya [sa bahay] at lumabas.
Inutusan niya si Bilál. Nagsagawa ito ng adhán at nagsagawa
ng iqámah. Namuno siya sa saláh at pagkatapos ay nagsalita
siya. Sinabi niya (4:1):25 ‘O mga tao, mangilag kayong
magkasala sa Panginoon ninyo na lumikha sa inyo mula sa
nag-iisang tao, at nilikha Niya mula rito ang kabiyak nito,
at nagpalaganap Siya mula sa dalawang ito ng maraming
kalalakihan at kababaihan. Mangilag kayong magkasala
kay Alláh, na sa pamamagitan Niya ay naghihilingan
kayo, at sa mga kamag-anakan; tunay na si Alláh sa inyo
ay laging Tapagmasid.’ at ang áyah na nasa [Súrah] al-
Hashr (59:18): ‘O mga tao, mangilag kayong magkasala
kay Alláh. Pagmasdan ng tao ang nagawa niya para sa
kinabukasan. Mangilag kayong magkasala kay Alláh;
tunay na si Alláh ay Nakababatid sa anumang ginagawa
ninyo.’ [Pagkatapos nito] ay may taong nagkawanggawa ng
isang dínár, mayroong isang dirham, mayrong isang damit,
mayroong isang sá‘ ng trigo, at mayroong isang sá‘ ng datiles;
hanggang sa nagsabi siya: Kahit na kalahati ng isang datiles.
Kaya may dumating na isang lalaking kabilang sa Ansár na
may dalang supot na halos di-nakayang hawakan ng palad
niyon, bagkus di-nakaya nga. Pagkatapos ay nagsunuran
25
Ang mga pananalitang ito na mula sa Qur’an, 4:1 at 59:18, ay kadalasang
binibigkas ng Propeta (SAS) sa pagpapasimula ng talumpati.
Mga Pang-araw-araw na Aralin
99
ang mga tao hanggang sa nakakita ako ng dalawang tumpok
ng pagkain at mga kasuutan, hanggang sa nakita ko ang
mukha ng Sugo ni Alláh (SAS) na nagniningning na para
bagang ginintuan. Nagsabi ang Sugo ni Alláh (SAS): Ang
sinumang nagpasimula sa Islam ng isang magandang
alituntunin ay magtatamo ng gantimpala rito at ng [gaya
sa] gantimpala ng mga gumawa nito kapag wala na siya,
nang walang nababawas na anuman sa mga gantimpala
nila; ang sinumang nagpasimula sa Islam ng isang
masagwang alituntunin, iaatang sa kanya ang kasalanan
dito at ang kasalanan ng mga gumawa nito kapag wala
na siya, nang walang nababawas na anuman sa mga
kasalanan nila.” Iniulat ni Imám Muslim.
Mga Aral
1. Ang pagpapahintulot sa pagpapahayag ng pagbibigay ng
kawanggawa kung makabubuti rin lamang.
2. Na ito ay hindi pagpapakitang-tao datapuwat pagbibigay
halimbawa sa paggawa ng mabuti.
70. Pagbabawal sa Panghihingi at Pagpapahintulot
sa Pagtanggap nang Hindi Humihingi at Dahil sa
Kagandahang-loob
Ayon sa sinabi ni ‘Abdulláh Ibn ‘Umar (RA): “Nagsabi
ang Propeta (SAS): Hindi titigil ang tao sa panghihingi sa
mga tao hanggang sa dumating siya sa araw ng pagkabuhay
na sa mukha niya ay wala nang isang kapiranggot na
laman.” Iniulat ni Imám al-Bukhárí.
Ayon sa sinabi ni Hakím Ibn Hizám: “Nanghingi ako
sa Sugo ni Alláh (SAS) at binigyan niya ako. Pagkatapos
Mga Pang-araw-araw na Aralin
100
ay humingi muli ako sa kanya at binigyan niya muli ako.
Pagkatapos ay humingi na naman ako sa kanya at binigyan
na naman niya ako. Pagkatapos ay nagsabi siya: O Hakím,
ang yaman ay sariwang bungang matamis. Ang sinumang
kumuha nito nang may pagmamagandang-loob ang sarili,
pagpapalain siya dahil dito; at ang sinumang kumuha nito
nang may karamutan ang sarili, hindi siya pagpapalain
dahil dito gaya ng isang kumakain ngunit hindi nabubusog.
Ang kamay na nagbibigay ay mainam kaysa sa kamay na
tumatanggap.” Iniulat ni Imám al-Bukhárí.
Ayon sa sinabi ni ‘Umar (RA): “Ang Sugo ni Alláh
(SAS) noon ay nagbibigay sa akin ng kaloob at sinasabi
ko naman: Ibigay mo po iyan sa higit na nangangailangan
niyan kaysa akin. Kaya naman nagsabi siya: Kunin mo iyan,
kung may anumang dumating sa iyo mula sa ari-ariang
ito, nang hindi ka nag-iimbot ni nanghihingi; kaya kunin
mo na ito at kapag wala namang dumating ay huwag
nang mismong ikaw pa ang maghabol nito.” Iniulat ni
Imám al-Bukhárí.
Mga Aral
1. Ang pagbabawal ng manghingi sa mga tao kung wala rin
lamang matinding pangangailangan.
2. Ang pagpapahintulot na tanggapin ang kaloob kapag
binigyaan nang hindi nanghihingi.
71. Ilang mga Katagang Ipinagbabawal
Ayon sa sinabi ni Abú Hurayrah (RA): “Nagsabi ang
Sugo ni Alláh: Huwag ninyong laitin ang panahon dahil
tunay na si Alláh ang panahon.” ltinala ni Imám Muslim.
Mga Pang-araw-araw na Aralin
101
Ayon kay Hudhayfah (RA), ang Propeta (SAS) ay
nagsabi: “Huwag kayong magsabing ‘Niloob ni Alláh at
ni Polano,’ sabihin ninyong ‘Niloob ni Alláh at pagkatapos
ay ni Polano.’” Iniulat ni Imám Ahmad.
Ayon kay Tufayl Ibn Sakhbarah (RA), ang Sugo ni
Alláh ay nagsabi: “Huwag kayong magsabi na ‘Niloob ni
Alláh at niloob ni Muhammad.’” Iniulat ni Imám Ahmad.
Mga Aral
1. Ang pagbabawal na laitin ang panahon.
2. Ang pagbabawal na magsabi na: “Niloob ni Alláh at
niloob ni Polano” bagkus ang dapat sabihin ay “Niloob ni
Alláh at pagkatapos ay ni Polano.”
72. Ang Paggunita sa Kamatayan at ang Pagbabawal
na Magmithi Niyon
Ayon sa sinabi ni Abú Hurayrah (RA): “Nagsabi ang
Sugo ni Alláh (SAS): Dalasan ninyo ang paggugunita sa
[kamatayang] tagalipol ng mga sarap.” Iniulat ni Imám
at-Tirmidhí.
Ayon sa sinabi ni Anas (RA): “Nagsabi ang Sugo ni
Alláh (SAS): Huwag ngang mithiin ng sinuman sa inyo
ang kamatayan dahil sa kapinsalaan dumapo sa kanya,
ngunit kung hindi maiwasang magmithi niyon ay magsabi
siya: ‘O Alláh panatilihin Mo po akong buhay hangga’t
ang mabuhay ay mainam para sa akin at bawian Mo po
ako ng buhay kapag ang kamatayan ay mainam para sa
akin.” Iniulat nina Imám al-Bukhárí at Imám Muslim.
Ayon sa sinabi ni Abú Hurayrah (RA): “Nagsabi ang
Sugo ni Alláh (SAS): Huwag mithiin ng sinuman sa inyo
Mga Pang-araw-araw na Aralin
102
ang kamatayan at huwag niyang ipanalangin ito bago
dumating ito sa kanya. Tunay na kapag namatay ang sino
man sa inyo, napuputol ang gawa niya. Tunay na walang
naidaragdag sa isang mananampalataya ang edad niya
kundi kabutihan.” Iniulat ni Imám Muslim.
Mga Aral
1. Ang pagiging kanais-nais ng madalas na paggunita sa
kamatayan.
2. Ang pagbabawal sa pagmimithi ng kamatayan kapag
dumapo ang mga kapighatian.
73. Ilang mga Alituntunin Kaugnay sa Paghihingalo
Ayon sa sinabi ni Abú Sa‘íd al-Khudrí (RA): “Nagsabi
ang Sugo ni Alláh (SAS): Ipabigkas ninyo sa mga
mamamatay sa inyo ang lá iláha illalláh (Walang Diyos
kundi si Alláh.).” Iniulat ni Imám Muslim.
Ayon sa sinabi ni Mu‘ádh Ibn Jabal (RA): “Nagsabi
ang Sugo ni Alláh (SAS): Ang sinumang ang huling salita
niya ay lá iláha illalláh, papasok siya sa Paraiso.” Iniulat
ni Imám Abú Dáwúd.
Ayon sa sinabi ni Jábir (RA): “Narinig ko ang Propeta
(SAS) bago siya yumao na tatlong ulit na nagsasabi: Huwag
ngang mamatay ang sinuman sa inyo kung wala siyang
mabuting saloobin kay Alláh.” Iniulat ni Imám Muslim.
Mga Aral
1. Ang kabutihan ng pagbigkas ng shahádatán.
2. Ang pagpapahintulot sa pagpapabigkas ng shahádatán
sa isang mamamatay sa pamamagitan ng pagpapaalaala
niyon sa sandali ng paghihingalo nito.
Mga Pang-araw-araw na Aralin
103
3. Ang pag-uutos na magkaroon ng magandang saloobin
kay Alláh.
74. Ang Batayan sa Pagtanggap sa mga Matuwid
na Gawa ay Alinsunod sa Pananampalataya na
Pinanghahawakan sa Huling Sandali ng Buhay
Ayon sa sinabi ni ‘Abdulláh Ibn Mas‘úd (RA): “Nagsalita
sa amin ang Sugo ni Alláh (SAS) at siya ang nagtototoo at
pinatotohanan: Tunay na ang bawat isa sa inyo ay tinitipon
sa sinapupunan ng ina niya sa loob ng [unang] apatnapung
araw. Pagkatpos siya ay nagiging isang namuong dugo26
sa loob ng [panahong] tulad din niyon. Pagkatapos siya
ay nagiging isang pirasong laman sa loob ng [panahong]
tulad din niyon. Pagkatapos ay magpapadala si Alláh sa
kanya ng isang anghel na may dalang apat na salita at
isusulat: ang gawa niya, ang taning niya, ang ikabubuhay
niya at kung magiging miserable o maligaya. Pagkatapos
ay iiihip sa kanya ang kaluluwa [niya]. Tunay na ang isang
tao ay talagang [maaaring] ginagawa niya ang gawain ng
isang mapupunta sa Impiyerno hanggang sa wala nang
nasa pagitan niya at nito kundi isang siko at maaabutan pa
siya ng nakasulat [na tadhana]. Pagkatapos ay gagawin
niya ang gawain ng isang mapupunta sa Paraiso kaya
naman papasok siya sa Paraiso. Tunay na ang isang tao
ay talagang [maaaring] ginagawa na niya ang gawain ng
isang mapupunta sa Paraiso hanggang sa wala nang nasa
pagitan niya at nito kundi isang siko at maaabutan pa siya
26 O animo’y linta.
Mga Pang-araw-araw na Aralin
