41
lingkod niya o mangalunya ang babaeng lingkod niya. O
mga tagasunod ni Muhammad, sumpa man kay Alláh,
kung nalalaman lamang ninyo ang nalalaman ko, talaga
namang tatawa kayo nang madalang at talaga namang
iiyak kayo nang madalas.” Iniulat ni Imám al-Bukhárí.
Ayon sa sinabi ni ‘Abdulláh Ibn ‘Amr (RA): “Nang
naglaho ang Araw noong kapanahunan ng Sugo ni Alláh
ay nanawagan [ng ganito]: Assalátu Jámi‘ah.”11 Iniulat ni
Imám al-Bukhárí.
Mga Aral
1. Kanais-nais na magsagawa ng salátul kasúf (saláh para sa
eklipse) kapag nagkaroon ng eklipse sa araw man o sa gabi.
2. Ipinanawagan ito sa pamamagitan ng pagsabi ng ganito:
Assalatu Jami‘ah.
3. Ang saláh na ito ay binubuo ng dalawang mahahabang
rak‘ah na sa bawat rak‘ah ay mayroong dalawang rukú‘ .
4. Kanais-nais na magbigay ng pangaral ang Imám sa mga
tao pagkatapos ng saláh.
27. Ang Paghingi ng Ulan
Ang paghingi ng ulan sa khutbah sa araw ng Biyernes:
Ayon kay Anas Ibn Malik (RA): “Na may isang lalaki
pumasok, isang araw ng Biyernes, sa pintong nakaharap
sa pulpito, samantalang ang Sugo ni Alláh ay nakatayong
nangangaral. Humarap siya sa Sugo ni Alláh (SAS), na
nakatayo at nagsabi: O Sugo ni Alláh, namamatay na ang
11 Ang saláh ay isasagawa sa jamá‘ah.
Mga Pang-araw-araw na Aralin
42
mga hayupan at naputol na ang mga daan, kaya manalangin
ka para sa amin na paulanan Niya kami.” Nagsabi si Anas:
“Kaya iniangat ng Sugo ni Alláh (SAS) ang kanyang mga
kamay at nagsabi: O Alláh, magpaulan Ka po; o Alláh,
magpaulan Ka po.” Nagsabi pa si Anas: “Wala, sumpa man
kay Alláh, wala kaming nakikita sa langit na anumang ulap
ni alapaap ni anupaman, gayong wala namang namamagitan
sa amin at ng [bundok] Sala‘ na gusali ni bahay.” Nagsabi
uli siya: “At may lumitaw sa likod nito (bundok Sala‘) na
isang ulap na tulad ng isang kalasag. At nang pumagitna na
ito sa langit, kumalat ito at pagkatapos ay umulan.” Sinabi
niya: “Sumpa man kay Alláh, hindi namin nakita ang araw
sa loob ng ng isang linggo. Pagkaraan ay may pumasok na
isang lalaki sa pintong iyon noong sumunod na Biyernes
samantalang ang Sugo ni Alláh ay nakatayong nangangaral.
Nakatayo itong humarap kanya at nagsabi: O Sugo ni Alláh
namatay na ang mga hayupan at naputol na ang mga daan,
kaya manalangin ka para sa amin na pigilin Niya ito (ulan).”
Nagsabi si Anas: “Kaya iniangat ng Sugo ni Alláh (SAS)
ang mga kamay niya at nagsabi: O Alláh, sa palibot namin
at hindi sa amin; O Alláh sa mga talampas, mga bundok,
mga gubat, mga burol, mga lambak, at mga tinutubuan
ng mga punong-kahoy. Sinabi niya: Kaya naman tumigil na.
Lumabas kami na naglalakad sa ilalim ng Araw. Nagsabi si
Sharík: Tinanong ko si Anas: Siya rin ba ang unang lalaki?
Nagsabi siya: Hindi ko alam.” Iniulat ni Imám al-Bukhárí.
Mga Pang-araw-araw na Aralin
43
Mga Aral
1. Nabanggit sa Hadith na ito ang isang tanda sa mga tanda
ng pagkapropeta ni Propeta Muhammad (SAS).
2. Ipinahihintulot ang pagdalangin ng paghiling ng ulan sa
sandali ng khutbah sa araw ng Biyernes.
3. Ipinahihintulot ang paghiling kay Alláh na patigilin ang
ulan kapag nakasasama na ito sa mga tao.
28. Ang Saláh Para sa Paghiling ng Ulan
Ayon sa sinabi ni ‘Abdulláh Ibn Zayd (RA): “Nakita
ko ang Propeta (SAS) na humihiling ng ulan. Humarap siya
sa Qiblah na nananalangin at binaliktad niya ang balabal
niya, pagkatapos ay nagdasal ng dalawang rak‘ah.” Iniulat
nina Imám al-Bukhárí at Imám Muslim.
Ayon sa sinabi ni ‘Á’ishah (RA): “Idinaing ng mga
tao sa Sugo ni Alláh (SAS) ang mga kawalan ng ulan. Kaya
nag-utos siya [na kumuha] ng plataporma at ilagay ito para
sa kanya sa dasalan. At nagtakda siya ng isang araw na
dadaluhan ng mga tao.” Sinabi pa ni ‘A’isha (RA): “Lumabas
ang Sugo ni Alláh (SAS) nang lumitaw ang gilid ng Araw.
Naupo siya sa plataporma at nagdakila at nagpuri siya kay
Alláh, ang Makapangyarihan at Kapita-pitagan. Pagkatapos
ay nagsabi siya: Ang lahat ng papuri ay ukol kay Alláh,
ang Panginoon ng mga nilalang, ang Pinakanaaawa, ang
Maawain, ang Nag-aari ng Araw ng Pagganti. Walang
diyos kundi si Alláh; ginagawa Niya ang anumang naisin.
O Alláh, Ikaw si Alláh; walang Diyos kundi Ikaw. Ikaw
ang Mayaman samantalang kami ang mga maralita;
magpababa Ka sa amin ng ulan at gawin Mo ang ibaba
Mo para sa amin na lakas at panawid sa pansamantala.
Mga Pang-araw-araw na Aralin
44
Pagkatapos ay inangat niya ang mga kamay niya at patuloy
niya sa pag-angat hanggang sa lumitaw ang kaputian ng kilikili
niya. Pagkatapos ay ihinarap niya ang likod niya sa mga
tao at binaliktad niya ang balabal niya habang inaangat niya
ang mga kamay niya. Pagkatapos ay humarap siya sa mga
tao at bumaba [sa plataporma] at nagdasal ng dalawang
rak‘ah. Gumawa si Alláh ng ulap at kumulog at kumidlat.
Pagkatapos ay umulan ayon sa kapahintulutan ni Alláh.
Hindi pa siya nakarating sa kanyang masjid ay dumuloy na
ang baha. Nang nakita niya ang pagmamadali nila papunta
sa silungan ay tumawa siya hanggang sa lumitaw ang mga
bagang niya at nagsabi: Sumasaksi ako na si Alláh ay may
kakayahan sa lahat ng bagay at na ako ay Lingkod ni
Alláh at Sugo Niya.” Iniulat ni Imám Abú Dáwúd.
Ayon sa sinabi ni Abú Hurayrah (RA): “Lumabas ang
Sugo ni Alláh isang araw upang humiling ng ulan, kaya
pinamunuan niya kami sa saláh na dalawang rak‘ah nang
walang adhan ni iqamah. Pagkatapos ay nangaral siya sa
amin, nanalangin kay Alláh at ibinaling niya ang mukha
niya sa qiblah nang nakataas ang mga kamay. Pagkatapos ay
binaliktad niya ang balabal niya: inilagay niya ang kanan sa
kaliwa at ang kaliwa sa kanan.” Iniulat ni Imám Ibn Majah.
Ayon kay Ibnu ‘Abbás (RA): “Ang Sugo ni Alláh (SAS)
ay lumabas na nakasuot pambahay, na nagpapakumbaba,
na nagsusumamo [kay Alláh].”
Mga Aral
1. Kanais-nais magsagawa ng salátul istisqá na dalawang
rak‘ah kalakip ng khutbah.
2. Kanais-nais na baliktarin ang balabal matapos humiling
ng ulan.
Mga Pang-araw-araw na Aralin
45
3. Ipinahihintulot ang pagbibigay ng khutbah bago isagawa
ang salatul istisqa o pagkatapos nito.
4. Kanais-nais na lumabas [ng bahay] nang may pagpapa
kumbaba at pagpapakaaba kay Alláh.
29. Mga Alituntuning Kaugnay sa Ulan
Ang Pagbabawal na Magsabing Inulan Tayo Dahil sa
Ganito’t Gayon at ang Sinasabi Kapag Nakita ng Ulan
Ayon sa sinabi ni Zayd Ibn Khalid al-Juhani (RA):
“Nagdasal sa amin ang Sugo ni Alláh (SAS) ng dasal sa
fajr sa Hudaybiyah nang ang nagdaang gabi ay umulan.
Nang nakatapos na ang Propeta (SAS) [sa pagsasagawa ng
saláh] ay humarap siya sa mga tao at nagsabi: Nalalaman
ba ninyo ang sinabi ng Panginoon ninyo? Nagsabi sila: Si
Alláh at ang Sugo Niya ay higit na nakaaalam. Nagsabi
Siya: Kinaumagahan, ang ilan sa mga lingkod Ko ay
sumasampalataya sa Akin at tumatangging sumampalataya.
Kaya ang sinumang nagsabing: ‘Inulan kami dahil sa
kagandahang-loob ni Alláh at sa awa Niya’, iyon ay
isang sumasampalataya sa Akin at isang tumatangging
sumampalataya sa tala; ang sinumang nagsabing: ‘Inulan
kami dahil sa talang ito at iyan’ iyon ay tumatangging
sumampalataya sa Akin at sumasampalataya sa tala.”
Iniulat ni Imám al-Bukhárí.
Ayon kay ‘Á’ishah (RA): “Ang Sugo ni Alláh (SAS)
noon, kapag nakakita ng ulan ay nagsasabing: O Alláh,
maging buhos ng ulan na kapaki-pakinabang nawa.”
Iniulat ni Imám al-Bukhárí.
Walang Nakaaalam Kung Kailan
Darating ang Ulan Kundi si Alláh
Mga Pang-araw-araw na Aralin
46
Ayon sa sinabi ni Ibn ‘Umar, nagsabi ang Sugo ni Alláh
(SAS): “Ang susi ng nakalingid ay lima, walang nakaaalam
niyon kundi si Alláh: walang isang nakaaalam kung ano
ang mangyayari sa kinabukasan, walang isang nakaaalam
kung ano ang magiging nasa mga sinapupunan, hindi
nalalaman ng isang tao kung ano makakamit niya bukas,
hindi nababatid ng isang tao kung sa aling lupain siya
mamamatay, walang isang nakababatid kung kailan
darating ang ulan.” Iniulat ni Imám al-Bukhárí.
Mga Aral
1. Ipinagbabawal na magsabing: “Inulan tayo dahil sa ganito
at ganiyang bagay,” sa halip ang dapat sabihin ay: “Inulan
tayo dahil sa kagandahang-loob ni Alláh at awa Niya.”
2. Kanais-nais na magsabi ng sayyiban nafi‘a (Maging buhos
ng ulan na kapaki-pakinabang nawa.) kapag nakakita ng ulan.
3. Ang pagbuhos ng ulan ay ilan sa mga bagay na nakalingid
na walang nakaaalam nang may katumpakan at katiyakan
kundi si Alláh.
30. Ang Saláh al-Istikhárah12
Ayon sa sinabi ni Jábir (RA): “Ang Sugo ni Alláh (SAS)
ay nagtuturo noon sa amin ng istikhárah kaugnay sa lahat
ng bagay gaya ng pagtuturo niya sa amin ng mga súrah ng
Qur’an. Sinasabi niya: Kapag nagpasya ang sinuman sa
inyo na gawin ang isang bagay ay magsagawa siya ng
dalawang rak‘ah na saláh na hindi farídah at pagkatapos
ay magsabi siya ng ganito:
12 Ang saláh na isinasagawa para humingi kay Alláh ng patnubay sa pagpapasya.
Mga Pang-araw-araw na Aralin
47
Alláhumma inní astakhíruka bi‘ilmika,
wa astaqdiruka biqudratik,
wa as’aluka min fadlikal ‘adhími,
fa’innaka taqdiru wa lá aqdir,
wa ta‘lamu wa lá a‘lamu,
wa anta ‘allámul ghuyúb.
Alláhumma in kunta ta‘lamu
anna hádhal amra13 khayrun lí
fí díní wa ma‘áshí wa ‘áqibati amrí,
—maaari rin niyang sabihin: ‘ájili amrí wa ájilih—
faqdirhu lí wa yassirhu lí,
thumma bárik lí fíhi.
wa in kunta ta‘lamu anna hádhal amra sharrun lí
fí díní wa ma‘áshí wa ‘áqibati amrí,
—maaari rin niyang sabihin: ‘ájili amrí wa ájilih—
fasrifhu ‘anní wasrifní ‘anhu,
waqdir lil khayra haythu kána,
thumma ardiní bih.
O Alláh, sumasangguni ako sa Iyo sa pamamagitan
ng kaalaman Mo.
Humihiling ako sa Iyo ng kakayahan sa pamamagitan
ng kakayahan Mo.
Humihingi ako mula sa dakilang kagandahang-loob
Mo,
sapagkat tunay na Ikaw ay nakakakaya at hindi ako
nakakakaya,
at nakaaalam Ka at hindi ako nakaaalam,
13 Banggitin niya rito ang pagpapasyang gagawin niya.
Mga Pang-araw-araw na Aralin
48
at Ikaw ay ang pinakanakaaalam sa mga nakalingid.
O Alláh, kung nalalamn Mo na ang bagay na ito ay
mabuti para sa akin:
sa relihiyon ko, pamumuhay ko at kahihinatnan ng
balak ko
—O maaari rin niyang sabihin: sa kasalukuyan ko at
hinaharap ko—
itakda Mo na mangyari ito sa akin at pagaanin Mo
ito para sa akin,
pagkatapos ay biyayaan Mo ako rito.
Kung nalalaman Mo na ang bagay na ito ay masama
para sa akin:
sa relihiyon ko, pamumuhay ko at kahihinatnan ng
balak ko
—O maaari rin niyang sabihin: sa kasalukuyan ko at
hinaharap ko—
ilayo Mo ito sa akin at ilayo Mo ako rito,
at itakda Mo na mangyari sa akin ang mabuti saanman
ito, pagkatapos ay palugudin Mo ako dito.
Nagsabi siya (SAS) na banggitin nito ang kailangan nito.
Iniulat ito ni Imám al-Bukhárí.
Mga Aral
1. Kanais-nais na magsagawa ng saláh para sa istikhárah
kapag ninanais ng isang Muslim na magsagawa ng isang
gawaing hindi niya malinaw ang kahihinatnan nito.
2. Saklaw nito ang lahat ng gawain at isinasagawa ito bago
magpasyang kumilos.
Mga Pang-araw-araw na Aralin
49
31. Ang Kainaman ng Pag-aaruga sa Isang Ulila
at ang Pagiging Kana-nais na Pakitunguhan Ito
ng May Kabaitan
Sinabi ni Alláh (93:9): “Kaya naman ang ulila ay
huwag mong siilin”
Sinabi pa Niya (76:8): “Nagpapakain sila–dahil sa pagibig
sa Kanya–sa isang dukha, isang ulila at isang bihag.”
Ayon sa sinabi ni Sahl Ibn Sa‘d (SAS): “Nagsabi ang
Sugo ni Alláh (SAS): Ako at ang nag-aaruga ng ulila ay
magiging ganito sa Paraiso. Ipinahiwatig niya iyon sa
pamamagitan ng hintuturo at hinlalato na ibinuka niya.”
Iniulat ni Imám al-Bukhárí.
Ayon sa sinabi ni Abú Hurayrah (RA): “Nagsabi ang
Sugo ni Alláh (SAS): Ang nag-aaruga ng ulila, kamaganak
man niya o hindi niya kaanu-ano, ako at siya ay
gaya nitong dalawa sa Paraiso. Ang tinutukoy niya ay
ang hintuturo at ang hinlalato.” Iniulat ni Imám Muslim.
Mga Aral
1. Ang kainaman ng pag-aaruga sa ulila at ang paghihikayat
na gawin iyon.
2. Na iyon ay isang dahilan sa pagpasok sa Paraiso at pagangat
ng antas doon.
3. Na saklaw nito ang lahat ng ulila, kahit pa man ito ay
isang kamag-anak.
Mga Pang-araw-araw na Aralin
50
32. Ang Babala sa Paglustay sa Yaman ng Ulila
Sinabi ni Alláh (4:10): “Tunay na ang mga lumulustay
sa mga ari-arian ng mga ulila nang labag sa katarungan
makatarungan ay nagpapasok lamang sa mga tiyan nila
ng apoy. Papasok sila sa Apoy na naglalagablab.”
Ayon kay Abú Hurayrah, ang Propeta (SAS) ay nagsabi:
“Pangilagan ninyo ang pitong makapagpapahamak na
kasalanan.” Nagsabi sila: “O Sugo ni Alláh, at ano po ang
mga ito?” Sinabi niya: “Ang pagtatambal kay Alláh, ang
panggagaway, ang pagpatay sa buhay na ipinagbawal
ni Alláh [na patayin] maliban kung nasa katwiran, ang
pakikinabang sa ribá,14
ang paglustay sa ari-arian ng ulila,
ang pagtalikod [sa pakikipaglaban] sa araw ng digmaan,
at ang paninirang-puri sa mga babaeng mararangal na
mananampalataya na inosente.” Iniulat nina Imám al-
Bukhárí at Imám Muslim.
Ayon sa sinabi ni Khuwaylid Ibn ‘Umar al-Khuza‘i
(RA): “Ang Propeta (SAS) ay nagsabi: ‘O Alláh, tunay na
ituturing kong nagkakasala [ang lumalabag] sa dalawang
mahihina: ang ulila at ang babae.”
Mga Aral
1. Ang babala laban sa pagkain sa ari-arian ng ulila nang
wala sa katuwiran.
2. Na ito ay kabilang sa mga malalaking nakapapahamak
na kasalanan.
14 Ang paggamit o pagtanggap ng patubo sa pautang.
Mga Pang-araw-araw na Aralin
51
33. Ang Tao at Kasama ng Kanyang Iniibig
Ayon kay Anas Ibn Málik (RA): “May isang Arabeng
disyerto na nagsabi sa Sugo ni Alláh: Kailan ang Araw ng
paghuhukom? Nagsabi rito ang Sugo ni Alláh: Ano ang
inihanda mo para roon? Nagsabi ito: ‘Ang pag-ibig kay
Alláh at sa Sugo Niya.’ Nagsabi siya: Ang tao ay kasama
ng kanyang iniibig.” Iniulat ni Imám Muslim.
Ayon sa sinabi ni ‘Abdulláh Ibn Mas‘úd (RA): “May
isang lalaking nagpunta sa Sugo ni Alláh (SAS) at nagsabi:
O Sugo ni Alláh, paano po ang tingin mo sa isang taong
nagmamahal sa mga tao subalit hindi pa siya umabot sa gaya
ng ginagawa nila?’ Nagsabi ang Sugo ni Alláh (SAS): Ang
tao ay kasama ng iniibig niya.” Iniulat ni Imám Muslim.
Ayon kay Abú Hurayrah: “Ang Sugo ni Alláh (SAS)
ay nagsabi: Ang mga kaluluwa ay mga hukbong ipinangkat,
kaya ang nagkasang-ayunan sa mga ito ay nagbubuklod
at ang mga nagkasalungatan ay nagkakaiba.” Iniulat ni
Imám Muslim.
Mga Aral
1. Ang kainaman ng pagmamahal sa mga taong matutuwid,
at na ito ay isand dahila ng pagiging mga kasama nila sa
Paraiso, kahit man kaunti ang nagawang mabuti.
2. Ang panganib na dulot ng pag-ibig sa mga tumatangging
sumampalataya at mga suwail.
3. Na ang sinumang umibig sa isang pangkat ng mga tao,
siya ay mapabibilang sa kanila sa Araw ng Pagkabuhay.
Mga Pang-araw-araw na Aralin
52
34. Ang Kahatulan sa Paggawa ng Larawan at sa
mga Larawan
Ayon sa sinabi ni Abú Talhah (RA): “Nagsabi ang
Sugo ni Alláh (SAS): Hindi pumapasok ang mga anghel
sa bahay na sa loob nito ay may aso ni larawan.” Iniulat
nina Imám al-Bukhárí at Imám Muslim.
Ayon sa sinabi ni ‘Abdulláh Ibn Mas‘úd (RA): “Narinig
ko ang Sugo ni Alláh (SAS) na nagsasabi: Tunay ang mga
taong may pinakamatinding pagdurusa mula kay Alláh
sa Araw ng Pagkabuhay na muli ay ang mga gumagawa
ng larawan.” Iniulat nina Imám al-Bukhárí at Imám Muslim.
Ayon kay ‘Á’ishah (RA), siya ay bumili ng almuhadon15
na may mga larawan. Nang makita ito ng Sugo ni Alláh
(SAS) ay tumayo ito sa pinto at hindi pumasok. Nalaman
niya sa mukha niyon ang pagksuklam. Nagsabi ito: “Sinabi
ko: O Sugo ni Alláh, nagsisisi ako kay Alláh at sa Sugo
Niya; anong pagkakasala ang nagawa ko? Nagsabi siya: Ano
ang katuturan ng almohadon na tio? Nagsabi ito: Binili ko
ito upang upuan mo ito at upang ipang-unan mo ito. Nagsabi
ang Sugo ni Alláh (SAS): Tunay na ang mga may gawa ng
mga larawang ito ay pagdurusahin sa araw ng pagkabuhay
at sasabihin sa kanila: ‘Buhayin ninyo ang anumang
nilikha ninyo.’ Sinabi pa niya: Tunay na ang bahay ng
ang loob nito ay may mga larawan ay hindi pinapasok
ng mga anghel.” Iniulat nina Imám al-Bukhárí at Imám
Muslim.
15 Maliit na unan na inupuan o sinasandigan.
Mga Pang-araw-araw na Aralin
53
Mga Aral
1. Ang pagbabawal ng paggawa ng larawan at na ito ay
kabilang sa mga malaking kasalanan.
2. Na ang mga anghel ay hindi pumapasok sa bahay na ang
loob nito ay may larawan.
3. Na ang mga gumagawa ng mga larawan ay ang mga
taong magkakamit ng pinakamatinding pagdurusa sa Araw
ng Pagkabuhay.
35. Ang Panaginip: Ang Kabutihan Nito at ang
Babala Laban sa Pagsisinungaling Tungkol Dito
Ayon sa sinabi ni Abú Hurayrah (RA): “Narinig ko
ang Sugo ni Alláh (SAS) na nagsasabi: Wala nang natira
sa pagkapropeta maliban pa sa mga tagapaghatid ng
nakalulugod na balita. Nagsabi sila: At ano po naman ang
mga tagapaghatid ng nakalulugod na balita? Nagsabi
siya: Ang mabuting panaginip.”
Ayon sa sinabi ni Abú Qatádah (RA): “Narinig ko ang
Sugo ni Alláh (SAS) na nagsasabi: Ang mabuting panaginip
ay mula kay Alláh at ang masamang panaginip ay mula
kay Satanas. Kapag nanaginip ang sinuman sa inyo ng
bagay na kinasusuklaman niya ay dumura siya sa kaliwa
niya nang tatlong ulit at magpakupkop kay Alláh laban
sa masamang dulot nito at hindi na siya mapipinsala nito.”
Iniulat nina Imám al-Bukahri at Imám Muslim.
Ayon kay Ibn ‘Abbás, ang Propeta (SAS) ay nagsabi:
“Ang sinumang magpanggap na nanaginip ng isang
panaginip na hindi niyan naman nakita ay aatasang
Mga Pang-araw-araw na Aralin
54
pagbuhulin niya ang dalawang butil ng barley at hindi
niya magagawa [iyon].” Iniulat ni Imám al-Bukhárí.
Mga Aral
1. Malaki ang kahalagahan ng mabuting panaginip yamang
ito ay kabilang sa mga tagapagparating ng nakalulugod na
balita at isang bahagi ng pagkapropeta.
2. Ang mabuting panaginip ay mula kay Alláh samantalang
ang masamang panaginip ay mula kay Satanas.
3. Matindi ang parusa sa nagsisinungaling sa pagsasalaysay
ng panaginip niya.
36. Ang mga Alituntunin at ang mga Sunnah Hinggil
sa Panaginip
Ayon sa sinabi ni Abú Qatádah (RA): “Narinig ko ang
Sugo ni Alláh (SAS) na nagsasabi: Ang mabuting panaginip
ay mula kay Alláh at ang masamang panaginip ay mula
kay Satanas. Kapag nanaginip ang sinuman sa inyo ng
bagay na kinasusuklaman niya ay dumura siya sa kaliwa
niya nang tatlong ulit at magpakupkop kay Alláh laban
sa masamang dulot nito at hindi na siya mapipinsala nito.”
Iniulat nina Imám al-Bukahri at Imám Muslim. Dinagdagan
naman ng ganito sa isa pang sanaysay: “Ibahin niya ang
tagiliran niyang dati niyang hinihigaan.”
Ayon kay Abú Sa‘id al-Khudrí (RA), narinig niya ang
Sugo ni Alláh (SAS) na nagsasabi: “Kapag nakakita ang
sinuman sa inyo ng panaginip na naiibigan niya, ito ay
nagmula lamang kay Alláh; magpuri siya kay Alláh dahil
dito at ipagsabi niya ito. Kapag nakakita naman ng hindi
Mga Pang-araw-araw na Aralin
55
ganoon na kinasusuklaman niya, iyon ay nagmula lamang
kay Satanas; magpakupkop siya kay Alláh laban sa masama
na dulot nito at huwag niyang banggitin ito sa kaninuman,
at ito ay hindi makapinsala sa kanya.” Iniulat ni Imám
al-Bukhárí.
Ayon sa sinabi ni Jábir (RA): “Narinig ko ang Sugo ni
Alláh (SAS) na nangangaral na nagsabi: Huwag ngang
ipagsabi ng sinuman sa inyo ang tungkol sa paglalaro
sa kanya ni Satanas sa kanyang panaginip.”
Mga Aral
1. Kapag nakakita ang isang Muslim sa panaginip niya ng
hindi niya naibigan ay dumura siya (nang walang kasamang
laway) sa kaliwa niya nang tatlong ulit at magpakupkop siya
kay Alláh (magsabi ng a‘údhu billáhi minash shaytánir
rajím) laban masamang dulot nito at humiga siya sa ibang
tagiliran niya.
2. Kapag nakakita ang isang Muslim ng panaginip na hindi
niya naibigan ay huwag niyang ipagsabi iyon sa kaninuman
nang hindi iyon makapinsala sa kanya.
3. Kailangang hindi ipamalita ng isang Muslim ang nakita
niyang magulong panaginip na walang iba kundi paglalarao
sa kanya ni Satanas.
37. Ang Pagtugon sa Paanyaya
Ayon kay Abú Hurayrah (RA), ang Sugo ni Alláh (SAS)
ay nagsabi: “Ang tungkulin ng isang Muslim sa kapwa
Muslim ay lima: ang pagtugon sa pagbati [nito], ang
pagdalaw sa may-sakit, ang pagdalo sa libing [nito], ang
Mga Pang-araw-araw na Aralin
56
pagpapaunlak sa paanyaya [nito] at ang pagsabi ng
yarhamukalláh (kaawaan ka ni Alláh) sa bumahin.”
Ayon sa sinabi ni Ibn ‘Umar: “Nagsabi ang Sugo ni
Alllah (SAS): Kapag inanyayahan ang sinuman sa inyo
sa piging ay daluhan niya iyon.” Iniulat ni Imám Muslim.
Ayon sa sinabi ni Jábir (RA): “Nagsabi ang Sugo ni
Alláh (SAS): Kapag inanyayahan ang sinuman sa inyo sa
pagkain ay tumugon; maaari siyang kumain at maaari
ring hindi niya galawin.” Iniulat ni Imám Muslim.
Ayon kay Abú Hurayrah (RA), ang Sugo (SAS) ay
nagsabi: “Kaaba-abang pagkain ang pagkain sa piging na
inanyayahan doon ang mga mayaman at isinantabi ang
mga dukha. Ang sinumang hindi pumunta sa paanyaya
ay sumuway kay Alláh at sa Kanyang Sugo.” Iniulat ni
Imám Muslim.
Mga Aral
1. Ipinag-uutos na tugunin ang paanyaya sa piging.
2. Ang pagtugon sa paanyaya ay ilan sa tungkulin ng isang
Muslim sa kapuwa niya Muslim.
3. Ang pagpapaunlak sa paanyaya ay hindi nag-oobligang
kumain ng pagkain.
38. Ang mga Kaasalan sa Paghingi ng Pahintulot
Sinabi ni Alláh (24:27): “O mga sumampalataya,
huwag kayong pumasok sa mga bahay na hindi ninyo
bahay hanggang hindi kayo humihingi ng pahintulot
at bumabati sa nakatira roon.”
Sinabi pa Niya (24:59): “Kapag sumapit na ang mga
bata sa inyo sa kasapatang gulang ay humingi rin sila ng
Mga Pang-araw-araw na Aralin
57
paalam gaya ng paghingi ng paalam ng mga matanda
sa kanila.”
Ayon sa sinabi ni Jábir (SAS): “Pumunta ako sa Propeta
dahil sa utang ng aking ama. Kinatok ko ang pinto at nagsabi
siya: Sino iyan? Sinabi ko naman: Ako! Nagsabi naman
siya: Ako! Ako! Para siyang nainis doon [sa sinabi ko].”
Iniulat nina Imám al-Bukhárí at Imám Muslim.
Ayon sa sinabi ni Sahl Ibn Sa‘d (RA): “Nagsabi ang
Sugo ni Alláh (SAS): Ginagawa lamang ang paghingi
ng paalam dahil sa makikita [na hindi dapat makita.]”
Iniulat nina Imám al-Bukrari at Imám Muslim.
Ayon sa sinabi ni Kaldah Ibn al-Hanbal: “Pumunta ako
sa Propeta (SAS) at pumasok ako sa kinaroroonan niya at
hindi ako bumati sa kanya kaya nagsabi ang Propeta (SAS):
Bumalik ka at magsabi ng: Assálamu ‘Alaykum at saka
ka pumasok.” Iniulat nina Imám Abú Dáwúd at Imám at-
Tirmidhí.
Ayon sa sinabi ni Abú Músá al-Ash‘arí (RA): “Nagsabi
sa akin ang Sugo ni Alláh (SAS): Kapag humingi ng
pahintulot ang sinuman sa inyo nang tatlong ulit at
hindi siya pinahintulutan ay umuwi na siya.” Iniulat nina
Imám al-Bukhárí at Imám Muslim.
Mga Aral
1. Ipinag-uutos na magpaalam bago pumasok sa ibang bahay.
2. Sunnah na kapag tinanong ang humihingi ng pahintulot
kung sino siya ay ang sabihin niya ang pangalan niya at
huwag siyang magsabing: Ako.
Mga Pang-araw-araw na Aralin
58
3. Ang paghingi ng pahintulot ay hanggang tatlong ulit
lamang; kapag pinahintulutan siya ay pumasok siya at kung
hindi naman ay umuwi.
39. Ang Tungkuling Mag-ingat sa mga Kaguluhang
Ihinahasik ni Satanas sa mga Muslim
Sinabi ni Alláh (17:53): “Sabihin mo sa mga lingkod
Ko na sabihin nila ang lalong mabuti. Tunay na ang
Demonyo ay naghahasik ng pagkamuhi sa pagitan nila.”
Ayon sa sinabi ni Jábir (RA): “Narinig ko ang Sugo ni
Alláh na nagsasabi: Tunay na ang Demonyo ay nawalan
na ng pag-asa na sasambahin pa siya ng mga nagdarasal
sa Tangway16 ng Arabia, subalit patuloy pa rin siya sa
pagnunulsol sa kanila.” Iniulat ni Imám Muslim.
Ayon sa sinabi ni Jábir (RA): “Narinig ko ang Sugo ni
Alláh (SAS) na nagsasabi: Tunay na ang trono ni Satanas
ay nasa ibabaw ng dagat. Isinusugo niya ang mga kampon
niya upang maghasik ng kaguluhan sa mga tao. Ang
pinakadakila sa mga ito para sa kanya ay ang pinakamalaki
sa kanila sa paggawa ng kaguluhan.” Iniulat ni Imám
Muslim.
Ayon sa sinabi ni ‘Abdulláh Ibn Mas‘úd (RA): “Nagsabi
ang Sugo ni Alláh (SAS): Wala sa inyo ni isa man na hindi
tinalagaan ng kasa-kasamang jinn. Nagsabi sila: Ikaw rin
ba, o Sugo ni Alláh? Nagsabi siya: At pati ako rin; kaya
nga lamang tinulangan ako ni Alláh laban dito kaya
yumakap ito sa Islam kaya wala itong inuudyok sa akin
kung hindi mabuti.” Iniulat ni Imám Muslim.
16 Isang kalupaang halos napaliligiran ng tubig ngunit nakadugtong sa isang
malaking kalupaan, gaya ng Kabikolan at Italia.
Mga Pang-araw-araw na Aralin
59
Mga Aral
1. Ang pagbibigay diin sa pagkamuhi ni Satanas sa mga
Mananampalataya.
2. Kailangang mag-ingat sa mga kaguluhang nagaganap sa
pagitan ng mga tao at magsikap na sugpuin ang mga ito
dahil ang mga ito ay kabilang sa mga gawain ni Satanas.
40. Ang Pagtatalusira17 at ang Babala Laban Doon
Sinabi ni Alláh (5:1): “O mga sumampalataya, tuparin
ninyo ang mga kasunduan.”
Sinabi Niya (17:34): “Tuparin ninyo ang kasunduan;
tunay na ang kasunduan ay laging pinananagutan.”
Ayon kay ‘Abdulláh Ibn ‘Amr (RA): “Ang Propeta
(SAS) ay nagsabi: May apat [na katangian] na ang sino
mang nasa kanya ang mga ito ay magiging ganap na
mapagkunwari; at ang sinumang nasa kanya ang isang
katangian sa mga ito ay magiging nasa kanya ang isang
katangian ng pagkamapagkunwari maliban kung iiwan
niya ito: kapag pinagkatiwalaan siya ay nagtataksil siya;
kapag nagsalita siya ay nagsisinungaling siya; kapag
nangako siya ay nagtatalusira siya; at kapag nakipagtalo
siya ay nagsasalita siya nang marahas.” Iniulat nina Imám
al-Bukhárí at Imám Muslim.
Ayon sa sinabi ni Ibn Mas‘úd (RA): “Nagsabi ang
Propeta (SAS): Ang bawat nagtatalusira ay may watawat
sa araw ng Pagkabuhay na muli, at sasabihin: Ito ang
17 Sumisira sa pangako.
Mga Pang-araw-araw na Aralin
60
pagtatalusira ni Polano.” Iniulat nina Imám al-Bukhárí
at Imám Muslim.
Ang mga Aral
1. Ang pagbabawal sa pagtatalusira at ang babala laban dito.
2. Na ito ay kabilang sa mga katangian ng mga Munáfiq
(Mapagpanggap) .
3. Ang pagbubunyag sa nagtatalusira sa araw ng pagkabuhay
dahil sa kasagwaan ng kanyang ginawa.
41. Ang Pandaraya at ang Babala Laban Dito
Ayon kay Abú Hurayrah (RA): “Ang Sugo ni Alláh
(SAS) ay napadaan sa isang tumpok ng makakain. Ipinasok
niyo rito ang kamay niya at nabasa ang mga daliri niya. Kaya
nagsabi siya: Ano ito, may-ari ng pagkain? Nagsabi iyon:
Nabasa ito ng ulan, Sugo ni Alláh. Nagsabi siya: At bakit
hindi mo ito inilagay sa ibabaw ng makakain upang makita
ito ng mga tao. Ang sinumang nandaraya sa atin ay hindi
kabilang sa atin.” Iniulat ni Imám Muslim.
Ayon sa sinabi ni Abú Hurayrah (RA): “Nagsabi ang
Sugo ni Alláh (SAS): Ang sinumang humahawak ng
sandata laban sa atin ay hindi kabilang sa atin; at ang
sinumang nandaraya sa atin ay hindi kabilang sa atin.”
Iniulat ni Imám Muslim.
Ayon kay Tamím Ibn Aws ad-Dárí (RA): “Ang Propeta
ay nagsabi: Ang Relihiyon ay ang katapatan. Sinabi namin:
Kaninu, Sugo ni Alláh? Sinabi niya: Kay Alláh, sa Aklat
Niya, sa Sugo Niya, sa mga pinuno ng mga Muslim, at
sa kabuuan nila.” Iniulat ni Imám Muslim.
Mga Pang-araw-araw na Aralin
61
Mga Aral
1. Ang pagbabawal ng pandadaya at na ito ay kabilang sa
mga malaking kasalanan.
2. Ang tungkuling maging tapat sa mga kapwa Muslim at
maghangad ng kabutihan para sa kanila.
42. Ang Pagbabawal na Magalit at ang Sinasabi at
ang Ginagawa Kapag Nagalit
Ayon kay Abú Hurayrah (RA): “May lalaking nagsabi
sa Propeta (SAS): Tagubilinan mo po ako. Nagsabi siya:
Huwag kang magalit. At inulit-ulit nito [ang hiling na] iyon,
[at sa tuwina ay] nagsasabi siya: Huwag kang magalit.”
Iniulat ni Imám al-Bukhárí.
Ayon sa sinabi ni Abú Hurayrah (RA): “Nagsabi ang
Sugo ni Alláh (SAS): ‘Ang malakas ay hindi sa pananaig
ng lakas, datapuwat ang malakas ay ang nakapagpipigil ng
sarili niya sa sandali ng galit.” Iniulat nina Imám al-Bukhárí
at Imám Muslim.
Ayon kay Abú Dharr (RA): “Ang Sugo ni Alláh (SAS)
ay nagsabi: ‘Kapag nagalit ang sinuman sa inyo habang
siya ay nakatayo ay maupo siya. At kung umalis ang galit
sa kanya [ay sapat na iyon], at kung hindi pa ay mahiga
siya.” Iniulat ni Imám Abú Dáwúd.
Ayon sa sinabi ni Sulayman Ibn Surad (RA): “May
naglaitan na dalawang lalaki sa harap ng Propeta (SAS)
samantalang kami ay nakaupo sa tabi niya. Ang isa sa kanila
ay nanglalait sa kasama nito, na galit na galit na namumula
ang mukha nito. Kaya nagsabi ang Propeta (SAS): Tunay
Mga Pang-araw-araw na Aralin
62
na ako ay talagang may nalalamang salita na kung
sasabihin lamang niya iyon ay talagang aalis sa kanya
ang ikinagagalit niya: A‘údhu billáhi minash shaytánir
rajím.18” Iniulat nina Imám al-Bukhárí at Imám Muslim.
Ang mga Aral:
1. Ang tagubilin ng Sugo ni Alláh (SAS) na iwasan ang galit
at ang pagpupuri niya sa nagpipigil ng sarili niya sa sandali
ng galit.
2. Ang patnubay sa nagagalit samantalang siya ay nakatayo
ay maupo siya; sapat na iyon kung naalis na sa kanya ang
galit niya at kung hindi naman ay mahiga siya.
3. Ang patnubay ng Sugo (SAS) na ang sinumang nagagalit
ay magpakupkop kay Alláh sa pamamagitan ng pagsabi ng:
A‘údhu billáhi minash shaytánir rajím.
43. Ang Pagdalaw sa mga Libingan
Ayon sa sinabi ni Sulaymán Ibn Buraydah (RA):
“Nagsabi ang Sugo ni Alláh (SAS): Ako noon ay nagbawal
sa inyo sa pagdalaw sa mga libingan ngunit ngayon ay
dalawin na ninyo ang mga ito.” Iniulat ni Imám Muslim.
Nagdagdag si Imám at-Tirmidhí sa kanyang tala ng ganito:
“Sapagkat ang mga ito ay nagpapaalaala sa inyo hniggil
sa Kabilang-buhay.”
Ayon pa rin sa sinabi ni Sulaiman Ibn Buraydah (RA):
“Ang Propeta (SAS) ay nagtuturo noon sa kanila, kapag
nagsadya sila sa mga libingan, na magsabi ang bawat isa sa
18 Nagpapakupkop ako kay Alláh laban sa Demonyo na isinumpa.
Mga Pang-araw-araw na Aralin
63
kanila: Assalámu ‘alaykum ahlad diyári minal mu’minína
wal muslimína, wa inná in shá’Alláhu bikum láhiqún,
as’alulláha laná wa lakumul ‘áfiyah.19” Iniulat ni Imám
Muslim.
Ayon sa sinabi ni Abú Marthad (RA): “Narinig ko ang
Sugo ni Alláh (SAS) na nagsasabi: Huwag kayong magdasal
sa harap ng mga libingan at huwag ninyong upuan ang
mga iyon.” Iniulat ni Imám Muslim.
Ayon sa sinabi ni Abú Hurayrah (RA): “Nagsabi ang
Sugo ni Alláh (SAS): Ang maupo ang isa sa inyo sa baga
kaya sinusunog na nito ang damit niya at aabot na ito sa
balat niya ay mainam para sa kanya kaysa sa maupo siya
sa puntod.” Iniulat ni Imám Muslim.
Ang mga Aral
1. Kanais-nais na dalawain ang mga libingan sapagkat ang
mga ito ay nagpapaalaala sa Kabilang-buhay.
2. Kanais-nais ang bumati kapag papasok sa libingan ng
pagbating itinuro ng Sugo (SAS).
3. Ipinagbabawal ang magsagawa ng saláh na nakaharap
sa mga puntod sapagkat ito ay nagsisilbing daan patungo
sa pagsamba sa mga ito.
4. Ipinagbabawal ang pag-upo sa ibabaw ng mga puntod.
19 Ang kapayapaan ay sumainyo, mga mamayan ng lungsod, na kabilang
sa mga Mananampalataya at mga Muslim. Tunay na kung loloobin ni
Alláh, sa inyo ay susunod na kami. Hinihiling ko kay Alláh para sa amin
at para sa inyo ang kabutihan.
Mga Pang-araw-araw na Aralin
64
44. Ang Pagbabawal sa Pag-inom ng Alak
Sinabi ni Alláh (5:90): “O mga sumampalataya, ang
alak, ang sugal, ang pag-aalay sa mga altar at ang
pagsangguni sa mga palaso ay karumalan lamang na
kabilang sa gawain ni Satanas, kaya iwasan ninyo ang
mga ito nang harinawa’y magtagumpay kayo.”
Ayon sa sinabi ni Ibn ‘Umar (RA): “Nagsabi ang Sugo
ni Alláh (SAS): Ang bawat nakalalasing ay alak at ang
bawat alak ay haram. Ang sinumang uminom ng alak
sa Mundo at namatay habang siya ay nagpakasugapa
na sa alak at hindi nagsisi, hindi na niya maiinom ito
sa Kabilang-buhay.” Iniulat ni Imám Muslim.
Ayon sa sinabi ni Jábir (RA): “Nagsabika ang Sugo ni
Alláh (SAS): Ang bawat nakalalasing ay haram. Tunay na
may pangako si Alláh na talaga namang ang sinumang
uminom ng nakalalasing ay papainumin Niya ng tínatul
khabál. Nagsabi sila: O Sugo ni Alláh, at ano po naman
ang tínatul khabál? Sinabi niya: Pawis ng mga mananahan
sa Apoy o katas ng mga mananahan sa Apoy.” Iniulat ni
Imám Muslim.
Ayon kay Tariq Ibn Suwayd (RA): “Tinanong nito ang
Propeta tungkol sa alak. Ipinagbawal niya iyon. Kaya sinabi
nito: Ginagawa ko lamang ito bilang gamot. Nagsabi siya:
Tunay na iyon ay hindi gamot, datapuwa’t iyon ay sakit.”
Iniulat ni Imám Muslim.
Ayon sa sinabi ni ‘Abdulláh Ibn ‘Umar: “Nagsabi ang
Sugo ni Alláh (SAS): Ang sinumang uminon ng alak sa
Mundo, hindi tatanggapin ni Alláh sa kanya ang anumang
Mga Pang-araw-araw na Aralin
65
saláh sa loob ng apatnapung araw. Kung magsisisi siya,
tatanggapin ni Alláh ang pagsisisi niya. Kung manumbalik
siya [sa pag-inom], hindi tatanggapin ni Alláh sa kanya
ang anumang saláh sa loob ng apatnapung araw. Kung
magsisisi na naman siya, tatanggapin na naman ni Alláh
ang pagsisisi niya. Kung manumbalik na naman siya [sa
pag-inom], hindi na naman tatanggapin ni Alláh sa kanya
ang anumang saláh sa loob ng apatnapung araw. Kung
magsisisi na naman siya, tatanggapin na naman ni Alláh
ang pagsisisi niya. Kung manumbalik na naman siya [sa
pag-inom] sa ikaapat [na pagkakataon], hindi na naman
tatanggapin ni Alláh sa kanya ang anumang saláh sa loob
ng apatnapung araw. Kung magsisisi na naman siya, hindi
na tatanggapin ni Alláh ang pagsisisiniya at paiinumin
Nito siya ng buhat sa ilog ng Khabal.” Iniulat ni Imám
at-Tirmidhí.
Ang mga Aral
1. Ang pagbabawal sa pag-inom ng alak.
2. Ang matinding banta laban sa pag-inom nito.
3. Na ito ay sakit at hindi gamot.
45. Ang Pagbabanta Laban sa Pakikipagtalo,
Pakikipangatuwiran at Pakikipagtungali
Ayon sa sinabi ni Abú Umámah (RA): “Nagsabi ang
Sugo ni Alláh (SAS): Walang naligaw na mga tao matapos
magkaroon ng patnubay na nasa kanila kung hindi sila
binigyan ng mapagtatalunan. Pagkatapos ay bumigkas siya
[ng talata ng Qur’án (43:58)]: Hindi sila naghahalimbawa
Mga Pang-araw-araw na Aralin
66
nito para sa iyo kundi bilang pakikipagtalo.” Iniulat ni
Imám at-Tirmidhí.
Ayon sa sinabi ni ‘Á’ishah (RA): “Nagsabi ang Sugo
ni Alláh (SAS): Tunay na ang kasuklam-suklam sa mga
tao para kay Alláh ay ang napakapalaaway sa katunggali.”
Iniulat nina Imám al-Bukhárí at Imám Muslim.
Ayon sa sinabi ni Abú Umámah (RA): “Nagsabi ang
Sugo ni Alláh (SAS): Ako ay gumagarantiya ng isang bahay
sa kanugnog ng Paraiso para sa sinumang umayaw sa
pakikipangatuwiran kahit pa man siya ay nasa totoo, ng
isang bahay sa gitna ng Paraiso para sa sinumang umayaw
sa pagsisinungaling kahit pa siya ay nagbibiro lamang,
at isang bahay sa kataas-taasan ng Parasio para sa sino
mang maganda ang kaasalan niya.” Iniulat ni Abú Dáwúd.
Ayon kay Jábir (RA): “Ang Sugo ni Alláh (SAS) ay
nagsabi: Tunay na ang pinakainiibig ko sa inyo at ang
pinakamalapit sa inyo mula sa akin sa upuan sa araw ng
pagkabuhay ay ang mga napakaganda sa inyo sa mga
kaasalan; at ang kasuklam-suklam sa inyo para sa akin
at napakalayo sa inyo sa akin sa araw ng Pagkabuhay ay
ang mga madaldal, ang mga mapangalandakan, at ang
mga mapagmayabang. Nagsabi sila: O Sugo ni Alláh,
nalaman na namin [kung ano] ang mga madaldal at ang mga
mapangalandakan ngunit ano ang mga mapagmayabang?
Sinabi niya: Ang mga mapagmalaki.” Iniulat ni at-Tirmidhí.
Mga Aral
1. Ang paghihikayat na ayawan ang pakikipagtalo maliban
na lamang kung makabubuti at sa paraang pinakamaganda.
2. Ang pagbabala sa matinding pakikipagtungali.
3. Na ang paglaganap ng pagtatalo ay tanda ng pagkaligaw.
Mga Pang-araw-araw na Aralin
67
4. Ang pagsuklam ng Sugo (SAS) sa mga madaldal at mga
mapagmayabang sa mga tao kapag nagsasalita, ang pagiging
malayo nila sa kanya sa araw ng Pagkabuhay na muli.
46. Ang Kainaman ng Pagtatanim at Pagsasaka
Ayon kay Jábir (RA): “Ang Sugo ni Alláh ay dumalaw
kay Umm Mubashshir al-Ansaríyah sa pataniman nito ng
datiles at nagsabi rito: Sino ang nagtanim ng mga punong
datiles na ito: Muslim ba o Káfir? Nagsabi nito: Manapa’y
Muslim. Nagsabi siya: Walang itinatanim ang isang taong
Muslim na pananim at wala siyang sinasakang sakahan
at pagkatapos ay nakakain mula rito ang isang tao o ang
isang hayop o anupaman nang hindi iyon nagsisilbing
kawanggawa na mula sa kanya.” Iniulat ni Imám Muslim.
Ayon sa sinabi ni Jábir (RA): “Nagsabi ang Sugo ni
Alláh (SAS): Ang isang Muslim na nagtanim ng isang
pananim, ang anumang kinain mula roon ay kawanggawa
mula sa kanya, ang anumang ninakaw buhat doon ay
kawanggawa mula sa kanya, ang anumang kinain ng
hayop buhat doon ay kawanggawa mula sa kanya, ang
anumang kainin ng ibon buhat doon ay kawanggawa
mula sa kanya, at walang ibabawas doon ang sinuman
nang hindi iyon nagiging kawanggawa mula sa kanya.”
Iniulat ni Imám Muslim.
Mga Aral
1. Ang kabutihan ng pagtatanim at pagsasaka.
2. Na ang anumang kinain ng mga hayop at tao mula sa
pananim at sinaka ay magiging kawanggawa mula sa kanya.
Mga Pang-araw-araw na Aralin
68
47. Ilan sa mga Alituntunin ng Pagtitinda at Pagbili
Ayon kay Abú Hurayrah (RA): “Ang Sugo ni Alláh
(SAS) ay napadaan sa isang tumpok ng makakain. Ipinasok
niyo rito ang kamay niya at nabasa ang mga daliri niya. Kaya
nagsabi siya: Ano ito, may-ari ng pagkain? Nagsabi iyon:
Nabasa ito ng ulan, Sugo ni Alláh. Nagsabi siya: At bakit
hindi mo ito inilagay sa ibabaw ng makakain upang makita
ito ng mga tao. Ang sinumang nandaraya sa atin ay hindi
kabilang sa atin.” Iniulat ni Imám Muslim.
Ayon kay Hákim Ibn Hizám (RA), ang Propeta (SAS)
ay nagsabi: “Ang bumibili’t nagbibili ay may kalayaang
iurong ang bilihan hangga’t hindi pa sila naghihiwalay.
Kung kapwa sila nagsabi ng totoo at nagpahayag, kapwa
sila bibiyayaan sa pagbibilihan nila; at kung kapwa sila
nagsinungaling at naglihim sa katotohanan, mapapawi
ang biyaya ng pagbibilihan nila.” Iniulat ni Imám Muslim.
Ang Pagbabawal sa Panunumpa sa Pagbibilihan:
Ayon sa sinabi ni Abú Hurayrah (RA): “Narinig ko
ang Sugo ni Alláh na nagsasabi: Ang panunumapa ay
panghalina upang mabili ang paninda ngunit pampawi
ng biyaya.” Iniulat ni Imám Muslim.
Ayon kay Abú Qatádah, narinig niya ang Sugo ni Alláh
(SAS) na nagsasabi: “Mag-ingat kayo sa madalas na
panunumpa dahil ito ay humahalina upang mabili at
pagkatapos ay pumapawi [ng biyaya].”
Mga Pang-araw-araw na Aralin
69
Mga Aral
1. Ang pagbabawal sa pandaraya sa pagtitinda at pagbili at
na ito ay kabilang sa mga malalaking kasalanan.
2. Ang pagtitibay na malaya ang nagtitinda at bumibili na
isauli ang paninda hangga’t hindi sila nagkakahiwalay.
3. Ang panunumpa sa panunumpa sa pagtitinda at na ito ay
pumapawi sa biyaya ng pangangalakal.
48. Ang Pagbabawal sa Madalas na Pagtawa
Ayon sa sinabi ni Abú Hurayrah (RA): “Nagsabi ang
Sugo ni Alláh (SAS): Huwag ninyong dalasan ang pagtawa
dahil ang madalas na pagtawa ay pumapatay sa puso.”
Iniulat ni Imám Ahmad.
Ayon sa sinabi ni ‘Á’ishah (RA): “Hindi ko nakita ang
Propeta na labis-labis na tumatawa para makita ko sa kanya
ang titilaukan niya; ngumingiti lamang siya noon.” Iniulat
ni Imám al-Bukhárí.
Ayon sa sinabi ni Abú Dharr: “Nagsabi ang Sugo ni
Alláh (SAS): Ang pagngiti mo sa harap ng kapatid mo
ay isang kawanggawa mula sa iyo; ang pagtatagubilin
mo sa kabutihan at ang pagsaway mo sa masama ay
isang kawanggawa; ang paggabay mo sa isang tao na
nasa lupain ng pagkaligaw ay isang kawanggawa mula
sa iyo; ang pag-akay mo sa tao na mahina ang paningin
ay isang kawanggawa mula sa iyo; ang pag-aalis mo ng
mga tinik at mga bato sa daanan ay isang kawanggawa
mula sa iyo; ang pagbubuhos mo mula sa timba sa timba
ng kapatid mo ay isang kawanggawa mula sa iyo.”
Iniulat ni Imám at-Tirmidhí.
Mga Pang-araw-araw na Aralin
70
Mga Aral
1. Ang pagsaway sa madalas na pagtawa.
2. Na ito ay isang dahilan ng pagkamatay ng puso.
3. Na ito ay hindi bahagi ng patnubay ng Propeta (SAS).
49. Ang Pagsaway sa Sinungaling na Panunumpa
Ayon kay ‘Abdulláh Ibn Mas‘úd: “Ang Propeta (SAS)
ay nagsabi: Ang sinumang gumawa ng sinungaling na
panunumpa upang mangamkam sa pamamagitan nito
ng ari-arian ng isang taong Muslim, makatatagpo niya
si Alláh na galit na galit sa kanya. Pagkatapos ay ibinaba
ni Alláh ang pagpapatotoo nito (3:77): Tunay na ang mga
nagpapalit ng taimtim na pangako kay Alláh at ng mga
sinumpaan nila sa kaunting halaga ay ang mga iyon ang
walang bahagi sa Kabilang-buhay; hindi sila kakausapin
ni Alláh, hindi Niya sila titingnan sa Araw ng Pagkabuhay,
hindi Niya sila lilinisin sa kasalan at magkakamit sila
ng masakit na pagdurusa.” Iniulat nina Imám al-Bukhárí
at Imám Muslim.
Ayon kay Abú Umámah (RA): “Ang Sugo ni Alláh
(SAS) ay nagsabi: Ang sinumang mangamkam ng karapatan
ng isang taong Muslim sa pamamagitan ng [sinungaling
na] panunumpa niya ay ipapataw ni Alláh sa kanya ang
Impiyerno at ipagkakait Nito sa kanya ang Paraiso. May
isang lalaking nagsabi: Kahit pa man isang maliit na bagay,
o Sugo ni Alláh? Nagsabi siya: Kahit pa man isang patpat
na mula sa [punong] Arak.” Iniulat ni Imám Muslim.
Ayon kay ‘Abdulláh Ibn ‘Umar (RA): “Ang Propeta
(SAS) ay nagsabi: Ang mga malalaking kasalanan ay ang
pagtatambal kay Alláh, ang pagsuway sa mga magulang,
Mga Pang-araw-araw na Aralin
71
ang pagpatay ng tao, at ang panunumapang ghamús.20
Iniulat ni Imám al-Bukhárí. Sa isang sanaysay naman may
isang Badawi na pumunta sa Propeta ni Alláh (SAS) at
nagsabi: “O Sugo ni Alláh, ano po ang mga malalaking
kasalanan? Nagsabi siya: Ang pagtatambal kay Alláh.
Nagsabi ito: Pagkatapos ay ano pa po? Nagsabi siya: Ang
mapanlinlang na panunumpa? Nagsabi naman ako: Ano
naman ang mapanlinlang na panunumpa? Nagsabi siya: Ang
panunumpang ghamús? Nagsabi siya: Ang nangangamkan
ng ari-arian ng isang taong Muslim.
Ang mga Aral
1. Ang mariing pagbabawal sa pangangamkam ng ari-arian
ng Muslim sa pamamagitan ng sinungaling na panunumpa.
2. Ang katindihan ng parusa sa sinumang gumawa niyon at
na ang panunumpa ay magluloblob sa kanya sa Impiyerno.
3. Ang tungkuling mag-ingat laban dito.
50. Ang Pagdiin sa Pagbabawal sa Panunumpa sa
Kabulaanan
Sinabi ni Alláh (22:30): “iwaksi ninyo ang pagsasabi
ng kabulaanan.”
Sinabi pa Niya (17:36): “Huwag mong sundan ang
bagay na wala kang kaalaman. Tunay na ang pandinig,
ang paningin at ang puso, lahat ng iyon ay pananagutin.”
20 Ang panunumpang ghamus ay ang mapanlinlang na panunumpa na
maglulublob sa kasalanan at pagkatapos ay sa Impiyerno sa isang taong
gumagawa ng naturang panunumapa.
Mga Pang-araw-araw na Aralin
72
Ayon sa sinabi ni Abú Bakrah (RA): “Nagsabi ang
Sugo ni Alláh (SAS): Ibig ba ninyong ipabatid ko sa inyo
ang pinakamalaki sa mga malalaking kasalanan? Nagsabi
kami: Opo, Sugo ni Alláh. Nagsabi siya: Ang pagtatambal
kay Alláh at ang pagsuway sa mga magulang. Nakasandig
siya at pagkatapos ay naupo siya at nagsabi: Mag-ingat sa
pagsabi ng kabulaanan at pagsaksi sa kabulaanan; magingat
sa pagsabi ng kabulaanan at pagsaksi sa kabulaanan!
Hindi siya tumigil sa pagsabi niyon hanggang sa nasabi ko
na hindi siya mananahimik.” Iniulat ni Imám al-Bukhárí.
Ang mga Aral
1. Ang pagdidiin sa pagbabawal sa pagsaksi sa kabulaanan.
2. Ito ay kabilang sa napakalaking mga kasalanan yamang
nagtataglay ito ng pagsisinungaling at pagwawalang-bahala
sa mga karapatan ng mga Muslim.
51. Ang Babala Laban sa Pagsumpa (Cursing)
Ayon sa sinabi ni Thábit Ibn ad-Dahhák (RA): “Sinabi ng
Sugo ni Alláh (SAS): Ang pagsumpa sa mananampalataya
ay gaya ng pagpatay sa kanya.” Iniulat nina Imám al-
Bukhárí at Imám Muslim.
Ayon kay Abú Hurayrah (RA): “Ang Sugo ni Alláh
(SAS) ay nagsabi: Hindi nararapat para sa isang matapat
na siya ay maging isang mapanumpa.” Iniulat ni Imám
Muslim.
Ayon sa sinabi ni Abú Dardá’ (RA): “Nagsabi ang Sugo
ni Alláh (SAS): Ang mga mapanumpa ay hindi magiging
mga tagapamagitan ni mga saksi sa araw ng pagkabuhayi.”
Iniulat ni Imám Muslim.
Mga Pang-araw-araw na Aralin
73
Ayon sa sinabi ni Ibn Mas‘úd (RA): “Nagsabi ang Sugo
ni Alláh (SAS): Ang sumasampalataya ay hindi mapanirangpuri
ni mapanumpa ni mahalay ni mapanlait.” Iniulat
nina Imám at-Tirmidhí.
Ayon sa sinabi ni Abú Dardá’ (RA): “Nagsabi ang Sugo
ni Alláh (SAS): Tunay na ang tao, kapag nanumpa ng
isang bagay, aakyat ang sumpa sa langit at mapipinid ang
mga pinto ng langit upang hadlangan iyon. Pagkatapos
ay babagsak iyon sa lupa at mapipinid naman ang mga
pinto nito. Pagkatapos ay dadako iyon sa kanan at kaliwa.
Kapag hindi iyon nakatagpo ng mapupuntahan ay babalik
ito sa isinumpa kung ito naman ay karapat-dapat doon
at kung hindi naman ay babalik iyon sa nagsabi niyon.”
Iniulat ni Abú Dáwúd.
Mga Aral
1. Ang babala sa pag-uukol ng sumpa sa mga Muslim.
2. Ang sumpa kapag hindi karapat-dapat sa pinag-ukulan
nito ay babalik sa nagsabi nito.
3. Ang pagsumpa ay hindi kabilang sa mga katangian ng
mga Sumasampalataya at mga Matutuwid.
52. Mga Nasasaad Kaugnay sa Tula
Sinabi ni Alláh (26:224-227): “Ang mga manunula,
sinusundan sila ng mga lumilihis. Hindi mo ba nakita
na sila sa bawat paksa ay tumatalakay at na sila ay
nagsasabi ng hindi nila ginagawa, maliban sa mga
sumampalataya at mga gumawa ng mga matuwid at mga
gumunita kay Alláh nang madalas at nanaig matapos
na labagin sila sa katarungan.”
Mga Pang-araw-araw na Aralin
74
Ayon sa sinabi ni Ubayy Ibn Ka‘b (RA): “Ang Propeta
(SAS) ay nagsabi: Tunay na mula sa tula ay may [ilang]
karunungan.” Iniulat ni Imám al-Bukhárí.
Ayon kay al-Barra’ Ibn ‘Azib (RA): “Ang Sugo ni
Alláh (SAS) ay nagsabi noong araw ng Quraydhah kay
Hassan: Tuyain mo nang patula ang mga Mushrik dahil
tunay na si [Anghel] Gabriel ay kasama mo.” Iniulat nina
Imám al-Bukhárí ay Imám Muslim.
Ayon sa sinabi ni Abú Hurayrah (RA): “Nagsabi ang
Sugo ni Alláh (RA): Na mapuno ang tiyan ng tao ng nana
hanggang sa lamunin siya nito ay mainam pa para sa
kanya kaysa sa mapuno ito ng tula.” Iniulat nina Imám
al-Bukari at Imám Muslim.
Mga Aral
1. Na may mga tulang mabuti at mayroon ding masagwa na
masama pa.
2. Ang babala laban sa madalas na pagsasaulo ng tula kaya
ang katawan ay wala nang lamang anumang paggunita
kay Alláh at mga talata ng Qur’an.
53. Ang mga Ipinagbabawal Sambitin
Ang Pagbabawal na Tawaging Káfir ang Muslim
Ayon sa sinabi ni Ibn ‘Umar (RA): “Nagsabi ang Sugo
ni Alláh (SAS): Kapag tinawag ng isang tao na Káfir ang
kapwa niya, nagindapat nga sa [katawagang] ito ang isa
sa kanilang dalawa; kaya kung iyon nga ay tulad ng sinabi
niya [walang masama sa kanya] at kung hindi naman ay
babalik [ang katawagang] ito sa kanya.” Iniulat nina Imám
al-Bukhárí at Imám Muslim.
Mga Pang-araw-araw na Aralin
