31
Nagsabi si Allah (5:44): Ang sinumang hindi humatol
ng ayon sa ibinaba ni Allah, ang mga iyon ay ang mga
tumatangging sumampalataya.
Huwag kang masuklam sa anumang aral na dumating
mula kay Allah sa pamamagitan ng Aklat Niya o
ng Sugo Niya (SAS) gaya ng pagpapahintulot sa pagaasawa
ng higit isa o pagbabawal sa ribá o pagiging
tungkulin ng pagbibigay ng zakáh.
Nagsabi si Allah (47:8-9): Ang mga tumangging
sumampalataya—kasawian ay sumakanila at sasayangin
Niya ang mga gawa nila. Iyan ay dahil sa sila ay
nasuklam sa ibinaba ni Allah kaya naman pinawalangsaysay
Niya ang mga gawa nila.
Huwag magkaroon sa dibdib mo ng pagtutol sa mga
utos ni Allah at ng Sugo Niya sapagkat tunay na ang
pananampalataya mo ay hindi magiging lubos malibang
ang kagustuhan mo ay umaayon sa aral na inihatid ni
Muhammad (SAS) mula sa Panginoon niya. Sa utos ni
Allah at ng Sugo Niya ay maging nakikinig at tumatalima
ka.
Nagsabi si Allah (4:65): Kaya hindi, sumpa man
sa Panginoon mo, hindi sila sumasampalataya malibang
pinahahatol ka nila sa anumang pinagkahidwaan sa
pagitan sa kanila. Pagkatapos ay hindi sila nakatatagpo
sa mga sarili nila ng isang pagtutol sa anumang inihusga
mo at nagpapasakop sila nang tunay na pagpapasakop.
Mga Gawaing Ipinagbabawal
32
Huwag mong ipagbawal ang ipinahintulot ni Allah o
ipahintulot ang ipinagbawal ni Allah at huwag mong
ikaila ang anumang kailangang nalalaman na bahagi
ng katuruan ng Islam gaya ng pagbabawal sa alak at
pagiging tungkulin ang pagdarasal.
Nagsabi si Allah (16:116): Huwag kayong magsabi
ng tungkol sa inilalarawan ng mga dila ninyo na kasinungalingan:
Ito ay ipinahihintulot at ito ay ipinagbabawal,
upang gumawa-gawa kayo tungkol kay Allah
ng kasinungalingan. Tunay na ang mga gumagawagawa
tungkol kay Allah ng kasinungalingan ay hindi
magtatagumpay.
Huwag kang tumalima sa isang nilikha sa pagpapahintulot
ng isang bawal o sa pagbabawal sa isang ipinahintulot
sapagkat iyan ay hindi karapatan ng isa man
maliban kay Allah. Samakatuwid ang ipinahintulot ay
ipinahintulot Niya, ang bawal ay ang ipinagbawal Niya
at ang Relihiyon ay ang isinabatas Niya.
Nagsabi si Allah (9:31): Ginawa nila ang mga
pantas nila at ang mga pari nila na mga panginoon
bukod pa kay Allah.47 Sa isang Hadíth: Dumating si ‘Adíy
ibnu Hátim (RA)—noon ay yumakap ito sa Kristiyanismo
bago ang Islam—sa Propeta (SAS), at noong narinig nito
47 Ang mga pantas at ang mga pari na tinutukoy ay ang mga nakaalam
sa ipinahintulot ngunit ipinagbawal nila iyon nang sadya nang
walang pagkalito at walang pagsisikap na alamin ang tama, at ang
mga nagpahintulot sa bawal, sa kabila ng kaalaman nila, nang sadya
nang walang pagkalito at walang pagsisikap na alamin ang tama.
Mga Gawaing Ipinagbabawal
33
ang Propeta (SAS) na bumibigkas [mula sa Qur’an (9:31)]:
Ginawa nila ang mga pantas nila at ang mga pari nila
na mga panginoon bukod pa kay Allah ay nagsabi ito:
O Sugo ni Allah, tunay na hindi namin sila ginawang mga
panginoon. Nagsabi siya: Oo; hindi ba nila ipinahihintulot
sa inyo ang ipinagbawal sa inyo kaya naman ipinahintulot
ninyo iyon, at ipinagbabawal nila sa inyo ang ipinahintulot
ni Allah kaya naman ipinagbabawal ninyo iyon?
Nagsabi ako: Opo. Nagsabi siya: Samakatuwid, iyan ay
pagsamba sa kanila.48
Huwag kang matuwa sa pagbaba ng Islam at mga
kaanib nito at sa pagtaas ng Shirk at mga tagatangkilik
nito, sa pangrelihiyon at pangmundong aspeto man.
Nagsabi si Allah tungkol sa mga nagkukunwaring
sumasampalataya (9:50): Kung dinadapuan ka ng isang
mabuti ay ikinalulumbay nila ito. Kung dinadapuan
ka ng isang kasawian ay nagsasabi sila: “Gumawa na
kami ng pag-iingat namin noon pa,” at tatalikod sila
habang sila ay natutuwa.
Huwag mong tangkilikin ang mga tumatangging
sumampalataya, huwag mong kampihan sila, huwag
mong ibigin sila at huwag mo silang tulungan sa relihiyon
nila sa pamamagitan ng salapi o impluwensiya o
48 Itinala ito ni atTirmidhí sa Sunan niya, Kitáb atTafsír, bilang
3095; ni atTabarí sa Tafsír niya 10/80. Nagsabi si al’Albání tungkol
dito sa Gháyah alMarám na ito ay hasan, pahina 20, bilang 6.
Mga Gawaing Ipinagbabawal
34
ideya o lakas upang hindi ka maging kabilang sa kanila
upang tipunin kasama nila.
Nagsabi si Allah (60:1): O mga sumampalataya,
huwag ninyong gawin ang mga kaaway Ko at ang mga
kaaway ninyo na mga tagatangkilik na pag-uukulan
ninyo sila ng pagmamahal
Huwag kang tumulad sa mga tumatangging sumampalataya
sa relihiyon nila o sa anumang kabilang sa
mga katangian nila at sa anumang ikinatatangi nila sa
iba pa sa kanila.
Ayon kay Ibnu ‘Umar (RA): “Nagsabi ang Sugo
ni Allah (SAS): Ang sinumang nagpakatulad sa ibang
mga tao, siya ay kabilang na sa kanila.”49
Huwag kang gumawa ng hamak sa Relihiyon mo.
Kaya huwag kang maglangis, huwag kang panghinaan
at huwag kang malungkot sapagkat tunay na ang dangal
ay ukol kay Allah, ukol sa Sugo Niya at ukol sa mga
mananampalataya.
Nagsabi si Allah (3:139): Huwag kayong panghinaan
at huwag kayong malungkot gayong kayo ang
mga pinakamataas, kung kayo ay mga sumasampalataya.
Huwag kang magduda sa kawalang-pananampalataya
ng mga Mushrik, huwag mong ituring na tama ang
pananaw nila at huwag mong kampihan ang pamama-
49 Sahíh Sunan Abí Dáwud 2/671, bilang 3401.
Mga Gawaing Ipinagbabawal
35
raan nila o ipagtanggol sila, upang hindi ka maging
kabilang sa kanila.
Nagsabi si Allah (4:51-52): Hindi mo ba napagalaman
ang mga nabigyan ng isang bahagi ng Aklat?
Sumasampalataya sila sa diyus-diyusan at nagdiyusdiyusan,
at sinasabi nila sa mga tumangging sumampalataya
na ang mga ito ay higit na napatnubayan sa
tamang landas kaysa sa mga sumampalataya. Ang mga
iyon ay ang mga isinumpa ni Allah. Ang sinumang
susumpain ni Allah ay hindi ka makasusumpong para
sa kanya ng isang tagatulong.
Huwag kang makilahok sa mga tumatangging sumampalataya
sa mga pagdiriwang nila at mga okasyon nila
na panrelihiyon o batiin sila dahil sa mga iyon o tulungan
sila sa mga iyon sapagkat iyon ay magiging isang
pagkilala mo sa gawain nila.
Nagsabi si Allah (9:123): O mga sumampalataya,
kalabanin ninyo ang mga nalalapit sa inyo na kabilang
sa mga tumatangging sumampalataya at makasumpong
sila sa inyo ng kabagsikan. Pakaalamin ninyo na si Allah
kasama ng mga nangingilag magkasala.50
50 Upang huwag magkamali sa pag-unawa ng talata na ito ay mangyaring
iugnay ito sa sumusunod ng mga talata ng Qur’an: Makipaglaban
kayo sa landas ni Allah sa mga kumakalaban sa inyo ngunit
huwag kayong lumabag; tunay na hindi minamahal ni Allah ang
mga lumalabag. (2:190) Hindi kayo pinagbabawalan ni Allah sa
mga hindi kumalaban sa inyo dahil sa relihiyon at hindi nagpapalisan
sa inyo mula sa mga tahanan ninyo, na magpakabutingMga
Gawaing Ipinagbabawal
36
Huwag kang bumaling palayo sa Relihiyon mula kay
Allah na hindi mo natututunan ito at isinasagawa ito.
Nagsabi si Allah (33:22): Sino pa ang higit na
lumalabag sa katarungan kaysa sa sinumang pinaalalahanan
sa pamamagitan ng mga kapahayagan ng Panginoon
niya, pagkatapos ay bumabaling siya palayo
sa mga ito? Tunay na Kami sa mga sumasalansang ay
maghihiganti.
Huwag kang masasangkot sa panggagaway51 sapagkat
ito ay kabilang sa karunungang itim at ito ay kawalangpananampalataya
na sumasalungat sa pananampalataya.
Nagsabi si Allah (2:102): Sinunod nila ang binibigkas
ng mga demonyo sa panahon ng paghahari ni
Solomon. Hindi tumalikod sa pananampalataya si
Solomon bagkus ang mga demonyo ay tumalikod sa
pananampalataya: itinuturo nila sa mga tao ang panggagaway
at ang ibinaba sa dalawang anghel sa Babilonia,
na sina Hárút at Márút. Ngunit hindi nagtuturo ang
dalawang ito sa isa man malibang nagsasabi ang dalawang
ito: “Tunay na kami ay tukso lamang, kaya huwag
kang tumalikod sa pananampalataya.”
loob sa kanila at makitungo nang makatarungan sa kanila. Tunay
na si Allah ay umiibig sa mga makatarungang makitungo. (60:8)
Kung kumiling sila sa kapayapaan ay kumiling ka rito at manalig
ka kay Allah. Tunay na Siya ay ang Nakaririnig, ang Maalam.
(8:61) Ang Tagapagsalin.
51 Black magic, pangkukulam at iba pa.
Mga Gawaing Ipinagbabawal
37
Huwag kang pumunta sa manghuhula sa hinaharap o
albularyo o mangkukulam o manghuhula sa nakaraan o
astrologo o geomancer52 o manghihimalad o magsisigay.53
Ayon sa isa sa mga maybahay ng Propeta (SAS) na
si Hafsah (RA), ayon sa Sugo ni Allah (SAS) na nagsabi:
Ang sinumang pumunta sa isang manghuhula at nagtanong
dito ng anuman ay hindi tatanggap para sa kanya
ng isang saláh54 sa loob ng apatnapung araw.55
Huwag kang maniwala sa isang manghuhula o nagaangkin
ng kaalaman sa Nakalingid sapagkat tunay na
ang pagpunta sa kanila at paniniwala sa kanila ay isang
52 Dalubhasa sa geomancy o panghuhula sa pamamagitan ng pagtingin
sa isinabog na lupa o buhangin. Ang Feng Shui ay isa ring uri ng
geomancy. Marahil ang pagpapatawas ay isa ring uri ng geomancy.
53 Ang manghuhulang gumagamit ng sigay sa panghuhula. Ang ganitong
panghuhula ay kadalasang gumagamit ng 16 sigay (dilogun).
Karaniwang itinatapon ng manghuhula ang mga sigay sa isang laang
bandeha. Pagkatapos, ibinabatay niya ang kahulugan ng pagkakatapon
ayon sa kalagayan ng mga ito at kung ang mga ito ay bumagsak na
nakatihaya o nakataob. Para sa karagdagang kaalaman, tingnan ang
tungkol sa Orisha sa Microsoft Encarta.
54 Ang ibig sabihin ng hindi tatanggap sa kanya ng saláh sa loob ng
apatnapung araw ay hindi siya gagantihan at gagantimpalaan doon
sa kabila ng tungkuling gagampanan iyon at pangangalagaan iyon
sapagkat kung itinigil niya iyon ay naging tumatanggi siyang sumampalataya
dahil sa pagtitigil sa pagsasagawa niyon.
55 Sahíh Muslim 4/1397, bilang 2230.
Mga Gawaing Ipinagbabawal
38
kawalang-pananampalataya sa pagsisiwalat na pinababa
sa pinakamainam na tao (SAS).56
Ayon kay Abú Hurayrah (RA), ayon sa Propeta
(SAS) na nagsabi: Ang sinumang nagpunta sa isang nanghuhula
sa hinaharap o sa isang manghuhula sa nakaraan
at pinaniwalaan niya ito sa sinasabi nito, tumanggi nga
siyang sumampalataya sa ibinaba kay Muhammad.57
Huwag kang humingi ng ulan sa pamamagitan ng mga
bituin, huwag kang mahumaling sa mga horoscope at
astrolohiya.58
56 Ang naniniwala sa manghuhula ay isang tumatangging sumampalataya
dahil siya ay sumasalungat sa mga malinaw na talata ng
Qur’an at mga tumpak na Hadíth kaugnay sa pamumukod ni Allah sa
kaalaman sa Nakalingid at wala nang iba pa sa Kanya. Kaya naman
walang nakaaalam sa Nakalingid kundi si Allah. Ang sinumang
nagduda sa katapatan ng manghuhula o sa kasinungalingan nito,
siya rin ay isang tumatangging sumampalataya dahil nagduda siya
na mayroong isang iba pa kay Allah na nagtataglay ng mga susi sa
Nakalingid.
57 Sahíh Sunan Abí Dáwud 2/739, bilang 3304; Sahíh Sunan
atTirmidhí 1/44, bilang 116; Sahíh Sunan Ibni Májah 1/105, bilang
523; Ayon kay Ahmad sa alMusnad 3/164, bilang 9252, ang siniping
pananalita ay mula sa kanya.
58 Ang pag-aaral ng mga bituin at mga celestial body ay nahahati sa
dalawang bahagi:
A. Upang malaman ang mga panahon ng pagtatanim at ang pagpasok
ng mga oras at mga panahon (season), nang hindi naniniwala na
ang bituin na ito mismo ay nakaaapekto, bagkus ay isang tanda
lamang sa utos ni Allah. Ito ay walang masama.
Mga Gawaing Ipinagbabawal
39
Ayon kay Abú Málik al-Ash‘arí (RA), ang Sugo ni
Allah (SAS) ay nagsabi: May apat sa kalipunan59 ko na
nasa kalakaran ng Kamangmangan na hindi nila iniiwan
ang mga ito: Ang pagmamalaki sa mga karangalan, ang
paninirang-puri sa mga kaangkanan, ang paghingi ng
ulan sa pamamagitan ng mga bituin60
at ang pananaghoy.61
B. Upang gamiting gabay sa mga pangyayari sa lupa at inuugnay
ang mga ito mismo sa mga galaw ng mga bituin, gaya ng sinasabi
ng iba: “Ang pagpapakasal ninyo ay mabibigo sa bituing ganoon,”
o “Ang pangangalakal mo ay kikita sa bituing gayon.” Ito ay
kawalang-pananampalataya dahil ito ay paglabag sa karapatan ni
Allah kaugnay sa natatangi sa Kanya, at iyon ay ang kaalaman
sa Nakalingid.
59 Ang kalipunan ay salin ng salitang Arabe na ummah na nangangahulugan
ng: Isang pangkat ng mga tao na ipinagbubuklod ng isang
kalagayan na gaya ng relihiyon o pook o panahon. Tingnan ang
alMu‘jam alWasít, p. 27. Samakatuwid ang kalipunan o ummah ay
maaaring tumukoy sa isang bansa o isang pangkat o isang komunidad
ng mga mananampalataya, na siyang kahulugan kung ang tinutukoy
ay ang Kalipunan ng Islam. Ang Tagapagsalin.
60 Ang paghingi ng ulan sa pamamagitan ng mga bituin ay may ilang
kalagayan:
A. Ang paghingi ng ulan mula sa mga ito. Ito ay Shirk sa Pagkapanginoon
at Pagkadiyos dahil ang paniniwala sa paglikha at paglalang
ng iba pa kay Allah ay sumasalungat sa saligan ng Tawhíd.
B. Ang pag-ugnay sa ulan at sa pagpapababa nito sa mga bituin
mismo sa halip na kay Allah. Ito ay malaking Shirk na nakasisira
sa paniniwala sa pagkaiisa ni Allah.
C. Ang pag-asa sa ulan sa mga ito at pagtuturing sa mga ito na kadahilanan,
ang taong ito ay kabilang sa nagtuturing na kadahilanan
ang hindi naman kadahilanan. Nagtataglay ito ng paglabag sa
karapatan ni Allah. Ito ay isang maliit na Shirk na hindi nakaMga
Gawaing Ipinagbabawal
40
Huwag kang magsabi na inulan tayo dahil sa gayong
bituin62 sapagkat tunay na iyon ay kabilang sa paguugnay
sa buhos ng ulan at sa pagdating ng ulan sa
mga bituin.
Ayon kay Zayd ibnu Khálid al-Juhaní (RA) na
nagsabi: “Nagdasal kasama namin ang Sugo ni Allah ng
dasal sa madaling-araw sa Hudaybíyah nang ang nagdaang
gabi ay umulan. Nang nakatapos na ang Propeta (SAS) ay
humarap siya sa mga tao at nagsabi: Nalalaman ba ninyo
ang sinabi ng Panginoon ninyo? Nagsabi sila: Si Allah at
ang Sugo Niya ay higit na nakaaalam. Nagsabi Siya: Kinaumagahan,
ang ilan sa mga lingkod Ko ay sumasampalataya
sa Akin at tumatangging sumampalataya. Kaya ang
sinumang nagsabi: Inulan kami dahil sa kabutihangloob
ni Allah at sa awa Niya, iyon ay isang sumasampalataya
sa Akin at isang tumatangging sumampalataya sa
mga tala; ang sinumang nagsabi: Inulan kami dahil sa
pagtitiwalag mula sa Islam ngunit sumasalungat sa kalubusan
ng paniniwala sa pagkaiisa ni Allah.
61 Sahíh Muslim 935, bilang 29.
62 Ang pag-uugnay ng ulan sa mga bituin ay tatlong uri:
A. Pag-uugnay ng pagpapalitaw at paglikha ng ulan. Ito ay isang
malaking Shirk.
B. Pag-uugnay ng kadahilanan. Ito ay isang maliit na Shirk.
C. Pag-uugnay ng oras at panahon. Ito ay ipinahihintulot sa kondisyon
na hindi sasabihing SA PAMAMAGITAN NG o DAHIL
SA, sa halip ay sasabihing SA PANAHON NG: Inulan tayo SA
PANAHON NG gayong bituin sapagkat ito ay naglalayong magpahayag
lamang ng tungkol sa oras ng pagbuhos ng ulan.
Mga Gawaing Ipinagbabawal
41
talang ito at iyan, iyon ay tumatangging sumampalataya
sa Akin at sumasampalataya sa tala.”63
Huwag kang mag-ugnay ng kamalasan64 at magdahilan
ng kamalasan sa isang bagay gaya ng ibon o mga
tao o mga pangalan o mga salita o mga pook o mga
pangyayari o mga bilang o mga kulay o mga buwan o
mga araw o mga oras sapagkat ito hindi nagdudulot
ng pinsala at hindi nagdudulot ng pakinabang maliban
pa kay Allah, kaluwalhatian sa Kanya.
Ayon kay Abú Hurayrah (RA) na nagsabi: “Nagsabi
ang Sugo ni Allah (SAS): Walang pagkahawa [na walang
pahintulot ni Allah], walang pag-uugnay ng kamalasan,
walang Hámah, walang kamalasan sa buwan ng Safar,
walang ulan dahil sa bituin, at walang ghawl.”65
Huwag kang magpasinungaling sa itinakda: ang
mabuti nito at ang masama nito sapagkat ang itinakda
ay lihim ni Allah sa nilikha Niya. Walang nagaganap
63 Sahíh alBukhárí 1/314, bilang 1038; Sahíh Muslim 1/82, bilang
71.
64 Ito ay tiyarah o tírah sa wikang Arabe. Ang pag-uugnay ng
kamalasan o ang paniniwala sa masamang pangitain sa isang
nakita, o isang narinig, o isang bagay, o isang pangyayari. Marami
ang halimbawa nito sa kulturang Pilipino. Halimbawa: ang
paniniwala na ang pusang itim na nasalubong ay nagbabadya ng
kamalasan; na ang bilang na 13 ay malas. Ang Tagapagsalin.
65 Ayon sa alMu‘jam alWasít: Naniniwala ang mga Arabe na ito
ay isang uri ng mga demonyo na lumilitaw sa sari-saring anyo sa
mga tao sa ilang at nagpapahamak sa kanila.
Mga Gawaing Ipinagbabawal
42
sa sansinukob ni Allah malibang nalaman Niya, niloob
Niya, isinulat Niya at nilikha Niya.
Ayon kay Zayd ibnu Thábit (RA) na nagsabi:
“Nagsabi ang Sugo ni Allah (SAS): Kung sakaling pinagdusa
ni Allah ang mga naninirahan sa mga langit Niya
at ang mga naninirahan sa lupa Niya, pagdurusahin Niya
sila gayong Siya ay hindi lumalabag sa katarungan sa
kanila. Kung sakaling kinahabagan Niya sila, ang awa
Niya ay higit na mabuti para sa kanila kaysa sa mga gawa
nila. Kung sakaling gumugol ka ng tulad ng bundok ng
Uhud na ginto sa landas ni Allah ay hindi tatanggapin
iyon ni Allah mula sa iyo malibang sumampalataya ka
sa Itinadhana at malaman mo na ang anumang nagpasawi
sa iyo ay hindi nangyari upang maliin ka at ang
anumang nagpamali sa iyo ay hindi nangyari upang
pasawiin ka. Kung sakaling namatay ka sa hindi ganito
ay talagang papasok ka sa Apoy.”66
Huwag kang maghinanakit67 sa itinakda ni Allah, at
pakaalamin mo na ang anumang nagpasawi sa iyo ay
hindi nangyari upang maliin ka at ang anumang nag-
66 Sahíh Abí Dáwud 3/890, bilang 29; Sahíh Ibnu Májah 1/19,
bilang 77.
67 Ang paghihinakit sa mga masakit na Itinakda ni Allah ay sumasalungat
sa kalubusan ng paniniwala sa pagkaiisa ni Allah. Maaaring
mauwi ito sa pagsalansang sa saligan ng paniniwala sa pagkaiisa
ni Allah sa paggawa ng kawalang-pananampalataya o pagsabi ng
kawalang-pananampalataya sa sandaling naganap ang kasawian.
Mga Gawaing Ipinagbabawal
43
pamali sa iyo ay hindi nangyari upang pasawiin ka,68 at
na si Allah ay Marunong sa pagtatakda Niya at pamamahala
Niya.
Ayon kay Anas (RA) na nagsabi: “Nagsabi ang
Sugo ni Allah (SAS): Tunay na ang bigat ng gantimpala
ay kasama ng bigat ng pagsubok. Tunay na si Allah,
pagkataas-taas Niya, kapag umibig sa mga tao ay sumusubok
sa kanila. Kaya ang sinumang nasiyahan ay ukol
sa kanya ang pagkasiya. Ang sinumang naghinanakit
ay ukol sa kanya ang hinanakit.”69
Huwag kang magdahilan sa pamamagitan ng Itinakda
sa nagawang mga pagsuway, mga pagkukulang, mga
kasalanan at sasabihin: Kung sakaling si Allah ay nagpatnubay
sa akin, talagang ako ay napabilang sana sa
mga nangingilag magkasala. Ang pagdadahilan sa
pamamagitan ng Itinakda ay sa mga kasawian at mga
pasakit lamang.
68 Ang kinakailangang isinasatungkulin kapag naganap ang kasawian
ay ang sumusunod:
A. Na pagtitiisin ang sarili sa pamamagitan ng hindi pagkainis,
B. Na pagtitiisin ang dila sa pamamagitan ng hindi paghihinaing at
paghihinakit,
C. Na pagtitiisin ang mga paa’t kamay sa pamamagitan ng pagpipigil
sa mga ito sa mga gawain ng paghihinakit gaya ng pagsampal
sa mga pisngi, pagpunit ng damit, pagpuputol ng buhok, pagsasaboy
ng lupa sa ulo at iba pa.
69 Sahíh Sunan atTirmidhí 2/286, bilang 1954; Sahíh Sunan Ibnu
Májah 2/373, bilang 3256.
Mga Gawaing Ipinagbabawal
44
Nagsabi si Allah (39:56-59): upang huwag sabihin
ng isang kaluluwa: “O panghihinayang sa pagpapabaya
ko kaugnay kay Allah at ako ay talagang kabilang
sa mga nanunuya;” o huwag sabihin nito: “Kung
sakaling si Allah ay nagpatnubay sa akin, talagang ako
ay kabilang sa mga nangingilag magkasala;” o huwag
sabihin nito kapag nakikita na nito ang pagdurusa:
“Kung sakaling mayroon akong isang pagbabalik sa
mundo, ako ay magiging kabilang sa mga nagmamagandang-
loob.” Bagkus dumating na sa iyo ang mga
kapahayagan Ko ngunit nagpasinungaling ka sa mga
ito at nagmalaki ka, at ikaw noon ay kabilang sa mga
tumatangging sumampalataya.
Huwag kang magsabi na kung sakaling ginawa ko
ang ganito ay talagang nangyari sana ang gayon.
Ayon kay Abú Hurayrah (RA), ang Sugo ni Allah
(SAS) ay nagsabi: Magsigasig ka sa nagdudulot ng pakinabang
sa iyo. Magpatulong ka kay Allah. Huwag kang
manghina. Kung dinapuan ka ng anuman ay huwag
mong sabihin: “Kung sakaling ako ay gumawa [niyon]
ay nangyari sana ang gayon at ang gayon,” datapuwat
sabihin mo: “Itinakda ni Allah, at ang anumang niloob
Niya ay ginagawa Niya” sapagkat tunay na ang “kung
sakali” ay nagbubukas sa gawain ng Demonyo.70
70 Sahíh Muslim 4/1629, bilang 2664.
Mga Gawaing Ipinagbabawal
45
Huwag mong sabihin sa anuman: “Tunay na ako ay
gagawa niyon bukas, nang hindi nagsasabi ng in shá
Alláh (kung niloob ni Allah).”
Nagsabi si Allah (18:23-24): Huwag mo ngang
sabihin sa anuman: “Tunay na ako ay gagawa niyon
bukas,” maliban na nagsasabing kung loloobin ni Allah.
Huwag mong mithiin ang anumang itinangi ni Allah
sa iba. Masiyahan ka sa ibinahagi ni Allah sa iyo.
Nagsabi si Allah (4:32): Huwag ninyong mithiin
ang anumang itinangi ni Allah sa ilan sa inyo na higit
sa iba. Ang mga lalaki ay may bahagi mula sa nakamit
nila at ang mga babae ay may bahagi mula sa nakamit
nila. Humingi kayo kay Allah mula sa kabutihangloob
Niya. Tunay na si Allah sa bawat bagay ay laging
Maalam.
Huwag mong ikaila ang biyaya ni Allah sa pamamagitan
ng pagtanggi rito at pag-uugnay ng pinagmulan
nito sa iba pa sa Kanya, o hindi pagsasagawa ng karapatan
nito na pagpapasalamat at pag-alaala kay Allah.
Nagsabi si Allah (14:7): Banggitin noong nagpahayag
ang Panginoon ninyo: “Talagang kung nagpasalamat
kayo ay talagang magdaragdag nga Ako sa
inyo sa biyaya; at talagang kung nagkakaila kayo sa
biyaya, tunay na ang parusa Ko ay talagang matindi.”
Huwag kang manumpa sa iba pa kay Allah, gaya ng
panunumpa sa Ka‘bah, sa Propeta, sa karangalan, sa
Mga Gawaing Ipinagbabawal
46
kagalantehan, sa pangangalaga, sa kabanalan, at sa
buhay ni Polano o sa ulo niya o sa karapatan niya.
Ayon kay Ibnu ‘Umar (RA): “Ang Sugo ni Allah
(SAS) ay nagsabi: Pakatandaan, tunay na si Allah ay
sumasaway sa inyo na manumpa kayo sa mga magulang
ninyo. Kaya ang sinumang manunumpa ay manumpa
kay Allah, at kung hindi ay manahimik siya.”71
Huwag kang manumpa sa ipinagkatiwala sa iyo.
Ayon kay Buraydah (RA), nagsabi ang Sugo ni
Allah (SAS): Ang sinumang manumpa sa ipinagkatiwala
[sa kanya] ay hindi kabilang sa atin.72
Huwag mong dalasan ang panunumpa kay Allah
upang hindi ka ihantong niyon sa panghahamak at
pangmamaliit sa mga pangalan ni Allah at mga katangian
Niya.
Nagsabi si Allah (5:89): Ingatan ninyo ang mga
panunumpa ninyo.
Huwag mong tutulan ang panunumpa ng sinumang
nanumpa kay Allah sa harap mo, masiyahan ka sa
panunumpa niya sa harap mo bilang pagdakila kay
Allah, maliban sa [panunumpa sa] kasalanan o sa
anumang wala kang kakayahan doon.
71 Sahíh alBukhárí 7/1128, bilang 6108; Sahíh Muslim 3/621, bilang
1646.
72 Sahíh Sunan Abí Dáwud 2/628, bilang 2788.
Mga Gawaing Ipinagbabawal
47
Ayon kay Ibnu ‘Umar (RA) na nagsabi: “Nakarinig
ang Sugo ni Allah (SAS) ng isang lalaki na nanunumpa
sa ama nito kaya nagsabi siya: Huwag kayong manumpa
sa mga magulang ninyo. Ang sinumang manumpa kay
Allah ay magpakatotoo. Ang sinumang may sumumpa sa
harap niya kay Allah ay masiyahan siya. Ang sinumang
hindi nasiyahan dahil kay Allah ay hindi kabilang [sa
mga lingkod] ni Allah.”73
Huwag mong pagmalakihan si Allah sa anumang
bagay na ibinigay Niya sapagkat tunay na si Allah ay
hindi napabibigatan o napanghihina ng anuman sa
mga pangangailangan ng mga nilikha Niya at hindi
Siya napipilit ng anuman para tugunan iyon.
Ayon kay Abú Hurayrah (RA), ang Sugo ni Allah
(SAS) ay nagsabi: Huwag sabihin ng isa sa inyo: O Allah
patawarin mo ako kung loloobin Mo, kaawaan Mo ako
kung loloobin mo, at tustusan Mo ako kung loloobin
Mo. Magpasya siya sa paghingi niya. Tunay na Siya ay
gumagawa sa niloob Niya: walang makapipilit sa Kanya.”74
Sa isang sanaysay: Palakihin niya ang mithi niya sapagkat
tunay na si Allah ay hindi mapagmamalakihan ng isang
bagay na ibinigay Niya.75
73 Sahíh Sunan Ibnu Májah 1/359, bilang 1708.
74 Sahíh alBukhárí 8/555, bilang 7478; Sahíh Muslim 4/1638, bilang
2678.
75 Sahíh Muslim 4/1638, bilang 2679.
Mga Gawaing Ipinagbabawal
48
Huwag kang magparatang na Káfir sa isa man sa mga
humaharap sa Qiblah, dahil sa isang pagkakasala
hanggat hindi niya ito itinuturing na ipinahihintulot.
Ayon kay Abú Hurayrah (RA) na nagsabi: “Nagsabi
ang Sugo ni Allah (SAS): Alinmang tao na nagsabi sa
kapatid niya: O Káfir, ay uuwi ang isa sa kanilang dalawa
taglay [ang paratang na] ito kung iyon ay gaya ng sinabi
niya at kung hindi ay babalik [ang paratang na] ito sa
kanya.”76
Huwag kang manumpa kay Allah, pagkataas-taas
Niya, pagkatapos ay hahatol ka sa isa ng Paraiso o
Impiyerno, maliban sa tinukoy ng pagsisiwalat [ni
Allah] na gayon.
Ayon kay Jundab ibnu ‘Abdulláh (RA) na nagsabi:
“Nagsabi ang Sugo ni Allah (SAS): Sinabi ng isang lalaki:
Sumpa man kay Allah, hindi magpapatawad si Allah kay
Polano. Kaya nagsabi si Allah, kamahal-mahalan Siya
at kapita-pitagan: Sino yaong nanunumpa sa Akin na
hindi raw Ako magpapatawad kay Polano? Tunay na Ako
ay nagpatawad na sa kanya at pinawalang-kabuluhan
Ko ang gawa mo.”77
Huwag mong alipustain ang mga Kasamahan ng Sugo
ni Allah (SAS) gayong nasiyahan si Allah sa kanilang
lahat at titipunin Niya tayo sa pulutong nila sa Araw ng
76 Sahíh alBukhárí 7/126, bilang 6103; Sahíh Muslim 1/79, bilang
60.
77 Sahíh Muslim 4/1606, bilang 2621.
Mga Gawaing Ipinagbabawal
49
Pagbangon. Isinumpa ni Allah ang sinumang sumumpa
sa kanila. Nagalit si Allah sa sinumang nag-alipusta sa
kanila at namintas sa isa sa kanila sapagkat sila ang
pinakamabuti sa mga tao pagkatapos ng mga propeta
at mga sugo. Pinili sila ni Allah ayon sa kaalaman Niya
upang makasama ng Sugo Niya.
Ayon kay Sa‘íd al-Khudrí (RA) na nagsabi: “Nagsabi
ang Sugo (SAS): Huwag ninyong alipustain ang mga
Kasamahan ko sapagkat sumpa man sa Kanya na ang
kaluluwa ko ay nasa kamay Niya, kung sakaling ang isa
sa inyo ay gumugol ng tulad ng [bundok ng] Uhud na
ginto ay hindi niya na mararating ang naabot ng isa sa
kanila, ni ang kalahati niyon.”78
Huwag mong kamuhian ang matuwid na kabilang sa
mag-anak ng Sugo ni Allah (SAS) sapagkat tunay na
ang pagmamahal sa kanila ay bahagi ng Relihiyon at
ang pagpaparangal sa kanila ay bahagi ng kapaniwalaan,
nang walang pagpapalabis sa paggalang sa kanila at
paglampas sa hangganan ng kalagaya nila.
Ayon kay Sa‘íd al-Khudrí (RA) na nagsabi: “Nagsabi
ang Sugo ni Allah (SAS): Sumpa man sa Kanya na
ang kaluluwa ko ay nasa kamay Niya, walang namumuhi
sa amin, ang mga kasambahay [ng Sugo], na isa man
kundi ipapasok siya ni Allah sa Apoy.”79
78 Sahíh Muslim 4/1562, bilang 2540.
79 Itinala ito ni alHákim at ni Ibnu Hibbán. Tingnan ang asSilsilah
asSahíhah 5/643, bilang 2488.
Mga Gawaing Ipinagbabawal
50
Huwag kang magparatang sa isa man sa mga Muslim
ng kasuwailan malibang mayroon ka mula kay Allah
na isang patunay na kapani-paniwala tungkol doon.
Ayon kay Abú Dharr (RA) na nagsabi: “Narinig
ko ang Propeta (SAS) na nagsasabi: Hindi pararatangan
ng isang lalaki ang isa pang lalaki ng kasuwailan at hindi
niya ito pararatangan ng kawalang-pananampalataya.
Babalik sa kanya iyon kung ang kapwa niya ay hindi
gaya niyon.”80
Huwag mong sabihan ang kapwa Muslim na kaaway
ni Allah.
Ayon kay Abú Dharr (RA), narinig niya ang Propeta
(SAS) na nagsasabi: Ang sinumang nag-angkin [na anak]
ng hindi niya ama samantalang nalalaman niya [ang
totoo] ay tumanggi ngang sumampalataya. Ang sinumang
nag-angkin [na kaanak] ng mga tao na hindi naman siya
kabilang sa kanila ay manuluyan siya sa upuan niya
mula sa apoy. Ang sinumang nagtaguri sa isang tao ng
kawalang-pananampalataya o nagsabi [roon]: O kaaway
ni Allah, at hindi naman iyon ganoon ay babalik [ang
paratang] sa kanya.81
Huwag mong sabihin: Ako ay walang-kaugnayan sa
Islam kapag may isang nangyari. Tulad din nito ang
sabi ng iba: Ako ay Hudyo o Kristiyano kapag nangyari
ang gayon at gayon.
80 Sahíh alBukhárí 7/110, bilang 6045.
81 Sahíh Muslim 1/79, bilang 61.
Mga Gawaing Ipinagbabawal
51
Ayon kay Buraydah (RA) na nagsabi: “Nagsabi
ang Sugo ni Allah (SAS): Ang sinumang nagsabi: ‘Tunay
na ako ay walang-kaugnayan sa Islam,’ kung siya ay
nagsisinungaling, siya ay gaya ng sinabi niya; at kung
siya naman ay nagtototoo, hindi siya babalik sa Islam
na ligtas.”82
Huwag mong tawaging Sayyid83 ang Káfir, ang
Munáfiq, ang suwail o ang Naghahayag ng pagsuway
niya.
Ayon kay Buraydah (RA) na nagsabi: “Nagsabi
ang Sugo ni Allah (SAS): Huwag mong tawagin ang
Munáfiq na puno namin sapagkat kung siya ay puno
ninyo, ginalit nga ninyo ang Panginoon ninyo.”84
Huwag kang magpasok sa Relihiyon mula kay Allah
ng anumang bago sapagkat ang pangunahing panuntunan
sa mga pagsamba ay ang pagpipigil at ang pagbabawal
[sa anumang pagsamba] malibang may nasa-
82 Sahíh Sunan anNasá’í 2/799, bilang 3532; Sahíh Ibnu Májah
1/359, bilang 1707.
83 Ang Sayyid sa literal na kahulugan ay master o puno o pinapanginoon.
Ang ganitong katawagan o ang katumbas nito ay hindi
ginagamit ng mga Pilipino kaya ang pagbabawal na ito ay nauukol
sa mga Arabe na gumagamit ng ganitong katawagan. Ang katawagang
Ginoo o Mister sa Tagalog ay hindi maituturing na katumbas
ng Sayyid dahil ang mga ito ay panawag lamang sa mga lalaking
nasa hustong gulang.
84 Sahíh Sunan Abí Dáwud 3/940, bilang 4163; Sahíh al’Adab
alMufrad, pahina 284, bilang 584/760.
Mga Gawaing Ipinagbabawal
52
saad na patunay na pang-Shar‘iah mula sa Qur’an at
Sunnah. Huwag kang gumawa ng bid‘ah;85 sumunod
ka na lamang sapagkat sapat na iyon sa iyo. Manatili
ka sa patnubay ni Muhammad (SAS) sapagkat ito ay
pinakamabuting patnubay. Bawat bagong aral ay bid‘ah,
bawat bid‘ah ay pagkaligaw, at bawat pagkaligaw ay
patungo sa Apoy.
Ayon kay ‘Á’ishah (RA) na nagsabi: “Nagsabi ang
Sugo ni Allah (SAS): Ang sinumang magpasok ng bago
sa kautusan Naming ito, na hindi naman bahagi nito,
iyon ay tatanggihan.”86
Huwag kang gumawa sa mga tao ng kalakarang
masama sa Relihiyon mula kay Allah sapagkat sasaiyo
ang kasalanan niyon at ang kasalanan ng gumawa ng
ayon doon hanggang sa Araw ng Pagbangon.
Ayon kay Jarír (RA) na nagsabi: “Nagsabi ang Sugo ni
Allah (SAS): Ang sinumang gumawa sa Islam ng isang
kalakarang maganda ay magkakamit siya ng gantimpala
doon at ng gantimpala ng sinumang gumawa ng ayon
doon kapag wala na siya, nang hindi nababawasan ng
anuman mula sa mga gantimpala nila. Ang sinumang
gumawa sa Islam ng kalakarang masagwa ay mapapasakanya
ang kasalanan doon at ng mga kasalanan ng
85 Aral, katuruan, paniniwala at panuntunan na bago sa Islam o
walang batayan mula sa Islam.
86 Sahíh alBukhárí 3/229, bilang 2697; Sahíh Muslim 3/1083, bilang
1718.
Mga Gawaing Ipinagbabawal
53
sinumang gumawa ng ayon doon, nang hindi nababawasan
ng anuman mula sa mga kasalanan nila.”87
Huwag kang makipagtalo hinggil sa Marangal na
Qur’an at Dinalisay na Sunnah sa pamamagitan ng
pananaw mo nang walang kaalaman at huwag kang
sumuong sa pagpapaliwanag sa mga kahulugan ng mga
ito ng walang kaalaman sa mga ipinahihiwatig ng mga
ito at mga pahayag ng mga matuwid na sinaunang
Muslim hinggil sa mga ito.
Ayon kay Abú Hurayrah (RA), ang Sugo ni Allah
(SAS) ay nagsabi: Ang pakikipagtalo hinggil sa Qur’an
ay kawalang-pananampalataya.88
Huwag mong balikatin ang wala kang kaalaman
sapagkat masasadlak ka sa pagsabi tungkol kay Allah
ng bagay na hindi totoo.
Nagsabi si Allah (17:36): Huwag mong sundan
ang anumang wala kang kaalaman hinggil doon. Tunay
na ang pandinig, ang paningin, at ang puso, ang bawat
isa sa mga iyon ay pananagutin.
Huwag kang gumawa-gawa kay Allah ng kasinungalingan
sapagkat ang gumagawa-gawa ng kasinungalingan
kay Allah ay ang mga hindi sumasampalataya.
Nagsabi si Allah (39:60): Sa Araw ng Pagbangon,
makikita mo ang mga nagsinungaling kay Allah na ang
87 Sahíh Muslim 2/583, bilang 1017.
88 Sahíh Sunan Abí Dáwud 3/870, bilang 3847.
Mga Gawaing Ipinagbabawal
54
mga mukha nila ay nangitim. Hindi ba sa Impiyerno ay
may tirahan para sa mga nagmamalaki?
Huwag kang magsinungaling tungkol sa Sugo ni Allah
(SAS) at iuugnay mo sa kanya ang hindi niya naman
sinabi o ginawa.
Ayon kay Abú Hurayrah (RA) na nagsabi: “Nagsabi
ang Sugo ni Allah (SAS): Ang sinumang nagsinungaling
tungkol sa akin nang sadyaan ay tumuloy siya
sa upuan niya mula sa Apoy.”89
Huwag mong pakaunahin bago sa utos ni Allah at ng
Sugo Niya ang isang utos o pananaw o hatol o pahayag
o kaisipan sapagkat ang pag-uutos ay ukol kay Allah
bago at matapos. Hindi Siya pananagutin sa anumang
ginagawa Niya samantalang sila ay pananagutin.
Nagsabi si Allah (49:1): O mga sumampalataya,
huwag ninyong pangunahan sa pasya si Allah at ang
Sugo Niya at mangilag kayong magkasala kay Allah.
Tunay na si Allah ay Nakaririnig, Maalam.
Huwag kang mamili mula sa Relihiyon mula kay Allah,
mga isinabatas Niya at mga paraan ng pagsamba sa
Kanya ng sumasang-ayon sa hilig mo at sumasabay sa
nais mo, pagkatapos ay isasaisang-tabi mo ang iba pa
roon dahil sa pagsalungat niyon sa naiibigan mo. Ang
Relihiyong Islam ay isang kabuuan na hindi mababaha-
89 Sahíh alBukhárí 1/44, bilang 110; Sahíh Muslim 1/alMuqaddimah,
bilang 3.
Mga Gawaing Ipinagbabawal
55
bahagi, kaya huwag kang sumampalataya sa ibang
bahagi ng Qur’an at tatangging sumampalataya sa
iba pang bahagi.
Nagsabi si Allah (2:208): O mga sumampalataya,
pumasok kayo sa Islam nang lubusan at huwag ninyong
sundan ang mga bakas ng Demonyo; tunay na siya para
sa inyo ay isang malinaw na kaaway.
Huwag mong tanggihan ang anumang inihatid ni
Muhammad (SAS) buhat sa Panginoon niya na mga
katuruan ng Relihiyon niya90 dahil lamang sa limitadong
pagkaunawa mo roon o dahil sa mga teoriya na
hindi nakabatay sa mismong katotohanan sapagkat
tunay na walang pagsasalungatan sa pagitan ng katotohanang
napag-isipan at ipinarating at walang paglalaban
sa pagitan ng tekstong malinaw at isip na matino,
ngunit sa sandali ng pag-aakalang may salungatan sa
pagitan ng dalawa ang uunahin ay ang katotohanang
ipinarating sa halip na ang napag-isipan.
Nagsabi si Allah (22:62): Iyon ay dahil si Allah
ay ang Katotohanan, at na ang anumang dinadalanginan
nila bukod pa sa Kanya ay ang Kabulaanan, at na
si Allah ay ang Mataas, ang Malaki.
90 Kabilang sa mga kondisyon ng adhikaing Walang Diyos kundi
si Allah ang pagtanggap dito na sumasalungat sa pagtanggi. Kaya
maging dumidinig na tumatalima na sumasampalataya na naniniwala
na nagpapasakop na nagbabalik-loob ka.
Mga Gawaing Ipinagbabawal
56
Huwag kang magpakalabis sa Relihiyon mo at aatangan
mo ang sarili mo ng bagay na wala kang kakayahan,
o sasadyain ang gawaing wala kang kakayahan.
Tunay na ang Relihiyong Islam ay madali kaya magpakalalim
ka rito nang may pagkabanayad.
Ayon kay Ibnu ‘Abbás (RA) na nagsabi: “Nagsabi
ang Sugo ni Allah (SAS): Kaingat kayo sa pagpapalabis
sa Relihiyon sapagkat nilipol ang mga nauna sa inyo ng
pagpapalabis sa relihiyon lamang.”91
Huwag mong ilayo ang loob ng mga tao sa Relihiyon
sa pamamagitan ng paghihigpit sa kanila rito at masamang
pagpapatupad nito.
Ayon kay Abú Músá (RA) na nagsabi: “Ang Sugo
ni Allah (SAS) noon, kapag nagpadala ng isa sa mga
Kasamahan niya sa ilang gawain niya, ay nagsasabi: Magpasaya
kayo at huwag kayong magpalayo ng loob, at
magpadali kayo at huwag kayong magpahirap.”92
Huwag mong alipustain ang panahon sapagkat tunay
na iyon ay pananakit kay Allah,93 pagkataas-taas Niya,
91 Sahíh Sunan anNasá’í 2/640, bilang 2863; Sahíh Sunan Ibni
Májah 2/177, bilang 2455.
92 Sahíh Muslim 3/1093, bilang 1732.
93 Ang pag-alipusta sa panahon, lupa, mga bagay, mga bato at mga
nilikha, lahat ng ito at anumang nasasaklawan ng mga ito ay pangaalipusta
kay Allah dahil Siya, sa katotohanan, ay dahilan sa pagkagawa
sa mga ito. Kung sakaling inalipusta mo ang isang bahay
dahil sa kahinaan ng pagkakatayo nito o ang isang sasakyan dahil
Mga Gawaing Ipinagbabawal
57
na lumikha rito, nagpasunud-sunuran dito, nagtakda
para rito ng mga itinakda, at nagpaganap rito ng mga
gawain.
Ayon kay Abú Hurayrah (RA), ayon sa Propeta
(SAS) na nagsabi: Huwag ninyong alipustain ang
panahon94 sapagkat tunay na si Allah ang [lumikha sa]
panahon.95 Sa isang sanaysay: Nagsabi ang Sugo ni Allah
(SAS): Nagsabi si Allah, kamahal-mahalan Siya at kapitapitagan:
Sinasaktan Ako ng anak ni Adan: inaalipusta
niya ang panahon samantalang Ako ang [lumikha sa]
panahon at nasa kamay Ko ang pag-uutos: pinagugulong
Ko ang gabi at ang maghapon.96
Huwag mong alipustain ang mga diyos ng mga
Mushrik nang sa gayon ay hindi nila alipustain si Allah,
pagkataas-taas Niya.
Nagsabi si Allah (6:108): Huwag mong alipustain
ang mga dinadalanginan nila bukod pa kay Allah
kaya naman aalipustain nila si Allah dala ng pangaaway
na walang kaalaman.
sa kasamaan ng pagkakayari nito, ito ay pang-aalipusta sa gumawa
nito. Kaya kinakailangang iwasan iyon at mag-ingat laban doon.
94 Ang panahon (adDahr sa Arabe) ay hindi kabilang sa mga
pangalan ni Allah. Nangangahulugan ito na si Allah ay nagpapagulong
ng panahon kung papaanong niloloob Niya.
95 Sahíh Muslim 4/1406, bilang 2246.
96 Sahíh alBukhárí 7/343, bilang 4826.
Mga Gawaing Ipinagbabawal
58
Huwag kang mag-anyaya sa pamamagitan ng propaganda
ng kamangmangan gaya ng panatisismong
pagkamakalipi, pagkamakapangkat, pagkamakabayan
at pagkamakalahi sapagkat ipinagbabawal ng Islam
ang pagsapi sa mga pangkating pangkamangmangan
at ang mga kahambugang panlahi.
Nagsabi ang Sugo ni Allah (SAS): Hindi kabilang
sa atin ang sinumang nag-aanyaya tungo sa pagkamakalipi,
hindi kabilang sa atin ang sinumang nakikipaglaban
alang-alang sa pagkamakalipi, at hindi kabilang
sa atin ang sinumang nagagalit dahil sa pagkamakalipi.97
Huwag kang maniwala na ang Islam ay matatapos
at madudurog sapagkat ito, alang-alang kay Allah, ay
hindi titigil sa paglalahad ng katwiran mula sa pangkat
na pinanagumpay na hindi mapipinsala ng sinumang
magtatatwa rito. Talagang aabot nga ang bagay na ito
sa naabot ng gabi at maghapon. Si Allah ay mananaig
sa kumakalaban sa Kanya. Talagang kakampihan nga
ni Allah ang sinumang kumampi sa Kanya, na kabilang
sa mga lingkod Niya na mga mananampalataya. Ang
magandang kahihinatnana ay ukol sa mga nangingilag
magkasala.
Ayon kay Thawbán (RA) na nagsabi: “Nagsabi
ang Sugo ni Allah (SAS): Tunay na si Allah ay nagpaiksi
alang-alang sa akin sa lupa kaya nakita ko ang mga silangan
nito at mga kanluran nito. Tunay na ang kalipu-
97 Sahíh Muslim.
Mga Gawaing Ipinagbabawal
59
nan ko ay aabot ang paghahari nito sa pinaiksi na bahagi
niyon alang-alang sa akin…98
Huwag kang maniwala na ang Islam ang dahilan ng
pagkaiwan ng mga Muslim at pagkahuli nila, bagkus
ang totoo ay na ang dahilan niyon ay ang paglayo nila
sa Relihiyon nila, ang pagtalikod nila sa panuntunan
ng Panginoon nila at ang hindi paggamit nila ng mga
kaparaanan ng pagtamo ng lakas, ng pananaliksik at
kasarinlan sa pamamahala. Hindi bubuti ang huling
bahagi ng kalipunang Muslim na ito kundi sa pamamagitan
ng nagpabuti sa naunang bahagi nito.
Nagsabi si Allah (24:55): Nangako si Allah sa
mga sumampalataya mula sa inyo at gumawa ng mga
matuwid na talagang itatalaga nga Niya sila na kahalili
sa lupain kung paanong itinalaga Niya na kahalili ang
mga nauna sa kanila, talagang patatatagin nga Niya
para sa kanila ang Relihiyon nila na kinalugdan Niya
para sa kanila, at talagang papalitan Niya ang kalagayan
nila, matapos ang pangamba nila, ng katiwasayan.
Sasambahin nila Ako; hindi sila magtatambal sa Akin
ng anuman. Ang sinumang tumangging sumampalataya
pagkatapos niyon ay ang mga iyon ang mga nagpapakasuwail.
98 Sahíh Muslim 4/1754, bilang 2889.
Mga Gawaing Ipinagbabawal
60
Huwag mong awayin ang taong tinangkilik ni Allah,
ang mga tapag-anyaya tungo sa Relihiyon Niya, ang mga
tagapagtanggol nito at ang mga tagapagsanggalang nito.
Ayon kay Abú Hurayrah (RA), nagsabi ang Sugo
ni Allah (SAS): Tunay na si Allah ay nagsabi: Ang sinumang
umaway sa Aking isang tinangkilik ay nagpahayag
nga Ako sa kanya ng digmaan…99
Huwag mong ikaila ang pagkakaroon ng mga himala100
sa mga lingkod ni Allah na matuwid sa kondisyong
sumasang-ayon ito sa malinaw na isinabatas ni Allah
kalakip ang tungkulin na mag-ingat laban sa paglalarolaro
ng mga demonyo at sa pagkalito sa pagitan ng mga
himala at mga pambibighani na ipinahintulot ng Panginoon
ng mga nilalang sa mga suwail, mga gumagawa
ng bid‘ah at mga heretiko.
Nagsabi si Allah (10:62): Pakatandaan, tunay
na ang mga tinangkilik ni Allah ay walang pangamba
sa kanila at hindi sila malulungkot:
Huwag kang magkimkim sa puso mo ng pagkamuhi
sa isang Muslim o hinanakit dito kalakip ng pagkamuhi
sa mga pagsuway nito.
99 Sahíh alBukhárí 7/243, bilang 6502.
100 Ang mga ito ay mga pambihirang pangyayari na ipinaparangal
ni Allah sa kaninumang loloobin Niya sa mga lingkod Niya na
matuwid. Hindi tumutugon ang mga himalang ito sa hamon, na gaya
ng mga himala ng mga propetang isinugo.
Mga Gawaing Ipinagbabawal
61
Ayon kay Anas (RA) na nagsabi: “Nagsabi ang
Sugo ni Allah (SAS): Huwag kayong magmuhian, huwag
kayong mag-inggitan, huwag kayong magtalikuran, at
huwag kayong magputulan ng ugnayan. Maging mga
lingkod kayo ni Allah bilang magkakapatid. Hindi ipinahihintulot
sa isang Muslim na iwasan ang kapatid niya
nang higit sa tatlong araw.”101
Huwag mong kalabanin ang mga kapwa Muslim.
Huwag kang bumitbit ng sandata laban sa kanila maliban
sa sandali ng paglabag nila kapag itinakda ang pagkalaban
sa kanila kapag wala nang paraan na pinakamaliit
para sa pagpigil sa masamang gagawin nila bukod
pa sa pakikipaglaban.
Ayon kay ‘Abdulláh ibnu Mas‘úd (RA) na nagsabi:
“Nagsabi ang Sugo ni Allah (SAS): Ang paglait sa Muslim
ay kasuwailan at ang pagkalaban sa kanya ay kawalangpananampalataya.”
102
Huwag kang humiwalay sa pangkat ng mga Muslim
at pinuno nila sapagkat tunay na ang kamay ni Allah
ay kasama ng pangkat. Ang pangkat ay awa ni Allah
samantalang ang pagkakahati-hati ay pagdurusa.
Ayon kay Abú Hurayrah (RA), ayon sa Propeta
(SAS) na nagsabi: Ang sinumang lumabas sa pagtalima
101 Sahíh alBukhárí 7/116, bilang 6065; Sahíh Muslim 4/1576,
bilang 2563.
102 Sahíh alBukhárí; Sahíh Muslim 1/80, bilang 643.
Mga Gawaing Ipinagbabawal
62
at humiwalay sa pangkat, at namatay, ay namatay siya
ng kamatayan na pangkamangmangan.103
Huwag kang maghimagsik sa nakatalaga sa pamamahala
sa mga Muslim o magtangkang agawin sa kanya
ang pamamahala malibang makakita ng hayagang
kawalang-pananampalataya, na hindi dala ng tiwaling
pagpapakahulugan o pusong nagkakaila sa kabutihan
niya, at mayroon kang kapani-paniwalang patunay
roon mula kay Allah at nagtataglay ka ng kakayahan
doon na hindi magdudulot ng ibayong mga kaguluhan.
Ayon kay ‘Ubádah ibnu as-Sámit (RA) na nagsabi:
“Nagpahayag kami ng katapatan sa Sugo ni Allah ayon sa
pagdinig at pagtalima [sa kanya] sa sandali ng kasiglahan
namin at sandali ng kapaguran namin, at sa kaginhawahan
namin at kagipitan namin, at sa pagtangi [sa kanya] higit
sa amin; na hindi kami magtatangkang agawin ang pamamahala
sa karapat-dapat dito malibang makakita ng hayagang
kawalang-pananampalataya sa inyo na mayroong
patunay roon mula kay Allah; at na magsasabi kami ng
katotohanan saanman kami: hindi kami mangangamba
dahil kay Allah sa paninisi ng isang naninisi.”104
103 Sahíh alBukhárí 8/422, bilang 7053; Sahíh Muslim 3/1173,
bilang 1847, at ang pagkasalaysay ay kay Imám Muslim.
104 Sahíh alBukhárí 8/423, bilang 7056; Sahíh Muslim 3/1169,
bilang 1709.
Mga Gawaing Ipinagbabawal
63
Huwag kang tumalima sa isang nilikha kapalit ng
pagsuway sa Tagapaglikha. Ang pagtalima ay sa nakabubuti
lamang.
Ayon kay ‘Abdulláh ibnu Mas‘úd (RA), ayon sa
Propeta (SAS) na nagsabi: Ang pagtalima at ang pagdinig
sa taong Muslim ay sa anumang naibigan o kinasuklaman,
malibang inuutusan ng isang pagsuway. Kaya
kapag inutusan ng isang pagsuway ay walang pagdinig
at pagtalima.105
Huwag kang magpakitang-tao ng mga gawa mo o
magpasikat ng mga ito sa mga tao sapagkat tunay na
sila ay hindi makapagpapakinabang sa iyo ng anuman
laban kay Allah. Iyon ay nakapagwawalang-kabuluhan
sa gawa, nagbibigay-dahilan sa kasalanan, at nag-aalis
sa gantimpala sapagkat tunay na si Allah ay hindi
tatanggap ng gawa malibang ito ay wagas na ukol sa
ikasisiya ng mukha Niya at tama ayon sa isinabatas
Niya.
Nagsabi si Allah (18:110): Kaya ang sinumang
umaasa na makikipagtagpo sa Panginoon niya ay
gumawa siya ng matuwid na gawa at huwag siyang
magtambal sa pagsamba sa Panginoon Niya ng isa man.
Huwag mong ilantad sa madla ang mga pagsuway mo.
Magtakip ka sa sarili sa pamamagitan ng pagtatakip
105 Sahíh alBukhárí 8/445, bilang 7144; Sahíh Muslim 3/1168,
bilang 1840.
Mga Gawaing Ipinagbabawal
64
ni Allah sa iyo. Magsisi ka sa Kanya sa bawat mali at
pagkukulang.
Ayon kay Abú Hurayrah (RA) na nagsabi: “Nagsabi
ang Sugo ni Allah (SAS): Lahat ng kalipunan ko ay
pinapaumanhinan maliban sa mga naglalantad [ng kasalanan].
Tunay na kabilang sa paglalantad na gagawa ang
lalaki sa gabi ng isang [masamang] gawa. Pagkatapos
kinaumagahan, noong pinagtakpan na siya ni Allah, ay
magsasabi siya: ‘O Polano, gumawa ako kahapon ng
gayon at gayon.’ Magdamag na pinagtatakpan siya ng
Panginoon niya ngunit kinaumagahan ay ibinunyag niya
ang pagtatakip ni Allah sa kanya.”106
Huwag mong gawin si Allah na pinakaaba sa mga
tumitingin sa iyo at pinakahamak sa mga nagmamasid
sa iyo. Mahiya ka kay Allah sapagkat tunay na si Allah
sa bawat bagay ay Maalam.
Ayon kay Thawbán (RA) na nagsabi: Nagsabi ang
Sugo ni Allah (SAS): Talagang nalalaman ko nga na may
mga tao sa kalipunan ko na darating sa Araw ng Pagbangon
na may dalang mga gawang maganda na mga tulad
ng mga bundok ng Tihámah na puti ngunit gagawin ito ni
Allah na mga yagit107 na nakakalat. Nagsabi si Thawbán:
O Sugo ni Allah, ilarawan mo po sila sa amin at linawin
mo po sila sa amin upang hindi kami maging kabilang sa
kanila samantalang kami ay hindi nakaaalam. Nagsabi
106 Sahíh alBukhárí 7/117, bilang 6069; Sahíh Muslim 4/1812,
bilang 2990.
107 Ibig sabihin: walang kabuluhan.
Mga Gawaing Ipinagbabawal
65
siya: Pakatandaan, tunay na sila ay mga kapatid ninyo,
kabilang sa kapwa ninyo. Kinukuha nila mula sa gabi
ang kinukuha ninyo subalit sila ay mga tao na kapag sila
na lamang ng mga ipinagbabawal ni Allah ay nilalabag
nila ang mga ito.108
Huwag mong hanapin ang kasiyahan ng mga tao
kapalit ng pagkagalit ni Allah. Manatili ka sa pagtatangi
sa ukol sa Kanya kaysa sa ninanais ng iba pa sa
Kanya sapagkat tunay na si Allah ay mangangalaga sa
iyo laban sa bawat isa, ngunit hindi ka mapangangalagaan
ng isa man laban kay Allah.
Ayon kay ‘Á’ishah (RA), ang Sugo ni Allah (SAS)
ay nagsabi: Ang sinumang naghanap ng kasiyahan ni
Allah kapalit ng pagkagalit ng mga tao, pangangalagaan
siya ni Allah sa ligalig ng mga tao. Ang sinumang naghanap
ng kasiyahan ng mga tao kapalit ng galit ni Allah,
iiwanan siya ni Allah sa mga tao.
Huwag kung tumingin sa kaliitan ng kasalanan subalit
tingnan ang kalakihan ng sinuway mo: si Allah, ang
Panginoon ng mga nilalang.
Nagsabi si Allah (71:13): Ano ang nangyayari sa
inyo, hindi kayo natatakot kay Allah sa kabunyian Niya,
Huwag mong gawin ang makamundong buhay na
hangarin mo, layunin mo at pagnanais mo, kaya naman
108 Sahíh Sunan Ibni Májah 2/417, bilang 3423.
Mga Gawaing Ipinagbabawal
66
magiging pinakamalaking alalahanin mo at saklaw ng
kaalaman mo.
Nagsabi si Allah (11:15-16): Ang sinumang nagnanais
sa makamundong buhay at gayak nito, tutumbasan
Namin sila sa mga gawa nila rito at sila sa mga
ito ay hindi kukulangan. Ang mga iyon ay ang mga
walang makakamit sa Kabilang-buhay kundi ang Apoy,
at nawalan na ng kabuluhan ang niyari nila rito at nawawalan
ng saysay ang ginagawa nila noon.
Huwag mong kalimutan ang Huling Araw at huwag
kang malilingat sa paghahanda para roon sapagkat
ikaw ay babalik kay Allah yamang ang hantungan mo
ay sa Kanya at ang balikan mo ay ang pagtayo sa harap
Niya. Talagang tatanungin ka Niya tungkol sa bawat
malaki’t maliit at dakila’t hamak.
Nagsabi si Allah (15:92-93): Kaya sumpa man sa
Panginoon mo, talagang tatanungin nga Namin silang
lahat tungkol sa anumang ginagawa nila noon.
Kaya mga kapatid, Pangilagan ninyo ang Araw na kayo
ay ibabalik kay Allah, pagkatapos ay tutumbasan ang
lahat ng kaluluwa sa anumang nakamit nito at sila ay
hindi gagawan ng labag sa katarungan.109 Ihanda ninyo
ang kagamitan at maghanda ng baon: Magbaon kayo,
ngunit tunay na ang pinakamainam na baon ay ang
pangingilag sa pagkakasala.
109 Qur’an 2:271.
Mga Gawaing Ipinagbabawal
67
Ang Pagwawakas
Heto na tayo, nakatayo sa bungad ng pagtatapos ng
bahaging ito na naglaman ng mga mabilis na kurap at mga
dagliang sulyap sa ilan sa mga aspeto ng ‘Aqídah at Tawhíd.
Nagmasigasig ako na ito ay maging magaan ang pagpapahayag,
matatas ang istilo at pinadali ang paglalahad kaya
naman paningningin ni Allah ang sinumang magpaparangal
sa akin sa pamamagitan ng pagsusuri nito, ng pagbabasa
nito, ng pag-anyaya ayon sa nilalaman nito, at ng pagtulong
sa pagpapalaganap nito.
Ang anumang nilalaman nito na katotohanan at tama ay
mula kay Allah, ang Mapagbigay, ang Mapagkaloob,
yamang Siya ang Tagapagpatnubay tungo roon at ang
nagpapatatag para roon. Ang anumang nilalaman nito na
kamalian at pagkukulang ay mula sa sarili ko at sa Demonyo.
Si Allah ay malayo sa gayon at ang Sugo niya ay walangkaugnayan
doon. Humihingi ako ng tawad sa Panginoon
ko sa bawat pagkakasala ko at kaawaan nawa ni Allah ang
taong magpapatnubay sa akin sa mga kapintasan ko.
Ang sinumang nagnanais ng karagdagang pakinabang ay
sumangguni siya sa mga aklat ng mga May Kaalaman sa
dakilang larangan na ito na tayo ay may pangangailangan
roon higit sa pangangailangan natin sa pagkain, inumin at
paghinga.
Papaanong hindi, gayong ang bunga nito ay paraiso na
ang luwang ay ang pagitan ng mga langit at lupa. Naroon
ang mga lugod na nananatili at kabutihang pangmalawakan
na hindi sumagi sa isip at hindi nasasaklawan ng guniguni,
Mga Gawaing Ipinagbabawal
68
isang kabutihang-loob mula kay Allah at isang biyaya.
Kabaliktaran nito ay pighati na namamalagi sa pagdurusang
nakakapit sa Apoy na naglalagablab na walang papasok
doon kundi ang napakapighati, bilang katarungan mula
kay Allah at karunungan.
Hinihiling natin kay Allah ang kasiyahan Niya at ang
paraiso Niya at nagpapakupkop tayo sa Kanya mula sa
apoy Niya at paghihiganti Niya.
Ang papuri ay ukol kay Allah sa simula at wakas, hayagan
at patago. Pagpalain ni Allah ang Propeta at ang maganak
niya at mga Kasamahan niya, at batiin ng maraming
pagbati.
