Mga Gawaing Ipinagbabawal
3
بسم الله الرحمن الرحيم
Sa ngalan ni Allah,1 ang Napakamaawain, ang Pinakamaawain
Ang papuri ay ukol kay Allah lamang.2 Ang pagpapala at
ang pagbati ay ukol kay Propeta Muhammad na wala nang
propeta matapos niya. Sumasaksi ako na walang totoong
Diyos kundi si Allah lamang: wala Siyang katambal, at
sumasaksi ako na si Muhammad ay lingkod at Sugo3 Niya.
Huwag mong ihagis ang aklat na ito hanggang sa mabasa
mo nang lubos sapagkat ito ay ay para sa iyo, tanging sa
iyo at hindi sa iba sa iyo.
1 Allah: Ang pansariling pangalan ng Panginoong Diyos sa wikang
Arabe. Ito ay isang pangngalang pantangi at hindi pangngalang
pambalana, kaya ang mga panandang gagamitin sa pagtukoy sa
pangalang Allah ay SI, NI at KAY at hindi ANG, NG at SA. Samakatuwid
ang tama ay sabihing: SI Allah, NI Allah at KAY Allah. Ito
ang paninindigan ng pinakamataas na awtoridad sa wikang Filipino,
ang Komisyon sa Wikang Filipino; at ito rin ang paninindigan ng
Ministry of Islamic Affairs sa Saudi Arabia.
2 Ang nagsalin ng aklat na ito ay walang pananagutan sa nilalaman
ng aklat na ito.
3 Kapag binanggit ang salitang sugo o isinugo sa lathalain natin,
ang tinutukoy natin ay isang propetang sugo o isinugo ng Panginoon,
maliban kung tahasang binanggit na iyon ay hindi isang propetang
sugo o isinugo. Ang sugo sa Islam ay ang pinakamataas na antas na
maaaring marating ng isang tao. Ang sugo ay higit na mataas kaysa
sa propeta dahil ang bawat sugo ay propeta rin ngunit ang karamihan
sa mga propeta ay hindi sugo. Sa mga lathalain natin, ang Sugo na
may malaking titik na ‘S’ at ang Propeta na may malaking titik na ‘P’
ay tumutukoy kay Propeta Muhammad (SAS). Ang Tagapagsalin.
Mga Gawaing Ipinagbabawal
4
Isinulat ko ito sa pamamagitan ng tinta ng pag-ibig at
itinitik ko ito mula sa kaibuturan ng puso.
Ipinadala ko ito kasama ng koreo ng pag-ibig at sugo
ng pananabik upang maparangalan mo ako sa pagdadala
nito sa harap mo, at upang maitanim mo rito ang puso mo
bago ang mga mata mo, at ang isip mo kasama ng mga
paningin mo.
Minamahal na kapatid, ang Relihiyon ay nakabatay sa
matatag na pananampalataya na ang ilan sa mga hinihiling
nito ay gawin ang ipinag-uutos at talikdan ang ipinagbabawal.
Sa dalawang dakilang panuntunan na ito nakasalalay ang
Relihiyon.
Nagsabi si Allah (59:7):4 Ang anumang ibinigay sa inyo
ng Sugo ay kunin ninyo at ang anumang ipinagbawal
sa inyo ng Sugo ay tigilan ninyo.
Nagsabi ang Sugo ni Allah:…kapag ipinagbawal ko sa
inyo ang isang bagay ay iwasan ninyo ito, at kapg ipinagutos
ko sa inyo ang isang utos ay gawin ninyo ito sa abot
ng makakaya ninyo.5
Kung papaanong ang mananampalataya ay sumasamba
sa Panginoon niya sa pamamagitan ng paggawa ng ipinagutos
Niya sa kanya, ng isinatungkulin Niya sa kanya na
gawin niya, ng iniudyuk Niya sa kanya na isagawa niya
bilang pag-ibig, pag-asa at pagpapakalapit-loob, gayon
4 Ang mga talata ng Qur’an o mga Hadíth na sinipi rito ay salin
mula sa wikang Arabe ng kahulugan ng Salita ni Allah o ng salita
ni Propeta Muhammad (SAS), ayon sa kakayahan ng tagapagsalin.
Ang Tagapagsalin.
5 Sahíh alBukhárí (8/492) bilang 7288, ayon kay Abú Hurayrah (RA).
Mga Gawaing Ipinagbabawal
5
din naman siya ay naaatangan na talikdan ang ipinagbawal
sa kanya ni Allah at ibinabala sa kanya bilang pagpapakumbaba,
pangamba at pagsuko.
Samakatuwid, siya ay umiikot sa pagitan ng: “Gawin mo”
at “Huwag mong gawin.” Ang pagpipilian ay nasa kanya,
ang daan ay nasa harap niya, at ang ganti ay sa araw ng
paggantimpala: para sa kanya o laban sa kanya. Nagsabi si
Allah (76:3): Tunay na Kami ay nagpatnubay sa kanya
sa landas, maging nagpapasalamat man o mapagkaila
sa utang na loob.
Tayo ay mga alipin Niya. Ang alipin ay pag-aari ng amo
niya, na nag-uutos sa kanya at nagbabawal sa kanya. Walang
nararapat sa alipin kundi ang malugod, ang sumuko, ang
magpakumbaba at ang magpahinuhod. Sapat na bilang
karangalan na tayo ay maging mga alipin ni Allah lamang!
Ako ay magtitipon para sa akin at para sa iyo na mambabasa
o tagapakinig ng isang langkay ng mga ipinagbabawal
na nasaad ang pagkabanggit niyon sa Dakilang Qur’an
o sa Marangal na Hadíth ayon sa Marangal na Sugo (SAS)6
sa mga usapin ng Aqídah at Tawhíd upang mapangalagaan
para sa atin ang pananampalataya natin laban sa mga pamimintas
at mga nakasisira, nang sa gayon ay makapag-ingat
tayo na masadlak doon at mahirati roon. Pagkatapos ay
papag-ingatin natin ang mga Muslim laban doon at isasagawa
natin ang tungkuling mag-anyaya na talikdan iyon
ng sinumang nasadlak doon, o layuan iyon ng sinumang
napangalagaan ni Allah laban sa kasamaan niyon.
6 (SAS): Sallalláhu ‘Alayhi wa Sallam: Pagpalain siya ni Allah at
batiin (o pangalagaan). Sinasabi ito kapag binanggit ang pangalan
o ang taguri ni Propeta Muhammad (SAS) o kapag tinutukoy siya.
Mga Gawaing Ipinagbabawal
6
Si Allah ay hinihilingan ko, sa pamamagitan ng mga
pangalan Niya at mga katangian ay nagsusumamo ako, at
dahil sa pagkamapagbigay Niya ay umaasa ako at may pagasa
ako na pagpapalain ang gawaing ito, na gagawin Niya
ito na di-naglalaman ng anumang mga kamalian at mga
pagkakamali, na ito ay maging wagas na ukol sa ikasisiya
ng marangal na Mukha Niya, at na gantihan Niya ng mabuti
ang sinumang titipon nito, magrerepaso nito, maglalathala
nito at magpapalaganap nito sa gitna ng mga Muslim. Ang
papuri ay ukol kay Allah.
Kaya sa pangalan ni Allah ay magsimula tayo, kay Allah
ay manalig tayo, at kay Allah ay magpatulong tayo.
Huwag kang magwalang-bahala sa kadahilanan ng
pakakalikha sa iyo.
Nagsabi si Allah (51:56): Hindi Ko nilikha ang jinn
at ang tao kung hindi upang sambahin nila Ako. Ibig
sabihin: Upang pakaisahin nila ako, mag-uutos Siya sa
kanila at magbabawal Siya sa kanila, pagkatapos ay tatalima
naman sila sa Kanya.
Huwag kang magtuon ng anuman sa pagsamba sa
iba pa kay Allah at huwag kang magtambal ng iba pa
sa Kanya na kasama Niya sa Pagsamba sa Kanya.
Ang ugat ng pagsamba ay ang pagpapakaaba kay
Allah at ang pagpapakumbaba sa Kanya. Ang pagbaling ng
pagsamba sa iba pa kay Allah ay maaaring maging sa isip,
sa salita at sa gawa. Nagsabi si Allah (4:36): Sambahin
ninyo si Allah at huwag kayong magtambal sa Kanya
ng anuman.
Mga Gawaing Ipinagbabawal
7
Huwag kang umibig sa isang nilikha nang pag-ibig
ng pagpipitagan at pagdakila na gaya ng pag-ibig kay
Allah o higit pa roon.
Ang pag-ibig ay ukol kay Allah lamang, alangalang
sa Kanya at sa anumang iniibig Niya. Lahat ng pagibig
sa mundo, kung ito ay dahil kay Allah at sa pamamagitan
ni Allah, ay kabilang sa pag-ibig kay Allah.7 Sinabi ni
Allah (2:165): May mga tao na gumagawa sa iba pa kay
Allah bilang mga kaagaw, na iniibig nila ang mga ito
gaya ng pag-ibig kay Allah, ngunit ang mga sumampalataya
ay higit na masidhi sa pag-ibig kay Allah.
Huwag kang matakot sa kaninuman maliban kay Allah
nang pagkatakot na ukol sa pagsamba at pagpapakalapit-
loob, o sa anuman na walang nakakakayang gumawa
niyon kundi si Allah gaya ng pagbawi ng buhay, pagpaparusa
sa pagkakasala at pagpapataw ng parusa roon.
Nagsabi si Allah (2:150): Kaya huwag kayong
matakot sa kanila bagkus matakot kayo sa Akin. Ito ay
upang buuin Ko ang biyaya sa inyo at nang harinawa
kayo ay mapatnubayan.
7 Ang mga uri ng pag-ibig dahil kay Allah:
A. Ang pag-ibig ng pagsinta at pagkagiliw para sa mga anak, mga
bata at sinumang tulad nila.
B. Ang pag-ibig ng pagpapahalaga, kabaitan at paggalang sa magulang,
guro at sinumang tulad nila.
C. Ang pag-ibig ng pagsuyo at pagnanasa sa asawa.
D. Ang pag-ibig ng pagtalima at pagsamba kay Allah, at naisasama
sa pag-ibig ng pagtalima at pag-ibig sa mga taong matuwid na
kabilang sa mga lingkod ni Allah.
Mga Gawaing Ipinagbabawal
8
Huwag kang dumalangin sa iba pa kay Allah gaya ng
pagdalangin sa mga taong patay o mga anghel o mga
propeta o mga jinní o mga taong wala sa piling.
Nagsabi si Allah (46:5-6): Sino kaya ang higit na
ligaw kaysa sa sinumang dumadalangin sa iba pa kay
Allah, na hindi tutugon sa kanya hanggang sa Araw ng
Pagkabuhay samantalang ang mga ito, sa panalangin
sa mga ito, ay mga nagwawalang-bahala? Kapag tinipon
ang mga tao sa Araw ng Pagkabuhay, ang mga ito para
sa kanila ay magiging mga kaaway at ang mga ito sa
pagsamba nila ay mga tatanggi.
Huwag kang magpasaklolo sa sandali ng kagipitan mo
at kapighatian mo o kaginhawahan mo at kaluwagan
mo sa iba pa kay Allah kaugnay sa anumang walang
nakakakaya niyon kundi si Allah, gaya ng paghingi ng
biyaya o anak, o kagalingan sa karamdaman, o kapatawaran
sa pagkakasala, o pagpababa ng ulan, o paglikha
ng kapatnubay, o pag-aalis ng agam-agam, o pananagumpay
laban sa mga kaaway. Walang masama sa pagpapasaklolo
sa taong buhay na nasa piling kaugnay sa
anumang nakakaya niya sa hinihiling sa kanya, kalakip
ng hindi pagkahumaling ng puso ng nagpapasaklolo sa
nilikhang sumasaklolo. Kay Allah magpakahumaling.
Nagsabi si Allah (10:106): huwag kang manalangin
sa iba pa kay Allah, na hindi nakapagdudulot ng
kapakinabangan sa iyo ni nakapagdudulot ng kapinsalaan
sa iyo, yamang kung ginawa mo iyan, tunay na
ikaw kung gayon ay kabilang sa mga lumalabag sa
katarungan.”
Mga Gawaing Ipinagbabawal
9
Huwag kang magpakupkop sa iba pa kay Allah sa
pagtataboy sa pinangingilabutan na pinangangambahan
mo sa sandali ng pananatili sa anumang bahagi
ng mundo.
Magpakanlong ka kay Allah at magpakalinga sa
Kanya. Magpakupkop ka sa Kanya sa pamamagitan ng mga
lubos na salita Niya laban sa kasamaan ng anumang nilikha
Niya, nilalang Niya at kinapal Niya. Tungkol naman sa
likas na pangamba sa isang kaaway o isang mabangis na
hayop o mga tulad nito, walang masama rito. Nagsabi si
Allah (72:6): Na may mga lalaking kabilang sa mga tao
na nagpapakupkop sa mga lalaking kabilang sa mga
jinn, kaya nadagdagan lamang nila ang mga ito ng
kasalanan.8
Huwag kang magsagawa ng tawáf9 ng pagsamba at
pagpapakalapit-loob kay Allah kung hindi sa Ka‘bah
sa Banal na Bahay ni Allah sa Makkah.
Kaya huwag kang magsagawa ng tawáf sa paligid
ng mga libingan o mga bato o iba pa, na naghahangad sa
pamamagitan niyon ng gantimpala ng mga iyon at kinatatakutan
ang kaparusahan ng mga iyon.10 Nagsabi si Allah
(2:125): Banggitin noong ginawa Namin ang Bahay bilang
8 O pagmamalabis, o kahunghangan. Ang Tagapagsalin.
9 Paglibot sa isang bagay. Ang paglibot bilang uri ng pagsamba ay
sa Ka‘bah lamang maaaring isagawa. Ang Tagapagsalin.
10 Ang pagsasagawa ng tawáf at ang pag-aalay sa mga libingan at
mausoleo ay may ilang anyo:
Mga Gawaing Ipinagbabawal
10
balikan para sa mga tao at bilang pook ng katiwasayan.
Ibilang ninyo na dasalan ang tinayuan ni Abraham.
Inatasan Namin sina Abraham at Ismael na linisin nila
ang Bahay Ko para sa mga lumilibot, mga nananatili,
at mga yumuyukod at mga nagpapatirapa.
Huwag kang magpabiyaya11 sa isang bato o sa isang
punong-kahoy o isang libingan o iba pang tulad nito.
A. Kung nagsagawa ang isang tao ng tawáf at nag-alay sa taong
nakalibing, siya ay isang Mushrik na nakagawa ng malaking Shirk
na sumasalungat sa Tawhíd, nasamahan man iyon ng isang paniniwala
o hindi nasamahan.
B. Kung ang tawáf niya ay para kay Allah ngunit pinaniniwalaan
niya ang ikapagkakait ng pinsala at ang ikapagtatamo ng pakinabang
sa pagsasagawa niyon, siya ay isang Mushrik na nakagawa
ng isang malaking Shirk na nakapagtitiwalag mula sa Islam at
sumasalungat sa Tawhíd.
C. Kung ang tawáf niya ay para kay Allah ngunit hindi naman siya
naniwala sa epekto nito at nagsasabi lamang na ang mga patay na
ito ay mayroong mataas na katayuan at kalagayan at ang kalagayan
nila ay isang dahilan sa paghadlang sa pinsala o sa pagtamo ng
pakinabang, ito ay isang bid‘ah na maka-Shirk. Siya ay isusumpa
dahil dito gaya ng pagsumpa ni Allah sa mga Yahúdí at mga
Nasrání at gaya ng pagsumpa Niya sa sinumang gumawa sa mga
libingan bilang masjid ang libingan. Subalit siya ay hindi isang
Mushrik na nakagagawa ng malaking Shirk na nakapagtitiwalag
mula sa Islam.
11 Ang mga uri ng pagpapabiyaya:
A. Pagpapabiyaya sa pamamagitan ng bagay na ipinahihintulot gaya
ng Aklat ni Allah. Walang masama rito.
B. Pagpapabiyaya sa pamamagitan ng bagay na natatalos ng panamdam
gaya ng kaalamang pang-Islam, panalangin para sa sarili mo
Mga Gawaing Ipinagbabawal
11
Ang pagpapabiyaya ay sa pamamagitan lamang ng
tinukoy ng patunay na batay sa Qur’an at Sunnah.12
Ayon kay Abú Wáqid al-Laythí (RA)13 na nagsabi:
“Pumunta kami kasama ng Sugo ni Allah (SAS) sa Hunayn,
o sa iba. Ang pagpapabiyaya sa kaalaman ng isang matuwid na
tao, pakikisama sa Kanya at panalangin niya ay hindi pagpapabiyaya
mismo.
C. Pagpapabiyaya na maka-Shirk sa mga libingan, mga bato at iba
pa na wala naman talagang biyaya (barakah) ayon sa Batas ng
Islam ni sa kalagayan. Ang uri na ito ay ilang bahagi:
1. Kapag nagtuon siya ng anumang pagsamba sa mga iyon, ito
ay isang malaking Shirk na sumasalungat sa Tawhíd.
2. Kapag naniwala siya na ang mga iyon ay mga tagapamagitan
sa pagitan niya at ni Allah, ito ay isang malaking Shirk na
sumasalungat sa Tawhíd.
3. Kapag naniwala siya na ang mga iyon ay hindi tagapamagitan
at para lamang sa biyaya, nakagawa siya ng isang bid‘ah na
maka-Shirk na sumasalungat sa kalubusan ng kinakailangang
Tawhíd.
12 Ang Sunnah, na may malaking titik na S, ay ang pamamaraan o
kalakaran ni Propeta Muhammad (SAS), na tumutukoy sa kung ano ang
sinabi, ang ginawa at ang sinang-ayunan ni Propeta Muhammad
(SAS). Ang Sunnah ay nakarating sa atin sa pamamagitan ng Hadíth
o sanaysay tungkol sa Sunnah ni Propeta Muhammad. Ang sunnah
naman, na may maliit na titik na s, ay tumutukoy sa gawaing kanaisnais
gawin dahil alinsunod sa Sunnah ng Propeta. Ang gawaing sunnah
ay kanais-nais ngunit hindi tungkuling isagawa. Ang Tagapagsalin.
13 (RA): Radiyalláhu ‘Anhu para sa lalaki, Radiyalláhu ‘Anhá para
sa babae, Radiyalláhu ‘Anhum para sa marami; ang ibig sabihin nito
ay: Kalugdan siya (o sila) ni Allah. Ito ay panalanging binabanggit
sa tuwing nababanggit ang pangalan o taguri ng kasamahan o asawa
ni Propeta Muhammad (SAS).
Mga Gawaing Ipinagbabawal
12
noong kami ay mga bagong talikod sa panahon ng kawalangpananampalataya
at ang mga Mushrik ay may isang punong
mansanitas na kinahuhumalingan nila at sinasabitan nila ng
mga sandata nila upang magkamit ng biyaya, na tinatawag
na Dhát Anwát.14
Naparaan kami sa mansanitas kaya nagsabi
kami: O Sugo ni Allah, gawan mo po kami ng Dhát Anwát
gaya ng pagkakaroon nila ng Dhát Anwát. Kaya nagsabi ang
Sugo ni Allah (SAS): Si Allah ay pinakadakila! Tunay na
iyon ang kalakaran! Nagsabi kayo, sumpa man sa Kanya
na ang kaluluwa ko ay nasa kamay Niya, na gaya ng sinabi
ng mga anak ng Israel kay Moises (7:138): Nagsabi sila:
“O Moises, gumawa ka para sa amin ng isang diyos
gaya ng pagkakaroon nila ng mga diyos.” Nagsabi siya:
“Tunay na kayo ay mga taong nagpapakamangmang.”
Talagang sasakyan nga ninyo ang mga kalakaran ng
nauna sa inyo.”15
Huwag kang humiling kailanman ng pamamagitan
sa harap ni Allah mula sa isa man, malibang mula kay
Allah, ang Kaisa-isa, sapagkat tunay na ang lahat ng
pamamagitan ay kay Allah. Hindi ito hinihiling mula
sa isang anghel na malapit kay Allah ni mula sa isang
propetang isinugo ni mula sa isang walí16 na namatay.
Nagsabi si Allah (10:18): Sinasamba nila bukod
pa kay Allah ang hindi nakapipinsala sa kanila at hindi
14 May mga nakabitin.
15 Sahíh Sunan atTirmidhí 2/235 bilang 1771. Itinala ito ni Imám
Ahmad sa alMusnad 2/275 bilang 2139.
16 Mga taong pinaniniwalaang banal o malapit kay Allah.
Mga Gawaing Ipinagbabawal
13
nakapagdudulot ng pakinabang sa kanila at nagsasabi
sila: “Ang mga ito ay ang mga tagapamagitan natin kay
Allah.” Sabihin mo: “Nagpapabatid ba kayo kay Allah
ng hindi Niya nalalaman sa mga Langit ni sa Lupa?
Kaluwalhatian sa Kanya at pagkataas-taas Niya kaysa
sa mga itinatambal nila sa Kanya.
Huwag kang manalig kung hindi kay Allah, huwag
kang umasa kung hindi sa Kanya, at huwag mong ipagkatiwala
ang kapakanan mo kung hindi sa Kanya.17
Nagsabi si Allah (39:36): Hindi ba si Allah nakasasapat
para sa lingkod Niya? Nagsabi pa Siya (5:23):
Kaya kay Allah ay manalig kayo kung kayo ay mga
mananampalataya.
Huwag kang maniwala na ang mga propeta o ang mga
walí ay mayroong kapangyarihan na kumontrol sa
sansinukob o magtulak sa mga pighati o magdulot ng
kaibig-ibig na bagay sapagkat ang paglikha at ang paguutos
ay kay Allah noon at sa hinaharap. Walang nangyayari
sa sansinukob ni Allah kung hindi ang niloob ni
Allah, itinakda Niya, ninais Niya at pinayagan Niya.
Nagsabi si Allah (6:63-64): Sabihin mo: “Sino ang
nagliligtas sa inyo mula sa mga kadiliman ng kalupaan
at karagatan, na pinananalanginan ninyo nang may
17 Ang kalubusan ng pananalig sa Kanya ay sumasaklaw sa pag-asa
sa Kanya, pagtitiwala sa Kanya at ang pagsasagawa sa mga ipinahihimtulot
na kaparaanan sa pagtamo ng naiibigan at pagtulak sa
kinasisindakan.
Mga Gawaing Ipinagbabawal
14
pagpapakumbaba at palihim na [nagsasabi:] “Talaga
namang kung ililigtas Niya kami mula rito ay talagang
kami nga ay magiging kabilang sa mga nagpapasalamat.”
Sabihin mo: “Si Allah ay magliligtas sa inyo mula roon
at mula sa bawat kapighatian at pagkatapos kayo ay
nagtatambal pa.”
Huwag kang maniwala na mayroong iba pa kay Allah
na nakaaalam sa Nakalingid, yamang si Allah lamang
ang nakaaalam sa Nakalingid at Nasasaksihan. Walang
maikukubli sa Kanya na anuman sa lupa ni sa langit.
Nagsabi si Allah (27:65): Sabihin mo: “Hindi
nalalaman ng sinumang nasa mga Langit at Lupa ang
Nakalingid, maliban kay Allah, at hindi nila matatalos
kung kailan sila bubuhayin.”
Huwag kang magsuot o magsabit sa sarili mo o sa
anak mo o sa sasakyan mo o sa bahay mo o sa iba ba
rito ng singsing o sinulid o kuwintas bilang agimat sa
pagtamo ng pakinabang o pagtulak ng pinsala.18
18 Ang pagsusuot ng singsing o sinulid o sigay o iba pa pa, kung
naniwala na ito ay nakapagdudulot ng pakinabang at pinsala, ito ay
sumasalungat sa saligan ng Tawhíd at nakababawas sa pananampalataya.
Kung itinuring ito na isang sanhi roon, ito ay isang maliit
na Shirk na sumasalungat sa kalubusan ng Tawhíd at nakalalabag
sa pananampalataya yamang nahumaling ang puso dito bilang sanhi
roon. Ang isang panuntunan ay nagsasabi: “Ang pagturing na isang
sanhi ang hindi naman sanhi ay isang Shirk.” Napagtitibay ang
pagiging sanhi [ng isang bagay] sa pamamagitan ng tekstong mula
sa Qur’an o Hadíth, tulad ng pinaghugasan ng isang naiinggit. O
Mga Gawaing Ipinagbabawal
15
Ayon kay Abú Bashír al-Ansárí (RA), siya noon ay
kasama ng Sugo ni Allah (SAS) sa ilan sa mga paglalakbay
nito, at isinugo siya ng Sugo ni Allah (SAS) bilang sugo
[na magsasabi]: Wala ngang mananatili sa leeg ng isang
kamelyo na isang kuwintas na pisi o anumang kuwintas19
malibang pinutol ito.
Huwag kang magsuot ng anting-anting o agimat o sigay
sa layuning itulak ang kamalasan o pigiling maganap ito.
Ayon kay ‘Abdulláh ibnu ‘Akím (RA): “Nagsabi
ang Sugo ni Allah (SAS): Ang sinumang nagsabit ng isang
bagay [na pang-agimat], ipagkakatiwala siya roon.”20 Sa
isang sanaysay: Tunay na ang mga bulong,21 ang mga
anting-anting at ang gayuma ay Shirk.
napagtitibay ito bilang resulta ng karanasan gaya ng balangkat (splint)
[sa pagpapagaling ng pilay], lunas medikal, ruqyah na alinsunod sa
Sharí‘ah, kalakip ng pagkahumaling ng puso sa tagapagbigay-sanhi,
at ito ay si Allah, at pagkaalam na ang mga sanhi maging gaano man
kalaki ang mga ito o kalakas, ang mga ito ay nakatali sa pagtatadhana
ni Allah at pagtatakda Niya.
19 Ang kuwintas na ito ay ipinasusuot sa kamelyo bilang isang agimat.
20 Sahíh Sunan atTirmidhí 2/208 bilang 1691; alMusnad ni Imám
Ahmad 5/403 bilang 1839.
21 Mga panalangin o pananalita na sinasambit na pinaniniwalang
may kapangyarihan.
Mga Gawaing Ipinagbabawal
16
Huwag kang magdasal sa isang masjid na may libingan,
bilang paghahadlang sa pagpasok sa pinto ng
Shirk at bilang paglalagot sa sangkap nito.22
Nagsabi si Allah (72:18): Na ang mga masjid ay
ukol kay Allah, kaya huwag kayong manalangin sa isa
pa kasama ni Allah.
Huwag kang magdasal sa ibabaw ng mga libingan
o sa tabi ng mga ito bilang paghiling ng biyaya,23 na
22 Ang isinasatungkulin ay wasakin ang masjid kapag itinayo ito sa
ibabaw ng puntod at hukayin naman ang libingan at ilipat ang nakalibing
sa ibang lugar na ligtas, at tukso ng kaguluhan kapag inilibing
ang patay sa loob ng masjid.
23 Ang pagdarasal sa libingan ay may ilang kalagayan:
A. Ang sinumang magdasal sa tabi ng libingan nang walang kalakip
na paniniwala sa [kapangyarihan ng] libingan at nakalibing dito,
at naglayon ng ikasisiya ng mukha ni Allah at nag-akala na ang
pagsamba ay higit na mainam sa lugar na ito, ang taong ito ay
nakagawa ng isang maka-Shirk na bid‘ah. Siya ay isusumpa at
mapabibilang sa mga masasama sa mga nilalang—magpakupkop
kay Allah—subalit siya ay hindi isang Mushrik na nakagagawa
ng malaking Shirk na nakapagtitiwalag mula sa Islam.
B. Ang sinumang magdasal sa tabi ng libingan samantalang siya ay
naniniwala sa [kapangyarihan ng] nakalibing sa libingan na ito
ay nakapagtutulak sa pinsala at nakapagdudulot ng mabuti kaya
naman nagpakanlong dito, humiling dito at nagpasaklolo rito,
ang taong ito ay isang Mushrik na nakagawa ng malaking Shirk
nakapagtitiwalag mula sa Islam. Nakagawa nga siya ng isang
sumasalungat sa Tawhíd.
C. Ang sinumang sumamba kay Allah sa tabi ng puntod dahil isang
mangmang at hindi nakaaalam na mayroong libingan doon, ang
dasal niya ay tama at hindi siya nagkakasala.
Mga Gawaing Ipinagbabawal
17
naniniwala na ang panalangin sa malapit sa mga ito
ay mainam at ang pagdarasal sa palibot nito ay higit
na ganap. Iyon ay bilang pag-iingat na masadlak sa
Shirk at mga kaparaanan nito.
Ayon kay ‘Á’ishah (RA) na nagsabi: “Nagsabi ang
Sugo ni Allah (SAS): Ang sumpa ni Allah ay ukol sa mga
Hudyo at mga Kristiyano; ginawa nila ang mga libingan
ng mga propeta nila bilang mga sambahan.”24 Sa isang
sanaysay: Pakatandaan, huwag gawin ang mga libingan
bilang mga sambahan sapagkat tunay na ako ay nagbabawal
sa inyo niyon.25
Huwag kang huminto sa pagdarasal sapagkat ito ang
kaugnayan sa pagitan ng tao at Panginoon niya. Ito ang
sandigan ng Relihiyon. Walang bahagi sa Islam para
sa sinumang huminto sa pagdarasal.
Ayon kay Jábir ibnu ‘Abdulláh (RA) na nagsabi:
“Narinig ko ang Sugo ni Allah (RA) na nagsasabi: Tunay na
ang namamagitan sa lalaki at Shirk kalakip ng Kawalangpananampalataya
ay ang paghinto sa pagdarasal.”26
Huwag kang maghanda sa paglalakbay para sa pagsamba
maliban sa tatlong masjid: al-Masjid al-Harám
sa Makkah, al-Masjid an-Nabawí sa Madínah, at al-
Masjid al-Aqsá sa Jerusalem. Tungkol naman sa mga
24 Sahíh alBukhárí 1/140 bilang 435, at Sahíh Muslim 1/314 bilang 529.
25 Sahíh Muslim 1/315 bilang 532 ayon Junadab (RA).
26 Sahíh Muslim 1/85 bilang 82.
Mga Gawaing Ipinagbabawal
18
masjid na iba sa mga iyon, hindi maglalakbay patungo
sa mga ito bilang nagsasadya patungo sa mga ito.
Ayon kay Abú Hurayrah (RA): “Nagsabi ang Sugo ni
Allah (SAS): Hindi paghahandaan ang paglalakbay
maliban sa tatlong masjid: al-Masjid al-Harám, Masjid
ng Sugo, at al-Masjid al-Aqsá.”27
Huwag kang dumalaw sa mga libingan upang dumalangin
sa mga nakalibing sa mga ito bukod pa kay Allah
o magsumamo sa kanila sa halip na kay Allah. Ang
pagdalaw roon ay para lamang makapulot ng aral sa
kalagayan nila at kahahantungan nila. Walang masama
na bumati sa kanila at dumalangin para sa kanila.
Nagsabi si Allah (:13-14): Iyon ay si Allah, ang
Panginoon ninyo. Ukol sa Kanya ang paghahari, samantalang
ang mga dinadalanginan ninyo bukod pa sa Kanya
ay hindi nga nagmamay-ari ng isang lamad28 ng buto
ng datiles. Kung dadalanginan ninyo sila, hindi sila
makaririnig sa panalangin ninyo. Kung nakarinig man
sila, hindi sila tutugon sa inyo, at sa araw na Pagkabuhay
ay itatatwa nila ang pagtatambal ninyo sa kanila kay
Allah. Walang makapagbabalita sa iyo ng tulad ng
Nakababatid.
27 Sahíh alBukhárí 1/360 bilang 1189, at Sahíh Muslim 3/823
bilang 1397.
28 Manipis na balot.
Mga Gawaing Ipinagbabawal
19
Huwag kang magtayo ng mga kupola29 sa ibabaw ng
mga puntod, huwag mong gawin ang mga ito na nakaangat
at nakataas sa lupa, huwag mong palitadahan
ang mga ito, huwag mong ukitan ang mga ito ng mga
titik o mga larawan, at huwag kang magsindi ng mga
ilaw sa ibabaw ng mga ito sapagkat iyan ay pagsasayang
ng salapi sa isang punto ngunit ang pinakamahalaga
ay na ito ay isang pagdadahilan patungo sa Shirk.
Sa gawaing ito ay mayroong pagpapalabis sa pagdakila
sa mga libingan, na pinakakawangis ng pagdakila sa
mga diyus-diyusan.
Ayon kay Abú al-Hayyáj al-Asadí na nagsabi:
“Nagsabi sa akin si ‘Alí ibnu Abí Tálib (RA): Hayaan
mong iparating ko sa iyo ang ipinarating sa akin ng Sugo ni
Allah (SAS): Na hindi ka mag-iiwan ng istatuwa kung
hindi mo napawi ito, ni puntod na nakaangat kung hindi
mo napatag ito.”30
Huwag kang gumawa ng larawan ng isang nilikha na
may kaluluwa,31 gaya ng tao o hayop o ibon o isda32
29 Dome sa Ingles o isang hugis kalahating bola na bubong.
30 Sahíh Muslim 2/555 bilang 969.
31 Ang pagsasalarawan ay isang paglabag sa karapatan ni Allah sa
panig ng Pagkapanginoon sapagkat si Allah ay natatangi sa paglikha
at pag-uutos (7:54): Pakatandaan, ukol sa Kanya ang paglikha
at ang pag-uutos. Mapagpala si Allah, ang Panginoon ng mga
nilalang.
32 Ang iba pang may kaluluwa ay ang anghel, jinní at demonyo. Ang
lahat ng may buhay na nakaaalis sa kinalalagyan ay may rúh o
kaluluwa kaya ang mga hayop ay may kaluluwa rin, sa katunayan
Mga Gawaing Ipinagbabawal
20
malibang ayon sa pangangailangang hindi maiiwasan
gaya ng pagpapatotoo sa pagkakilanlan sa identity card
o pasaporte.
Ayon kay Ibnu ‘Abbás (RA) na ang Sugo ni Allah
(SAS) ay nagsabi: Bawat nagsasalarawan ay mapupunta
sa apoy. Gagawa para sa kanya sa bawat larawan na
isinalarawan niya ng isang kaluluwa at pagdurusahin
siya sa Impiyerno.33
Huwag kang mag-alay ng hayop sa iba pa kay Allah
bilang pagpapakalapit-loob doon o dala ng pangamba
roon o pag-aasam sa kaloob nito,34 gaya ng pag-aalay
sa mga jinní para itulak ang pinsala nila, o pag-aalay
sa mga patay upang humiling ng pakinabang na dulot
daw nila.
bubuhayin din sila sa araw ng pagkabuhay. Ang halaman ay may
buhay ngunit walang kaluluwa dahil hindi naman ito kusang nakaaalis
sa kinalalagyan nito. Ang Tagapagsalin.
33 Sahíh alBukhárí 7/85 bilang 5950.
34 Ang pag-aalay ng hayop sa iba pa kay Allah ay dalawang uri:
A. Bilang pagpapakalapit-loob, pagdakila at pagsamba sa isang pinagaalayan
o pinangangambahan ang masamang magagawa. Ito ay
malaking Shirk na nakapagpapatiwalag mula sa Islam, na sumasalungat
sa saligan ng Tawhíd. Ang halimbawa nito ay ang hayop
na inaalay pagkatapos ng pagpapatayo ng bahay, ang paglalagay
nito sa loob ng bahay at ang pag-iiwan nito roon, o ang pagsasaboy
ng dugo nito sa mga dingding sa paniniwala na ito ay makasasapat
sa pagpipigil sa kasamaan ng mga jinní.
B. Bilang pagkatuwa at pagpaparangal sa pagdating ng isang minamahal
o panauhin, kalakip ng pag-uukol ng kawagasan ng layunin
para kay Allah. Ito ay isang kahilingan ng Sharí‘ah.
Mga Gawaing Ipinagbabawal
21
Nagsabi si Allah (6:162-163): Sabihin mo: “Tunay
na ang dasal ko, ang handog ko, ang buhay ko, at ang
kamatayan ko ay ukol kay Allah, ang Panginoon ng
mga nilalang, wala Siyang katambal. Iyon ay ipinagutos
sa akin, at ako ay una sa mga Muslim.”
Huwag kang mag-alay ng hayop para kay Allah sa
isang lugar kung saan nag-aalay roon ng hayop sa iba
pa kay Allah.
Ayon kay Thábit ibnu ad-Dahhák (RA) na nagsabi:
“Nagpanata ang isang lalaki noong panahon ng Sugo ni
Allah (SAS) na magkakatay ng isang kamelyo sa Bawánah
kaya pumunta siya sa Propeta (SAS) at nagsabi: Tunay na
ako ay nagpanata na magkakatay ng isang kamelyo sa
Bawánah? Kaya nagsabi ang Propeta (SAS): Sa [pook
na] iyon ba ay may isang idolo mula sa mga idolo ng
Kamangmangan, na sinasamba? Nagsabi sila: Wala po?
Nagsabi siya: Sa [pook na] iyon ba ay may [ipinagdiriwang
na] isang pagdiriwang mula sa mga pagdiriwang nila?
Nagsabi sila: Wala po. Nagsabi ang Sugo ni Allah (SAS):
Tuparin mo ang panata mo, ngunit tunay na walang
pagtupad sa isang panata [na nauuwi] sa pagsuway kay
Allah, ni sa anumang hindi minamay-ari ng isang anak
ni Adan.”35
Huwag kang magpanata ng isang pagtalima36 na
gawain o salapi o pagpapakalapit-loob kung hindi kay
35 Sahíh Abí Dáwud 2/637 bilang 2834.
36 Ang mga uri ng panata:
Mga Gawaing Ipinagbabawal
22
Allah at huwag mong gawing pampalapit-loob [sa mga
nakalibing] sa mga libingan o sa tinatawag na mga
shrine at mga mausoleo.
Ayon kay ‘Á’ishah (RA), ang Sugo ni Allah (SAS)
ay nagsabi: “Ang sinumang nagpanata na tatalima kay
Allah ay tumalima sa Kanya, at ang sinumang namanata
na susuway kay Allah ay huwag sumuway sa Kanya.”37
Huwag mong pagpantayin si Allah at ang isa sa mga
nilikha Niya.
Nagsabi si Allah (2:22): Kaya huwag kayong
gumawa para kay Allah ng mga kaagaw samantalang
kayo ay nakaaalam.
Ayon kay Ibnu ‘Abbás (RA), may isang lalaki na
nagsabi sa Propeta (SAS): Ang niloob ni Allah AT niloob
mo. Kaya nagsabi siya (SAS): Ginawa mo ba ako na isang
kaagaw para kay Allah? Ang niloob ni Allah LAMANG.38
A. Panata kay Allah, at kabilang dito ang sumusunod:
1. Panata na gagawa ng isang pagtalima para kay Allah na kinakailangang
tuparin
2. Panata na gagawa ng isang pagsuway na hindi kinakailangang
tuparin
B. Panata sa iba pa kay Allah sa paggawa ng isang pagtalima o
pagsuway. Ito ay Shirk sapagkat ang panata ay isang pagsamba
na kinakailangang ituon kay Allah.
37 Sahíh alBukhárí 7/299 bilang 6700, at Sahíh Muslim 3/1331
bilang 2109.
38 Sahíh Sunan Abí Dáwud 3/940 bilang 4166, ayon kay Hudhayfah;
Sahíh Sunan anNisá’í 2/799 bilang 3533, ayon kay Qutaylah, ayon
sa isang babae na mula sa Juhaynah; Sahíh Sunan Ibnu Májah 1/362
Mga Gawaing Ipinagbabawal
23
Ang halimbawa pa nito ay sabi nila: “Wala akong maaasahan
kundi ikaw AT si Allah. Si Allah ay maaasahan ko
sa langit at ikaw naman sa lupa. Nananalig ako at umaaasa
ako kay Allah AT sa iyo.”
Huwag mong pag-isipan ang sarili ni Allah, sapagkat
si Allah ay (42:11):Walang katulad sa Kanya na anumang
bagay. Hindi Siya maaaring maguniguni (imagine)
ng mga isip at hindi Siya maaabot ng mga paningin sa
mundo. Huwag mong hayaan ang sarili mo sa mga
bulong ng demonyo, magpakupkop kay Allah laban sa
mga iyon at tigilan mo iyon. Sabihin mo: Sumasampalataya
ako kay Allah at sa Sugo Niya.
Ayon kay ‘Abdulláh ibnu Mas‘úd (RA), ayon sa Sugo
ni Allah na nagsabi: Pag-isipan ninyo ang mga biyaya39
ni Allah at huwag ninyong pag-isipan si Allah, kamahalmahalan
Siya at kapita-pitagan.40
Huwag kang maniwala na si Allah ay kasama natin
ang mismong sarili Niya. Ang pagiging kasama Niya
sa atin ay pagiging kasama sa kaalaman at kabatiran
bilang 1720; alMusnad ni Ahmad 1/572 bilang3237; al’Adab
alMufrad ni alBukhárí 783. Lahat ng sanaysay ay nasa malalapit
na pagkakapahayag. Nagsabi si al’Albání sa Sahíh al’Adab alMufrad
pahina 292 bilang 601 na ito ay sahíh.
39 Ibig sabihin: ang mga pagpapala Niya, mga Tanda Niya at mga
kahatulan Niya.
40 Itinala ito ni atTabrání sa al’Awsát, ni alBayhaqí sa ashSha‘b at
ni alLálká’í sa asSunnah. Tingnan ang asSilsilah asSahíhah ni
al’Albání 4/395 bilang 1788.
Mga Gawaing Ipinagbabawal
24
o pagiging kasama sa pagtulong at pag-alalay. Si Allah,
ang Napakamaawain, ay nasa ibabaw natin. Sa trono
ay nakaluklok Siya: mismong sarili Niya, na nakahiwalay
sa mga nilikha Niya ayon sa naaangkop sa kaluwalhatin
Niya at kadakilaan ng kapangyarihan Niya
yamang walang katulad sa Kanya na anumang bagay
at wala Siyang katapat o katulong o katulad o katumbas.
Siya sa bawat bagay ay Maalam.
Nagsabi si Allah (6:18): Siya ay ang Lumulupig sa
ibabaw ng mga lingkod Niya at Siya ay ang Marunong,
ang Nakababatid.
Huwag kang kumilala para kay Allah ng mga pangalan
at mga katangian maliban sa kinilala Niya para sa sarili
Niya sa Dakilang Aklat Niya at kinilala para sa Kanya
ng Marangal na Sugo Niya sa tumpak na Sunnah nito.
Ang mga pangalan ni Allah ay isiniwalat: walang panghihimasok
dito ang pagsang-ayon at ang pag-iisip.
Nagsabi si Allah (17:110): Sabihin mo: “Dumalangin
kayo kay Allah o dumalangin kayo sa Napakamaawain;
sa alin man sa mga ito kayo dumalangin ay
maaari sapagkat taglay Niya ang mga pangalang napakagaganda.
Huwag kang suminsay41 sa mga pangalan ni Allah at
mga katangian Niya sa pamamagitan ng pagkakaila sa
mga ito, pagtanggi sa kahulugan ng mga ito, o pagpa-
41 Lumihis sa kahulugan o kumiling palayo roon.
Mga Gawaing Ipinagbabawal
25
pakahulugan sa mga ito palayo sa mga kahulugan ng
mga ito, o paggawa sa mga ito na mga pangalan ng ilan
sa mga nilikha o pagwawangis sa mga ito sa mga iyon,
ibilang sa mga ito ang hindi naman sa kabilang sa mga
ito, o sa pamamagitan ng pagtutulad sa mga ito.
Nagsabi si Allah (7:180): Taglay ni Allah ang mga
pangalang napakagaganda, kaya dumalangin kayo sa
Kanya sa pamamagitan ng mga ito. Hayaan ninyo ang
mga sumisinsay sa mga pangalan Niya; gagantihan sila
sa anumang ginagawa nila noon.
Huwag kang humingi sa pamamagitan ng mukha ni
Allah ng anuman kailanman. Ang paghingi kay Allah
sa pamamagitan lamang ng mga napakagagandang
pangalan Niya at mga napakatataas na katangian Niya.
Ayon kay Abú Músá al-Ash‘arí (RA) na nagsabi:
“Nagsabi ang Sugo ni Allah (SAS): Isinumpa ang sinumang
humingi sa pamamagitan ng mukha ni Allah, at
isinumpa ang sinumang hinihingan sa pamamagitan
ng mukha ni Allah pagkatapos pinagkaitan niya ang
nanghihingi sa kanya gayong hindi siya hiningan nito
sa malaswang pananalita.”42
Huwag kang magsumamo kay Allah sa pamamagitan
ng pagsusumamo43 na maka-Bid‘ah na ipinagbabawal,
42 Itinala ito ni Ibnu ‘Asákir at atTabrání. Tingnan ang asSilsilah
asSahíhah 5/363 bilang 2290.
43 Ang pagsusumamo na isinabatas na nagtutulak sa pighati at humahatak
sa biyaya ay tatlong bagay:
Mga Gawaing Ipinagbabawal
26
gaya ng sabi nila: “O Allah, tunay na ako ay humihingi
sa iyo sa pamamagitan ng reputasyon ni Polano, o sa
pamamagitan ng karapatan ni Polano, o sa pamamagitan
ng pagkatao ni Polano, o sa pamamagitan ng kalagayan
ni Polano sa Iyo.” Walang masama na dumalangin para
sa iyo ang mga buhay na kabilang sa mga lingkod ni
Allah na matutuwid na mga mananampalataya.
Nagsabi si Allah (5:35): O mga sumampalataya,
mangilag kayong magkasala kay Allah at hangarin ninyo
sa Kanya ang ikalalapit at makibaka kayo alang-alang
sa Landas Niya nang harinawa kayo ay magtagumpay.
Huwag kang mawalan ng pag-asa o masiraan ng loob
sa awa ni Allah anuman ang narating ng mga pagkakasala
mo.
Nagsabi si Allah (12:87): tunay na walang nawawalan
ng pag-asa sa habag ni Allah kundi ang mga
taong tumatangging sumampalataya.
Huwag kang matitiwasay sa panlalansi ni Allah maging
anuman ang [antas ng] pagtalima mo.
A. Sa pamamagitan ng mga napakagagandang pangalan ni Allah at
mga napakatataas na katangian Niya, gaya ng pagsabi: O Rahím,
kaawaan Mo ako; O Gháfirudhdhunúb, patawarin Mo ako.
B. Sa pamamagitan ng mga matuwid na gawain, gaya ng pagsabi:
O Allah, tunay na ako ay humihingi sa Iyo sa pamamagitan ng
pananampalataya ko sa iyo na kaawaan Mo ako; o Allah, tunay
na ako ay humihingi sa iyo dahil sa pag-ibig ko sa Propeta mo
na si Muhammad, na patawarin mo ako.
C. Sa pamamagitan ng panalangin ng matuwid na Muslim para sa iyo.
Mga Gawaing Ipinagbabawal
27
Nagsabi si Allah (7:99): Natitiwasay ba sila sa
panlalansi ni Allah, gayong walang natitiwasay sa panlalansi
ni Allah kundi ang mga taong nalulugi.
Huwag kang mag-isip ng masama kay Allah sapagkat
tunay na si Allah ay natutuwa sa magandang pag-iisip
ng lingkod Niya sa Kanya.
Ayon kay Jábir (RA) na nagsabi: “Narinig ko ang
Sugo ni Allah (SAS) na nagsasabi: Huwag ngang mamamatay
ang isa sa inyo malibang siya ay nag-iisip ng maganda
kay Allah.”44
Huwag kang sumamba kay Allah sa pag-ibig lamang,
huwag kang sumamba kay Allah sa pag-asa lamang ni
sa pangamba lamang. Gawin mo ang dalawang ito na
gaya ng dalawang pakpak ng isang ibon sapagkat tunay
na ang ibon na may nag-iisang pakpak ay halos hindi
makaangat. Ang mga lingkod ni Allah, na mga mananampalatayang
matutuwid ay (17:57): naghahangad
sa Panginoon nila ng ikalalapit: nagsisikap kung alin
sa kanila ang pinakamalapit, umaasa sa awa Niya at
nangangamba sa parusa Niya.
Nagsabi si Allah (15:49-50): Ibalita mo sa mga lingkod
Ko na Ako ay ang Mapagpatawad, ang Maawain;
na ang pagpaparusa Ko ay ang pagdurusang masakit.
44 Sahíh Muslim 4/1747 bilang 2877.
Mga Gawaing Ipinagbabawal
28
Huwag kang umasa sa awa ni Allah nang walang
matuwid na gawa sapagkat tunay na ang pagpapaganda sa
gawa ay patunay ng pagpapaganda ng saloobin kay Allah.
Ang awa ni Allah ay hindi natatamo sa pamamagitan ng
pagbagal-bagal at katamaran bagkus sa pamamagitan ng
makatotohanang pananampalataya at matuwid na gawa.
Ang awa ni Allah ay malapit sa nagmamagandang-saloobin.
Nagsabi si Allah (2:218): Tunay na ang mga
sumampalataya at ang mga nagsilikas at nakibaka sa
Landas ni Allah, ang mga iyon ang nag-aasam sa awa
ni Allah. At si Allah ay Mapagpatawad, Maawain.
Huwag mong kutyain o tuyain o hamakin o maliitin
ang anumang mayroong pagbanggit kay Allah o sa
Qur’an o sa Sugo o sa Islam45 kahit pa sa paraang pagbibiro,
gaya ng pangungutya sa kaalamang pang-Islam at
mga alagad nito dahil dito, gaya ng pangungutya sa paguutos
sa nakabubuti at pagbabawal sa nakasasama at mga
alagad nito dahil sa pag-uutos nila at pagbabawal nila, gaya
ng pangungutya sa balbas, siwák at iba pa na kabilang sa
mga batas at mga gawaing panrelihiyon ng Islam. Lahat
ng iyon ay kawalang-pananampalataya kay Allah.
Nagsabi si Allah (9:65-66): Talagang kung tinanong
mo sila ay talagang magsasabi nga sila: “Tunay na
45 Ito ay kawalang-pananampalataya dala ng pagsalungat, pangungutya
at pagpapasinungaling. Ito ay higit na matindi kaysa sa kawalangpananampalataya
dala ng pag-ayaw na isa lamang pagtigil sa pagganap,
gaya ng pagtigil sa pagdarasal at iba pa. Ito rin ay higit na
matindi kaysa sa pagpapatirapa sa isang imahen o diyus-diyusan.
Mga Gawaing Ipinagbabawal
29
kami ay nag-uusap-usap at nagbibiru-biruan lamang.”
Sabihin mo: “Kay Allah, sa mga Tanda Niya, sa Sugo
Niya ba kayo nangungutya?” Huwag na kayong magdahilan
pa; tumanggi na kayong sumampalataya matapos
ang pagsampalataya ninyo.
Huwag kang makihalubilo sa sinumang walang pakundangang
tumatalakay sa mga kapahayagan ni Allah, at
tumatangging sumampalataya at kumukutya sa mga
ito kung hindi rin lamang para anyayahan siya, linawin
ang kabulaanan niya at balaan siya laban doon.
Nagsabi si Allah (4:140): Pinababa na Niya sa
inyo sa Aklat na kapag narinig ninyo ang mga kapahayagan
ni Allah na tinatanggihang sampalatayanan
at kinukutya ay huwag kayong maupong kasama nila
malibang tatalakay sila ng usapang iba roon. Tunay na
kayo, kung gayon, ay tulad nila. Tunay na si Allah ay
magtitipon sa mga nagkukunwaring mananampalataya
at mga tumatangging sumampalataya sa Impiyerno
nang sama-sama.
Huwag kang humatol ng hindi ayon sa ibinaba ni
Allah46 o maniwala na ang kahatulan Niya ay naglala-
46 Ang paghatol ng hindi ayon sa ibinaba ni Allah, gaya ng mga batas
na gawang-tao ay may ilang kalagayan:
A. Ang sinumang humatol ng hindi ayon sa ibinaba ni Allah, na
naniniwala na ang kahatulan ni Allah ay hindi na nababagay sa
panahong ito, o na ang iba pa rito ay higit na maganda kaysa rito,
o na ito ay hindi kumpleto at nagtataglay ng kawalang-katarungan
Mga Gawaing Ipinagbabawal
30
man ng kawalang-katarungan o pang-aapi o paniniil
o kalupitan, o na ito ay kulang at hindi nalubos, na ang
ibang hatol ay higit na mabuti kaysa rito o kapantay nito
at higit na mainam sa buhay ng tao, na ito ay hindi na
nababagay sa panahong ito. Lahat ng iyon ay kawalangpananampalataya
kay Allah at pagtalikod sa Relihiyon
Niya.
at kalupitan, ito ay kawalang-pananampalataya at pagtalikod na
nakapagtitiwalag mula sa Islam. Tumatalikod ang tao sa pamamagitan
nito sa Islam. Siya ay napabibilang sa pinakamalaking
mga tampalasan at mga nakikidigma sa Panginoon ng mga nilalang.
Nagsabi si Allah (5:44): Ang sinumang hindi humatol ng
ayon sa ibinaba ni Allah, ang mga iyon ay ang mga tumatangging
sumampalataya.
B. Ang sinumang humatol ng hindi ayon sa ibinaba ni Allah, na
naniniwala naman na ang kahatulan ni Allah ay higit na mainam
at na ang pagbabatas Niya ay higit na kumpleto ngunit upang
umayon iyon sa pithaya niya at upang maabot niya ang mithi
niya sa pamamagitan ng mga batas na ito, ang taong ito ay isang
suwail na kulang ang pananampalataya, na hindi naman tumatalikod
sa Islam. Nagsabi si Allah (5:47): Ang sinumang hindi
humatol ng ayon sa ibinaba ni Allah, ang mga iyon ay ang
mga suwail.
C. Ang sinumang naghahatol ng hindi ayon sa ibinaba ni Allah, na
naniniwala naman sa pagkakailangan ng paghahatol ayon sa
isinabatas ni Allah ngunit dahil sa pangamba sa isang mapangaping
namamahala o sa mga kaaway na nakikidigma, ang taong
ito ay lumalabag sa katarungan sa sarili niya at hindi lubos ang
pananampalataya. Nagsabi si Allah (5:45): Ang sinumang hindi
humatol ng ayon sa ibinaba ni Allah, ang mga iyon ay ang
mga lumalabag sa katarungan.
Mga Gawaing Ipinagbabawal
