Okombo ya Allah wa boboto atonda ngolu
Ntoma ya Islam, Muhammad, Nzambe apambola
ye pe apesa ye kimia
Botali mokuse ya Ntoma ya Islam, Muhammad1, Nzambe apambola ye mpe apesa ye kimia, na kati na
yango nalimboli nkombo na ye, Libota na ye, mboka na ye, kobala na ye, nsango naye oyo ayaki
nayango, na bilembo naye ya kozala Ntoma , Mpe mibeko na ye, Na position ya ba opposants na ye
envers ye.
1- Nkombo na ye, molongo (Libota) na ye, mpe
mboka oyo abotamaka mpe akolaka
Ntoma ya Islam ezali Muhammad bin Abdullah bin Abdul Muttalib bin Hashim, moko ya bakitani ya Ismail
bin Ibrahim, kimia ezala likolo na bango.Yango ezali mpo ete Prophète ya Nzambe, Abraham, kimia ezala
likolo na ye, awutaka na Cham tii na Mecque.Elongo na, mwasi na ye Agare mpe mwana na ye Ismail,
oyo azalaka na berceau. Atiaka bango na Mecque na motindo ya Nzambe Mozwi-ya-Nguya-Nyonso, mpe
ntango mwana Naye mobali akolaka, Ntoma Ibrahim, kimia ezala likolo na ye, ayaka na Mecque.Ye na
mwana na ye Ismail, kimia ezala likolo na bango, batongaka Kaaba, Ndako Esantu, mpe bato bakómaka
mingi zingazinga ya ndako, na Mecque ekomaka destination ya baye basambelaka Nzambe, Nkolo ya
mokili. pona Baoyo balingi kosala Hajj, Na Bato bakobaka kosambela Nzambe moko, na lingomba ya
Abraham, kimia ezala likolo na ye.Nsima ya wana déviation esalemaka, na Péninsule Arabique ezalaka
lokola bamboka nyonso oyo ezali zingazinga na yango, Makambo yaba pagano Emonanaka: lokola
losambo ya bikeko, koboma bana mike ya basi,Konyokola basi, koloba lokuta, komela masanga, Mpe
kosala misala ya masumu,Pe kolia mbongo ya ba orphelins pe kozua usure (Ribba)...Nakati ya esika
oyo, na environnement oyo, Nde Ntoma ya Islam, Muhammad bin Abdullah, abotamaka, na Kobanda
bokitani ya Ismail bin Ibrahim, kimia ezala likolo na bango, na mbula 571, (mbula yamokili), Mpe Tata na
ye akufaka liboso ya kobotama naye, na maman na ye akufaka atikakaye, na mbula motoba (6),ndeko
ya tata na ye Abu Talib nde akolisaka ye, akolaka orphelin, mobola, azalaka kolia mpe kozwa mbongo, na
mosala ya maboko.
2- Libala ya mapamboli na madame ya
mapamboli
Tango azalaka na mbula tuku mibale na mitano 25, abalaka mwasi moko ya Mecque, Khadija bint
Khuwaylid, Nzambe asepela na ye, Abotaka bana basi minei mpe bana mibali mibale, epai na ye, bana
mibali bakufaka na bomwana, Asalelaka mwasi na ye mpe libota na ye na boboto mpe na bolingo
mpenza, Yango wana mwasi na ye Khadija alingaka ye na bolingo monene, ye mpe alingaka ye bolingo
mpenza, abosanaka ye te ata nsima ya liwa na ye bambula mingi, Azalaka koboma mpate (Mouton) mpe
kokabola yango na baninga ya Khadija, Nzambe asepela na ye, mpo na lokumu, na bango,na boboto
epai na ye, mpe mpo na kobatela bolingo na ye.
Ebandeli ya emoniseli (révélation)
Ntoma Muhammad, Nzambe apambola ye mpe apesa ye kimia, azalaka na bizaleli monene uta Nzambe
akela ye, Bato na ye bazalaka kobenga ye moto ya sembo na ya kotiela motema, mpe asanganaka
elongo na bango na misala minene, Azalaka koyina misala ya ba pagano (Païennes) oyo bazalaka
kosala, azalaka kosangana na yango te.
Tango akomaka na mbula tuku minei 40 tango azalaka na Mecque, Nzambe aponaka ye azala motindami
, na Angelu Gabriel kimia Ezala naye ayelaka ye, Mpe Surat yaliboso ekitaka, na Coran ezali liloba ya
nzambe :(ْ أَْرﻗاِْمﺳﺎِﺑَكﱢﺑَرذِيﱠﻟاََقﻠَﺧ)1 ) (Tanga na kombo ya Nkolo na yo oyo akela (1)َ َقﻠَﺧَنﺎَﺳﻧِْﻹاِْنﻣٍَقﻠَﻋ)2 ) Akelaka
moto na eloko oyo ekangama ki (2) .ْ أَْرﻗاَكﱡﺑَوَرُْرَمﻛَْﻷا)3 ) Tanga, mpe Nkolo na yo azali Mokabi koleka (3)ذِيﱠﻟاَ
مﱠﻠَﻋَِمﻠَﻘْﻟﺎِﺑ)4 ) Oyo atangisaka na kalamu (Stylo )(4)َ مﱠﻠَﻋَنﺎَﺳﻧِْﻹاﺎَﻣَْمﻟَْمﻠْﻌَﯾ)5 )) Atangisaka moto makambo oyo
ayebaki te (5))[Surat Al-Alaq: 1-5]Yango wana ayaka epayi ya mwasi na ye Khadija, Nzambe asepela na
ye, na motema na ye koningana, Ayebisaka ye sango mpe akitisaka ye motema, mpe amemaka ye epai
1 Nazalaki na mposa makasi ya kokanisa ntango nyonso maloba mibale ya Ntoma Muhammad, na
kotalaka libongoli, yango wana ekoyebana.
ya ndeko na ye ya mobali Waraqah bin Nawfal,Akómaka na boklisto mpe atángaka Torah Na Évangile -
mpe Khadija alobaka na ye: O cousin, yoka mwana ya ndeko na yo, Waraqah alobaka na ye : O mwana
ya Ndeko na ngai, omoni nini? Bongo Ntoma ya Nzambe, Nzambe apambola ye mpe apesa ye kimia,
ayebisaki ye nsango ya maye amonaki, mpe Waraqah alobi na ye :Oyo ezali mibeko oyo Nzambe
akitisaka epai ya Moise Nalingi nazala ata na libateli kati na yango Nalingi ata nazala na bomoi ntango
bato na yo bakobimisa yo,Ntoma ya Nzambe, tika ete Nzambe apambola ye mpe apesa ye kimia, alobaki
boye: “bango bako bimisa ngai? .” Alobaki: Ee, moto moko te amema eloko lokola oyo omemi Kaka
baboyaka, mpe soki mukolo Wana ekuti ngai nakosungayo )2
Na Mecque, Coran ekobaki kokitela ye, na Gabriel, kimia ezala likolo na ye, akitaki na yango, kouta epayi
ya Nkolo ya mokili, ndenge Azalaki ko memela ye nsango mikemike.
Akobaka kobenga bato na ye na Islam, kasi bato na ye baboyaka ye mpe baswanisaka ye, bapesaka ye
mbongo mpe bokonzi mpo na kotika nsango yango, aboyaka nyonso wana, balobaka na ye maloba mabe
ndenge balobelaka ba kambi, liboso na ye: Ndoki, moto ya lokuta, mofingi, Batungisaka ye, babundisaka
nzoto na ye ya lokumu, mpe banyokolaka balandi na ye.Motindami - Nzambe apambola ye mpe apesa ye
kimia - atikalaka na Mecque kobenga batu epai ya nzambe, mpe akendaki na bisika ya Hajj, na bazando
ya ba Arabes, Akutanaka na bato kuna mpe akotisaka bango Islam, na azalaka na mposa ya bomoi ya
mokili te to esika ya bokambi, Mpe bitumba ya machete ezalaka kobangisa ye te, yango wana azuaka
bokonzi nabango te, mpe azalaka sulutani na bango te, Asalaka annoncé yaliboso na bobengi bato, Mpo
na komema ndenge moko na oyo amemaki uta na Coran Monene, n'a akobaki kotelemela batu Oyo
bazalaka kotelemelaye , mpe ba ndimelaka ye ba oyo bandimaka naba swahaba ya lokumu nzambe
esepela na bango
Na Mecque, Nzambe akumisaka ye na likamwisi monene, oyo azuaka Mobembo ya Butu na Yelusaleme,
mpe na nsima komata na ye na lola Eyebani ete Nzambe atombolaka Prophète Elias mpe Jesus, kimia
ezala likolo na bango, na lola, lokola elobelami kati na yango Ba musulmans na ba chrétiens.Ntoma,
Nzambe apambola ye mpe apesa ye kimia, azwaki etinda ya losambo na mapata, nayango ezali losambo
oyo ba musulmans basambelaka mbala mitano na mokolo Mpe na Mecque - lisusu - elembo monene
mosusu esalemaka, sanza ekabwanaka, na ba mushirikina bamonaka yango.
Ba kufaru ya ba Quraish basalelaka ba lolenge nionso pona kopekisa ye. Bazalaka na mokano ya kosala
mpo na kotelemela ye, na kopengwisa ye, mpe bazalaka na motó makasi na kosenga bilembo, mpe
bazalaka koluka lisalisi epai ya Bayuda mpo na kopesa bango ntembe oyo ekosalisa bango na koswana
na ye na kobengana bato epai na ye.
Tango minyoko ya bandimi na ba infidèles ya Quraish ekobaki, Prophète - Nzambe apambola ye pe
apesa ye kimia - apesaka bango nzela ya kokende na Habasha, pe Prophète, Nzambe apambola ye pe
apesa ye kimia, aloba na bango: Kuna ezali na mokonzi ya bosembo oyo anyokolaka moto te, mpe
azalaki mokonzi ya ba naswaraniya, yango wana bituluku mibale kati na bango bakendeka kofanda na
Habasha, mpe ntango ba immigrés bakomaki na Habasha, Balakisaka na mokonzi, lingomba oyo
Prophète Muhammad amemaki, Nzambe apambola ye mpe pesa ye kimia. Abongwana na Islam mpe
alobaka : na kombo ya Nzambe oyo- ezali oyo Moise, kimia ezala likolo na ye, amemaka mpo na kobima
na mikakatano moko, na mpo na kosukisa kosala mabe ya bato na ye, na baninga na ye.
Kati na baye bandimaka ye na eleko ezalaka na etuluku moko ya baye bawutaka na Medina mpe
balakaka bosembo na bango na Islam na lisungi soki akei na mboka na bango Bazalaka kobenga yango
(Yathrib); Apesaka ndingisa na baye batikala na Mecque bakende kofanda na mboka ya Ntoma, yango
wana bakendeka kofanda na medina, na Islam epalanganaka na medina, kino ndako nioso ezalaka na
kati bakotaka na Islam.
Sima ya Prophète, Nzambe apambola ye pe apesa ye kimia, alekisaka mbula zomi na misato na Mecque
kobenga bato na nzela ya nzambe, Nzambe apesaka ye nzela ya kokende na ville ya medina. Yango
wana akendeki na mboka mopaya - Nzambe apambola ye mpe apesa ye kimia - na akobaka kobenga
bato na nzela ya nzambe, mpe mibeko ya Islam ekobaka kobimisama mokemoke, n'a abandaka kotinda
bamemi-nsango na ye na mikanda epai ya bakonzi ya mabota na bakonzi oyo bazalaka kobenga bango
na Islam, mpe kati na baye batindamaka epai na ye ezalaka: mokonzi ya ba Rome, mokonzi ya Baperse,
mpe mokonzi ya Ezipito.
Na Medina, éclipse solaire esalemaka, bato babangaka mingi na mokolo ya liwa ya Ibrahim, mwana ya
Ntoma, Nzambe apambola ye mpe apesa ye kimia Bato baloba: Moyi ekangamaki mpo na liwa ya
Ibrahim, yango wana Ntoma, Nzambe apambola ye mpe apesa ye kimia, alobaka:(Moi na sanza ekutani
2 Eyokani uta na hadith ya Aisha, Nzambe asepela na ye, Sahih Al-Bukhari (2) 1/7, mpe Sahih Muslim
(152) 1/139.
te mpo na liwa ya moto to bomoi na ye, kasi ezali kati na bilembo ya Nzambe, mpe Nzambe abangisaka
yango ba umbu naye)3٫Soki Ntoma, Nzambe apambola ye mpe apesa ye kimia, azalaka moto ya lokuta,
alingaka apesa Bango somo, koloba: ete moi esila kozipa mpo na liwa ya mwana na ngai ya mobali,
bongo ezali boni nani alingaka aboya Pe abenga ngai moto ya lokuta?
Motindami, Nzambe apambola ye mpe apesa ye kimia, apambolamaka na Nkolo na ye na bizaleli
malamu ya kokoka, mpe Nzambe alimbolaka ye na koloba :(َ كﱠﻧِإَوٰﻰَﻠَﻌَﻟٍُقﻠُﺧٍمﯾَِظﻋ ) (Mpe ya solo, ozali na
ezaleli ya malamu)[Surat Al-Qalam:4]٫Azalaka na bizaleli ya malamu , lokola bosolo, bosembo, mpiko,
bosembo, mpe justice ata na batelemeli, bokabi, mpe alingaka kopesa bokabi na babola, bazangi, na
basi bakufelá mibali, na babola, mpe azalaka na mposa makasi ya kotambwisa bango , mpe kozala na
mawa mpo na bango mpe na komikitisa epai na bango, kino moto moko ya kokamwa ayaka koluka
motindami, tika ete Nzambe apambola ye mpe apesa ye kimia, mpe atuna baninga na ye, tika ete
Nzambe asepela na bango, mpo na ye azalaka kati na bango, me ayebaka ye te, yango wana atunaka:
Nani kati na bino azali Muhammad?
Bomoi na ye ezalaka elembo ya kokoka mpe ya lokumu na boyokani na ye na moto nyonso : monguna
mpe moninga, penepene mpe mosika, mobange mpe elenge, mobali mpe mwasi, banyama mpe
bandeke.
Tango Nzambe akokisaka lingomba na ye, Ntoma -Nzambe apambola ye mpe apesa ye kimia -
akomisaka nsango yango, na akufaka ntango azalaka na mibu tuku motoba na misato 63, kati na yango
mibu ntuku minei 40 yambo ya avant bosakoli na ye, mpe ntuku mibale na mbula misato 23 lokola
mosakoli mpe momemi-nsango.Bakundak ye na mboka ya medina - Nzambe apambola ye mpe apesa ye
kimia - atikaka bomengo na héritage te, Kaka mpunda na ye ya pembe oyo azalaka komata, na lopango
oyo apesaka swadaka na baleki nzela.4
Motango ya baye babongwanaka na Islam, bandimaka ye, mpe balandaka ye ezalaka monene koleka,
baninga na ye basalaka elongo na ye Hajj ya kolaka, mpe ezalaka pene na sanza misato yambo ya liwa
na ye, mpo na kobatela lingomba na ye mpe kopalanganisa yango, baninga na ye, oyo atombolaka
Bango na ntina ya bizaleli mpe mitinda ya Islam, bazalaka kati na baninga ya malamu koleka , na oyo
etali bosembo, na kobwakela mokili mokongo, na bondimi, na mpo na bosembo mpe komipesa na
lingomba monene oyo bazalaka kondima.
Ba yekoli na ye, Nzambe asepela na bango, bazalaka na bondimi, boyebi, mosala, bosembo, bosolo,
bokabi, mpiko, na bokabi bazalaka: Abu Bakr -Siddiq, Omar bin-Khattab, Othman bin Affan, mpe Ali bin
Abi Talib, Nzambe asepela na bango, mpe bazalaka kati na bato ya liboso kondima mpe bandimaka ye,
bazalaka ba kambi sima na ye Baoyo bamemaka bendele ya lingomba nsima na ye, Aponaka bango te
koleka ba yekoli naye misusu, Nzambe asepela na bango.
Mpe Nzambe abatelaka Buku na ye oyo amemaka yango, na Sunna na Ye, biografi na Ye, maloba na Ye,
mpe misala na Ye maloba na ye oyo alobelaka yango biografi na ye ndenge ebatelamaka - mpe lisolo
naye mobimba - lokola biografi na Ye ndenge nini alalaka, aliaka, amelaka, pe asekaka ?Ndenge nini
asalaka na libota na ye na kati ya ndako na ye?Ba ezaleli na ye nionso ebatelami pe ekomami na
biographie na ye , Azali mutu pe momemi-nsango oyo azali na bizaleli ya bonzambe te, pe azali na
litomba to mabe moko te pona ye moko.
4- Nsango na ye
Nzambe atindaka Muhammad, kimia ezala likolo na ye, nsima ya binzambi nzambi elekaka, na bozangi
kondima, na bozangi boyebi epalanganaka na mabele mobimba, mpe ezalaka na mutu moko te, na
etando ya mabele oyo azalaka kosambela Nzambe moko, longola se bato moke batikalaka Bato ya Buku,
Boye Nzambe atindaka Ntoma na Ye Muhammad, kimia ezala likolo na ye, na elembo ya basakoli mpe
bamemi-nsango Nzambe atindaka ye na bokambi mpe lingomba ya solo mpo na mokili mobimba. Mpo na
kosala ete elonga mangomba nyonso, mpe kobimisa bato na molili ya bopagano, ya kozanga kondima,
na kozanga boyebi, na kotia Bango na bondimi ya Nzambe moko, na nsango na ye ezali kokokisa
nsango ya basakoli ya kala, kimia mpe mapamboli ezala likolo na bango.
Abengaka batu na nyonso oyo basakoli na bamemi-nsango, kimia ezala likolo na bango: Noa, Abraham,
Moise, Salomo, David, mpe Yesu basengaka - kondima ete Nkolo azali Nzambe, Mozalisi, Mopesi Bomoi,
Bokonzi, pe ye nde azali kokamba likambo nioso, pe ye azali nzambe ya ngolu na mawa, azali Mozalisi
ya nionso na univers oyo tozali komona na oyo tozali komona te, pe nionso ezali bikelamu naye Moko,
yeba ye akelamaka te.
4 Sahih Al-Bukhari (4461) 6/15.
3 Sahih Muslim (901)
Ntoma abengaka batu na losambo ya Nzambe ye moko, na kotika losambo ya eloko mosusu Oyo ezali
ya nzambe te, mpe amonisaka polele - na mokano ya kopesa bososoli - ete Nzambe azali moko mpe
azali na molongani te na losambo na Ye, bokonzi, bokeli, to bokambi, mpe azalaka polele ete Nzambe
Mozwi-ya-Nguya-Nyonso abota te mpe abotama te, na azali na oyo akokani na ye te, abalukaka pe te ,
alataka pe nzoto ya mutu te.
Na ntoma abengaka bato kondima mikanda ya bonzambe, lokola makomi ya Abrahama mpe ya Moise,
kimia ezala likolo na bango, Torah, zaburi, Évangile, Na abengaka batu mpe kondima bamemi-nsango
banso, kimia ezala likolo na bango, mpe batalelaka ete moto nyonso oyo azali kondima mosakoli moko
te, aza mondimi te, pe asili koboya basakoli nyonso.
Na apesaka nsango malamu na bato banso na ngolu ya Nzambe, mpo na nzambe nde azali ko soigner
suffisance na bango na lingomba, Allah azali nzambe Nkolo ya mawa, Mpe ye moko akopesa bikelamu
na Ye mokumba ya kotuna Bango Mokolo ya Lisekwa ntango akosekwisa bango banso uta na malita na
bango, mpe ye nde Apesaka bolamu na bandimi mpo na misala na bango ya malamu, misala malamu
Moko lifuti mbala zomi, mpe misala ya mabe Moko lisumu moko, mpe mpo na bango Esengo efandi na
bomoi na nsima ya liwa, mpe oyo azali kondima te, asalaka misala mabe akozwa mbano na ye na mokili
oyo mpe na bomoi nsima ya liwa.
Na nsango na ye, Ntoma Muhammad - Nzambe apambola ye mpe apesa ye kimia - akumisaka libota na
ye te, to mboka na ye , tope ye moko komipesa lokumu, Kasi, bankombo ya basakoli Noah, Abraham,
Moise, mpe Jesus, kimia ezala likolo na bango, balobelami na Coran Esantu koleka ndenge kombo na ye
etangami, Nakati kombo ya mama na ye te to ba kombo ya basi na ye na Coran Esantu Eza te, Kasi
Nakati elobeli kombo ya mama ya Moise koleka mbala moko, mpe Maria, kimia ezala likolo na ye,
alobelami mbala ntuku misato na mitano 35.
Na ntoma Muhammad - Nzambe apambola ye mpe apesa ye kimia - azalaka na libungi te na nionso oyo,
ezalaka kotelema na Sharia, raison, mpe sens commun, to oyo eboyami na bizaleli azalaka Nakati ya
mabe te, Pamba te basakoli, kimia ezala likolo na bango, Bazalaka na mabunga te na maye Bazalaka
kopesa na ntina ya Nzambe, mpo Bazalaka na mokumba ya kopesa mitindo ya Nzambe epai ya basaleli
na Ye, mpe basakoli Bazalaka na bizaleli Moko te ya bonzambe to ya bokonzi naye. Kasi, bazalaka bato
lokola bato nyonso, oyo Nzambe Mozwi-ya-Nguya-Nyonso amonisaka bango bansango na Ye.
Na moko ya bilembo minene oyo emonisaka ete nsango ya Ntoma Muhammad, Nzambe apambola ye
mpe apesa ye kimia, ezali emoniseli oyo euta na Nzambe ezali tii lelo ndenge ezalaka na bomoi na ye,
azali na ba milliards ya ba musulmans, oyo basalelaka misala na yango ya mibeko lokola losambo, zakat,
Carême, Hajj, mpe misusu, basalaka changement to distorsion te.
5- Ba bilembo, ya esakoli na ye, mpe bosolo oyo
ezali kondima yango
Nzambe azalaka kosunga basakoli na baverse oyo ezali kolakisa esakoli na bango, mpe apesi makanisi
mpo na bango, Mpe bilembeteli biye bizali kotatola nsango na bango, mpe Nzambe apesaka mosakoli
nyonso bilembo bikoka mpo bato bandima bango, na bilembo minene koleka epesamaka na basakoli
ezali bilembo ya Ntoma na biso Muhammad, Nzambe apambola ye mpe apesa ye kimia Nzambe apesaki
ye Coran ya lokumu, oyo ezali elembo oyo etikali na bilembo ya ba ntoma tii na mokolo ya lisekwa,
ndenge apesaka yango maboko minene (bikamwa), mpe bilembo ya Ntoma Muhammad - Nzambe
apambola ye pe apesa ye kimia - ezali ebele, kati na yango :
Mobembo ya butu komata na mapata, kokabwana ya sanza, mpe mbula oyo ezalaka kobeta mbala mingi
nsima ya ye kobenga Nkolo na ye mpo na kopesa bato mai nsima ya kokauka.
Mpe bilei na mai ezalaka moke akomisaka yango mingi, yango wana bato mingi balyaka mpe bamelaka
yango.
Na bopesi naye nsangu ya kala oyo ezalaka koyebana te, makambo ya mikemike oyo moto moko te
ayebaka, Nzambe ayebisaka ye, masolo ya ba prophètes , kimia ezala likolo na bango, elongo na bato na
bango, mpe lisolo ya Baninga ya Libulu (Aswabu kahf).
Na bopesi naye nsangu ya makambo oyo ekosalema na nsima mpo Nzambe Mozwi-ya-Nguya-Nyonso
ayebisaka ye, nsango ya móto oyo ekobima na mokili ya Hijaz, oyo ekomonana na baye bakozala na
Levant (shàm) , mpe bato bakomatisa kotonga bandako yalikolo.
Nzambe akoki mpo na ntoma mpe abatelaka ye na mabe bato.
Bilaka na ye epai ya baninga na ye ekokisamaka, lokola ntango alobaka na bango :(Baperse na Ba rome
bakolonga bino, mpe bokolekisa bomengo na bango na nzela ya Nzambe.)
Mpe Nzambe asungaka ye na ba anzelu.
Na Apesaka nsango malamu ya basakoli, kimia mpe mapamboli ezala likolo na bango, na bato na bango
na ntina ya esakoli ya Ntoma Muhammad, Nzambe apambola ye mpe apesa ye kimia - mpe kati na baye
asakolaka bango ezalaka na Moise, David, Salomo, Jésus, kimia ezala likolo na bango, Na basakoli
misusu, na bana ya Israël.
Mpe ba dalili ya mayele na lisese5oyo epesaka makanisi ya kimya na yango.
Na milongo oyo, bilembeteli, mpe bandakisa ya mayele epalangani na Coran Esantu mpe Sunnah ya
Ntoma, na ba verse na yango ezali mingi, na oyo akolinga kotánga yango koyekola na ntina na yango
asengeli kotalela lisusu Coran esantu, mikanda ya Sunnah, mpe biografi ya Ntoma, lokola ezali na ba
informations misusu na ntina ya ba versets oyo.
Soki ba bilembo minene wana esalemaka te, ba opposants na ye oyo bawutaka na ba infidèles ya
Quraysh mpe na ba juifs na ba chrétiens oyo bazalaki na Péninsule arabe balingaka bazua libaku ya
koboya ye mpe kokebisa bato na ntina na ye.
Na coran esantu ezali buku oyo Nzambe abimiselaka Ntoma Muhammad - Nzambe apambola ye mpe
apesa ye kimia - Na yango ezali liloba ya Nkolo ya mokili, Nzambe atelemela bato na ba jinne mpo na
kobimisa eloko lokola coran to surah lokola yango, na mokakatano yango ezali tii lelo oyo Coran Esantu
ezali koyanola na mituna mingi ya ntina oyo ezali kobulunganisa Bamilio ya bato, mpe Coran Monene
ebatelami tii lelo na monoko ya ba arabe oyo ebimisamaka. Ata liloba moko te ezangi na yango, na oyo
ako lekisa Kotanga, yango mpe koboya kondima yango, malamu Nyonso ekoleka ye.Na Sunnah ya
Ntoma Muhammad - Nzambe apambola ye mpe apesa ye kimia, - na bokambi mpe biografi na ye
ebatelami mpe epesameli engebene na molongo ya bayekoli ya bondimi Enyatami na monoko ya ba
arabe oyo Ntoma Muhammad - Nzambe apambola ye mpe pesa ye kimia - alobaka lokola azalaka
kofanda kati na biso, mpe abongolami na minoko mingi, Na Coran esantu mpe Sunnah ya Ntoma -
Nzambe apambola ye mpe apesa ye kimia - ezali liziba moko ya Islam na mibeko ya kosala.
6- mibeko oyo ayaka nango Ntoma Muhammad -
Nzambe apambola ye pe apesa ye kimia.
Mibeko oyo ayaka nango Ntoma Muhammad - Nzambe apambola ye mpe apesa ye kimia - ezali mibeko
ya Islam, mpe ezali, bosukisi ya mibeko ya bo nzambe na ba nsango ya bo nzambe, mpe ekokani na
ebandeli na yango na mibeko ya basakoli ya kala, ata ndenge lolenge na yango ekeseni.
Na yango ezali mibeko ya kokoka, mpe ezali na ntina na ntango mpe esika nyonso Ezali kosangisa
bosolo ya lingomba ya bato na bomoi na bango ya mokili , Esangisi misala nyonso ya losambo oyo
ezalaka wajibu ba umbu basalela Nzambe , Nkolo ya mokili, ya boye lokola losambo na zakat, mibeko
Wana ezali kopesa bososoli mpo na bango na misala ya mosolo, ya nkita, ya bomoi, ya politiki, ya
basoda, mpe ya zinga zinga oyo epesami nzela na oyo epekisami, mpe makambo mususu oyo ezo
senga na bomoi ya bato.
Mibeko oyo ebatelaka mangomba ya bato, na makila na bango, na lokumu na bango, mpe bomengo na
bango, na makanisi na bango, mpe bana na bango Esangisi bizaleli malamu mpe bosembo nyonso, mpe
ezali kokebisa na mabe nyonso ya bomoto, etindi kosalela bato malamu, bokatikati, bosembo, bosolo,
bolingo, na kolingela bato bolamu, kosopa makila te, libateli ya bikólo, mpe epekiseli ya kobangisa bato
mpe kobangisa bango na bosembo te . Ntoma Muhammad - Nzambe apambola ye mpe apesa ye kimia -
abundisaka etumba na bokonzi ya mabe mpe kanyaka na lolenge nyonso, ya mabe, mpe koboya
Biyambayamba, isolement mpe Lingomba ya ba monasticisme.
Ntoma Muhammad - Nzambe apambola ye pe apesa ye kimia - alimbolaki ete Nzambe akumisi bato -
mibali na basi - pe a garantir bango ba droits na bango nionso, asala bango ba responsable ya ba choix,
misala pe bizaleli na bango nionso, pe azuaki bango na mokumba ya action nionso oyo ezali komisala
mabe to kosala basusu mabe. Esalaki ete mibali mpe basi bakokana na oyo etali bondimi, lifuti, mpe
bolamu, na Sharia mibeko oyo epesaki bobateli ya sipesiale mpo na basi lokola ba mama, basi, bana
basi, mpe bandeko basi.
Sharia mibeko oyo amemaka yango Ntoma Muhammad - Nzambe apambola ye mpe apesa ye kimia -
eyaka na bobateli makanisi mpe epekiseli ya nionso oyo ebebisaka yango, lokola komela masanga, na
Islam etalelaka lingomba lokola mwinda oyo engengisaka nzela ya makanisi . Mpo ete moto asambela
5 Lokola liloba ya mozwi-ya-Nguya-Nyonso alobaka: (Ee bino bato, lisese moko epesami, yango wana
boyoka yango. Ya solo, baoyo bozali kosenga Bango bosengi Nzambe te, bango bako kelaka ata nzinzi
Moko te, nasoki ata nzinzi azui pasi baza namakasi Yako longola pasi wana te ata basangani, yango
Ezali Botau ya mutu oyo azali kosenga na oyo ba zosengaye) [Surat Al-Hajj: 73].
Nkolo na ye na bososoli mpe na boyebi, Mibeko ya Islam etombolaki ntina ya makanisi, ekómisaki yango
esika oyo esengeli kozala na mokumba, mpe elongolaki yango na minyololo ya bi yambayamba mpe ya
ba pagano.
Na Mibeko ya Islam ekumisaka boyebi ya malamu, elendisi bolukiluki ya siansi oyo ezangi caprice, mpe
esengi kotalela na komanyola mutu ye moko mpe molóngó mobimba, mpe mbano ya siansi ya malamu,
na siansi ezali ko telemela te oyo Ntoma - Nzambe apambola ye mpe apesa ye kimia - . ayaki nango.
Bokeseni ezali te na mibeko ya Sharia mpo na lolenge moko ya nzoto ya bato koleka ba mosusu, mpe
epesaka te lokumu na bato moko koleka bato mosusu Kasi, moto nyonso akokani liboso ya bikateli na
yango. Pamba te bato banso bakokani na ebandeli na bango, mpe ezali na koleka ya loposo moko te
likolo ya ba mosusu, to ya ekolo moko likolo ya ba mosusu longola se na nzela ya bo bangi nzambi , na
ntoma Muhammad -mabondeli ya Nzambe mpe kimia ezala likolo na ye - alobaka ete mwana nyonso oyo
abotami sika abotamaka engebene na bozalisi, mpe moto moko te abotamaka kosala libunga to ko Hérité
masumu ya bato mususu.
Na mibeko ya Islam, Nzambe alakisaka ndenge ya kotubela, mpe ezali: kobalusa moto epai ya Nkolo na
ye na kotika masumu, na Islam elimbisaka masumu oyo eyaka liboso na yango, pe boyamboli esilaka na
masumu oyo eyaka liboso na yango, yango wana ezali na tina te ya koyambola koloba masumu ya moto
liboso ya bato, na Islam epekisami ko sala batu ba nzambe to ba partenaires na Nzambe na bokonzi
naye nkolo, to na bo nzambe naye.
Na mibeko oyo ayaka nango Ntoma Muhammad - Nzambe apambola ye mpe apesa ye kimia -
elongolaka mibeko nyonso ya kala, mpo mibeko ya Islam oyo Muhammad, Nzambe apambola ye mpe
apesa ye kimia, azuaka yango epai ya Nzambe ezali mibeko ya suka kino na... Mokolo ya Lisekwa, mpe
ezali mpo na bato nyonso ya mokili. Yango wana, elongolaki oyo eyaka liboso na yango, kaka ndenge
mibeko ya kala elongolaka moko na mosusu, mpe Nzambe Mozwi-ya-Nguya-Nyonso andimi mibeko
mosusu te Kaka mibeko ya Islam, mpe andimi lingomba mosusu te Kaka lingomba ya Islam oyo Ntoma
Muhammad - tika Nzambe pambola ye mpe pesa ye kimia - ememaka yango, na oyo akoyamba
lingomba mosusu atiki Islam andimami epai na ye te, mpe oyo alingi Mpo na koyeba makambo ya
mikemike ya mabongisi ya Sharia mibeko oyo, aluka yango na mikanda ya kotyela motema oyo eyebani
na nkombo Islam.
Mokano ya mibeko ya Islam - lokola ezali mokano ya bansango nyonso ya bonzambe - ezali : Ete
lingomba ya solo ya mutu na boye ete akoma mosaleli ya sembo ya Nzambe, Nkolo ya mokili, na ezali
kobimisa ye na kobondela bato, na biloko to losambo ya mabe.
Mibeko ya Islam ezali na ntina mpo na ntango mpe bisika nyonso, mpe ezali na eloko moko te kati na
yango oyo ezali na boyokani te, Na ba intérêts oyo ebongi pona bato, mpo ezali emoniseli oyo euti na
Nzambe, ayebi oyo bato basengeli na yango, mpe bato bazali na mposa ya mibeko oyo ezali malamu
yango moko , ezali ko contredire te, ezali bénéfique na bomoto, mpe esalemi na moto moko te. bakozala
sembo mpe bakozala na libateli, mpe ba kobika na ba oyo bazalaki kosala bango mabe.
7- Position ya ba opposants na ye envers ye pe
témoignage na bango pona ye
Ntembe ezali te, na mosakoli nyonso azalaka na ba bundisi oyo ba telemelaka ye, ba telemaka na nzela
ya bobengi na ye, mpe bapekisaka bato bándima ye Ntoma ya Nzambe Muhammad -Nzambe apambola
ye mpe apesa ye kimia - azalaka na batelemeli mingi na bomoi na ye mpe nsima ya liwa na ye, mpe
Nzambe apesaka ye elonga likolo na bango nyonso, mpe litatoli ya mingi kati na bango - ya kala mpe ya
mikolo oyo - ezongeli Ete azali mosakoli, na amemaka oyo eza ndenge moko na ba sakoli ya kala, kimia
mpe mapamboli ezala likolo na bango, mpe bayebi ete azali na ntina, kasi mingi kati na bango ba
pekisaka kondimela ye mpo na mikakatano mingi, lokola bolingo ya bokambi, bobangi ya lisanga, na
kobungisa mbongo oyo azali kozwa na esika na ye.
Nazongisi matondo na Allah nzambe ya nionso.
EKOMAMI NA USTAZ DOCTEUR MUHAMAD IBN ABDELLAH ASUHAMI
MOLAKISI YA BOYAMBI NA LISANGA YA BOYEKOLI ISALAMU (NA KALA)
Collège ya Education, Université ya King Saud
Riyad, na Arabie Saoudite.
Ntoma ya Islam, Muhammad, Nzambe apambola ye pe apesa ye kimia
1- Nkombo na ye, molongo (Libota) na ye, mpe mboka oyo abotamaka mpe akolaka
2- Libala ya mapamboli na madame ya mapamboli
Ebandeli ya emoniseli (révélation)
4- Nsango na ye
5- Ba bilembo, ya esakoli na ye, mpe bosolo oyo ezali kondima yango
6- mibeko oyo ayaka nango Ntoma Muhammad - Nzambe apambola ye pe apesa ye kimia.
7- Position ya ba opposants na ye envers ye pe témoignage na bango pona ye
