Pamuka Laung
In sanglit iban pudji tuput pa Allahu Ta'ala, rahmat iban sajahitra'
ha Rasulullah (Sallallahu 'Alayhi wa Sallam), iban pa manga ahli niya
mabutna pa manga sahabat niya.
Mahuli: In nangdahi kaku' ha pagbaktul sin kitab-kitab ini amuna in
kiyakitaan ku in pagmatuyu' manaabbiti sin manga Rafidah (Shi'ah) pa
Madzhab nila ha huling masa ini ha katan liyukupan A'lam, iban sin landu'
tuud makapiligru in tumpukan ini ha Agama Islam, iban sin majatu in
kapiligruhan sin tumpukan ini sabab sin kaligapan sin kamatauran bangsa
Muslim, iban in aqeedah sin tumpukan ini aun kashirikan iban pang-gura'
gura' ha Qur'an Mahamulliya iban ha manga sahabat sin Rasul (Sallallahu
'Alayhi wa Sallam) - kiyaridaan sila sin Allahu Ta'ala katan- iban sin
nakalandu' in pamudji nila ha kaimaman nila .
Nah! miyaksud ku siyulat in kitab-kitab ini iban jiyawaban in
manga parakala' amuin piyagduruwa-ruwahan (ha tungud sin tumpukan
ini) ha tiranan hawpu' hawpu' karna' imupi ha limpa' sin guru namu' hi
Sheikh Abdullah Ibn Abdurahman Al Jibrin (piyarihala' siya sin Allah) ha
kitab niya (At-Ta'leeqat 'ala matni lum-'atil i'tiqad) iban in kitab-kitab ini
siyalin ku dain ha manga kakitab-kitaban sin Rafidah (Shi'ah) amuin
tanyag kanila, iban dain ha kakitab-kitaban sin Ahlus Sunnah dain
namayan ha kaimaman nakauna (Salaf) iban sin kaimaman simunud kanila
(Khalaf) amuin manga timulahad jimawab kanila (manga Shi'ah) iban
nagpatarrang sin ngi' sin Aqeedah nila amuin timindug ha pagshirik iban
kalabbaw (extreme, excessive) iban pagputing, pagpamungmung,
panukna', panglaka'-laka', panggura' gura' iban panuhuma.
Sabunnal tuud tiyuyuan ku ha kitab-kitab ini hidusdus sila sin
manga lapal amuin nakalukis ha kakitab-kitaban nila amuin kiyakahagad
nila (authentic kanila), biya' na sin kiyapamung hi Sheikh Ibrahim Ibn
Sulaiman Al-Jab-han- (kiyaulungan siya sin Allah): "Dain ha sabab sin
simud mu (bissara mu) hidusdus ta kaw, O kaw Shi'ah" .
Ha kahinapusan, suhurun ku pa Allahu Ta'ala Mahasutsi
Mahatinggi in papagmumpaatun Niya in kitab-kitab ini ha manga tau barakkal biya' sin parman sin Allahu Ta'ala:
"SABUNNAL TUUD IN DAMIKKIYAN INI PATUMTUM IBAN
PAHATI HA MANGA SILA BAR-AKKAL AMUIN NAKAHATI SIN
KASABUNNALAN ATAWA DIMUNGUG SIN PANGHINDU' IBAN
IN SIYA BATI' BATIAN IN PANGATAYAN". (Surah Qaf: 37)
Hitukbal ku in pagsarangsukur pa katan timabang kaku' ha
pagbaktul iban pagpaguwa' sin kitab-kitab ini , iban panguyuun ku pa
Allahu Ta'ala tungbasan Niya pa marayaw in hinang nila , Allahu Ta'ala in
labi makahati, iban salawat iban salam ha panghu' natu' jungjungan
Rasulullah (Sallallahu 'Alayhi wa Sallam) iban ha manga ahli niya iban ha
manga sahabat niya.
Siyulat hi :
Abdullah Ibn Muhammad
KA'NU LIMAHIL IN TUMPUKAN AL-RAFIDAH (SHI'AH) ?
Timagnah naawn in tumpukan Al-Rafidah (Shi'ah) ha waktu
gimuwa' in hambuuk usug yahudi (Jew) pag-nganan hi Abdullah Ibn Saba',
nagpalahil in siya Muslim, iban nagpasaula-ula bahasa in siya manga
makasi malasa ha ahlul bayt (kaluwarga' sin Nabi Muhammad-Sallallahu
'Alayhi wa Sallam), iban nakalandu' in pagdihil niya martabbat kan Ali
(kiyaridaan sin Allah), ampa siya namayta' sin awn kunu' wasiyat (sin
Rasulullah (Sallallahu 'Alayhi wa Sallam) in pagkhalifa
(pagkapala/pagnakura') subay kan Ali, pagsakali ampa niya iyangkat hi Ali
pa darajat pagkatuhan. Nah! bihaini na in pamayta' sin kakitab-kitaban sin
Shi'ah.
Naghimumungan hi AlQummie ha kitab niya "Al-maqa-lat wal
firaq"1
: tiyantu niya in pagkatau hi Abdullah Ibn Saba' iban biylang niya
amuin panagnaan namayta' sin pagnakura' subay kan baginda Ali iban sin
pagbalik niya mabuhi' mari pa Dunya, ampa niya piyalahil in panggura'-
gura' kan Abubakar, Umar, Uthman iban na sin kaibanan sahabat. Biya'
daisab hayan in bayta' hi Nubakhati ha kitab niya "Firaq Al-Shi'ah"2
.
Damikkiyan bihan daisab in bayta' hi Alkishi ha kitab niya "Rijal alkishi"3
. Iban bayta' sin hambuuk Alim sin Shi'ah ha masa bihaun hi
Muhammad Ali Al-Muallim ha kitab niya "Abdullah bin Saba' Al-Haqiqa
Al-Majhula"4
; sin bunnal tuud aun in pagkatau hi Abdullah bin Saba'. Nah!
In pamunakun (sin manga kaguruhan ini) hambuuk dalil dakula'. In manga
1
- Almaqalat wal Firaq pg. 10-21
2
- Firaq Al-Shi'ah pg. 19-20
3
- kitaa bang unu in baytah hi Al-kishi ha manga riwayat pasal hi Ibnu Saba' iban sin
Aqeeda niya ha umbul 170-174 daing ha pg. 106-10
4
- in kitab ini sambung ha kitab amuin biyaktul sin hambuuk Shi'ah pag-nganan hi
Murtadha Al-'Askari amuin piyanghimuting niya in kasabunnalan sin pagkatao hi
Abdullah bin Saba'.
sila ini katan maitung dain ha manga kaguruhan dakula' sin madzhab
Rafidah (Shi'ah).
Laung hi Al-Baghdadi: In tumpukan "Al-Saba'iyya" manga
miyamagad ha papanaw hi Abdullah bin Saba' amuin nagpalabi sin darajat
hi baginda Ali -kiyaridaan siya sin Allah- iban nagbayta' sin kaawnan hi
baginda Ali in siya Nabi, mahuli ampa niya na isab piyalabi in darajat hi
Ali sampay namayta' siya in hi baginda Ali kunu' amuna in Tuhan Allah.
Namung pa hi Al-Baghdadi: Nah! in kaawnan hi Ibnu Saba', in
kariasali niya yahudi (Jew) dain ha kawman Al-Heera, piyalahil niya in
pagka Muslim ha angut niya hasupaya siya dihilan sin tau "Al-kufa" pagusaha iban kilahun tau maas nila, Nah, namaytah kanila sabunnal tuud
nabassa niya ha kitab Tawrat in tiyap-tiyap Nabi aun wasiyat (piyamin
pangandulan sin pagnakura'), sabunnal tuud in hi baginda Ali –kiyaridaan
sin Allah- amuna in wasiyat (pamin) sin Muhammad (Sallallahu 'Alayhi
wa Sallam). Siyabbut hi Al-Shahristani dain kan Ibnu Saba' sabunnal tuud
siya in panagnaan nag-himumungan ha tungud sin pagnakura' hi baginda
Ali -kiyaridaan siya sin Allah-, Iban nasabbut daisab niya in tumpukan AlSabaiyyah (manga miyamagad kan ibn Saba') sila in panagnaan
naghimumungan ha tungud sin TAWAKKUF (in pagnakura' tuput sadja
kan baginda Ali iban ha manga agad kaniya), AL-GHAYBA (in baginda
Ali kunu' iban sin manga kaimaman nila aun panghati sin ilmuh ga-ib),
iban AL-RUJ-'AH (magbalik mabuhi' pa Dunya puas sin kamatay), mahuli
in manga Aqeeda ini nakawa' pusaka' sin manga Shi'ah pagpuas nila.
Misan pa mataud in piyagsulangan nila iban nabahagi' pa mataud in
tumpukan ini, in kaul nila tartandu nasabbut iban piyagbin in pagnakura' hi
Ali iban paghalifa niya, amuini in manga Aqeeda kiyabin hi Abdullah bin
Saba', pagsakali timaud in tumpukan sin Shi'ah iban sin manga himumungan nila pa piyu-an himumungan ha pagpuas hi Abdullah bin Saba.'
Nah bihan timagna' in himumungan sin Shi'ah ha tungud sin
wasiyat (paminmin sin Nabi (Sallallahu 'Alayhi wa Sallam) in paghalifa
tuput sadja kan Ali), iban pagbuhi' magbalik pa Dunya puas sin kamatay,
iban panghati sin ga-ib (nakatatapuk( dalam pa sin bihadtu himumungan
nila ha tungud sin pagkatuhan sin manga kaimaman nila pangagari ha
pikilan hi Ibnu Saba' amuin yahudi.5
MAYTA' NGIYANAN IN SHI'AH, AL-RAFIDAH?
In pag-ngan ini nasabbut siya sin guru nila hi Al-Majlisie ha kitab
niya (Bihar Al-Anwar) iban siyabbut niya in upat Hadith dayng ha
kaHadith-Hadithan nila, laung niya ha bahagian sin kitab (kalabbiyan sin
Rafidah iban kabantugan sin pag-ngan kaniya), ubus ampa niya siyabbut in
baytah dain kan Sulaiman Al-A'mash in agi niya: simud aku kan Abu
Abdullah Ja'far bin Muhammad, laung ku kaniya: in aku hambuuk kusug
baugbug mu, sabunnal tuud in manga manusiya' ngiyanan nila kitaniyu
Rafidah, unu tah in hati sin Rafidah? Nah, laung niya: sapahun ku ibut pa
Allah bukun sila in nag-ngan kaniyu, sumagawa' Allahu Ta'ala in nag-ngan
kaniyu sin ngan yan halaum Tawrat iban ha Injil gimuwa' dain ha dila' hi
Nabi Musa iban hi Nabi Eisa.6
Aun bayta': ngiyanan sila Rafidah; sabab sabunnal tuud in sila
dimatung madtu kan Zaid bin Ali bin Al-Husain, naghimumungan sila:
pamuas kaw dain kan Abubakar iban kan Umar hasupaya kami magad
kaymu, nah laung niya: in sila ruwa (Abubakar iban hi Umar) lundang
karabat sin apu' ku (Rasulullah -Sallallahu 'Alayhi wa Sallam) nah!
gamman baugbugan ku pa sila karuwa, laung nila: bang bihadtu ampihan
(hisulak) namuh kaw (hipagmahukaw), dain didtu kiyanganan sila Rafidah
(tau manunulak sin kasabunnalan dih manaymai), iban ngiyan in sabarang
miyagad iban namaugbug kan Zaid, "ZAIDIYYAH".
7
Aun pa bayta': ngiyanan sila Rafidah sabab sin pangampi
(panulaki/pagmahukaw) nila ha pagnakura' (khalifa) hi Abubakar iban hi
5
- Usul I'tiqadu Ahlis Sunnah wal Jama'ah, kan Al-la-laka-ie vol-1 page 22-23.
6
- Bihar Al-Anwar, kan Al-Majlisi page.65/97
7
- Ha kitab At-Ta'liqat 'ala matni lum-atil I'tiqad kan Sheikh Abdullah Al-Jibrin pg.108
Umar.8
Aun pa bayta': ngiyanan sila Rafidah sabab sin pangampi
(panulaki) nila sin Agama Islam.9
إنى كى تنقسى فشق انشافضح؟
NABAHAGI' NAGPILA IN MANGA TUMPUKAN SIN RAFIDAH?
Biyayta' ha kitab ( Da-iratul Ma'arif ) sabunnal tuud "In limahil
dain ha manga sanga sin tumpukan sin Shi'ah kulang labi kapituwan tagtuw (73) tumpukan amuin lagi' tanyag"10
Bayta' pa dain ha himumungan sin hambuuk Rafidah (Shi'ah) hi
Mier Ba-qir Al-damad: Sabunnal tuud in katan tumpukan amuin nasabbut
ha Hadith, mabahagi' in ummat pa kapituwan tag-tuw (73) tumpukan,
amuna in tumpukan sin Shi'ah, in masalamat iban malappas dain ha manga
tumpukan yaun, amuna in tumpukan (Madzhab) Al-Imamiyyah. 11
Nassabbut hi Al-Maqriezi: sabunnal tuud in tumpukan nila (manga
Shi'ah) miyabut pa tung ngagatus 300 tumpukan.12
Laung hi Al-Shahristanie: Sabunnal tuud in Rafidah nabagi' pa
limangkabahagi': Al-kiesa-niyyah, Al-Zaidiyyah, Al-Imamiyyah, Al-ghaliyyah iban Al-Ismailiyyah.13
Iban bayta' hi Al-Baghdadi: Sabunnal tuud in Rafidah ha puas na
sin jaman sin baginda Ali -kiyaridaan siya sin Allah Ta'ala- upat (4)
8
- kitaa ha kitab Maqa-latul Islamiyin kan Muhyiddin Abdulhamid vol-1/page 89
9
- Maqa-latul Islamiyin vol-1/page 89
10
- Ha kitab Da-iratul Ma'arif vol-4/page 67
11
- Siya na hi Ba-qir bin Muhammad Al-Istirabadi tanyag siya ha ngan Mier Al-Damad
amuin nawapat ha tahun 1041Hijriah. kitaa in suysuy sin kabuhih niya ha kitab ( Al-kuna
wal Al-qab ) kan Abbas Al-qummie vol-2/page 226.
12
- Siya na hi Al-Maqrizie ha kitab niya Al-khutat vol-2/page. 351
13
- Ha kitab Al-Milal wal nihal, kan Al-Shahristani pg 147.
tumpukan: Zaidiyyah, Ima-miyyah, Kiesa-niyyah iban Guolat.14. Sarta'
pahati! in Zaidiyyah bukun dain ha manga tumpukan sin Rafidah puas in
tumpukan Al-Jaruodiyyah.
UNU IN AQEEDA AL-BADA'A AMUIN
PIYAPARATSAYA SIN RAFIDAH?
In ma'ana sin "Al-bada'a" siya na in paglahil puas sin kalawa'
(katalbang) atawa katapuk, atawa kan in ma'ana niya; pagtagna' sin pikilan
ba'gu. In al-Bada'a ha duwa ma'ana niya ini, manghukumi kiyaunahan sin
kaawam iban pagtagna' sin panghati, in duwa ma'ana ini mustahil pa
Allahu Ta'ala, sumagawa' in mga Rafidah nisbat nila in sipat Al-bada'a pa
Allahu Ta'ala.
Bayta' dain kan Al-Rayyan bin Al-Silt laung niya : "Diyungug ku hi
Al-Rida namung: way in Allahu Ta'ala nagpara Nabi malaingkan
mangharam sin alak iban nanantuhi sin sipat Al-bada'a sipat sin Allahu
Ta'ala"15 iban bayta' dain kan Abi Abdullah sabunnal tuud in siya namung:
"Way piyagtag-iypunan in Allahu Ta'ala ha hambuuk uno-uno dugaing
dain ha sabab sin sipat niya Al-bada'a"16 Mahatinggi in Allahu Ta'ala dain
ha manga damikkiyan yattu Tuhan sa taas-taas.
Dung-dungi marayaw O, kaw taymanghud ku Muslim, bang biya'
diin in pagnisbat nila sin sipat Jahl (kaawam) pa Allah Mahasutsi
14
- Ha kitab Al-farqu baynal firaq, kan Imam Al-Baghdadi pg 41.
15
- Ha kitab Usuol Al-kafie pg 40
16
- Ha kitab Usuol Al-kafie kan Al-kalinie ha kitab tawhid ( 1/331 )
Mahatinggi sin in siya Allah Mahatinggi nagparman halaum sin Qur'an
mahamulliya ha tungud sin sipat Niya:
"PAMUNGAN KANILA O MUHAMMAD! WAY MAKAINGAT SIN
GA-IB (NAKATATAPUK) HA PITUNG LAPIS LANGIT IBAN LUPA'
MALAINGKAN TUPUT IN ALLAHU TAALA" (Surah An-Naml ayat 65).
Adapun in lawan sin kabtangan ini, in pamaratsaya sin Rafidah (Shi'ah)
sabunnal tuud in manga kaimaman nila sangat makahati sin sabarang
ma'lum (iingatun, naaun, piyapanjari,) way nakatampan (makatapuk ha)
panghati nila hangsulag unu-unu (Hatiniya: kaingatan nila in katan unuunu!!).
Unu bihaini baha' in Aqeeda sin Agama Islam amuin piyasampay
sin panghu' natuh Muhammad (Sallallahu 'Alayhi wa Sallam)!?????.........
UNU IN AQEEDA SIN SHI'AH HATUNGUD SIN MANGA SIPAT?
In Rafidah silana in panagnaan naghimumungan in Tuhan
nagpasalupa (baran) manusiya'. Baytah hi Shiekh Al-Islam Ibnu Taymiyya,
in kimaput nagpahsan sin puting dakula' ini dain ha manga Rafidah, hinda
Hisham bin Al-hakam17, Hisham bin Salim Al-Jawaliqie, Yunus bin Abdul
Rahman Al-Qummie iban hi Abu Ja'far Al-Ahwal.18
In katan sin nasabbut ini dain ha manga kaguruhan dakula' sin
Madzhab Ithna 'Ashariyyah (12-hangpuh tagduwa imam), ubus nahinang
sila Jahmiyyah biya' sin nasabbut ha kamatauran sin bayta' nila amuin
hiyantang (siypat) nila in Tuhan Rabbul A-lameen sin manga sipat AlSalbiyyah (Sipat kurang/tagatamak tauktuk iban sasallaun di' tuud tumup
17
- Minhaju As-Sunnah (1/20)
18
- I'tiqad Firaqul Muslimin wal Mushrikin pg.97
hipagsipat pa Allah) amuin piyasud atawa giyanap nila pa manga sipat
Thabitah (tutug atawa tattap salama-lama) ha Mahasutsi Mahatinggi
Allahu Ta'ala. Sabunnal tuud nag riwayat hi Ibnu Babawaihi sin labi
kapituwan riwayat, ha bayta' sin riwayat ini sabunnal tuud in Allahu Ta'ala
" Di' hikasipat Jaman (masa), lugal atawa tampat, hantang, kuhibal,
maglatunlatun, iban unu-ununa dain ha manga sipat ginhawa, bukun siya
pananaman, bukun anggawta' iban salupa"19. Nah in piyapanaw sin manga
kaguruhan nila biya' na sin tiranan sin pangadji' ini –pangadji' - kalaungan
sarta' piyalling nila niyapihan in maksud sin manga sipat sin Allahu Ta'ala
amuin nasabbut ha Qur'an iban Hadith (pa dugain maksud).
20
Damikkiyan, biya' daisab sin pagmungkil nila ha pagnaug sin
Allahu Ta'ala (pa langit Dunya), iban nagpamung sila in Qur'an
piyapanjari, iban nagmungkil sila sin kakitaan in Allahu Ta'ala ha Adlaw
Qiyamat, bayta' ha kitab (Bihar Al-Anwar) sabunnal tuud hi Abu Abdullah
Ja'far Al-Sadiq naasubu siya ha tungud sin Allahu Ta'ala Mahasutsi
mahatinggi; unu kakitaan Siya ha Adlaw Qiyamat? Laung niya Mahasutsi,
mahatinggi in Allahu Ta'ala dain ha manga damikkiyan yan, sabunnal tuud
in mata di' makadawhat sin unu-unu malaingkan subay taga warna' iban
hantang, nah! in Allahu Ta'ala Siya in Nagpapanjari sin kawarna'-warna'an
iban hantang.21
In pamung pa nila: bang hi nisbat (hisandig) pa Allahu Ta'ala in
kaibanan sipat biya' na sin kakitaan Siya ha Adlaw Qiyamat, in hukuman
kaniya murtad, biya' na sin bayta' dain ha guru nila hi Ja'far Al-Najafie22
,
ha kiyahatihan, sabunnal tuud in kita' sin manga manusiya' pa Allahu Taala
ha Adlaw Qiyamat tartantu nakalukis ha Qur'an iban ha Hadith ha di'
malikus/masakup...... iban way hantang. Biya' na sin parman Niya halaum
Qur'an :
19
- At-Tawheed, Ni Ibn Babawaihi pg. 57
20
- In Sipat Salbiyyah amuna in sipat namaylu ha lawan niya, biyah sin laung mo: in
Tuhan bukon ginhawa, bukon nasusun daing ha Jirim (Atom), bukon masa iban tampat.
Nah! In manga sipat ini liyamud nila pa sipat tutug ha Allahu Ta'ala amuin nasabbut ha
Qur'an iban Hadith, biyah sin pangdungug, pangitah, panghati, kawasa, kalimaya,
pagmakuyag, pagmulkah iban sin kaibanan sipat niya mahasutsi mahatinggi. Adapun in
kamattanan sin Salbiyyah sipat namaylu sadja sin lawan niya way kamattanan niya ha
guwah. (Nag Julbahasa)
21
- Bihar Al-Anwar, kan Al-Majlisi (4/31)
22
- Kashful Ghita' pg 417.
"HA ADLAW YAN ( ADLAW QIYAMAT ) IN MANGA
PAMAYHUAN SIN MANGA MU'MIN (BAR-IYMAN)
NAGSASAHAYA SABAB SIN KASANYANGAN IBAN
KAKUYAGAN, IMAATUD IBAN MIYAMANDANG PA TUHAN
NILA MAHASUTSI, MAHATINGGI. (Surah Al-Qiyamah 22-23).
Sabda sin Rasulullah (Sallallahu 'Alayhi wa Sallam) ha Hadith niya
riwayat hi Imam Al-Bukhari iban hi Muslim dain kan Jarir bin Abdullah
Al-Bajalie in siya naghimumungan: In kaawnan namu' limilingkud sarta'
iban sin Rasulullah (Sallallahu 'Alayhi wa Sallam) nah imatud in
Rasulullah (Sallallahu 'Alayhi wa Sallam) harap pa bulan ha hika hangpu'
tag-upat kasubangan (damlag) ampa Siya nagsabda: "Sabunnal tuud
kakitaan niyu (sin mata) in Tuhan niyu matampal biya' sin kakita' niyu sin
bulan ini ha way makatampan sin kita' niyu Kaniya"23
.
Nah mataud pa kadalil-dalilan ha Qur'an iban Hadith namayta' in
Allahu Ta'ala kakitaan ha Adlaw Qiyamat di' tana masabbut katan di ha ini.
UNU IN I'TIQAD SIN RAFIDAH HA QUR'AN AL-KARIM AMUIN
JIYANJIAN SIN ALLAHU TAALA PARIHALAUN NIYA?
Sabunnal tuud in Rafidah amuin pagtagun ha waktu natu' bihaun
(Shi'ah) in pamung nila ha pasal sin Qur'an Al-Karim amuin ha laum lima
natu' bihaun, bukun amu ini in mattan Qur'an amuin piyaturun sin Allahu
23
- Riwayat hi Al-Bukhari ha umbul sin hadith (544) iban hi Muslim ha umbul (633)
Ta'ala ha Nabi Muhammad (Sallallahu 'Alayhi wa Sallam), sagawa' in
kamattanan niya kiyapindahan na, kiyagantian, kiyaganapan iban
kiyakurangan na in halaum niya. In kamatauran Muhaddithiyn (kaguruhan
ha Hadith) dain ha manga Shi'ah, in I'tiqad nila kiyapindahan na in halaum
sin Qur'an biya' sin damikkiyan nasabbut hi Al-Nuorie Al-Tabrasie ha
kitab niya (Faslul khitab fi Tahrifi kitabi rabbil arbab)24
.
Iban namung hi Muhammad bin Ya'kub Al-kulainie ha kitab (Usuol
al-kafie ) ha babaan sin bab (Sabunnal tuud wala' nakapatibuuk sin Qur'an
katan malaingkan amura in manga kaimaman- hatiniya kaimaman sin
Shi'ah) laung niya: Daing kan Jaber namung siya: diyungug ku hi Abu
Ja'far naghimumungan: wayruun hangkatau dain ha manga manusiya'
mamayta' sabunnal tuud natibuuk niya in Qur'an katan biya' sin kapaturun
sin Allahu Ta'ala malaingkan in siya putingan, way nakapatibuuk kaniya
iban nakahapal kaniya biya' sin kapaturun sin Allahu Ta'ala malaingkan
amura hi Baginda Ali bin Abi Talib iban sin manga kaimaman puas niya.25
Dain kan Jaber Bayta' dain kan Abu Ja'far (Alayhis Salam)
sabunnal tuud in siya namung: ((wayruun hangkatau makagaus mamayta'
sin aun kaniya Qur'an jukup lahil iban batin dugaing dain ha manga
kiyapagwasiyatan – kiyapaminan- ))26
.
Dain kan Hisham bin Salim bayta' dain kan Abu Abdullah laung niya: "
Sabunnal tuud in Qur'an amuin piyaratung sin Jibril (Alayhis Salam ) kan
Muhammad (Sallallahu 'Alayhi wa Sallam) hangpu' tagpitu ngaibu ayat
(17,000 ayat)"27 in hatiniya: sabunnal tuud in Qur'an amuin bayta' sin
Rafidah labi mataud dain sin Qur'an amuin halaum lima taniyu bihaun
makatuw maglipat, amuin Qur'an jiyanjian sin Allahu Ta'ala parihalaun
siya dain ha katan unu-unu, magpatilibun kitaniyu pa Allahu Ta'ala dain
hakangian nila.
24
- Faslul khitab fi Tahrifi kitabi rabbil arbab pg.32.
25
- Ha kitab Usuol Al-kafie kan Al-kulainie 1/228
26
- Ha kitab Usuol Al-kafie kan Al-kulainie 1/285
27
- Ha kitab Usuol Al-kafie kan Al-kulainie (2/634) nah biyunnal sin guru nila hi Almajlisi in riwayat ini, bayta niya ha kitab niya ( Mir a-tul uquol ) 12/525 : in hadith ini
kapangamdusan. Ampa siya namung : in suysuy ini bunnal, iban matampal in suysuy ini
iban pa sin kamatauran suysuy bunnal ha tungud sin kakurang sin Qur'an iban pagpinda
kaniya, ha panaymah ku in khabar ini way pagduarua bunnal in maana.
Bayta' hi Ahmad Al-Tabrasie ha kitab niya ((Al-ihtijaj)) : sabunnal tuud
laung hi Umar kan Zaid bin Thabet : Sabunnal tuud hi Ali (diyahan niya
kitaniyu sin Qur'an in ha laum niya manga kabiasan sin manga Almuhajirin –manga sahabat dain ha Makkah- iban Al-ansar-manga sahabat
dain ha Madina, nah napikil namu' magbaktul kitaniyu Qur'an, hi-ig ta in
katan kasipugan iban kabiasan sin manga Al-muhajirin iban Al- ansar. Nah
tiyayma' hi Zaid in pikilan yadtu, ampa siya namung: bang ku matangbus
hinangun in Qur'an biya' sin piyangayu' niyu, ubus paguwaun isab hi Ali in
Qur'an amuin siyulat (hiynang) niya, di' baha' batalun niya in katan hinang
niyu? Nah sambung hi Umar: unu in mapatut hinangun ta? Sambung hi
Zaid: kamu in labi makaingat bang unu in labi marayaw hinangun? Nah
sambung hi Umar: way na labi marayaw hinangun bang bukun patayun
taniyu siya hasupaya sumannang na (atawa makahiyal na) kitanyu dain
kaniya, nah nagplanu siya hipapabunu' niya hi Ali kan Khalid ibnul walid
sagawa' di' niya kagausan bunuun.
Nahinang man khalifa hi Umar piyangayu' niya kan Ali in hitukbal kanila
in Qur'an (amuin siyulat hi Ali) hasupaya nila kagantian iban kapindahan
iban ka-igan siya ha antara sin sila. Pamung hi Umar : O, Abal hasan ( ama
hi Hasan) bang mu dahun mari in Qur'an amuin bakas mu diya kan
Abubakar hasupaya kapagpunan, iban kapaglingkuran taniyu siya bang unu
in mapatut hinangun taniyu kaniya. Nah sambung hi Ali :di' niyu tuud
madawhat in iya-angan-angan niyu yan, sabunnal tuud diya ku in Qur'an
madtu kan Abubakar hasupaya mag-abugaw sumaksi' kaniya pa mangi'
iban di'na kamu makapaylu ha Adlaw Qiyamat.
} ئَِٔب وَُٕب عَْٓ َ٘زَا غَبفٍِِ١ } َٓعٛسح األعشاف ا٠٢خ 232
SABUNNAL TUUD IN KAAWNAN NAMU' HALAUM
KAAWAM SIN YAN (Surah Al-a'raf ayat 172),
Atawa kan in hipamung niyu ha Adlaw Qiyamat:
}َِب خِئْزََٕب{ عٛسح األعشاف 221
WAY KAW MIYARI KAMU. (Surah Al-a'raf ayat 129).
Sabunnal tuud in Qur'an ini way makakaput kaniya malaingkan sila manga
sutsi iban manga kiyapangandulan napi' (kiyapagwasiyatan) dain ha anak
ku, nah sambung hi Umar: unu aun tartantu waktu sin pagguwa' niya
(Qur'an siyulat hi Ali)? nah in sambung hi Ali : Huun, apabila tumindug na
gumuwa' in kiyapagwasiyatan dain ha anak ku hipaguwa' niya na in Qur'an
iban papaagarun niya in manusiya' ha yaun.28
Misan pa magbau' bau' in Shi'ah mamuasi ha kitab hi Al-Nuorie Altabrasie hasupaya nila hikatapuk iban tampanan in Aqeeda nila, nah
sabunnal tuud in kitab ini in halaum niya giyatusan bissara dain ha manga
kaulamaan nila ha kakitab-kitaban nila amuin kikila nila. miyunakun in
halaum niya sabunnal tuud in sila nangangahari sin in Qur'an
kiyapindahan, kiyagantian, kiyakulangan iban kiyaragdagan iban
piyaparatsaya nila ini. sumagawa di' sadja sila mabaya' maaun in hiluhala'
ha tungud sin Aqeeda nila (pamaratsaya nila) ha Qur'an mahamulliya.
Manjari ha puas sin yadtu aun pa (pamaratsaya nila) amuin nahinang in
Qur'an duwa bahagi', in hambuuk kiya-iingatan (matampal) iban in
hambuuk nakatatapuk biya' na sin "Surah Al-wilaya", dain ha manga
pamaratsaya sin Shi'ah Rafidah; aun inig halaum sin Qur'an amuin biyaita'
hi Al-Nourie Al-tabrasie ha kitab niya ( Faslul khitab fiy tahrif kitab rabbil
in' namu' Liyaggu :hatiniyaٚ { سفعٕةب ٌةه روةشن ثعٍةٟ صةٙشن { ayat ) arbab
pagkatau iban ngan mu sabab in hi Ali ugangan mu. Pamaratsaya nila in ini
inig dain ha Surah } ذَةشْشُْ َٔةٌََأ ,} nah! in sila (manga Shi'ah) way sipug nila
ha bihaini pamaratsaya sarta' kiyahahatihan nila in Surah ini piyaturun ha
Makkah (makkiyah) sakutikah in hi baginda Ali bukun pa ugangan sin
Rasul (Sallallahu 'Alayhi wa Sallam) ha waktu sila ha Makkah.
28
- Ha kitab Al-ihtijaj kan Al-tabrisi pg 225 iban ha kitab Faslul khitab pg 7.
UNU IN AQEEDA SIN RAFIDAH HA MANGA SAHABAT SIN
?صٍٝ اهلل عٍ١ٚ ٗعٍُ RASULULLAH
Timitindug in aqeeda sin Rafidah ha pagpaninggad, pagpamungmung
iban pangufur-ngufur ha manga sahabat - kiyaridaan sila katan sin
Allahu Ta'ala, biyaytah hi Al-kulainie ha kitab (Furu' Al-kafie) dain
kan Ja'far : ((in kaaunan sin manga manusiya' (Sahabat) ha pagpuas sin
Nabi manga murtad malaingkan in tu (3) tau, nah
laung ku: hisiyu in manga tu (3) yaun? Sambung niya : hi Al-miqdad
bin Al-aswad, Abu zarrin Al-gifarie iban hi Salman Al-farisie ))29
.
Biyayta' hi Al-majlisi ha kitab niya ( Bihar Al-anwar ) sabunnal tuud in
daraakun hi Ali bin Al-Husain naghimumungan: Aku in iban niya
kamawmuhan ha waktu isa-isa niya, nah laung ku kaniya : ((sabunnal
tuud aun ha ku duun kaymu makapuas sadja kaw sin dain ha hak ku
duun kaymu bang mu aku kabaytaan ha tungud sin duwa usug ini; hi
Abubakar iban hi Umar? In sambung niya: in sila ruwa kafir, iban
hisiyu-siyu in makasi, malasa kanila ruwa mabilang daisab kafir )).
Dain kan Abu hamza Al-thamalie sabunnal tuud naasubu niya hi Ali
bin Al-husain ha tungud nila ruwa. In sambung nila: in sila ruwa kafir,
iban hisiyu-siyu in makasi, malasa kanila ruwa mabilang daisab
kafir))30
In tafsiran hi Al-Qummie sin parman sin Allahu Ta'ala:
- ha kitab furuo' al-kafie kan Al-kalinie pg 115
30
- ha kitab Bahar al-anwar kan Al-majlisi 69/137,138, duun haini subay hikapatarrang,
sabunnal tuod hi Ali bin Al-hussain iban sin katan ahlul bayt namuasi sila sin katan
panghimuting sin mga Rafida tungod kanila, piyagmulkaan sila ( manga Rafida sin Allahu
Taala sin manga kaputingan nila!
" IBAN IN ALLAHU TA'ALA NANGLANGI SIN KATAN HINANG
MANGI' IBAN HINANG MUNGKAR (LANGGAL SHARA') IBAN
PANGANYAYA".
Nah laung niya : in hati sin mangi') amuna hi Abubakar, in
langgal Shara') amuna hi Umar iban in panganyaya)
amuna hi Uthman. 31
Iban bayta' hi Al-majlisi ha kitab niya ( Bihar Al-anwar ) laung niya :
In manga bayta' manunjuki ha kakufur hi Abubakar iban hi Umar iban
sin sibu' nila duwa iban sin pahala' mahasil ha pagla'nat/pagsukna'
kanila duwa iban pamuasi dain kanila duwa sampay agad na in
paghinang nila bida'a di' maambat iban maubus taki-takihun ha kitab
atawa kan ha kakitab-kitaban, in kiyabayta' namu' jukup na ha hisiyusiyu in mabaya' hidayatan siya sin Allahu Ta'ala pa dan mabuntul.32
Bayta' pa hi Al-majlisi ha kitab niya ( Bihar Al-anwar ) ha riwayat
mataud, sabunnal tuud hi Abubakar, Umar, Uthman iban Muawiyah
(kiyaridaan sila sin Allahu Ta'ala) halaum lalungan dain ha Narka'
(magpatilibun kita pa Allah).33
Namung pa sila (manga Shi'ah) ha kitab nila ( Ihqa-q Al-haq ) kan
Mar-ashie :
Ma'ana niya : Ya Allah salawat ha Muhammad -Sallallahu 'Alayhi wa
Sallam - iban ha Ahli niya iban la'nata in duwa barhala' sin Quraish
iban sin duwa manghihinang- hinang iban sin duwa tagut sin Quraish
iban sin duwa anak nila babai..34
31
- ha kitab tafsir Al-qami 1/390
32
- Bihar Al-Anwar kan Al-Majlisi 30/230
33
- Bihar Al-Anwar kan Majlisi 30/236
34
- Ihqaq Alhaq 1/337. bassaha in duwa nila ha hinapusan sin kitab ini.
_______________________
17
in maksud sin Shi'ah ha duwa yadtu amuna hi Abubakar iban hi Umar
iban sin duwa anak nila babai amuna hi A-isha iban hi Hafsa –
kiyaridaan sila sin Allahu Ta'ala.
Iban siyabbut pa hi Al-majlisi ha kitab niya (Al-aqaid) na' laung niya:
dain ha manga mapatut tuud itungun sin Agama sin Imamiyyah amuna
in paghalal sin MUT'AH atawa "Nikaahul-MUT'AH"
35 iban pamuasi
dain ha tuw (3) tau (Abubakar, Umar iban Uthman) iban kan
Muawiyah, Yazid bin Muawiyah iban ha katan dima nagbunu' ha
Amirul Mu'miniin (Ali bin Abi Talib).36
Iban ha adlaw 'ASHURA' magda sila iru' ngiyanan nila kan Umar, ubus
ampa nila in iru' yaun pagsama-samahan kakalun sin kahuy iban
batuhun sampay mapatay, pag-ubus ampa naisab sila magda anak
kambing nganan nila kan A-isha, ampa nila in anak kambing yaun
larutan bulbul iban pagsama-samahan pukpukun sin kataumpa'-
taumpaan sampay mapatay.37
Damikkiyan maglami-lami sila magimun-imun ha adlaw kabunu' kan Umar bin Al-khattab iban ngiyanan
nila in tau nakabunu' kaniya hi Abu lu'lu-a Al-majuosie kan )
ٓ٠ةذٌا ( hatiniya : Ama maisug sin Agama.38 (kiyaridaan sin Allahu
Ta'ala in katan Sahabat sin Rasul (Sallallahu alayhi wa sallam) iban sin
manga Ummahatul Mu'miniin (kainaan sin manga Mu'miniin).
Dung-dungi kunu' marayaw O kaw taymanghud ku Muslim, wayna
lumabi jangki iban kangi'an ha tumpukan nalaung daing ha Agama, in
himumungan nila ha manga sarayaw-rayaw Manusiya' puas sin
kanabihan(Alayhis salam) iban amuin piyudji sila (manga sahabat) sin
Allahu Ta'ala iban Rasul niya, iban mawpakkat in ummat sin kaadilan
35
- "Temporary Marriage" in hatiniya: pag-asawa-asawa sin usug ha karna' sadja
panginam-kinam/pagmain-main-pagdul sin sahawat-napsu niya pa babai, bayaran pilapilana in babai ha awn waktu jankaan niya, duun naka ha iyadlawan, piytuhan, biyulanan
atawa tiyahunan ha diin-diin na in kiyapagsulutan nila duwa ha way na pag-hajat saksi'
iban panugut wali sin babai iban way pagwaris-wiyarisi, ubus bang tumubtub na in waktu
kiyapag-isunan nila bugtu' na in parsugpatan nila, pasaran na sin usug in babai)
36
- Risalah Al-Aqaid kan Al-Majlisi page 58.
37
- Tabdid Al-dhalam wa Tanbih Al-niyam kan Shiekh Ibrahim Al-Jabhan page: 27.
38
- Al-kuna wal Al-qab kan Abbas Al-qumi 2/55
(kabuntul) nila iban kalabbiyan nila, iban kiyasaksian sin masa in
karayawan iban pagjihad (paglaud piluy) nila nagbaugbug ha Agama
Islam.
UNU NAMAYAN IN MANGA PIYAGSIBUAN
PIYAGSALUPAHAN HA ANTARA' SIN YAHUDI IBAN
RAFIDAH?
Laung hi Sheikhul Islam Ibnu Taymiyyah اهللٗ ةّسز)) :In tanda' atawa
kan in alamat niya, in sakit sin Rafidah amura isab in sakit sin Yahudi,
dain ha damikkiyan yadtu namung sila: di' maharus hiyangla' in
pagnakura' malaingkan subay ha usba (panubu') hi Nabiullah Daud, in
pamung sin Rafidah: di' maharus in pagnakura' malaingkan subay ha
anak hi Ali.
Namung pa in manga Yahudi: "way Jihad fiy sabiylillah sahingga
gumuwa' in Dadjal iban panaugun in puddang". In pamung isab sin
Rafidah: "way Jihad fiy sabiylillah sahingga gumuwa' hi Al-Mahdi
iban awn na manawag-tawag dain ha taas langit".
In manga Yahudi talayun/tahalaun nila in sambahayang sahingga
gumuwa' na tumampal in manga asibi' sin kabituun-bituunan ha antara'
sin manga dakula' nila sahingga way na makatabuk dain kanila misan
hambuuk, damikkiyan bihan daisab in Rafidah talayun nila in waktu
sin sambahayang Magrib sahingga tumigidlum na tuud in Magrib.
Bang mu bassahun in Hadith sulang ha manga kabtangan nila, Sabda
sin Rasul (Sallallahu 'Alayhi wa Sallam): "Masi-masi in ummat ku
halaum Fitra (Agama Islam) salugay nila di' talayun in waktu Maghrib
pa tumigidlum na tuud in waktu niya".39
In manga Yahudi pindahan nila in Tawrat (kitab piyaturun ha Nabi
Musa), damikkiyan bihan daisab in manga Rafidah pindahan nila in
Qur'an. Iban in manga Yahudi di' nila jarihun in pagsapu ha khuffain
(kalsitin iban sapatus ha waktu mag ayir ha sarat biyayta' sin shara'),
damikkiyan bihan daisab in manga Rafidah.
In manga Yahudi mabungsi sila ha Jibriel (Alayhis salam) in pamung
nila: Siya in kuntara namu' dain ha manga Malaikat, damikkiyan bihan
daisab in manga Rafidah in pamung nila: nalaung in Jibriel (Alayhis
salam) nagda wahi kiyakadtu kan Muhammad (Sallallahu alayhi wa
. ٚعٍُ(sallam
40
Damikkiyan in manga Rafidah tiyauran nila in manga Nasarah
(Christian) ha hambuuk sipat: "wayruun ungsud sin kababaihan nila
sagawa' panginam-kinaman nila sadja, biya' da hayan in manga Rafidah
Mut'ahun nila sadja in kababaihan nila iban hiyalal nila in Mut'ah.
Marayaw pa in manga Yahudi iban Nasara (Christian) dain ha manga
Rafidah ha duwa sipat: naasubu in manga Yahudi: "hisiyu in sarayawrayaw manusiya' ha Agama niyu? in pamung nila: panaiban hi Musa
َ غةةٌاٗ ةة١ٍع .Naasubu in manga Nasarah: hisiyu in sarayaw-rayaw
manusiya' ha Agama niyu? in pamung nila: panaiban hi Eisa َ غةٌاٗ ة١ٍع .
39
- Riwayat hi Imam Ahmad 4/147, 5/417-422, Abu Daud (418), Ibn Majah (689), ha
Kitab Al-Zawaid in isnad niya hasan (marayaw).
40
- Aun tumpukan pagtawagun Al-garabiyyah laung nila: in Jibriel َ غةٌاٗ ة١ٍع hayanat, In
mapatut subay niya hiturun in wahi kan Ali bin Abi Talib. Sa' kiyadtu niya kan
Muhammad ُ , dain ha sabab yadtu in sila naghimumungan: ( nanghayanat
in Jibril liyayu' niya in wahi dain kan Ali ). Kitaa niyu kunu' O taymanghud ku Muslim
mayta nila tuhumahun in Jibril َ غةٌاٗ ة١ٍع nanghayanat, in Tuhan Mahasutsi, Mahatinggi
Allahu Ta'ala diyanglayan siya Al-ameen (kapangandulan) ha palman niya ha Surah
kapangandulan Jibril in kaniya nanaug: hatiniyaٔ ) ةضي ثةٗ اٌةشٚذ األِة١ ( ٓ193 ayat اٌشةعشاء
nagdara wahi dain ha Allah. Palman pa sin Allahu Ta'ala ha Surat ش٠ٛزىةٌا ayat 21 ( ُمة طةبِ
ٓ١ةِأ ( hatiniya : pagtaatan siya sin manga malaikat Kapangandulan sin wahi. Bang ikaw O
taymanghud ku Muslim unu in hikapamung mu sin I'tiqad bihaini amuin kiyakahagad sin
manga Rafidah?!
Naasubu in manga Rafidah: hisiyu in sangi'-ngi' manusiya' ha Agama
niyu? in pamung nila: panaiban (Sahabat) hi Muhammad ٗ
41
Bayta' hi Sheikh Abdullah Al-Jumaylie ha kitab niya (Bajlul Majhuod
fiy Mushabahatil rafida lil yahud) dain ha manga piyagsibuan sin
Rafidah iban sin Yahudi pangufur-ngufur sin Yahudi iban Rafidah ha
dugaing dain sin Agama nila iban panghalali nila ha dugu' iban
kaaltaan nila.
Laung pa niya: Biyahagi' sin Yahudi in manusiya' pa duwangka
bahagi': (Yahudi iban Umamiyyun), in Umamiyyun bukun sila Yahudi,
in I'tiqad sin Yahudi sila ra in (Mu'min) namamaratsaya, adapun in
Umamiyyun ha pangatud nila kafir iban way Agama. Bayta' ha kitab
nila Al-Thalmuod: in katan manusiya' dugaing dain ha Yahudi, way
Agama (pagan), iban amu yan in panghindu' sin kaparian nila. Sampay
hi Nabi Eis kiyufur nila, biyayta' ha kitab nila Al-Thalmuod
siypat nila hi Nabi Eisa َ ع kafir di' makahati magtuhan. Iban
biya' daisab hayan in I'tiqad sin Rafidah sabunnal tuud sila ra in
Mu'min (namamaratsaya) in manga muslimin puas dain kanila manga
kafir, murtad way suku' nila ha Agama Islam. Adapun in sabab
hangkan kiyufur sin Rafidah in manga muslimin, pasal way nila
liyamud in (Wilayah) pagnakura' hi Ali dain ha manga rukun sin Islam
biya' sin I'tiqad sin Rafidah. Na' hisiyu-siyu in di' niya bistahun in
Wilayah dain ha manga rukun sin Islam, in siya kafir ha I'tiqad sin
Rafidah biya' da kahantang sin way nagshahadat iban timinggal
sambahayang, tantu ha I'tiqad nila (Rafidah) in Wilayah labi awla dain
ha karukun-rukunan sin Islam. Kiyariwayat hi Al-barqie dain kan Abi
Abdillah sabunnal tuud in siya naghimumungan: Way hangkatau
nakasud ha Agama hi Nabi Ibrahim َ غةٌاٗ ة١ٍع malaingkan amura kami
(Rafidah) iban sin miyagad kamu', puas dain kamu, in katan manusiya'
kafir. Ha tafsir hi Al-qummie dain kan Abu Abdullah: sabunnal tuud in
siya naghimumungan: way nag-aagama sin Agama Islam dugaing
daing kamu', ampa in dugaing daing kamu', in sila kafir sampay pa
adlaw Kiyamat )).42
UNU IN AQEEDA SIN RAFIDAH HA TUNGUD SIN
KAIMAMAN?
In pamaratsaya sin Rafidah in manga kaimaman (nila) malayu' tuud
dain ha kalawngan iban dain ha dusa iban sabunnal tuud kiya-iingatan
nila in ga-ib. Bayta' hi Al-kulainie ha kitab niya (Usuol Al-kafie):
((laung hi Al-imam Ja'far Al-sadiq: kami in bubutangan, tatau-an sin
ilmu' sin Allah, kami in magtatafsir sin parkala' sin Allah, in kami
malayu' dain ha kalawngan iban dain ha dusa. In pardaakan, kami in
subay pagtaatan iban piyanglangan in sumulang kamu', kami in Hujjah
kawasa, kiyumkuman (authoritative source) sin Allahu Ta'ala ha pitung
lapis langit iban lupa')).43
In panayma' hi Al-kulaini ha kitab niya (Al-kafie) ha bab (sabunnal tuud
in kaimaman bang nila kabayaan ingatun, kaingatan nila). dain kan
Ja'far sabunnal tuud namung siya: ((sabunnal tuud in imam bang siya
mabaya' umingat, kaingatan niya. Iban in kaimaman kaingatan nila bang
ku'nu sila mapatay, iban sabunnal tuud in sila dih magkamatay
malaingkan labay ha kabayaan nila )).44
Iban bayta' hi Khuminie ha kitab niya ( Tahrir al-wasila ) laung niya : ((
sabunnal tuud awn sarayaw-rayaw maqam sin imam iban darajat sataastaas iban pagnakura' limaya (mampunyahi kawasa) patikupu' magad ha
babaan niya iban sakup niya in katan manahut, maaslag ha Dunya)).
42
- Bajlul Majhuod fi mushabahat Al-rafidah lilyahud kan Abdullah Al-Jumaylie
2/559,568
43
- Usoul Al-kafi 1/165.
44
- Usoul Al-kafi 1/258.
Iban laung niya pa: ((sabunnal tuud in kami – madzhab 12 Imamdihilan kami sin Allah kahalan wala' kiyarihil ha Malaikat masuuk pa
Allah iban pa Nabi naraak))45
Gammayan miyabut in Rafidah pa kahalan amuin nakalandu' tuud in
pamudji nila ha kaimaman nila sambil piyalabi nila dain ha katan
sabunnal !! Muhammad in puas kanabihan
tuud bayta' hi Al-majlisi ha kitab niya (Mir-a-tul uquol): ((iban sabunnal
tuud in sila kaimaman labi apdal iban labi mulliya dain ha katan
kanabihan puas sin Nabi Muhammad ُ
Wala' timubtub in pamudji nakalandu' sin Rafidah ha kaimaman nila,
na' sabunnal tuud naghimumungan pa sila: In kaimaman awn
pagnakura' limaya ha Dunya, bayta' hi Al-khuo-i ha kitab niya
(Misbahul faqahati) laung niya: Matampal way pagduwa-ruwa in sila
kaimaman awn pagnakura' (pag-agi) nila ha katan piyapanjari biya' na
sin kiyabayta' ha suysuy, sabab in kaawnan nila – kaimaman – sila in
suluhan (sababan) sin pagpapanjari ha Makhluk (piyapanjari), sila in
sabab sin pagpapanjari ha katan, bang bukun sabab nila –kaimaman- di'
papanjarihun in katan manusiya', sabunnal tuud hangkan piyapanjari in
manusiya' karna' sin kaimaman iban halaum kalimaya nila – kaimamanin kaawn sin manusiya'; iban sila in pal-antaraan bukun hat yadtu
sampay awn kalimaya nila magpapanjari bukun biya' sin kalimaya sin
Tuhan nagpapanjari, , in pagbaya' nila ini biya' sin pagbaya' sin Allahu
Ta'ala ha katan piyapanjari )).47
Magpatilibun kitaniyu pa Allahu Ta'ala dain ha kalaungan ini!! Biya'
diin in kahinang sin kaimaman, sila in nahinang sabab iban dan sin
pagpapanjari ha katan?! Iban karna' nila piyapanjari in manusiya'? In
Allahu Ta'ala nagpalman halaum Qur'an:
45
- Tahreer Al-wasilah page 52 iban 94.
46
- Mir-at Al-'uqoul fi sharh akhbar Ali Al-rasul 2/290
47
- Misbahul Faqahah kan Abul Qasim Al-khu-ie 5/33
"WALA' KU PIYAPANJARI IN MANUSIYA' IBAN JINN
MALAINGKAN MAGTAG-IPUN SILA KAKU'." Surah Al-zariyat ayat
56.
Magpatilibun kitaniyu dain ha manga Aqeeda laung iban simiha'
limalayu' dain ha Qur'an iban Sunnah.
Laung hi Sheikhul Islam Ibn Taymiyyah) : in pamaratsaya sin
Rafidah in Agama iyagsu', tiyukbal pa manga kaparian, na' in halal
amuna in hiyalal nila iban in haram amuna in hiyaram nila, iban in
Agama amuna in shiyara' nila ))48
Bang kaw mabaya' kakitaan mu O kaw taymanghud ku in kakufuran,
kashirikan nila iban pagpalabi nila sin pamudji kan Ali
bassaha in tarasul/daman ini amuin himumungan sin Sheikh nila hi
Ibrahim Al-'A-milie ha tungud panangliti niya kan Ali ibn Abi Talib
(Radhiyallahu Anhu):
O kaw ama' hi Hasan (Ali ibn Abi Talib) ikaw in Tuhan sa mata-mata
iban tanda' pangilahan sin kudrat niya sataas-taas.
Iban sakup mu in ilmu' ga-ib nakatatapuk, unu makatapuk baha' kaymu
in nakatapuk?
Iban ikaw in makapagbaya' mag-amulahi ha manga piyapanjari. Iban
kaymu in panghati sataas-taas ha manga piyapanjari.
Kaymu in parakala', bang mu kabayaan buhiun pa kunsum iban bang
mu kabayaan putiun mu in duhul buhuk.
Laung pa hi Ali ibn Sulayman Al-mazidie ha waktu niya piyudji in Ali
Talib Abi ibn
O ama' hi Hassan, ikaw in bana sin sasutsi-sutsi baba-i, iban abay sin
Tuhan iban ikaw in Rasul.
Ikaw in labi sampurna' iban landu' bal akkal, iban kiyapagmilikan sin
Tuhan iban ikaw in sultan.
Tiyawag kaw sin Nabi ha adlaw halubilu, iban biyaytaan niya kaw sin
parakala pagkaykit (pagtipu).
Sabunnal tuud ikaw in nakura sin manga mu'min, iban in pagnakura'
tiyukbal kaymu.
In katan parakala' magbalik da maun kaymu katan, iban ikaw in labi
makaingat sin manga pangatayan.
Iban ikaw in magbuhi sin manusiya halaum kubur nila, iban ikaw in
tagmilik sin hukuman ha adlaw qiyamat.
Iban ikaw in tubus makarungug iban tubus Makita iban ikaw in makagaus
ha katan unu-unu parakala.
Bang bukun ikaw dih humibal in bituun, iban dih lumigut in ha katan ha
ayan.
Iban ikaw in labi makahati sin katan piyapanjari iban ikaw in namissara ha
lawhil mahfuj.
Iban bang bukun ikaw dih dahun magbissara hi Musa sin Tuhan.
mahasutsi, mahatinggi in nagpapajanri kaymu.
Kakitaan mura in rahasiya' sin ngan mu ha katan alam. In kasi mu biyah
suga ha tuktuk.
In astul mu ha pamayhuan sin manga kaaastulan biyah sin tiluh. Dih
magparuntungan hisiyu-siyu in nagparugal kaymu.
Nah hisiyu in nakauna iban hisiyu in susungun iban hisiyu in kanabihan
iban karasulan.
Iban unu in qalam iban lawhil mahfuj, in katan piyapanjari iypun mu
kiyamimilikan mu.
O ama hi Hasan (Ali), makapagbaya sin piyapanjari iban uuwian sin
paguy.
Iban magpa-inum ha makasi kaymu ha adlaw qiyamat iban magmungkil
ha adaw pagbuhih ha hisiyu-siyu in nagmungkil kaymu.
O ama hi Hasan O ali landu' sasanglitun. In kasi mu kaku ha kubur ku
simisi'nag.
In ngan mu kaku' bang ha kasigpitan mahinang tanda iban in kasi mu kaku'
hikasud ku pa Surga' mu.
Nah, hikapamung baha' in himumungan ini sin muslim nag-aagama sin
Agama Islam?! Sapahan ku ibut pa Allahu Ta'ala misan in tau ha waktu
kajahilan wala' nakahinang sin kasirikan bihaini iban kakufuran iban
pagpudji nakalandu' biya' sin nahinang sin Rafidah ini.
UNU IN AQEEDA AL-RAJ 'AH AMUIN
PIYAPARATSAYA SIN RAFIDAH?
Naghinang in Rafidah pamaratsaya ba'gu pagtawagun (AL-RAJ'AH), laung
hi Al-mufid: ((kiyapagmawpakkatan sin kaimaman sin wajib magbalik
mabuhi' pa Dunya ini in kamatauran dain ha manga patay ))49. Amuna in
tumindug mabuhi' magbalik pa Dunya ini in kahinapusan Imam nila
pagtawagun hi (AL-QA'IM) ha huling jaman, gumuwa' dain ha lungag
ampa niya sumbay-un in katan kuntara niya (manga kanakuraan) ampa
niya hibalik in manga kapatut sin Shi'ah amuin iyagaw sin tumpukan
kaibanan ha ibuhan tahun na limabay.50
Naghimumungan hi Sayyid Al-murtada ha kitab niya (Al-masa-il Alnasiriyyah) sabunnal tuud hi Abubakar iban hi Umar bitaran
sila ha kahuy ha waktu mabut in jaman sin Al-mahdie – amuin imam nila
hikahangpu' tagduwa – pagtawagun nila ) Qa-imun A-li
Muhammad, in kaawnan sin kahuy amuin pagbitaran kan Abubakar iban
kan Umar buhi'buhian, pagsakali Manigang in kahuy puas pagbitad
kanila.51
Naghimumungan hi Al-majlisi ha kitab niya (Haqqul yaqeen) dain kan
Muhammad Al-baqir : ((Apabila gumuwa' na hi Al-mahdie, sabunnal tuud
49
- Awa-il Al-maqalat kan Mufeed page 51
50
- Al-khutoot Al-'areedah page 80
51
- Awa-il Al-maqalat kan Mufeed page 95
buhiun niya hi A-isha (asawa sin Rasul( ubus ampa niya
ladjamun).52
Pag-ubus ampa naisab limuag in ma'ana sin AL-RAJ'AH. Na' laung nila
mabuhi' magbalik pa Dunya ini in katan Shi'ah iban sin kaimaman nila
iban sin katan kuntara nila sarta' iban na sin kanakuraan daisab nila. In
aqeeda karupangan, bingkuk ini nagpatampal sin bungsi nila nakatatapuk
ha pangatayan nila. Iban in kaawnan sin pamaratsaya ini nahinang dan
biyaugbugan sin SABAIYA ha pagmungkil nila sin adlaw Kiyamat.
Dain ha manga maksud sin AL-RAJ'AH amuna in pagpawli ha kuntara sin
Shi'ah, na (pangasubu) hisiyu ta in kuntura sin Shi-a?! in bayta' ini O kaw
taymanghud ku Muslim nagpatarrang kaymu sin bungsi iban kuti/dugal sin
Rafidah ha Ahlus Sunnah iban lasa nila pa Yahudi iban pa manga
Kristiyan. Sabunnal tuud siyabbut hi Al-Majlisi ha kitab niya (Bihar alanwar) dain kan Abu basir, dain kan Abdullah (a.s.) in siya
naghimumungan: laung niya kaku': O Abu Muhammad sabunnal tuud biya'
kura sin kikita' kita' in pagnaug hi AL-QA IM ( ( ha Masjid Al-suhla
iban sin ahli niya…… laung ku: hisyu in bistahun niya Ahli al-jimma?
Laung niya: sulutun niya sila biya' sin pagsulut sin Rasul ُ
kanila iban sin Ahli niya. Magbayad sila tax (Jizyah) ha kahalan in sila
halaum kahinaan. Laung ku: na' hisiyu in marugal, kimuntara kaniyu? Nah
laung niya: hisiyu-siyu in simulang ha pamarinta natu', sabunnal tuud
hiyalal na sin Allahu Ta'ala katu' in dugu' nila ha waktu gumuwa' na hi ALQA-IM, ha bihayaun hiyaram pa katu' taniyu, ayaw kaw mahaylan ha
hisiyu-siyu, apabila gumuwa' na in AL-QA IM natu' pamawli na kaw ha
karna' sin Allahu Ta'ala iban Rasul niya iban ha karna' natu' katan.53
Tali-a kunu' O kaw taymanghud ku Muslim in hal sin Al-mahdi pagiyanun sin Shi'ah, sulutun niya in Yahudi iban sin Nasara (kristiyan), ubus
bunuun niya in hisiyu-siyu in sumulang kaniya amuin manga Ahlus
Sunnah. Sumagawa' kalu mamung in mamumung: in banda' yan ha hisiyusiyu in marugal, kumuntara ha Ahlul bayt. Ampa in Ahlus Sunnah way sila
kimuntara ha Ahlul bayt, Na' ha damikkiyan yadtu bukun sila lamud sin
52
- Haqqul Yaqeen page 347
53
- Bihar Al-anwar 52/ 376
banda' yan amuin halalun in dugu' nila hi AL-MAHDI. In jawab ha ini:
mataud riwayat bayta' sin manga Rafidah in maksud sin )
nanguntara kanila: sila na in Ahlus Sunnah. Bang kaw mabaya' umingat sin
manga ini ukaba in kitab (Al-mahasin Al-nafsaniyyah) kan Husayn A-li
asfuor Al-dara-zie Al-bahranie, iban ha kitab ( Al-shihab al-saqib fie bayan
ma'ana An-nasib ) kan Yusuf Al-bahranie.
UNU IN AQEEDA AT-TAQIYYAH HA
PAMARATSAYA SIN RAFIDA?
In At-Taqiyyah miya'nahan sin hambuuk ulama nila masa bihayaun laung
niya:(( in "At-TAQIYYAH" amuna in mamung kaw atawa kan huminang
kaw dugaing dain sin I'tiqad mu, karna' pagtaming mu sin kangian pa baran
mu atawa kan hasupaya hikatulak mu in kangian, ha di' kaw mapiligru iban
sin alta' mu atawa kan hasupaya maparihala' mu in kamulliyahan mu.54 Ha
daawa nila in ini nahinang sin Rasul ha waktu kamatay kan
Abdullah ibn Ubay ibn Saluol ( nakura' sin katan Munafik, ha
waktu miyadtu in Rasul (Sallallahu 'Alayhi wa Sallam) karna'
sambahayangun niya. Na' laung hi Umar (r.a): bukun ka piyanglangan
kaymu sin Allahu Ta'ala in parakala' yan? hatiniya in sambahayangun mu
siya. jiyawaban siya sin Rasul (Sallallahu 'Alayhi wa Sallam): Mayta'
kaingatan mu in biyatbat ku? In biyatbat ku; Ya Allah hipua in baran niya
sin kayu iban hipua in kubur niya sin kayu iban sin inasil niya.55
Kitaa kunu' taymanghud ku Muslim, bang biya' diin in kakahinang nila,
tiyuhuma nila nagputing in Rasul? unu matayma' baha' sin
54
- As-Shi'ah fil Mizaan kan Muhhammad Jawad Mugniyah page 47
55
- Furou' Al-kafi (kitab Al-janaiz) page 188
akkal in manga sahabat sin Rasulin duwa'a nila ha bang
mayan siya kaulungan sin Allahu Ta'ala ubus in Rasul
baing ulungun mangla'nat kaniya??!
Bayta' hi Al-kulainie ha kitab niya (Usuol kafie) : laung hi Abu Abdillah :
O ama hi Umar sabunnal tuud in hangkabahagi' dain ha hangpu' sin Agama
nakabutang siya ha At-TAQIYYAH, way agama hisyu-siyu in way AtTAQIYYAH niya, in At-TAQIYYAH usalun ha katan puas ha alak iban
pagsapu ha khuffayn (kalsitin iban sapatos). Iban bayta' pa hi Al-kulainie
dain kan Abu abdillah laung niya: ((halli-i niyu in agama niyu tamingi niyu
siya sin At-TAQIYYAH, sabunnal tuud way pag-iman sin hisiyu-siyu in
way AL-TAQIYYAH niya )).56
Miyabut pa in kahalan sin Rafidah, sampay pa jiyari nila in pagsapa pa
dugaing dain ha Allahu Ta'ala karna' pag-usal sadja sin At-TAQIYYAH.
Magpatilibun kitaniyu pa Allah dain ha kalaungan ini!! Nasabbut hi Al-hur
Al-amilie ha kitab niya (Wasa-il al-shi'ah ) dain kan Abu bakeer, dain kan
Zurara dain kan Abu Ja'far (a.s) in siya naghimumungan: laung ku kaniya:
in kami maglabay ha tumpukan ini, pasapahun nila kami bang namu'
kiyatunay ra in zakat sin alta' namu' ampa kiyatunay namu' na in zakat
niya. Laung niya: Ya Zurara! Bang kaw mahanggaw, sapa kaw kanila unuunu na in kabayaan nila. Laung ku: hipag-ayu' takaw, unu sapahan ku ha
ngan sin Talak iban pagmahaldika' ha iypun? Laung niya; huun, agara diindiin in kabayaan nila!. Bayta' dain kan Samma-a, dain kan Abu Abdillah
laung niya: ((bang sumapa in hangkatau karna' (TAQIYYAH ) pagtapuk
niya hasupaya siya di' magmula di' yan hikamudarat kaniya apabila
nalugus))57
In pangatud sin Rafidah, in At-TAQIYYAH fardu' sabab di' tumindug
umuntayaw in madzhab bang way siya. Tiyayma' nila in panghindu' (Usul
niya) sibu' da lahir iban batin. Pag usalun nila ini bang sila kasigpitan. Na'
anibi niyu tuud in manga Rafidah O kamu manga Muslim.
56
- Usoul Al-kafi page 482-483
57
- Wasa-il As-she'ah 16/136-137
