Terminolohiyang Arabe

·       InshaAllah - Sa kagustuhan ng Diyos, kung nais ng Diyos na maging gayon. Ito ay isang paalala at pagkilala na walang mangyayari maliban sa kalooban ng Allah.

·       Sunnah - Ang salitang Sunnah ay may ilang kahulugan depende sa sangay ng pag-aaral gayunpaman ang kahulugan na karaniwang tinatanggap, na kahit ano na iniulat na sinabi, ginawa, o sinang ayunan ng Propeta.

·       Deen - ang paraan ng pamumuhay batay sa pahayag ng Islam; ang kabuuan ng isang pananampalataya at pag sasabuhay  ng isang Muslim. Ang Deen ay madalas na ginagamit upang ipakahulugan na pananampalataya, o ang relihiyon ng Islam.

Panimula


Ang susi sa isang maaliwalas na islamikong lipunan ay nagsisimula sa pamilya, sapagkat ito ang sentro ng isang malusog na lipunan. Ang Propeta, sumakanya ang awa at pagpapala at biyaya ng Allah, ay nagbigay ng detalyadong mga hakbang sa pagaalaga sa isang pamilya ng maayos; walang alinlangan, ito ay isang malaking responsibilidad. Sinabi niya: 

"Ang sinuman na may pananagutan sa iba, ngunit hindi naitaguyod ang responsibilidad na ito nang maayos, siya ay tatanggihan mula sa Jannah (sa Paraiso)." (Saheeh Muslim)

 Ang pagiging magulang ay isang napakalaking responsibilidad;  lalo na, ang pagiging magulang sa Kanluran. Ano ang dapat isaalang-alang ng isang magulang, paano nila dapat palakihin ang kanilang mga anak? Sa artikulong ito malalaman natin ang ilang kapaki-pakinabang na mga payo na dapat isa-isip ng bawat magulang.

Gumawa ng Maginhawa at Wastong Kapaligiran


Ang mga bata na pinalaki sa isang 'masaya' na tahanan ay karaniwang nagiging mas malakas, mas mahusay na mga Muslim. Mas madali silang masanay sa mga Islamikong pamamaraan at mataguyod ang karaniwang paggalang at pag-uugali na dapat maging pamantayan para sa bawat Muslim.

Upang matiyak na ang isang tahanan ay 'masaya', ang mga magulang mismo ang dapat magtaguyod ng tamang pag-uugali sa Islam. Gayundin, ang mga magulang ay dapat makipag-usap sa bawat isa, sa isang malinaw at bukas na pamamaraan. Kapag nakita ng mga bata na ang kanilang mga magulang ay nakikipag-usap sa pamamaraang ito; wala sa kanilang mga magulang ang nababalisa, nagagalit o nagiging marahas, ito ay naguudyok sa mga bata na ibahagi ang kanilang damdamin at mga iniisip at sila ay makakaramdam ng kaligtasan at katiwasayan. Ang hakbang na ito ay napaka halaga, dahil ang isa sa mga pangunahing sanhi ng mga problema ay nagsisimula sa kakulangan nito. Kung ang isang bata ay nakakamdaman na hindi nila kaya makipag-usap sa kanilang mga magulang, sila ay maghahanap ng pansin sa ibang lugar, ito man ay mula sa mga kaibigan, na maaaring maka-impluwensya sa batang ito sa negatibong pamamaraan. Ang mga pagkalulong  sa droga, labag sa batas na pre-marital(hindi pa kasal) na relasyon at mga kahihitnan na maaring mas malala pa.

Ang susunod na hakbang na dapat gawin upang maseguro  ang kapaligiran na ito ay ang mahalin  ang iyong mga anak at ipakita sa kanila na mahal mo sila. Ang Propeta, mapasakanya nawa ang awa at pagpapala ng Allah, niyakap ang kanyang apong lalaki na si  Al-Husain, sa harapan ni al-Aqra bin Habis, nawa ay kalugdan sila ng Allah. Si Al-Aqra ay nagsabi: "Mayroon akong sampung anak at hindi ko kailanman niyakap ang sinuman sa kanila!" Ang Propeta, ang awa at pagpapala ng Allah ay sumakaniya, ay nagsabi: "Ang hindi nagpapakita ng awa, ay hindi papakitaan awa. "[1]

Ang mga batang nakadarama ng pagmamahal ay ibabalik ang habag na kanilang natatanggap. Ito ay maliwanag sa pamamaraan ng Propeta sa pakikitungo sa mga bata. Isang araw habang ang Propeta ay nagdarasal, pinalawig niya ang kanyang pagpapatirapa at ang mga Kasamahan niya ay nagsimulang mag-alala; pagkalipas ng ilang sandali, ipinagpatuloy ng Propeta ang pagdarasal nang karaniwan. Siyempre, tinanong ng mga Kasamahan niya ang Propeta tungkol sa matagal na pagpapatirapa; Sinabi nila: "O Sugo ng Allah, pinahaba mo ang pagpapatirapa at naisip namin na ikaw ay nakatanggap ng pahayag o na may isang bagay na masama na nangyari sa iyo!" Siya ay ngumiti at sinabi: "Wala ni isa sa dalawa, ngunit ang aking apong lalaki ay umakyat sa aking likod at hindi ko gustong paikliin ang kanyang kasiyahan. "[2]

Ang isa pang hakbang para sa isang 'masaya' na tahanan ay ang pagiging magkatuwang ng mga magulang  sa pagpapalaki ng mga bata. Madalas nating nasasaksihan ang isa sa dalawang sa mga magulang na nagiging mas malapit, habang ang isa ay nagiging malayo. Ang isang bata na pinalaki sa pag-ibig at pagmamahal mula sa parehong mga magulang ay umuunlad ng mas malaking antas sa kaisipan, pag-uugali kaysa sa isa na mayroon lamang isang magulang.

Oras ng pag-aaral


Ang isang tahanan na walang tamang kaalaman sa Islam ay isang tahanan ng kawalan ng pag-asa at gabay. Ang pag-aaral ng deen ay makakatulong sa paggabay at pagpapalaki ng mga bata upang maging mga matuwid na Muslim. Ang 'oras ng pag-aaral' na ito ay dapat magkaroon ng mga aral mula sa Quran, Sunnah at mga kuwento ng mga sinaunang matutuwid o mabubuting mga  tao.

Kung ang mga magulang ay hindi sanay sa pagbabasa ng Quran, dapat nilang ipa rehistro sila sa  pag aaral  ng Quran sa isang lokal na Moske. Kung ang mga magulang ay mapalad na makahanap ng isa sa kanilang lugar, hindi sila dapat huminto doon; ito ay simula pa lamang. Ang buong pamilya ay dapat magpatuloy na magsumikap na mag-aral ng Islam nang sama-sama. Dahil sa pagkakaroon ng maraming mga mapagkukunan ngayon, hindi ito dapat maging isang problema. Mayroong maraming mga website tulad ng (newmuslims.com) na nagbibigay ng mahahalagang, pangunahing mga aral ng Islam sa isang madaling, tuwirang pamamaraan.

Mahalaga na ang mga magulang ay magbahagi ng oras, bawat linggo, kung saan nagkakasama ang pamilya at natututo nang sama-sama. Makakatulong ito upang patatagin ang bahagi ng pamilya. Hindi dapat  madama ng mga bata na ang proseso ng pag aaral  ay "mahirap", habang ang mga nakakatanda ay nakikibahagi sa proseso.

Dahil sa maraming mga sagabal sa ating lipunan, ang mga pamamaraan ng pagtuturo ay dapat na maging kawili-wili. Ang mga magulang ay dapat gawing kakaiba ang pagtuturo at magturo sa isang masayang pamamaraan; maging sa pamamagitan ng laro o sa pamamagitan ng pagbibigay ng mga premyo sa pinaka maraming natamo.

Ang mga magulang ay laging maghangad na maging mas mahusay ang kanilang mga anak kaysa sa kanilang sarili. Ang saloobing ito ay isa sa pinakamabuti, ngunit hindi dapat humantong ang mga magulang sa labis  na paghahangad . Ang  kapanatilihan at pagpupursige ay ang susi sa tagumpay.

Pakinggan ang iyong mga Anak


Sa isang lipunan sa Kanluran, ganap na mahalaga ang pagkakaroon ng bukas na linya ng pakikipag-usap sa iyong mga anak. Ang mga bata ay kailangang marinig at maintindihan at kailangan ng mga magulang na tingnan kung ano ang sinasabi nila habang hindi hinuhusgaan kaagad.

Kung ang mga bata ay makaramdam na sila ay ligtas na magbukas o magsabi  sa kanilang mga magulang kapag mayroon silang mga problema, at kung sa palagay nila 'malaya' sila magtanong kapag sila ay may pag-aalinlangan, ito ay nagpapalakas ng ugnayan sa pagitan ng mga magulang at ng kanilang mga anak, ito rin ay naglalayo ng mga negatibong impluwensya na maaaring makaapekto sa bata sa kritikal na yugto ng paglaki.

Marami sa mga magulang ang nagsasalita sa kanilang mga anak, ngunit kinaliligtaan na makinig, iniiwan ang kanilang mga anak sa kanilang sariling mga aparato at pinipilit silang gumawa ng kanilang sariling mga desisyon kapag kailangan nila ng patnubay. Kung palagi mo silang   pinapasali  sa mga bagay bagay at desisyon sa  inyong tahanan, mas bababa ang pagkakataon na sila ay mapadpad sa maling landas, InshaAllah.

Ang pakikinig sa iyong mga anak ay isang napakahalagang kasangkapan na mapanghahawakan ng mga magulang; Nagsisilbi ito bilang isang 'reality check'(pagpapaalala kung ano ang nangyayari sa aktwal na mundo) dahil ang mga bata ay isang salamin ng pag-uugali ng kanilang mga magulang.

Ang isa sa mga pinakamahusay na paraan upang patibayin ang ugnayan na ito sa pagitan ng mga bata at mga magulang ay sa pamamagitan ng talambuhay ng Propeta, ang awa at pagpapala ng Allah ay mapasakanya. Ang mga kuwento ay maaaring basahin bago ang oras ng pagtulog at maaaring itanong sa mga bata kung ano ang kinagiliwan nila patungkol sa kuwento. Maaari rin hilingin sa kanila na gawin ang mga pangunahing aral mula sa mga kuwento sa kanilang sariling buhay. Maaari silang makagawa ng mas mahusay na mga desisyon para sa kanilang sarili, tumayo laban sa mga maling gawain, at magagawa nilang ipahayag ang kanilang opinyon ng mas epetibo.

Maghanap ng Mabuting Kasama


Parenting2.jpgAng pagkakaroon ng mabubuting kaibigan ay mahalaga sa pagbubuo ng isang matibay na pamilya. Ang Propeta, ang awa at pagpapala ng Allah ay mapasakanya, ay sinabi:

"Ang isang tao ay naiimpluwensyahan ng kanyang kasamahan, kaya't maging mapagmatyag sa kung sino man ang kinakasama nila."[1]

Ito ay totoo para sa mga magulang at mga bata. Ang mga bata ay madaling naiimpluwensyahan ng mga nakapaligid sa kanila; kung ang mga magulang ay pinananatili ang mabubuting panauhin , hihikayatin nito ang mga bata na gawin din ito. Sa Kanluran, ito ay napakahalaga, marahil ang isa sa mga kaibigan ay maaaring maging marahas na sumasalungat sa Islam sa pamamagitan ng kanilang pananaw at pag-uugali, kaya dapat na malinaw sa mga magulang na ang pagpapanatili sa mabubuting panauhin at pag-iwas sa masasamang panauhin ay makakatulong sa kanilang mga anak sa pagsusuri sa pagitan ng kung ano ang pinahihintulutan mula sa kung ano ang hindi. Ito ay makakatulong sa mga bata na maunawaan na bagama't mayroong mga umiinom ng alak o gumagawa ng mga bagay na labag sa batas, ang mga ito ay hindi magandang bagay na dapat gawin at may mga tama na mapapagpipilian.

       Dapat maging aktibo ang mga magulang sa pagpili ng mga pinakamainam na kasama at mga kaibigan para sa kanilang mga anak. Kung nais ng mga bata na dalhin ang kanilang mga kaibigan sa bahay, mas maganda na pahintulutan ito, upang makita ng mga magulang kung sino sila at maging aktibong na kasama ang kanilang mga anak.

Mga Panalagin sa Allah


Ang Allah, Ang Maluwalhati, ay nagsabi:

"... Manalangin sa Akin, at sasagutin ko ang iyong mga panalangin ..." (Quran 40:60)

Ang paghiling sa Allah na maging  matagumpay ang mga anak ay isa sa pinakadakilang bagay na maaaring gawin ng magulang para sa kanilang mga anak. Ang du'a ng mga magulang ay tinatanggap ng Allah, ang Propeta, ang awa at pagpapala ng Allah ay mapasakanya, ay sinabi:

"Tatlong du'a na tinatanggap ng Allah, ng walang pag aalinlangan, ang du'a ng isang inapi, ang du'a ng isang naglalakbay at ang du'a ng isang magulang para sa kanilang mga anak."[2]

     Sa ngayon ay natalakay natin ang mga pangunahing punto na dapat na isa-isip ng bawat magulang. Ngayon ay tatalakayin naman natin ang isang hakbang na kasing halaga, ngunit isa itong hakbang bago ang pagkakaroon ng isang pamilya.

Pagpili ng isang Asawa


Ito ang pinakamahalagang hakbang patungo sa pagkakaroon ng matagumpay na pamilya sa Kanluran. Ang Propeta, ang awa at pagpapala ng Allah ay mapasakanya, ay sinabi:

"Piliin ang pinakamainam na asawa upang simulan ang iyong pamilya."[3]

Ang Propeta, ang awa at pagpapala ng Allah ay mapasakanya, ay pinalawig ang pagpapaliwanag kung sino ang 'pinakamainam' na asawa. Ipinaliwanag niya na ang pinakamainam na asawa ay isang taong relihiyoso at nagtataglay ng mabuting pagkatao. Sinabi Niya:

"Ang mga babae ay maaaring pakasalan para sa apat na bagay: ang kanilang kayamanan, ang kanilang lahi, ang kanilang kagandahan at pagiging relihiyosa. Piliin ang isa na nakatuon sa relihiyon, nawa  ang iyong mga kamay ay mahaplusan ng alabok (ibig sabihin, nawa ay umunlad ka). "[4]

Mula sa dalawang tekstong ito, malinaw na dapat pumili ang isang Muslim ng isang mabuting asawa; ito ay para sa lahat ng mga kalalakihan at kababaihan.

Kung ang pagpili ay ginawa  lamang dahil sa makamundong bagay, ang relasyon na iyon ay hindi magiging makabuluhan sa mga tuntunin sa pagpapalaki ng isang mabuting pamilya.

Ang parehong mag-asawa ay dapat lawakan ang pananaw di lang sa unang yugto ng kasal kundi sa kung ano ang darating; ang pamilya. Paano magagawa ang kapaligiran na nabuo sa pamamagitan  ng pag iisang dibdib na maging kaaya aya sa pagpapalaki ng isang mabuting pamilya? Ito ay isang napakahalagang tanong na dapat masagot. Sa isang maayos na relasyon, ang mag-asawa ay  nagtutulungan sa pagpapalaki ng isang mabuting pamilyang Muslim. Ito ay isang malaking responsibilidad; malinaw na ipinahiwatig ng Propeta sa pamamagitan ng kanyang mga salita, sinabi Niya:

"Ang bawat isa sa inyo ay may pananagutan sa mga nasa ilalim ng kanyang pangangalaga. Ang isang pinuno ng isang nasyon ay may pananagutan para sa mga nasa ilalim ng kanyang pangangalaga; ang lalaki ay may pananagutan sa kanyang pamilya; ang babae ay may pananagutan sa mga nasa ilalim ng kanyang pangangalaga. "[5]

     Mayroong mga pangunahing kaugalian o kaasalan na napakahalaga para sa mag asawa sa pag sisimula ng kanilang relasyon; kapag ang mga ito ay ipinatupad, masisiguro nito para sa kanila ang isang mabuti na pagsisimula sa kanilang buhay. Ang isa rito, ay pamamaraan na sinabi sa atin ng Propeta na dapat ilagay ng lalaking asawa ang kanyang kamay sa noo ng kanyang babaeng asawa at sabihin:

"O Allah ako ay humihiling sa iyo ng kanyang kabutihan na likas na sa kanya at ako ay nagpapakupkop sa iyo mula sa kanyang kasamaan at  sa kasamaan na likas ng nasa kanya."[6]

Marami pang ibang mga kaugalian o kaasalan na dapat malaman at panindigan ng mag-asawa.

Mga Bata


Matapos ang kritikal na yugto ng pagpili ng isang mabuting asawa, ang mag-asawa ay dapat magsikap sa pagtataguyod sa mga kagawian na nabanggit na napapaloob sa Sunnah sa pagpapalaki ng isang pamilya.

Ang Propeta, ang awa at pagpapala ng Allah ay mapasakanya, ay nagsabi:

"Katunayan tatawagin ka sa Araw ng Paghuhukom sa pamamagitan ng iyong mga pangalan at ang mga pangalan ng iyong ama, kaya mamili (para sa inyong mga anak) ng mabubuting pangalan."[7]

Sa ngayon, ang ilan sa mga pangalan na ibinibigay sa ating mga anak ay napakasama! Kung minsan, ang mga magulang ay pumipili ng mga pangalan ng mga kilalang tao na hindi Muslim, o mag sasaliksik sila sa kanilang kultura upang pumili ng mga kakaibang 'natatanging' mga pangalan na may koneksyon  sa kultura.

Ang mga pangalan na ibinibigay sa isang tao ay may malalim na epekto sa kanilang paglaki; ang isang pangalan na may masamang kahulugan o negatibo ay dapat iwasan. Ang Propeta ay nagbigay sa atin ng malinaw na mga tagubilin kung paano pumili ng mga pangalan. Ipinakita ito ng Propeta; Isang beses, isa sa kanyang mga kasamahan, Si Zaid al-Khail, ay pinalitan ng pangalan na Zaid al-Khair; Ang Khail ay nangangahulugan na mga kabayo samantalang ang Khair ay nangangahuluga ng kabutihan. Mariin din niyang tinagubilinan ang kanyang mga kasama na iwasan ang paggamit ng mga pangalan na may kakaibang kahulugan. Ang payo na ito ay napakahalaga, lalo na sa paglaganap ng suliranin ng bullying(pang-aapi) sa mga paaralan. Kung isang mabuting pangalan ang pinili, ito ay pangangalagaan ang bata mula sa negatibong kadahilanan na yaon na maaari nilang maranasan sa paaralan.

Ang Propeta, ang awa at pagpapala ng Allah ay mapasakanya, ay tinuro sa atin sa pagsasabi:

"Ang pinakamamahal na mga pangalan sa Allah ay Abdullah at Abdur-Rahman."[8]

Ang Abdullah ay nangangahulugang na 'Alipin ng Allah' at ang Abdur-Rahman ay nangangahulugang na 'Alipin ng Pinaka Mapagpala'.

Huwag Kalimutan ang Maliliit na Bagay


Bawat yugto ng paglaki ng mga bata ay dapat pinagmamasdan ng mga magulang; dapat nilang ituro sa kanila ang mga kinakailangang kasanayan habang sila ay lumalaki. Halimbawa, kapag ang mga bata ay musmos pa lamang, ang mga tamang pamamaraan at kagawian ay dapat na ituro  sa kanila. Kalaunan  maituturo sa kanila kung bakit dapat sila kumilos sa isang nasabing pamamaraan. Ang mga kuwento na isinasalaysay  sa yugtong ito ay bihirang makalimutan.

       Ang isang bata ay dapat ding hikayatin na isaulo ang du'a at ang Qur'an. Kung sila ay pinalaki sa mga 'maliliit na bagay' na ito, tiyak na magagawa nilang umunlad sa kanilang buhay sa pinakamagandang  pamamaraan.