Mga Layunin

·       Upang maunawaan kung ano ang Quran.

·       Upang malaman ang mga pangunahing kaalaman tungkol sa Quran at kung paano ito isinasaayos.

·       Upang malaman ang mga pangunahing tema na kasama sa Quran.

·       Upang maunawaan ang estilo ng Quran sa  pagtalakay ng mga tema nito.

Arabikong  terminolohiya

·       Surah – kabanata ng Quran.

·       Ramadan - Ang ikasiyam na buwan sa Islamikong kalendaryong lunar. Ito ay ang buwan kung saan isinasagawa ang obligadong pagaayuno.

·       Juz’ - isa sa tatlumpung bahagi ng Quran.

·       Aayaat - (pang isahan – ayah) ang salitang aayaat ay maraming mga kahulugan. Kadalasang ginagamit ito kapag pinag-uusapan ang mga patunay mula kay Allah. Kabilang dito ang mga ebidensiya, mga talata, mga aralin, mga palatandaan, at mga paghahayag.

      Sa tatlong mga aralin, Pagtutuunan natin ang ilang mga pangunahing isyu na kakaharapin ng isang baguhan sa pagbuklat ng Quran. Ano ang Quran at paano ito nakaayos? Ano ang mga pangunahing tema at estilo ng pagkakalahad nito? Ano ang ilang mga mahusay na pagkakasasalin para sa isang baguhan, at ano ang dapat nating tandaan kapag binabasa ito? Maari bang mabigyang-kahulugan ang Quran ayon sa sariling pag unawa? Paano kung hindi ko maintindihan ang isang bagay na nabasa ko? Saan ako makakakuha ng mga sagot? Panghuli, anong balangkas ng pag-iisip ang kailangan ko bago ko buksan at basahin ang Quran?

Ano Ang Eksaktong Kahulugan ng Quran?


     Ang Quran ay ang literal, na binigkas na Salita ng Allah na ipinahayag sa huling Propeta Muhammad, sumakanya nawa ang habag at pagpapala ng Allah, sa pamamagitan ni Gabriel, ang Anghel ng Kapahayagan, na ipinadala sa atin sa pamamagitan ng maraming mga yugto, kapwa sa salita at sa nakasulat na anyo. Walang kapantay at natatangi, pinangangalagaan ng Diyos mula sa katiwalian. Ang Diyos ay nagsabi:

‘Katotohanan, Kami ang nagpadala ng mensahe [ie, ang Qur'an] at katotohanan, Kami ang magiging tagapangalaga nito..’ (Quran 15:9)

Ang mga Pangunahing Kaalaman


    Ang unang bagay upang maunawaan ng isang baguhan ang tungkol sa Quran ay ang anyo nito. Ang salitang Arabik, 'Quran,' ay literal na nangangahulugang 'pagbigkas' at 'pagbabasa'. Kaugnay nito, ang Quran ay parehong binibigkas nang pasalita at isinulat sa anyo ng isang aklat. Ang tunay na lakas  ng Quran ay nananatiling sa pagbigkas, na nangangahulugang basahin nang malakas at mahimig, ngunit ang mga talata ay isinulat sa mga magagamit na mga materyales bilang gabay sa pagsasaulo at pangangalaga nito, at tinipon at inayos sa anyong aklat ng kapwa pribado at, sa mga huling yugto, institusyunal. Ang Quran ay hindi ginawa upang maghayag ng mga kwentong magkakasunod, kung kaya't, ang Quran ay hindi dapat tingnan bilang sunud-sunod na mga salaysay tulad ng aklat ng Genesis.


Ang Quran ay madalas nag uulit ng ilang mga bersikulo at mga tema, nagbabago ang mga paksa sa pagitan nila, at kadalasang nag-uugnay sa mga salaysay sa anyo ng isang pagkakabuod. Nakikita natin ang dalawang dahilan para dito. Una, kumakasangkapan ito sa isang layunin ng wika at isa sa mga makapangyarihang pamamaraan ng retorika ng klasikal na Arabik. Pangalawa, ang lahat ng mga tema ng Quran, gaano man kamag-kakaiba, ay pinagisa sa loob ng isang aklat: walang tunay na diyos kundi si Allah, at si Muhammad ay Kanyang mensahero. Ang Quran, hindi gaya ng Bibliya, ay hindi nakatauon sa mga talaangkanan (Genealogies),  mga kronolohikong (pagkakasunod sunod)  pangyayari, o mga detalye ng  kasaysayan , na karamihan ay hindi angkop na pagtalunan. Ang layunin ay ang paggamit ng mga kaganapan, mula sa nakaraan at kasalukuyan, upang ilarawan ang sentral nitong mensahe. Kaya kapag tinatalakay ng Quran ang nakagagamot na sangkap ng pulot (- pukyutan) o ang buhay ni Hesus, alin man sa mga paksang ito ay hindi tuwirang wakas, ngunit ang bawat isa ay may kaugnayan sa isa o sa anumang paraan sa sentral nitong mensahe - ang Kaisahan ng Diyos at pagkakaisa ng mensahe ng propeta.

Ang isa pang mahalagang punto na dapat tandaan na ang Quran ay hindi ipinahayag sa isang upuan lamang, sa halip ito ay ipinahayag bawat bahagi sa loob ng 23 taon. Maraming talata ang tumutugon sa mga partikular na kaganapan. Kadalasan, ang Quranikong paghahayag ay magmumula kay anghel Gabriel patungo kay Propeta Muhammad bilang tugon sa mga tanong  ng mga di-mananampalataya. Ang Quran ay tumutukoy sa mga di-mananampalataya, ang mga Tao ng Banal na Kasulatan (isang terminong ginagamit ng Quran para sa mga Hudyo at mga Kristiyano), ang sangkatauhan sa kabuuan, mananampalataya, at, bilang panghuli, ang Propeta mismo - na nag utos sa kanya kung ano ang gagawin sa isang partikular na sitwasyon o umaliw sa kanya sa mga panahon ng  panlilibak at pagtutol. Ang kaalaman sa makasaysayang at panlipunang konteksto ng paghahayag ay naglilinaw ng mga kahulugan na nilalaman ng mismong teksto.

Paano Isinaayos ang Quran?


Ang Quran ay binubuo ng 114 mga bahagi o mga kabanata na mayroong ibat-ibang haba. Ang bawat kabanata ay tinatawag na isang surah sa Arabik at ang bawat pangungusap o parirala ng Quran ay tinatawag na isang ayah, literal na kahulugan 'isang tanda.' Tulad ng Bibliya, ang Quran ay nahahati sa mga hiwalay na yunit, tinutukoy bilang 'verses' sa Ingles. Ang mga talatang ito ay walang sinunusunod na haba at ang simula maging wakas nito ay hindi mula sa kapasyahan ng tao, kundi idinikta ng Diyos. Ang bawat isa ay natatangi sa pagka-matalinhaga ng pagpapakahulugan, o 'tanda', na tinutukoy ng salitang ayah sa Arabik. Ang lahat ng mga surah, maliban sa isa, ay nagsissimula sa Bimillah hir-Rahman nir-Rahim, 'Nagsisimula ako sa Pangalan ng Allah, ang Pinakamahabagin, ang Maawain.' Ang bawat surah ay may isang pangalan na naguugnay sa isang sentral na tema sa loob nito. Halimbawa, ang pinakamahabang surah, Surah al-Baqarah, o "Ang Baka", ay pinangalanan ayon sa kuwento ni Moises na nag-utos sa mga Hudyo na mag-alay ng baka, na nagsisimula sa sinabi ng Diyos:

“At alalahanin nang sinabi ni Moises sa kanyang mga tao: 'Iniutos ng Allah na mag alay (katay) ka ng baka.’” (Quran 2:67)

Dahil ang mga kabanata ay may iba't ibang haba, ang Quran ay hinati ng mga iskolar ng unang siglo pagkatapos ng pagkamatay ng Propeta sa humigit-kumulang tatlumpu na magkakapantay na bahagi , ang bawat bahagi ay tinatawag na juz 'sa Arabik. Ang dibisyon na ito ng Quran ay ginawa upang ang mga tao ay isaulo o basahin ito sa isang mas organisadong paraan, at walang nabago sa orihinal na istraktura, dahil ang mga ito ay pawang mga marka lamang sa gilid ng mga pahina na nagpapahiwatig ng bahagi nito. Sa buwan ng pag-aayuno, ang Ramadan, ang isang juz 'ay karaniwang binibigkas tuwing gabi, at ang buong Quran ay natatapos sa katapusan ng buwan.

Ang Istilo ng Quran


Anong mga paksa ang tinatalakay ng Quran? Sinasakop nito ang iba't ibang mga paksa. Ang pinakamahalaga, binabanggit nito ang Kaisahan ni Allah at kung paano mamuhay ng kalugod-lugod sa Kanya. Kasama sa iba pang mga paksa ang doktrina ng relihiyon, paglikha, kriminal at sibil na batas, Hudaismo, Kristiyanismo at politismo, pakikitungo sa kapwa, moralidad, kasaysayan, mga kuwento ng mga nakaraang propeta, at agham. Ang pinakamahalagang katangian ng estilo ng Quran sa pagtalakay sa mga temang ito ay:

(1)  Ang paggamit ng mga talinghaga upang pukawin ang kuryusidad ng mambabasa at ipaliwanag ang malalim na mga katotohanan.

(2)  Mahigit sa dalawang daang talata na nagsisimula sa salitang Arabik na Qul - 'Sabihin' - na naguutos kay Propeta Muhammad na sabihin kung ano ang kasagutan sa tanong, upang ipaliwanag ang mga usaping may kinalaman sa pananampalataya, o ipahayag ang isang legal na paghatol. Halimbawa:

“Sabihin: 'O Mga Tao ng Kasulatan! Hindi ninyo baga kami sinasangayunan maliban sa kadahilanang kami ay naniniwala kay Allah , at sa kapahayagang dumating sa amin at sa mga mga nauna pa (sa amin), at dahil karamihan sa inyo ay suwail at masuwayin?’”  (Quran 2:59)

(3) Sa ilang mga talata ng Quran, ang Allah ay sumumpa sa pamamagitan ng Kanyang kamangha-manghang likha, upang kapwa palakasin ang isang katwiran o upang iwaksi ang mga pagaalinlangan sa isip ng tagapakinig:

“Sa pamamagitan ng araw at ang liwanang nito,

Sa pamamagitan ng buwan kapag sumusunod ito dito,

Sa araw kapag nagpapakita ito,

Sa gabi kapag ito ay lumulukob sa kanya,

Sa pamamagitan ng langit at Siya na lumikha nito,

Sa pamamagitan ng lupa at Siya na naglatag nito,

Sa pamamagitan ng kaluluwa at Siya na lumikha ng angkop nitong sukat…” (Quran 91:1-7)

Minsan ang Allah ay sumumpa sa pamamagitan ng Kanyang Sarili:

“Ngunit hindi, sa pamamagitan ng iyong Panginoon, sila ay hindi (tunay) na maniniwala hanggang hindi ka nila, (O Muhammad), gawing hukom tungkol sa kanilang mga pinagtatalunan, at kanilang makita sa pagitan nila ang kaginhawahan sa kung anumang iyong hinatulan at maluwag nilang tatanggpin ang mga ito nang ganap.” (Quran 4:65)

 (4)  Panghuli, ang Quran ay mayroong tinatawag na 'ang mga putol na titik,' na binubuo ng mga letra ng alpabetong Arabe na, kung kukuning magkakasama, ay walang tuwirang kahulugan sa leksikong Arabiko. Ito ay isa sa mga paraan nang paghamon ng Allah sa mga Arabo, bilang mga taong pinaka-mahusay sa paggamit ng salita sa larangan ng pagtatalumpati, upang magdala ng katumbas ng Quran, na kung saan ay binubuo ng mga putol na titik. Lumilitaw ang mga ito sa simula ng dalawampu't siyam na mga surah. Halimbawa, ang unang aayah ng Surah al-Baqarah ay lumilitaw sa iba't ibang mga pagsasalin bilang:

Yusuf Ali: A.L.M.

Pickthal: Alif. Lam. Mim.

Muhsin Khan: Alif-Lam-Mim.

Mga Pagsasalin ng Quran


Dapat malaman ng isang baguhan ang ilang mga punto tungkol sa mga pagsasalin ng Quran..

Una, mayroong pagkakaiba sa pagitan ng Quran at ang pagsasalin nito. Sa pananaw ng Kristiyano, ang Bibliya ay Bibliya, kahit na anong wika ang ginamit nito. Ngunit ang salin ng Quran ay hindi ang salita ng Allah, sapagkat ang Quran ay ang eksaktong mga salitang Arabik na winika ng Diyos, na ipinahayag kay Propeta Muhammad sumakanya nawa ang habag at pagpapala ng Allah, sa pamamagitan ni Gabriel. Ang salita ng Diyos ay ang Arabikong Quran lamang gaya ng sabi ng Allah:

“Katotohanan, ipinahayag ko ito sa  Arabikong Quran.” (Quran 12:2)

Ang pagsasalin ay isang simpleng pagpapaliwanag lamang ng kahulugan ng Quran. Ang naisalin na teksto ay nawawalan ng di-mapapantayang kalidad ng orihinal kayat maging maingat sa antas kung saan ang isang pagsasalin ay sumasalamin sa orihinal na mensahe sa bawat antas ng kahulugan, sapagkat malamang na hindi ito magtugma. Dahil dito, ang lahat na itinuturing na pagbigkas ng Quran ay isinasagawa sa Arabik, gaya ng pagbigkas ng Quran sa salah.

Pangalawa, walang perpektong pagsasalin ng Quran at dahil sa pagiging gawa ito ng tao, bawat isa ay halos palaging may mga pagkakamali. Ang ilang mga pagsasalin ay mas mahusay sa kanilang kalidad ng wika, habang ang iba ay kilala sa kanilang pagiging tumpak sa paglalahad ng kahulugan. Maraming kamalian, at kung minsan ay nakakalinlang, ang mga salin na sa pangkalahatan ay hindi tinatanggap bilang maaasahang mga salin ng Quran ng mga naunang mga  Muslim na laganap ngayon sa pamilihan.

Ikatlo, samantalang ang pagsusuri ng lahat ng mga salin ng Ingles ay hindi saklaw ng araling ito, ang ilang mga pagsasalin ay inirerekomenda kumpara sa iba. Ang pinaka-binabasang salin sa Ingles ay kay Abdullah Yusuf 'Ali, na sinusundan naman ng kay Muhammad Marmaduke Pickthall, ang unang pagsasalin ng isang Muslim na Ingles. Sa pangkalahatan ay katanggap-tanggap ang pagsasalin ni Yusuf 'Ali, ngunit ang komentaryo ng kanyang talababa (footnote), kapaki-pakinabang man sa ibang pagkakataon, ay maaaring magkaroon ng kalabisan at hindi katanggap-tanggap. Ang kay Pickthall naman sa kabilang banda, ay walang mga talababa o komentaryo na mahirap para sa isang baguhan. Ang kanilang wika ay kapwa malalalim at mahirap intindihin para sa ilan. Ang isa pa sa may malawakang pagsasalin na ginawa ay kay Dr. Hilali at Muhsin Khan na tinatawag na 'Interpretation of the Meaning of The Noble Quran.' Bagaman ito ay ang pinaka tumpak, ang maraming mga transliterated Arabic na mga salita nito at ang  walang katapusang panaklong ay nagpapahirap sa pagsunod at nakalilito para sa isang baguhan. Ang mas bagong bersyon na maraming tuloy-tuloy na teksto ay nailathala ng Saheeh International,  ito na marahil ang pinakamahusay na pagsasalin, dahil pinagsama nito ang kawastuhan sa pagsasalin at pagiging madaling basahin.

Kapaliwanagan o kahulugan (Tafseer sa wikang Arabik)


Bagamat ang mga kahulugan ng Quran ay madali at malinaw unawain, kailangang maging magingat sa paggawa ng mga pahayag tungkol sa relihiyon na hindi sumasangguni sa mapananaligang komentaryo. Hindi lamang dinala ni Propeta Muhammad ang Quran, ipinaliwanag din niya ito sa kanyang mga kasamahan, at ang mga kasabihan na ito ay nakolekta at napanatili hanggang sa araw na ito. Ang Allah, ang Kataas-taasan, ay nagsabi:

“At ipinadala namin sa iyo (o Muhammad) ang mensahe na maaari mong ipaliwanag nang malinaw sa mga tao kung ano ang ipinadala para sa kanila.” (Quran 16:44)

Upang maunawaan ang ilan sa mas malalalim na kahulugan ng Quran, kailangang umasa  sa mga komentaryo na binabanggit ang mga pahayag na ito ng Propeta pati na rin ang kanyang mga kasamahan, at hindi sa kung ano ang naiintindihan nila mula sa teksto, dahil ang kanilang pang-unawa sa mga ito ay limitado sa kanilang kakaunting kaalaman.

Ang isang tiyak na pamamaraan ay umiiral para sa pagpapakahulugan ng Quran upang makuha ang tama nitong kahulugan. Ang mga Quranic sciences, gaya ng tawag sa mga ito, ay lubhang katangi-tanging larangan para sa Islamikong pagpapakadalubhasa na nangangailangan ng kasanayan sa maraming disiplina, tulad ng kahulugan, pagbigkas, pagkasulat, di matularan,  mga pangyayari sa likod ng pagkakapahayag, pagpapawalang-bisa, balarilang Quraniko (grammar), hindi pangkaraniwang mga termino, Kahatulan, at Arabikong wika at panitikan. Ang isang taong bago sa pagaaral ng Quran ay dapat harapin ito nang may kapakumbabaan.

Ayon sa mga iskolar ng tafseer, ang tamang paraan ng pagpapaliwanag ng mga talata ng Quran ay:

(i)   Tafseer ng Quran sa pamamagitan ng Quran.

(ii)  Tafseer ng Quran sa pamamagitan ng Sunnah ng Propeta

(iii) Tafseer ng Quran sa pamamagitan ng mga pahayag ng mg Kasamahan.

(iv) Tafseer ng Quran sa pamamagitan ng wikang Arabik.

(v)  Tafseer ng Quran sa pamamagitan ng dalubhasang opinyon kung hindi ito salungat sa apat na nabanggit sa itaas.

Ang panghuling payo sa baguhan: magsulat, isulat kung anong mga tanong ang sumagi sa iyong pagiisip habang nagbabasa, at panghuli'y sumangguni sa mga may sapat na kaalaman tungkol sa relihiyon at tanggapin ang kanilang paliwanag kung ito ay may katibayan.

Paano Ako Lalapit sa Quran?


(1)      Basahin ang Quran nang may Tamang Intensiyon.


  Upang magabayan ng Quran at makatanggap ng gantimpala, dapat basahin ito ng isang Muslim para lamang sa ikalulugod ng Allah - upang magabayan ng Quran. Una, hindi dapat mag-asam ng papuri ng mga tao. Pangalawa, ito ay dapat taos-pusong pagbabasa upang hanapin  at sundin ang katotohanan,


(2)      Pumili ng Magandang Oras at Lugar, Basahin itong Mabuti, at Pag-isipan


Dapat basahin ang Quran na may malinaw na pag-iisip at nasa tamang lugar. Piliin ang pinakamagandang oras upang basahin ang Quran. Yaong makakatulong sa pagmumuni-muni. Ang sabi ng Allah sa Qur'an:

"Katotohanan, narito sa [Quran] ang isang paalala para sa mga may puso o nakikinig habang sila ay tumatalima.” (Quran 50:37)

Una, ang isang tao ay dapat magkaroon ng isang sisidlan na handang tumanggap ng mensahe - ang 'puso.' Kung ang sisidlan na ito ay hindi bukas sa mensahe, hindi ito 'tatanggap' ng anuman kahit na ang mga labi ay gumalaw. Pangalawa, 'makinig' ang taong nakikinig nang mabuti, sinisikap na maunawaan kung ano ang sinasabi. Ikatlo, ang 'mapagtalima' ay nangangahulugan na ang kanyang puso ay naroroon at naaayon sa kung ano ang sinasabi. Kung ang lahat ng mga kondisyon ay nasunod, ang tao ay makikinabang mula sa Quran at ito ay gagabay sa kanya. Dapat alalahanin na ang pagbubulay-bulay lamang  ay hindi ang siyang layunin; ito ay isang paraan upang maisabuhay  ang mga aral ng Quran sa buhay ng isang tao.

(3)      Hayaan ang Quran Magpasya sa Tama at Mali


Hayaan ang Quran upang gabayan ka. Itulot mong ipakita niya sa iyo ang tuwid na landas. Harapin ito ng may bukas na pag-iisip. Kung ang isang tao ay may sariling kapasyahan na,  tumitingin sila sa Quran upang makahanap ng suporta para sa kanilang mga pananaw, at ang Quran ay hindi kailanman makagagabay  sila, sapagkat hindi ito nagkaroon ng pagkakataon. Ang isang bagong Muslim ay kailangang baguhin ang kanilang mga pananaw at saloobin ayon sa Quran, hindi upang bigyang interpretasyon ito ayon sa kanyang pagaakala. Humarap nang may kapakumbabaan, subukang isantabi ang mga nakamulatan mula sa iyong kultura at tradisyon, sa pamamagitan ng mga bagong teksto bilang isang bagay na bago at kakaiba. Pahintulutan ito na gabayan ka, sa halip na subukan at hubugin ito sa iyong nakagisnang paniniwala.

(4)     Unawaing ang Lahat ng nasa  Quran ay Totoo


                 “At sino pa kaya ang higit na makatotohanan sa pananalita maliban                     pa sa Allah.” (Quran 4:87)


Anuman ang paksa, nagsasabi ang Allah ng katotohanan. Kung ito ay may kaugnayan sa Hindi Nakikitang Mundo, ang buhay pagkatapos ng kamatayan, kasaysayan, likas na batas, sosyolohiya, o anumang bagay, ang lahat ng ito ay nagmula sa ating Panginoon. Minsan ang isang tao ay magaakala na pakiramdam niya ay salungat ito sa nangyayari sa kanyang paligid. Sa ganitong sitwasyon, dapat malaman ng baguhan na maaring sila ay nagkamali ng pagunawa sa sinabi ng Quran, na nangangailangan ng sapat na pag-unawa, o na ang kanilang pang-unawa sa kung ano ang kanilang binabasa ay hinahadlangan ng kanilang mga kinagisnan. Mahalaga para sa isang bagong mananampalataya na huwag mag-alinlangan sa talata dahil sa kakulangan ng pag-unawa, at mag tiwala sa kanilang relihiyon at sa katotohanan nito. Yumabong sa Quran  ( sa kaalaman), humingi ng paliwanag mula sa mga tunay na iskolar ng Islam, mga kalalakihan at kababaihan ng pag-aaral, at kumunsulta sa mga kinikilalang komentaryo (tafseer) tulad ng kay Ibn Katheer.

(5) Hinihimok ka ng Quran

Pakatantuhin na ang Quran ay ipinahayag para sa iyo. Direkta kang kinakausap ng Allah. Ang Quran ay hindi lamang ipinahayag para kay Propeta Muhammad, sumakanya nawa ang habag at pagpapala ng Allah, at sa kanyang mga kasamahan, manapa'y sa bawat tao hanggang sa Araw ng Paghuhukom. Ito ang salita ng Buhay na Diyos, katotohanang walang hanggan, na tinutugunan ang mga tao sa lahat ng panahon. Kapag ipinahayag ng Allah ang isang utos, ito ay para sa iyo. Ito ang iyong personal na gabay, kagalingan para sa mga sakit ng iyong kaluluwa. Ang bawat talata ay may mensahe para sa iyo. Ang bawat katangian ng Allah ay paghimok sa iyo na gawin ang mga kaukulang pakikipag ugnayan. Ang bawat paglalarawan ng buhay pagkatapos ng kamatayan ay nagpapaalala sa iyo na paghandaan ito. Ang bawat paglalarawan ng Paraiso ay naghihikayat sa iyo na maghangad para dito, ang bawat paglalarawan ng Impiyerno ay nagtutulak sa iyo na humingi ng proteksyon mula rito. Bawat karakter ay isang modelo upang tularan o iwasan. Bawat salitaan (dialogue) ay kasama ka. Ang bawat legal na utos, kahit na hindi naaangkop sa iyong sitwasyon, ay may ilang mensahe para sa iyo. Ang pagkakatanto dito ay magpapanatiling gising ang iyong puso. Ang bantog na kasamahan, si Abdullah bin Masood, ay nagsabi:

“Kapag ito ay nagsabi, ‘O kayong mga naniniwala…,’ dapat kayong makinig nang mabuti, sapagkat alinman sa ito ay nag uutos sa iyo sa ikabubuti mo at nagbabawal sa iyo sa ikasasama mo.”

(6)      Palayain ang Salita sa Hadlang ng Panahon at Kalagayan


Ang Quran ay isang buhay na salita na may kaugnayan sa modernong buhay. Walang alinlangang maraming mga talata sa Quran ang may konteksto sa kasaysayan; tumutukoy sila sa ilang mga tao o isang partikular na pangyayari. Ang kontekstong pang kasaysayan ay mahalaga upang maunawaan nang tama ang ilang mga talata. Ngunit ang mga halimbawa at mga moral na aral ay may kaugnayan sa ating buhay at nagbibigay ng patnubay para sa ating sariling panahon at konteksto. Ang pagsasakatuparan ay makapagtatanto sa tao na kahit na ang Quran ay nagsasalita tungkol sa isang sinaunang bansa, ang mga moral na aral nito ay naiuugnay sa kasalukuyang mga pangyayari.