Mga Ipinagbabawal na Gamot at Alak


Drugs,Alcohol,Gambling1.jpgAng alak ay bahagi na ng kultura ng Kanluran - ginagamit ito sa mga pagdiriwang at pakikisalamuha sa lipunan, at nakadaragdag ito ng mga ritwal sa isang relihiyon. Alam ng karamihan  ng mga Amerikano na ang labis na pag-inom ay maaaring maging sanhi ng mga aksidente at pagkalulong. Ngunit iyan ay bahagi lamang ng kuwento. Bilang karagdagan sa mga seryosong problema, ang pagmamalabis sa alkohol ay maaaring makapinsala sa mga bahagi ng katawan, nakapagpapahina ng resistensya, at nagiging sanhi ng mga kanser. Bukod dito, ang pag-inom ay pumapatay ng 1,400 mga mag-aaral sa kolehiyo sa bawat taon sa Estados Unidos[1] at nagdadagdag sa 100,000 pagkamatay taun-taon, ang pagiging pangatlo nito sa pangunahing sanhi ng maraming pagkamatay sa Estados Unidos, pagkatapos ng tabako at diyeta/ na mga gawain. Noong 2007, isang kabuuang 38,371 na pagkamatay dahil sa droga ang naganap sa Estados Unidos. [3]

Ang isang halimbawa sa kung ano ang ginagawa nito sa utak, sinabi ng Pambansang Institusyon sa Pag-abuso sa Alak at Alkoholismo (National Institute on Alcohol Abuse and Alcoholism),

"Kahirapan sa paglalakad, malabong paningin, hindi maayos na pananalita, ang mga mabagal na reaksyon, mahinang memorya: Maliwanag, ang alak o alkohol ay nakakaapekto sa pag-iisip. Ang ilan sa mga kahinaan ay mapapansin pagkatapos ng isa o dalawang mga pag-inom lamang at mabilis na malutas kapag tumigil sa pag-inom. Sa kabilang banda, ang isang tao na labis na umiinom sa loob ng mahabang panahon ay maaaring magkaroon ng mga kakulangan sa pag-iisip na mananatiling maayos lamang pagkatapos na makamit niya ang pagtitimpi sa pag-inom ng alak. Eksakto kung paano nakakaapekto ang alak sa pag-iisip at ang posibilidad na maibalik ang epekto ng labis na pag-inom sa pag-iisip ay mananatiling mainit na mga paksa sa pananaliksik sa alak o alkohol sa kasalukuyan.

Alam naman natin na ang labis na pag-inom ay maaaring magkaroon ng malawak at malaking epekto sa pag-iisip, mula sa mga simpleng "pagkalimot" sa memorya hanggang sa permanente at nakapanghihina ng mga kondisyon na nangangailangan ng habambuhay na pangangalaga. At kahit na ang katamtamang pag-inom ay humahantong sa panandaliang panghihina, tulad ng ipinapakita sa malawak na pananaliksik sa epekto ng pag-inom habang nagmamaneho. "[4]

Ang pagkalulong sa droga at alak ay kadalasang magkasabay. Ipinakikita sa pananaliksik na ang mga taong lulong sa alak ay kalimitang gumagamit ng mga droga, at ang mga taong lulong sa droga ay kalimitang umiinom ng alak. [5]

Mga Progresibong Epekto ng Alak o Alkohol[6]

Konsentrasyon ng Dugo at Alak

Pagbabago sa Nararamdaman at Personalidad

Pisikal at Pangkaisipang mga Kapansanan

0.01 — 0.06

Pagka-mahinahon


Pagkaramdam ng Kagalingan


Pagkawala ng Pagpipigil 


Pagbaba ng Pagka-alisto 


Pagiging Masiyahin

Pag-iisip 


Paghuhusga


Koordinasyon Konsentrasyon

0.06 — 0.10

Kawalan ng Nararamdaman


Kawalan ng Pagpipigil


Kawalan ng interes sa Pakikipag-kaibigan Kawalan ng interes sa Pansekswal  na Kaligayahan 

Pagbalik ng Kahinaan 


Pangangatwiran


Kalaliman ng Pag-unawa 


Kakulangan ng Katalinuhan  


Pangitain sa Paligid


Panlilisik ng mga Mata

0.11 — 0.20

Labis na Pagpapahayag


Mga Takbo ng Damdamin


Galit o Kalungkutan


Maingay

Tagal ng Reaksyon 


Mahalay  na Takbo ng Pag-iisip                  Pagsuray                Pagkakaroon ng Hindi malinaw na Pananalita 

0.21 — 0.29

Kawalan ng Malay Pagkawala ng Pang-unawa 


Kahinaan ng Pakiramdam 

Malubhang Pinsala sa Pag-iisip 


Pagkawala ng kamalayan Pagkalimot 

0.30 — 0.39

Matinding Kalungkutan


Kawalan ng Malay-tao Posibleng Kamatayan 

Paggana ng Pantog


Paghinga                    Pintig ng Puso

=> 0.40

Kawalan ng Malay-tao


Kamatayan

Paghinga


Pintig ng Puso

 

Ang Islam, ang ating magandang relihiyon, ay nagbibigay sa atin ng gabay tungkol sa mga droga at alkohol. Pinagpasyahan ng Islam na ang mga droga at alkohol ay uri ng mga bagay na labag sa batas at ipinagbabawal. Ang anumang dami o halaga ng mga droga o alkohol ay ipinagbabawal na gamitin. Kahit na ang pag-inom ng kaunting alak  para sa panlipunang pagtitipon ay ganap na ipinagbabawal.  Kapag dumalas, ang pag-inom ng kaunti sa kalaunan ito ay mauuwi sa pagkalulong. 

Ipinagbabawal ng Allah ang mga droga at pag-inom sa Quran:

O kayo na naniniwala, katotohanan, ang mga nakalalasing, pagsusugal, [pagsasakripisyo sa] mga altar na bato [sa iba maliban sa Allah], at ang mga Diyus-diyusan ay walang iba kung hindi pagkukubli mula sa gawain ni Satanas, kaya iwasan ito upang ikaw ay maging matagumpay. Gusto lamang ni Satanas na magdulot sa inyo ng pagkapoot at galit sa pamamagitan ng mga nakalalasing at pagsusugal at upang mailayo ka mula sa pag-alala sa Allah at mula sa pagsamba. Kaya hindi ka ba hihinto? (Quran 5: 90-91)

Nang ipahayag ang mga talatang ito sa Propeta, isang pahayag ang ginawa na ang lahat ng mga may alkohol ay ipinagbabawal na inumin o ibenta. Ang lahat ng mga nakaimbak ay iniutos na wasakin. Pagkatapos nito, ang mga alkohol ay itinapon sa mga lansangan sa lungsod ng Madina.

Isang tao ang nagtanong kung ang alkohol ay maaaring gamitin bilang gamot. Sinabi ng Propeta, "Hindi ito isang gamot, ito ay isang sakit." [7]

Ipinagbawal ng Propeta ang alak sa pamamagitan ng matibay na mga salita. Sinabi niya:

“Tunay ngang isinumpa ng Allah ang khamr (inuming nakalalasing), ang mga gumagawa nito, ang mga taong nagpapagawa nito, ang mga umiinom nito, at ang mga nagsisilbi nito, ang mga nagdadala nito, ang mga taong nagpapadala nito, ang mga nagbebenta nito, ang tao na kumikita mula sa pagbebenta nito, ang mga bumibili nito, at ang mga taong nagpapabili  nito. "(Tirmidhi, Ibn Majah)

Ang mga Arabo bago ang Islam ay mahilig sa alak at pag-inom sa mga kasiyahan. Mayroon silang isang daang mga pangalan para sa alkohol sa kanilang wika. Upang alisin ang kasamaan na ito, pinagtibay ng Allah ang isang matalinong pamamaraan upang ipagbawal ito.

Sa unang yugto, ipinahayag ng Allah ang hindi pagsang--ayon sa pag-inom at pagsusugal (Surah al-Baqarah 2: 219). Ang pangalawang yugto ay nagbawal sa mga tao na manalangin habang nasa estado ng pagkalasing (Surah an-Nisa 4:43). Sa ikatlong at pangwakas na bahagi, ito ay ganap na ipinagbawal (Surah al-Maidah 5: 90-91).

Ang anumang inumin, droga, pulbos, o sangkap na nakalalasing ay ipinagbabawal. Sinabi ng Propeta ng Allah (SAW), "Ang bawat nakalalasing ay khamr, at ang bawat khamr ay ipinagbabawal." (Saheeh Muslim)

Sinabi rin niya, 'Anumang inumin na nakalalasing sa sobrang dami ay ipinagbabawal, kahit na ang kakaunti.' (Abu Dawood at Tirmidhi)

Ang ibig sabihin nito na ang pagtikim ng anumang inuming may alkohol o isang maliit na bilang ng isang droga  ay ipinagbabawal din. 

Pagsusugal


Ang pagsusugal ay nagpapahina sa matapat na gawain at hinihikayat ang kasakiman, materyalismo at kawalan ng kasiyahan. Hinihikayat nito ang "mabilis na pagyaman" ang pag-iisip  na walang ingat na pamumuhunan mula sa biyayang ibinigay ng Allah.

“Ang pagkagumon sa pagsusugal" ay isang kinikilalang problema sa kalusugan ng pag-iisip! [1] Ang pagtaya sa mga laro, pagbili ng mga tiket sa lotto, paglalaro ng poker,  mga makinang hinuhulugan ng pera (slot machine), o roleta ay ilan lamang sa mga aktibidad kung saan nakikibahagi ang mga masugid na manlalaro. Habang ang marami ay mas gustong magsugal sa isang casino, ang bilang ng pagkagumon sa online na pagsusugal ay lumalaki.

Ipinagbabawal sa Islam ang pagsusugal. Ang pagbabawal ay batay sa Quran at Sunnah ng Propeta. Sa Quran, mababasa natin:

"O kayo na naniniwala, ang mga nakalalasing, pagsusugal, [pagsasakripisyo sa] mga bato  at ang mga (panghuhula sa pamamagitan) ng mga sibat ay ang mga gawaing kasuklam-suklam at gawain  ni Satanas, umiwas mula sa ganitong (kasuklam-suklam), upang ikaw ay maging matagumpay. Ang plano ni Satanas ay (walang iba) kungdi ang buhayin ang pagkapoot at galit sa pagitan ng iyong sarili gamit ang mga inuming nakalalasing at pagsusugal at upang ilayo ka mula sa pag-alala sa Allah, at mula sa pagsamba. Kaya hindi ka ba magpipigil? (Quran 5: 90-91)

Ang Sugo ng Allah (SAW) ay nagbigay-diin sa pagbabawal ng pagsusugal sa isang hangganan na kahit na ang pagsasaalang-alang na makilahok sa pagsusugal ay itinuturing na pagkakasala. Sinabi ng Sugo ng Allah (SAW) na: "Ang sinumang nagsabi sa iba: 'halina tayo ay magsugal' ay dapat magbigay sa kawanggawa (bilang isang uri ng kabayaran  para sa pagtangkang pagsusugal)." (Saheeh Al-Bukhari)

Maaari nating sabihin na ang pagsusugal ay isang gawain kung saan ang mga manlalaro ay boluntaryong naglilipat ng pera o isang bagay na may halaga mula kanilang mga sarili, ngunit ang transaksyong ito ay may kondisyon na ang kalalabasan ay isang pangyayari sa hinaharap na hindi sigurado.

Sa katunayan, may dalawang pangunahing bumubuo ng pagsusugal:

1) Ang unang uri ng pagsusugal ay kung walang partido na obligadong magbayad ng anumang halaga para dito; sa halip, ang pagbabayad ng bawat partido ay nakasalalay sa isang hindi tiyak na kaganapan sa hinaharap. Sa kasong ito, ang magsusugal ay hindi itinaya ang kanyang pera sa simula, sa halip ang pera ay inilalagay sa pagtaya sa pamamagitan ng pangakong  magbabayad pagkatapos.

Halimbawa, kung ang A at B ay lumahok sa karera o paligsahan, na may pangako na ang natalo ay magbabayad sa nagwagi ng $ 100. Sa halimbawang ito, walang katiyakan ng pagbabayad mula sa isang partido; sa halip ang pagbabayad ay nakasalalay mula sa magkabilang panig ng mananalo at matatalo.

Kasama rin sa uri nito ang pagtaya na nagaganap sa karera ng mga kabayo at iba't ibang palaro. Halimbawa, sinabi ng A sa B na kung ang koponan X ay manalo sa labanan, babayaran kita ng $ 100, ngunit kung ang koponan X ay matatalo, kailangan mo akong bayaran ng $ 100.

2) Ang pangalawang uri ng pagsusugal ay kung saan ang pagbabayad ay tiyak mula sa isang panig, at hindi tiyak mula sa iba. Ang isang tao na magbabayad sa isang bagay ay tunay na itinaya ang kanyang kayamanan, na maaaring magdala ng mas maraming kayamanan o maaaring mawala ito ng tuluyan. Ito na marahil ang pinaka-laganap na uri ng pagsusugal at may maraming iba't ibang mga anyo.

Kasama rin ang iba't ibang uri ng mga loterya (lottery), ripa (raffle), at swipstik (sweepstake), kung saan dapat magbayad ang isang tao upang maisama sa bolahan, kahit na ang pagbabayad na ito ay sa pamamagitan ng mga bayad sa pagpasok, pagbili ng mga tiket o anumang iba pang uri. Ang dahilan dito ay ang kabuuang halaga ng naipon na salapi ay ipamamahagi sa mga pangalan na lumabas sa bolahan bilang mga premyo ng mga nanalo, kung saan malinaw na pagsusugal. Kung ang pangalan ng isang tao ay hindi lumabas sa bolahan, ang isa ay mawawalan ng kayamanan nang walang anumang bagay na kapalit.

Planong Paggamot

1.     Tamang Pagpapalaki 


Ang isang mabuting pamilya ay nagbibigay ng katatagan na kailangan ng mga bata at kapag itinanim ang pagmamahal at takot sa Allah sa kanilang mga anak, ito ay magiging isang matibay na sandata laban sa mga sumusunod na pagnanasa. Ang pinaka-epektibong paraan na magagawa ng isang magulang ay ang magbigay ng magagandang mga halimbawa sa kanilang mga anak. Hindi lamang mga salita, ngunit kailangan din ang paggawa mula sa mga magulang.

2.     Magsisi at Humingi ng Kapatawaran

Ang isang mananampalataya ay kaagad na humihingi ng kapatawaran pagkatapos makagawa ng isang kasalanan at nakakaramdam nang kahihiyan dahil sa pagsuway sa Allah. Samakatuwid, ang sinumang Muslim na kasangkot sa pagkalulong sa droga, pagkagumon sa alak, o pagsusugal, ay dapat malaman na nandiyan lamang ang Allah upang tulungan siya at patawarin siya sa kanyang mga kasalanan. Siya ay dapat magbalik sa Allah na may isang nagsisising puso. Ang Propeta ng Allah (SAW) ay nagsabi, "Ang isang tao na nagsisisi mula sa kasalanan ay tulad ng isang hindi nakagawa ng anumang kasalanan." (Ibn Majah)

Gayunpaman, ang pagsisisi ay dapat na ganap na taos-puso. Ang isang tao ay dapat na  makaramdam ng hiya at pagkakasala dahil sa paggawa ng kasalanan. Dapat din siyang magpasya na iwasan ang kasalanan sa hinaharap. Dapat siyang magbago upang mabayaran ang nasabing kasalanan.

3.     Panatilihin ang Mabuting Kasamahan 

Ang pagkakaroon ng mabuting mga kasamahan ay bahagi ng paggamot gayundin ng pag-iwas. Kung wala ito, ang paggamot ay hindi kumpleto. Ang isang tao ay dapat gumawa ng bawat pagsusumikap upang makabuo ng mga magandang ugnayan. Ang napapalibutan ng mga mabuti, o mga  banal na tao ay hindi matatawaran. Kapag ang isang tao ay pinagkaitan ng tapat na mga kaibigan, walang sinuman ang magpapa-alala o magpapayo sa kanya kung siya ay nakakaramdam ng kalungkutan o pag-iisa. Maraming tao ang nahuhulog sa mga bisyo ng droga, alkohol, at pagsusugal sa pamamagitan ng pagkakalantad sa mga masamang kaibigan o kasama. Manirahan malapit sa moske at magpalipas ng oras sa loob nito, palitan ang mga kapit-bahay, lumipat sa labas ng lungsod, gawin ang anumang kinakailangan.

4.     Okupahin ang Iyong Oras 

Kapag ang isang tao na may libreng oras ay nabigong gamitin ito sa pagsunod sa Allah, malamang na gagamitin niya ito sa pagsuway sa Allah. Karamihan sa mga nalulong ay dumadaing ng pagka-inip! Ang libreng oras ay dapat makita at magamit bilang isang pagkakataon upang masiyahan ang Allah at makamit ang Kanyang gantimpala sa Kabilang Buhay. Sinabi ng Propeta "May dalawang mga pagpapala kung saan maraming mga tao ang pinagkaitan: ang kalusugan at libreng oras." (Saheeh Al-Bukhari)

Gamitin ang iyong oras upang mag-aral ng Quran, pag-aaral ng wikang Arabik, pag-aralan ang tungkol sa Islam, pagkatapos ay ibahagi ito. Gamitin ang iyong libreng oras upang bumuo ng mga kasanayan, kumuha ng pagsasanay para sa isang trabaho, o edukasyon.

5.     Kumonsulta sa isang Tanggapan ng Rehabilitasyon (Rehab Center)

Pumunta sa isang programa ng rehabilitasyon at hingin ang lahat ng tulong na kinakailangan mo.

6.     Panalangin (Du'a)

Ang panalangin o Du'a mismo ay isang epektibong panglunas. Sa du'a ang isa ay nagsusumamo sa Pinaka-Makapangyarihan na kung saan ang Kanyang lahat ng kautusan ay nangyayari. Kapag isinama ng isang tao ang panalangin sa iba pang mga pagsisikap, ang Allah ay tiyak na tumutulong at nangangalaga sa Kanyang mga tagapaglingkod.