Ang Relihiyong Islam
دين الإسلام
Walang Diyos Kundi si Allah1
Ang Batayang Saligan ng Relihiyong Islam ay ang Pahayag
ng Tawhíd:2 Walang Diyos kundi si Allah. Kung wala ang
matigas na batayang ito, hindi tatayo ang matayog na gusali ng
Islam. Ito ang unang Pahayag na kinakailangang bigkasin ng
isang pumapasok sa Relihiyong Islam, nang may
pananampalataya rito at paniniwala sa lahat ng kahulugan nito
at mga ipinahihiwatig nito. Kaya ano ang kahulugan ng pahayag
na walang Diyos kundi si Allah? Ang pahayag na walang Diyos
kundi si Allah ay nangangahulugang:
Walang sinasamba na karapat-dapat sa pagsamba kundi si
Allah
Walang tagapaglikha sa sansinukob kundi si Allah
Walang may-ari at namamahala sa sansinukob kundi si
Allah
Si Allah ang Tagapaglikha
Si Allah ang lumikha sa malawak na maganda na kahangahangang
sandaigdigan na ito. Ang langit na ito sampu ng mga
naglalakihang bituin nito at mga planeta nito ay umiinog ayon
sa isang mahusay na sistema at kagilas-gilas na pagkilos;
walang humahawak sa mga ito kundi si Allah. Ang daigdig na
ito sampu ng mga bundok nito, mga lambak nito, mga burol nito,
at mga ilog nito; sampu ng mga kahoy nito, at mga pananim
nito; sampu ng mga hangin nito, at tubig nito; sampu ng
1 Ang pansariling pangalan ng Diyos sa wikang Arabe. Ang Tagapagasalin.
2 Ang walang pag-aalinlangang paniniwala sa Kaisahan ni Allah sa
Pagkadiyos, Pagkapanginoon, at sa mga pangalan at mga katangian Niya. Ang
Tagapagsalin.
Ang Relihiyong Islam
6
kalupaan nito, at karagatan nito; sampu ng gabi nito at araw nito;
sampu ng sinumang nanirahan dito at lumakad dito ay nilikha ni
Allah lamang at pinairal Niya mula sa kawalan. Nagsabi si
Allah sa Marangal na Aklat Niya:
“Ang araw ay tumatakbo patungo sa pinagtalagaan
para rito. Iyon ang pagtatakda ng Makapangyarihan,
Maalam. Ang buwan, tinakdaan Namin ito ng mga
himpilan hanggang sa manumbalik ito na gaya ng
magulang na tangkay ng datiles. Ang araw, hindi
nararapat para rito na abutan ang buwan, at ni ang gabi
ay lalampas sa maghapon. Lahat, sa ikutan, ay
lumalangoy.”(36:38-40).3
“Ang Lupa, inilatag Namin ito, naglagay Kami rito ng
mga bundok, at nagpatubo Kami rito ng bawat marikit na
uri ng halaman bilang pagpapakita at paalaala sa bawat
lingkod na nagbabalik-loob. Nagpababa Kami mula sa
langit ng tubig na biniyayaan, at nagpatubo Kami sa
pamamagitan nito ng mga hardin at mga butil na inaani,
at mga puno ng datiles—mga nagtataasan na may mga
buwig na patung-patong,”(50:7-10).
Ito ay ang nilikha ni Allah na kapitapitagan at
kataastaasan. Ginawa Niya ang daigdig na tahanan at
nilagakan Niya ito ng katangian ng grabitasyon na may
takdang sukat na naaangkop sa pangangailangan ng buhay sa
ibabaw nito. Hindi nadadagdagan ang grabitasyon para
humirap ang paggalaw at hindi nababawasan para magliparan
ang mga nabubuhay rito. Lahat ng bagay sa Kanya ay may
takdang sukat.
3 Ang mga talata ng Qur’an o mga ulat tungkol kay Propeta Muhammad (SAS)
na sinipi rito ay salin lamang mula sa wikang Arabe, ayon sa kakayahan ng
tagapagsalin.
Ang Relihiyong Islam
7
Nagbaba Siya mula sa langit ng tubig na dalisay, na hindi
iiral ang buhay kundi dahil dito. “Ginawa Namin mula sa
tubig ang bawat bagay na buhay;”(21:30). Pinatubo Niya sa
pamamagitan ng tubig ang mga halaman at ang mga bunga, at
pinainom nito ang mga hayop at ang mga tao. Inihanda Niya ang
lupa upang mag-ingat sa tubig at pinadaloy Niya ito sa loob ng
lupa: sa mga bukal at mga ilog. Nagpatubo Siya sa
pamamagitan nito ng mga hardin na may karikitan sampu ng
mga punong-kahoy ng mga ito, mga bulaklak nito, mga rosas
nito, at kagandahan nito na nakahahalina. Si Allah mahusay sa
paglikha sa bawat bagay.
Sinimulan Niya ang paglikha sa tao mula sa putik. Ang
unang tao na nilikha ni Allah ay, si Adan (AS),4 ang ama ng
sangkatauhan. Nilikha Niya ito mula sa putik at pagkatapos ay
hinubog Niya ito, inanyuan Niya ito, at hinipan Niya ito ng
espiritu na likha Niya. Pagkatapos ay nilikha Niya mula rito
ang kabiyak nito. Pagkatapos ay ginawa Niya ang mga inapo
nito mula sa hinango mula sa isang hamak na likido. Nagsabi si
Allah:
“Talaga ngang nilikha Namin ang tao mula sa hinango
mula sa putik. Pagkatapos ay ginawa Namin siya mula sa
punlay sa tahanang ligtas. Pagkatapos ay nilkha Namin ang
ang punlay bilang isang namuong dugo, pagkadaka ay
nilikha Namin ang namuong dugo bilang isang pirasong
laman, pagkatapos ay nilikha Namin ang pirasong laman
bilang mga buto, pagkatapos ay binalot Namin ang buto ng
laman. Pagkatapos ay iniluwal Namin ito na isang
panibagong nilikha. Kaya Mapagpala si Allah, ang
pinakamahusay sa mga lumilikha.”(23:12-14).
4 ‘Alayhis Salám: Sumakanya ang Kapayapaan (o Pagbati). Sinasambit ito
kapag nababanggit ang pangalan o ang taguri ng isang anghel o ng isang propeta.
Ang Relihiyong Islam
8
“Kaya nakita ba ninyo ang punlay na inilalabas ninyo.
Kayo ba ay lumilikha niyon o Kami ay ang tagapaglikha?
Kami ay nagtakda sa inyo ng kamatayan, at Kami ay hindi
mauunahan na magpalit ng mga tulad ninyo at lumalang sa
inyo sa anyo na hindi ninyo nalalaman.”(56:58-61).
Magmuni-muni ka sa pagkalikha ni Allah sa iyo, makatatagpo
ka ng kahanga-hanga mula sa mga maselang sangkap at mga
mahusay na sistema5 na wala kang nalalaman sa mga gawain ng
mga ito kundi ang kakaunti, huwag nang sabihing makokontrol
mo pa ang mga ito. Mayroon itong isang kumpletong sangkap
para sa pagtunaw ng pagkain. Nagsisimula ito sa bibig; pinuputol
ang pagkain sa maliliit na mga piraso upang mapadali ang
pagtunaw nito, pagkatapos ay dadaan sa lalagukan. Pagkatapos
niyon ay mapupunta ang isinubo sa lalamunan, pagkadaka ay
bubuksan para rito ng epiglottis, ang pinto ng esopago, at
ipipinid ito ng pinto ng trachea. Pagkatapos ay madudulas ang
isinubo papunta sa sikmura sa pamamagitan ng esopago na
kumikilos na parang mga kilos ng bulati. Sa sikmura
magpapatuloy ang gawain ng pagtunaw. Dito ay magbabagonganyo
ang pagkain upang maging isang likido na tinatawag na
chyme,6 na bubukas para rito ang bukana palabas sa sikmura at
tutungo sa duodenom7 at doon magpapatuloy ang pagsasagawa
ng pagtunaw. Ang pagtutunaw ay ang pagbabagong-anyo ng
5 Ang sangkap ay ang tinatawag na organ sa Ingles: isang bahagi ng katawan, gaya
ng puso o atay o mata, na nagsasagawa ng isang partikular na gawain. Ang
sistema o system sa Ingles ay isang pangkat ng mga organ na magkasamang
nagsasagawa ng isang gawaing mahalaga sa buhay, gaya ng sistemang panunaw
o digestive system.
6 Malalikidong materyal mula sa hindi gaanong natunaw na pagkain na
inilalabas ng bituka ng sikmura patungo sa duodenom.
7 Ang unang bahagi ng mga maliliit na bituka.
Ang Relihiyong Islam
9
hilaw na materyal —ang pagkain—upang maging isang
materyal na nababagay at naaangkop para ipakain sa mga
selyula ng katawan. Pagkatapos mula rito ay patungo sa mga
maliit na bituka, na dito malulubos ang pangwakas na mga
proseso ng pagtutunaw. Ang mga materyal na mala-puti-ngitlog
(albuminous) ay magiging mga amino acid; ang mga
materyal na mala-gawgaw (starchy) ay magiging asukal; at ang
mga materyal na malangis ay magiging mga fatty acid at
glycirine. Ang pagkain sa ganitong anyo ay magiging angkop
para masipsip [ng katawan] sa pamamagitan mga pelusa na
matatagpuan sa loob ng mga bituka upang dumaloy kasama ng
agos ng dugo.
Mayroon iyong kumpletong sistema para sa sirkulasyon ng
dugo na umaabot sa mga ugat na masalimuot—na kung
babanatin mo ay talaga namang lalampas sa libu-libong
kilometro ang haba nito na nakaugnay sa pangunahing himpilan
ng pagbobomba na tinatawag na puso, na hindi napapagod at
hindi nagsasagawa sa pagsasalin ng dugo sa pamamagitan ng
mga ugat na iyon.
Mayroong isa pang sistema na para naman sa paghinga.
Ang ikaapat na sistema ay para sa mga nerbiyo (nerve) at ang
ikalima ay para sa pagpapalabas ng mga dumi. Mayroong
ikaanim, ikapito, at ikasampung sistema, na nadaragdagan arawaraw
ang mga kaalaman natin sa mga ito, ngunit ang nakalingid
sa kaalaman natin ay higit na marami kaysa sa nalalaman natin.
Kaya sino ang lumikha sa taong ito nang ganito kagaling kundi
si Allah?
Dahil doon ang pinakamabigat na kasalanan sa sansinukob ay
na gawan mo si Allah na kaagaw gayong Siya ay lumikha sa
iyo.
Ang Relihiyong Islam
10
Magsimula ka na may nakabukas na puso at busilak na
kaluluwa at magbulay-bulay ka sa kahanga-hangang ginawa ni
Allah. Itong hangin na sinisinghot mo at nanunuot sa iyo sa
lahat ng lugar, na walang kulay na nagpapalabo sa mga
paningin, na kung sakaling mahinto ang pagdating nito sa iyo sa
loob ng iilang mga minuto ay hihiwalayan ka ng buhay. Tunay
na itong tubig na iniinom mo, iyang pagkaing kinkain mo, itong
tao na minamahal mo, itong lupa na nilalakaran mo, iyang
langit na pinagmamasdan ng lahat ng nakikita ng mga mata mo
at ng hindi nakikita ng mga ito na mga nilikha na malaki man o
maliit, lahat ng iyon ay kabilang sa nilikha ni Allah, ang
Mapaglikha at ang Maalam.
Tunay na ang pagninilay-nilay sa mga nilikha ni Allah ay
mag-papabatid sa atin sa kadakilaan ni Allah at kakayahan
Niya. Tunay na ang pinakamalaki sa mga tao sa kahangalan,
kamangmangan, at pagkaligaw ay ang sinumang nakakikita sa
pagkakalikhang ito na kahanga-hanga, dakila, nagkakatugma,
na nagpapahiwatig sa nag-niningning na karunungan at lubos na
kakayahan at pagkatapos ay hindi naniniwala sa tagapaglikha
na nagpalitaw sa mga ito mula sa wala. Nagsabi si Allah: “O
nilikha ba sila mula sa isang bagay na wala o sila ang mga
tagapaglikha? O nilikha ba nila ang mga langit at ang
lupa? Bagkus hindi sila nakatitiyak.”(52:35-36).
Si Allah ay nakikila ng di-nasirang kalikasan ng tao nang
walang pangangailangan sa pag-aaral. Ikinintal Niya sa
pagkalikha nito ang pagbaling at ang pagdulog sa Kanya,
subalit ito ay naiiligaw at nailalayo sa Kanya. Dahil dito kapag
dinapuan ito ng isang sakuna o kasawiang-palad o matinding
krisis at mga kapighatian at nakaharap nito ang napipintong
panganib sa lupa o sa dagat, dumudulog ito kaagad kay Allah
at humihingi sa Kanya ng tulong at kaligtasan sa bumabagabag.
Ang Relihiyong Islam
11
Tinutugon ni Allah ang nagigipit kapag nanawagan sa Kanya at
inaalis Niya ang bumagabag. Ang dakilang Tagapaglikha na ito
ay higit na malaki sa anumang bagay. Bagkus hindi maihahambing
sa Kanya ang anumang bagay mula sa nilikha Niya
sapag Siya ay ang Dakila na walang hanggan sa kadakilaan
Niya at hindi Siya masasaklawan ng kaalaman ng sinuman. Siya
ang nagtataglay ng katangian ng kataasan sa mga nilikha Niya
sa ibabaw ng mga langit Niya.
Walang katulad sa Kanya na anumang bagay at Siya ay
ang Nakaririnig at ang Nakakikita sa lahat. Hindi Niya
nakawawangis ang anuman sa mga nilikha Niya. Ang anumang
sumagi sa isipan mo, si Allah ay hindi ganoon. Nakikita Niya
tayo mula sa ibabaw ng mga langit Niya samantalang tayo ay
hindi nakakikita sa Kanya. “Hindi Siya naaabot ng mga
paningin, samantalang naaabot Niya ang mga paningin. Siya
ay ang Mabait, ang Nakababatid.” (6:103). Bagkus hindi
makakaya ng mga pakiramdam natin at mga lakas natin na
makita Siya sa mundong ito. Hiniling na iyon ng isa sa mga
propeta ni Allah, si Moises (AS), noong kinausap ito ni Allah sa
bundok ng Túr. “Panginoon ko, magpakita Ka po sa akin,
titingin ako sa Iyo. Nagsabi Siya: “Hindi mo Ako
makikita, subalit tumingin ka sa bundok; kung namalagi ito
sa kinaroro-onan nito ay makikita mo Ako.” Ngunit noong
tumambad ang Panginoon niya sa bundok, ginawa Niya ito
na tibag-tibag at humandusay si Moises nang walang ulirat.
Kaya noong nagka-malay siya, nagsabi siya: “Kaluwalhatian
sa Iyo, nagsisi ako sa Iyo at ako ay ang una sa mga
mananampalataya.””(7:143). Ang malaki at matayog na bundok
ay gumuho at nadurog sa pagtambad ni Allah doon, kaya
papaanong makakaya ng tao iyon sa pamamagitan ng mahina at
kakaunting lakas nito?
Ang Relihiyong Islam
12
Kabilang sa mga katangian ni Allah ay na Siya ay nakakaya
sa lahat ng bagay. “Hindi mangyayari na si Allah ay
malulusutan ng anumang bagay sa mga langit at lupa.
Tunay na Siya ay Maalam, Nakakakaya.”(35:44). Nasa
kamay Niya ang buhay at ang kamatayan. Nangangailangan sa
Kanya ang bawat nilikha ngunit Siya ay walang pangangailangan
sa lahat ng nilikha. Nagsabi Siya: “O mga tao, kayo ay ang
mga nangangailangan kay Allah samanta-lang si Allah ay
ang Walang-pangangailangan, ang Kapuri-puri.”(35:15).
Kabilang din sa mga katangian Niya ang kaalamang
sumasaklaw sa lahat ng bagay. “Taglay Niya ang mga susi
ng Nakalingid; walang nakaaalam sa mga iyon kundi Siya.
Nalalaman Niya ang anumang nasa katihan at nasa
karagatan. Walang nalalaglag na dahon na hindi Niya
nalalaman ito. Walang butil sa mga kadiliman ng lupa at
walang sariwa ni tuyot na hindi nasa malinaw na
aklat.”(6:59). Nalalaman Niya ang sinasalita ng mga dila natin
at ang mga ginagawa ng mga bahagi ng mga katawan natin,
bagkus pati na ang kinikimkim ng mga dibdib natin.
“Nalalaman Niya ang pagtataksil ng mga mata at ang
kinikimkim ng mga dibdib.”(40:19). Samakatuwid si Allah ay
nakamasid sa atin, naka-babatid sa mga kalagayan natin. Walang
maikukubli sa Kanya na anumang bagay sa lupa ni sa langit.
Hindi Siya nalilingat, hindi Siya nakalilimot, at hindi Siya
natutulog. Sinabi Niya: “Si Allah, walang Diyos kundi Siya,
ang Buhay, ang Tagapag-aruga. Hindi Siya natatangay ng
antok ni ng pagkatulog. Kanya ang anumang nasa mga
langit at ang anumang nasa lupa. Sino kaya ang
makapamamagitan sa Kanya nang walang kapahintulutan
Niya? Nalalaman Niya ang hinaharap nila at ang nakaraan
nila. Wala silang matatalos sa anuman mula sa kaalaman
Ang Relihiyong Islam
13
Niya maliban sa niloob Niya. Nasaklawan ng luklukan Niya
ang mga langit at ang lupa. Hindi nakabibigat sa Kanya ang
pangangalaga sa mga ito. Siya ay ang Mataas, ang
Dakila.”(2:255).
Taglay Niya ang mga katangian ng lubos na kaganapang
walang kakulangan at walang kapintasan. Taglay Niya ang mga
pangalang napakaganda at mga katangiang napakataas. Sinabi
Niya: “Taglay ni Allah ang mga pangalang napakaganda,
kaya dumalangin kayo sa Kanya sa pamamagitan ng mga
ito. Hayaan ninyo ang mga nagkakaila sa mga pangalan
Niya; gagantihan sila sa anu-mang kanilang gingagawa
noon.”(7:180). Si Allah ay walang katambal sa paghahari
Niya, walang kaagaw at walang katulong.
Hindi Siya nagkaroon ng asawa at anak, bagkus Siya ay
walang-pangangailangan sa lahat ng iyon. Nagsabi si Allah:
“Sabihin mo: “Siyang si Allah ay iisa. Si Allah ay ang
Dulugan. Hindi Siya nagkaanak at hindi Siya
ipinanganak, at walang iisa mang naging kapantay sa
kanya.””(112:1-4). Sinabi pa Niya: “Sinabi nila:
“Nagkaroon ng anak ang Madamayin.” Talaga ngang
nagsabi kayo ng isang bagay na kasuklam-suklam. Halos
ang mga langit ay magkabitak-bitak dahil doon at mabiyak
ang lupa at gumuho ang mga budok nang durog-durog, dahil
sa nag-ukol sila sa Madamayin ng anak. Hindi nararapat sa
Madamayin na magkaroon ng anak. Lahat ng nasa mga langit
at lupa ay pupunta lamang sa Madamayin bilang isang
alipin.”(19:88-93).
Siya ang nagtataglay ng ganap na mga katangian ng
karangalan, kagandahan, lakas, kadakilaan, kabunyian,
paghahari at kapangya-rihan. Siya ang nagtataglay ng mga
katangian ng pagkamapag-bigay, pagpapatawad, awa at
Ang Relihiyong Islam
14
pagkakawanggawa. Siya ang Madamayin na ang awa Niya
sumaklaw sa bawat bagay, ang Maawain na nauna ang awa Niya
kaysa galit Niya at ang Mapagbigay na walang hangganan sa
pagbibigay Niya at hindi nauubos ang kayamanan Niya.
Lahat ng mga pangalan ni Allah ay napakaganda na
nagpapahi-watig sa mga katangian ng lubos na kaganapan na
nararapat lamang na maukol sa Kanya. Ang pagkakilala sa mga
katangian ni Allah ay nagdadagdag sa puso ng pagmamahal,
paggalang, takot at pagpa-pakumbaba sa Kanya. Dahil dito,
tunay na ang kahulugan ng walang Diyos kundi si Allah ay na
hindi magbabaling ng anumang uri ng pagsamba kung hindi kay
Allah. Walang karapat-dapat sambahin kundi si Allah sapagkat
si Allah ang nagtataglay ng mga katangian ng pagkadiyos at
kaganapan. Siya rin ay ang Tagapaglikha, ang Tagapagtustos,
ang Tagapagbiyaya, ang Tagapagbigay ng buhay, ang Tagabawi
ng buhay, at ang Nagmamagandang-loon sa mga nilikha Niya.
Kaya Siya lamang ang karapat-dapat sa pagsamba—wala
Siyang katambal.
Sinumang tumanggi sa pagsamba kay Allah o sumamba sa iba
pa kay Allah ay nagtambal sa pagkadiyos Niya at tumangging
sumam-palataya sa kaisahan Niya. Samakatuwid, ang
pagpapatirapa, ang pagyukod, ang pagpapakumbaba, at
pagdarasal ay iuukol lamang kay Allah. Hindi magpapasaklolo
kung hindi kay Allah.8 Hindi mag-uukol ng panalangin kung
hindi kay Allah. Walang hihingan ng saklolo (na hindi
makakayang ibigay ng tao) kundi si Allah. Walang pag-uukulan
ng panalangin kundi si Allah, walang hihingan ng mga
pangangailangan kundi si Allah, at walang paghahandugan ng
ano mang handog, pagsunod at pagsamba kundi si Allah.
8 Hindi hihingi ng saklolo sa iba pa kay Allah kung walang makapagbibigay
ng saklolo na iyon kundi si Allah lamang.
Ang Relihiyong Islam
15
“Sabihin mo: “Tunay na ang dasal ko, ang paghahandog
ko, ang buhay ko, at ang kamatayan ko ay para kay Allah,
ang Panginoon ng mga nilalang, wala Siyang katambal. Iyon
ay ipinag-utos sa akin; at ako ay una sa mga
Muslim.””(6:162-163).
Bakit Nilikha Tayo ni Allah?
Nilikha tayo ni Allah upang sambahin Siya at upang
subukin Niya ang pananagumpay natin sa pagpapatupad sa
pagsambang ito. Sinumang sumamba kay Allah, umibig sa
Kanya, magpakumbaba sa Kanya, sumunod sa mga kautusan
Niya at umiwas sa mga ipinag-bawal Niya ay magtatamo ng
kasiyahan Niya, awa Niya at pag-ibig Niya. Gagantihan Niya ito
ng magandang ganti. Sinumang tumanggi sa pagsamba kay Allah
na lumikha sa kanya at nagtustos sa kanya, pagmalaki sa pagayaw
sa pagsamba, tumangging magpaakay sa mga kautusan
Niya at tumangging umiwas sa mga ipinagbabawal Niya, ay
magiging karapat-dapat sa galit at poot ni Allah. Masakit ang
parusa Niya.
Si Allah ay hindi lumikha sa atin nang walang kabuluhan at
hindi nagpabaya sa atin na hinahayaan. Kabilang sa
pinakamangmang sa mga tao at pinakahangal sa kanila ay ang
nag-akalang lumabas siya sa mundong ito, pinagkalooban ng
pandinig, paningin at isip, at pagkatapos ay mamumuhay sa
loob ng isang yugto ng panahon at pagkatapos ay mamatay
nang hindi niya nalalaman kung bakit siya dumating sa mundong
ito at kung saan siya pupunta pagkatapos nito. Nagsabi si Allah:
“Kaya ipinagpapalagay ba ninyo na nilikha Namin bilang
isang laro lamang, at na kayo sa Amin ay hindi
magsisibalik?”(23:115).
Ang Relihiyong Islam
16
Para sa Kanya, ang sinuman sa atin na naniniwala sa
Kanya, nananalig sa Kanya, nagpapahatol sa Kanya, umiibig
sa Kanya, nagpapakumbaba sa Kanya, nagpapakalapit sa Kanya sa
pamamagitan ng mga pagsamba, at naghahanap sa anumang
ikinasisiya Niya sa lahat ng sandali ay hindi nakakapantay ng
sinumang tumatangging sumampalataya kay Allah—na lumikha
sa kanya at nagbigay-anyo sa kanya—nagpapasinungaling sa
mga Tanda Niya, sa Relihiyon Niya, at tumatanging
magpakumbaba sa kautusan Niya. Ang una ay magtatamo ng
pagpaparangal, gantimpala, pag-ibig at pagkalugod at ang huli
ay babagsakan ng poot, galit, paghamak at pagdurusa.
Bubuhayin ni Allah ang mga tao sa mga libingan nila
matapos silang namatay. Gagantihan Niya ang nagpakabuti sa
kanila ng gin-hawa at pagpaparangal sa Paraiso ng kaginhawahan
at parurusahan naman Niya ang nagpakasama na nagmamalaki
na tumatanggi sa pagsamba sa Kanya ng pagdurusa sa Impiyerno.
Isipin mo na lamang ang laki ng pagpaparangal at gantimpala
para sa mga nagpakabuti kapag ang gantimpala at ang
pagpaparangal na ito ay mula kay Allah na mayaman na
mapagbigay na walang hanggan sa pagbibigay Niya at awa Niya
at hindi nauubos ang mga kayamanan Niya. Tunay na ang
gantimpalang ito ay magiging rurok ng kaginhawahan—hindi
magwawakas at hindi maglalaho. (Ito ang tatalakayin natin
mamaya.) Isipin mo rin ang tindi ng parusaat sakit ng pagdurusa
at ang laki ng paghamak sa isang tumangging sumampalataya
kapag mag-bubuhat ang mga ito kay Allah, ang Nanaig, ang
Makapagmamalaki ang Dakila, na walang hanggan sa pananaig
Niya at kabunyian Niya.
Ang Relihiyong Islam
17
Si Muhammad ay Sugo ni Allah
Ang pananampalataya sa pagkasugo ni Muhammad (SAS)9
ay ang ikalawang kabiyak ng pangunahing haligi sa mga haligi ng
Islam at ang pangunahing saligan na tinatayuan ng gusali nito.
Ang isang tao ay nagiging isang Muslim matapos na binigkas
niya ang pagsaksi kay Allah at kay Muhammad (SAS). Sasaksi
siya na walang Diyos kundi si Allah at sasaksi rin siya na si
Muhammad ay Sugo ni Allah.
Ano ang kahulugan ng sugo? Sino si Muhammad?
Mayroon bang iba pang mga sugo bukod pa sa kanya?
Ang mga ito ay ang sisikapin nating sagutin sa mga
pahinang ito.
Ang sugo ay lalaking nasa napakataas na tugatog ng
katapatan sa pananalita at kagandahang asal, na pinili ni Allah
mula sa mga tao. Kinakasihan Niya ito ng anumang niloob Niya
na mga kautusan sa relihiyon o mga bagay-bagay hinggil
Nakalingid,10 at inutusang iparating ang mga ito sa mga tao.
Samaktuwid, ang sugo ay isang taong ang tulad niya at tulad ng
lahat ng tao. Kumakain siya kung papaanong kumakain ang
mga tao, uminom siya kung papaanong umiinom sila at
nangangailangan siya kung papaanong nangangai- langan ang
mga tao. Subalit naiiba siya sa kanila dahil sa Kasi na
dumarating sa kanya mula kay Allah. Ipinaalam ni Allah sa
9 Sallalláhu ‘Alayhi wa Sallam: Basbasan at pangalagaan (o batiin) siya ni
Allah. Sinasabi ito kapag binanggit ang pangalan o ang taguri ni Propeta
Muhammad (SAS) o kapag tinutukoy siya.
10 Ang Nakalingid ay ang anumang nalingid sa mga tao na mga pangyayaring
panghinaharap at pangnakaraan gaya ng mangyayari sa hinaharap at sa
Kabilang-buhay, at anumang hindi nila nakikita gaya ng mga anghel.
Ang Relihiyong Islam
18
kanya ang anumang niloloob Nito gaya ng mga bagay-bagay
hinggil sa Nakalingid at mga kautusan ng Relihiyon na
ipararating niya sa mga tao. Naiiba rin siya sa kanila sa
pagtatamasa niya ng pangangalaga ni Allah laban sa
pagkasadlak sa mga malalaking pagkakasala o anumang bagay
na makasisira sa pagpaparating sa mensahe ni Allah sa mga tao.
Babanggit tayo ng ilan sa mga kasaysayan ng mga sugo na
nauna kay Propeta Muhammad (SAS) upang maging malinaw
sa atin na ang mensahe ng mga sugo ay iisa at iyon ay ang
pag-aanyaya sa pagsamba kay Allah lamang. Ang una sa mga
sugong ito matapos si Adan, ang ama ng sangkatauhan, ay si
Noe (AS).
Ang Sugong si Noe (AS)
Sampung siglo ang namagitan kina Noe at Adan. Isinugo siya
ni Allah sa mga kalipi niya matapos na naligaw sila at
sumasamba sa mga diyos na iba pa kay Allah. Sinasamba nila
noon ang mga diyus-diyusan, ang mga bato, at ang mga puntod
kaya ipinadala siya ni Allah sa kanila upang panumbalikin
sila sa pagsamba kay Allah lamang, gaya ng ipinabatid sa atin ni
Allah sa sinabi Niya: “Talaga ngang isinugo Namin si Noe sa
mga kalipi nito kaya nagsabi ito: “O mga kalipi ko,
sambahin ninyo si Allah; wala na kayong Diyos na iba pa
sa Kanya. Tunay na ako ay nangangamba para sa inyo sa
pagdurusa sa dakilang araw.””(7:59).
Patuloy siyang nag-aanyaya sa mga kalipi niya sa pagsamba
kay Allah lamang sa loob ng matagal na panahon ngunit walang
naniwala sa kanya kundi iilan kaya nanalangin siya sa
Panginoon niya, na nagsasabi: “Panginoon ko, inanyayahan
ko ang mga kalipi ko sa gabi’t araw, subalit walang
Ang Relihiyong Islam
19
naidagdag sa kanila ang pag-aanyaya ko kundi pagtakas sa
pananampalataya. Tunay na ako, tuwing nag-aanyaya ako
sa kanila upang patawarin Mo sila, inilalagay nila ang mga
daliri nila sa mga tainga nila, itinataluk-bong nila ng mga
damit nila, nagmamatigas sila at nagmamalaki nang
matinding pagmamalaki. Pagkatapos tunay na ako ay naganyaya
sa kanila nang hayagan. Pagkatapos tunay na ako
ay nagpahayag sa kanila at nakipag-usap sa kanila nang
palihim, at nagsabi ako: “Humingi kayo ng tawad sa
Panginoon ninyo, tunay na Siya ay laging Mapagpatawad,
magpapadala siya ng ulan sa inyo na masagana,
magpaparami Siya sa inyo ng mga ari-arian at mga anak,
gagawa Siya para sa inyo ng mga hardin at gagawa Siya
para sa inyo ng mga ilog. Ano ang nangyayari sa inyo, hindi
kayo natatakot kay Allah nang may pagpipitagan,
samantalang nilikha Niya kayo sa mga antas?”(71:5-14).
Sa kabila ng patuloy na pagsusumikap na ito at
pambihirang mithiin na patnubayan ang mga kababayan niya,
gayunpaman sila ay nagpasinungaling sa kanila sa kanya,
nangutya sa kanya at nag-bintang sa kanya ng mga paratang ng
kabaliwan. Kaya naman ikinasi sa kanya ni Allah na: “Walang
sasampalataya mula sa mga kalipi mo kundi ang
sumampalataya na, kaya huwag kang mahapis sa mga
ginagawa nila noon.”(11:36). Inutusan siya ni Allah na
gumawa ng isang arko na paglululanan ng lahat ng
sumampalataya kasama niya. “Habang gumagawa siya ng
arko at sa tuwing may napadaan sa kaya na mga pinuno ng
mga kalipi niya, kinukutya nila siya. Nagsabi Siya: “Kung
nangungutya kayo sa amin ay tunay na kami ay
mangungutya rin sa inyo kung paanong nangu-ngutya kayo,
at malalaman ninyo kung sino ang pupuntahan ng isang
Ang Relihiyong Islam
20
pagdurusang magdudusta sa kanya at dadapuan ng
pagdurusang mamamalagi. Gayon nga hanggang sa
dumating ang utos Namin at bumulwak ang pugon. Sinabi
Namin: “Ilulan mo sa loob niyon ang bawat dalawang uri,
ang mag-anak mo— maliban sa isang nauna na sa kanya ang
hatol—at ang sinumang sumampalataya. Walang
sumampalataya kasama niya kundi kakaunti. Sinabi niya:
“Magsisakay rito; sa ngalan ni Allah ang paglalayag nito at
ang pagdaong nito. Tunay na ang Panginoon ko ay talagang
Mapagpatawad, Maawain. Ito ay naglayag dala sila sa gitna
ng mga alon na gaya ng mga bundok. Tinawag ni Noe ang
anak niya. Ito ay nasa pinaglayuan nito. “O anak ko,
sumakay ka kasama namin at huwag kang maging kabilang
sa mga tumatangging sumampalataya.” Nagsabi ito:
“Paparoon ako sa isang bundok na magsasanggalang sa akin
laban sa tubig.” Nagsabi siya: “Walang
makapagsasanggalang sa araw na ito laban sa takda ni
Allah maliban sa kinaawaan Niya. Humarang sa pagitan
nilang dalawa ang mga alon, kaya ito ay naging kabilang
sa mga nangalunod. Sinabi: “O lupa, lulunin mo ang tubig
mo; o langit, pigilin mo ang ulan.” Humupa ang tubig,
natupad ang takda at lumuklok ito sa tuktok ng bundok ng
Júdí. Sinabi: “Kasawian sa mga taong lumabag sa
katarungan.” Nanawagan si Noe sa Panginoon niya at
nagsabi: “O Panginoon ko, tunay na ang anak ko ay kabilang
sa mag-anak ko, tunay na ang pangako Mo ay ang totoo, at
Ikaw ay ang pinakamakata-rungan sa mga hukom. Nagsabi
Siya: “O Noe, tunay na siya ay hindi kabilang sa mag-anak
mo. Tunay na siya ay may gawang hindi matuwid. Kaya
huwag mo Akong tanungin ng bagay na hindi ka nagtaglay
hinggil doon ng kaalaman. Tunay na Ako ay nangangaral
sa iyo nang hindi ka maging kabilang sa mga mangmang.”
Ang Relihiyong Islam
21
Nagsabi siya: “O Panginoon ko, tunay ako po ay
nagpapakupkop sa Iyo nang di ako magtanong sa iyo ng
bagay na hindi ako nagtaglay hinggil doon ng kaalaman. Kung
hindi Ka po magpapatawad sa akin at maaawa sa akin, ako
ay magiging kabibilang sa mga talunan. Sinabi: “O Noe,
bumaba ka nang may kapayapaan mula sa Amin at mga
biyaya sa iyo at sa mga kalipunan mula sa kasama mo. May
mga kalipunang pagigin-hawahin muna Namin at
pagkatapos ay dadatnan sila mula sa Amin ng isang
masakit na pagdurusa.”(11:38-48).
Ang Sugong si Húd (AS)
Pagkatapos ng isang yugto ng panahon, isinugo ni Allah sa
lipi ng ‘Ád na nasa rehiyong tinatawag na Ahqáf, matapos na
naligaw sila at sumamba sila sa iba pa kay Allah. Nagsugo sa
kanila ng isang sugo na kabilang rin sa kanila, si Húd (AS).
“Isinugo sa lipi ng ‘Ád ang kapatid nila na si Húd. Nagsabi
siya: “O mga kalipi ko, sambahin ninyo si Allah, wala na
kayong Diyos na iba pa sa Kanya; kaya hindi ba kayo
mangingilag magkasala?” Nagsabi ang mga pinuno na
tumangging sumampalataya na kabilang sa mga kalipi niya:
“Tunay na kami ay talagang nagtuturing sa iyo na nasa
isang kaululan, at tunay na kami ay nagpapalagay sa iyo na
kabilang sa mga nagsisinungaling.” Nagsabi Siya: “O mga
kalipi ko, walang kaululan sa akin, datapuwat ako ay isang
sugo mula sa Panginoon ng mga nilalang. Ipinararating ko
sa inyo ang mga pasugo ng Panginoon ko, at ako para sa
inyo ay isang mapagkakatiwalaang tagapayo. Nagtataka ba
kayo na may dumating sa inyo na isang paalaala mula sa
Panginoon ninyo dala ng isang lalaking kabilang sa inyo
upang magbabala sa inyo? Alalahanin ninyo noong ginawa
Ang Relihiyong Islam
22
Niya kayo na mga kahalili noong wala na ang mga kalipi ni
Noe at dinagdagan Niya kayo sa pangangatawan ninyo ng
laki. Kaya alalahanin ninyo ang mga pagpapala ng
Panginoon ninyo nang harinawa kayo ay magtata-gumpay.
Nagsabi sila: “Dumating ka ba sa Amin upang sambahin
namin si Allah lamang at iwan namin ang sinasamba noon
ng mga ninuno namin? Kaya dalhin mo nga sa amin ang
ipinana-nakot mo sa amin kung ikaw ay kabilang mga
nagtatapat.” Nagsabi siya: “May bumagsak na nga sa inyo
mula sa Panginoon ninyo na isang pasakit at isang galit.
Nakikipagtalo ba kayo sa akin hinggil sa mga pangalan na
ipinangalan ninyo ang mga ito at ng mga ninuno ninyo.
Hindi nagpababa si Allah sa mga ito ng anumang patunay.
Kaya maghintay kayo, tunay na ako ay kasama ninyo na
kabilang sa mga naghihintay.” Kaya iniligtas Namin siya at
ang mga kasama niya sa pamamagitan ng isang awa mula
sa Amin, at nilipol Namin ang kahuli-hulihan sa mga
nagpasinungaling sa mga Tanda Namin. Hindi sila mga
mananampalataya.”(7:65-72).
Kaya pinadalhan sila ni Allah ng isang humahagunot na
malamig na hangin sa loob ng walong araw, na nagwasak sa
bawat bagay doon ayon sa utos ni Allah. Iniligtas ni Allah si
Húd at ang mga sumampalataya kasama niya.
Ang Sugong si Sálih (AS)
Pagkatapos ay may lumipas naman na isang yugto ng
panahon. Lumitaw ang lipi ng Thamúd sa hilaga ng peninsula
ng Arabia. Naligaw sila sa patnubay kung papaanong naligaw
ang mga nauna sa kanila, kaya nagsugo si Allah sa kanila ng
isang sugo na kabilang din sa kanila. Siya ay si Sálih (AS).
Inalalayan siya ni Allah sa pamamagitan ng isang tanda na
Ang Relihiyong Islam
23
nagpapatunay sa pagkatotoo niya. Ito ay isang pambihirang
dumalagang kamelyo na walang kapara sa mga nilalang.
Ipinabatid ni Allah sa atin ang kasaysayan niya. Sinabi ni
Allah:
“Isinugo sa lipi ng Thamúd ang kapatid nila na si
Sálih. Nagsabi siya: “O mga kalipi ko, sambahin ninyo si
Allah, wala na kayong Diyos na iba pa sa Kanya; may
dumating na sa inyo na isang malinaw na patunay mula sa
Panginoon ninyo. Itong dumalagang kamelyo ni Allah para
sa inyo ay isang tanda, kaya hayaan ninyo ito na manginain
sa lupain ni Allah. Huwag ninyo itong salingin ng masama,
dahil dadaklutin kayo ng isang masakit na pagdurusa.
Alalahanin ninyo noong ginawa Niya kayo na mga kahalili
noong wala na ang lipi ng ‘ ءd at pinatira Niya kayo sa lupain:
gumagawa kayo ng mga palasyo sa mga kapatagan nito at
nililok ninyo ang mga bundok bilang mga bahay. Kaya
alalahanin ninyo ang mga pagpapala ng Panginoon ninyo
at huwag kayong manampalasan sa lupa na mga gumagawa
ng katiwalian. Nagsabi ang mga pinuno na nagmalaki na
kabilang sa mga kalipi niya sa mga minamahina—sa mga
sumampalataya mula sa mga ito: “Nalalaman ba ninyo na si
Sálih ay isang isinugo mula sa Panginoon niya?” Nagsabi ang
mga ito: “Tunay na kami sa ipinasugo sa kanya ay mga
sumasampalataya.” Nagsabi ang mga nagmalaki: “Tunay
na kami sa sinampalatayanan ninyo ay mga tumatangging
sumampalataya.” Kaya kinatay nila ang dumalagang
kamelyo at sinuway nila ang utos ng Panginoon nila, at
nagsabi sila: “O Sálih, dalhin mo nga sa amin ang
ibinabanta mo sa amin, kung ikaw ay kabilang sa mga
isinugo.” Kaya dinaklot sila ng lindol, at sila sa mga tahanan
nila ay naging mga nakaluhod na patay. Kaya tumalikod
siya sa kanila at nagsabi: “O aking mga kalipi, talaga
Ang Relihiyong Islam
24
ngang ipinarating ko na sa inyo ang pasugo ng Panginoon
ko at pinayuhan ko na kayo, subalit hindi ninyo naiibigan
ang mga nagpapayo.””(7:73-79).
Ang Sugong si Abraham (AS)
Pagkatpos niyon ay ipinadala ni Allah si Abraham sa
kanyang mga kababayan matapos na sila ay mangaligaw at
sumamba sa mga tala at mga diyus-diyusan. Sinabi ni Allah:
“Talaga ngang nagbigay Kami kay Abraham ng gabay sa
kanya noon pa, at Kami sa kanya ay nakakikilala.
Banggitin noong magsabi siya sa ama niya at mga kalipi
niya: “Ano ang mga estatwa na ito na kayo sa mga ito ay mga
nahuhumaling?” Nagsabi sila: “Nasumpungan namin ang
mga ninuno namin na sa mga ito ay mga sumasamba.”
Nagsabi siya: “Talaga ngang kayo at ang mga ninuno ninyo
ay nasa isang malinaw na pagkaligaw.” Nagsabi sila:
“Nagdala ka ba sa amin ng katotohanan o ikaw ay kabilang sa
mga naglalaro.” Nagsabi siya: “Bagkus ang Panginoon ninyo
ay ang Panginoon ng mga langit at lupa, na lumalang sa
mga ito, at ako hinggil doon ay kabilang sa mga
sumasaksi. Sumpa man kay Allah, talagang magpapakana
nga ako laban sa mga diyus-diyusan ninyo matapos
tumalikod kayo na mga nagsisilisan.” Kaya ginawa niya ang
mga ito na pira-piraso maliban sa malaki sa mga ito, nang
harinawa sila dito ay magbabalik. Nagsabi sila: “Sino ang
gumawa nito sa mga diyos natin? Tunay na siya ay kabilang
sa mga lumalabag sa katarungan.” Nagsabi sila: “Nakarinig
kami ng isang binatang may binabanggit laban sa mga ito, na
tinatawag siyang Abraham.” Nagsabi sila: “Kaya dalhin
ninyo siya sa harap ng mga mata ng mga tao nang harinawa
sila ay sasaksi.” Nagsabi sila: “Ikaw ba ang gumawa nito sa
Ang Relihiyong Islam
25
mga diyos namin, o Abraham.” Nagsabi siya: “Bagkus
ginawa iyan nitong malaki sa mga ito; tanungin ninyo ang
mga ito kung ang mga ito ay makapagsasalita. Kaya
bumalik sila sa mga sarili nila at nagsabi sila: “Tunay na kayo,
kayo ay ang mga lumalabag sa katarungan.” Pagkatapos ay
nanumbalik sila sa katigasan ng mga ulo nila at nagsabi:
“Talaga ngang nalalaman mo na na ang mga ito ay hindi
nakapagsasalita.” Nagsabi siya: “Kaya sumasamba ba
kayo bukod pa kay Allah sa hindi nakapagdudulot sa inyo
ng anumang pakinabang at hindi nakapagdudulot sa inyo ng
pinsala? Sa aba sa inyo at sa anumang sinasamba ninyo
bukod kay Allah, at hindi ba kayo nakauunawa?” Nagsabi
sila: “Sunugin ninyo siya at tulungan ninyo ang mga diyos
ninyo kung kayo ay mga magsisikilos.” Nagsabi Kami: “O
apoy, maging kalamigan at kaligtasan para kay Abraham.”
Nagnais sila sa kanya ng isang pakanan ngunit ginawa
Naming sila ang mga talunan.”(21:51-70).
Pagkatapos [nang maraming taon] ay nandayuhan si
Abraham (AS) at ang anak niya na si Ismael mula sa Palestina
sa Makkah. Nag-utos si Allah sa kanya at sa anak niya na si
Ismael na itayo ang pinarangalang Ka‘bah. Inanyayahan niya
ang mga tao na dumalaw roon at sumamba kay Allah doon.
“Inatasan Namin sina Abraham at Ismael na linisin nila
ang Bahay Ko para sa mga lumilibot, mga nananatili at mga
yumuyukod na nagpapatirapa.”(2:125).
Ang Sugong si Lot (AS)
Pagkatapos niyon ay isinugo naman ni Allah si Lot (AS) sa
mga kababayan niya. Sila ay mga masasamang tao na
sumasamba sa iba pa kay Allah at gumagawa ng kahalayan sa
isa’t-isa. Nagsabi si Allah: “Banggitin si Lot noong nagsabi
Ang Relihiyong Islam
26
siya sa mga kababayan niya: “Gumagawa ba kayo ng
kahalayan na hindi kayo naunahan doon ng isa man sa mga
nilalang? Tunay na kayo ay talagang nagsasagawa sa mga
lalaki ng udyok ng laman sa halip na sa mga babae. Bagkus
kayo ay mga taong nagmamalabis. Walang naging sagot
ang mga kababayan niya kundi na nagsabi sila: “Palabasin
ninyo sila sa bayan ninyo; tunay na sila ay mga taong
nagpapakalinis.””(7:80-82).
Siya at ang mag-anak niya, maliban sa maybahay niya na isa
sa mga tumatangging sumampalataya, ay iniligtas ni Allah.
Inutusan siya ni Allah na lumabas sa lungsod sa gabi kasama
ng mag-anak niya. Noong dumating na ang itinakda ni Allah, ang
mataas doon ay ginawa Niyang mababa at nagpaulan Siya roon
ng kumpol-kumpol ng mga batong natuyong putik.
Ang Sugong si Shu‘ayb (AS)
Pagkatapos ay ipinadala ni Allah sa mga mamamayan ng
Madyan ang kapatid nila na si Shu‘ayb matapos na naligaw sila
sa patnubay at lumaganap sa kanila ang mga masamang asal, ang
pangangaway sa mga tao, at ang pandaraya sa takalan at
timbangan. Nagpabatid sa atin si Allah ng hinggil sa kanila:
“Isinugo sa Madyan ang kapatid nila na si Shu‘ayb.
Nagsabi siya: “O mga kalipi ko, sambahin ninyo si Allah;
wala na kayong Diyos na iba pa sa Kanya. May dumating
na sa inyo na isang malinaw na patunay mula sa
Panginoon ninyo, kaya lubusin ninyo ang takal at ang
timbang, huwag ninyong dayain ang mga tao sa mga bagay
nila at huwag kayong gumawa ng katiwalian sa lupain
matapos ang pagsasaayos nito. Iyan ay mainam sa inyo kung
kayo ay mga mananampalataya. Huwag kayong maupo sa
bawat landasin, na nagpabanta at bumabalakid sa landas
Ang Relihiyong Islam
27
ni Allah sa sinumang sumampalataya sa Kanya, at
naghahangad na ito ay maging baluktot. Alalahanin ninyo,
noong kayo noon ay kakaunti ay pinarami Niya kayo.
Tingnan ninyo kung paano ang naging kinahinatnan ng
mga gumagawa ng katiwalian. Kung may pangkat mula sa
inyo na sumampalataya sa ipinasugo sa akin at may pangkat
na hindi sumampalataya ay magtiis-tiis kayo hanggang sa
humatol si Allah sa pagitan natin yamang Siya ay ang
pinakamainam sa mga humahatol.” Nagsabi ang mga
pinuno na nagmalaki, na kabilang sa mga kalipi niya:
“Talagang palalabasin ka nga Namin Shu‘ayb at ang mga
sumampalataya kasama mo sa bayan natin maliban kung
talagang babalik nga kayo sa paniniwala natin.” Nagsabi
siya: “Kahit na ba kami ay nasusuklam?” Nakagawa na
kami laban kay Allah ng isang kasinungalingan kung
bumalik kami sa paniniwala ninyo matapos na iniligtas kami
ni Allah mula roon. Hindi mangyayari sa amin na babalik
kami roon maliban na loloobin ni Allah, ang Panginoon
Namin. Nasaklawan ng Panginoon Namin ang bawat bagay
sa kaalaman. Kay Allah kami umaasa. O Panginoon
namin, humusga Ka po sa pagitan namin at ng mga kalipi
namin ayon sa katotohanan, yayamang Ikaw ay ang
pinakamainam sa mga humuhusga.” Nagsabi ang mga
pinuno na nagmalaki, na kabilang sa mga kalipi niya:
“Talagang kung sumunod kayo kay Shu‘ayb, tunay na kayo
kung gayon ay talagang mga talunan.” Kaya dinaklot sila ng
lindol, at sila sa mga tahanan nila ay naging mga nakaluhod na
patay. Ang mga nagpasinungaling kay Shu‘ayb ay naging
animo’y hindi sa mga tahanang iyon. Ang mga nagpasinungaling
kay Shu‘ayb, sila ay ang naging mga talunan.
Kaya tumalikod siya sa kanila at nagsabi: “O aking mga
kalipi, talaga ngang ipinarating ko na sa inyo ang mga
Ang Relihiyong Islam
28
pasugo ng Panginoon ko at pinayuhan ko na kayo, kaya
papaano akong magdada-lamhati sa mga taong tumangging
sumampalataya?””(7:85-93).
Nagsugo si Allah, pagkatapos niyon, ng maraming sugo sa
mga kalipunan sa mundo. Walang kalipunan noon na hindi
pinuntahan ng isang tagapagbabala. Ipinabatid sa atin ni Allah
ang ilan sa kanila at hindi Niya ipinabatid sa atin ang marami sa
kanila. Lahat sila ay isinugo na may isang mensahe at iyon ay
ang pag-uutos sa mga tao na sumamba kay Allah lamang nang
walang katambal sa kanya at na iwaksi ang pagsamba sa iba pa
kay Allah. Nagsabi si Allah:
“Talaga ngang nagpadala Kami sa bawat kalipunan ng
isang sugo na nagsasabi: “Sambahin ninyo si Allah at
iwaksi ninyo ang diyus-diyusan.” Kaya mayroon sa kanila
na pinatnubayan ni Allah at mayroon sa kanila na naging
karapat-dapat ang pagkaligaw. Kaya maglakbay kayo sa
Lupa at tingnan ninyo kung papaano ang naging
kinahinatnan ng mga nagpapasinu-ngaling.”(16:36).
Ang Sugong si Moises (AS)
Pakatapos niyon ay may lumitaw sa Egipto na isang maniniil
at mapagmalaking hari na tinatawag na Paraon. Nag-aangkin
siya ng pagkadiyos, nag-uutos sa mga tao na sambahin nila siya,
ipinapapatay niya ang sinumang ninanais Niya sa kanila at
ginagawan niya ng kawalang-katarungan ang sinumang ninanais
niya. Kaya nagpabatid sa atin si Allah ng tungkol sa kanya:
Tunay na si Paraon ay nagmataas sa lupain. Ginawa
niya ang mga mamayan nito na mga pangkatin, na
nagpapahina sa isang pangkat sa kanila: kumikitil sa mga
anak na lalaki ng mga ito at nagpapabuhay sa mga
kababaihan ng mga ito. Tunay na siya ay kabilang sa mga
Ang Relihiyong Islam
29
gumagawa ng katiwalian. Ninanais Namin na
magmabuting-loob Kami sa mga pinahina sa lupain, na
gawin Namin sila na mga pinuno, na gawin Namin sila na
mga tagapagmana, na patatagin Namin sila sa lupain at
na ipakita Namin kay Paraon at kay Hámán at sa mga
hukbo ng dalawang ito ang kinatatakutan ng mga ito mula
sa kanila.
Nagkasi Kami sa ina ni Moises: “Pasusuhin mo siya,
ngunit kapag nangamba ka para sa kanya ay itapon mo siya
sa ilog at huwag kang mangamba at huwag kang
malungkot. Tunay na Kami ay magpapanumbalik sa kanya
sa iyo at gagawa sa kanya na kabilang sa mga isinugo. Kaya
napulot siya ng mag-anak ni Paraon upang maging isang
kaaway para sa kanila at isang dahilan ng kalungkutan.
Tunay na sina Paraon at Hámán at ang mga hukbo ng
dalawang ito ay mga nagkakasala. Nagsabi ang maybahay
ni Paraon: “Isang lugod ng mata para sa akin at para sa iyo.
Huwag ninyo siyang patayin. Marahil makabubuti siya sa
atin, o maituturing natin siya bilang isang anak.” Sila ay hindi
nakararamdam sa kahihinatnan.
Ang puso ng ina ni Moises ay naging walang nilalaman
kundi siya. Muntik na nitong ibunyag na anak nito siya,
kung hindi Kami nagpatatag sa puso nito upang ito ay
maging kabilang sa mga sumasampalataya. Nagsabi ito sa
kapatid na babae niya: “Sundan mo siya.” Kaya nakita
niyon siya mula sa malayo habang sila ay hindi
nakararamdam. Ipinagbawal na Namin sa kanya ang ibang
mga tagapagpasuso noon pa. Kaya nagsabi iyon:
“Gagabayan ko po ba kayo sa isang mag-anak na kakalinga
sa kanya para sa inyo, at sila sa kanya ay mga tapat
na tagapag-aruga?” Kaya ibinalik Namin siya sa ina niya
Ang Relihiyong Islam
30
upang malugod ang mata nito at hindi malungkot, at upang
malaman nito na ang pangako ni Allah ay totoo, subalit
ang higit na marami sa kanila ay hindi nakaaalam.
Noong sumapit na siya sa kalakasan niya at nalubos na
siya sa pagkabinata, binigyan Namin siya ng karunungan at
kaalaman. Ganyan Namin ginagantimpalaan ang mga
nagpapakabuti.
Pumasok siya sa lungsod sa sandali ng pagkalingat ng
mga naninirahan dito, at nakatagpo siya rito ng dalawang
lalaking nag-aaway. Itong una ay kabilang sa kakampi
niya at itong ikalawa ay kabilang sa kaaway niya.
Nagpasaklolo sa kanya ang kabilang sa kakampi niya laban sa
kabilang sa kaaway niya. Kaya sinuntok ito ni Moises kaya
napaslang niya ito. Nagsabi siya: “Ito ay kabilang sa gawa ni
Satanas; tunay na siya ay isang nanliligaw na maliwanag na
kaaway.” Nagsabi siya: “Panginoon ko, tunay na ako po ay
lumabag sa katarungan sa sarili ko kaya patawarin Mo po
ako.” Kaya pinatawad Niya siya. Tunay na Siya ay ang
Mapagpatawad, ang Maawain. Nagsabi siya: “Panginoon
ko, dahil sa ibiniyaya Mo sa akin ay hindi ako magiging
isang tagatulong sa mga sumasalansang.”
Kaya sa lunsod siya ay naging kinakabahang nagaantabay,
at walang anu-ano ang nagpatulong sa kanya
kahapon ay nag-papasaklolo na naman sa kanya. Nagsabi sa
kanya si Moises: “Tunay na Ikaw ay talagang maliwanag
na nalilihis.” Kaya noong ninais na niyang sumunggab sa
isang kaaway nilang dalawa, nagsabi ito: “O Moises,
ninanais mo ba na patayin ako gaya ng pinatay mo na isang
tao kahapon? Wala kang ninanais kundi maging isang
mapang-api sa lupain at hindi mo ninanais na maging
kabilang sa mga nagtutuwid.” May dumating na isang
Ang Relihiyong Islam
31
lalaki mula sa malayong sulok ng lungsod, na tumatakbo.
Nagsabi ito: “O Moises, ang mga pinuno ay
nagsasanggunian hinggil sa iyo upang patayin ka nila kaya
lumisan ka na. Tunay na ako, sa iyo, ay kabilang sa mga
tapat nagpapayo.
Kaya lumisan siya roon na kinakabahang nagaantabay.
Nagsabi siya: “Panginoon ko, iligtas Mo po ako
sa mga taong lumalabag sa katarungan.” Noong nakadako
siya patungong Madyan, nagsabi siya: “Sana ang Panginoon
ko ay magpatnubay sa akin sa tamang daan.”
Noong nakarating siya sa tubigan ng Madyan,
nakasumpong siya roon ng isang pulutong ng mga tao na
nagpapainom ng kawan nila, at nakasumpong din siya
bukod pa sa kanila ng dalawang babaeng pumipigil sa
kawan. Nagsabi siya: “Ano ang nangyayari sa inyo?”
Nagsabi ang dalawang ito: “Hindi namin mapaiinom ang
kawan hangga’t hindi aalisin ng mga pastol ang kawan nila.
Ang ama namin ay lubhang matanda na.” Pinainom niya ang
kawan ng dalawa. Pagkatapos ay tumalikod siya patungo sa
lilim, at nagsabi: “Panginoon ko, tunay na ako sa ibaba Mo
na anumang biyaya ay nangangailangan.”
Pagkatapos ay pinuntahan siya ng isa sa dalawang
babae, na naglalakad na nahihiya. Nagsabi ito: “Tunay na
ang ama ko ay nag-aanyaya sa iyo upang gantihan ka ng
gantimpala sa pagpapainom mo sa kawan namin para sa
amin.”
Kaya noong nakapunta na siya rito at naisalaysay rito
ang mga kasaysayan niya, nagsabi ito: “Huwag kang
mangamba, nakaligtas ka na sa mga taong lumalabag sa
katarungan.” Nagsabi ang isa sa dalawang babae: “O Ama ko,
upahan mo po siya; tunay na ang mainam na upahan mo ay
Ang Relihiyong Islam
32
ang malakas na mapagkaka-tiwalaan.” Nagsabi ito:
“Ninanais kung ipakasal sa iyo ang isa sa dalawang anak
ko na ito kung maglilingkod ka sa akin sa loob ng walong
taon; ngunit kung lulubusin mo sa sampung taon ay nasa
sa iyo na. Hindi ko ninanais na magpabigat sa iyo.
Masusumpungan mo ako, kung niloob ni Allah, na kabilang
sa mga matutuwid.” Nagsabi siya: “Iyan sa pagitan ko at sa
pagitan mo. Alin man sa dalawang taning na matatapos ko
ay walang paglabag sa akin. Si Allah ay pinananaligan sa
anumang sinasabi natin.
Kaya noong natapos na ni Moises ang taning at
naglalakbay na siya dala ang mag-anak niya, nakatanaw
siya sa dakong bundok ng isang apoy. Nagsabi siya sa maganak
niya: “Mag-hintay kayo, tunay na ako ay nakatanaw
ng isang apoy. Hari-nawa ako ay makapagdadala sa inyo
mula roon ng isang balita o isang baga mula sa apoy nang
harinawa kayo ay makapagpapainit.
Kaya noong narating na niya iyon, tinawag siya mula
sa kanang pangpang ng lambak, sa pook na pinagpala,
mula sa punong-kahoy: “O Moises, tunay na Ako, Ako si
Allah, ang Panginoon ng mga nilalang. Itapon mo ang
tungkod mo.” At noong nakita niya ito na gumagalaw ito na
para bang isang ahas, umalis siya na tumatalikod at hindi
lumingon. Sinabi: “O Moises, lumapit ka at huwag kang
mangamba; tunay na ikaw ay kabilang sa mga matitiwasay.
Ipasok mo ang kamay mo sa eskotadura mo, lalabas itong
maputi na walang sakit; idikit mo ang kamay mo sa dibdib
mo upang maalis ang sindak. Kaya ang dalawang ito ay
dalawang patunay mula sa Panginoon mo para kay Paraon at
sa mga pinuno nito. Tunay na sila ay mga taong suwail.”
