36 5:32: “At si Noe ay may limang daang taon …”; Genesis
7:6: “At may anim na raang taon si Noe nang ang baha
ng tubig ay dumagsa sa ibabaw ng lupa.”
Ang Kristiyanismo ay naniniwala na nilikha ng Diyos
ang tao sa Kanyang larawan: puti, itim o ano pa man,
babae o lalake? Ito ay ayon sa Genesis 1:26: “At sinabi
ng Diyos, Lalangin natin ang tao sa ating larawan, ayon
sa ating wangis …” Subalit ito ay sumasalungat sa Isaias
40:18 at 25: “Kanino nga ninyo itutulad ang Dios? o
anong wangis ang iwawangis ninyo sa kaniya? …
Kanino nga ninyo itutulad ako upang makaparis ako niya?
sabi ng banal.” Tingnan mo rin ang Mga Awit 89:6:
“Sapagka’t sino sa langit ang maitutulad sa Panginoon?
Sino sa gitna ng mga anak ng makapangyarihan ang gaya
ng Panginoon?” At sa Jeremias 10:6-7: “Walang gaya
mo, Oh Panginoon; … walang gaya mo.”
K. Ngunit ang lahat ng ito ay nasa Matandang Tipan?
M. Pumunta tayo ngayon sa Bagong Tipan.
Juan 5:37 Juan 14:9
Kailan ma’y hindi ninyo
narinig ang kaniyang tinig, ni
hindi man ninyo nakita ang
kaniyang anyo.
“… ang nakakita sa akin ay
nakakita sa Ama. …”
Juan 5:31 Juan 8:14
Kung ako’y nagpapatotoo
tungkol sa aking sarili, ang
patotoo ko ay hindi
Sumagot si Jesus at sa
kanila’y sinabi, Bagama’t
ako’y nagpapa- totoo sa
Ang Talakayan ng Muslim at Kristiyano
37 katotohanan. akin din, ay totoo ang
aking patotoo.
Ang mga ito ay ilan lamang sa mga
pagkakasalungatan sa Bagong Tipan. Makatatagpo ka pa
ng higit na marami kung ating tatalakayin ang
katotohanan ng mga doktrina ng makabagong
Kristiyanismo gaya ng Trinidad, Pagka-Diyos ni Jesus,
Pagka-Diyos-anak ni Jesus, Pagmamana ng kasalanan,
Pagtubos ng Kasalanan, at huwag nang banggitin pa ang
pang-aalipusta sa maraming Propeta sa Bibliya sa
pagpaparatang sa kanila bilang mga mananamba ng mga
diyus-diyusan, at pagpaparatang sa kanila ng
pangangalunya sa kamag-anak at di-kamag-anak, at
panggagahasa.
K. Saan mo matatagpuan ang mga iyan sa Bibliya?
M. Nasasaad na si Noe ay nalasing hanggang sa siya ay
naging hubo’t hubad na sa harap ng kanyang mga anak
na nasa hustong gulang na (Genesis 9:23-24): “At
kumuha si Sem at si Jafet ng isang balabal, at isinabalikat
nilang dalawa, at lumakad ng paurong at tinakpan ang
kahubaran ng kanilang ama; at ang mukha nila ay
patalikod, at hindi nila nakita ang kahubaran ng kanilang
ama. At nagising si Noe sa kaniyang pagkalango sa alak,
at naalaman ang ginawa sa kaniya ng kaniyang bunsong
anak.”
Ang Talakayan ng Muslim at Kristiyano
38 Si Solomon ay pinaratangan hindi lamang ng
pagkakaroon ng maraming asawa, kundi pati ng
pagsamba sa mga diyus-diyusan (1 Mga Hari 11:9-10):
“At ang Panginoo’y nagalit kay Solomon … At siyang
nag-utos sa kaniya tungkol sa bagay na ito, na siya’y
huwag sumunod sa ibang mga dios; ngunit hindi niya
iningatan ang iniiutos ng Panginoon.”
Si Aaron, na isang Propetang sumama sa kanyang
kapatid na si Moises sa pagpunta kay Paraon, ay
pinaratangan din na humugis sa gintong guya upang
sambahin ng mga Israelita (Exodo 32:4): “At kaniyang
(Aaron) tinanggap sa kanilang kamay, at niyari sa
pamamagitan ng isang buril, at ginawang isang guyang
binubo, at kanilang sinabi, Ang mga ito ang maging
iyong mga dios, Oh Israel, na nagsampa sa iyo mula sa
lupain ng Egipto.”
Mababasa mo rin ang pangangalunya ni Propeta Lot
sa kanyang dalawang anak (Genesis 19:36): “Sa ganito’y
kapuwa nagdalangtao ang mga anak ni Lot sa
pamamagitan ng kanilang ama.”
Makababasa ka rin ng isang Propetang ang dalawang
asawa ay magkapatid (Genesis 29:28): “At gayon ang
ginawa ni Jacob, at tinapos niya ang sanglinggo nito, at
ibinigay ni Laban sa kaniya si Raquel na kaniyang anak
na maging asawa niya.”
May isa pang Propeta na pinaratangan ng
pangangalunya (II Samuel 11:4-5): “At si David ay
Ang Talakayan ng Muslim at Kristiyano
39 nagsugo ng mga sugo, at kinuha siya; at siya’y pumaroon
sa kaniya, at kaniyang sinipingan siya (sapagka’t siya’y
malinis sa kaniyang karumihan;) at siya’y bumalik sa
kaniyang bahay. At ang babae ay naglihi; at siya’y
nagsugo at nasaysay kay David, at nagsabi: Ako’y
buntis.”
Ang aking katanungan ay: Papaano matatanggap si
David, kung gayon, sa talaangkanan ni Jesus kung ang
talaangkanang ito ay nagsimula sa isang taong
nangalunya? Huwag sanang ipahintulot ni Allah na ito ay
nangyari! Hindi kaya ito ay isang kasalungatan sa
nabanggit sa Deuteronomio 23:2: “Isang anak sa ligaw ay
huwag papasok sa kapisanan ng Panginoon; hanggang sa
ikasangpung salin ng lahi ay walang sa kaniya’y
makapapasok sa kapisanan ng Panginoon.”
May isa pang paratang ng pangangalunya sa kamaganak
na may kasama pang panggagahasa na isinagawa ni
Ammon, na anak ni David, sa kanyang kapatid sa ama na
si Tamar (II Samuel 13:14): “Gayon ma’y hindi niya
(Ammon) dininig ang kaniyang tinig: kundi palibhasa’t
siya’y malakas kay sa kaniya (Tamar), dinahas niya siya,
at sumiping sa kaniya.”
Mayroon pang maramihang panggagahasang
isinagawa si Absalom sa mga babae (concubine) ni David
na nasasaad sa II Samuel 16:22: “Sa gayo’y kanilang
ipinagladlad si Absalom ng isang tolda sa bubungan ng
bahay; at sinipingan ni Absalom ang mga babae ng
Ang Talakayan ng Muslim at Kristiyano
40 kaniyang ama sa paningin ng boong Isarael.” (Hindi ako
makapaniwalang magagawa ng sinumang tao ang
kahayupang ito, kahit na ang mga barbaro ay hindi ito
magagawa.)
May isa pang pangangalunya sa kamag-anak na
isinagawa naman ni Juda kay Tamar na kanyang
manugang. Noong si Juda ay patungo sa Timnat upang
gupitan ang kanyang mga tupa ay nakita niya si Tamar.
Inakala niyang ito ay isang patutot sapagkat tinakpan nito
ang mukha nito (Genesis 38:18): “At kaniyang sinabi,
Anong sangla ang ibibigay ko sa iyo? At kaniyang sinabi,
Ang iyong singsing, at ang iyong pamigkis, at ang
tungkod na dala mo sa kamay. At kaniyang ipinagbigay sa
kaniya, at sumiping sa kaniya; at siya’y naglihi sa
pamamagitan niya.”
Bagamat ang mga Hudyo at ang mga Muslim ay
mahigpit na magkaaway, walang Muslim na maglalakasloob
na sumulat ng isang aklat at paratangan ang
alinmang Israelitang Propeta gaya nina Juda, David,
Jesus, at iba pa (SlaKP), ng panggagahasa,
pangangalunya sa di-kamag-anak at kamag-anak o
pagpatol sa patutot.
Ang lahat ng Propeta ay isinugo ni Allah upang
pumatnubay sa mga tao. Maiisip mo kaya na ang Diyos
ay nagsugo ng maling mga tao upang pumatnubay?
K. Sa palagay ko ay hindi. Ngunit hindi ka ba naniniwala
sa Bibliya?
Ang Talakayan ng Muslim at Kristiyano
41 M. Naniniwala kami sa lahat ng Kasulatan ng Diyos,
ngunit sa orihinal na anyo ng mga ito. Ang Diyos ay
nagsugo ng Propeta sa bawat bansa bilang tagapagbabala,
at ang ilan sa kanila ay may Kasulatan bilang patnubay sa
partikular na bansang yaon lamang. Binigyan ng Suhuf
(Kalatas) si Abraham, ng Tawrah (Bahagi ng Matandang
Tipan) si Moises, ng Zabúr (Salmo) si David, at ng Injíl
(Ebanghelyo) si Jesus. Wala ni isa man sa mga
Kasulatang ito ang nanatili sa orihinal na anyo sa ngayon.
Bahagi ng tunay na plano ni Allah, sa wakas ay isinugo
Niya si Muhammad (SKP) bilang kahuli-hulihan sa lahat
ng Propeta, na dala ang Banal na Qur’an bilang gabay
para sa buong sangkatauhan, sa anumang pook at sa
anumang panahon.
Si Jesus mismo ay nagsabing siya ay isinugo lamang
sa mga tao ng Israel (Mateo 15:24): “Datapuwa’t siya’y
sumagot at sinabi, Hindi ako sinugo kundi sa mga tupang
nangaligaw sa bahay ni Israel”; (Mateo 1:21): “At siya’y
manganganak ng isang lalake; at ang pangalang itatawag
mo sa kaniya’y Jesus; sapagka’t ililigtas niya ang
kaniyang bayan sa kanilang mga kasalanan.” Nagsabi pa
nga siya na hindi siya pumarito upang gumawa ng mga
pagbabago sa batas kundi upang ganapin (Mateo 5:17-
18): “Huwag ninyong isiping ako’y naparito upang sirain
ang kautusan o ang mga propeta: ako’y naparito hindi
upang sirain, kundi upang ganapin. Sapagka’t
katotohanang sinasabi ko sa inyo, Hanggang sa
Ang Talakayan ng Muslim at Kristiyano
42 mangagwala ang langit at ang lupa, ang isang tuldok o
isang kudlit, sa anomang paraan ay hindi mawawala sa
kautusan, hanggang sa maganap ang lahat ng mga
bagay.”
K. Ngunit sa Marcos 16:15 ay nagsabi si Jesus: “At
sinabi niya sa kanila, Magsiyaon kayo sa boong
sanglibutan, at inyong ipangaral ang evangelio sa lahat
ng kinapal.”
M. Ito ay sumasalungat sa binanggit sa itaas sa Mateo
15:24 at Mateo 1:21. Pangalawa, ang Marcos 16:9-20 ay
inalis na sa maraming Bibliya. Inilagay ng New American
Standard Bible ang bahaging ito sa loob ng mga
panaklong at sumulat ng sumusunod na komentaryo:
“Ang ilan sa mga napakatandang manuskrito ay nag-alis
ng mula sa bersikulo 9 hanggang 20.” Inamin ng New
World Translation of the Holy Scriptures na ginagamit
ng mga Saksi ni Jehovah na ang ibang mga matandang
manuskrito ay nagdagdag ng isang mahabang pagtatapos
o isang maikling pagtatapos pagkatapos ng Marcos 16:8,
ngunit ang iba naman ay nag-alis. At ang Revised
Standard Version ay sumulat ng sumusunod na talababa:
“Ang ilan sa mga sinaunang awtoridad ay nagbigay sa
aklat [ni Marcos] ng pagtatapos sa katapusan ng
[kapitulo 16] bersikulo 8 …” Ito ay nangangahulugan din
na ang pagkabuhay na mag-uli [ni Jesus] ay hindi totoo
gaya ng paglalarawan dito sa Marcos 16:9.
Ang Talakayan ng Muslim at Kristiyano
43 K. Ngunit nagsabi si Jesus sa Mateo 28:19: “Dahil dito
magsiyaon nga kayo, at gawin ninyong mga alagad ang
lahat ng mga bansa …”
M. Ang “lahat ng mga bansa” ay kailangang ipaliwanag
na lahat ng labindalawang lipi ng Israel at kung hindi ay
sumasalungat ito sa Mateo 15:24 at Mateo 1:21. Sa New
American Standard Bible at sa New World Translation of
the Holy Scriptures ay hindi ito isinaling all nations
(lahat ng mga bansa) kundi all the nations, na
nangangahulugang ang labindalawang lipi ng Israel.
Ano ngayon ang palagay mo sa Bibliya?
K. Ang paniniwala ko rito ay nagsisimula nang mayanig
ngayon.
M. Natitiyak kong makukumbinsi ka sa katotohanan ng
Islam matapos nating matalakay ang ating mga
pagkakaiba.
Ang Talakayan ng Muslim at Kristiyano
44 Ang Doktrina ng Trinidad
M. Naniniwala ka pa rin ba sa Trinidad?
K. Sigurado; nakasulat ito sa Unang Sulat ni Juan 5:7-8:
“For there are three that bear record in heaven, the
Father, the Word, and the Holy Ghost: and these three
are one. And there are three that bear witness in earth,
the spirit, and the water, and the blood: and these three
agree in one.” [Salin sa Tagalog mula sa King James
Version: Sapagka’t tatlo ang may hawak ng talaan sa
langit, ang Ama, ang Salita, at ang Espiritu Santo: at ang
tatlong ito ay iisa. At may tatlong nagpapatotoo sa lupa,
ang espiritu, at ang tubig, at ang dugo: at ang tatlong ito
ay nagkakaisa.]3
M. Oh, iyan ay ang nasa King James Version na
inilimbag noong 1611, at nagsilbing pinakamalakas na
katibayan ng Doktrina ng Trinidad. Ngunit ngayon, ang
bahaging ito, “ang Ama, ang Salita, at ang Espirirtu
Santo: at ang tatlong ito ay iisa,” ay inalis na sa Revised
Standard Version ng 1952 at 1971, at sa iba pang mga
3 Napilitan ang tagapagsalin na isalin sa Tagalog mula sa Ingles ang I Juan
5:7-8 sapagkat ang salin nito sa Bibliyang Tagalog ay lubhang napakalaki ng
kaibahan sa salin nito sa Ingles. Sa salin sa Tagalog ay ganito ang nasasaad: “At
ang Espiritu ang nagpapatotoo, sapagka’t ang Espiritu ay katotohanan.
Sapagka’t may tatlong nagpapatotoo, ang Espiritu, ang tubig, at ang dugo: at
ang tatlo ay nagkakaisa.”
Ang Talakayan ng Muslim at Kristiyano
45 Bibliya, dahil ito ay komentaryo na nakapasok sa
Tekstong Griego.
Ito ang mababasa sa 1 Juan 5:7-8 ng New American
Standard Bible: “And it is the Spirit who bears witness,
because the Spirit is truth. For there are three that bear
witness, the Spirit and the water and the blood, and the
three are in agreement.” [At itong Espiritu ang
nagpapatotoo, sapagka’t ang Espiritu ay katotohanan.
Sapagka’t may tatlong nagpapatotoo, ang Espiritu, ang
tubig at ang dugo, at ang tatlo ay nagkakaisa.] At sa New
World Translation of the Holy Scriptures, na ginagamit
ng mga Saksi ni Jehovah, ito ang mata-tagpuan mo: “For
there are three witness bearers, the spirit and the water
and the blood, and the three are in agreement.”
[Sapagka’t may tatlong saksi, ang espiritu at ang tubig at
ang dugo, at ang tatlo ay nagkakaisa.] Nauunawaan ko
kung hindi mo nalalamang ang mahalagang bahaging ito
ay inalis na, subalit ang ipinagtataka ko ay kung bakit
maraming mga ministro at mga mangangaral ang hindi
nakaaalam nito.
Ang Trinidad ay hindi batay sa Bibliya. Ang salita
ngang Trinidad ay wala sa Bibliya o sa alinmang mga
Diksiyunaryo ng Bibliya, hindi kailanman itinuro ni
Jesus, at hindi kailanaman niya nabanggit. Walang kahit
ano mang batayan o patunay sa Bibliya upang matanggap
ang paniniwala sa Trinidad.
Ang Talakayan ng Muslim at Kristiyano
46 K. Subalit sa Mateo 28:19 ay makikita pa rin natin na
sinabing: “…na sila’y inyong bautismuhan sa pangalan
ng Ama at ng Anak at ng Espiritu Santo.” Ang bahaging
ito ay hindi pa inalis; hindi kaya ito ay isang patunay sa
Trinidad?
M. Hindi. Kung binanggit mong ang tatlong tao ay
nakaupo o sama-samang kumakain, nangangahulugan
bang sila ay binubuo ng isang persona? Hindi. Ang
pagbalangkas ni Athanasius, na isang Diyakono na taga-
Egipto buhat sa Alexandria, ng Trinidad ay tinanggap ng
Konseho ng Nicea noong 325 A.D. o mga tatlong siglo na
matapos lumisan si Jesus. Walang pag-aalinlangang ang
paganismong Romano ay may impluwensiya sa
doktrinang ito: ang paniniwala sa diyos na triune (diyos
na tatlo sa isa); ang Sabbath ay inilipat sa Linggo; ang
Disyembre 25 na kaarawan ng kanilang diyos-araw na si
Mithra ay ipinakilalang kaarawan ni Jesus, bagamat
maliwanag na hinulaan ng Bibliya at ipinagbawal ang
pagpapalamuti ng Christmas Tree sa Jeremias 10:2-5:
“Ganito ang sabi ng Panginoon, Huwag kayong matuto
ng lakad ng mga bansa, at huwag kayong
manganglupaypay sa mga tanda ng langit; sapagka’t ang
mga bansa ay nanganglulupaypay sa mga yaon.
Sapagka’t ang mga kaugalian ng mga bayan ay walang
kabuluhan: sapagka’t may pumuputol ng punongkahoy sa
gubat, na siyang gawa ng mga kamay ng manggagawa sa
pamamagitan ng palakol. Kanilang ginayakan ng pilak at
Ang Talakayan ng Muslim at Kristiyano
47 ng ginto; kanilang ikinakapit ng mga pako at mga
pamukpok, upang huwag makilos. Sila’y gaya ng puno ng
palma, na binilog, at hindi nagsasalita: kinakailangang
pasanin sapagka’t hindi makalakad. Huwag ninyong
katakutan ang mga yaon, sapagka’t hindi makagagawa ng
kasamaan, ni wala ring magagawang mabuti.”
Dahil sa lumihis na ang Kristiyanismo nang malayo
mula sa tunay na mga katuruan ni Jesus kaya naman
isinugo ni Allah, bilang bahagi ng Kanyang orihinal na
plano, ang Kanyang huling Propeta na si Muhammad
(SKP) bilang tagapagpanauli upang panumbalikin ang
lahat ng pagbabago na ito: ang kalendaryong Romano ay
ginawang kalendaryong Kristiyano; hindi ipinagbawal
ang pagkain ng baboy; ang pagtutuli ay inalis ni Pablo
(Galacia 5:2): “Narito, akong si Pablo ang nagsasabi sa
inyo, na, kung inyong tinatanggap ang pagtutuli, ay wala
kayong mapapakinabang na anoman kay Cristo.”
Ang Banal na Qur’an ay nagbabala sa Súrah 5:73:
“Talagang tumanggi nang sumampalataya ang mga
nagsabi: “Tunay na si Allah ay ikatlo sa tatlo.” At
wala nang Diyos bukod pa sa isang Diyos. At kung
hindi sila magsisitigil sa sinasabi nila, talagang
dadapuan nga ang mga tumangging sumampalataya
buhat sa kanila ng isang masakit na pagdurusa.”
Naniniwala ka pa rin ba sa Trinidad na hindi itinuro
kailanman ni Jesus?
Ang Talakayan ng Muslim at Kristiyano
48 K. Ngunit ang Diyos at si Jesus ay iisa (Juan 14:11):
“Magsisampalataya kayo sa akin na ako’y nasa Ama at
ang Ama ay nasa akin …”
M. Basahin mo kung gayon ang Juan 17:21.
K. “Upang silang lahat ay maging isa; na gaya mo, Ama,
sa akin, at ako’y sa iyo, na sila nama’y suma atin …”
M. Maliwanag dito na ang Diyos at si Jesus ay iisa,
ngunit ang mga disipulo ay iisa rin kay Jesus at sa Diyos.
Kung si Jesus ay Diyos dahil siya ay nasa Diyos, bakit ang
mga disipulo kung gayon ay hindi Diyos, yamang silang
lahat ay tulad ni Jesus na nasa Diyos din? Kung ang
Diyos, si Jesus, at ang Espiritu Santo ay iisa sa Trinidad,
samakatuwid kasama ng mga disipulo sila ay magiging
isang Diyos na may labinlimang bahagi.
K. Ngunit si Jesus ay Diyos ayon sa Juan 14:9: “…ang
nakakita sa akin ay nakakita sa Ama…”
M. Isaalang-alang mo ang buong nilalaman ngayon—
kung ano ang naunang bahagi at ang sumunod na bahagi
sa (Juan 14:8): “Sinabi sa kaniya ni Felipe, Panginoon,
ipakita mo sa amin ang Ama, at sukat na ito sa amin.
Sinabi sa kaniya ni Jesus, Malaon nang panahong ako’y
inyong kasama, at ako’y hindi mo nakikilala, Felipe? ang
nakakita sa akin ay nakakita sa Ama; paanong sinasabi
mo, Ipakita mo sa amin ang Ama?”
Kaya sa wakas tinanong ni Jesus si Felipe kung
papaanong ipakikita ang anyo ng Diyos sa mga disipulo,
Ang Talakayan ng Muslim at Kristiyano
49 na hindi posible. Dapat kang maniwala sa Diyos sa
pamamagitan ng paghanga sa Kanyang mga nilikha: ang
araw, ang buwan, ang lahat ng mga nilikha, at si Jesus
mismo na nilikha rin ng Diyos. Siya ay nagsabi sa (Juan
4:24): “Ang Diyos ay Espiritu …” at sa (Juan 5:37): “…
Kailan ma’y hindi ninyo narinig ang kanyang tinig, ni
hindi man ninyo nakita ang kaniyang anyo.” Papaano
mong makikita ang espiritu kung gayon? Ang kanilang
nakita ay si Jesus at hindi ang Diyos. Si Pablo ay nagsabi
rin sa (I Timoteo 6:16): “… na di nakita ng sinomang
tao, o makikita man …” Kaya kung ano man ang
makikita mo ay hindi kailanman Diyos.
Nagsabi ang aming Banal na Qur’an sa Súrah 6:103:
“Hindi Siya naaabot ng mga paningin, samantalang
naaabot Niya ang mga paningin. At Siya ang Mabait,
ang Nakababatid.”
K. Tapatan lamang, mahirap itakwil ang naituro sa amin
simula sa pagkabata.
M. Marahil ang susunod na mga katanungan ay
magbibigay sa iyo ng isang mainam na pagkaunawa sa
Trinidad: Ano ang Banal na Espiritu?
K. Ang Banal na Espiritu ay ang Espiritu Santo, na
Diyos din. Itinuro sa amin, ang Ama, ang Anak, at ang
Espiritu Santo ay Diyos. Hindi kami pinapayagang
magsabing may tatlong Diyos, kundi Isang Diyos.
M. Basahin mo ang Mateo 1:18.
Ang Talakayan ng Muslim at Kristiyano
50 K. “Ang pagkapanganak nga kay Jesucristo ay ganito:
Nang si Maria na kaniyang ina ay mag-aasawa kay Jose,
bago sila magsama ay nasumpungang siya’y
nagdadalang-tao sa pamamagitan ng Espiritu Santo.”
M. Ihambing mo ngayon sa Lucas 1:26-27.
K. “Nang ikaanim na buwan nga’y sinugo ng Dios ang
anghel Gabriel sa isang bayan ng Galilea, ngala’y
Nazaret, sa isang dalagang mag-aasawa sa isang lalake,
na ang kaniyang ngala’y Jose, sa angkan ni David; at
Maria ang pangalan ng dalaga.”
M. Samakatuwid sa mahimalang pagsilang ni Jesus,
binanggit ni Mateo ang Banal na Espiritu at binanggit
naman ni Lucas si Anghel Gabriel, Ano kung gayon ang
Banal na Espiritu?
K. Ang Banal na Espiritu kung gayon ay si Anghel
Gabriel.
M. Naniniwala ka pa rin ba ngayon sa Trinidad?
K. Kung gayon ang Diyos ay Diyos, ang Banal na
Espiritu o ang Espiritu Santo ay si Anghel Gabriel, at si
Jesus ay …
M. Hayaan mong tulungan kita: Si Jesus ay isang Propeta,
na anak ni Maria.
K. Papaano mong malulutas ang tinatawag naming
misteryo?
Ang Talakayan ng Muslim at Kristiyano
51 M. Ginagamit namin ang Banal na Qur’an bilang
pamantayan sa pagwawasto sa mga pagbabagong ginawa
ng tao sa naunang ipinahayag na mga kasulatan. Kung
makapapaniwala ka ngayon sa Isang Diyos, at kay Jesus
na anak ni Maria bilang isang Propeta, bakit hindi ka pa
magpatuloy ng isa pang hakbang at tanggapin si
Muhammad (SKP) bilang Huling Propeta? Sabayan mo
ako sa pagbigkas ng Shahádah o Pagsasaksi, una sa
Ingles, at pagkatapos ay sa Arabe.
K. Sumasaksi ako na walang Diyos kundi si Allah,
tanging Siya lamang, wala Siyang Katambal; at
sumasaksi rin ako na si Muhammad ay Kanyang Lingkod
at Kanyang Sugo. Ash’hadu an lá iláha illalláhu
wahdahu lá sharíka lahu, wa ash’hadu anna
Muhammadan ‘abduhu wa rasúluhu.
Ngunit papaano na ang aking mga ninuno? Nais ko
sanang manatiling kasama nila; silang lahat ay mga
Kristiyano.
M. Iniwan ni Propeta Abraham ang kanyang mga
magulang at mga ninuno nang ang katotohanan, ang
Islam, ay ipinahayag sa kanya. Ang bawat isa ay
mananagot para sa sarili niya. Marahil ang katotohanan
ay hindi nakarating sa iyong mga ninuno nang
kasingliwanag ng pagdating nito sa iyo ngayon. Ang
Banal na Qur’an ay nagsasabi sa Súrah 17:15: “Ang
sinumang napatnubayan ay napatnubayan lamang
para sa kapakanan ng kanyang sarili; at ang
Ang Talakayan ng Muslim at Kristiyano
52 sinumang naligaw ay naligaw lamang para sa
ikapapahamak niya. Hindi papasanin ng isang
kaluluwa ang pasanin ng iba. At Kami ay hindi
magpaparusa hanggang hindi Kami nagpadala ng
isang sugo.”
K. Hindi ba posibleng kapwa tanggapin ang Islam at ang
Kristiyanismo?
M. Walang pilitan sa relihiyon. Magagawa mo ang
anumang nais mo. Ngunit kung ang dalawang
pananampalataya ay iyong pagsasamahin, hindi ka pa
sumusuko kay Allah. Isa ka pa ring di-mananampalataya,
gaya nga ng ipinahayag Niya sa Súrah 4:150-152:
“Tunay na ang mga tumatangging sumampalataya
kay Allah at sa Kanyang mga sugo, nagnanais na
magtangi sa pagitan ng pananamplataya kay Allah at
ng pananampalataya sa Kanyang mga sugo, at
nagsasabi: “Sumasampalataya kami sa ilan at
tumatanggi kaming sumampalataya sa iba pa,” at
nagnanais na gumawa ng daan sa pagitan niyon, ang
mga iyon sa totoo ang mga Tumatangging
sumampalataya. At naglaan na Kami para sa mga
Tumatangging sumampalataya ng nakahihiyang
pagdurusa. At ang mga sumampalataya kay Allah at
sa Kanyang mga sugo at hindi nagnais na magtangi sa
isa man sa kanila, ang mga iyon ay bibigyan Niya ng
kanilang mga gantimpala. At si Allah ay laging
Mapagpatawad, Maawain.”
Ang Talakayan ng Muslim at Kristiyano
53 Maaaring sumang-ayon ka sa akin bandang huli kung
magtata-lakayan pa tayo.
K. Hindi kaya higit na mabuting huwag munang gumawa
nang anumang Pagsasaksi o Shahádah upang wala tayong
pananagutan?
M. Sa sandaling sinapit mo na ang tamang gulang at ikaw
ay may ganap nang pag-iisip, mayroon ka nang
pananagutan magsagawa ka man ng Shahádah o hindi.
Nilikha ni Allah ang mundong ito nang may saysay.
Binigyan ka Niya ng mga sangkap upang malaman ang
pagkakaiba ng tama sa mali. Nagsugo Siya ng maraming
Propeta bilang tagapagbabala. Nilikha Niya tayo upang
sambahin Siya at nang harinawa’y magtagisan ang bawat
isa sa atin sa paggawa ng mga kabutihan sa mundong ito.
Súrah 3:191: “Panginoon namin, hindi Mo po nilikha
ito nang walang saysay, kaluwalhatian sa Iyo; …”
Súrah 90:8-10: “Hindi ba’t gumawa Kami para sa
kanya ng dalawang mata, at dila at dalawang labi? At
nilinaw Namin sa kanya ang dalawang landas [ng
kabutihan at kasamaan]?”
Surah 51:56: “At hindi Ko nilikha ang jinni at ang
tao kung hindi upang sambahin nila Ako.” Ang bawat
gawain para sa ikalulugod ni Allah ay pagsamba.
Surah 18:7: “Tunay na Aming ginawa ang
anumang nasa mundo bilang palamuti nito, upang
subukin Namin sila kung alin sa kanila ang higit na
magaling sa gawa.”
Ang Talakayan ng Muslim at Kristiyano
54 Ang Doktrina ng Pagka-Diyos
ni Jesucristo
M. Si Jesus ba ay Diyos?
K. Oo. Ayon sa Evangelio ni Juan (1:1): “Nang pasimula
siya ang Verbo, at ang Verbo ay sumasa Dios, at ang
Verbo ay Dios.”
M. Napagkasunduan na natin na ang isang Banal na
Kasulatan ay hindi dapat maglaman ng mga
pagsasalungatan. Kung may dalawang talatang
nagsasalungatan, iisa lamang kung gayon ang maaaring
maging tama; hindi kailanman maaaring magiging kapwa
tama o maaari pang kapwa mali.
Si Jesus kung gayon ay Diyos ayon sa Juan 1:1. Kung
gayon mayroong ilang Diyos? Dalawa ang
pinakamababa? Kung gayon ito ay salungat sa maraming
talata ng Bibliya: (Deuteronomio 4:39): “… na ang
Panginoon ay siyang Dios sa itaas sa langit at sa ibaba sa
lupa; wala nang iba pa.”; (Deuteronomio 6:4): “Dinggin
mo, Oh Israel: ang Panginoon nating Diyos ay isang
Panginoon”; (Isaias 43:10-11): “...upang inyong maalaman
at magsisampalataya kayo sa akin, at inyong matalastas na
ako nga; walang ibang Diyos na inanyuan na una sa akin,
o magkakaroon man pagkatapos ko. Ako, samakatuwid
baga’y ako, ang Panginoon; at liban sa akin ay walang
tagapagligtas.”; (Isaias 44:6): “Ganito ang sabi ng
Ang Talakayan ng Muslim at Kristiyano
55 Panginoon … Ako ang una, at ako ang huli; at liban sa
akin ay walang Dios.”; (Isaias 45:18): “Sapagka’t ganito
ang sabi ng Panginoon na lumikha ng langit, na siyang
Diyos na nag-anyo sa lupa at gumawa niyaon, na
kaniyang itinatag, at hindi niya nilikha na sira, na
kaniyang inanyuan upang tahanan: ako ang Panginoon; at
wala nang iba.”
Mula sa Isaias 45:18 lamang ay mahihinuha na natin
na ang Diyos lamang ang Tagapaglikha at wala nang iba
pa, na kahit si Jesus ay hindi nakilahok sa paglikha.
Tingnan mo pa ang Deuteronomio 4:35; Exodo 8:10;
II Samuel 7:22; I Mga Hari 8:23; I Mga Cronica 17:20;
Mga Awit 86:8, 89:6, at 113:5; Oseas 13:4; Zacarias
14:9.
K. Ngunit ang lahat ng mga ito ay nasa Matandang
Tipan. Matatagpuan mo ba ito sa Bagong Tipan?
M. Tiyak. Basahin mo sa Marcos 12:29 kung ano ang
sinabi ni Jesus mismo: “Sumagot si Jesus, Ang pangulo
ay, Pakinggan mo, Oh Israel; ang Panginoon nating
Diyos, ang Panginoon ay iisa.”
(I Mga Taga Corinto 8:4): “… nalalaman natin na ang
diosdiosan ay walang kabuluhan sa sanglibutan, at
walang Dios liban sa iisa.” (I Timoteo 2:5): “Sapagka’t
may isang Dios at may isang Tagapamagitan sa Dios at
sa mga tao, ang taong si Cristo Jesus.” Pansinin mo ang
pangungusap “ang taong si Cristo Jesus.” Ngayon,
Ang Talakayan ng Muslim at Kristiyano
56 maaari mong sabihin na ang Juan 1:1 ay tama at ang
lahat ng ibang talatang ito ay mali, o ang kabaligtaran.
K. Mahirap husgahan!
M. Tingnan natin ito mula sa pananaw ng Qur’an, at ito
ay umaayon sa mga sinabi ni Jesus mismo sa Bibliya. Si
Jesus ay nabanggit nang ilang ulit sa Qur’an bilang isang
Salita mula kay Allah. Sa Súrah 3:39: “At tinawag siya
(Zacarias) ng mga anghel, habang siya ay
nananalanging nakatayo sa isang silid-dasalan at
sinabi: “Si Allah ay nagpaparating sa iyo ng
nakalulugod na balita ng pagsilang ni Juan na
maniniwala sa isang salita mula kay Allah. Siya ay
magiging maginoo, walang hilig sa babae, at isang
propeta na kabilang sa mga matutuwid.”
Sa ganoon ding Súrah 3, nabanggit naman sa talata
45: “Banggitin noong magsabi ang mga anghel: “O
Maria, tunay na si Allah ay naghahatid sa iyo ng
nakalulugod na balita ng pagsisilang mo ng isang
salitang mula sa Kanya, na ang magiging pangalan
niyon ay ang Kristo Jesus na anak ni Maria;
pinarangalan sa mundo at sa Kabilang-buhay, at
kabilang sa mga ginawang malapit kay Allah.” Sa
kapwa mga talata ng Banal na Qur’an, si Jesus ay
tinatawag na isang Salita mula kay Allah na ang ibig
sabihin ay salitang nanggaling kay Allah o kay Allah, na
katugon naman sa nasasaad sa I Mga Taga Corinto 3:23:
Ang Talakayan ng Muslim at Kristiyano
57 “At kayo’y kay Cristo; at si Cristo ay sa Dios.” Ang Juan
1:1 ay dapat na naisulat nang ganito: “… at ang Salita ay
sa Dios.” Ang pagkakamaling ito ay maaaring sa
pagsasalin sa Griego mula sa Aramaic, na maaaring
sinadya o hindi sinasadya. Sa salitang Griego ang Theos
ay Diyos, ngunit ang Theou ay nangangahulugang sa
Diyos. (Sumangguni sa Diksyunaryo ng Wikang Griego,
o sa Bibliyang Griego, o sa aklat na pinamagatang
Muhammad in the Bible ni Propesor Abdul-Ahad Dawud,
ang dating Obispo ng Uramiah, sa Pahina 16.) Isang
pagkakaiba sa iisang titik lamang ngunit malaking mga
kinahinatnan.
K. Bakit tinatawag si Jesus na Salita ng Diyos sa Bibliya
at sa Qur’an?
M. Ang paglikha kay Jesus sa sinapupunan ni Maria ay
hindi sa pamamagitan ng punlay, sa pamamagitan lamang
ng isang salita ni Allah na: “Mangyari” tulad ng
nabanggit sa mismong Súrah 3:47: “Nagsabi siya:
“Panginoon ko! Papaano po akong magkakaroon ng
anak samantalang hindi naman ako nasaling ng isang
lalaki?” Nagsabi ito: “Ganyan si Allah, linilikha Niya
ang anumang niloloob Niya; kapag nagpasya Siya na
lumikha ng isang bagay ay magsasabi lamang Siya
rito: ‘Mangyari,’ at mangyayari.” ”
K. Si Jesus ay Diyos sapagkat siya ay puspos ng Espiritu
Santo.
Ang Talakayan ng Muslim at Kristiyano
58 M. Bakit hindi mo ituring na Diyos ang ibang mga tao na
puspos din ng Espiritu Santo? (Mga Gawa 11:24):
“Sapagka’t siya’y (Bernabe) lalaking mabuti, at puspos
ng Espiritu Santo at ng pana-nampalataya: at maraming
tao ang nangaparagdag sa Panginoon.” (Mga Gawa
5:32): “At kami’y mga saksi ng mga bagay na ito; at
gayon din ang Espiritu Santo, na siyang ibinigay ng Dios
sa nagsi-sitalima sa kanya.”
Tingnan mo pa ang Mga Gawa 6:5; II Pedro 1:21; II
Timoteo 1:14; I Mga Taga Corinto 2:16; Lucas 1:41.
K. Ngunit si Jesus ay puspos ng Espiritu Santo habang
siya ay nasa sinapupunan pa ng kanyang ina.
M. Katulad din kay Juan Bautista (Lucas 1:13-15):
“Datapuwa’t sinabi sa kaniya ng anghel, Huwag kang
matakot Zacarias: sapagka’t dininig ang daing mo, at ang
asawa mong si Elisabet ay manganga-nak sa iyo ng isang
anak na lalake, at tatawagin mong Juan ang kaniyang
pangalan. At magkakaroon ka ng ligaya at galak; at
marami ang maliligaya sa pagkapanganak sa kaniya.
Sapagka’t siya’y magiging dakila sa paningin ng
Panginoon, at siya’y hindi iinom ng alak ni matapang na
inumin; at siya’y mapupuspos ng Espiritu Santo, mula pa
sa tiyan ng kaniyang ina.”
K. Ngunit si Jesus ay nakagagawa ng mga himala.
Pinakain niya ang limang libong tao ng limang pirasong
tinapay at dalawang isda lamang.
Ang Talakayan ng Muslim at Kristiyano
59 M. Katulad din ng ginawa nina Eliseo at Elias. Pinakain
ni Eliseo ang isang daang tao ng dalawampung pirasong
tinapay at ilang puso ng mais (II Mga Hari 4:44): “Sa
gayo’y inilapag niya sa harap nila, at sila’y nagsikain, at
nagsipagtira niyaon, ayon sa salita ng Panginoon.”
Pinuno ni Eliseo ang mga sisidlan ng langis ng babaeng
balo at sinabihan ito (II Mga Hari 4:7): “… ikaw ay
yumaon, ipagbili mo ang langis, at bayaran mo ang iyong
utang, at mabuhay ka at ang iyong mga anak sa nalabi.”
Tingnan mo rin ang I Mga Hari 17:16: “At ang gusi ng
harina ay hindi nakulangan, o ang banga ng langis man
ay nabawasan, ayon sa salita ng Panginoon, na kaniyang
sinalita sa pamamagitan ni Elias.” Ganoon din ang I Mga
Hari 17:6: “At dinalahan siya ng tinapay at laman ng mga
uwak sa umaga, at tinapay at laman sa hapon, at siya’y
umiinom sa batis.”
K. Ngunit si Jesus ay nakapagpapagaling ng ketong.
M. Ganoon din si Eliseo, sinabihan niya si Naaman na
isang ketongin na maligo sa ilog ng Jordan (II Mga Hari
5:14): “Nang magkagayo’y lumusong siya (Naaman) at
sumugbong makapito sa Jordan, ayon sa sabi ng lalake
(Eliseo) ng Dios: at ang kaniyang laman ay nagsauling
gaya ng laman ng isang munting bata, at siya’y naging
malinis.”
K. Ngunit nagawa ni Jesus na bigyan ng paningin ang
isang bulag.
Ang Talakayan ng Muslim at Kristiyano
60 M. At nagawa rin naman ni Eliseo (II Mga Hari 6:17): “At
si Eliseo ay nanalangin, at nagsabi, Idinadalangin ko sa
iyo, Panginoon, na idilat ang kaniyang mga mata, upang
siya’y makakita. At idinilat ng Panginoon ang mga mata
ng binata; at siya’y nakakita …” (II Mga Hari 6:20): “At
nangyari, nang sila’y magsidating sa Samaria, na sinabi ni
Eliseo, Panginoon, idilat mo ang mga mata ng mga
lalaking ito, upang sila’y makakita. At idinilat ng
Panginoon ang kanilang mga mata, at sila’y nangakakita;
at, narito, nangasa gitna ng Samaria.”
K. Si Jesus ay nakabubuhay ng patay.
M. Ihambing mo sa ginawa ni Elias (I Mga Hari 17:22):
“At dininig ng Panginoon ang tinig ni Elias; at ang
kaluluwa ng bata ay bumalik sa kaniya, at siya’y muling
nabuhay.” Ganoon din sa ginawa ni Eliseo (II Mga Hari
4:34): “At siya’y (Eliseo) sumampa, at dumapa sa ibabaw
ng bata, at idinikit ang kaniyang bibig sa bibig niya, at
ang kaniyang mga mata sa mga mata niya, at ang
kaniyang mga kamay sa kamay niya: at siya’y dumapa sa
kaniya; at ang laman ng bata ay uminit.”
Pati na ang mga patay na buto ni Eliseo ay
nakapagpabuhay ng patay sa pamamagitan ng pagkakasagi
lamang (II Mga Hari 13:21): “At nangyari, samantalang
kanilang inililibing ang isang lalaki, na, narito, kanilang
natanaw ang isang pulutong; at kanilang inihagis ang
lalake sa libingan ni Eliseo: at pagkasagi ng tao ng mga
Ang Talakayan ng Muslim at Kristiyano
61 buto ni Eliseo, siya’y nabuhay uli, at tumayo sa kaniyang
mga paa.”
K. Ngunit si Jesus ay lumakad sa ibabaw ng dagat.
M. Inunat ni Moises ang kanyang kamay sa dagat (Exodo
14:22): “At ang mga anak ni Israel ay pumasok sa gitna
ng dagat sa ibabaw ng tuyong lupa: at ang tubig ay
naging isang kuta sa kanila, sa kanilang kanan at sa
kanilang kaliwa.”
K. Ngunit si Jesus ay nakapagpapalayas ng demonyo.
M. Inamin ni Jesus mismo na magagawa ito ng ibang tao
(Mateo 12:27 at Lucas 11:19): “At kung sa pamamagitan
ni Beelzebul ay nagpapalabas ako ng demonio, ang
inyong mga anak sa kaninong pamamagitan sila’y
pinalalabas? kaya nga sila ang inyong magiging mga
hukom.”
Ang mga disipulo rin ay nakapagpapalayas ng
demonyo gaya ng sinabi ni Jesus (Mateo 7:22): “Marami
ang magsasabi sa akin sa araw na yaon, Panginoon,
Panginoon, hindi baga nagsipanghula kami sa iyong
pangalan, at sa pangalan mo’y nangagpalayas kami ng
mga demonio, at sa pangalan mo’y nagsigawa kami ng
maraming gawang makapangyarihan?” Pati ang mga
bulaang propeta ay makagagawa ng mga kababalaghan,
gaya ng hinula ni Jesus mismo (Mateo 24:24):
“Sapagka’t may magsisilitaw na mga bulaang Cristo, at
mga bulaang propeta, at mangagpapakita ng mga dakilang
Ang Talakayan ng Muslim at Kristiyano
62 tanda at mga kababalaghan; ano pa’t, ililigaw kung maaari,
pati ang mga hirang.”
K. Ngunit sina Elias at Eliseo ay nakagawa ng mga
kababalaghan sa pamamagitan ng panalangin sa
Panginoon.
M. At nagawa rin ni Jesus ang mga himala sa tulong ng
Diyos, gaya ng sinabi niya mismo (Juan 5:30): “Hindi
ako makagagawa ng anoman sa aking sarili …” at (Lucas
11:20): “Nguni’t kung sa pamamagitan ng daliri ng Dios
ay nagpapalabas ako ng mga demonio, dumating nga sa
inyo ang kaharian ng Diyos.”
Ang lahat ng himalang ginawa ni Jesus ay nagawa na
rin ng mga naunang Propeta, mga disipulo, at pati na ng
mga di-sumasampalataya. Sa kabilang dako, hindi
makagawa si Jesus ng makapangyarihang gawa kapag
mayroong kawalan ng pananampalataya (Marcos 6:5-6):
“At hindi siya nakagawa ng anomang makapangyarihang
gawa, liban sa ipinatong niya ang kaniyang mga kamay
sa ilang mga may-sakit, at pinagaling sila. At
nanggigilas siya sa kanilang di pananampalataya.”
K. Ngunit si Jesus ay nabuhay na mag-uli tatlong araw
matapos siyang mamatay.
M. Pag-uusapan natin mamaya ang hinggil sa pagkapako
sa kanya sa krus dahil mayroong napakaraming pagtatalo
hinggil dito. Sasabihin ko na lamang ngayon nang maiksi
na ito ay isang ebanghelyo ni Pablo na hindi nakakita
Ang Talakayan ng Muslim at Kristiyano
63 kailanman kay Jesus (II Timoteo 2:8): “Alalahanin mo si
Jesucristo na muling nabuhay sa mga patay, sa binhi ni
David, ayon sa aking evangelio.”
Ang ebanghelyo ng Pagkabuhay na mag-uli sa Marcos
16:9-20 ay inalis na rin sa maraming Bibliya. Kung hindi
inalis, nakasulat naman ito sa maliit na titik na nasa loob
ng mga panaklong at may kasamang komentaryo.
Tingnan mo ang Revised Standard Version, ang New
American Standard Bible, at ang New World Translation
of the Holy Scriptures ng mga Saksi ni Jehovah. Hayaan
mong tanungin kita ng isang tanong: nakapagsabi ba si
Jesus na siya ay Diyos o nagsabi siyang, “Heto ako, ang
inyong Diyos, at sambahin ninyo ako”?
K. Hindi, ngunit siya ay Diyos at tao.
M. Subalit sinabi ba niya iyan?
K. Hindi.
M. Ang katotohanan, hinulaan na niya na ang mga tao ay
sasamba sa kanya nang walang kabuluhan at maniniwala
sa mga doktrinang hindi gawa ng Diyos kundi ginawa ng
tao (Mateo 15:9): “Datapuwa’t walang kabuluhan ang
pagsamba nila sa akin, Na nagtuturo ng kanilang
pinakaaral ang mga utos ng tao.”
Ang lahat ng doktrina ng makabagong Kristiyanismo
ay gawa ng tao: ang Trinidad, ang Pagka-Diyos-Anak ni
Jesus, ang Pagka-Diyos ni Kristo, ang Pagmamana ng
kasalanan at Pagtutubos ng kasalanan. Mula sa mga
Ang Talakayan ng Muslim at Kristiyano
64 sinasabi ni Jesus na nakasulat sa Bagong Tipan ay
maliwanag na hindi siya kailanman nagpahayag na siya
ay Diyos o katulad ng Diyos: “at wala akong ginawa sa
aking sarili” (Juan 8:28); “ang Ama ay lalong dakila kay
sa akin” (Juan 14:28); “Ang Panginoon nating Dios, ang
Panginoon ay iisa.” (Marcos 12:29); “Dios ko, Dios ko,
bakit mo ako pinabayaan?” (Marcos 15:34); “Ama, sa
mga kamay mo ay ipinagtatagubilin ko ang aking
espiritu” (Lucas 23:46).
“Nguni’t tungkol sa araw o oras na yaon ay walang
nakakaalam, kahit ang mga anghel sa langit, kahit ang
Anak, kundi ang Ama” (Marcos 13:32). Si Jesus ay
tinawag na propeta, guro mula sa Diyos, Kanyang
Alagad, Mesias, at bandang huli ay itinaas sa pagiging
anak ng Diyos, at saka naging Diyos na mismo.
Gamitin natin ngayon ang ating pag-iisip: papaanong
maisisilang ng isang mortal ang Diyos na gaya ng ibang
mortal?
Si Jesus ay natutulog ngunit ang Diyos ay hindi
natutulog kailanman (Mga Awit 121:4): “Naririto, siyang
nag-iingat ng Israel. Hindi iidlip ni matutulog man.”
Kailangang ang Diyos ay makapangyarihan sa lahat
ngunit papaanong nagawa ng tao na duraan siya, na ipako
siya sa krus, tulad ng sinabi nila? Paanong naging Diyos
si Kristo kung sumamba siya sa Diyos katulad ng ibang
mortal (Lucas 5:16): “Datapuwa’t siya’y lumigpit sa mga
ilang na pook, at nananalangin.”
Ang Talakayan ng Muslim at Kristiyano
65 Si Jesus ay tinukso ni Satanas sa loob ng apatnapung
araw (Lucas 4:1-13) ngunit nagsabi sa Santiago 1:13: “…
sapagka’t ang Dios ay hindi matutukso sa masamang
bagay …” Papaanong naging Diyos si Jesus kung gayon?
Makapangangatwiran pa tayo nang marami.
K. Oo, kahit ako mismo ay hindi makaunawa nito ngunit
kailangang tanggapin namin ito nang pikit-mata.
M. Hindi kaya ito pagsalungat sa Bibliya mismo na
nagsasabing kailangang subukin mo muna ang lahat ng
bagay (I Mga Tesalonica 5:21): “Subukin ninyo ang lahat
ng mga bagay, ingatan ninyo ang mabuti.”
K. Talagang nakalilito.
M. Ngunit ang I Mga Taga Corinto 14:33 ay nagsasabi:
“Sapagka’t ang Dios ay hindi Dios ng kaguluhan, kundi
ng kapayapaan. Gaya sa lahat ng mga iglesia ng banal.”
Ang mga doktrinang ginawa ng tao ay lumilikha ng
kalituhan.
Ang Talakayan ng Muslim at Kristiyano
66 Ang Doktrina ng
Pagka-Diyos-Anak ni Jesus
M. Si Jesus ba ay anak ng Diyos?
K. Oo. Basahin mo ang Mateo 3:17, noong
binautismuhan ni Juan si Jesus: “At narito ang isang
tinig na mula sa mga langit, na nagsasabi, Ito ang
sinisinta kong Anak, na siya kong lubos na
kinalulugdan.”
M. Hindi mo dapat tanggapin ang salitang Anak sa literal
na kahulugan sapagkat maraming Propeta, at kahit tayong
mga tao, ang tinatawag din sa Bibliya na mga anak ng
Diyos. Basahin mo ang Exodo 4:22.
K. “At iyong (Moises) sasabihin kay Faraon, Ganito ang
sabi ng Panginoon, Ang Israel ay aking anak, aking
panganay.”
M. Heto si Jacob (Israel), ang Kanyang panganay na
anak. Basahin mo ngayon ang II Samuel 7:13-14 o ang I
Mga Taga Cronica 22:10.
K. “Kaniyang (Solomon) ipagtatayo ng bahay ang aking
pangalan, at aking itatatag ang luklukan ng kaniyang
kaharian magpakailan man. Ako’y magiging kaniyang
ama, at siya’y magiging aking anak …”
M. Magiging nakalilito kung babasahin mo ang Jeremias
31:9: “sapagkat ako’y pinakaama sa Israel, at ang
Ang Talakayan ng Muslim at Kristiyano
67 Ephraim ang aking panganay.” Sa Exodo 4:22 ngayon
lamang, si Israel ay tinawag din na anak na panganay.
Sino ngayon ang tunay na panganay? Si Israel ba o si
Ephraim? Ang mga pangkaraniwang tao ay maaari ring
maging mga anak ng Diyos; basahin mo ang
Deuteronomio 14:1.
K. “Kayo’y mga anak ng Panginoon ninyong Diyos …”
M. Ang mga pangkaraniwang tao ay matatawag din na
anak na panganay; basahin mo ang Roma 8:29.
K. “Sapagka’t yaong mga nang una pa’y kaniyang
nakilala, ay itinalaga naman niya na maging katulad ng
larawan ng kaniyang Anak, upang siya ang maging
panganay sa maraming magkakapatid.”
M. Kung ang lahat ay panganay, ano naman si Jesus kung
gayon?
K. Siya ang nag-iisang ipinanganak na Anak ng Diyos.
M. Matagal na panahon bago pa man ipinanganak si
Jesus, ang Diyos ay nagsabi na kay David (Mga Awit
2:7): “Aking sasaysayin ang tungkol sa pasiya: Sinabi ng
Panginoon sa akin, Ikaw ay aking anak; Sa araw na ito ay
ipinanganak kita.” Samakatuwid si David ay ipinanganak
na Anak din ng Diyos. Ang kahulugan ng Anak ng Diyos
ay hindi literal kundi metaporiko. Ito ay maaaring ang
sinumang minamahal ng Diyos. Sinabi rin ni Jesus na
Ang Talakayan ng Muslim at Kristiyano
68 ang Diyos ay hindi Ama niya lamang kundi Ama rin
ninyo. Basahin mo ang (Mateo 5:45,48).
K. “Upang kayo’y maging mga anak ng inyong Ama na
nasa langit”; at “Kayo nga’y mangagpakasakdal, na gaya
ng inyong Ama sa kalangitan na sakdal.”
M. Samakatuwid makikita mo sa maraming talata ng
Bibliya na ang taguring “Anak ng Diyos,” na
nagpapahiwatig ng pag-ibig at pagmamahal, at
pagkamalapit sa Diyos, ay hindi ipinatutungkol kay Jesus
lamang. Makakikita ka ng mga lalake at babaeng anak ng
Diyos (II Mga Taga Corinto 6:18): “At ako sa inyo’y
magiging ama, At sa akin kayo’y magiging mga anak na
lalake at babae, sabi ng Panginoong Makapangyarihan sa
lahat.” Dahil sa mga ito at sa iba pang mga talata sa
Bibliya, walang anumang dahilan kung bakit si Jesus ay
dapat ituring na Anak ng Diyos, sa literal man o sa
natatanging kahulugan.
K. Ngunit wala siyang ama; iyan ang dahilan kung bakit
siya ay anak ng Diyos.
M. Bakit mo itinuturing si Adan kung gayon na hindi
Anak ng Diyos. Siya ay walang ama at ina; at tinatawag
din na anak ng Diyos sa Lucas 3:38: “Seth na anak ni
Adan, na siyang anak ng Diyos.”4 Basahin mo ang
Hebreo 7:3.
4 Sinipi mula sa MAGANDANG BALITA para sa Ating Panahon (PBS)
Ang Talakayan ng Muslim at Kristiyano
69 K. “Na walang ama, walang ina, walang tanda ng lahi, at
walang pasimula ng mga araw ni katapusan ng buhay
man, datapuwa’t naging katulad ng Anak ng Dios, ay
nanatiling saserdote magpakailan man.”
M. Sino siya? Ang kasagutan ay nasa Hebreo 7:1:
“Sapagka’t itong si Melquisedec, hari ng Salem,
saserdote ng Kataastaasang Dios, na siyang sumalubong
kay Abraham …” Siya ay higit na natatangi kaysa kina
Jesus at Adan. Bakit hindi siya higit na itinuturing na
anak ng Diyos, o Diyos na mismo?
K. Ano ang tawag ninyo kay Jesus kung gayon?
M. Kaming mga Muslim ay tumatawag sa kanya na
Jesus, ang anak ni Maria.
K. Walang sinumang magkakaila nito.
M. Oo, ito ay payak at walang sinumang magkakaila
nito. Tinatawag ni Jesus ang kanyang sarili na anak ng
tao at tumanggi siyang tawaging anak ng Diyos. Basahin
mo ang Lucas 4:41.
K. “At nagsilabas din sa marami ang mga demonio na
nagsisisigaw, na nagsasabi, Ikaw ang Anak ng Dios. At
sinasaway sila, na di niya sila tinutulutang mangagsalita,
sapagka’t naalaman nilang siya ang Cristo.”
M. Si Jesus na siyang hinihintay na Mesias, na isang
Propeta, ay itinaas mula sa pagiging guro upang maging
Anak ng Diyos, Panginoon, at sa bandang huli ay naging
Ang Talakayan ng Muslim at Kristiyano
