Talakayan ng Muslim at Kristiyano
حوار بين مسلم ونصراني
Ang Talakayan ng Muslim at Kristiyano
3 PANIMULA
Sa Ngalan ni Allah, ang Napakamaawain, ang
Pinakamaawain
Nagpapasalamat ako kay Allah sa pagkabasa ko ng
manuskrito ng ANG TALAKAYAN NG KRISTIYANO AT
MUSLIM at sa pagkahi-ling sa akin na sumulat ng
panimula sa lubhang nakapagpapamulat na aklat na ito.
Ang sinumang interesado sa Comparative Religion ay
makatatagpo sa aklat na ito ng maraming sorpresang
hahamon sa minsang pinaniniwalaan ng marami na mga
tandisang katotohanan.
Ang akda na ito ni Dr. Hasan M. Baagil ay
nagpapakita ng kanyang maselan at napakaingat na
pagpupunyaging ilahad nang malinaw, maikli, at masusi
ang kanyang mga natuklasan. Bunga ng kanyang pagaaral
ng Kristiyanismo at Bibliya sa mahigit na apat na
taon, napag-alaman ni Dr. Baagil, na isang matapat na
Muslim, na hindi lamang nagkakaiba ang mga Kristiyano
sa kanilang mga pangunahing paniniwala (Trinidad,
Pagka-Diyos ni Jesuscristo, at iba pa), hindi rin nila
nalalaman na ang doktrina ng Simbahan ay sumasalungat
sa Bibliya sa napakaraming pagkakataon, at na ang
Bibliya mismo ay sumasalungat sa sarili nito! Ang
kanyang mga pakikipag-usap sa mga kleriko at madlang
Kristiyano sa panahong iyon ng pag-aaral ay
Ang Talakayan ng Muslim at Kristiyano
4 nakapagbunsod sa pagsulat ng ANG TALAKAYAN NG
KRISTIYANO AT MUSLM.
Ang mambabasa ay magugulat kung malalaman niya
na sa Bibliya si Jesus (SKP) ay hindi kailanman nagangkin
na siya ay Diyos; na si Jesus ay hindi namatay sa
krus; na ang mga himalang ginawa ni Jesus ay nagawa rin
ng maraming ibang propeta, at pati na ng mga dimananampalataya;
na hinulaan ni Jesus mismo ang
pagdating ni Propeta Muhammad (SKP). Ang lahat ng ito
at marami pang iba ay inisa-isang inilahad mula sa
maliwanag at maikling mga sipi ng Bibliya. Ang
katanungang tiyak na maitatanong matapos na
masaksihan ang ganoong malinaw na mga kasalungatan
ay: “Ang Bibliya ba ay Salita ng Diyos?” Ang pagsisikap
dito ni Dr. Baagil ay hindi naglalayon upang tuyain ang
mga Kristiyano at lalo namang hindi upang kutyain si
Jesus at ang kanyang mga katuruan. Ilayo ni Allah na
mangyari iyon! Ang layunin ay mali-wanag na upang
ipakita na ang bulaang mga bintang, ang mga
pagsisinungaling, at ang lantarang mga kasinungalingan
laban kay Allah at sa Kanyang mga Propeta ay mismong
mga panunuya at pangungutya at isang kasuklam-suklam
na bagay.
ANG TALAKAYAN NG KRISTIYANO AT MUSLM ay
nagbibigay-linaw rin sa pananaw ng Islam tungkol sa
mga bagay na ito, at nagpapakita kung papaanong
iwinasto ng Qur’an, na ipinahayag kay Propeta
Ang Talakayan ng Muslim at Kristiyano
5 Muhammad (SKP) 600 taon na ang nakalipas noong wala
na si Jesus (SKP), ang mga kamaliang nakapasok (nang
nalalaman o di nalalaman) sa mensaheng inihatid ni Jesus
(SKP). Ang aklat na ito ay maaaring maging isang
napakahalagang tulong sa kapwa mga Muslim at mga
Kristiyano, lalung-lalo na kung isasaalang-alang ang
pagnanais na magkaroon ng mga talakayan sa pagitan ng
dalawang pananampalataya. Kung ipahihintulot ni Allah
ang aklat na ito ay magiging isang mabisang kasangkapan
para sa ating mga Muslim sa ating pagsisikap na
anyayahan ang mga Kristiyano sa Islam. Ang mga
Kristiyano naman ay nararapat na maging lalo pang
mulat sa kung ano talaga ang sinasabi ng Bibliya at kung
ano nga talaga ang itinuro ni Jesus (SKP), bunga ng pagaaral
sa aklat na ito. Tunay na bilang isang Muslim, ang
inaasam-asam ay tanggapin nawa ng Di-Muslim ang
Katotohanan at sumaksi sa Kaisahan ni Allah at na si
Muhammad ay Kanyang Lingkod, Alagad, at Sugo.
Gantimpalaan nawa ni Allah si Doktor Baagil dahil sa
kanyang mga pagsisikap na pawiin ang kadiliman.
Nawa’y ang Kapayapaan ni Allah ay sumaating lahat.
MUHAMMAD A. NUBEE
Ang Talakayan ng Muslim at Kristiyano
6 PAALAALA MULA SA NAGSALIN SA
PILIPINO
Ang lahat ng talata ng Bibliya na sinipi sa aklat na ito
ay mula sa Ang Bibliya ng Philippine Bible Society
(PBS-1978), maliban sa mangilan-ngilang talatang sinipi
sa ibang version o salin ng Bibliya.
SKP Sumakanya ang Kapayapaan at ang
Pagpapala
SlaKP Sumakanila ang Kapayapaan at ang
Pagpapala
M. o m. Muslim
K. Kristiyano
Allah Ang pansariling pangalan ng Diyos
Pasasalamat
Ako ay isang Amerikano na pinalaki magmula sa
pagkabata sa Kristiyanong pananampalataya. Noong
hindi ko pa nasisimulan ang paghahanap ng aking
kaluluwa sa Diyos o kay Allah, aking ipinagwawalangbahala
ang maraming mahahalagang bagay.
Pagkatapos ng mga talakayan at pagbabasa at
pagbabasang muli ng manuskrito nitong ANG
TALAKAYAN NG KRISTIYANO AT MUSLM, nabalikAng
Talakayan ng Muslim at Kristiyano
7 balikan ko na ang mga sipi mula sa King James Version
ng Banal na Bibliya at sa Banal na Qur’an.
Nagpahayag ako sa wakas ng aking Shahádah
(Pagsasaksi) sa madla sa wikang Ingles sa halip na sa
Arabe: “Sumasaksi ako na walang Diyos kundi si Allah,
tanging Siya lamang, wala Siyang katambal; at
sumasaksi rin ako na si Muhammad ay Kanyang Lingkod
at Kanyang Sugo. Ash'hadu anlá Iláha illalláhu wahdahu
lá sharíka lahu wa ash’hadu anna Muhammadan
‘abduhu wa rasúluhu.
Sa pamamagitan ng pinakamahalaga at pinakapayak na
pagsasaksi na ito, naniniwala ako na maraming tao ang
susuko kay Allah sa espiritu at katotohanan.
Umaasa ako na ang maikli at madaling maunawang
aklat na ito ay mababasa sa buong mundo at aakit sa
marami na naghahanap ng tunay na pananampalataya na
makatatagpo rito ang kanilang mga isipan ng
katiwasayan at kasiyahan.
ROY EARL JOHNSON
Ang Talakayan ng Muslim at Kristiyano
8 Paalaala mula sa May-akda
Sa Ngalan ni Allah, ang Napakamaawain, ang
Pinakamaawain
Ang maliit na aklat na ito ay naisulat resulta ng
isinagawa kong mga pakikipagtalakayan sa mga
klerikong Kristiyano at gayon din sa madlang Kristiyano.
Ang talakayan ay magalang, kalugod-lugod, magiliw, at
nakapagbibigay-liwanag nang walang anumang bahagyang
layuning saktan ang relihiyosong damdamin ng
sinumang Kristiyano. Ito ay isang pamukaw at hamon sa
Kristiyanismo. Ito ay lubhang kailangan ng sinumang
naghahanap ng katotohanan at mga nag-aaral ng
Comparative Religion.
H. M. BAAGIL, M.D.
January, 1984
Ang Talakayan ng Muslim at Kristiyano
9 Ang Unang Paghaharap sa
Pagitan ng Kristiyano at Muslim
K. Bakit sa nakalipas na huling dekada ay nagkaroon ng
maraming talakayang isinagawa sa pagitan ng mga
Kristiyano at mga Muslim tungkol sa kanilang mga
paniniwala?
M. Sa aking palagay ay dahil mayroon tayong maraming
bagay na kapwa pinaniniwalaan. Kami ay naniniwala sa
Nag-iisang Lumikha na Siyang nagpadala sa maraming
Propeta, at kay Jesus bilang Mesias at Salita ng Diyos na
ikinakaila ng mga Hudyo.
Binanggit ng aming Banal na Qur’an sa Súrah 3:45:
“Banggitin nang magsabi ang mga anghel: O Maria,
tunay na si Allah ay naghahatid ng nakalulugod na
balita sa iyo ng pagsisilang ng isang salitang mula sa
Kanya, na ang magiging pangalan niyon ay ang Kristo
Jesus na anak ni Maria; pinarangalan sa mundo at sa
Kabilang-buhay, at kabilang sa mga ginawang
malapit kay Allah.”
May mga talakayang idinaos sa iba’t ibang dako ng
Europa, Canada, Amerika, at Australia. Kahit ang
Vaticano ay hindi nakaiwas. May mga naganap na mga
talakayan sa pagitan ng mga teologo ng Vaticano at mga
pantas na Muslim ng Egipto sa Roma noong 1970, at sa
Cairo noong 1974 at 1978. Gayundin sa pagitan ng mga
Ang Talakayan ng Muslim at Kristiyano
10 teologo ng Vaticano at mga pantas na Muslim ng Saudi
Arabia na ginanap sa Roma noong 1974. Maraming ulit
sa Colombo, huwag nang banggitin pa ang mga Muslim
na inanyayahan ng mga simbahan upang magpahayag ng
Islam.
K. Kung ang Kristiyanismo ay halos dalawang libong
taong gulang at ang Islam naman ay mahigit sa isanlibu’t
apat na raang taon, bakit ang mga talakayang ito ay hindi
idinaos noong nakaraang mga siglo?
M. Sa nakalipas na tatlo o apat na siglo, maraming mga
bansang Asyano at Aprikano na ang nakararaming mga
mamamayan ay mga Muslim ang sinakop ng Britania,
Pransia, Holandia, Belgium, Espanya at Portugal.
Maraming Kristiyanong misyonaryong kolonista ang
nagtangkang mang-akit ng maraming Muslim sa abot ng
makakaya nila sa anumang paraan, gaya ng pagbibigay sa
kanila ng panggagamot, mga damit, pagkain, mga trabaho
para sa mga mahihirap, ngunit kakaunti lamang ang mga
nahihikayat. Mayroong maliit na bahagi ng mga elite na
nahikayat sa Kristiyanismo dahil sa maling akala nila na
ang Kristiyanismo ang nagdala sa kanila sa sibilisasyon
at kaunlaran sa kaalaman. Mayroon silang isang maling
palagay dahil ang kaunlarang ito ay natamo matapos
maghiwalay ang Estado at Simbahan sa Europa.
Matapos ang Ikalawang Digmaang Pandaigdigan,
maraming Muslim mula sa Asyano at Aprikanong mga
bansa ang dumayo sa kanlurang bahagi ng mundo bilang
Ang Talakayan ng Muslim at Kristiyano
11 mga manggagawa at mga dalubhasa, na siyang naging
dahilan ng lalo pang pagkalapit nila sa mga Kristiyano.
Ang mga estudyante ay masigasig din sa pagpapahayag
ng Islam.
K. May nakikita ka bang iba pang mga dahilan kung
bakit nagdadaos ng maraming talakayan sa kasalukuyan
kahit na sa kani-kanilang mga misyon?
M. Sa palagay ko, ang puwang sa pagitan ng
magkabilang panig ay nagiging maliit na dahil sa ang
bawat isa ay higit nang mapagparaya, bagamat kapwa pa
rin sila nagpapaligsahan sa panghihikayat ng
karagdagang mga kaanib. Naaalaala ko pa rin ang guro
kong Kristiyano na nagsasabi noon na: “Si Muhammad,
ang impostor, ang mapangarapin, at ang may epelipsi.”
Makikita mo ngayon na kakaunti na ang mga manunulat
na naglalarawan sa Islam sa ganoong paraan.
Nadarama naming mga Muslim na higit kaming
malapit sa mga Kristiyano kaysa sa mga Hudyo at sa mga
walang pananampalataya dahil nagsabi ang Banal na
Qur’an sa Súrah 5:82: “Talaga ngang matatagpuan
mo na ang pinakamatindi sa mga tao sa pagkapoot sa
mga sumampalataya ay ang mga Hudyo at ang mga
nagtambal kay Allah. At talaga ngang matatagpuan
mo na ang pinakamalapit sa kanila sa pagmamahal sa
mga sumampalataya ay ang mga nagsabi: “Kami ay
mga Kristiyano.” Iyan ay sapagkat may kabilang sa
Ang Talakayan ng Muslim at Kristiyano
12 kanila na mga ministro at mga monghe, at sila ay
hindi nagmamalaki.” Nakagagawa ang ilang mga
denominasyong Kristiyano ng kamangha-manghang pagunlad
sa ngayon sa pamamagitan ng pagkilala, sa kaunaunahang
pagkakataon sa kasaysayan, na si Muhammad
(SKP) ay nagmula kay Ismael sa pamamagitan ng
kanyang ikalawang anak na si Kedar. Ang Davis
Dictionary of the Bible, 1980, na itinataguyod ng Board
of Christian Education of the Presbytarian Church sa
Amerika ay sumulat ng ganito hinggil sa katagang Kedar:
“… Isang liping nagmula kay Ismael (Gen. 25:13) …
Ang mga kalipi ni Kedar ay ang Cedrai na tinutukoy ni
Pliny at mula sa kanilang lipi sa wakas lumitaw si
Mohammed.” Sinipi ng The International Standard Bible
Encyclopedia ang mga sumusunod mula kay A.S. Fulton:
“…Sa mga lipi ng mga Ismaelita, si Kedar ay tiyak na isa
sa pinakamahalaga, at kaya noong bandang huli ang
pangalang ito ay ipinantutukoy sa lahat ng mailap na lipi
ng disyerto. At kay Kedar (Kaidar sa wikang Arabe)
tinutunton ng mga Muslim na bihasa sa pagtuklas ng
kaangkanan ang kaangkanan ni Mohammed mula kay
Ismael.”
Ang Smith Bible Dictionary ay hindi rin
magpapaiwan at naglathala ng sumusunod: “Kedar
(itim). Ang ikalawang anak ni Ismael (Genesis 25:13) …
Tinutunton ni Mohammed ang angkan niya kay Abraham
mula sa tanyag na liping Quraysh, na nagmula kay Kedar.
Ang Talakayan ng Muslim at Kristiyano
13 Ang mga Arabe ng Hijáz, na mga Ismaelita noong unang
panahon, ay tinatawag na Baní Harb (mga anak ng
digmaan), na mga Ismaelita noong unang panahon, mula
sa kanilang simula. Si Palgrave ay nagsasabi na ang
kanilang wika ay kasingdalisay sa kasalukuyan nang
noong isinulat ang Qur’an (610 A.D.), na nananatiling dinagbabago
sa mahigit na 1200 taon; isang magandang
katunayan ng pagkapalagian ng mga Kaugaliang
Silanganin.
Ang pinakamalaking mahalagang bagay na dinala ng
mga Muslim na nandayuhan sa Kanluran ay hindi ang
lakas-tao nila kundi ang Islam na sa ngayon ay nag-uugat
doon. Maraming moske at Islamic Center ang naitatag at
marami ang nanumbalik sa Islam. Pinili ko ang salitang
“nanumbalik’ at hindi “nahikayat” dahil ang bawat isa ay
isinilang sa pagsuko kay Allah, na ang ibig sabihin ay
Islam. Ito ang kalikasan ng bawat batang isinilang. Ang
mga magulang o ang komunidad ay nagpapayakap sa
kanya sa Judaismo, Kristiyanismo, ibang mga
pananampalataya, o Ateismo.
Ito ay isang patunay rin na ang Islam ay hindi
ipinalaganap ng tabak kundi ng pagpapalaganap lamang
ng mga indibiduwal o ng mga pangkat ng mga Muslim.
Wala kaming espesyal na mga misyong inorganisa na
gaya ng sa mga misyong Kristiyano.
Ang populasyon ng mundo ay tumaas ng 136% mula
noong 1934 hanggang 1984. Nadagdagan ang
Ang Talakayan ng Muslim at Kristiyano
14 Kristiyanismo ng 47% at ang Islam ng 235%. Tingnan
ang The Plain Truth, February 1984, sa kanilang isyu ng
ika-50 Taong Anibersaryo, na sinipi mula sa World
Almanac and Book of Facts 1935 at sa Reader’s Digest
Almanac and Year Book 1983.
K. Kung ang lahat ng tatlong relihiyon, ang Judaismo,
ang Kristiyanismo, at ang Islam ay nagsasabing nagmula
sa Iisang Lumikha, bakit sila nagkakaiba?
M. Ang lahat ng propeta magmula kay Adan hanggang
kay Muhammad (SlaKP) ay isinugong may dalang
magkatulad na mensahe: ang lubusang pagsuko ng
sangkatauhan kay Allah. Ang pagsukong ito ay tinatawag
sa wikang Arabe na Islam; nangangahulugan din ang
Islam na Kapayapaan, kapayapaan sa pagitan ng
Lumikha at ng Kanyang mga nilikha. Hindi gaya ng
pangalang Judaismo at Kristiyanismo, ang pangalang
Islam ay ibinigay ni Allah, ang Lumikha mismo, gaya ng
nabanggit sa Qur’an, Súrah 5:3: “Sa araw na ito ay
Aking ginawang ganap para sa inyo ang inyong
Relihiyon, Aking nilubos sa inyo ang Aking
pagpapala, at Aking kinalugdan para sa inyo ang
Islam bilang relihiyon.” Ang katagang Judaismo o
Kristiyanismo ay hindi matatagpuan sa Bibliya, pati na sa
Diksyunaryo ng Bibliya. Walang Israelitang propeta na
bumanggit sa salitang Judaismo. Si Jesus ay hindi
kailanman nagsabi na itinatatag niya ang Kristiyanismo
Ang Talakayan ng Muslim at Kristiyano
15 sa mundo at hindi niya kailanman tinawag ang kanyang
sarili na Kristiyano. Ang salitang Kristiyano ay nabanggit
lamang nang tatlong ulit sa Bagong Tipan at unang
binanggit ng mga pagano at mga Hudyo sa Antioquia
noong mga 43 A.D., matagal nang panahong iniwan ni
Kristo (SKP) ang mundo. Basahin mo ang Mga Gawa:
11:26: “… at ang mga alagad ay pinasimulang tawaging
mga Cristiano sa Antioquia.”
Bandang huli ay binanggit ito ni Haring Agripa II kay
Pablo sa Mga Gawa 26:28: “At sinabi ni Agripa kay
Pablo, Sa kakaunting paghihikayat ay ibig mo akong
maging Cristiano.”
Samakatuwid ang pangalang Kristiyano ay unang
ibinigay ng mga kaaway sa halip ng mga kaibigan. At sa
wakas ay binanggit ni Pedro sa kanyang sulat sa 1 Pedro
4:16 upang aliwin ang mga tapat: “Nguni’t kung ang
isang tao ay magbata na gaya ng Cristiano, ay huwag
mahihiya. …”
Ang unang tinaguriang Muslim sa mundo ay hindi si
Muhammad (SKP) kundi si Abraham na lubusang
sumuko kay Allah. Subalit ang Islam ay isang
panuntunan ng buhay na ipinahayag din sa iba pang mga
propeta na nauna pa kay Abraham gaya nina Adan at Noe.
Samakatuwid, ang Islam ay panuntunan ng buhay para sa
buong sangkatauhan.
K. Papaanong naging Muslim si Abraham? Siya ay kilala
bilang isang Hudyo!
Ang Talakayan ng Muslim at Kristiyano
16 M. Isang Hudyo? Sino ang nagsabi sa iyo niyan?
K. Itinuro sa amin iyan; ito ay kailangang patotohanan
din ng Bibliya.
M. Maaari mo bang ipakita sa akin kung saan sa Bibliya
na sinabing siya ay isang Hudyo? Kung hindi mo kaagad
ito makita, hayaan mong tulungan kita. Basahin mo ang
Genesis 11:31.
K. “At ipinagsama ni Thare si Abram na kaniyang anak,
at si Lot na anak ni Haran, na anak ng kaniyang anak, at
si Sarai na kaniyang manugang, asawa ni Abram na
kaniyang anak; at samasamang nagsialis sa Ur ng mga
Caldeo upang magsipasok sa lupain ng Canaan; at
nagsidating sila sa Haran, at nagsitahan doon.”
K. Samakatuwid, si Abraham na isinilnng sa Ur ng mga
Caldeo ay hindi maaaring naging isang Hudyo. Una, dahil
ang Ur ng mga Caldeo ay nasa Mesopotamia, na bahagi
na ngayon ng Iraq. Kung gayon siya ay higit na Arabe
kaysa sa isang Hudyo. Ikalawa, ang pangalang Hudyo ay
dumating lamang noong lumitaw si Juda, na apo ni
Abraham, na anak ni Jacob (Tingnan ang tsart sa pahina
15.) Basahin mo pa ang Genesis 12:4-5.
K. “… at si Abram ay may pitong pu’t limang taon, nang
umalis sa Haran … at dumating sa lupain ng Canaan.”
M. Samakatuwid si Abraham ay nandayuhan sa Canaan
sa gulang na pitumpu’t limang taon at maliwanag na
Ang Talakayan ng Muslim at Kristiyano
17 binanggit ng Bibliya na siya ay isang dayuhan doon, ayon
sa Genesis 17:8: “At ibibigay ko sa iyo, at sa iyong binhi,
pagkamatay mo, ang lupaing iyong mga
pinaglakbayan,1 ang buong lupain ng Canaan, na pagaaring
walang hanggan at ako ang magiging Dios nila.”
Basahin mo ngayon ang Genesis 14:13.
K. “At dumating ang isang nakatanan, at ibinalita kay
Abram na Hebreo.”
M. Papaano mong matatawag si Abraham na isang
Hudyo kung ang Bibliya mismo ay tumatawag sa kanya
na Hebreo na ang ibig sabihin ay isang taong buhat sa
kabilang ibayo ng ilog Eufrates. Nangangahulugan din
itong kabilang kay Ebel, na isang inapo ni Shem. Basahin
mo ngayon ang Genesis 32:28 kung ano ang nangyari sa
pangalan ni Jacob matapos makipagbuno sa Anghel.
K. “At sinabi niya, Hindi na tatawaging Jacob ang iyong
pangalan, kundi Israel; sapagka’t ikaw ay
nakipagpunyagi sa Diyos at sa mga tao at ikaw ay
nanaig.”
M. Samakatuwid si Abraham ay isang Hebreo. Ang mga
inapo ni Jacob ay ang mga Israelita na binubuo ng
labindalawang lipi. Si Juda ay pinalayawan na “Judio”
kaya sa simula ang mga inapo lamang ni Juda ang
1 “the land wherein thou art a stranger.” sa King James Version.
Ang Talakayan ng Muslim at Kristiyano
18 tinawag na mga Hudyo. Upang malaman mo kung sino
talaga si Moises, basahin mo ang Exodo 6:16-20.
K. “At ito ang mga pangalan ng mga anak ni Levi ayon
sa kanilang lahi; si Gerson, at si Coath, at si Merari … At
ang mga anak ni Coath; si Amram … At nag-asawa si
Amram kay Jochebed na kapatid na babae ng kaniyang
ama, at ipinanganak nito sa kaniya si Aaron at si Moises
…”
M. Samakatuwid si Moises ay hindi isang Hudyo,
sapagkat hindi siya nagmula kay Juda, kundi isang
Levita. Si Moises ay ang mambabatas (Ang Torah ay
Batas) para sa mga inapo ni Israel.
K. Papaano mong maipaliliwanag ito?
M. Dahil ginagamit naming pamantayan ang Banal na
Qur’an. Maipaliliwanag mo ang Bibliya at maiwawasto
ang masamang palagay ng mga Hudyo at mga Kristiyano
sa pamamagitan ng mga talata ng Qur’an. Ito ang huling
Aklat na ipinahayag na hindi kailanman nabago o
nadagdagan. Ang mga nilalaman nito ay
ginagarantiyahan ni Allah sa Súrah 2:2: “Ang Aklat na
ito ay walang mapag-aalinlanganan, …” at ganoon din
sa Súrah 15:9: “Tunay na Kami, Kami ay nagpababa
ng Paalaala (Qur’an), at tunay na Kami ay talagang
mag-iingat nito.” Ang talatang ito ay isang hamon sa
sangkatauhan. Ito ay isang malinaw na katotohanan na sa
mahigit sa isanlibo’t apat na raang taong nakalipas, wala
Ang Talakayan ng Muslim at Kristiyano
19 ni isa mang salita sa Qur’an na ito ang nabago bagamat
ang mga di-mananampalataya ay nagtangka na sa abot ng
kanilang makakaya na baguhin ito, ngunit labis silang
nabigo sa kanilang mga pagpupunyagi. At tulad nga ng
nabanggit sa Qur’an: “Tunay na Kami ay talagang
mag-iingat nito,” sumpa man kay Allah, iningatan Niya
ito.
Sa kataliwasan, ang lahat ng iba pang banal na aklat
(Torah, Salmo, Ebanghelyo, at iba pa) ay nabago ng mga
pagdaragdag, mga pagbabawas o mga pagpapalit mula sa
tunay na anyo.
K. Ano ang sinasabi ng Qur’an tungkol kina Abraham at
Moises (SlaKP) na inyong mahuhulo (deduce) mula sa
Bibliya?
M. Sa Súrah 3:65: “O mga May Aklat, bakit kayo
nagtatalo tungkol kay Abraham, samantalang hindi
ibinaba ang Torah at ang Ebanghelyo kundi noong
wala na siya? At hindi ba kayo nakauunawa?” At sa
Súrah 3:67: “Si Abraham ay hindi isang Hudyo at
hindi isang Kristiyano, bagkus ay isang makakatotohanang
Muslim. hindi siya napabilang sa mga
Nagtatambal kay Allah.”
Sa Súrah 2:140: “O sinasabi ninyo: “Tunay na sina
Abraham, Ismael, Isaac, Jacob, at ang mga lipi ng
Israel ay mga Hudyo o mga Kristiyano?” Sabihin mo:
“Kayo ba ay higit na nakaaalam o si Allah?” At sino
Ang Talakayan ng Muslim at Kristiyano
20 pa ang higit na lumalabag sa katarungan kaysa sa
kanya na nagtatago ng patotoo na nasa kanya na
buhat kay Allah? At si Allah ay hindi pabaya sa mga
ginagawa ninyo.” ” Tiyak na hindi sila mga Hudyo o
mga Kristiyano yayamang ang pangalang Hudyo ay
dumating noong wala na si Juda at ang pangalang
Kristiyano ay dumating noong matagal nang wala na si
Jesus.
K. Kakaibang pakinggan ang pangalang Allah. Bakit
hindi mo sabihing God kung nagsasalita ka ng Ingles?
M. Oo, tunay ngang ang pangalang Allah ay kakaibang
pakinggan sa mga hindi Muslim ngunit ang pangalang ito
ay ginamit ng mga Propeta magmula kay Adan hanggang
kay Muhammad (SlaKP). Ito ay isang pagpapaikli ng
dalawang salitang Arabe na Al-Iláh na ang ibig sabihin ay
Ang Diyos. Kapag inalis ang titik na “I ” ay makikita mo
ang salitang Allah. Ayon sa kinalalagyan nito sa isang
pangungusap na Arabe, maaari itong mag-anyong Allaha
na malapit sa Eloha na pangalan ng Lumikha sa wikang
Hebreo. Ngunit ginagamit nang mali ng mga Hudyo ang
maramihang anyo nito na Elohim na ang
ipinapakahulugan ay higit sa isang Diyos. Ang salitang
Allaha ay malapit ang tunog sa Alaha na siyang pangalan
ng Diyos sa wikang Aramaic na ginagamit noon ni Jesus
(tingnan sa Encyclopedia Britannica, 1980 ang tungkol sa
Allah at Elohim). Kaya bagaman ang pangalang Allah ay
Ang Talakayan ng Muslim at Kristiyano
21 kakaiba sa mga hindi Muslim, ito ay hindi kakaiba sa
mga Propeta mula kay Adan hanggang kay Muhammad
(SlaKP) yayamang sa pangkalahatan sila ay nagpalaganap
ng iisang Islam na ang kahulugan ay lubusang pagtalima,
at ang salitang Allah ay tumutukoy sa pansariling
pangalan ng Tunay na Diyos. Ito ay walang maramihang
anyo at wala ring kasarian, kaya walang salitang ‘mga
Allah,’ o lalaki o babaeng Allah, hindi gaya ng salitang
Diyos na maaaring maging “mga Diyos” o “Diyos” o
“Diyosa.” Nakalilitong gamitin ang salitang God sa
dahilang maraming Kristiyano na nagsasalita ng Ingles
ang kumikilala pa rin kay Jesus bilang Diyos. Kahit na
ang salitang Tagapaglikha ay nakalilito rin sa dahilang
ipinaggigiitan pa rin ng maraming Kristiyano na nilikha
ni Jesus ang sanlibutan.
Hindi lamang sa ang salitang Allah ang kakaiba, ang
paraan rin ng pagsamba ng mga Muslim kay Allah na may
kasamang paghuhu-gas, pagyukod, pagluhod, at
pagpapatirapa, at ang pag-aayuno ay kakaiba rin sa mga
hindi Muslim, subalit hindi kakaiba sa lahat ng Propeta.
Bagamat ang paghuhugas (paglilinis ng kamay, mukha,
braso, paa, at pagbabasa ng ulo) bago sumamba ay
tinalikdan na ng mga makabagong Kristiyano, ito ay
ipinag-uutos pa rin sa mga Muslim at ipinag-utos din sa
mga naunang Propeta gaya ng makikita sa sumusunod na
mga sipi ng Bibliya: Exodo 40:31-32: “At si Moises at si
Aaron at ang kaniyang mga anak, ay nagsipaghugas doon
Ang Talakayan ng Muslim at Kristiyano
22 ng kanilang mga kamay at ng kanilang mga paa; Pagka
sila’y pumapasok sa tabernakulo ng kapisanan, at pagka
sila’y lumalapit sa dambana ay naghuhugas sila: gaya ng
iniutos ng Panginoon kay Moises.” Bagamat si Pablo ay
gumawa ng maraming pagbabago sa katuruan ni Jesus
(SKP), siya ay tapat pa rin hinggil sa paghuhugas bago
sumamba gaya ng makikita sa Mga Gawa 21:26: “Nang
magkagayo’y isinama ni Pablo ang mga tao, at nang
sumunod na araw nang makapaglinis na siyang kasama
nila ay pumasok sa templo …” Ang mga babaeng Muslim
ay nagsasagawa ng pagda-rasal na nakabalot ang kanilang
mga ulo na tulad ng mababasa sa 1 Mga Taga Corinto
11: 5-6 at 13: “Datapuwa’t ang bawa’t babaing
nananalangin o nanghuhula na walang lambong ang
kaniyang ulo, niwawalan ng puri ang kaniyang ulo;
sapagka’t gaya rin ng kung kaniyang inahitan. Sapagka’t
kung ang babae ay walang lambong, ay pagupit naman;
ngunit kung kahiyahiya sa babae ang pagupit o paahit, ay
maglambong siya...Hatulan ninyo sa inyo-inyong sarili:
nararapat baga na manalangin ang babae sa Dios nang
walang lambong?” Ang mga Muslim ay sumasamba nang
may kasamang pagyuko, pagluhod, pagpapatirapa, at
walang sapatos tulad ng ginawa ng mga naunang Propeta:
Mga Awit 95:6: “Oh magsiparito kayo, tayo’y magsisamba;
Tayo’y magsiluhod sa harap ng Panginoon na May-lalang
sa atin.” Josue 5:14: “... at si Josue ay nagpatirapa sa lupa
at sumamba …” I Mga Hari 18:42: “… At si Elias ay
Ang Talakayan ng Muslim at Kristiyano
23 umahon sa taluktok ng Carmelo; at siya’y yumukod sa
lupa, at inilagay ang kaniyang mga mukha sa pagitan ng
kaniyang mga tuhod.” Mga Bilang 20:6: “At si Moises at
si Aaron ay umalis sa harap ng kapulungan at napasa
pintuan ng tabernakulo ng kapisanan, at nangagpatirapa: at
ang kaluwalhatian ng Panginoon ay lumitaw sa kanila.”
Genesis 17:3: “At nagpatirapa si Abram: at ang Dios ay
nakipag-usap sa kaniya na sinasabi …” Exodo 3:5 at
Mga Gawa 7:33: “At sinabi (ng Diyos kay Moises),
Huwag kang lumapit dito, hubarin mo ang iyong
panyapak sa iyong mga paa, sapagka’t ang dakong iyong
kinatatayuan ay banal na lupa.”
Mangangatal ang isang Kristiyano kapag narinig niya
na ang Peregrinasyon (Pilgrimage) o Hajj na ginagawa
ngayon ng mga Muslim sa pamamagitan ng pag-ikot sa
banal na bato: ang Ka‘bah, na nasa Makkah ay
isinasagawa rin noon ng maraming Propeta, pati na ng
mga Israelitang Propeta.
K. Hindi ko nabasa kailanman sa Bibliya ang
Peregrinasyon o ang sagradong bato.
M. Ito ay maliwanag na binanggit nang makailang ulit,
subalit hindi napansin ng mga mambabasa ng Bibliya:
1. Nang si Jacob ay papuntang Padan-aram, nakakita siya ng
isang pangitain at nang sumunod na umaga ay nagtayo siya
ng isang haliging bato na tinawag niyang Betel na ang ibig
sabihin ay ang Bahay ng Diyos (Genesis 28:18-19).
Ang Talakayan ng Muslim at Kristiyano
24 2. Pagkalipas ng maraming taon, ang Propeta ring iyon na
si Jacob ay inutusan ng Dios na pumaroon sa Betel
(Genesis 35:2,14,15). Inalis ni Jacob ang lahat ng mga
diyus-diyusan bago pumunta roon. Inalis din ni Propeta
Muhammad (SKP) ang lahat ng diyus- diyusang
nakapaligid sa banal na bato, ang Ka‘bah sa Makkah.
3. May isa pang haliging itinayo ni Jacob at ng kanyang
biyanang si Laban (Genesis 31:45-49): “At kumuha si
Jacob ng isang bato, at itinindig na pinakaalaala. At sinabi
ni Jacob sa kaniyang mga kapatid, Manguha kayo ng mga
bato; at kumuha sila ng mga bato at kanilang ginawang
isang bunton: at sila’y nagkainan doon sa malapit sa
bunton. At pinangalanan ni Laban na Jegar-Sahadutha,
datapuwa’t pinangalanan ni Jacob na Galaad … At Mizpa
sapagka’t kaniyang sinabi, Bantayan ng Panginoon ako at
ikaw.”
4. Nagkaroon ng digmaan si Jephte at ang mga anak ni
Ammon laban sa isa’t isa. Si Jephte ay nagpanata sa
Panginoon sa Mizpa sa Galaad na kanyang ihahandog
ang kanyang nag-iisang anak na babae kung siya ay
mananalo sa digmaan. Siya ay nanalo, at kanyang
sinunog ang kanyang anak na babae bilang handog sa
Panginoon (Hukom: 11:29-39).
5. Ang apat na raang libong kawal mula sa labing isang lipi
ng Israel ay nanumpa sa harap ng Panginoon sa Mizpa na
lilipulin nila ang lipi ni Benjamin (Hukom 20 at 21).
Ang Talakayan ng Muslim at Kristiyano
25 6. Ang mga anak ni Israel sa pamumuno ni Samuel ay
nanumpa sa Mizpa na kanilang sisirain ang kanilang mga
diyus-diyusan kung magwawagi sila sa digmaan laban sa
mga Filisteo (1 Samuel 7).
7. Ang buong bansang Israel ay nagtitipon sa Mizpa noong
si Samuel ay itinalagang Hari ng Israel (1 Samuel 10).
Malinaw na sa kasalukuyan ay wala nang natitirang
Mizpa sa mundo maliban sa pinakamatanda na nasa
Banal na Bayan ng Makkah na itinayo ni Propeta
Abraham at ng kanyang anak na si Ismael na siyang
ninuno ni Propeta Muhammad (SKP). Ang mga Muslim
talaga ang mga tagasunod ng mga Propeta. May masasabi
pa ako sa iyo na iba pang mga bagay tungkol sa mga
Muslim, sa Islam, at kay Muhammad (SKP) sa Bibliya,
subalit bakit dapat mong malaman ang mga ito kung
hindi ka naman naghahanap ng katotohanan?
K. Nakatitiyak ako sa aking sariling paniniwala bilang
isang Kristiyano subalit naging interesado akong
malaman ang tungkol sa dalawang relihiyon. Kung
minsan ay nakararamdam ako na para akong tinutuya
bilang isang Kristiyano matapos magbasa ng mga aklat
na isinulat ng mga Muslim.
M. Nakaepekto ba ito sa iyo sa iyong pamumuhay
panrelihiyon?
K. Oo, hindi na nga ako pumupunta sa simbahan na
kasingdalas na gaya noong dati. Lihim na akong
Ang Talakayan ng Muslim at Kristiyano
26 nagbabasa ng mga aklat na isinulat ng mga Muslim.
Itinanong ko na sa mga Muslim ang hindi malinaw sa akin,
ngunit hindi pa rin ako nasisiyahan. Naghahanap ako ng
isang pananampalataya na aking mapagkakatiwalaan, na
makapagbibigay sa akin ng katiwasayan ng isip,
katanggap-tanggap sa agham, at hindi bulag na
paniwalaan lamang ito.
M. Dapat namang maging ganyan. Hinahangaan ko ang
iyong saloobin. Ngunit hindi kami pinapayagang akitin
ang sinuman. Nagpapahayag lamang kami sa mga
nagnanais makinig sa amin.
K. Ngunit malaya akong pumili ng anumang paniniwala
na aking naisin at walang sinumang makapipigil sa akin.
M. Oo, wala namang pilitan sa relihiyon.
K. Kung gayon, bakit ang mga Muslim ay nananawagan
sa ibang tao na tanggapin ang kanilang paniniwala?
M. Kung papaanong hinihiling ng mga Kristiyano ang
mga Hudyo na tanggapin si Jesus bilang Mesias, kaming
mga Muslim ay humihiling din sa mga Kristiyano pati na
sa mga Hudyo at gayundin sa buong sangkatauhan na
tanggapin si Muhammad (SKP) bilang Kahuli-hulihan sa
mga Propeta. Ang aming Propeta Muhammad (SKP) ay
nagsabi: “Magparating kayo [ng mensahe na] mula sa
akin kahit isang talata man lamang [ng Qur’an].”
Binanggit din sa Isaias 21:13 ang“The burden of
Arabia,”1 na nangangahulugang ang tungkulin ng mga
Ang Talakayan ng Muslim at Kristiyano
27 Arabeng Muslim, at mangyari pa ng lahat ng mga
Muslim sa ngayon, na ipalaganap ang Islam. Binanggit
ito ni Isaias matapos na makita niya sa isang pangitain ang
mangangabayo ng mga Asno at ang mangangabayo ng
mga Kamelyo (21:7): “At pagka siya’y nakakita ng
pulutong, ng mga nangangabayong dalawa’t dalawa, ng
mga asno, ng pulutong ng mga kamelyo siya’y masikap
na makikinig na ma’y pag-iingat.”
Ang mangangabayo ng asno ay napatunayang si Jesus
na pumasok sa Jerusalem [sakay ng asno] (Juan 12:14;
Mateo 21:5). Kung gayon, sino naman ang
mangangabayo ng mga Kamelyo? Wala nang iba pa
kundi si Muhammad (SKP) na dumating mga anim na
raang taon matapos ang pagdating ng Mesias. Kung hindi
tatanggapin ito, samakatuwid hindi pa natutupad ang
hulang ito.
K. Ang paliwanag mo ay nagpapasigla sa akin na muli
kong suriin nang lalong maingat ang Bibliya. Nais kong
makikipagtalakayan muli sa iyo.
M. Oo, kung nagtagumpay ka man sa mundong ito, hindi
ibig sabihin na tagumpay ka rin sa kabilang buhay. Ang
kabilang buhay ay lalong mainam at siyang magtatagal
kaysa sa buhay dito sa mundo. Ang mga tao sa
kasalukuyan ay naging makamundo at walang
pagpapahalaga sa relihiyon. Magkita tayo nang mga ilang
ulit pa at talakayin natin ang mga pagkakaiba nang tapatan
at walang samaan ng loob. Ang Islam ay nakabatay sa
Ang Talakayan ng Muslim at Kristiyano
28 katuwiran, at hindi mo dapat basta na lamang tanggapin
ito. Kahit ang iyong Bibliya ay nagsasabing: “Subukin
ninyo ang lahat ng mga bagay, ingatan ninyo ang mabuti,”
(I Mga Taga Tesalonica 5:21).
K. Ngayon-ngayon lamang ay sinipi mo ang
“mangangabayo ng mga kamelyo” mula sa Isaias at
gumawa ka ng konklusyon na iyon ay si Muhammad
(SKP). Kung gayon, hinulaan din ba siya sa Bibliya?
M. Tiyak ko.
K. Sa Matanda ba o sa Bagong Tipan?
M. Sa pareho. Subalit hindi mo siya makikilala sa Bibliya
hanggat hindi ka naniniwala sa kaisahan ng Diyos
(Allah). Ang ibig kong sabihin, hanggat naniniwala ka pa
rin sa Trinidad, Pagka-Diyos ni Kristo, Pagka-Diyos-anak
ni Kristo, Pagmamana ng Kasalanan, at Pagtubos ng
Kasalanan. Ang lahat ng ito ay mga doktrinang gawa ng
mga tao. Hinulaan na ni Jesus (sa Mateo 15:9) na ang
mga tao ay sasamba sa kanya nang walang kabuluhan at
maniniwala sa mga doktrinang gawa ng mga tao:
“Datapuwa’t walang kabuluhan ang pagsamba nila sa
akin, Na nagtuturo ng kanilang pinakaaral ang mga utos
ng mga tao.”
Ang Talakayan ng Muslim at Kristiyano
29 Ang Banal na Bibliya
M. Nakatitiyak ka ba na ang Bibliya ay banal?
K. Oo, tiyak na tiyak ko ang tungkol dito; ito ay salita ng
Diyos.
M. Basahin mo ang sinabi ni Lucas sa Kabanata 1:2 at 3
tungkol sa kanyang isinulat.
K. “Alinsunod sa ipinatalos sa atin nilang buhat sa
pasimula ay mga saksing nangakakakita at mga ministro
ng salita, ay minagaling ko naman, pagkasiyasat na lubos
ng pangyayari ng lahat ng mga bagay mula nang una, na
isulat sa iyong sunodsunod, kagalanggalang na Teofilo.”
M. Kung si Lucas ay nagsabi na siya mismo ay hindi
isang saksi at ang kanyang kaalamang nakalap ay mula sa
mga nakasaksi at hindi mga salitang kinasihan ng Diyos,
maniniwala ka pa rin ba na ang Bibliya ay salita ng
Diyos?
K. Maaaring ang bahaging ito lamang ang hindi salita ng
Diyos.
M. Ipinakita ng kasaysayan na ang Bibliya ay nagdanas
ng mga pagbabago sa pagdaan ng mga panahon. Ang
Revised Standard Version 1952 at 1971, ang New
American Standard Bible at ang New World Translation
of the Holy Scriptures ay nag-alis ng ilang mga talata
kung ihahambing sa King James Version. Ang Reader’s
Ang Talakayan ng Muslim at Kristiyano
30 Digest ay nagbawas ng limampung porsiyento sa
Matandang Tipan at ang Bagong Tipan ay pinaikli sa
dalawampu’t limang porsiyento. Noong nakalipas na
ilang taon, tinangka ng mga teologong Kristiyano na idesex2
ang Bibliya. Ang ibig bang sabihin ng “banal” ay
walang kamalian ang Bibiya?
K. Oo, gayon nga. Ngunit anong uri ng kamalian ang
tinutukoy mo?
M. Ipagpalagay na may isang talatang nagsasabing may
isang taong namatay sa gulang na limampu at may isa
namang talatang nagsasabing namatay ang taong ito sa
gulang na animnapu, maaari kayang ang kapwa pahayag
ay tama?
K. Hindi, ang kapwa pahayag ay hindi kailanman
magiging tama. Isa lamang ang maaaring maging tama o
kapwa mali.
M. Kung ang isang banal na aklat ay naglalaman ng mga
talatang nagsasalungatan, ituturing mo pa ba na ito ay
banal?
K. Tiyak na hindi na, sapagkat ang isang Banal na
Kasulatan ay isang pahayag mula sa Diyos at dapat na
imposibleng maglaman ito ng mga kamalian o mga
talatang nagsasalungatan.
2 Alisan ng istilong nagpapahiwatig ng pagkiling sa kasariang panlalaki.
Ang Talakayan ng Muslim at Kristiyano
31 M. Kung gayon, ito ay hindi rin banal.
K. Tama; ang kabanalan nito ay naglaho na.
M. Kung magkagayon, hindi mo ito mapagkakatiwalaan
nang isandaang porsiyento. Ano kaya ang mga
kadahilanan?
K. Maaaring ito ay pagkakamali sa pagtatala; sadyang
pagpapalit ng mga tagasulat; pagbabawas o pagdaragdag.
M. Kung may nagsasalungatang mga talata sa Bibliya,
ituturing mo pa rin ba na ito ay banal?
K. Hindi ako naniniwala na ang Bibliya ay hindi banal
dahil wala akong nakikitang anumang nagsasalungatang
mga talata rito.
M. Mayroong maraming nagsasalungatang mga talata sa
loob nito.
K. Sa Matanda ba o sa Bagong Tipan?
M. Sa parehong mga Tipan. Ang mga ito ang ilan sa
mga iyon:
II Samuel 8:4 I Mga Cronica 18:4
At kinuha ni David sa
kaniya ang isang libo at
pitong daan na
mangangabayo, at dalawang
pung libo na naglalakad:
At kumuha si David sa
kaniya ng isang libong karo,
at pitong libong
mangangabayo, at dalawang
pung naglalakad:
T. Isang libo at pitong daan o pitong libo?
Ang Talakayan ng Muslim at Kristiyano
32 II Samuel 8:9-10 I Mga Cronica 8:9-10
Nang mabalitaan ni Toi na
hari sa Hamath na sinaktan ni
David ang buong hukbo ni
Hadadezer, sinugo nga ni Toi
si Joram na kaniyang anak
sa haring David, upang
bumati sa kaniya sapag-ka’t
siya’y nakipagdigma laban
kay Hadadezer at sinaktan
niya siya: sapagka’t si
Hadadezer ay nag-karoon ng
mga pakikibaka kay Toi. At
nagdala si Joram ng mga
sisidlang pilak, at mga sisidlang
ginto, at mga sisidlang
tanso.
At nang mabalitaan ni Tou
na hari sa Hamat na sinaktan
ni David ang buong hukbo
ni Adarezer na hari sa Soba,
kaniyang sinugo si Adoram
na kaniyang anak sa haring
David, upang bumati sa
kaniya at purihin siya,
sapagka’t siya’y lumaban
kay Adarezer at sinaktan
niya siya (sapagka’t si
Adarezer ay may mga
pakikipag- digma kay Tou);
at siya’y nagda-la ng lahat
na sarisaring kasang-kapang
ginto, at pilak, at tanso.
T. Toi o Tou, Joram o Adoram, Hadadezer o Adarezer?
II Mga Hari 8:26 II Mga Cronica 22:2
May dalawampu’t dalawang
taon si Ochozias nang siya’y
magpasimula; at siya’y nagharing
isang taon sa Jerusalem.
May Apatnapu’t dalawang
taon si Ochozias nang
magpasimulang maghari; at
siya’y nagharing isang taon
sa Jerusalam;
T. Dalawampu’t dalawang taon o apatnapu’t dalawang
taon?
Ang Talakayan ng Muslim at Kristiyano
33 II Samuel 10:18 I Mga Cronica 19:18
At ang mga taga Siria ay
nagsi-takas sa harap ng Israel;
at pu-matay si David sa mga
taga Siria ng mga tao ng
pitong daang karo, at apat na
pung libo na nanga-ngabayo,
at sinaktan si Sobach na
kapitan sa kanilang hukbo, na
anopa’t namatay roon.
At ang mga taga Siria ay
nagsitakas sa harap ng
Israel; at si David ay
pumatay sa mga taga Siria
ng mga tao sa pitong libong
karo, at apat na pung
libong naglalakad, at
pinatay si Sophach na
pinunong kawal ng hukbo.
T. Pitong daang karo o pitong libong karo? Apat na pung
libong nangangabayo o naglalakad? Sobach o Sophach?
II Mga Hari 24:8 II Mga Cronica 36: 9
Si Joachin ay may labing
walong taon nang siya’y
magpasimulang maghari; at
siya’y naghari sa Jerusalem na
tatlong buwan.
Si Joachin ay may walong
taong gulang nang siya’y
magpasimu-lang maghari; at
siya’y nagharing tatlong
buwan at sangpung araw sa
Jerusalem: …
T. Labing walong taon o walong taon? Tatlong buwan o
tatlong buwan at sampung araw?
II Samuel 23:8 I MgaCronica11:11
Ito ang mga pangalan ng mga
makapangyarihang lalake na
nasa kay David: si
Josebbasebet na
At ito ang bilang ng mga
makapangyarihang lalake na
nasa kay David: si Jasobam,
na anak ng isang
Ang Talakayan ng Muslim at Kristiyano
34 Tachemonita, na pinuno ng
mga kapitan; na siya ring si
Adino na Eznita, na siyang
dumaluhong laban sa walong
daan na nangapatay ng
paminsan.
Hachmonita, na pinuno ng
tatlongpu; siya ang nagtaas
ng kaniyang sibat laban sa
tatlong daan, at pinatay niya
sila na paminsan.
T. Tachemonita o Hachmonita? Walong daan o tatlong
daan?
II Samuel 24:1 I Mga Cronica 21:1
At ang galit ng Panginoon ay
nagalab uli laban sa Israel, at
kaniyang kinilos si David
laban sa kanila, na sinabi,
Ikaw ay yumaon, iyong
bilangin ang Israel at Juda.
At si Satan ay tumayo
laban sa Israel, at kinilos si
David na bilangin ang
Israel.
T. Ang Panginoon ni David, kung gayon, ay si Satan?
Huwag nawang ipahintulot ng Diyos na mangyari!
II Samuel 6:23 II Samuel 21: 8
At si Michal na anak ni
Saul ay hindi
nagkaanak hanggang sa
araw ng kaniyang
kamatayan.
Nguni’t kinuha ng hari ang
dalawang anak ni Rispa, na anak
ni Aja, na kaniyang ipinanganak
kay Saul, si Armoni Mephiloboseth;
at ang limang anak ni
Michal na anak na babae ni
Saul na kaniyang ipinanganak
kay Adriel na anak ni Barzilai,
na Molathita:
Ang Talakayan ng Muslim at Kristiyano
35 T. Si Michal ba ay nagkaroon ng mga anak o hindi?
Paalaala: Ang pangalang Michal sa II Samuel 21:8 ay
matatagpuan pa rin sa King James Version at sa New
World Translation of the Holy Scripture na ginagamit ng
mga Saksi ni Jehovah, ngunit ito ay pinalitan ng Merab
sa New American Standard Bible 1973.
K. Hindi ko ito kailanman nakita noon. Mayroon pa bang
marami?
M. Ibig mo bang malaman ang iba pa? Hindi pa ba ito
sapat upang mapabulaanan ang kabanalan ng Bibliya?
Tingnan mo ang Genesis 6:3: “At sinabi ng Panginoon,
Ang aking Espiritu ay hindi makikipagpunyagi sa tao
magpakailan man, sapagka’t siya ma’y laman: gayon
ma’y magiging isang daan at dalawang pung taon ang
kaniyang mga araw.”
Ngunit ilang taon si Noe noong siya ay namatay?
Mahigit sa 120 taon. Tingnan mo ang Genesis 9: 29: “At
ang lahat ng naging araw ni Noe ay siyam na raan at
limang pung taon: at namatay.” Iginigiit ng ilang mga
teologong Kristiyano na hindi ang pinakamahabang
mararating ng buhay ng tao ang tinutukoy ng isandaan at
dalawampung taon kundi ang baha ay darating pagkalipas
ng isandaan at dalawampung taon. Pati na ito ay hindi rin
umaakma dahil sa panahon ng baha si Noe ay dapat anim
na raan at dalawampung taong gulang (500+120), ngunit
ang Bibliya ay nagsasabi na siya ay anim na raang taong
gulang. Pag-aralan mo ang mga talatang ito: Genesis
Ang Talakayan ng Muslim at Kristiyano
