MARIA ANG DAKILANG BABAE NG SANGKATAUHAN
ANG PANIMULA
Lahat ng pagpupuri ay sa Nag-iisang Diyos (Allah)
lamang, ang Panginoon ng lahat ng nilikha. Pinupuri
natin Siya at hinihingan ng tulong at kapatawaran.
Sinumang bigyang patnubay ng Diyos, walang
sinumang makapagliligaw sa kanya at sinumang
hinayaan Niyang maligaw, walang sinumang
makapagbibigay patnubay sa kanya. Ako ay sumasaksi
na walang ibang tunay na diyos maliban sa Nag-iisang
Diyos, na dapat pag-ukulan ng tapat na pagsamba. Ako
ay sumasaksi na si Muhammad ()1 ay alipin at Sugo
ng Diyos. Nawa’y ipagkaloob ng Dakilang Diyos ang
pagpapala sa kanya, sa kanyang pamilya, sa kanyang
mga kasamahan at sa lahat ng taong sumusunod sa
tamang landas hanggang sa Huling Araw.
Bawa’t kasaysayang ipinahayag ng Diyos sa Kanyang Huling
Aklat, ang Qur’an, ay naglalayong makapagturo sa tao ng
1 () – Ito ay isinusulat sa letrang english ng ganito: “Sallallaahu alayhi
wa sallam”, na binabanggit tuwing ang pangalan ng Propeta Muhammad
ay nasasambit. Ito ay isang Du’a (panalangin) para sa kanya na nawa’y
ipagkaloob sa kanya ang kapayapaan at pagpapala.
Qur’an 19:23 “At ang sakit (na dala) ng kanyang
panganganak ang naghatid sa kanya sa isang puno ng
datiles. Siya [Maryam (Maria)] ay nagwika: Sana’y
namatay na ako bago pa dumating ang pangyayaring
ito (ang panganganak) at ako ay nabaon na sa limot.”
Ito ang tagulaylay ng isang nagdadalamhating babae.
Siya ay malapit, mapagmahal at mapagtiwala sa
Diyos. Sino siya sa walang kupas na kasaysayan ng
sangkatauhan? Ano ang kanyang dalamhati? At bakit
kailangang pasanin niya ang pighati sa kabila ng
kanyang kabanalan, wagas at busilak na puso. Siya
ay si… MARIA (Ina ni Hesus) Ang Dakilang Babae
Ng Sangkatauhan.
MARIA ANG DAKILANG BABAE NG SANGKATAUHAN
8 9
MARIA ANG DAKILANG BABAE NG SANGKATAUHAN
Islam at ng mga Muslim, ang isa sa mga dakilang Babae
ng sangkatauhan - si Maria, ang anak na babae ni Imran.
Sa tatlong kinikilalang relihiyon sa buong mundo --- ang
Hudaismo (Judaism), Kristiyanismo at Islam, mayroong
tatlong kakaibang pananaw ang isinasaalang-alang ng mga
tagasunod nito sa katauhan ni Maria.
Sa pananaw ng mga Hudyo, ang pagkakilala nila sa kanya ay
sadyang nakapanlulumo sa dahilang si Maria ay itinuturing
bilang isang masama o maruming babae na nagkasala ng
pangangalunya. Kaya naman, si Hesus sa kanilang paningin
ay isang anak sa pagkakasala, at samakatuwid, isang huwad
na Propeta.
Sa panig naman ng ibang sekta ng relihiyong
Kristiyanismo, ang kanilang pagkakilala kay Maria ay
sadyang lagpas sa makatuwirang pananaw ng isang
mabuting mananampalataya. Siya ay tinaguriang “Ina ng
Diyos” sapagka’t kinilala naman ang kanyang anak na si
Hesus bilang anak ng Diyos o Diyos na nagkatawang-tao.
Sa relihiyong Islam, ang pananaw ng isang Muslim tungkol
kay Maria ay nasa makatuwirang pagitan ng relihiyong
Hudaismo at Kristiyanismo. Si Maria ay hindi masamang
babae tulad ng pagturing ng mga Hudyo at hindi rin naman
bilang “Ina ng Diyos” katulad ng pagturing ng ibang
Kristiyano. Ang pagkilala ng Muslim kay Maria ay batay
mga aral tungo sa pagiging mabuting mananampalataya. Ang
Qu’ran ang humahawi ng mga haka-haka, maling kaisipan o
pagkilala at maging ang walang katotohanang iniuugnay sa
bawa’t tao o bagay na itinuturing na may malaking bahagi
ng pananampalataya. Kaya’t ang Qur’an ay tinawag na Al-
Furqan (isang salita mula sa wikang Arabik na may kahulugan
na “Pamantayan”), sapagka’t ito ay tumatayo bilang
pamantayan sa pagitan ng katotohanan at kasinungalingan.
Ito ang nagsisilbing tagapagpaliwanag ng mga pangyayari o
kasaysayan sa nagdaang panahon upang ganap na maituwid
ang mga kamalian tungkol dito at muling ibalik sa antas ng
katotohanan.
Ang isang halimbawa na binigyan ng liwanag ay ang
katotohanan tungkol sa buhay ni Maria1 ang dakilang Ina
ni Hesus2 (ˋIsa), sapagka’t ang magandang kasaysayang
ipinahayag ng Banal na Qur’an tungkol sa kanya ay
makapagdudulot ng higit pang magandang kaisipan
hindi lamang sa mga Muslim kundi sa mga Kristiyano na
nagmamahal sa kanya. Ang kanyang kalinisan, at wagas
na pagsamba ay sadyang maingat na nakatala sa Banal na
Qur’an. At ito ay isang palatandaan lamang kung gaano
pinarangalan at patuloy na pinararangalan ng relihiyong
1 Ang pangalan ni Maria sa wikang Arabik ay Maryam. Sa kapakanan ng
mga mambabasang di-muslim, ipagpapatuloy ang paggamit ng pangalang
“Maria” sa aklat na ito.
2 Ang pangalan ni Hesus sa wikang Arabik ay Isa. Sa kapakanan ng mga
mambabasang di-muslim, ipagpapatuloy ang paggamit ng pangalang
“Hesus” sa aklat na ito.
MARIA ANG DAKILANG BABAE NG SANGKATAUHAN
10 11
MARIA ANG DAKILANG BABAE NG SANGKATAUHAN
ay nagpahayag ng isang katotohanan upang bigyang
katarungan ang tunay na pangyayaring naganap kay Maria
at kay Propeta Hesus.
Ang kapahayagan ng Banal na Qur’an ay hindi pansariling
pagnanasa ng Propeta Muhammad () kundi isang
kautusan sa kanya bilang huling Sugo ng Diyos para
sa sangkatauhan. Sinunod lamang niya ang anumang
kapahayagan ng Diyos sa kanya. Kaya, ang Banal na
Qur’an ay nagpatunay nito:
Qur’an 10:15 “Sabihin mo (O Muhammad ), wala sa
akin ang karapatan upang baguhin ito nang ayon sa aking
(sariling) pagnanasa. [Bagkus], wala akong sinusunod
maliban sa kung ano ang ipinapahayag sa akin.”
Qur’an 10:16 “Kung ninais lamang ng Allah (Diyos),
hindi ko ito magagawang bigkasin (o isiwalat) sa inyo…”
Qur’an 3:44 “(Ito ay) bahagi ng mga balita mula sa Al-
Ghayb (di-nakikita) na Aming ipinapahayag sa iyo (O
Muhammad)…”
sa kapahayagan ng Qur’an at sa mga Hadith1 ni Propeta
Muhammad (). Si Maria ay isa sa pinakadakilang babae
ng sangkatauhan. Ang kanyang kasaysayan ay isang
malaking bahagi ng Kapahayagan ng Banal na Qur’an,
ang aklat na paulit-ulit na binibigkas at binabasa ng mga
Muslim sa kanilang pang-araw-araw na pagsamba sa
Dakilang Lumikha.
Bagaman si Propeta Muhammad () ay mula sa mga
arabong lahi ni Propeta Ismael [isa sa anak ni Propeta
Abraham (Ibrahim)] siya mismo ang nagtanggol at
nagbigay patunay sa dalisay at kalinisan ng puri ni Maria
at sa karangalan ni Hesus (ang mag-ina na mula sa angkan
ng Israel na kung saan naman nagsanga ang lahi ng mga
Hudyo). Taliwas sa mga paratang ng mga Hudyo, na dapat
sana ay magbigay ng karangalan kay Maria at kay Hesus
dahil iisa ang kanilang pinag-ugatang lahi. Ang itinakdang
magtanggol kay Maria at Hesus ay mula sa lahi ng mga
Arabo, si Propeta Muhammad ().
Sa mahabang panahon, ang hidwaan ng mga Hudyo at
Arabo ay patuloy magpahanggang sa ngayon. Subali’t,
sa kabila nito, ang Banal na Qur’an na ipinagkatiwala
kay Propeta Muhammad () na nagmula sa lahing arabo
1 Hadith - ito ay mga tinipong mga salita, aral o mga bagay na sinang-ayunan
o ipinagbawal ng Sugo, na si Muhammad ().
13
MARIA ANG DAKILANG BABAE NG SANGKATAUHAN
MARIA - ANG KASAYSAYAN
Ating tunghayan ang kasaysayan ni Maria, ang dakilang ina
ni Hesus. Ang salaysay ng Surah Maryam (Isang kabanata
mula sa Banal na Qur’an) na tumatalakay tungkol kay Maria
ay sadyang tumatagos sa puso ng sinumang mambabasa.
Walang aklat sa buong kasaysayan ang nakapagbigay ng
isang maganda at wagas na damdamin tungkol sa kadakilaan
ni birhen Maria maliban sa Banal na Qur’an, ang Huling
Kapahayagan ng Nag-iisang Diyos na ipinagkatiwala Niya
sa Kanyang Huling Sugo at Propeta - si Muhammad bin
Abdullah. Walang mata ang hindi luluha sa kabanal-banalan
at napakagandang salaysay ng Banal na Qur’an tungkol kay
Maria, isang dakilang babae ng sangkatauhan. Bawa’t talatang
tumatalakay sa kanyang katauhan ay tigib ng inspirasyon
at umaakay sa magandang damdamin ng bawa’t taong
nagmamahal at may matiim na paghanga sa kanya. Sino pa
nga ba ang makapagbibigay ng magandang salaysay upang
pukawin ang ating puso kundi ang Isang Tanging Diyos na
Makapangyarihan sa lahat. Siya ay may Ganap na Kaalaman,
ang may ganap na Karunungan. Sinumang mambabasa,
maging siya man ay Muslim o Kristiyano ay katiyakang hindi
mapasusubalian ang karangalang ipinagkaloob ng Dakilang
Maykapal kay Maria - ang babaing nagmula sa angkan ng
mabubuting puso ng sangkatauhan.
15
MARIA ANG DAKILANG BABAE NG SANGKATAUHAN
PINAAGNMGU ALNAGNK NAI NMGA RIA
Si Maria ay mula sa angkan ng mga Propeta. Ang kanyang
mga magulang ay sina Imran at Hannah bint Faqoud.
Ang Allah (Diyos) ay nagsabi sa Banal na Qur’an:
Qur’an 3:33-34 “Katotohanan! Pinili ng Allah (Diyos)
si Adam (Adan), Nuh (Noah), at ang angkan ni Ibrahim
(Abraham) at ang angkan ni Imran ng higit sa lahat ng
(Kanyang mga) nilikha. Bawa’t isa sa kanila ay lahi ng
isa’t-isa. At ang Allah (Diyos) ay Nakaririnig, Nakaaalam.”
Si Hannah ay hindi magka-anak sa mahabang panahon.
Sa kanyang mataimtim na panalangin, siya ay humiling
at nagsumamo sa Mahabaging Diyos na siya ay pagpalain
sa pamamagitan ng pagkakaloob sa kanya ng isang anak
at bilang isang panata o pangako, ang batang kanyang
isisilang ay kanyang iaalay para sa paglilingkod sa Diyos.
Ang Banal na Qur’an ay nagpatunay nito:
Qur’an 3:35 “(Alalahanin)! Nang ang asawa ni Imran
ay nagsumamo: “O, aking Panginoon (Allah)! Ako ay
nangangako sa Iyo na ang sanggol sa aking sinapupunan
MARIA ANG DAKILANG BABAE NG SANGKATAUHAN
16 17
MARIA ANG DAKILANG BABAE NG SANGKATAUHAN
ANG PANGANGALAGA AT
PAGPAPALAKI KAY MARIA
Kaya, tinanggap ng Diyos ang dalangin ng ina ni Maria.
Ang Banal na Qur’an ay nagpatunay nito:
Qur’an 3:37 “Kaya, tinanggap ng kanyang Panginoon
(Allah) mula sa kanya nang may kaaya-ayang
pagtanggap. At pinagyaman Niya ito sa mabuting asal
at inilagay siya sa ilalim ng pangangalaga ni Zakariya.”
Ayon sa pagtatala ni Ibn Jabir, si Ikrimah ay nagsabi,
“Dinala ng ina si Maryam (Maria) na nakabalot pa sa
lampin sa mga Rabbi, ang mga inapo o lahi ni Propeta
Haron (Aaron), ang kapatid ni Musa (Moises). Noong
panahong iyon, ang pangangasiwa at pangangalaga ng
Bayt Al-Maqdis (sa Herusalem) ay nasa mga kamay ng
mga Rabbi. Sinabi ng ina ni Maryam (Maria), “Kunin ang
batang ito na aking ipinangakong maglilingkod sa Allah
(Diyos). Siya ay aking anak at pinalalaya ko na siya at
hindi ko na siya ibabalik sa aming pamamahay.” Sila ay
nagsabi, ‘Anak siya ng ating Imam1, sapagka’t laging
1 Imam - ito ay islamikong katawagan o taguri sa sinumang namumuno sa
sama-samang pagdarasal na isinasagawa sa isang Masjid (Moske).
ay iaalay ko sa Iyo bilang paglilingkod sa Iyo (tanging sa
pagsamba lamang sa Iyo), kaya tanggapin Mo ito mula sa
akin. Tunay, na Ikaw ang Nakaririnig, ang Nakaaalam.”
Kaya, nang isinilang niya ang sanggol, siya ay nagsabi
nang may pasasalamat at kasiyahan:
Qur’an 3:36 “O aking Panginoon (Allah)! Ako ay
nagsilang ng isang batang babae. At ang Allah (Diyos) ang
higit na nakakaalam sa kanyang isinilang. Datapuwa’t
ang lalaki ay hindi katulad ng babae (sa paglilingkod)
at Aking pinangalanan Siyang Maryam (Maria) at ako
ay nagpapakupkop sa Iyo para sa kanya at sa kanyang
magiging anak laban kay Satanas, ang isinumpa1.”
1 Sa pagsasalaysay ni Abu Hurairah, si Propeta Muhammad () ay nagsabi:
“Bawa’t bagong silang na sanggol ay hinahawakan ni Satanas. At ang
sanggol ay magsisimulang umiyak nang dahil sa kanyang paghawak maliban
kay Maryam (Maria) at sa kanyang anak (si ˋIsa, [Hesus]).” (Tafsir Ibn
Khatir, vol 2. pahina 150)
MARIA ANG DAKILANG BABAE NG SANGKATAUHAN
18 19
MARIA ANG DAKILANG BABAE NG SANGKATAUHAN
kanyang pamumuhay. Ang pagkain ni Maria ay tuwirang
nagmumula sa Diyos. Kaya, minsan ay namangha ang
kanyang tagapag-alaga at kanyang amaing si Propeta
Zakariya, sapagka’t:
Qur’an 3:37 “Tuwing pumapasok si Zakariya sa Mihrab
(silid-dalanginan) upang dalawin siya (Maryam), kanyang
natatagpuang mayroong pagkain doon. Siya (Zakariya)
ay nagsabi: O, Maryam (Maria)! Saan mo kinuha ang
mga ito (pagkain)? Siya (Maryam) ay nagsabi: Ito ay
nanggaling sa Allah (Diyos). Katotohanan, ang Allah
(Diyos) ay nagkakaloob ng panustos sa kaninumang
Kanyang naisin, ng walang sukat.”
Mula sa pagpapaliwanag [Tafsir ni Ibn Kathir vol 3
pahina 151, Tafsir ng Surah Al-Imran, Ayah bilang (37)
na hinango sa panulat ni Ibn Abu Hatim 2:227-229] na
ayon kay Mujahid, Ikrimah, at iba pang manunulat ng
kasaysayan:
“Natatagpuan niya (Zakariya) si Maryam (Maria) na
kung panahon ng tag-lamig, nakikita niyang mayroon
itong mga prutas na pantag-araw. At kung tag-araw
naman, natatagpuan niyang mayroong mga prutas na
pantag-lamig”.
pinamumunuan sila ni Imran sa pagdarasal, siya ang
nagsasaayos sa mga ritwal ng pag-aalay. Si Zakariya1 ay
nagsabi: Ibigay siya sa akin dahil ang kanyang tiyahin
sa kanyang ina ay aking asawa. Sila (mga Rabbi) ay
nagsabi: Hindi maaatim ng aming kalooban na ibigay siya
sa iyo dahil siya ay anak ng aming Imam. Kaya, sila ay
nagsagawa ng loterya sa pamamagitan ng kanilang panulat
na ginamit nila sa pagsusulat ng Tawrah (Torah ni Moises),
at si Zakariya ang nagwagi at kinuha si Maryam sa ilalim
ng kanyang pangangalaga (At-Tabari 6:351).
Ang pagtatalong ito ay ipinahayag ng Banal na Qur’an
bilang bahagi ng kasaysayang nagdaan:
Qur’an 3:44 “(Ito ay) bahagi ng mga balita mula sa
Al-Ghayb (di-nakikita) na Aming ipinapahayag sa iyo
(O Muhammad). At ikaw ay hindi naroroon sa kanila
(sa panahong yaon), nang sila ay maghagis ng kanilang
mga panulat upang pagpasiyahan kung sino sa kanila
ang mangangalaga kay Maryam (Maria), at ikaw ay
wala sa kanila nang sila ay magtalo-talo.”
Lumaki si Maria na may angking kabanalan, taglay
ang kabaitan, busilak at kalinisan ng puso at mataas na
antas ng pag-uugali at kagandahang-asal. At dahil sa
pagpapala ng Diyos sa kanya, may kaakibat na himala ang
1 Si Zakariya ay asawa ng kapatid ni Hannah bint Faquod, ang ina ni Maria.
Siya ang ama ni Juan Bautista (Yahya), kaya ang huli at si Hesus ay
magpinsang-buo.
21
MARIA ANG DAKILANG BABAE NG SANGKATAUHAN
ANG MAKGAAYN MDAARNIGA BALITA
Ang Unang Yugto
Ang Pagpili Ng Diyos Kay Maria
Ito ang Tafsir (paliwanag) ni Ibn Kathir1 sa simula ng
kasaysayan ni Maria: Ang Makapangyarihang Diyos ay
nagsabi na ang mga anghel ay nagsalita kay Maria sa
pamamagitan ng Kanyang Kautusan at ibinalita sa kanya na
siya ay pinili o hinirang bilang huwarang babae nang dahil
sa kanyang katapatan sa paglilingkod sa Kanya, sa kanyang
pagiging mahinhin, marangal, kawalang kamuwangan sa
makamundong bagay, at katatagan sa pananampalataya.
At siya ay pinili nang dahil sa kanyang mga katangian
nang higit sa kaninumang babae sa mundong ito.
Qur’an 3:42 “At (alalahanin), nang ang mga anghel ay
nagsabi: “O, Maryam (Maria)! Katotohanan, pinili ka
ng Allah (Diyos), ginawang malinis (at wagas) at pinili
ka nang higit sa mga kababaihan ng lahat ng nilalang.”
1 Si Ibn Kathir ay isang pinagpipitaganang iskolar ng Islam na may sariling
Tafsir (pagpapaliwanag ng Qur’an) na may pamagat na “Tafsir Ibn Kathir”
(Volume 1-10).
MARIA ANG DAKILANG BABAE NG SANGKATAUHAN
22 23
MARIA ANG DAKILANG BABAE NG SANGKATAUHAN
mataas na karangalan sa daigdig na ito at sa kabilang
buhay. At siya ay nasa (hanay ng) mga malalapit (sa
Allah). At siya ay magsasalita sa tao mula sa (kanyang)
duyan (kamusmusan) at kagulangan. At siya ay nasa
(hanay ng) mga matutuwid. Siya (Maryam) ay nagwika:
O aking Panginoon (Allah)! Paano ako magkakaroon ng
anak gayong walang tao (lalaki) ang sumaling sa akin?
Siya ay nagwika: (Kahit na) Ganyan ang Allah (Diyos),
lumilikha ng anumang Kanyang naisin. Kapag Kanyang
itatakda ang isang bagay, Siya ay magsasabi (lamang)
ng “Kun” (Maging), at ito ay mangyayari nga.”
Sa talatang nabanggit sa itaas, si Maria ay tunay na
larawan ng isang malinis na babae at busilak na puso. Siya
ay sagisag ng walang kamuwangan, kaya naman siya ay
namangha nang sabihin sa kanya ng mga anghel na siya
ay magsisilang, samantalang siya ay ganap na birhen na
kailanman ay walang nakasaling sa kanyang pagkababae.
Gayon pa man, ang kanyang katatagan sa pananalig sa
Makapangyarihang Diyos ang nagbigay liwanag sa kanya
upang tanggapin niya ang kagila-gilalas na himalang ito
na may kaakibat ng tungkuling nakaatang sa kanya bilang
isang alipin o lingkod ng Makapangyarihang Diyos.
Natanim sa kanyang pag-iisip ang katatagan ng pananalig
sa Ganap na Kapangyarihan ng Diyos, na anuman ang
Kanyang likhain o naising gawin, ito ay tunay ngang
magaganap at mangyayari nang walang pag-alinlangan
Bilang panimulang kautusan kay Maria, siya ay inutusan
ng Diyos sa pamamagitan ng mga anghel na dagdagan niya
ang kanyang mga gawaing pagsamba, pagpapakumbaba,
pagpapatirapa, pagyukod upang kanyang ganap na
magampanan kung ano ang itinakda ng Diyos para sa kanya.1
Qur’an 3:43 “O, Maryam (Maria)! Isuko mo ang iyong
sarili nang may ganap na pagtalima (pagsunod) sa
iyong Panginoon (Allah) at iyong ipatirapa ang sarili,
at iyuko kasama ng mga nagsisiyuko.”
Ang Ikalawang Yugto
Ang Magandang Balita ni Anghel Gabriel Kay
Maria Tungkol Kay Hesus
Dumating ang mga anghel na may magandang balita
kay Maria na siya ay magsisilang ng isang marangal na
sanggol na may dakilang layunin. Ang Makapangyrihang
Diyos ay nagpahayag:
Qur’an 3:45-47 “Tandaan! Nang ang mga Anghel ay
nagwika: O, Maryam (Maria)! Katotohanan, ang Allah
(Diyos) ay nagbibigay sa iyo ng magandang balita ng
isang Salita mula sa Kanya: ang kanyang pangalan ay
Mesiyas, ˋIsa (Hesus), anak ni Maryam (Maria), na may
1 Ang paliwanag na ito ay mula sa Tafsir ni Ibn Kathir, isang pinagpipitaganang
iskolar ng Islam na matatagpuan sa kanyang aklat na may pamagat na “Tafsir
Ibn Kathir” (Volume 2) pahina 157.
MARIA ANG DAKILANG BABAE NG SANGKATAUHAN
24 25
MARIA ANG DAKILANG BABAE NG SANGKATAUHAN
nagsabi: Ako ay Sugo lamang ng iyong Panginoon
(upang ibalita sa iyo) ang isang pagpapala (bilang
handog sa iyo) ang (pagkakaroon mo ng) isang matuwid
na anak na lalaki.”
Sa talatang nabanggit sa itaas, ipinaalala kay Maria na
siya ay pagpapalain at pagkakalooban ng isang anak na
lalaki (Hesus) bilang handog sa kanyang pagiging malinis
at matibay na pananampalataya. Upang magkaroon ng
katiyakan si Maria na ang lalaking kanyang kaharap ay
isang tunay na anghel, siya (Maria) ay nagtanong:
Qur’an 19:20 “Siya [Maryam (Maria) ay nagsabi:
“Paanong ako ay magkakaroon ng isang anak na
lalaki, samantalang walang tao (lalaki) na sumaling sa
akin at ako ay hindi isang maruming babae?”
Ang Anghel Gabriel ay sumagot:
Qur’an 19:21 “Siya [Jibreel (Gabriel)] ay nagsabi:
Gayon nga, ang iyong Panginoon (Allah) ay nagsabi:
Yaon ay madali para sa Akin at Aming itinakda siya
[ˋIsa (Hesus)] bilang palatandaan1 sa sangkatauhan at
1 Si Hesus at maging ang kanyang Ina na si Maria ay isang palatandaan para
sa sangkatauhan. Ang Dakilang Lumikha ay nagpapahiwatig sa tao na Siya
ay Ganap na Makapangyarihan. Kung itakda Niya ang isang bagay, Siya ay
magsasabi lamang ng Kun (Maging), at mangyayari nga. Iba’t ibang uri ng
pamamaraan ang ipinakita ng Diyos sa paglikha Niya sa tao. Una, nilikha
Niya si Adan (Adam) na walang nakaugnay na babae (ina) at lalaki (ama)
sa kanya. Ikalawa, nilikha Niya si Eba (Hawa) mula sa tadyang ng isang
lalaki (Adan) ngunit walang nakaugnay na babae (ina). Ikatlo, nilikha Niya
si Hesus mula sa babae (kay Maria), nguni’t walang kinasangkutang lalake
(ama). Ikaapat, nilikha niya ang karaniwang tao mula sa ugnayang babae
Ang Ikatlong Yugto
Ang Pagdadalang-Tao ni Maria
Nagsalaysay ang Banal na Qur’an:
Qur’an 19:16-17 “At banggitin (mo) sa Aklat (Qur’an)
ang kasaysayan ni Maryam (Maria), nang siya ay
lumayo mula sa kanyang pamilya (upang humayong
mag-isa patungo) sa isang pook sa dakong silangan.
Siya ay naglagay ng tabing (upang ikubli ang sarili)
mula sa kanila pagkaraan ay Aming isinugo ang Ruh
[Anghel Jibreel (Gabriel)] at lumitaw sa kanya sa
anyong ganap na tao.”
Dahil sa tawag ng tungkulin mula sa Diyos si Maria ay
tumalima at sumunod sa kautusan. Sa kanyang pag-iisa,
biglang nagpakita ang Anghel Gabriel sa kanya sa ganap
na anyong tao, kaya siya ay namangha at nagwika:
Qur’an 19:18 “Katotohanan! Ako ay nagpapakupkop
sa Mahabaging (Allah) laban sa iyo, kung ikaw ay may
takot (sa Kanya).”
Dahil sa pangamba ni Maria, siya ay nagpakupkop sa
Diyos laban sa inaakala niyang panganib na kinahaharap.
Ngunit, ang Anghel Gabriel ay malugod na nagpakilala at
nagpaliwanag na siya ang Banal na Espiritu na isinugo ng
Diyos sa kanya upang pag-utusan lamang na maghatid ng
magandang balita para sa kanya:
Qur’an 19:19 “Siya [Anghel Jibreel (Gabriel)] ay
MARIA ANG DAKILANG BABAE NG SANGKATAUHAN
26 27
MARIA ANG DAKILANG BABAE NG SANGKATAUHAN
isang karaniwang babaing nagdadalang tao. Ang kanyang
kulay ay nagbago at maging ang kanyang pananalita. Mula
noon, wala nang tao ang dumalaw sa tahanan ni Zakariya.
Ang balita ng pagdadalang-tao ni Maria ay kumalat
mula sa mga angkan ng Israel. Ito rin ang simula na si
Maria ay paratangan o pagbintangan bilang isang babaing
nangalunya sa lalaking si Joseph (Yusuf1, ang karpintero)
sa dahilang ang huli ay nakitang nasa templo. Wala nang
tao pa ang nakakita kay Maria at wala rin siyang nakitang
tao mula nang siya ay magdalang-tao (Tafsir Ibn Kathir
vol. 6 pahina 244).
Ang Banal na Qur’an ay nagsalaysay tungkol sa naganap
na pangyayari:
Qur’an 19:22 “Kaya, siya ay ipinagbuntis niya at
inilayo niya sa isang malayong pook.”
1 Ito ang paliwanag sa Tafsir Ibn Kathir ng Surah 19 Maryam sa pahina
244 (vol 6). Ang Banal na Qur’an at maging sa mga Hadith ng Propeta
Muhammad () ay walang pahayag na si Joseph (Yusuf) ay naging asawa
ni Maria. Sapat na sabihin na pinanatili ng Islam ang ganap na kalinisan ni
Maria laban sa anumang dungis na iniaakibat sa kanyang dangal at puri. At
bilang muslim, ipinag-uutos na maging maingat sa pagbibigay ng anumang
pahayag na walang batayan mula sa Qur’an at Hadith. At tanging ang Diyos
lamang ang ganap na nakakaalam.
isang Habag mula sa Amin, at ito ay isang bagay na
itinakda na.”
Nang sabihin ni Anghel Gabriel kay Maria na ang lahat ay
naitakda na ng Diyos, buong puso at pagpapakumbabang
tinanggap ito ni Maria kalakip ng ganap na pagtitiwala at
katatagan. Ang Tafsir (pagpapaliwanag) sa pangyayaring
ito ay binigyan ng pagsasalaysay nang ganito: ‘Hinipan ni
Anghel Jibreel (Gabriel) ang kasuotang damit ni Maryam
(Maria). Pagkaraa’y, ang hininga ay pumasok sa kanyang
sinapupunan at siya ay naglihi. (Tafsir Ibn Khatir vol 6
pahina 244). Bilang karagdagang paliwanag (mula din sa
Tafsir Ibn Khatir pahina 244), si Muhammad bin Ishaq
ay nagsabi, “Nang siya ay maglihi habang sumasalok ng
tubig sa balon, siya ay bumalik sa kanyang kamag-anak.
Ang Banal na Qur’an ay nagpahayag tungkol sa himalang
naganap at nangyari kay Maria:
Qur’an 21:91 “At siya [Maryam (Maria)] na nangalaga
sa kanyang kalinisan (dangal at puri): Amin siyang
hiningahan (sa manggas ng kanyang damit [sa
pamamagitan ng Anghel Jibreel (Gabriel)].…”
Pagkaraan nito, ang kanyang buwanang regla ay tumigil at
siya ay nagsimulang makaranas ng karamdamang tulad ng
(ina) at lalaki (ama). Kaya, ang pagkakalikha sa tao ng Makapangyarihang
Diyos sa anumang pamamaraan ay isang pagpapahiwatig ng Kanyang walang
hanggang Kadakilaan at Kaluwalhatian. Ang kapangyarihan sa paglikha at
kautusan ay para lamang sa Kanya. Kaya naman, nararapat lamang na ang
tapat na pagsamba ay iukol at ialay lamang sa Kanya (Allah).
29
MARIA ANG DAKILANG BABAE NG SANGKATAUHAN
ANG PANGANGANAK NI
MARIA
Ang kabanalan ng tungkulin ni Maria ang siyang nagbigay
katatagan sa kanya upang siya ay magpakasakit alang-alang
sa katuparan ng layuning nakaatang sa kanya. Mag-isa
niyang binalikat ang pagdurusang ito, subali’t ang patnubay
ng Dakilang Maykapal ay nasa kanya. At natagpuan na
lamang ang sarili na tigib ng dalamhati sa isang pook.
Ang Banal na Qur’an ay nagsalaysay:
Qur’an 19:23 “At ang sakit (na dala) ng kanyang
panganganak ang naghatid sa kanya sa isang puno ng
datiles. Siya (Maryam) ay nagwika: Sana’y namatay
na ako bago pa dumating ang pangyayaring ito (ang
panganganak) at ako ay nabaon na sa limot.”
At pagkaraan ng pagdurusa at pighating dala ng hirap ng
panganganak, siya ay nagsilang ng isang lalaking sanggol.
At kaakibat nito ay ang mga himala ng pagsilang.
Qur’an 19:24 “Pagkaraan, isang tinig mula sa kanyang
paanan ang tumawag: “Huwag kang malumbay, ang
iyong Panginoong (Allah) ay nagbigay sa iyo ng isang
bukal ng tubig sa iyong paanan.”
MARIA ANG DAKILANG BABAE NG SANGKATAUHAN
30 31
MARIA ANG DAKILANG BABAE NG SANGKATAUHAN
ANG PAGBABALIK NI MARIA
SA KANYANG ANGKAN
Dahil sa kautusan ng Diyos, nagsimula siyang maglakbay
pabalik sa kanyang pamayanan nang buong katatagan at
tibay ng kalooban. Dala-dala niya ang sanggol na si Hesus,
at sa pagkakataong ito, siya ay nakahandang magbigay ng
patunay para sa tunay na nangyari. Kaya, siya ay hindi
na rin nabahala para sa ano mang sasabihin sa kanya ng
mga tao, sapagka’t ang himala ng kanyang sanggol na
anak ay higit na magbibigay liwanag tungkol sa kanyang
pagkakaroon ng anak na hindi sumailalim sa karaniwang
daloy ng pagiging ina.
Ang Banal na Qur’an ay nagpahayag tungkol dito:
Qur’an 19:27 “At kanyang dinala siya (ang sanggol)
patungo sa kanyang mga angkan. Sila (mga tao)
ay nagsabi: O Maryam (Maria)! Tunay na ikaw ay
nagdala ng isang bagay na kamangha-mangha!”
At ang ilan sa mga taong nakapaligid sa kanya ay nagtanong
at nag-usisa sa kanya nang may bahid ng panunumbat at
pag-aalinlangan, sapagka’t ang kanilang lahi o angkan ay
bantog sa pagiging makadiyos at kilala bilang marangal
Qur’an 19:25 “At iyong yugyugin ang puno ng datiles
(mula sa iyong itaas), (at) maglalaglagan sa iyo ang
mga sariwang hinog na bunga.”
Ang bumalon na bukal na tubig sa tabi ng kanyang paanan
at ang mga bunga ng datiles ay nagsilbing pagkain at
inumin niya upang mapawi ang kanyang gutom at uhaw.
Isang himalang maituturing ang kalagayang ito ni Maria,
sapagka’t nagkaroon siya ng kakaibang lakas upang
yugyugin niya ang isang puno ng datiles na hitik ng bunga.
Ito ay isang palatandaan lamang na siya ay ganap na
pinatnubayan at pinagpala ng Dakilang Maykapal. Nang
siya ay naging malakas na, siya ay pinagpayuhang huwag
makipag-usap sa kaninuman.
Qur’an 19:26 “Kaya, kumain ka at uminom, at magsaya
sa sarili. At kung sakali mang iyong makadaup-palad
ang sinumang tao, iyong sabihin “Katotohanan! Ako
ay nagbigay panata sa Mahabaging [Allah (Diyos)] na
umiwas (sa kaninuman), kaya hindi ako makikipagusap
sa kaninumang tao sa araw na ito.”
MARIA ANG DAKILANG BABAE NG SANGKATAUHAN
32 33
MARIA ANG DAKILANG BABAE NG SANGKATAUHAN
kapahayagang ito ay isang palatandaan ng malinis at wagas
na puso ng isa sa mga dakilang babae ng sangkatauhan.
Qur’an 19:29 “At kanyang itinuro siya (ang sanggol).
Sila (mga tao) ay nagwika [kay Maryam (Maria)]:
“Paano namin makakausap ang isang batang (musmos)
na nasa duyan1?”
1 Si Abu Hurairah ay nagsalaysay na ang Sugo (Muhammad ) ay nagsabi:
“Walang sinuman ang nagsalita sa kanilang kamusmusan maliban sa tatlo:
(Ang una ay si ˋIsa bin Maryam [Hesus, anak ni Maria]), (ang ikalawa ay):
Mayroong isang lalaki mula sa angkan ni Israel na ang ngalan ay Juraij. Habang
siya ay nagdarasal, ang kanyang ina ay dumating at tinawag siya. Sinabi niya
sa kanyang sarili, “Dapat ko ba siyang sagutin o ituloy ko ang pagdarasal?”
Siya ay nagpatuloy sa pagdarasal at hindi niya sinagot ang ina. Ang kanyang
ina ay nagsabi, “O, Allah (Diyos), huwag Mo pong itulot na siya ay mamatay
hanggang hindi siya makatagpo ng isang babaing mababa ang lipad (nagbibili
ng aliw). Kaya, habang siya ay nasa pag-iisa (kalagayang hermitanyo), isang
babae ang dumating at inakit siya, nguni’t siya ay tumanggi. Kaya, ang babae
ay nagtungo sa isang pastol at inalay ang sariling katawan upang makipagtalik,
at pagkaraan, siya ay nanganak at sinabing ito ay anak ni Juraij. Ang mga tao,
samakatuwid, ay dumating sa kanya at siya ay inabuso. Si Juraij ay nagsagawa
ng (Wudu’) paglilinis sa katawan at nag-alay ng (mataimtim na) pagdarasal,
at pagkaraan ay nagtungo sa batang musmos at nagsabi: O, batang musmos!
Sino ang iyong ama? Ang bata ay sumagot, “Ang pastol”. Nang marinig ito,
ang mga tao ay nagsabi: Ipagpapatayo ka namin (O Juraij) ng iyong tirahan
(sa pagiging hermitanyo) na yari sa ginto,” nguni’t siya ay nagsabi: “Hindi,
ipagpagawa na lamang ninyo ako ng isang yari sa luwad (lupa).” (Ang ikatlo ay
isang bayani ng isang kasunod na kuwento): Ang isang babae mula sa angkan
ni Israel ay nagpapasuso ng kanyang anak nang ang isang makisig na lalaki ay
dumaan sa kanya. Siya ay nagsabi, “O, Allah (Diyos)! Gawin Mong katulad
niya ang aking anak.” Sa pagkakataong yaon, ang batang musmos ay tumigil sa
pagsuso at humarap sa makisig na lalaki at nagsabi: “O, Allah (Diyos), huwag
Mo po akong gawing katulad niya. At pagkaraan, muling sumuso ang bata.
Pagkaraan, may mga taong nagdaan na may dalang babaing alipin at ang ina ng
bata ay nagsabi: “O, Allah (Diyos), huwag Mong gawin katulad nito (babaing
na lahing pinagmulan ng mga Propeta. Kaya, ang ilan nga
ay nagsabi:
Qur’an 19:28 “O kapatid na babae ni Haron1 (Aaron)!
Ang iyong ama ay hindi isang masamang tao at maging
ang iyong ina ay hindi isang maruming babae.”
At dahil nga si Maria ay nangakong hindi makipag-usap
sa kaninuman bilang isang tanda at kautusan, hindi siya
nagsalita bagkus itinuro niya ang batang sanggol. Sadyang
ang salaysay na ito ay makabagbag damdamin at tunay na ang
1 Si Maria ay tinawag na kapatid na babae ni Aaron (Haron), sapagka’t siya ay
mula sa angkan ng mga Propetang sina Moises at Aaron (at ito ay isang kawikaan
o katagang naibubulalas (idiomatic expression) kung ang isang tao ay nabibigla
o namamangha at hindi makapaniwala. Sa wikang Arabik, ang salitang “Akh”
(kapatid na lalaki) o “Ukht” (kapatid na babae) ay may dalawang kahulugan: 1.
kapatid sa dugo at 2. kapatid sa angkan o lahi o kapatiran sa pananampalataya.
Ganito rin ang ginamit ng Qur’an sa ibang talata nito. Halimbawa, sa Surah 11
talata bilang 78, si Propeta Lot ay tinawag ang mga kababaihan ng kanyang
pamayanan bilang “aking mga anak na babae [my daughters]. Sa Surah 7, talata
bilang 65, 73, at 85, sina Propeta Hud, Salih at Shu`aib ay tinawag na “kapatid
na lalaki ng kani-kanilang mamamayan. At maging ang mga mamamayan ni
Propeta Lot ay tinawag na kapatid ni Propeta Lot maliban sa salitang “banatii”
na ang kahulugan ay “aking mga anak na babae [my daughters].” Kaya, ang
“O, kapatid na babae ni Aaron” ay ginamit bilang kawikaan (idiom) batay
sa angkan o lahi. Kahit sa Ebanghelyo ni Lukas [Bibliya Bagong Tipan], si
Elizabeth na asawa ni Zakarias ay tinawag na “daughter of Aaron, sa English
translation]. (Ang paliwanag na ito ay hinango at sinipi mula sa aklat na may
pamagat na “The Sources of the Qur’an, A Critical Review of the Authorship
Theories ni Hamza Mustafa Njozi ng World Assembly of Muslim Youth, Saudi
Arabia. Sa nakaraang paliwanag, ang mga Rabbi na namamahala sa Bayt Al-
Maqdis ay mula sa angkan ni Aaron. Kaya, ang mga tao sa panahon na iyon
ay kinikilala at iginagalang ang lahi ni Imran (ama ni Maria) bilang mga taong
nagmula sa angkan ng mga Propeta.
MARIA ANG DAKILANG BABAE NG SANGKATAUHAN
34 35
MARIA ANG DAKILANG BABAE NG SANGKATAUHAN
na kanilang pinag-aalinlanganan ang tungkol dito.”
Ito ang pinakamahalagang yugto sa buhay ni Maria at
ang himalang umugnay sa kanya at sa kanyang dakilang
anak - si Hesus. Habang panahon, ang salaysay na ito ay
mananatiling isang patunay sa kadakilaan ni Maria at ni
Hesus. At sa huling yugto ng kasaysayan ni Maria, ang
sanggol na si Hesus ay nagbigay ng malinaw na pahayag
upang magsilbing aral para sa lahat ng tao.
Qur’an 19 :35 “Hindi angkop (sa kadakilaan) ng Allah
(Diyos) na Siya ay magkaroon ng anak (na lalaki).
Luwalhati sa Kanya (higit Siyang Mataas kaysa sa
lahat ng iniuugnay sa Kanya). Kapag Kanyang itakda
ang isang bagay, Siya ay magsasabi lamang ng Kun
(Maging) at Mangyayari nga.”
At si Hesus (na anak ni Maria) ay nagbigay paalaala sa
sangkatauhan na bumalik sa malinis na pagsamba sa
Makapangyarihang Diyos. Siya ay nag-anyaya:
Qur’an 19:36 “At katotohanan, ang Allah (Diyos) ang
(Siyang) aking Panginoon at ang inyong Panginoon.
Kaya, sambahin ninyo Siya (at tanging Siya lamang).
Ito ang Matuwid na Landas.”
Sa talata sa itaas, ganap na nagtaka ang mga tao kung bakit
niya itinuro ang bagong silang na sanggol na hindi pa
makapagsalita. Subali’t, ang himala ay naganap. Ang sanggol
na si Hesus ay nagsimulang mangusap at nagpatunay na siya
ay isang pagpapala mula sa Makapangyarihang Diyos. Ito ay
isang banal na salaysay na nagbigay na dakilang kalagayan
ni Hesus. Ang kanyang himalang pagsasalita mula sa
kamusmusan ay palatandaan ng Makapangyarihang Gawa
ng Dakilang Tagapaglikha. At ito rin ay isang kahangahangang
patunay sa kapangyarihang ipinagkaloob ng Diyos
kay Hesus bilang isa sa Dakilang Propeta at Sugo ng Diyos.
Qur’an 19:30-34 “Siya [ˋIsa (Hesus)] ay nagsabi: “Tunay
na ako ay alipin ng Allah (Diyos): Ako ay binigyan Niya
ng Kasulatan at ginawa Niya akong Propeta. At ako ay
Kanyang pinagpala saan man ako naroroon at ipinagutos
sa akin ang pagdarasal at kawanggawa habang
ako ay nabubuhay. At maging masunurin sa aking ina
at hindi Niya ako ginawang mapagmataas na suwail.
At kapayapaan sa akin sa araw na ako ay isinilang, at
sa araw na ako ay mamamatay at sa araw na ako ay
muling ibabangon. ‘Iyan ay si Isa (Hesus), ang anak ni
Maryam (Maria). (Ito ay) isang pahayag ng katotohanan
alipin) ang aking anak!” Sa gayon, ang bata ay muling tumigil sa pagsuso at
nagsabi: “O, Allah (Diyos)! Gawin Mo akong katulad niya.” Nang sabihin ng
ina sa anak kung bakit, ang bata ay sumagot, “Ang makisig na lalaki ay isang
mapang-abusong tao, samantalang itong babaing alipin ay pinaratangan ng
pagnanakaw at pakikipagtalik.” (Sahih Al-Bukhari, vol 4, Hadith bilang 645).
37
MARIA ANG DAKILANG BABAE NG SANGKATAUHAN
ANG MGA KATANGIAN NI
MARIA
Bukod sa Banal na Qur’an, maraming Hadith (mga salita
ng Propeta Muhammad ) ang naglarawan tungkol sa mga
katangian ni Maria. Ito ay mga Hadith na pinananaligan at
naitala ng kanyang mga kasamahan at napanatili nila sa
mahabang panahon.
Si At-Tirmidhi, ang isa sa pinananaligang matuwid at
pantas na mananalaysay ay nag-ulat na ayon kay Ali bin
Abu Talib, sinabi ng Sugo (Muhammad ) na:
“Ang pinakadakilang babae (sa kanyang kapanahunan)
ay si Maryam (Maria), ang anak na babae ni Imran,
at ang pinakadakilang babae (sa panahon ng Propeta
Muhammad ) ay si Khadijah (ang kanyang asawa),
anak na babae ni Khuwaylid.”
At ayon sa pagtatala ni Ibn Jarir, isinalaysay ni Abu Musa
Al-Ash`ari na sinabi ng Sugo (Muhammad ) na:
“Maraming lalaki ang ganap na nakamtan ang Iman
(pananalig at paniniwala), at sa mga babae, sina Maryam
(Maria) na anak na babae ni Imran at Asiya, ang asawa ni
Fir`aun (Paraon) ang nakatamo ng kaganapan lamang.”
39
MARIA ANG DAKILANG BABAE NG SANGKATAUHAN
SI MARIAM ATU SALNIGM BABAING
Maraming panahon na ang lumipas. Sa makabagong
takbo ng buhay, tanging babaing Muslim lamang ang
nananatiling may pagkakahalintulad sa pananamit ni
Maria. Ipinag-uutos ng Islam sa babaing Muslim bilang
isang marangal na mananampalataya na panatilihing
maayos ang pananamit sa pamamagitan ng pagkubli
sa anumang bahagi ng katawan na maaaring maging
sanhi ng kawalan ng dangal at paggalang. Para sa isang
babaing Muslim, si Maria ay larawan ng isang marangal
na babae na dapat tularan sa gawa, kilos at kaayusan.
Siya ay isang inspirasyon na hindi maaaring maglaho
magpakailanman, sapagka’t siya ay bahagi ng relihiyong
Islam - ang pinagpalang relihiyon ng Dakilang Maykapal.
Sa aming paglalahad tungkol sa katauhan ni Maria, ang
Dakilang Ina ni Hesus, ating matatagpuan ang isang
banal na pagsasalaysay na hindi natagpuan sa mga aklat
ng ibang relihiyon. Bagaman, ang Kristiyanismo ay isang
relihiyon na umiinog sa katauhan ni Hesus at tuwirang
umuugnay kay Maria, walang magandang salaysay ang
maaaring matunghayan sa pahina ng kinikilala nilang
MARIA ANG DAKILANG BABAE NG SANGKATAUHAN
40 41
MARIA ANG DAKILANG BABAE NG SANGKATAUHAN
ANG HULING PANANALITA
Ang maikling lathalaing ito ay humahalaw sa isang
mahalagang aspeto ng Islam at ito ay makapagdudulot ng
higit pang pang-unawa sa relihiyong Islam. Ang relihiyong
Islam ay mayaman sa bawa’t aspetong nais talakayin at
bawa’t pananaw na inilalahad ay makapagbibigay patnubay
at kaalaman at may mga kasaysayang nagpapaalala sa tao
kung paano ang kinahinatnan ng mga lahi ng nagdaang
panahon. Matutunghayan din sa Banal na Qur’an ang
paglikha kay Adan (Adam) at Eba (Hawa) at kung paano
sila namuhay ng masagana, paano sila nagkasala at paano
sila nagbalik-loob sa Panginoong Diyos. Tinalakay din dito,
ang kasaysayan ni Propeta Noah (Nuh) at ang pagsuway ng
kanyang pamayanan at kung paano dumating ang delubyo
(malaking baha) bilang parusa sa kanila. Inilarawan din
ng Banal na Qur’an ang bunga ng pagtakwil ni Paraon
(Fir`aun) sa paanyaya ni Moises (Musa) at Aaron (Haron)
sa pagsamba sa Nag-iisang Diyos (Allah) at kung ano
ang naging bunga ng pagtanggi niya. Isinalaysay din ang
buhay ni Propeta Joseph (Yusuf) at ang kanyang amang
si Hakob (Ya`qub) at mga kapatid niyang umalipusta sa
kanyang kamusmusan. Matutunghayan din ang kasaysayan
Kasulatan - ang Bibliya. Nguni’t, ang Banal na Qur’an,
bilang Huling Kapahayagan ng Dakilang Maykapal ay
siyang tanging aklat ng kapahayagan na nagtanggol sa
mga maling paratang na iniuugnay sa katauhan ni Maria
at ni Hesus. Ito ay palatandaan at isang katotohanan, na
higit na may karapatan ang relihiyong Islam na ibantayog
sa buong sangkatauhan ang isa sa mga dakilang babae ng
sangkatauhan - si Maria, ang ina ni Hesus, ang Dakilang
Propeta at Sugo ng Makapangyarihang Diyos.
MARIA ANG DAKILANG BABAE NG SANGKATAUHAN
42 43
MARIA ANG DAKILANG BABAE NG SANGKATAUHAN
pinag-isang kaayusan para sa pangkalahatan. Ito ang Islam
- ang pinagpalang relihiyon ng Dakilang Maykapal.
Dinadalangin ko na nawa’y ang maikling babasahing ito
ay makatulong sa lahat ng naghahanap ng liwanag tungkol
sa tunay na buhay at katauhan ni Maria, ang dakilang
Babae ng sangkatauhan. Ang kasaysayan ni Maria sa
Banal na Qur’an ay isang makabagbag-damdamin na
tumitimo sa puso nang dahil sa maalab na salaysay,
malinaw na paglalarawan at maging ang mga pananaw
na nagbibigay inspirasyong kaugnay ng paksa tungkol sa
pananampalataya at buhay.
At dinadalangin ko rin na nawa’y tanggapin ng Dakilang
Diyos, ang pagpupunyagi na ito at pagpalain nawa Niya
ang lahat ng taong tumulong upang higit na maisaayos ang
lathalaing ito sa paraang maunawaan ng mga mambabasa.
Marami pong salamat. Patnubayan nawa tayo ng
Makapangyarihang Diyos-Allah.
tungkol kay Propeta Abraham (Ibrahim), kay Propeta Lot
(Lut), Propeta Jonas (Yunus), Propeta Hesus (ˋIsa), anak
ni Maria (Maryam). Binanggit din ang ibang piniling
Propeta ng Diyos na sina Propeta Juan (Yahya), Propeta
Elias (Ilyas), Propeta Enok (Idris), Propeta David (Daud),
Propeta Solomon (Sulaiman) at marami pang iba.
Hindi lamang mga kasaysayan ang nilalaman ng Banal na
Qur’an kundi higit sa lahat mayroon ding mga batas na
dapat sundin upang sa pagtahak sa masalimuot na agos
ng buhay, ang tao ay may pinanghahawakang panuntunan
upang makaiwas sa makasalanang gawain. Mayroon ding
mga pamamaraan upang sa gayon, maabot ng tao ang
pinakamataas na uri ng kabutihan at mapalapit sa kanyang
Panginoon, tulad halimbawa: ang pagsamba, pagdarasal,
ang paghingi ng kapatawaran, ang kawanggawa, ang
pagdalangin, ang pag-aayuno at marami pang iba. Kung
ano ang makabuluhan sa iba’t ibang kalakaran ng ating
mundo ay nakaturol lamang sa iisang katotohanan -
ang Pagsamba at Pagmamahal sa Nag-iisang tunay na
Makapangyarihang Diyos-ang Allah, na Siyang lumikha
ng lahat ng nilalang. At ito ang pangunahing handog ng
Islam sa lahat ng tao sa buong daigdig. Ang Islam ay
isang pamamaraan ng buhay para sa lahat ng panahon
at lahat ng pook, isang susi na lapat sa lahat ng pintuan.
Isang relihiyo na kumikilala sa dambuhalang kalawakan
at kumikilala sa pinakamaliit na bagay na nilikha, isang
IslamHouseTl Tagalog.IslamHouse islamhouse.com/tl/
user/IslamHouseTl
