Barnoota Yaachisaa Ummata Hundaaf


 Qopheessaan Kabajamoo Sheekh


 Abdulaziiz bin Abdallaah bin Baaz


 Rabbi rahmata isaaf haa godhu.


 Duree


 Maqaa Rabbii rahmata godhaa mararfataa taheetiin.


 Galanni Rabbii gooftaa aalamaatiif haa galu, booddeen bareenni warra sodaa Rabbii qabaniif haa ta'u,


 nagayaaf rahmanni Rabbii gabrichaa fi ergamaa nabiyyii keenya muhammad irratti haa bu'u, firaafii


 saahiboota isaanii hundaawu.


 Eeganaa:


 Kuni ibsa garii haasawa gabaabaa namoonni hundi Amantii Islaamaa keessatti beekuun irratti dirqama


 tayu ilaalchiseeti, akkana jechuunis moggaase: Barnoota Yaachisaa Ummata Hundaaf


 Akka Muslimtoota ittiin fayyadu Allaahin kadha, akksuma akka narraa qeebalus, Inni kennaa arjoomaa


 dha.


 Abdulaziiz bin Abdallaah bin Baaz


 Barnoota Yaachisaa Ummata Hundaaf


 Barnoota Tokkoffaa


 Suuraa Faatihaa fi Suurawwan Gaggabaaboo


 Suuraa Faatihaa fi waan mijate Suurawwan Gaggabaaboo irraa, Suuraa Zalzalaa irraa hanga


 Suuratu-Nnaasii, dubbisuu, akkasuma qiraatii sirreessuu, qomatti qabachuu, akkasuma waan hubachuun


 dirqama tahu hiikuu.


 Barnoota Lammaffaa


 Utubaalee Islaamaa.


 Ibsa Utubaalee Islaamaa Shananii: kan jalqabaa fi irra guddaan: Allaahin malee gabbaramaan haqaa hin


 jiru jechuu ragaa bahuu, akkasuma Muhammad ergamaa Rabbii tahuu isaa hiikkawwan isaanii ibsuu


 wajjiin, Ulaagaalee Laailaaha illallaah ibsuu wajjiin, Hiikkan isii: Laailaaha jechuun waan Allaahin malee


 gabbaramu hunda dhabamsiisuu, illallaah gabbarummaa Allaahiif isatti yagutoomsun maletti raggaasisuu,


 Ulaagaaleen Laailaahaillallaah ammoo beekumsa fallaa wallaalaa, mirkaneessuu faallaa shakkii,


 qulqulleessuu faallaa yagutoomsuu, dhugaan jechuu kijibsiisuun maletti, jaalachuu faallaa jibbuu,


 ajajamuu faallaa yagutoomsuu, fudhachuu faallaa diduu, waan Rabbiin malee gabbaramutti kafaruu.


 kanas walaloo asiin gadii kanatti walitti qabee jira:


 Beekumsaa fi Qulqullummaa, dhoguumsuu wajjiinii Jaalachuu fi ajajamuu akkasuma isii fudhachuunii itti


 dabaluu saddeettaffaa kafartii sirraa taateniinii gabbaramtoota Rabbiin malee gabbaramturrattiinii


 Ibsa Muhammad Ergamaa Allaah tahuu kennuu wajjiin, waan Inni (Muhammad S.A.W) hime


 dhugoomsuun, waan inni itti ajaje tole jechuun, waan inni irraa dhoorgee fi irraa xixerraa fagaatuun, karaa


 Allaahii fi Inni godhan maleen Rabbi gabbaruu dhabuun mirkanaaya. Ergasii Barattootaaf Utubaalee


 Islaamaa Shanan hafan ni ibsamu; Isaanis: Salaata, Zakaa, Ramadaana Soomuu, Nama dandeettii


 qaburratti mana Rabbii Hajjii godhuu.


 Barnoota Sadaffaa


 Utubaalee Iimaanaa


 Isaanis jaha: Allaahitti Amanuu fi Malaa'ikatti Amanuu, Kitaabota Isaatti, Ergamtootatti, Guyyaa


 Aakhiraatti amanuu fi Qadaratti amanuu kheeyrii yookin sharrii tahus Rabbii ol-tahe irraayi jedhanii


 amanuu.


 Barnoota Afraffaa


 Qoqqoodamaa Tawhiidaa fi Qoqqoodama Shirkii


 Ibsa qoqqoodama Tawhiidaa; Isaanis sadihi Tawhiida gabbarummaa, Tawhiida gooftummaa fi Tawhiida


 Maqaawwanii fi Sifaataa.


Tawhiidni Rabbummaa: Allaahin qulqullaahe uumaa waa hundaatii fi waan hunda kan olii-gadi


 garagaggalchu isaa jedhanii amanuu, kana keessatti waahela hin qabu.


 Tawhiidni gooftummaa ammoo: Allaahiin qulqullaahe isa malee gabbaramaan haqaa hin jiru jechuu fi


 kana keessatti waahelaa hin qabu jedhanii amanuu, kuni hiikkaa Laailaaha illallaahiiti, Hiikaan isii:


 Haqaan gabbaramaan Allaahin malee hin jiru, Ibaadaan cufti kan akka Salaataa fi Soomanaa fi kan


 biroos Rabbiif qulqulleessuun dirqama. waan tokkollee kan birootiif godhuun hin heeyyamamu.


 Tawhiidni Maqaa fi Sifaataa ammoo: kuni waan Qur'aana keessatti yookin Hadiisa Sahiiha waayee


 Maqaa Rabbiitii fi Sifaataa keessatti buufame hundatti amanuu dha, akkasumas haala rabbiin maluun


 osoo hin jallisin, osoo hin dhabamsiisin, osoo hin fakkeessinii fi fakkeenya itti hin godhin raggaasisuufii


 dha. Jecha Rabbii qulqullahetti dalaguuf: Jedhi: "Inni Allaah (gabbaramaa dhugaa) tokkicha. Allaahin


 hirkoo waa hundaati. Hin dhalle hin dhalannes. Hiriyaan tokkoos isaaf hin taane.” (Suuraa As-Samad


 guutuu), Ammas jecha Rabbii ol-taheeti: Fakkaataan akka isaa tokkolleen hinjiru, inni dhagayaa


 argaadha. (Shuuraa: 11)


 Warri beekumsa qaban gariin isaanii lama godhanii jiru, Tawhiida Maqaatii fi Sifaataa Tawhiida


 Rabbummaa jala seensisanii jiru, kana keessatti ammoo wal-dhabbiin hedduu hin mul'atu, qoqqoodama


 lachuu keessatti wanti itti fedhame ifa waan taheef jecha.


 Shirkiin bakka sadihitti qoodama: Shirkii guddaa, Shirkii xixiqqaa, fi Shirkii dhokataa dha.


 Shirkiin guddaan nama isarratti du'een dalagaa hundaa nama jalaa balleessa ibidda keessas abad nama


 qubsiisa. Osoo yagutoomsanii Rabbiin waan isaan dalagan jalaa ballessa' (Al-An'aam: 88) Rabbiin ol


 tahe akkana jedhe: Odoo lubbuu isaanii irratti kufrii ragaa ba’anii masjiidota Rabbii jiraachisuun


 mushrikootaan hin malu, Isaan dalagaan isaanii badde Isaan ibidda keessa yeroo hunda jiraatu


 (At-Tawbaa: 17), Namni isarratti du'e isaaf hin dhiifamu, Jannatni isarratti haraama, Akkuma Rabbiin


 ol-tahe jedhe: Allaah nama Isatti yagutoomsuu hin dhiisu (itti hin araaramu), waan san (yagutoomsuu)


 malee jiru abbaa fedheef ni dhiisaf' (An-Nisaa' 48), Rabbiin ol tahe akkana jedhe: ...dubbiin namni Rabbitti


 waa qindeesse, Rabbiin isa irratti jannata haraama taasiseeraTeessoon isaas ibiddaMiidhaa


 raawwattootaafis tumsitoonni hin jiranu." (Al-Maa'idaa: 72),


 Akaakuulee isaatirraa: warra du'e yaamatuu, waan Rabbiin malee gabbaramuun gargaarsa barbaaduu,


 jaraaf silatii godhuu, akkasuma jaraaf qaluu fi kan kana fakkaatan.


 Shirkiin xiqqaan ammoo: Innis waan Qur'aana fi Hadiisota keessatti shirkii jedhamee moggaafamuun


 dubbatame, haa tahuu garuu bifa shirkii guddaa keessatti hin ramadamu, dalagaa garii keessatti akka na


 argii faa, Allaahiin malee waan birootiin kakatuu, waan Allaah fedhe ebalus fedhe jechuu fi kan kana


 fakkaatan; Waan nabiyyichi nagayaa fi rahmanni Rabbii irra haa jiraatuu akkana jedhaniif: Irra


 sodaachisaan wanti ani isinirratti sodaadhu irraa Shirkii xixiqqaa Irraa gaafatamees, akkana jedhe: Na


 argii Imaam Ahmad, Xabaraanii fi beeyhaqiin hadiisa Mahmuud bin labiid Al-Ansaarii Rabbi irraa haa


 jaalatuu isnaada gaariitiin irraa odeessanii jiru, Ammas Xabaraaniin isnaada gaariin Mahmuud bin labiid


 akkasuma Raafi' bin kadiij irraa Nabiyyichi nagayaa fi rahmanni Rabbii isaanirra haa jiraatuu nuu


 odeeffamee jira- Ammas jecha Ergamaa Rabbii nagayaaf rahmanni isarratti haa bu'uu. Namni maqaa


 Allaahiin malee waan birootiin kakate dhugaa yagutoomse (Rabbitti waaheloomse) Imaam Ahmad


 isnaada Sahiiha keessatti odeesse Umar ibnul khaxxaab irraa Rabbi irraa haa jaalatuu- Abuu daawuud fi


 Tirmiizinis gabaasanii jiru, hadiisa ibnu Umar Rabbi irraa haa jaalatuu Ergamaa Rabbii nagayaaf


 rahmanni isarratti haa bu'uu- akkana jedhan: Namni Allaahiin malee waan birootiin kakate dhugumatti


 kafaree jira Ammas jecha Ergamaa Rabbii nagayaaf rahmanni isarratti haa bu'uu. Waan Allaah fedhe


 ebalus fedhe hin jedhinaa; garuu akkana jedhaa: Waan Allaah fedhe ergasii ebalu fedhe. Abuu daawuud


 isnaada sahiihaan gabbasee jira, Huzeeyfaa ibnul yamaan Rabbi irraa haa jaalatuu


 Akaakuun akkanaa kuni Islaamummarraa baye hin jedhamu, ibidda keessatti zalaalamii hin qubsiisu,


 garuu guutummaa Tawhiidaa dirqama tahe balleessa.


 Akaakuun Sadaffaa ammoo: innis shirkii dhokataa dha, ragaan jecha nabiyyichaati nagayaa fi rahmnanni


 Rabbii isaanirra haa jiraatuu- Masiih Addajjaalirra waan irra isiniif sodaadhu isiniif himuu? Ni jedhan,


 Eeyyen nuuf himi Yaa Ergamaa Rabbii, Akkana jedhe: Shirkii dhokataa jechuun, Namtichi tokko salaata


 isaa keessatti yeroo dhaabatu yoo namni isa laalu bareechee haala gaarin salaata Imaam Ahmad


 musnada keessatti odeesse Hadiisa Abii Sa'iidal khudrii Rabbi irraa haa jaalatuu. Shirkii iddoo lamatti


 qofatti qooduun ni danda'ama Guddaa fi Xixiqqaa, Shirkiin dhokataan ammoo jara walitti qabata


 Guddicha keessa bu'a. akka shirkii munaafiqootaa; ilaalcha aqiidaa badaa isaanii waan dhoyfataniif,


 ammas ofiif sodaatuudhaan Muslimtoota tahuu gubbaan of mul'isan. Shirkii xixiqqaa keessatti taya,


 akkuma hadiisa Mahmuud bin Labiid keessatti laalle, ammas hadiisa Abii sa'iid keessatti dubbatametti.


 Allaah...


Barnoota Shanaffaa:


 Al-Ihsaan


 Utubaan Ihsaanaa, innis: Ati Allaahiin akka waan argituutitti gabbaruu dha, yoo ati Isa hin argin Inni si


 arga.


 Barnoota Jahaffaa:


 Ulaagaalee Salaataa


 Isiin sagali: Islaamummaa, Aqlii, waa addaan baafachuu, xuraawaa ofirraa baasuu, najisarraa


 qulqullaawuu, qaama dhoksuu, yeroon seenuu, Qiblatti garagaluu, niyyatuu.


 Barnoota Torbaffaa:


 Utubaalee salaataa.


 Isiin kudha Afuri: Dandeettii waliim dhaabachuu, Takbiiraa Ihraamaa, Faatihaa qara'uu, Rukuu'a,


 Rukuu'arraa ol jechuu, humna (qaamolee torbaan) sujuuda godhuu, isarraa ol jechuu, sujuuda lameen


 jidduu taa'uu, dalagaalee hunda tasgabbiin gaggeessuu, utubaalee hunda tartiibaan raawwachuu,


 tashahhuda dhumaa taa'uu, isaaf taa'uu, Nabiyyicharratti S.A.W salawaata buusuu fi Salaama lameen


 baafachuu.


 Barnoota Saddeettaffaa:


 Dirqamoota Salaataa


 Isiin Torba: Takbiira ihraamaa malee hundumaayyuu, Imaamaa fi nama adda salaatuuf sami'allaahu liman


 hamidah jechuu, hundumtuu Rabbanaa walakal hamd jechuu, Subhaana Rabbiyal-Aziim rukuu'a


 keessatti jechuu, Subhaana Rabbiyal A'alaa sujuuda keessatti jechuu, teessuma sujuuda lameenii jidduu


 Rabbigfirlii jechuu, Tashahhuda awwalaa, isaaf taa'uu.


 Barnoota Saglaffa:


 Ibsa Tashahhudaa


 Innis akkana jechuu dha: Attahiyyaatu lillaahi, wassalawaatu, waxxayyibaatu, assalaamu aleeyka


 ayyuhan-nabiyyu warahmatullaahi wabarakaatuh, assalaamu aleeynaa wa'alaa ibaadillaahis-saalihiina,


 ashhadu an laailaaha illallaahu wa ashhadu anna Muhammadan abduhuu warasuuluh. Ergasii itti aansee


 Nabiyyicharratti S.A.W salawaata buusuu, isarratti barakeessuudhaanis, akkana haa jedhu: Allaahumma


 salli alaa Muhammadin, wa'alaa aali muhammadin, kamaa salleeyta alaa Ibraahiima wa alaa aali


 Ibraahiima Innaka Hamiidun Majiid, wabaarik alaa Muhammadin, wa alaa aali Muhammadin, kamaa


 baarakta alaa Ibraahiima innaka hamiidun majiid. Itti aansuunis tashahhuda xumuraa keessatti qixaaxa


 (azaaba) jahannam irraa Rabbitti maganfata, akkasuma azaaba qabrii, fitnaa jiruu fi du'aa irraahis ammas


 fitnaa masiihud-dajjaala irraahis Allaahitti maganfata, Ergasii du'aa'ii fedhe keessattuu du'aa'ii hadiisa


 keessatti dubbataman filatee godha, saniniinirraa: Allaahumma a'innii alaa zikrika wa shukrika wa husni


 ibaadatika, Allaahumma innii zalamtu nafsii zulman kasiiran, walaa yagfiruz-zunuuba illaa Anta, fagfirlii


 magfiratan min indika, warhamnii innaka antal-gafuuru rrahiim.


 Tashahhuda duraa keessatti garuu shahaadateeynii erga jedhee booda raka'aa sadaffaatiif dhaabbata


 salaatawwan akka Zuhrii, Asrii, Magribaa fi Ishaa'iitif fa'arratti, Yoo Salawaatas Nabiyyicharratti S.A.W


 buuse irra filatamaa dha; Hadiisonni baay'een waan sanirratti dubbataniif, ergasii raka'aa sadaffaatiif


 dhaabata.


 Barnoota Kurnaffaa:


 Sunnaawwan Salaataa


 Irraa:


 Du'aa'ii baniinsa salaataa jechuu.


 Ganaa harka mirgaa isaa harka bitaa isaa irra kaayuun yeroo dhabatu qoma isaa irraa kaayata, rukuu'a


 duras boodas


Takbiiraa duraa irratti, ammas yeroo rukuu'a bu'iinsaa, fi yeroo rukuu'arraa ol- jedhamu, akkasuma


 teessuma jalqabaa irraa gara raka'aa sadaffaatif yeroo ol-ka'amu harka lamaan ofii qubbiin


 wal-qixxeessun ceekuu yookin gateettii biratti diriirsuun yookin gurra lamaanitti qixxeessuun ol- qabuu.


 Wanti tasbiiharraa rukuu'a fi sujuuda keessatti tokkoo ol dabalame


 Rukuu'a irraa erga ol jedhanii wanti Rabbana walakal hamdu irratti dabalamu, akkasuma sujuuda lameen


 jiddutti araarama kadhachuu irratti tokko irratti wanti dabalames


 Rukuu'a keessatti Mataa ofii qixxee dugdaatiin godhuu


 Yeroo sujuuda godhan irree harkaa lameen cinaacha lamaan irraa akkasuma garaa ofii tafaa fi mogolee


 miilaa lamaan irraa fageessuu


 yeroo sujuudaa ciqilee lameenuu lafarraa ol siisuu (kaasuu)


 Nnamni salaatu tokko teessuma duraatii fi teessuma sujuuda lameen jidduutti miila bitaa uf jala afee irra


 taa'uun, miila mirgaa ammoo gadi dhaabuu.


 Salaata raka'aa sadihii fi afurii teessuma xumuraa irratti taa'umsa tawarrukaa taa'uu sunis: miila bitaa ofii


 mirga jala godhuun miila mirgaa gadi dhaabanii teessoo ofiitirra taa'uu dha.


 Tashahhuda duraatii fi boodaa keessatti hanga teessuma xumuraatti qubaan akeekuu akkasuma yeroo


 du'aa'ii ammoo sochoosuu


 Teessuma jalqabaa keessatti Salaata fi barakaa Nabi Muhammadii fi warra isaanii akkasuma Nabi


 Ibraahiimii fi warra Isaanii irratti buusuu


 Tashahhuda xumuraa keessattii du'aa'ii godhuu


 Salaata akka Fajrii, Salaata Jum'aa, Salaata Iidaa lameen, Salaata yeroo roobni dide haa roobuf


 salaatamu, akkasuma Salaata Magribaa fi Ishaa'ii raka'aalee duraa lameen keessatti sagalee ol fuudhee


 qara'uu


 Salaata akka Zuhrii, Asrii, fi raka'aa sadaffaa salaata magribaa irraa, akkasuma Salaata Ishaa'ii


 raka'aalee lameen booda keessatti sagalee dhageessisuun maletti dhoksaan qara'aa salaata.


 Qiraatii Qur'aanaa irraa Faatihatti waan dabalame, waan olitti ibsinee bira tarre malee sunnaawwan


 salaataa hafan hadiisa keessatti dubbataman yaada keessa galchuu, sanniinirraa: jecha nama salaatu


 tokkorratti waan dabalamu: erga rukuu'arraa ol jedhee booda Rabbanaa walakal hamdu jechurratti kunis


 Imaamaaf, nama itti hidhatee salaatuu fi addatti salaatuuf, kuni sunnaa dha, ammas: yeroo rukuu'a godhu


 qubbiin harkaa gar gar baasuun jilba qabatuu.


 Barnoota Kudha Tokkoffaa


 Wantoota Salaata Balleessan


 Isiin Torba:


 beekaa fi osoma yaadatu haasayuu, namni dagatee yookin wallaale kanaan Salaatni isaa hin baddu


 Kolfuu.


 Nyaachuu.


 Dhuguu.


 Qaamni (awraan) mul'achuu.


 Kallattii Qiblaa irraa baay'isanii garagaluu.


 Salaata keessatti tapha walitti fufe baay'isuu


 Xahaaraa balleessuu.


 Barnoota Kudha Lammaffaa


 Ulaagaalee Wuduu'aa


 Isaanis Kudhani: Islaama, Aqlii qabaachuu, waa addaan baafachuu, niyyaa, hanga xahaaran isaa


 guutamtuufii addaan kutuu dhabuu fi itti fufuu yaaduu, wanti wuduu'a dirqamsiisu cituu, dura Istinjaan yoo


 waan gogaan qoorfachuu, waan gara qaamaa gahuu dhoorgu dhabamsiisuu, waqtiin salaataa seenuu.


 Barnoota Kudha Sadaffaa


 Dirqamoota Wuduu'aa


 Isaanis Jaha: Fuula dhiqachuu sanirraa afaan ofii lulluuqachuu fi bishaan funyaan keessa seensisanii


 baasuu, harka ofii ciqilee wajjiin dhiqachuu, rifeensa mataa ofii haxaayuu gurra lameen wajjiinuu, miila


 lameen hanga kiyyootti dhiqachuu, tartiiba godhuu, walitti fufiinsan dalaguu. Fuula yeroo dhiqatan


 deddeebisanii dhiqachuun jaalatamaa dha, akkasuma harka lameen ofii, ammas miila lameen yeroo sadi,


akkuma kana bishaan afaanii fi funyaan keessa seensisanii baasuu. kanarraa wanti dirqamaa yeroma


 takka, rifeensa haxaayuu ammoo deddeebisuun hin jaalatamu akkuma hadiisonni sahiihni akeektutti.


 Barnoota Kudha Afraffaa


 Wantoota Wuduu'a balleessan


 Isaanis Jaha: Karaa lameeniin wanta bayu, xuraayaa fi fokkataa qaamarraa bahu, aqliin hirribaan yookiin


 waan birootiin deemuu, girdoo maletti qaama saalaa ofii fuunduree tayinna duuba ofii harkaan tuquu, foon


 gaalaa nyaachuu, Islaamummarraa deebi'uu, Rabbiin nuufii Muslimtoota hundaa haa tiksu.


 Hubachiisa cimaa: Ammoo nama du'e reeffa dhiquun wuduu'a hin balleessudha sirriin, kuni ammoo jecha


 Ulamaa'ota hedduuti; kana keessatti wanti ragaan hin jirreef jecha, garuu namni dhiqu harka isaatiin


 qaama saalaa nama du'ee girdoon maletti yoo tuqe wuduu'ni irratti dirqama taya.


 Dirqamni qaamni saalaa nama du'ee girdoon maletti tuqamuu dhabuu dha, akkuma kana wanti jecha


 sirraawaa ulamaa'otaa taye dubartii tuquun gonkumaa wauduu'a hin balleessuu dha. fedhiin (shahwaan)


 tayuu tayuu baatus waan waa irraa hin bayiniin, Nabiyyichi S.A.W warra ofii dhungatee osoo deebisee


 wuduu'a hin godhin waan salaate jecha.


 Garuu jechi Rabbii guddaa aayatoota suuraa An-nisaa'ii fi Al-Maa'idaa keessaa: yookiin dubartootaan wal


 tuqxanii (An-Nisaa' :43), (Al-Maa'idaa:6), wanti itti fedhame: wal-qunnamtii salaati, kuni irra sirraawaa


 jecha ulamaa'otaati, kunis jecha ibn Abbaas Rabbi irraa haa jalatuu fi akkasuma garee warra dur dabran


 salafootaa fi warra boodati. Allaah abbaa taytaa dhugaafi sirrii kan nama mudachisu dha.


 Barnoota Kudha Shanaffaa


 Muslimni martuu Haala (Akhlaaqa) shari'aa godhame


 qabaachuu


 Sanirraa: dhugummaa, Amaanaa, of tiksuu, saalfachuu, gootummaa, arjummaa, waadaa gootuu, waan


 Rabbiin haraama godherraafagaachuu, ollummaa tolchuu, hanga dandayuun nama barbaadaaf


 gargaarsa godhuu, haalota Qur'aana fi Hadiisa keessatti shar'aan itti akeekte kan birollee.


 Barnoota Kudha Jahaffaa


 Heera Islaamummaatiin heeramuu


 Irraa: Salaama (nagaya wal-gaafachuu), fuula toluu, mirgaan nyaatuu fi dhuguu, yeroo waa jalqaban


 bismillaahi jechuu, yeroo xumuran Rabbiin galatoomfachuu, yeroo haxxifatan Rabbiin galatoonfachuu,


 nama haxxifate yoo inni Alhamdulillah jedhe kheeyriin kadhachuufii, dhukkubsataa gaafachuu, nama du'e


 hordofuun awwaaluu, yeroo Masjida seenan adaba shari'aa eeguu, yookiin yeroo mana seenanii fi bahan,


 yeroo karaa deeman, yeroo abbaa fi haadha ofii waliin jiran, akkasuma firaa fi ollaa wajji, xiqqaa fi guddaa


 kabajuu keessatti, ammas yeroo ilma argatanii fi fuudha fi heeruma keessatti walii eebbisuu, yeroo namni


 du'e wal-obsisiisuu, kan birollee Adaba Islaamummaan qabdu uffata dirachuu, baafachuu qophee


 kaawwachuu faa keessatti.


 Barnoota Kudha Torbaffaa


 Shirkii irraa Eeruu fi Akaakuulee Ma'siyaa


 Isaanirraa: Torban nama halaakan isaanis: Rabbitti qindeessuu, Falfala, lubbuu takka haqaan malee


 ajjeesuu, dhala nyaachuu, horoo yatiimaa nyaachuu, yeroo waraanaa of-duubatti dheessuu, Mu'umintittii


 gaarii of-tiksituu waan badaan maqaa ballessuu.


 Isaanirraa: Abbaa fi Haadhatti jallatuu, ragaa kijibaa kennuu, Iimaana sobaa, ollaa rakkisuu (azaa


 godhuu), dhiiga, horoo gurra keessatti nama miidhuu, waan nama macheessu dhuguu, qumaara


 taphachuu- innis meysara, nama hamachuu, nama dubbiin wal-lolchiisuu, kan biroollee kan kana


 fakkaatan kana Rabbiin ol-tahe irraa dhoorge fi akkasuma Ergamaan isaa S.A.W irraa dhoorgan.


 Barnoota Kudha Saddeettaffaa


 Reeffa nama du'ee qopheessuu, irratti salaatuu fi awwaaluu


 Ibsi bal'inaan kunoo: Jalqabarratti Nama lubbuun isaa bahuuf fiixee jirtu tokko nama du'uuf jiru Jecha: Laa


 ilaaha illallaah isa jechisiisuun karaa godhamee jira. Rasuulli S.A.W akkana waan jedhaniif du'aa keessan


 laa ilaaha illallah-qabsiisaa.


Muslim sahiiha isaa keessatti odeesse.


 Hadiisa kana keessatti du'aa keessan jechuun wanti itti fedhame: nama du'uuf jiru, nama mallattoon


 du'aa irraa mul'attuu dha. Lamaffaa Yoo duuti isaa mirkanaaye ija isaa cufuuni fi areeda isaa jabeessuu


 kana keessatti hadiisni waan jiruuf Sadaffaan Muslima du'e tokko dhiquun dirqama yoo shahiida waraana


 keessatti ajjeefame ta'e malee yoo Shahiida ta'e hin dhiqamu irratti hin salaatamus, uffatuma dur jiruun


 awwaalama; Nabiyyichi S.A.W warra lola Uhudii keessatti ajjeefame hin dhiiynes jararrattis hin salaanne


 Afraffaa Akkaata nama du'e itti dhiqan qaama saalaa isaa dhoksuufii Ergasii garaa isaa suuta jedhee


 cuunfa yookiin dhiibinsa laafaa dhiiba, Ergasii namni dhiqu suni harka isaatti huccuu xiqqoo (guwaantii)


 wahii maratee xuraawaa qaama saalaa nama du'erraa bahu qulqulleessaaf. Ergasii wuduu'a Salaataa


 godhaaf, Ergasii mataa fi areeda isaa bishaani fi sidrii akkasuma kan biroon haa dhiqu, Ergasii cinaacha


 mirgaa dhiqa, ittii aansee bitaa, Ammas akkuma kana yeroo lammaffaa fi sadaffaaf dhiqa, Haaluma


 kanaan namni dhiqu tokko adada dhiquun harka isaa garaa irra dabarsa, yoo waa keessaa bahe ni dhiqa,


 iddoo sanis waan akka xixiitiin yookiin waan birootiin cufa. yoo hin qabatin dhoqqee hoo'aan, yookiin


 meeshota hammayyaa , kan akka plastaraa fi kan kana fakkaataniin Ammas irra deebi'ee wuduu'a


 godhaaf, yoo sadihiin hin qulqullaayin hanga shaniitti itti dabala, yookin hanga torbaa, ergasii huccuun


 goggoysa, akkasuma urgaawas qaama iddoo dhokataa fi iddoo sujuuda ittiin bu'urratti faa godhaaf, yoo


 maraayyuu ittiin urgeesse bareeda, ergasii uffata keefanamuun bukhuuraan urgessa. yoo affarroon


 areeda isaatii fi kotteen isaa dheeraa taye ni gabaabsaaf, yoo dhiisees rakkoo hin qabu, mataa isaa hin


 dhahuuf, rifeensa qaama saalaa isaa hin haaduuf, hin kittaanus, kanarratti ragaan waan hin jirreef,


 dubartii rifeensa ishee bakka sadihitti dhahaniif, duubarratti walitti qabsiisamaaf. Shanaffaa Nama du'e


 yookin Reeffa keefanuu


 Kan irra filatamu dhiirri uffata adii kan qamiisa fi waan maratan amaamaa hin qabne sadi keessatti


 keefanamuu dha, akkuma Nabiyyichi S.A.W godhanitti- suuta suutan keessa seensifama, yoo qamiisaan


 akkasuma marxoonii fi fooxaa bal'aan keefanames rakkoo hin qabu.


 Dubartiin uffata shan keessatti keefanamti: guftaa, qoloo, marxoo, hansoola lama. Daa'imni ammoo uffata


 tokkoo hanga sadihii keessatti keefanama, micattiin daa'imnis qamiisa tokkoo fi hansoolaa lama keessatti


 keefanamti.


 Dirqamummaan haqa nama du'eef godhamu hunda keessattuu uffata tokko keessatti dhokfamuu, garuu


 osoo namni du'e haala ihraama keessa jiruun du'e bishaanii fi sidriin dhiqama, marxoo fi fooxaa yookiin


 kan birootiinis keefanama, mataa isaatii fi fuula isaa hin haguugamu, akkasuma urgaayaan hin


 godhamuuf, guyyaa qiyaamaa talbiyaa jedhaa waan kaafamuuf, akkuma hadiisa sahiha keessatti


 Rasuularraa S.A.W dhufetti- yoo dubartis taate akkuma kan biroo keefanamti, garuu urgaan hin


 godhamuuf, fuulli isiis niqaabaan harki isillee guwaantiin hin haguugamu, haa tayuu garuu fuulli isheetii fi


 harki isii uffatuma keefanamte san jalatti dhokfama, akkuma akkaataa dubartiin itti keefanamtu ilaalchisee


 ibsametti.


 Jahaffaa Dhiquu fi irratti Salaatuu akkasuma awwaaluu nama haqa godhatu


 namni dhiquuf,Salaataaf fi awwaaluuf irra haqa godhatu: nama inni dhaamate, ergasii Abbaa,


 Akaakayyuu, ergasii aanaa fi fira irra itti aanu kuni dhiiraafi.


 Dubartii dhiquuf ammoo kan durarratti yaamaman: nama isiin dhaamatte, ergasii haadha, akkayoo,


 ergasii firaa fi aanaa irra isitti aanan dubartirraa, dhiirsa fi niitiin tokkoon isaanii tokko dhiquun ni tayaaf,


 Abubakri Ssiddiiq radiyallaahu anhu haadha manaa isaatu dhiqe, akkasuma Aliyyis haadha manaa isaatu


 Faaximaatu dhiqe.


 Torbaffaa Akkaataa nama du'e irratti Salaatan Yeroo Afur Allaahu akbar jedha, Takbiira duraa booda


 Suuraa Faatihaa qara'a; yoo suuraa gabaabaa yookiin aayatoota takkaa lama qara'e bareeda; Hadiisa


 sahiiha waayee kanaa ilaalchisee Ibni Abbas radiyallaahu anhu nuuf odeessef jecha, Ergasii takbiira


 lammataa godhee salawaata nabiyyicharratti S.A.W buusa akkuma tashahhuda salaataa keessatti


 jedhutti, ergasii takbiiraa sadaffaa godhee akkana jedha: Yaa Allaah! jiraa keenyaaf, du'aa keenyaaf, kan


 as jiruuf, kan as hin jirreef, xiqqaa keenyaaf guddaa keenyaaf, dhiira keenyaaf dhalaa keenyaaf


 hundumaafuu araarami, Yaa Allaah! nama nurraa jiraachifte Islaamummaa irratti jiraachisi, nama nurraa


 ajjeefte (boqachiifte) iimaana irratti boqachiisi. Yaa Allaah Araaramiif, rahmata godhiif, dhiifamas godhiif,


 fayyaa kenniif, keessummummaasaa kabajaa godhiif, seensa (mana haaraya) isaa bal'isiif, bishaaniin,


 baradaa fi fixeensaanis isa dhiqi, Balleessaa isaa irraa akkuma huccuun adiin xurii irraa qulqullooytutti isa


 qulqulleessi. Bakka jireenyaa kan ganda isaa irra caalu bakka buusif, warra warra isaa caalaniin bakka


 buusif, Jannata isa seensisi, fitnaa qabrii jalaa isa baasi, ibidda azaabaa jalaahis nagaya isa baasi, qabrii


 isaa bal'isiif ifnanas godhiif. Yaa Allaah! mindaa namicha du'e nun dhoorgatin, isa boodas cinqaan nu hin


 mokkorin (nu hin jallisin) ergasii takbiiraa afraffaa ni dhageessisa, salaama tokko gara mirgatti garagaluun


 baafata. adada takbiiraa hundaatiin harka ol-fuudhuun jaalatamaa dha., yoo namni du'e dubartii taye: Yaa


Allaah isheef (namittii duuteef) araarami...faa jedhama yoo namni du'e lama tayan akkana jedha:


 Allaahummagfir lahumaa...itti fufa yoo namni du'e hedduu taye akkana jedha: Allaahummagfir lahum...itti


 fufa Yoo ammoo daa'ima xiqqaa dursee du'e ta'e bakka du'ii'ii araaramaa kadhatan du'aa'ii armaan


 gadiitin bakka buusan: Yaa Allaah mindaa si biratti ol kaawamaa fi tikfamaa tahe haadha fi abbaaf godhi,


 akkasuma manguddummaa si biraatittis awwaatamaa godhi, miizaana dalagaa isaanii ittiin ol-kaasif,


 mindaa isaanii ittiin guddisiif, mu'imintoota dursanii du'aniin dhaqqabsiisi, wabii Ibraahiim aleeyhissalaam


 keessatti taasisi, rahmata keetiin azaaba Jahannam irraa tiksi. sunnaa Imaamtichi cinaa mataa namticha


 du'eetiin dhaabachuu dha, akkasuma cinaa jidduu dubartiitiin, yoo reeffi irratti salaatamu heddu ta'e dhiirri


 gara imaamaa aanfama, dubartiin ammoo qiblatti aanti, Yoo isaaniin wajji daa'imni jiraate daa'imni dubartii


 dura godhama, ergasii dubartii, itti aansuun micattii dubartii daa'imaa, mataan daa'imaa gara mataa


 namtichaatti kaayama, jidduun dubartii gara mataa namtichaa aanfama, akkuma kana intalti daa'imaa


 cinaa mataa dubartii godhama, jidduun ishee ammoo cinaa mataa namtichaa, namootni irratti salaatan


 ammoo hunduu imaama duuba dhaabbatan, yoo tokkoo namaa imaama duuba bakka dhaabatu dhabe


 tahe imaama cinaa mirgaatiin dhaabatee salaata. Saddeettaffaa Akkaata awwaala nama du'ee kan


 hereffame yookin shari'aa godhame haga cinaa dhaabbina\hojja nama tokkoo boolla fageessani qotuu


 dha, lahdiin kallattii qiblaan tahuu qaba, reeffi yoo lahdii sensifamu cinaacha mirgaatini, gudunfaan


 kafanaas ni hiikkama, irraa hin fudhan akkasuma dhiisan, kan du'e dhiira tahus dubarti fuulli hin banamu,


 eegana dhagaa bocamaa irra dhaaban, akka cimee dhabatufi biyyee akka irraa ittisu dhoqqeedhan


 mirrigama, Yoo dhagaan roga qabu hin argamin boca wahii ykn dhaka ykn muka kanuma biyyee irraa isa


 ittisu (kaayuun ni dandahama), eegasii biyyee irratti dachaasan, hogguu san akkana jechuun ni


 jaalatama: Maqaa Rabbiitiin akkasuma karaa Rabbiitirratti, Qabrii hanga taakku takkaa ol-kaasama, yoo


 haalli mijate xirracha dhagaa caccabaa irra kaayan, bishaanis irratti faffacaafama Namootni nama du'e


 awwaaluf dhufan qabrii bira dhaabachuun akka kadhataniif karaa godhamee jira/sunnaa dha; Nabiyyichi


 S.A.W erga nama du'e awwaalanii booda dhaabatanii du'aa'ii godhaafii turan, akkanas jedhu:


 Obboleessa keessanii araarama kadhaafii, gaafirrattis Rabbiin akka gad dhaabu kadhaafii, amma inni ni


 gaafatamaa. Saglaffaa Nama salaata janaaza nama du'erratti hin salaatiniif erga awwaalameeyis irratti


 salaatuun karaa godhamee jira.


 Nabiyyichi S.A.W waan akkas godhaniif- haa tahuu sunis jidduu ji'aa yookin sanii gadi keessatti tahuu


 qaba, yoo waqtiin sanii ol tahe qabrii irratti salaatuun karaa hin godhamne; Nabiyyicharraayis S.A.W


 awwaala booda ji'arra taree qabrii irratti salaatan jechaan hin dhagahamne.


 Kurnaffaa Warri namni irraa du'e namootaaf nyaata godhuun (qopheessuun) hin heyyamamu Jariir binu


 abdillaah al-bajaliyyi-Rabbi isarraa haa jaalatuu-sahaabichi jedhamu waan akkana jedheef- Nuti warra


 namni irraa du'e erga awwaalamee booda mana isaatti walitti qabamnee akkasumas nyaata hojjachuu


 akka iyyanii booyuu farrisuutti laakkofna. Imaam Ahmad isnaada Sahiiha keessatti odeesse Garuu nyaata


 isaaniif qopheessuu yookin keessummoota isaanii keessummeessuun rakkoo hin qabu, ollaani fi firoottan


 warra namni irraa du'eef nyaata akka godhaniif karaa godhamee jira; Nabiyyichi S.A.W yeroo oduun du'a


 Ja'afar bin Abii xaalib radiyallaahu anhu biyya Shaam irraa bira gahe- warra ofiitiin maatii Ja'afariif nyaata


 akka qopheessan ajajanii turan, akkanas jedhan: wanti isaan shaagalu (dalagaa fi yaada itti baay'isu) itti


 dhufee jiraa


 Warri namni irraa du'e ollaa ofii waamatuun rakkoo hin qabu, nyaata isaaniif kennamee dhufe irraa waliin


 nyaatuuf jecha, hanga shari'arraa beeknuun kanaafis yeroon murtaawaan hin godhamne.


 Kudha tokkoffaa. Nama du'e irratti guyyoota sadihii ol gufufuun dubartiif hin heeyyamamu yoo dhiirsa


 isiitiif yookin ulfa jiraatte malee


 Dubartiif nama du'e irratti guyyoota sadihii ol gufufni (gadduun) hin heeyyamamuuf yoo dhiirsa isiitirratti


 tahe malee, yoo namni du'e suni abbaa manaa isii tahe ji'a afurii fi bultii kudhan gufufti (gadditi), yoo ulfa


 qabaatte malee yoo kana hanga ulfa deettuuti gufufti; kana keessatti hadiisonni sahiihaa Nabiyyicharraa


 S.A.W wan raggaasifamaniif jecha.


 Dhiirri garuu fira isaa tahinnaa nama biroorrattis gufufuun hin heeyyamamuuf.


 Kudha lammaffaa. Dhiiraaf qabrii dhaqee ziyaaruun, du'aa'ii fi araarama nama du'eef kadhachuun


 akkasumas du'aa fi waan san boodaa yaadachuun waqtii kamuu keessatti karaa godhamee jira. Nabiyyiin


 nagayaaf rahmanni irratti haabu'u akkana waan jedhaniif Qabrii Ziyaaraa, isiin Aakhiraa ganda irra


 boodaa isin yaadachiiftii. Imaamu Muslim hadiisa sahiiha keessatti baase, Rasuulli sallallaahu aleeyhi


 wasallam Sahaabota ofii yeroo qabrii dhaqan maal akka jedhuu qaban barsiisaa turan: Assalaamu


 aleeykum Ahla-ddiyari minal-mu'uminiina wal-muslimiin, wa innaa inshaa Allaahu bikum laahiquun,


 Nas'alullaaha lanaa walakum al-aafiyah, yarhamillaahul mutaqaddimiina minnaa wal-musta'akhiriin.


 Dubartootaaf garuu ziyaaran hin jiruuf dhoorgamaa dha; Rasuulli sallallaahu aleeyhi wasallam dubartii


 qabrii ziyaartu abaaranii jiran, ziyaaraa isaanitiin fitnaan akkasuma sabrii obsa dhabuun waan


sodaatamuuf jecha, akkuma kana reeffa hordofanii gara qabrii geegessuunis isaaniif hin heeyyamamu;


 Rasuulli sallallaahu aleeyhi wasallam kanarraa waan isaan dhoorganiif jecha, garuu nama du'erratti


 masjida keessatti yookin iddoo itti salaatamutti irratti salaatuun dhiiraafis dubartiifis karaa godhamee jira.


 Kuni xumura Rabbiin waan walitti qabuu isaa naa laaffiseeti


 Faaru fi Nageenyi Allaah nabii keenya Muhammadiin, maatii fi saahibban isaanii mara irratti haa jiraatu.