Bismil-lahi-Rrahmani-Rrahim
Gabime në të cilat bien disa agjërues dhe agjëruese
Falënderimet dhe lavdërimet janë për Allahun, Zotin e botëve
ndërsa paqja dhe bekimet qofshin për të Dërguarin e udhëzimit
dhe të mëshirës, i cili më së miri diti të agjëroj të falet dhe ta
përmend Allahun e Madhëruar, si dhe për familjen, shokët dhe të
gjithë ata që e pasuan rrugën e tij me të mirë deri në ditën e
Gjykimit.
Kjo është një përmbledhje gabimesh të cilat i bëjnë disa nga
agjëruesit dhe agjërueset në muajin e Ramazanit. Shpresojmë nga
Allahu që të ketë dobi prej tyre lexuesi, përmbledhësi, dhe ai që
ndihmon në përhapjen dhe publikimin e tyre.
1-Prej gabimeve: Pritja e muajit të bekuar të Ramazanit nga
disa mysliman me teprimin e blerjes së ushqimit dhe pijeve me sasi
të mëdha në vend të përgatitjes për adhurimin, kursimin dhe
ndarjen e ndjenjave me të varfëritë dhe nevojtarët në pritjen e këtij
muaji.
2- Prej gabimeve: Ngrënia e hershme syfyrit nga disa agjërues.
Kjo është një humbje e shpërblimit të madh sepse, synet është që
myslimani të vonoj syfyrin në mënyrë që të fitoj shpërblimin e
përgatitur për pasimin e të Dërguarit të Allahut (paqja dhe bekimi i
Allahut qofshin mbi të).
3- Prej gabimeve: Mos bërja e nijetit për agjërim nga disa
agjërues. Kur agjëruesi e kupton se ka hyrë muaji i Ramazanit
obligohet ta bëj nijetin për agjërim. Është transmetuar nga i
Dërguari i Allahut (paqja dhe bekimi i Allahut qofshin mbi të) të
ketë thënë: “Kush nuk e ka bërë nijetin për të agjëruar gjatë natës,
Gabime në të cilat bien disa agjërues dhe agjëruese 2009
3
atëherë nuk ka agjërim për të.” (Transmeton Nesaiu). Në një
transmetim tjetër të Dërguarit të Allahut (paqja dhe bekimi i
Allahut qofshin mbi të). thuhet: “Kush nuk e ka bërë nijetin për
agjërim para lindjes se diellit për të nuk ka agjërim.” (Transmeton
Darekutni dhe Bejhakiu, e Albani e konsideron të saktë).
Kurse disa njerëz bëjnë të kundërtën duke shqiptuar nijetin me
gojë dhe kjo është gabim, sepse mjafton bërja e nijetit me zemër.
Dijetari i njohur islam Ibn Tejmije (Allahu e mëshiroftë) thotë:
“Të shqiptuarit e nijetit me fjalë nuk është obligim me pajtimin e
krejt myslimanëve. Shumica e myslimanëve e bëjnë nijetin me
zemër dhe agjërimi i tyre është i saktë.” (El-Fetava: 52/572)
4- Prej gabimeve: Pirja e qëllimtë gjatë thirrjes së ezanit të
sabahut. Dhe ky person e bën të pavlefshëm agjërimin e tij e
sidomos nëse myezini është i përpiktë në thirrjen e ezanit me kohë.
Thotë Shejh Ibn Uthejmini (Allahu e mëshiroftë): “Thirrja e ezanit
të namazit te sabahut ose është para agimit ose pas agimit, nëse
thirret ezani pas agimit obligohet myslimani të përmbahet nga haja
dhe pija posa ta dëgjon ezanin sepse, Muhamedi (paqja dhe bekimi
i Allahut qofshin mbi të) thotë:
“Me të vërtetë Bilali e thirr ezanin natën, e ju hani e pini derisa ta
dëgjoni Ibn Umi Mektumin sepse, ai nuk e thirr ezanin derisa të
mos del agimi.” Nëse e din qe myezini nuk e thirr ezanin derisa të
hyn koha e sabahut, atëherë përmbaju myezinit.” (Durus ve Fetava
El-Harem)
5- Prej gabimeve: Mos përmbajtja nga ushqimi pjesën e
mbetur të ditës nga ai që nuk e dinë se ka hyrë muaji i Ramazanit
për arsye se ka qenë udhëtar ose në gjumë apo ndonjë shkak tjetër
që e ka penguar për mos dijen e hyrjes se muajit te Ramazanit dhe
ky është gabim. Mirëpo i obligohet çdo myslimanit posa ta kuptoj
se ka hyrë muaji i Ramazanit të përmbahet nga ushqimi dhe pirja
pjesën e mbetur të ditës për arsye se është transmetuar nga
Selemete b. El-Ekva (Allahu qoftë i kënaqur me të) të ketë thënë:
Gabime në të cilat bien disa agjërues dhe agjëruese 2009
4
Me të vërtetë i Dërguari i Allahut (paqja dhe bekimi i Allahut
qofshin mbi të) e dërgoi një njeri në ditën e Ashures i cili thirri me
zë te lartë ndër njerëzit:
“Kush ka ngrënë le të hanë edhe pjesën tjetër ose le të agjëron e
kush nuk ka ngrënë atëherë mos të hanë.” (Buhariu dhe Muslimi)
6- Prej gabimeve: Disa nga mosdija për vlerën e muajit të
Ramazanit e presin njëjtë sikurse muajt e tjerë të vitit dhe kjo
është gabim sepse është vërtetuar nga i Dërguari i All-llahut (paqja
dhe bekimi i Allahut qofshin mbi të) të ketë thënë:
“Kur të vjen Ramazani hapen dyert e Xhenetit, mbyllen dyert e
Xhehenemit dhe prangosen shejtanët.” në një transmetim tjetër
thuhet: “lidhen shejtanët me zinxhir.” (Buhariu dhe Muslimi)
E për vlerën e këtij muaji madhështor janë transmetuar hadithe
të shumta.
7- Prej gabimeve: Disa njerëz kur të lajmërohen për natën e
parë të Ramazanit nuk e falin namazin e teravive dhe kjo është
gabim, sepse me të shikuar hënën së Ramazanit myslimani hynë
në natën e parë të netëve të Ramazanit dhe prej synetit në këtë
natë është që të falë namazin e teravive me myslimanët në xhami.
8-Prej gabimeve: Disa njerëz nuk ua tërheqin vëmendjen
agjëruesve që hanë apo pinë nga harresa në ditët e Ramazanit
derisa ta përfundojnë ngrënien apo pirjen. Dijetari Ibn Baz (Allllahu
e mëshiroftë) thotë: “Kush e sheh myslimanin që pinë ose
hanë në ditët Ramazanit apo vepron gjëra tjera që e prishin
agjërimin i obligohet atij t’ia tërheq vërejtjen për arsye se haja dhe
pija në ditët e Ramazanit është e ndaluar edhe pse personi që e
bën nga harresa është i arsyetuar. Dhe kjo në mënyrë që njerëzit të
mos guxojnë të publikojnë ndalesat e Allahut si gjërat që e prishin
agjërimin me pretendimin e harresës.” (Mexhel-letu Ed Dave:
6811)
Gabime në të cilat bien disa agjërues dhe agjëruese 2009
5
9- Prej gabimeve: Moslejimi i agjërimit të vajzave nga disa
njerëz me pretendim se ato janë të vogla edhe pse ndodh që vajza
e arrin moshën kur t’i vijnë menstruacionet dhe donë të agjëroj,
sepse ajo është e ngarkuar me obligimet fetare mirëpo familja e saj
e pengojnë pa e pyetur për ardhjen e menstruacioneve. Dijetari Ibn
Xhibrini (All-llahu e mëshiroftë) thotë se “Shumica e femrave hynë
në moshën madhore kur t’i mbushin dhjetë vjet apo njëmbëdhjetë
vjet mirëpo familja e saj tregohen tolerantë në këtë dhe mendojnë
se vajza është e vogël dhe nuk e obligojnë me agjërim kjo është
gabim sepse vajza posa t’i vijnë menstruacionet hynë në moshën e
pjekurisë dhe ngarkohet me obligimet fetare.”
10- Prej gabimeve: Disa njerëz kur t’iu kujtohet se po hanë
apo po pinë nga harresa gjatë agjërimit të tij ata dyshojnë në
vlefshmërinë e agjërimit të tyre. I Dërguari Muhamed (paqja dhe
bekimi i Allahut qofshin mbi të):
“Nëse ndonjëri prej jush han ose pinë nga harresa le ta vazhdoj
agjërimin e tij sepse atë e ka ushqyer dhe i ka dhënë të pijë Allahu.”
(Buhariu)
11- Prej gabimeve: Frika e disa grave për vendosjen e kënasë
gjatë agjërimit. Dijetari Ibn Uthejmini (Allahu e mëshiroftë) thotë
se: “Vendosja e kënasë, vënia e kuhlit (bojë për qepalla) apo vënia
e pikave në vesh dhe në sy nuk e prish agjërimin dhe nuk ndikon
aspak në vlefshmërinë tij.
12- Prej gabimeve: Frika e disa grave për ta shijuar ushqimin
e përgatitur nga frika e prishjes se agjërimit. Dijetari i njohur Ibn
Xhibrini (Allahu e mëshiroftë) thotë: “Nuk ka asgjë të keqe që
gruaja ta provoj ushqimin me majën e gjuhës për ta ditur
njelmësinë apo ëmbëlsinë e tij mirëpo, mos ta çon në brendi asgjë
prej ushqimit por, ta pështyn dhe ta nxjerr nga goja dhe me këtë
nuk e prish agjërimin.
Gabime në të cilat bien disa agjërues dhe agjëruese 2009
6
13- Prej gabimeve: Mosnjohja nga disa njerëz për gjërat që
prishin agjërimin posaçërisht në fillim të Ramazanit dhe ky është
gabim i madh por, agjëruesi obligohet që para Ramazanit t’i mësoj
gjërat të cilat e prishin agjërimin në mënyrë që të mos bie në këto
gjëra.
14- Prej gabimeve: Frika e disave për përdorimin misvakut
gjatë ditës në Ramazan edhe ndoshta mendojnë se përdorimi i
misvakut e prish agjërimin e kjo është gabim. I Dërguari i Allahut
(paqja dhe bekimi i Allahut qofshin mbi të):
“Po të mos kisha frike se do ta rëndoja umetin tim do ta kisha
urdhëruar që ta përdorin misvakun para çdo namazi.” (Buhariu
dhe Muslimi)
Buhariu (Allahu e mëshiroftë) thotë: “I Dërguari i Allahut
(paqja dhe bekimi i Allahut qofshin mbi të) nuk e ka veçuar
agjëruesin nga të tjerët.”. Dijetari Ibn Uthejmini (All-llahu e
mëshiroftë) thotë: “Lëre që nuk e prish përdorimi i misvakut
agjërimin por, përdorimi i tij është synet si për agjëruesin ashtu
edhe për të tjerët, në çdo kohë, në fillim të ditës apo në fund te saj.
15 - Prej gabimeve: Disa myezin nuk thirrin ezanin derisa te
shpërndahet errësira dhe nuk mjaftohen me perëndimin diellit dhe
pretendojnë se kësisoj tregojnë kujdes për adhurimin por, kjo është
në kundërshtim me synetin sepse, sipas synetit ezani thirret
menjëherë posa të perëndoj dielli dhe pos synetit nuk merret në
konsideratë diç tjetër. Dijetari Ibn Tejmije thotë: “Kur të perëndon
disku i Diellit bën iftar agjëruesi dhe nuk merret në konsideratë të
kuqërremtit e mbetur në horizont.”
16 - Prej gabimeve: Pakujdesia e disa agjëruesve për bërjen e
lutjeve për ata njerëz qe iu kanë dhënë iftar. Prej synetit është që
agjëruesi kur të bëj iftar të lutet për ata që i kanë dhënë ushqim
ashtu siç është lutur i Dërguari i Allahut (paqja dhe bekimi i
Gabime në të cilat bien disa agjërues dhe agjëruese 2009
7
Allahut qofshin mbi të)kur ka bërë iftar te ndokush. Sikurse të
thotë:
“Bëfshin iftar te ju agjëruesit, le ta ngrënë ushqimin e juaj njerëzit e
mirë dhe u luteshin për ju melaiket.” (Sahihul Xhamius Sagir), ose
të thotë:
“O Allahu i im, ushqe atë që më ka ushqyer mua dhe jepi të pijë
atij që më ka dhënë të pijë mua. (Muslimi), ose të thotë:
“O Allahu i im, iu jep bereqet në atë që i ke furnizuar me të dhe ua
falë gjynahet e tyre dhe i mëshiron ata”. (Muslimi)
17 - Prej gabimeve: Bindja e disa njerëzve se nuk lejohen
marrëdhëniet intime me gruan në netët e Ramazanit e kjo është
gabim sepse, ndalesa ka të bëjë vetëm me ditët e Ramazanit, kurse
gjatë netëve të tij janë të lejuara. All-llahu i Madhëruar në Kuran:
“Natën e agjërimit u është lejuar afrimi te gratë tuaja, ato janë
prehje për ju dhe ju jeni prehje për ato...” (El-Bekareh:187)
18 - Prej gabimeve: Mos agjërimi nga disa gra të cilat
pastrohen nga menstruacionet para namazit të sabahut dhe nuk
mund të lahen për shkak të kohës së ngushtë para namazit, këto
gra nuk agjërojnë me pretendim se koha e namazit i ka zënë dhe
nuk janë larë prej menstruacioneve. Dijetari Ibn Xhibrini (Allahu e
mëshiroftë) thotë: “Nëse ndërpritet gjaku i menstruacioneve prej
femrës gjatë hyrjes së kohës së sabahut apo pak para hyrjes se
kohës se sabahut atëherë agjërimi i saj është i saktë dhe i pranohet
si agjërim farz edhe nëse nuk lahet vetëm se pasi që të hyn agimi.
19 - Prej gabimeve: Qarja që dëgjohet nga disa njerëz, me zë
të lartë. Ndërsa qarja gjatë leximit të Kuranit aludon – inshAllah se
namazliu është ndikuar me atë që e dëgjon prej Fjalës Madhështore
të Allahut dhe kjo padyshim është një çështje e lavdëruar. Mirëpo,
prej që shihet dhe dëgjohet është se disa namazlinj qajnë me zë të
madh duke u bërë shkak për shqetësimin e një grupi të namazlinjve
Gabime në të cilat bien disa agjërues dhe agjëruese 2009
8
përreth tyre. Shtoja kësaj edhe lëvizjet që e shoqërojnë qarjen,
kurse më e çuditshmja e këtyre është se të qarit e disa prej tyre
është në duan e Kunutit e nuk është gjatë dëgjimit te Kuranit,
këtyre u thuhet me parësore është që qarja dhe të ndikuarit të jetë
gjatë dëgjimit të Kuranit.
20 - Prej gabimeve: Frika e disa njerëzve që kur të zgjohen të
papastër (xhynyb) mendojnë se agjërimi i tyre është i pavlefshëm
dhe duhet kompensuar atë mirëpo, kjo është gabim dhe e vërteta
është se agjërimi i tyre është në rregull dhe nuk ka nevojë për
kompensim. Të Dërguarin e Allahut (paqja dhe bekimi i Allahut
qofshin mbi të) e ka zënë koha e namazit te sabahut duke qenë
xhynyb nga marrëdhëniet intime e pastaj është larë dhe ka agjëruar.
Dijetari Bin Baz thotë se: “Ejakulimi në gjumë nuk e prish
agjërimin sepse, nuk është nën vullnetin e tij mirëpo ai duhet të
pastrohet nëse sheh gjurme te ujit(spermës).” (Mexhmu Fetava ve
Mekalat El Mutenevia)
21 - Prej gabimeve: Parfumosja e disa grave kur shkojnë në
xhami për ta falur namazin e teravive dhe gjithashtu mos mbulimi
ashtu siç duhet pastaj ngritja e zërave në xhamia. Këto gjëra në
vetveten e tyre janë sprova e si është puna nëse këto gjëra ndodhin
në vende dhe kohëra te vlefshme. Për këtë arsye obligohen femrat
myslimane që të largohen nga këto gjera në mënyre që të
shpëtojnë nga mëkati i paraparë për këto veprime.
22 - Prej gabimeve: Vonimi i faljes së namazit të drekës dhe
të ikindisë nga disa agjërues si pasojë e gjumit dhe kjo është prej
gabimeve më të rënda, Allahu i Madhëruar thotë në Kuran:
“Pra shkatërrim është për ata që falen, të cilët ndaj namazit të tyre
janë të pakujdesshëm.”(El Maun: 4,5)
Disa dijetarë kanë thënë se këta janë të cilët e vonojnë namazin
nga koha e tyre. Në një hadith të vërtetë nga Ibn Mesudi i cili e
kishte pyetur të Dërguarin e Allahut (paqja dhe bekimi i Allahut
qofshin mbi të) se cili namaz është më i miri? Iu është përgjigjur i
Gabime në të cilat bien disa agjërues dhe agjëruese 2009
9
Dërguari i Allahut (paqja dhe bekimi i Allahut qofshin mbi të):
“Namazi në kohën e tij”, kurse në një transmetim tjetër “Në
fillimin e kohës se tij.”
23 - Prej gabimeve: Vonimi i iftarit. Prej synetit është
shpejtimi i iftarit posa të sigurohet agjëruesi se ka hyrë koha, për
arsye se transmetohet nga Suhejl Ibnu Sad Essead (Allahu qoftë i
kënaqur me të) se i Dërguari i Allahut (paqja dhe bekimi i Allahut
qofshin mbi të) ka thënë:
“Njerëzit do të vazhdojnë në mirësi përderisa ta shpejtojnë
iftarin.” (Buhariu dhe Muslimi), kurse prej Enesit (Allahu qoftë i
kënaqur me te) transmetohet se i Dërguari i Allahut (paqja dhe
bekimi i Allahut qofshin mbi të)të ketë thënë:
“Shpejtoni iftarin dhe vononi syfyrin.” (Hadithi është i vërtet.)
24 - Prej gabimeve: Mos bërja e iftarit nga disa agjërues derisa
të mos e përfundon myezini ezanin në mënyrë që të jenë më të
sigurt se ka hyrë koha e iftarit e kjo është gabim, mirëpo posa të
sigurohet agjëruesi se po e dëgjon ezanin duhet të bëjë iftar dhe
kush e shtyn iftarin derisa të përfundoj ezani ai veçse e ka tepruar
dhe e ka ngarkuar vetveten e tij me atë çka nuk është e kërkuar prej
tij. Prej synetit është shpejtimi i iftarit dhe vonimi i syfyrit.
25 – Prej gabimeve: Pakujdesia e disa agjëruesve ndaj lutjeve
në iftar. Prej synetit është lutja para iftarit sepse, në këtë ka vlerë të
madhe e agjëruesi është prej atyre që nuk u kthehet lutja.
Transmetohet nga Enesi (All-llahu qoftë i kënaqur me te) se i
Dërguari i Allahut (paqja dhe bekimi i Allahut qofshin mbi të) të
ketë thënë:
“Tre lutje nuk kthehen: lutja e prindit, lutja e agjëruesit dhe lutja e
udhëtarit.” (Ahmedi, dhe e ka saktësuar Albani). Një nga lutjet e
transmetuara nga i Dërguari i Allahut (paqja dhe bekimi i Allahut
qofshin mbi të) para iftarit është kjo:
“Kaloi etja, u lagën venat dhe u realizua shpërblimi inshAllah.”
(Ebu Davudi hadithi është i vërtetë.)
Gabime në të cilat bien disa agjërues dhe agjëruese 2009
10
26 - Prej gabimeve: Preokupimi i disa myslimanëve në dhjetë
ditët e fundit të Ramazanit me blerjen e rrobave dhe ëmbëlsirave
duke i humbur kohërat e vlefshme si Natën e Kadrit për të cilën
All-llahu i Madhëruar thotë në Kuran:
”Nata e Kadrit është me e mire se njëmijë muaj.”(El Kadr: 3)
Pastaj këto sende i preokupojnë edhe ndaj kijamit (namazit të
natës). Një çështje tjetër brengosëse ku bien shumica e
myslimanëve është dalja në tregje ku humbin me orë të tëra në to,
është obligim i jonë pasimi i synetit të Dërguarit, Muhamedit
(paqja dhe bekimi i Allahut qofshin mbi të) i cili kur ka hyrë në
dhjetët ditët e fundit të muajit Ramazan e ka shtrënguar rripin e
tij, e ka zgjuar familjen e tij dhe e ka ngjallur natën me adhurimin e
Allahut të Madhëruar. Kjo ka qenë tradita e të Dërguarit të
Allahut (paqja dhe bekimi i Allahut qofshin mbi të) dhe e shokëve
të tij (Allahu qoftë i kënaqur me të gjithë ata).
27 - Prej gabimeve: Frika e disa të sëmurëve nga prishja e
agjërimit dhe insistimi të agjërojnë edhe pse me vështirësi. Kjo
është gabim, Allahu e ka ngritur vështirësinë nga njerëzit kështu
që ia ka lejuar të sëmurit që ta prishë agjërimin dhe ta kompensoj
më vonë. Allahu i Madhëruar thotë në Kuran:
“E kush e përjeton prej jush këtë muaj, le të agjërojë, ndërsa kush
është i sëmurë ose në udhëtim, le të agjërojë aq ditë nga ditët e
mëvonshme.” (El-Bekarah: 185).
28 - Prej gabimeve: Mos përsëritja e ezanit nga disa agjërues
si shkak i preokupimit me ngrënien e iftarit, kjo është gabim. Është
synet për agjëruesin edhe për të tjerët ta pasojnë myezinin dhe të
thonë atë që e thotë ai. Transmetohet nga Ebu Seid El-Hudrij (Allllahu
qoftë i kënaqur me te) se i Dërguari i Allahut (paqja dhe
bekimi i Allahut qofshin mbi të) ka thënë:
“Kur ta dëgjoni ezanin thoni çka thotë myezini.” (Buhariu dhe
Muslimi). Përsëritja e ezanit bëhet duke vazhduar iftarin dhe duke
mos e ndërprerë atë sepse, nuk është transmetuar ndalesa për
Gabime në të cilat bien disa agjërues dhe agjëruese 2009
11
ndërprerjen e ushqimit gjatë pasimit të myezinit dhe përsëritjes së
ezanit. Allahu e dinë më se miri.
29 - Prej gabimeve: Mos mësimi i djemve dhe vajzave në
moshë të vogël të agjërojnë. Preferohet kalitja tyre me agjërim para
hyrjes në moshën madhore dhe të urdhërohen me të në mënyrë që
të ushtrohen, e në veçanti ata që i përballojnë agjërimit.
Transmetohet prej Rebiia Bintu Meaudh se ka thënë:
“I kemi obliguar fëmijët tonë me agjërim dhe keni përgatitur lodër
prej pambuku e nëse ka qarë ndonjëri prej tyre për ushqim ia kemi
dhënë lodrën kështu kemi vazhduar deri në iftar.” (Buhariu dhe
Muslimi.)
30 - Prej gabimeve: Disa persona i kritikojnë udhëtarin për
prishje të agjërimit e kjo është gabim. Udhëtari në Ramazan mund
të agjëroj ose të hanë varësisht prej gjendjes se tij fizike dhe gjendja
e tij nuk del nga këto tri situata:
1- Atë të cilin agjërimin nuk e mundon, atëherë për të është më
mirë të agjëroj se sa të hanë duke u bazuar në fjalën e Allahut:
“Mirëpo, po që se dini, agjërimi është më i mirë për ju.”(El-Bekara:
184)
2- Atë të cilin agjërimi e mundon dhe ai refuzon ta pranoj
lehtësimin, atëherë për të është ma mirë të hanë duke u bazuar në
fjalën e Allahut ku thotë:
“Allahu nuk ngarkon askënd përtej mundësive të veta.”(El-
Bekare:286) dhe thotë i Dërguari i Allahut (paqja dhe bekimi i
Allahut qofshin mbi të):
“Me të vërtet Allahu i Madhëruar donë që të shfrytëzohen
lehtësimet e Tij ashtu siç donë të veprohen urdhrat e Tij”. (Ibn
Hibbani dhe Taberaniu në El Kebir) Gjithashtu fjala e të Dërguarit
të Allahut (paqja dhe bekimi i Allahut qofshin mbi të):
“Nuk është prej mirësisë agjërimi në udhëtim.” (Buhariu dhe
Muslimi)
Gabime në të cilat bien disa agjërues dhe agjëruese 2009
12
3- Nëse nuk bëhet e qartë vështirësia njeriu zgjedh ndërmjet
agjërimit dhe hajes sikurse transmetohet nga Hamza Ibn Amr El
Eslemijj i cili ka agjëruar shumë se i ka thënë të Dërguarit të
Allahut (paqja dhe bekimi i Allahut qofshin mbi të) a të agjëroj në
udhëtim? E ai i ka thënë:
“Nëse donë agjëro dhe nëse donë ha.” (Buhariu). Shokët e të
Dërguarit të Allahut (paqja dhe bekimi i Allahut qofshin mbi të)
nuk e kanë qortuar njeri tjetrin për agjërim apo mos agjërim në
udhëtim, sikurse transmetohet nga Enes Ibn Malik (Allahu qoftë i
kënaqur me të) të ketë thënë:
“Kemi qenë në udhëtim me te Dërguarin e Allahut (paqja dhe
bekimi i Allahut qofshin mbi të) dhe nuk e ka qortuar agjëruesi atë
që ka ngrënë dhe as ai qe ka ngrënë atë që e ka agjëruar.” (Buhariu
dhe Muslimi.)
31 - Prej gabimeve: Të hidhëruarit, të nervozuarit e shpejt si
dhe bërja e gjesteve të pahijshme në ditët e muajit Ramazan. I
takon çdo agjëruesit të punojë me hadithin e të Dërguarit të Allllahut
(paqja dhe bekimi i Allahut qofshin mbi të) ku thotë:
“Agjërimi është mburojë dhe kur ndonjëri prej jush agjëron mos të
flas fjalë të shëmtuara dhe mos ta ngritë zërin dhe nëse e fyen
dikush at le ti thotë unë jam agjërueshëm.” (Buhariu dhe Muslimi).
Agjërim nuk do të thotë vetëm abstenim nga haja dhe pija por,
agjërimi përfshinë agjërimin e gjymtyrëve nga gjynahet dhe
agjërimin e gjuhës nga fjalët e këqija dhe largimi nga moralet e
këqija.
32 - Prej gabimeve Harxhimi i kohës se vlefshme në ditët e
Ramazanit duke ndjekur kuizet satelitore dhe çka i shoqërojnë këto
si muzika dhe serialet amorale. Dhe pa dyshim kjo e dobëson
imanin dhe i humb agjëruesit shpërblime të mëdha që duhet t’i
përfiton në këtë muaj fisnik. Dhe si e ndërron myslimani atë që
është më e mirë për të me atë që është më e keqe? Është obligim
për myslimanin të kujdeset që tërë kohen e tij ta shpenzon në
Gabime në të cilat bien disa agjërues dhe agjëruese 2009
13
adhurim ndaj Allahut të Madhëruar, lexim të Kuranit, duke bërë
dhikr, lutje, lexim të librave të dobishme, të qëndroj në xhami, të
prezanton në ligjërata derisa të korrë shpërblimin në këtë muaj
madhështor.
33 - Prej gabimeve: Ngushtimi i disa agjëruesve ta prishin
agjërimin në udhëtim e kjo është gabim sepse, për lejimin e
prishjes së agjërimit në udhëtim ka aluduar fjala e të Dërguarit të
Allahut (paqja dhe bekimi i Allahut qofshin mbi të).
“Me të vërtet Allahu i Madhëruar donë që të shfrytëzohen
lehtësimet e Tij ashtu siç donë të veprohen urdhërat e Tij”.
34 - Prej gabimeve: Shpejtimi gjatë leximit të Kuranit pa
meditim dhe drejt lexim me qellim të përfundimit të leximit të tij
duke qenë i bindur se kjo çka bën ai është në rregull por, ky është
një rrezik shumë i madh sepse, Kurani i ka zbritur Muhamedit
(paqja dhe bekimi i Allahut qofshin mbi të) në Ramazan dhe
Allahu thotë në Kuran:
“ Dhe Kur'anin lexoje me vëmendje.”(El Bekare:4)
Është obligim që Kurani të lexohet ngadalë me vëmendje
(tertil) dhe duke medituar në domethëniet e tij.
35 - Prej gabimeve: Anashkalimi i synetit të Itikafit duke pasë
mundësi ta bëjnë atë sepse, shumica marrin pushim në këtë kohë
mirëpo ata nuk e praktikojnë synetin e Itikafit në xhami.
36 -Prej gabimeve: Frika e disa agjërueseve nga prerja e
flokëve apo shkurtimi i thonjve, mënjanimi i qimeve nga
nënsqetullat dhe nga organet gjenitale në ditët e Ramazanit me
argumentin se këto gjëra e prishin agjërimin.
Kurse e vërteta është të gjitha këto nuk e prishin agjërimin bile
këto janë prej gjërave të lavdëruara për t’i bërë.(mustehab)
37 - Prej gabimeve: Frika i disa agjëruesve prej përpirjes së
pështymës në ditët e Ramazanit dhe kjo e detyron të pështyjë
Gabime në të cilat bien disa agjërues dhe agjëruese 2009
14
shumë me argumentin se nuk donë ta prish agjërimin e tij e
gjithashtu në këtë ka edhe shqetësim për myslimanët.
Është e vërtetë se: nuk prish agjërimin gëlltitja e pështymës
edhe nëse është shumë apo ndodh shpesh qoftë në xhami apo diku
tjetër por, nëse është gëlbazë e trashë nuk duhet ta gëlltis por, ta
pështyj në mindil apo të ngjashme me të dhe kjo mos të bëhet me
zë që të mos i shqetëson njerëzit përreth tij.
38 - Prej gabimeve: Teprimi i shpëlarjes se gojës dhe hundës
gjatë abdesit në Ramazan pa nevojë me arsyetimin se është shumë
nxehtë dhe se kjo e zvogëlon të nxehtit. Dijetari Ibn Uthejmini
(Allahu e mëshiroftë) thotë: “I Dërguari i Allahut ka thënë (paqja
dhe bekimi i Allahut qofshin mbi të):
“Plotësoni mirë abdesin, fërkoni mirë ndërmjet gishtërinjve dhe
lani gojën dhe hundën deri në thellësi përpos kur jeni
agjërueshëm.”
Dhe ky është argument se agjëruesi nuk duhet ta teproj në
shpëlarje të gojës dhe hundës sepse, me këtë veprim mund t’i
shkoj uji brenda në trup dhe ia prish agjërimin.” (Fikhul Ibadat)
39 - Prej gabimeve: Frika i disa të sëmurëve nga astma se nuk
lejohet përdorimi i inhalatorit nga frika se e prish agjërimin. Për
këtë dijetari Ibn Uthejmin (Allahu e mëshiroftë) thotë: “Përdorimi
i inhalatorit është i lejuar për agjëruesin pa marrë parasysh se a
është duke agjëruar në Ramazan apo jashtë tij sepse, ai nuk arrin
në lukth por, arrin deri te gabzherri e i cili hapet për shkak të
veçorive të tij e kështu ia mundëson njeriut të marr frymë lirshëm,
dhe ai nuk është në esencë sikur haja apo pija.”
40 - Prej gabimeve: Frika e disa agjëruesve nga vendosja e
pikave në sy, vendosjes së kremit, pikave në vesh, vendosjes së
kënasë apo iktihali (bojë për qepalla) i syve. E vërteta është se këto
gjëra nuk e prishin agjërimin dhe sipas mendimit më të vërtetë të
Gabime në të cilat bien disa agjërues dhe agjëruese 2009
15
dijetarëve janë të lejuara për agjëruesin përpos vendosja e pikave
në hundë sepse, këto pika shkojnë në lukth.
Dhe në fund: Kemi bërë përpjekje për sqarimin e disa gabimeve
te cilat i bëjnë disa agjëruesit dhe agjërueset. E lusim Allahun qe t’i
pranoj nga ne dhe ju veprat e mira dhe të pranoj nga ne agjërimin,
kijamin (namazin e natës) dhe të na jep bereqet në veprat tona dhe
paqja dhe bekimi i Allahut qofshin mbi të Dërguarin e Allahut,
Muhamedin, mbi familjen e tij fisnike dhe mbi te gjithë shokët e
tij.
