Islami


2


Islami


fe e natyrshmërisë, arsyes dhe lumturisë


Me emrin e Allahut, të Gjithëmëshirshmit, Mëshirëplotit!


A e ke pyetur veten:


Kush i krijoi qiejt, Tokën dhe krijesat madhështore në to? Kush e krijoi


këtë sistem të përpiktë dhe të përsosur që gjendet në to?


Si është i organizuar dhe i qëndrueshëm ky univers madhështor me


ligjet e tij, të cilat e rregullojnë atë në mënyrë precize gjatë gjithë këtyre


viteve?


A është vetëkrijuar ky univers, ka ardhur prej hiçit apo ka ardhur krejt


rastësisht?


Po ty kush të krijoi?


Kush e vendosi këtë sistem të përpiktë në sistemet e trupit tënd dhe në


trupat e qenieve të gjalla?


Asnjë njeri nuk do ta pranonte po t'i thuhej: Kjo shtëpi erdhi pa e


ndërtuar askush! Ose t'i thuhej: Hiçgjëja është ajo që e krijoi këtë shtëpi! Si


mund t'u besojnë disa njerëz atyre që thonë: Ky univers madhështor erdhi


pa Krijues? Si mund të pranojë një njeri me mend t'i thuhet: Ky rregull


preciz i universit erdhi krejt rastësisht?


Sigurisht që ekziston një Zot madhështor, Krijues dhe Sistemues i këtij


universi dhe çdo i gjëje në të: Ai është Allahu i Lartmadhëruar.


Zoti i Lartësuar na çoi të dërguar dhe u zbriti atyre librat hyjnorë, i


fundit prej të cilëve është Kurani i madhërishëm, të cilin Allahu ia shpalli


Muhamedit, të Dërguarit të fundit të Allahut.


Nëpërmjet librave dhe të dërguarve Ai:


⦁ Na tregoi për Veten, cilësitë e Tij dhe të drejtën e Tij mbi ne dhe na


sqaroi të drejtat tona karshi Tij.


⦁ Na udhëzoi se Ai është Zoti që krijoi njerëzimin dhe se Ai është i


Gjallë dhe nuk vdes kurrë. I tërë krijimi është nën grushtin e Tij dhe nën


pushtetin e kontrollin e Tij.


3


⦁ Na tregoi se prej cilësive të tij është dituria, kështu që Ai ka përfshirë


çdo gjë me diturinë e Tij dhe se Ai është Gjithëdëgjues e Gjithëshikues, të


Cilit nuk i fshihet asgjë, as në Tokë e as në qiell.


Zoti është i Gjalli, i Përjetshmi, Mbajtësi i gjithçkaje, prej të Cilit rrjedh


dhe varet jeta e çdo krijese. Allahu i Lartësuar thotë:ُ

Allahu! Nuk ka zot që meriton të adhurohet përveç Tij, të Gjallit, të


Përjetshmit, Mbajtësit të gjithçkaje. Atë nuk e kap dremitja e as gjumi. Atij i


takon gjithçka që gjendet në qiej dhe gjithçka që gjendet në Tokë. E kush


mund të ndërmjetësojë tek Ai pa lejen e Tij?! Ai e di ç'do të ndodhë në të


ardhmen dhe ç'ka ndodhur në të kaluarën, ndërsa ata nuk mund të


mësojnë asgjë nga dituria e Tij, përveç aq sa dëshiron Ai. Kursia e Tij


përfshin qiejt e Tokën dhe Atij nuk i vjen rëndë ruajtja e tyre. Ai është i


Larti, i Madhërishmi. (El Bekare, 255)


⦁ Na tregoi se Ai është Zoti, i Cili përshkruhet me cilësi të përsosura. Ai


na dha mendje e shqisa që perceptojnë mrekullitë e krijimit dhe fuqisë së


Tij, gjë që na tregojnë madhështinë, fuqinë dhe përsosurinë e Tij. Ai na


rrënjosi një natyrshmëri që tregon përsosurinë e Tij dhe se Atij nuk mund


t'i vishen mangësitë.


⦁ Ai na tregoi se Zoti është mbi qiejt e Tij dhe nuk hyn brenda botës


(është i ndarë nga krijesat e Veta), e as bota nuk është e shkrirë tek Ai.


⦁ Ai na tregoi se duhet t'i dorëzohemi Atij, sepse Ai është Krijuesi ynë


dhe Krijuesi e Sistemuesi i universit.


Krijuesi ka cilësi të madhështisë dhe assesi nuk mund të përshkruhet


se ka nevojë për diçka ose se ka mangësi. Zoti nuk harron, nuk fle, nuk ha


ushqim dhe nuk mund të ketë bashkëshorte e fëmijë. Tekstet që përmbajnë


ndonjë gjë që kundërshton madhështinë e Krijuesit nuk janë pjesë e


4


shpalljes së saktë që është sjellë nga të dërguarit e Allahut (paqja qoftë mbi


ta!).


Allahu i Lartësuar në Kuranin e madhëruar thotë:ۡ

"Thuaj: “Ai është Allahu, Një dhe i Vetëm!


Allahu është Absoluti, të Cilit i përgjërohet gjithçka në amshim.


Ai as lind, as është i lindur.


Dhe askush nuk është i barabartë (a i krahasueshëm) me Të!” (El Ihlas,


1-4)


Nëse e beson Zotin, Krijuesin... a ke menduar ndonjëherë se cili është


qëllimi i krijimit tënd? Çfarë dëshiron Zoti nga ne dhe cili është qëllimi


përse ekzistojmë?


A mund të ndodhë që Allahu, pasi na krijoi, të na lërë pas dore? A


mund të ndodhë që Allahu i krijoi të gjitha këto krijesa pa kurrfarë


qëllimi?


E vërteta është se Zoti, Krijuesi madhështor, Allahu, na tregoi qëllimin


përse na krijoi, që është ta adhurojmë vetëm Atë dhe t'i bindemi në atë që


dëshiron prej nesh! Ai na tregoi se vetëm Ai është i denjë për adhurim dhe


na sqaroi përmes të dërguarve të Tij (paqja qoftë mbi ta!) si ta adhurojmë,


si mund t'i afrohemi Atij duke i kryer urdhrat e Tij dhe duke i braktisur


ndalesat e Tij, si e fitojmë kënaqësinë e Tij, si të ruhemi prej dënimit të Tij,


si dhe na tregoi vendstrehimin tonë pas vdekjes.


Allahu na tregoi se jeta e kësaj bote është vetëm një provë dhe se jeta e


vërtetë dhe e plotë do të jetë në botën tjetër, pas vdekjes.


Ai na tregoi se kush e adhuron Allahun, siç është urdhëruar, dhe


largohet nga ajo që Ai e ka ndaluar, do të ketë jetë të këndshme në këtë


botë dhe lumturi të përhershme në botën tjetër, e kushdo që e


kundërshton Atë dhe mohon, do të ketë mjerim në këtë botë dhe dënim të


përjetshëm në botën tjetër.


5


Ngase e dimë se nuk mund ta kalojmë këtë jetë pa marrë secili prej


nesh shpërblimin për atë që ka bërë, qoftë mirë, qoftë keq. Pra, a nuk


do të ketë fare dënim për zullumqarët e as shpërblim për


mirëbërësit?!


Zoti ynë na ka treguar se fitimi i kënaqësisë së Tij dhe shpëtimi nga


dënimi i Tij nuk mund të arrihen ndryshe veçse duke hyrë në fenë islame, e


cila nënkupton nënshtrimin ndaj Tij dhe adhurimin e Tij, që është i Vetëm


e pa ortak, nënshtrimin ndaj Tij me bindje dhe zbatimin e ligjit të Tij me


kënaqësi e pranim. Ai po ashtu na ka treguar se nuk pranon nga njerëzit


asnjë fe tjetër përveç Islamit. Allahu i Lartësuar thotë:

"Kush kërkon tjetër fe përveç Islamit, nuk do t’i pranohet dhe ai në


botën tjetër do të jetë i humbur." (Alu Imran, 85)


Ai që shikon se çfarë adhurojnë shumica e njerëzve sot, do të gjejë se


dikush adhuron qenie njerëzore, një tjetër adhuron idhull, një tjetër


adhuron planet, e kështu me radhë. Njeriu që është i mençur nuk duhet të


adhurojë askënd tjetër, pos Zotit të botëve, i Cili është i përsosur në cilësitë


e Tij. Vallë, si mund të adhurojë një krijesë tjetër si veten ose më të ulët


sesa veten?! I Adhuruari (Zoti) nuk mund të jetë qenie njerëzore, idhull,


pemë ose kafshë!


Asnjëra nga fetë që njerëzit i kanë përqafuar sot, përveç Islamit, nuk


pranohet nga Allahu, pasi ato janë fe të krijuara nga njerëzit ose


legjislacione që ishin hyjnore dhe më pas janë shtrembëruar nga dora e


njeriut. Sa i përket Islamit, ai është feja e Zotit të botëve, e cila nuk


ndryshon. Libri i kësaj feje është Kurani i madhërishëm. Ai është i ruajtur


ashtu siç e shpalli Allahu dhe ende është në duart e muslimanëve edhe sot


e kësaj dite në gjuhën në të cilën iu shpall të Dërguarit të fundit.


Një nga themelet e Islamit është të besosh në të gjithë të dërguarit e


Allahut. Të gjithë ata ishin njerëz, të cilët Allahu i fuqizoi me shenja dhe


mrekulli, si dhe i dërgoi të thërrasin që të adhurohet vetëm Ai, pa i bërë


ortak. Muhamedi , është i Dërguari i fundit, të cilin Allahu e dërgoi me


ligjin e fundit hyjnor që i shfuqizoi ligjet e të dërguarve para tij, si dhe e


fuqizoi me mrekulli madhështore, më e madhja e të cilave është Kurani i


madhërishëm, fjala e Zotit të botëve, Libri më i madh që e njohu njerëzimi,


i paimitueshëm në përmbajtjen, shprehjen, renditjen dhe vendimet e tij. Në


6


të është udhëzimi drejt së vërtetës, që shpie drejt lumturisë në këtë botë e


në botën tjetër. Ai ka zbritur në gjuhën arabe.


Ka shumë prova racionale dhe shkencore që vërtetojnë pa dyshim se


ky Kuran është Fjala e Krijuesit dhe se nuk mund të jetë i krijuar nga


njerëzit.


Ndër bazat e Islamit është besimi në melekët dhe besimi në Ditën e


Fundit, se Allahu do t'i ringjallë njerëzit nga varret e tyre në Ditën e


Kametit për t'i llogaritur për veprat e tyre. Ai që është besimtar, do të ketë


lumturi të përjetshme në Xhenet, ndërsa ai që nuk beson dhe bën vepra të


këqija, do të ketë dënim të madh në Zjarr. Prej bazave të Islamit është që të


besosh në atë që e ka caktuar Allahu, qoftë mirë, qoftë keq.


Feja islame është një program gjithëpërfshirës ndaj jetës, në përputhje


me natyrshmërinë e pastër njerëzore dhe arsyen e shëndoshë,


rrjedhimisht atë e pranojnë shpirtrat e drejtë. Ajo është e përligjuar nga


Krijuesi madhështor për krijesat e Tij dhe është fe e mirësisë dhe


lumturisë për të gjithë njerëzit në këtë botë dhe në botën tjetër; nuk e


dallon një racë nga tjetra e as një ngjyrë mbi tjetrën. Njerëzit në Islam


konsiderohen të njëjtë dhe dallimi nga njëri-tjetri bëhet vetëm me vepra të


mira.


Allahu i Lartësuar thotë:ۡ

"Cilindo mashkull ose femër që kryen vepra të mira, duke qenë


besimtar, Ne do ta bëjmë që të kalojë jetë të bukur dhe do ta shpërblejmë


sipas veprave më të mira, që ka bërë." (En Nahl, 97)


Prej gjërave që Allahu i përmend fuqishëm në Kuranin e madhërishëm


është të besohet se Allahu është Zoti dhe i Adhuruari, se Islami është feja


(e vërtetë) dhe se Muhamedi është i dërguar dhe se hyrja në Islam është


një çështje e domosdoshme, për të cilën njeriu nuk ka zgjidhje. Në Ditën e


Kiametit do të ketë llogaridhënie dhe shpërblim. Ai që është besimtar i


vërtetë, do të ketë fitore dhe sukses të madh, e ai që është jobesimtar, do të


ketë humbje të qartë.


Allahu i Lartësuar thotë:

"Atë që i bindet Allahut dhe të Dërguarit të Tij, Ai e shpie në kopshte,


nëpër të cilat rrjedhin lumenj, ku do të qëndrojë përherë. Kjo është fitorja


e madhe.


Ndërsa atë që nuk i bindet Allahut e të Dërguarit të Tij dhe shkel


kufijtë e vënë prej Tij, Allahu e shpie në Zjarr, ku do të qëndrojë përherë


dhe për të ka ndëshkim poshtërues." (En Nisa, 13-14)


Ai që dëshiron të hyjë në Islam, duhet të thotë: "Dëshmoj se nuk ka zot


që meriton të adhurohet përveç Allahut dhe dëshmoj se Muhamedi është i


Dërguari i Tij", duke e ditur kuptimin e saj, duke besuar në të dhe kështu


bëhet musliman. Pastaj ai e mëson pak nga pak pjesën tjetër të obligimeve


të Islamit, që t'i jetësojë urdhrat e Allahut.


Për më shumë informacione: https://byenah.com/sq


8


Index


Islami 3


fe e natyrshmërisë, arsyes dhe lumturisë 3


Po ty kush të krijoi? 3


A mund të ndodhë që Allahu, pasi na krijoi, të na lërë pas dore? A mund të


ndodhë që Allahu i krijoi të gjitha këto krijesa pa kurrfarë qëllimi? 5


Ngase e dimë se nuk mund ta kalojmë këtë jetë pa marrë secili prej nesh


shpërblimin për atë që ka bërë, qoftë mirë, qoftë keq. Pra, a nuk do të ketë


fare dënim për zullumqarët e as shpërblim për mirëbërësit?! 5


9