2.   Ang Pambungad na Takbir (pagbanggit ng Allahu Akbar)

·Itaas ang dalawang kamay hanggang sa pingol ng tainga o balikat at banggitin ang:

Allahu akbar


‘Ang Allah ang Pinaka-dakila"’

·Ilagay ang kanang kamay sa ibabaw ng kaliwang kamay at ipatong ito pareho sa dibdib.

·Huwag tumingin kung saan-saan. Panatilihin ang mga mata na nakatingin sa lugar kung saan ikaw ay magpapatirapa.

3.   Pagpapakupkop sa Allah mula kay Satanas

· Banggitin:

A'udhu billahi minash-shaytaanir-rajeem


‘Ako ay nagpapakupkop sa Allah mula sa isinumpang demonyo'

4.  Banggitin ang Surah al-Fatihah,

 Simulan sa pagbanggit ng:

Bismilla-hir-rahma-nir-raheem


‘Sa ngalan ng Allah, Ang Pinaka-Mahabagin ang Pinaka-Nagbibigay awa.'

·  Banggitin ang Surah al-Fatihah.

Alhamdu lil-lahi rab-bil 'alameen


‘Ang papuri ay tanging sa Allah lamang, Panginoon ng lahat ng mgaSanlibutan.

Ar-rahma-nir-raheem


Ang Pinaka-Mahabagin, ang Pinaka-Maawain

Maliki yawmid-deen


Ang Hari sa araw ng Paghuhukom

Iyyaka na'budu wa iyyaka nasta'een


Ikaw lamang ang aming sinasamba, at Ikaw lamang ang hinihingan namin ng tulong

Ihdinas-siratal mostaqeem


Patnubayan Mo po kami sa tuwid na landas

Siratal-lazeena an'amta 'alayhim


Landas ng mga biniyayaan Mo

ghayril maghdubi 'alayhim


Hindi landas ng mga kinagalitan Mo

wa-lad-daa-leen


o nilang mga naligaw.’

· Pagkatapos, banggitin ang:

Aameen


  Tanggapin Mo po, O Allah.

5.   Pag-yuko

·Itaas ang mga kamay hanggang sa pingol ng tainga o balikat (tulad ng sa ika-2, Ang Pambungad na Takbeer) at banggitin ang:

Allahu akbar


‘Ang Allah Ang Pinaka-dakila.’

·Yumuko ng tulad ng nasa larawan habang pinapanatiling tuwid ang likod, at ulitin ng tatlong beses sa mahinang tinig:

Subhana rabbi-yal-'azeem


‘Perpekto ang aking Panginoon, Lubos na Pinaka-Dakila!’

6.   Pagtayo mula sa pagkakayuko

·Tulad ng nasa larawan, tumayong tuwid mula sa pagkakayuko hanggang sa makabalik sa tuwid na pagkakatayo. 

· Habang tumatayo mula sa pagkakayuko ay muling itaas ang mga kamay hanggang sa pingol ng tainga o balikat at banggitin ang:

Sami' allahu liman hamidah


‘Ang Allah ay Nakikinig sa sinumang nagpupuri sa Kanya'

· Pagkatapos, banggitin ang:

Rab-bana wa lakal hamd


'Aming Panginoon, at sa Iyo ang lahat ng Papuri'

7.   Unang Pagpapatirapa

·Yumuko tungo sa sahig para magpatirapa. At habang yumuyuko ay banggitin ang:

Allahu akbar


‘Ang Allah ang Pinaka-Dakila’

· Sa pagpapatirapa ay dapat na nakalapat sa lupa ang noo, tungki ng ilong, mga kamay, mga tuhod, at daliri ng paa. Maaring sa umpisa ay hindi ito masyadong komportable, depende sa pakikibagay ng katawan ng tao. Makakasanayan din ito pagdating ng panahon. Tandaan na tayo ay pinaka-malapit sa Allah sa panahon na tayo ay nagpapatirapa.

· Sa mahinang tinig, ulitin ng tatlong beses ang:

Subhana rabbi-yal-a'laa


‘Perpekto ang aking Panginoon, Ang Pinaka Kataas-taasan.’

8.   Pag-upo sa pagitan ng dalawang pagpapatirapa

· Matapos ay umupo mula sa unang pagpapatirapa. Umupo sa komportableng posisyon. Habang umuupo mula sa pagpapatirapa, banggitin ang:

Allahu akbar


‘Ang Allah Ang Pinaka-dakila.’

·Uliting banggitin habang nasa posisyon ng pagkakaupo sa pagitan ng una at ikalawang pagpapatirapa:

Rab-bigh-fir lee


‘Panginoon ko, patawarin Mo ako.’