35
Noong tumanda na ang Propeta (SAS) at nagkaroon sa kilos
niya ng medyo kabagalan ay pinaalalahan niya ang mga nagdarasal
sa likuran niya. Sinabi niya: “O mga tao, tunay na ako ay
tumaba na kaya huwag ninyo akong unahan sa pagyukod at
pagpapatirapa…”
60 Tungkulin naman ng imám na magsagawa
ayon sa Sunnah sa takbír Sunnah kapag nagdasal siya. Ito ang
nabanggit sa isang Hadíth ayon kay Abú Hurayrah (RA): “Ang
Sugo ni Allah (SAS), kapag tumindig upang magsagawa ng saláh,
ay nagsasagawa ng takbír kapag tumatayo, pagkatapos ay nagsasagawa
ng takbír kapag yumuyukod…pagkatapos ay nagsasagawa
ng takbír kapag nagpapatirapa [mula sa pagkakatayo], pagkatapos
ay nagsasagawa ng takbír kapag nag-aangat ng ulo niya, pagkatapos
ay nagsasagawa ng takbír kapag nagpapatirapa [mula sa
pagkakaupo], pagkatapos ay nagsasagawa ng takbír kapag nagaangat
ng ulo niya. Pagkatapos ay ginagawa niya iyon sa buong
saláh hanggang sa matapos niya ito. Nagsasagawa siya ng takbír
kapag tumatayo mula sa [unang] dalawang [rak‘ah] matapos ang
pag-upo.”61 Kaya kapag nagsagawa ang imám ng takbír kasabay
at kasama ng kilos niya at nagsigasig naman ang ma’múm sa
pagsunod sa pamamaraang nauna nang nabanggit, bubuti ang
kalagayan ng jamá‘ah sa saláh nila.
Ang Pagpunta sa Masjid ng Isang Kumain ng Sibuyas
o Bawang o Anumang May Masangsang na Amoy
Nagsabi si Allah (7:31): “O mga anak ni Adan, isuot ninyo
ang gayak ninyo sa bawat masjid.” Ayon kay Jábir na nagsabi:
60 Isinalaysay ito ni al-Bayhaqí 2/93 at pinagtibay niya ito na Hadíth Hasan sa
Irwá’ al-Ghalíl 2/290.
61 Isinalaysay ito ni al-Bukhárí, bilang 756, Edisyong al-Baghá.
Mga Ipinagbabawal na Ipinagwawalang-bahala ng mga Tao
36
“Nagsabi ang Sugo ni Allah (SAS): Ang sinumang kumain ng
bawang o sibuyas ay lumayo-layo sa atin. − o nagsabi siya: −
lumayo-layo siya sa masjid natin at manatili sa bahay niya.”62
Sa isang salaysay naman ayon kay Imám Muslim: “Ang sinumang
kumain ng sibuyas o bawang o puero63 ay huwag ngang
lalapit sa masjid natin sapagkat ang mga anghel ay nayayamot
sa ikinayayamot ng mga anak ni Adan.”
64 Nagtalumpati si ‘Umar
ibnu al-Khattáb sa mga tao minsang isang Biyernes at nagsabi siya
sa talumpati niya: “Pagkatapos, tunay na kayo, o mga tao, ay
kumakain ng dalawang halaman na hindi ko itinuturing kundi
masagwa: itong sibuyas at bawang. Talagang nakita ko nga ang
Sugo ni Allah (SAS) na kapag nasumpungan niya ang amoy ng
dalawang ito mula sa isang lalaki sa masjid ay nag-uutos siya
na lumabas ito kaya pinalalabas ito tungo sa Baqí‘. Kaya ang
sinumang kakain nito ay patayin niya ang amoy ng mga ito sa
pagluluto.”65
Napaloloob din sa paksang ito ang mga pumapasok kaagadagad
sa mga masjid matapos ang mga gawain nila habang ang
masangsang na mga amoy ay umaalingasaw mula sa mga kilikili
nila at mga medyas nila. Ang pinamakasahol pa rito ay ang mga
naninigarilyo na humihithit ng usok ng sigarilyo na ipinagbabawal
at pagkatapos ay magsisipasok sa mga masjid. Niyayamaot nila
ang mga lingkod ni Allah na mga anghel at mga tao.
62 Isinalaysay ito ni al-Bukhárí. Tingnan ang al-Fat'h 2/339.
63 Tinatawag na leek sa Ingles. Para itong sibuyas tagalog ngunit malaki at
mataba, na kadalasang dahon nito ang ginagamit.
64 Isinalaysay ni Muslim 1/395.
65 Isinalaysay ito ni Muslim 1/396.
Mga Ipinagbabawal na Ipinagwawalang-bahala ng mga Tao
37
Ang Pangangalunya66
Yamang ilan sa mga layunin ng Sharí‘ah ay ang pangangalaga
sa karangalan at pangangalaga sa supling, nasaad dahil dito ang
pagbabawal sa pangangalunya. Nagsabi si Allah (17:32): “Huwag
ninyong lapitan ang pangangalunya; tunay na ito ay isang
kahalayan at masamang daan.” Bagkus ipininid ng Sharí‘ah ang
lahat ng ipinandadahilan at daang humahantong doon sa pamamagitan
ng pag-uutos sa hijáb, pagbababa ng paningin, pagbabawal
ng pakikipagsarilinan sa babaing hindi mahram, at iba pa.
Ang nakapag-asawa67 na nangalunya ay pinarurusahan ng
pinakamasaklap at pinakamatinding kaparusahan: ang pagpupukol
sa kanya ng bato hanggang mamatay upang malasap niya ang
pait ng ginawa niya at upang masaktan ang bawat bahagi ng katawan
niya, gaya ng pagpapakaligaya niya rito sa ipinagbabawal.
Ang nangalunya na hindi pa nakaranas ng pakikipagtalik sa isang
tumpak na kasal ay hahagupitin ng pinakamaraming bilang sa
paghahagupit na nasaad sa mga takdang kaparusahan sa Sharí‘ah:
isandaang hagupit, kalakip ng anumang mangyayari sa kanya na
pagkapahiya sa pamamagitan ng pagsaksi ng isang pangkat ng
mga mananampalataya sa parusa sa kanya, at kahihiyan sa pamamagitan
ng pagpapalayo sa kanya mula sa bayan niya at pagtatapon
sa kanya sa malayo sa pook ng krimen sa loob ng isang
buong taon.
Ang pagdurusa ng mga nangalunyang lalaki at mga nangalunyang
babae sa Barzakh ay na sila ay ilalagay sa isang pugon na
ang itaas nito ay masikip, ang ibaba nito ay maluwang, na nagni-
66 Ang pangangalunya na tinutukoy rito ay ang tinatawag na ziná sa wikang
Arabe na nangangahulugang pakikipagtalik sa hindi legal na asawa.
67 May asawa pa o may asawa dati.
Mga Ipinagbabawal na Ipinagwawalang-bahala ng mga Tao
38
ningas sa ilalim nito ang apoy, samantalang sila ay mga nakahubad
sa loob nito. Kaya kapag pinagningas sa kanila ang apoy ay
sisigaw sila at lalakasan nila hanggang sa halos lumabas sila; kapag
humupa, ibabalik sila roon. Ganyan ang gagawin sa kanila hanggang
sa pagdating ng Huling Sandali.
Nadadagdagan pa ang kasagwaan kapag ang lalaki ay nagpapatuloy
sa pangangalunya kasabay ng pagsulong ng edad niya,
pagkalapit niya mula sa kamatayan niya at pagpapalugit ni Allah
sa kanya. Ayon kay Abú Hurayrah (RA): “May tatlo na hindi
kakausapin ni Allah sa Araw ng Pagkabuhay, hindi Niya sila
dadalisayin, hindi Siya titingin sa kanila at ukol sa kanila ay
isang masakit na parusa: matandang nangangalunya, haring
palasinungaling at naghihikahos na nagmamalaki.”
68
Kabilang sa pinakamasama sa mga kinikita ay ang upa sa
pagbibili ng laman: ang tinatanggap kapalit ng pangangalunya.
Ang nangangalunya na ipinagbibili ang katawan niya ay pinagkakaitan
ng pagtugon sa panalangin niya kapag binubuksan ang
mga pinto ng langit sa hatinggabi.69 Ang pangangailangan at ang
karalitaan ay walang pasubaling hindi kadahilanang tanggap sa
Sharí‘ah upang labagin ang mga hangganan ni Allah. Noong
unang panahon ay sinasabi nila: “Magugutom ang malayang
babae ngunit hindi siya kakain sa pamamagitan ng [pagtitinda
ng gatas ng] mga dibdib niya kaya papaanong sa pamamagitan
ng [pagtitinda ng] ari niya?”
Sa panahon natin ay binuksan na ang bawat pinto tungo sa
kahalayan. Pinadali ng Demonyo ang daan sa pamamagitan ng
panlalalang niya at panlalalang ng mga kampon niya. Sinunod
68 Isinalaysay ito ni Muslim 1/102-103.
69 Ang Hadíth tungkol dito ay nasa Sahíh al-Jámi‘ 2971.
Mga Ipinagbabawal na Ipinagwawalang-bahala ng mga Tao
39
naman siya ng mga suwail at mga masamang-loob kaya naglipana
ang tabarruj at ang sufúr.70 Naging palasak ang nakaw na sulyap
at ang ipinagbabawal na tingin. Lumaganap ang paghahalubilo
ng mga lalaki at mga babaing hindi magkakaanu-ano. Naging
mabili ang mga magasin ng kalaswaan at mga pelikula ng kahalayan.
Dumami ang pagpunta sa mga bayan ng imoralidad. Bumangon
ang pamilihan ng kalakalan ng prostitusyon. Dumami ang
pagyurak sa karangalan. Nadagdagan ang bilang ng mga anak
sa labas at ang mga kaso ng paglalaglag ng mga sanggol.
Kaya hinihiling namin sa Iyo, o Allah, ang awa Mo, ang kabaitan
Mo, ang pagtatakip Mo at ang pangangalagang buhat sa Iyo na
pangalagaan kami laban sa mga kahalayan. Hinihiling namin
sa Iyo na dalisayin Mo ang mga puso namin, ipagsanggalang Mo
ang mga puri namin at maglagay Ka sa pagitan namin at ng ipinagbabawal
ng isang tabing at isang harang na ipinanghaharang.
Ang Sodomy71
Ang krimen ng mga kababayan ni Propeta Lot ay ang pagtatalik
ng dalawang lalaki. Nagsabi si Allah (29:28-29): “Banggitin si
Lot noong magsabi siya sa mga kababayan niya: “Tunay na
kayo ay talagang gumagawa ng kahalayan na hindi kayo
naunahan doon ng isa man sa mga nilalang. Tunay na kayo
70 Ang tabarruj ay ang pagtatanghal o ang pagpapakita ng isang babaing nasa
tamang gulang sa publiko o sa harap ng mga lalaking di-mahram ng kagandahan
niya at nakapang-aakit na gayak niya. Ang sufúr naman ay ang hindi pagsusuot
ng belo o hijáb at hindi pagtatakip ng bahagi ng katawan na hindi dapat makita
ng mga lalaking di-mahram. Samakatuwid ang lahat ng uri ng tabarruj ay sufúr,
ngunit hindi lahat ng sufúr ay tabarruj.
71 Ang sodomy na tinutukoy rito ay ang pagtatalik ng dalawang lalaki sa
pamamagitan ng pagtatalik sa pamamagitan ng anus.
Mga Ipinagbabawal na Ipinagwawalang-bahala ng mga Tao
40
ba ay nakikipagtalik sa mga kapwa lalaki, nandarambong
sa daan at gumagawa sa pagtitipon ninyo ng nakasasama.”
Ngunit walang iba ang sagot ng mga kababayan niya kundi
na sinabi nila: “Dalhan mo kami ng parusa ni Allah, kung
ikaw ay kabilang sa mga nagsasabi ng totoo.””
Dahil sa karumalan ng krimen na ito, kasagwaan nito at panganib
nito, pinarusahan ni Allah ang mga gumagawa nito ng apat na
uri ng kaparusahan na hindi Niya pinagsama-sama sa mga taong
iba sa kanila: binura Niya ang mga mata nila, itinaob Niya ang
bayan nila, pinaulanan Niya sila ng mga bato na pinatuyong luwad
na patong-patong at ipinadala Niya sa kanila ang Dagundong.
Sa Sharí‘ah sa panahong ito, ang pagkitil sa pamamagitan ng
tabak − ayon sa matimbang na pahayag − ay ang kaparusahan sa
nagsasagawa at pinagsasagawaan72 nito kapag ito ay ginawa ayon
sa pagkalugod at kagustuhan. Ayon kay Ibnu ‘Abbás (RA): “Ang
sinumang natagpuan ninyo na nagsasagawa ng gawain ng mga
kababayan ni Lot ay patayin ninyo ang nagsasagawa at ang
pinagsasagawaan.”
73Ang lumitaw sa panahon natin na mga salot
at mga sarisaring uri ng mga sakit − na wala sa mga ninuno nating
nagsiyao − dahil sa kahalayan gaya ng sakit na AIDS na nakamamatay
ay nagpapahiwatig ng isang katwiran ng Tagapagbatas sa
pagtatakda ng malubhang kaparusahang ito.
72 Ang nagsasagawa (active) ay ang nag-aastang lalaki at ang pinagsasagawaan
ay ang nag-aastang babae (passive).
73 Isinalaysay ito ni Imám Ahmad 1/300. Ito ay nasa Sahíh al-Jámi‘ 6565.
Mga Ipinagbabawal na Ipinagwawalang-bahala ng mga Tao
41
Ang Pagtanggi ng Babae na Makipagtalik sa Asawa
Niya Nang Walang Kadahilanang Tanggap sa Sharí‘ah
Ayon kay Abú Hurayrah (RA), ayon sa Propeta (SAS) na
nagsabi: “Kapag inanyayahan ng lalaki ang maybahay niya sa
higaan niya at tumangi ito, kaya magdamag siyang galit dito,
ay susumpain ito ng mga anghel hanggang sa mag-umaga.” 74
Marami sa mga babae − kapag nagkaroon ng alitan sa pagitan
niya at ng asawa niya − ay nagpaparusa rito, sa pag-aakala niya,
sa pamamagitan ng pagkakait dito sa karapatan nito sa pakikipagtalik
sa kanya. Maaaring magbunga ito ng malaking mga katiwalian,
na ang ilan sa mga ito ay ang pagkakasadlak ng asawa sa
bawal. Maaari ring bumalik sa kanya ang kagagawan niya: pagiisipan
nito nang seryoso ang pag-asawa bukod pa sa kanya.
Kaya tungkulin ng maybahay na magdali-dali sa pagtugon sa
asawa niya kapag humiling ito sa kanya, bilang pagsunod sa sabi
ng Sugo (SAS): “Kapag inanyayahan ng lalaki ang maybahay
niya sa higaan niya ay tumugon ito kahit pa man ito ay nasa
ibabaw ng siya ng kamelyo.”75 Tungkulin naman ng asawa na
isaalang-alang ang [kalagayan ng] maybahay niya kapag ito ay
may-sakit o nagdadalang-tao o nagdadalamhati nang sa gayon ay
mamalagi ang pagkakasundo at hindi masadlak sa paghihiwalay.
74 Isinalaysay ito ni al-Bukhárí. Tingnan ang al-Fat'h.
75 Nasa ibabaw ng kamelyo. Ito ay isang idyomang Arabe na ang ibig sabihin
ay: abalang-abala. Tingnan ang Zawá’id al-Bazár 2/181. Ito ay nasa Sahíh al-
Jámi‘ 547.
Mga Ipinagbabawal na Ipinagwawalang-bahala ng mga Tao
42
Ang Paghiling ng Babae ng Diborsiyo sa Asawa Niya
Nang Walang Dahilang Tanggap sa Sharí‘ah
Nagdadali-dali ang marami sa mga babae sa paghiling ng
diborsiyo sa mga asawa nila kapag nagkaroon ng napakaliit na
alitan. O humihiling ang maybahay ng diborsiyo kapag hindi
ibinigay sa kanya ng asawa ang ninanais niya na pera, gayong
maaaring siya ay nasulsulan lamang ng ilan sa mga kamag-anak
niya o mga kapitbahay na mga mapanira. Maaaring hamunin niya
ang asawa niya sa pamamagitan ng mga pananalitang pumupukaw
ng galit, gaya ng pagsasabi: “Kung lalaki ka, diborsiyuhin mo ako.”
Batid ng lahat na nagbubunga ang diborsiyo ng malaking mga
kapinsalaan gaya ng pagkalansag ng pamilya at pagkapariwara
ng mga anak. Maaaring magsisi siya sa sandaling hindi na pakikinabangan
ang pagsisisi. Dahil dito at iba pa, lumilitaw ang
katwiran sa Sharí‘ah nang binanggit nito ang pagbabawal niyon.
Ayon kay Thawbán (RA): “Alinmang babae na humingi sa
asawa niya ng diborsiyo nang wala sa katwiran, bawal sa kanya
ang halimuyak ng Paraiso.”
76 Ayon naman kay ‘Uqbah ibnu
‘Ámir (RA): “Tunay na ang mga babaing humihiling ng khula‘77
at ang mga babaing humihiling ng hiwalayan ay ang mga
babaing nagpapanggap na sumasampalataya.” 78
Samantala, kung sakaling nagkaroon ng dahilang tanggap sa
Sharí‘ah, gaya ng pagtalikod ng asawa sa pagsagawa ng saláh, o paginom
ng mga nakalalasing at paggamit ng mga bawal na gamot, o
ito ay pumipilit sa kanya sa gawaing bawal, o nang-aapi sa kanya
sa pamamagitan ng pagpapasakit sa kanya o pagkakait sa kanya ng
76 Isinalaysay ito ni Ahmad 5/277. Ito ay nasa Sahíh al-Jámi‘ 2703.
77 Isang uri ng diborsiyo na hiniling ng babae kapalit ng kabayaran sa asawa.
78 Isinalaysay ito ni at-Tabrání sa al-Kabír 17/339. Ito ay nasa Sahíh al-Jámi‘ 1934.
Mga Ipinagbabawal na Ipinagwawalang-bahala ng mga Tao
43
mga legal na karapatan niya, halimbawa, at wala nang pakinabang
na idinudulot ang pagpapayo at wala nang mabuting idinudulot
ang mga pagtatangka para pabutihin, wala nang masama sa babae
sa sandaling iyon kung siya man ay humiling ng diborsiyo upang
mailigtas niya ang pananampalataya niya at ang sarili niya.
Ang Dhihár
Kabilang sa mga pananalita ng Sinaunang Kamangmangan na
laganap sa Kalipunang ito ay ang pagkasadlak sa dhihár. Nangyayari
ito kapag nagsasabi ang asawa sa maybahay niya: “Ikaw
para sa akin ay gaya ng likod ng ina ko,” o “Ikaw ay bawal sa
akin gaya ng pagkabawal ng babaing kapatid ko.” at tulad niyon
na mga karumal-dumal na pananalitang itinuturing na masagwa
ng Sharí‘ah dahil sa ito ay nagdudulot ng kawalang-katarungan sa
babae.79 Inilarawan ito ni Allah sa sinabi Niya (58:2): “Ang mga
nagsasagawa ng dhihár na kabilang sa inyo sa mga maybahay
nila ay nalalamang ang mga ito ay hindi mga ina nila. Ang
mga ina nila ay walang iba kundi ang mga nagsilang sa kanila.
Tunay na sila ay talagang nagsasabi ng isang nakasasamang
salita at isang kabulaanan. Tunay na si Allah ay talagang
Mapagpaumanhin, Mapagpatawad.”
Ginawa ng Sharí‘ah na ang pambayad-sala sa gawaing ito ay
mabigat na nakawawangis ng pambayad-sala sa maling pagkapatay
79 Ang dhihár ay isang uri ng pagdidiborsiyo na isinasagawa sa pamamagitan
ng pagtutulad ng isang lalaki sa maybahay niya sa mga babaing hindi niya
kailanman maaaring mapangasawa gaya ng ina, kapatid, anak at iba pa. Kapag
isinagawa ito ng lalaki, kaagad na nadiborsiyo niya ang maybahay niya.
Bagamat hindi laganap ito sa Pilipinas, at marahil baka hindi nga alam ng
lubhang nakararami, laganap ito sa ibang lugar kaya minabuting isama ito sa
aklat na ito.
Mga Ipinagbabawal na Ipinagwawalang-bahala ng mga Tao
44
at nakatutulad sa pambayad-sala sa pakikipagtalik sa maghapon
ng Ramadán. Hindi ipinahihintulot sa isang nagsagawa ng dhihár
sa maybahay niya na lumapit dito maliban kung nakapagsagawa
siya ng pambayad-sala. Nagsabi si Allah (58:3-4): “Ang mga
nagsasagawa ng dhihár sa mga maybahay nila, pagkatapos
ay binawi nila ang sinabi nila, ay pagpapalaya ng isang alipin
ang pambayad-sala bago magsalingan silang mag-asawa. Iyan
ay ipinangangaral sa inyo. Si Allah sa anumang ginagawa
ninyo ay Nakababatid. Ngunit ang sinumang hindi makatagpo
ng mapalalaya ay pag-aayuno ng dalawang buwang magkakasunod
ang pambayad-sala bago magsalingan silang magasawa;
ngunit kung hindi niya makakaya, pagpapakain ng
animnapung dukha ang pambayad-sala. Iyan ay upang sumampalataya
sila kay Allah at sa Sugo Niya. Iyon ay mga hangganan
ni Allah. Ukol sa mga tumatangging sumampalataya
ay masakit na parusa.”
Ang Pakikipagtalik sa Maybahay sa Panahon ng Regla
Nagsabi si Allah (2:222): “Tinatanong ka nila hinggil sa
regla. Sabihin mo: “Ito ay nakapipinsala kaya iwasan ninyo
ang pakikipagtalik sa mga babae sa panahon ng regla. Huwag
kayong makipagtalik sa kanila kung hindi huminto ang pagdurugo,”
Samakatuwid hindi ipinahihintulot sa kanya na makipagtalik
dito kung hindi pa ito nakapaligo matapos huminto ang
pagdurugo nito ayon sa sabi Niya (2:222): “at kapag nakapaglinis
na sila ay saka kayo makipagtalik sa kanila sa bahaging
ipinag-utos sa inyo ni Allah.” Nagpapahiwatig sa kasagwaan ng
pagsuway na ito ang sinabi niya (SAS): “Ang sinumang pumunta
sa isang nireregla [upang makipagtalik], o sa isang babae
Mga Ipinagbabawal na Ipinagwawalang-bahala ng mga Tao
45
[upang makipagtalik] sa puwit80 nito, o sa isang manghuhula
[upang magpahula], ay tumanggi ngang sumampalataya sa
ibinaba kay Muhammad.” 81
Ang sinumang gumawa niyon dahil sa pagkakamali nang
walang pananadya habang siya ay hindi nakaaalam, wala siyang
anumang pananagutan. Ang sinumang gumawa niyon nang sinasadya
at nalalaman [na bawal iyon], tungkulin niyang magbayadsala
ayon sa pahayag ng ilan sa mga may kaalaman na kabilang
sa mga naniwala sa katumpakan ng Hadíth tungkol sa pagbabayadsala,
at ito ay isang Dínár o kalahating Dínár.82 Sinabi naman ng
iba sa kanila na siya ay makakapamili sa alinman sa dalawa. Nagsabi
rin ang iba pa sa kanila na kapag nakipagtalik siya rito sa
simula ng pagreregla nito sa kalakasan ng daloy ng dugo ay tungkulin
niya na magbayad-sala ng isang Dínár. Kung nakipagtalik
naman siya rito sa huling bahagi ng regla nito kapag humina na
ang daloy ng dugo o bago ito nakapaligo para sa regla ay tungkulin
niyang magbayad-sala ng kalahating Dínár.83 Ang Dínár na tinutukoy
rito ayon sa kasalukuyang pagtataya ay katumbas sa 4.25 gramo
ng ginto.84 Ikakawanggawa niya ito o ang katumbas nito sa pera.85
80 Ito ang tumpak na katumbas sa Tagalog ng salitang Arabe na dubur, ngunit
ang tinutukoy rito ay ang anus o tumbong na labasan ng dumi at hindi ang pigi
mismo na siyang literal na kahulugan ng puwit at dubur.
81 Isinalaysay ito ni at-Tirmidhí ayon kay Abú Hurayrah 1/243. Ito ay nasa
Sahíh al-Jámi‘ 5917.
82 Ang Dínár na tinutukoy rito ay hindi ang Dinar ng anumang bansa.
83 Ang tamang pahayag ay na siya ay magbigay ng isang Dínár o kalahating
Dínár; walang ipinagkaiba kung iyon sa simula o sa katapusan ng regla.
84 Mga $91 noong April 29, 2006, batay sa halaga ng ginto ayon sa Al-Rajhi
Banking and Investment Corporation, Riyadh Saudi Arabia.
85 [Ang tama ay na siya ay makapipili na magbigay ng isang dínár o kalahating
dínár, maging iyon man ay naganap sa simula ng regla o sa katapusan nito.(z)]
Mga Ipinagbabawal na Ipinagwawalang-bahala ng mga Tao
46
Ang Pakikipagtalik sa Babae sa Puwit Nito
Ang ilan sa mga nalilisya na mahihina ang pananampalataya
ay hindi nangingimi na makipagtalik sa maybahay niya sa puwit
nito (sa bahaging labasan ng dumi). Ito ay kabilang sa mga malaking
kasalanan. Isinumpa na ng Propeta (SAS) ang sinumang
gumawa nito. Ayon kay Abú Hurayrah (RA): “Isinumpa ang
sinumang nakipagtalik sa maybahay sa puwit nito.” 86 Bagkus
tunay na ang Propeta (SAS) ay nagsabi pa: “Ang sinumang
pumunta sa isang nireregla [upang makipagtalik], o sa isang
babae [upang makipagtalik] sa puwit nito, o sa isang manghuhula
[upang magpahula], ay tumanggi ngang sumampalataya
sa ibinaba kay Muhammad.”
87 Bagamat marami sa mga
maybahay na mga may matinong kalikasan ay tumatanggi roon,
kaya nga lamang ang ilan sa mga asawa ay nagbabanta ng diborsiyo
kapag hindi sinunod. Ang iba sa kanila ay maaaring nanlilinlang
ng maybahay niya na nahihiyang magtanong sa mga may
kaalaman, kaya napapaniwala niya ito na ang gawaing ito ay ipinahihintulot.
Maaaring ipinampapatunay niya roon ang sabi ni
Allah (2:223): “Ang mga maybahay ninyo ay punlaan para
sa inyo, kaya puntahan ninyo ang punlaan ninyo sa paraang
niloob ninyo.” Nalalaman na ang Sunnah ay naglilinaw sa Qur’an.
Nasaad nga sa Sunnah dahil dito na ang Propeta (SAS) ay nagpabatid
na ipinahihintulot na makipagtalik sa maybahay sa paano
mang paraang loloobin niya: sa harapan at sa likuran, hanggat
iyon ay nasa labasan ng bata. Hindi nalilingid na ang puwit at
labasan ng dumi ay hindi ang labasan ng bata. Ang ilan sa mga
dahilan ng pagsalansang na ito ay ang pagsuong sa malinis na
86 Isinalaysay ito ni Imám Ahmad 2/479. Ito ay nasa Sahíh al-Jámi‘ 5865.
87 Isinalaysay ito ni at-Tirmidhí 1/234. Ito ay nasa Sahíh al-Jámi‘ 5918.
Mga Ipinagbabawal na Ipinagwawalang-bahala ng mga Tao
47
buhay may-asawa nang may dalang mga minanang maruming
kaugaliang maka-Jáhilíyah gaya ng mga gawaing lisya na ipinagbabawal,
o alaalang puno ng mga tanawin mula sa mga mahalay
na pelikula, nang walang kalakip na pagsisisi kay Allah. Nalalaman
na ang gawaing ito ay ipinagbabawal kahit pa man pumayag
ang mag-asawa sapagkat ang pagsasang-ayunan sa bawal ay hindi
magbabago rito upang maging ipinahihintulot.
Ang Kawalang Katarungan sa mga Maybahay
Kabilang sa itinagubilin sa atin ni Allah sa Mahal na Aklat
Niya ay ang katarungan sa pagitan ng mga maybahay. Nagsabi
si Allah (4:129): “Hindi ninyo makakaya na maging makatarungan
sa mga may-bahay kahit pa magsigasig kayo, ngunit
huwag kayong kumiling nang buong pagkiling at saka hahayaan
ninyo ang iba na gaya ng nakabitin sa alanganin. Kung
gagawa kayo ng matuwid at mangingilag kayong magkasala
ay tunay na si Allah ay laging Mapagpatawad, Maawain.”
Ang katarungang hinihiling ay na maging makatarungan sa [paghahati
ng] mga pagtulog sa gabi, at na gagampanan niya sa bawat
isa ang karapatan nito sa sustento at pananamit. Ang katarungan
ay hindi sa pag-ibig ng puso dahil hindi ito napanghahawakan ng
tao. Ang iba sa mga tao, kapag nagkaroon ng higit sa isang maybahay,
ay kumikiling sa isa at ipinagwawalang-bahala ang iba.
Natutulog siya sa gabi sa piling ng isa nang higit sa iba o gumugugol
dito at pinababayaan ang iba. Ito ay ipinagbabawal. Siya
ay darating sa araw ng Pagkabuhay ayon sa kalagayang nabanggit
ang paglalarawan nito ayon kay Abú Hurayrah (RA), ayon sa
Propeta (SAS) na nagsabi: “Ang sinumang may dalawang mayMga
Ipinagbabawal na Ipinagwawalang-bahala ng mga Tao
48
bahay at kumiling siya sa isa sa kanila, darating siya sa araw ng
Pagkabuhay na ang kalahating katawan niya ay nakakiling.”
88
Ang Pakikipagsarilinan sa Babang Hindi Mahram
Ang Demonyo ay masigasig sa pagtukso sa tao at pagbubulid
sa kanila sa bawal. Dahil doon ay nagbabala sa atin si Allah sa
sinabi Niya (24:21): “O mga sumampalataya, huwag kayong
sumunod sa mga bakas ng Demonyo. Ang sinumang sumusunod
sa mga bakas ng Demonyo, tunay na siya ay nag-uutos
ng mahalay at nakasasama…” Ang Demonyo ay dumadaloy
sa [ugat ng] tao gaya ng pagdaloy ng dugo. Ang ilan sa mga daan
ng Demonyo sa pagbulid sa kahalayan ay ang pakikipagsarilinan
sa babaing hindi mahram. Dahil doon, hinarangan ng Sharí‘ah
ang daang ito gaya ng nasaad sa sabi niya (SAS): “Hindi nga
nakikipagsarilinan ang isang lalaki sa isang babae [na hindi
mahram] kung hindi ang ikatlo sa kanilang dalawa ay ang
Demonyo.”
89 Ayon kay Ibnu ‘Umar (RA), ayon sa Propeta (SAS)
na nagsabi: “Wala ngang papasok na lalaki, matapos ang araw
kong ito, sa kinaroroonan ng isang babae [na wala ang asawa]
malibang may kasama siya na isang tao o dalawa.”
90
Hindi pinapayagan ang isang lalaki na makipagsarilinan sa
isang bahay o isang silid o isang sasakyan sa isang babaing hindi
mahram sa kanya, gaya ng maybahay ng kapatid niya o babaing
katulong o isang babaing pasyente kasama ng isang lalaking
doktor, at mga tulad nito. Marami sa mga tao ay nagbabalewala
sa bagay na ito; maaaring sa labis na tiwala sa sarili niya o sa iba.
88 Isinalaysay ito ni Abú Dáwud 2/601. Ito ay nasa Sahíh al-Jámi‘ 6491.
89 Isinalaysay ito ni at-Tirmidhí 3/474. Tingnan ang Mishkáh al-Masábíh 3118.
90 Isinalaysay ito ni Muslim 4/1711.
Mga Ipinagbabawal na Ipinagwawalang-bahala ng mga Tao
49
Kaya naman nagbubunga iyon ng pagkasadlak sa kahalayan o sa
mga panimula nito at nadadagdagan ang trahedya ng kalituhan sa
mga tunay na kaangkanan at [ng pagsilang] ng mga anak sa labas.
Ang Pakikipagkamay sa mga Babaing Hindi Mahram
Ito ay kabilang sa mga kaugaliang panlipunan na nanaig sa
Sharí‘ah sa lipunan. Nangibabaw sa patakaran ni Allah ang kabulaanan
ng mga nakagawian ng mga tao at mga tradisyon nila. Ano
pa’t kung sakaling kakausapin mo ang isa sa kanila hinggil sa
patakaran ng Islam, ilalahad mo ang patotoo, at lilinawin mo ang
patunay ay pararatangan ka ng pagkamakaluma, pagkamasalimuot,91
paglalagot ng ugnayang pangkamag-anak at pagkamapagduda sa
mga magandang hangarin, at iba pa. Ang pakikipagkamay sa mga
pinsang babae o hipag o maybahay ng tiyuhin ay higit na madali
sa lipunan natin92 kaysa sa pag-inom ng tubig. Kung tumingin
lamang sila nang may mata ng pang-unawa sa panganib ng gawaing
ito ayon sa Sharí‘ah, hindi sana nila ginawa iyon. Nagsabi ang
Propeta (SAS): “Ang matusok sa ulo ang isa sa inyo ng isang
karayom na bakal ay higit na mabuti para sa kanya kaysa sa
sumaling siya ng isang babae na hindi ipinahihintulot
93 sa
kanya.”
94
Walang duda na ito ay kabilang sa pangangalunya ng kamay
gaya ng sinabi niya (SAS): “Ang mga mata ay nangangalunya,
ang mga kamay ay nangangalunya, ang mga paa ay nanga-
91 o pagkakaroon ng masamang palagay.
92 Ang tinutukoy ng may-akda ay ang lipunang Arabe.
93 Hindi maybahay o hindi mahram.
94 Isinalaysay ito ni at-Tabrání 20/212. Ito ay nasa Sahíh al-Jámi‘ 4921.
Mga Ipinagbabawal na Ipinagwawalang-bahala ng mga Tao
50
ngalunya at ang ari ay nangangalunya.”
95 Mayroon pa kayang
higit na malinis na puso kaysa kay Muhammad (SAS)? Ngunit
sa kabila niyon ay nagsabi siya: “Tunay na ako ay hindi nakikipagkamay
sa mga babae.”
96 Nagsabi rin siya (SAS): “Tunay
na ako ay hindi sumasaling sa mga kamay ng mga babae.”
97
Ayon kay ‘Áishah (RA) na nagsabi: “Hindi, sumpa man kay Allah,
hindi nakasaling ang kamay ng Sugo ni Allah (SAS) ng kamay
ng isang babae [na hindi kaanu-ano] kailanman, ngunit tinatanggap
niya ang pagpapahayag nila ng katapatan sa pamamagitan ng
salita.”98 Siya nga, kaya mangilag magkasala kay Allah ang ilang
tao na nagbabanta ng diborsiyo sa mga matuwid na maybahay
nila kapag hindi nakipagkamay ang mga ito sa mga lalaking kapatid
nila.99 Nararapat malaman na ang paglalagay ng tabing sa
kamay at guwantes sa pakikipagkamay ay walang anumang maibubuti;
ito ay bawal pa rin sa dalawang kalagayan.100
Ang Pagpapabango ng Babae sa Paglabas ng Bahay at
Pagdaan na May Halimuyak ng Pabango sa mga Lalaki
Ito ay kabilang sa lumaganap sa panahon natin sa kabila ng
mahigpit na babala mula sa Propeta (SAS) sa sabi Niya: “Alinmang
babae na nagpabango, pagkatapos ay nagdaan sa mga
lalaki upang malanghap nila ang bango niya, siya ay nanga-
95 Isinalaysay ito ni Imám Ahmad 1/412. Ito ay nasa Sahíh al-Jámi‘ 4126.
96 Isinalaysay ito ni Imám Ahmad 6/357. Ito ay nasa Sahíh al-Jámi‘ 2509.
97 Isinalaysay ito ni at-Tabrání sa al-Kabír 24/342. Ito ay nasa Sahíh al-Jámi‘
7054. Tingnan ang al-Isábah 4/354, Edisyong Dár al-Kitáb al-‘Arábí.
98 Isinalaysay ito ni Muslim 3/1489.
99 Marahil ang ganitong mga pangyayari ay madalas sa bayan ng may-akda.
Hindi pa nakarinig ang tagapagsalin ng ganitong pangyayari sa Pilipinas.
100 May guwantes o walang guwantes.
Mga Ipinagbabawal na Ipinagwawalang-bahala ng mga Tao
51
ngalunya.”
101 Ang ilan sa mga babae ay mayroong kawalangkamalayan
o pagsasawalang-bahala na nagtutulak sa kanya na
magbalewala sa bagay na ito sa tabi ng driver o salesman o guwardiya.
Bagkus tunay na ang Sharí‘ah ay naghigpit sa sinumang
babaing gumamit ng pabango: na maligo siya ng gaya ng ghusl
janábah kapag ninais niya na lumabas, kahit pa pupunta sa masjid.
Sinabi niya (SAS): “Alinmang babae na nagpabango, pagkatapos
ay lumabas papunta sa masjid upang malanghap ang
bango niya, hindi tatanggapin mula sa kanya ang anumang
saláh hanggang sa makapaligo siya ng ghusl janábah.”
102 Kay
Allah tayo makadaraing sa insenso at pabango sa mga kasalan
at mga party ng mga babae bago sila lumabas, sa paggamit ng
mga pabangong ito na may nanunuot na halimuyak habang nasa
mga pamilihan, nasa mga sasakyan, sa mga pagtitipong may paghahalubilo
ng mga lalaki at mga babae, at pati na sa mga masjid
lalo na sa mga gabi ng Ramadán. Nasaad sa Sharí‘ah na ang
pabango ng mga babae ay ang nakalitaw ang kulay at nakakubli
ang bango. Hinihiling natin kay Allah na huwag Niya tayong
kasuklaman, na huwag Niyang parusahan ang mga matutuwid
na lalaki at ang mga matuwid na babae dahil sa gawain ng mga
lalaking hunghang at mga babaing hunghang at na patnubayan
Niya ang lahat tungo sa tuwid na landasin Niya.
Ang Paglalakbay ng Babae na Walang Kasamang Mahram
Nasasaad sa Sahíh al-Bukhári at sa Sahíh Muslim ayon kay
Ibnu ‘Abbás (RA) na nagsabi: “Nagsabi ang Sugo ni Allah (SAS):
101 Isinalaysay ito ni Imám Ahmad 6/357. Tingnan ang Sahíh al-Jámi‘ 105.
102 Isinalaysay ito ni Imám Ahmad 2/444. Tingnan ang Sahíh al-Jámi‘ 2703.
Mga Ipinagbabawal na Ipinagwawalang-bahala ng mga Tao
52
Hindi maglalakbay103 ang babae malibang kasama ng mahram.”
Ito ay sumasaklaw sa lahat ng paglalakbay, pati na ang paglalakbay
para sa hajj. Ang paglalakbay niya nang walang mahram ay ikatutukso
ng mga suwail sa kanya, at maglalakas-loob silang lumapastangan
sa kanya. Siya ay mahina kaya maaaring mapanaigan
siya. Ang pinakamaliit sa mga maaaring mangyayari sa kanya ay
mapinsala ang puri niya at dangal niya. Ganoon din ang pagsakay
niya sa eroplano kahit pa may isang mahram na maghahatid sa
kanya at isang mahram na sasalubong sa kanya, gaya ng sabi raw
nila. Ngunit sino ang lulan sa tabi niya sa katabing upuan? Kung
sakaling may mangyaring mga suliranin at lumapag ang eroplano
sa ibang paliparan, o nagkaroon ng pagkaantala ng lipad o pagiiba
ng schedule, paano na ngayon? Ang mga kuwento ay marami.
Karagdagan pa rito, itinatakda sa pagiging-mahram ang apat na
kundisyon: na siya ay isang Muslim, na nasa hustong gulang,104
na matino ang pag-iisip, at isang lalaki, gaya ng sinabi niya (SAS):
“ama niya o lalaking anak niya o asawa niya o lalaking kapatid
niya o [ibang] mahram niya.” 105
Ang Sinasadyang Pagtingin sa Babaing Hindi Mahram
Nagsabi si Allah (24:30): “Sabihin mo sa mga lalaking
mananampalataya na magbaba sila ng mga paningin nila at
pangalagaan nila ang mga puri nila. Iyan ay higit na dalisay
103 Ang paglalakbay na tinutukoy rito ay ang may layo mga 80 kilometro o
higit pa, na maaari nang isagawa ang salátul musáfir o saláh ng manlalakbay.
104 Magiging báligh ang isang lalaki kapag naging ganap nang 15 gulang, o
tinubuan na ng buhok sa maselang bahagi ng katawan, o kapag may punlay
nang lumalabas sa wet dream o sa iba pang paraan.
105 Isinalaysay ito ni Muslim 2/977.
Mga Ipinagbabawal na Ipinagwawalang-bahala ng mga Tao
53
para sa kanila. Tunay na si Allah ay Nakababatid sa anumang
pinaggagawa nila.” Nagsabi naman siya (SAS): “ang pangangalunya
ng mata ay ang pagtingin.” (Ibig sabihin: sa ipinagbawal
ni Allah.)106
Taliwas doon ang anumang pagtingin dahil sa pangangailangang
ipinahihintulot ng Sharí‘ah gaya ng pagtingin ng lalaking
nagbabalak magpakasal [sa babaing binabalak pakasalan] at ng
pagtingin ng doktor [dahil sa layuning medikal]. Ipinagbabawal
din sa isang babae na tumingin sa isang lalaking hindi niya mahram
nang may pagkatukso. Nagsabi Siya (24:31): “Sabihin mo sa mga
babaing mananampalataya na magbaba sila ng mga paningin
nila, pangalagaan nila ang mga puri nila,” Ipinagbabawal din
ang pagtingin nang may pagnanasa sa kapwa lalaki na walang
balbas at may malababaing ganda. Ipinagbabawal na tumingin
ang lalaki sa ‘awrah ng kapwa lalaki, at ang babae sa ‘awrah ng
kapwa babae. Ang bawat bahagi ng katawan na hindi ipinahihintulot
tingnan ay hindi ipinahihintulot na hipuin, kahit pa man
mayroon nakapagitan. Kabilang sa paglalaro ng Demonyo sa ilan
sa mga tao ay ang ginagawa nila na pagtingin sa mga larawan sa
mga magasin at panonood ng mga malaswang pelikula sa katwiran
na ang mga ito ay hindi tunay. Ang bahagi ng paninira at pagpukaw
sa mga pagnanasa sa bagay na ito ay malinaw na malinaw.
Ang Pagiging Dayúth107
Ayon kay Ibnu ‘Umar (RA): “May tatlong pinagkaitan ni
Allah ng Paraiso: ang sugapa sa alak, ang suwail sa magulang
at ang dayúth na sinasang-ayunan ang [paggawa ng] kalaswaan
106 Isinalaysay ito ni al-Bukhárí. Tingnan ang Fat'h al-Bárí 11/26.
107 Ang taong nagsasawalang-kibo o nagpapahintulot sa kahalayang ginagawa
sa mahram niya o sa kahalayang ginagawa nito.
Mga Ipinagbabawal na Ipinagwawalang-bahala ng mga Tao
54
sa mag-anak.”
108 Kabilang sa mga halimbawa ng pagiging dayúth
sa panahon natin ay ang pagwawalang-bahala sa anak na babae
o babaing kasambahay na nakikipag-phonepal sa isang lalaking
hindi niya mahram at pagsang-ayon sa pakikipagsarilinan ng isang
babaing kasambahay kasama ng isang lalaking hindi mahram.
Ganoon din ang pagpapabaya sa isa sa mga babaing kasambahay
na sumakay nang mag-isa sa sasakyan kasama ng isang hindi
mahram gaya ng driver at iba pa, at ang pagkalugod na lumabas
sila nang walang hijáb habang pinagmamasdan sila ng dumarating
at umaalis. Ganoon din ang pagpapasok sa bahay ng mga malaswang
pelikula o mga magasin na nagpapalaganap ng katiwalian
at kawalang-hiyaan.
Ang Panghuhuwad sa Pag-uugnay ng Kaangkanan ng
Bata sa Hindi Ama at ang Pagtanggi ng Lalaki sa Anak
Hindi ipinahihintulot sa Sharí‘ah para sa isang Muslim na magugnay
ng kaangkanan sa hindi niya ama, o na ianib ang sarili niya
sa isang angkan na hindi naman siya kabilang sa kanila. Ang ilan
sa mga tao ay gumagawa nito dahil sa makamundong mga hangarin.
Pinagtitibay nila ang huwad na kaangkanan sa mga opisyal
na dokumento. Ang iba sa kanila ay maaaring gumagawa niyon
dala ng pagkamuhi sa ama niya na nagpabaya sa kanya noong
siya ay bata pa. Lahat ng iyon ay bawal. Nagbubunga iyon ng
malaking mga katiwalian sa maraming larangan gaya ng pagkamahram,
pag-aasawa, pagmamana at mga tulad niyon. Nabanggit
nga sa tumpak na Hadíth ayon kay Sa‘d at Abú Bakrah (RA): “Ang
108 Isinalaysay ito ni Imám Ahmad 2/69. Ito ay nasa Sahíh al-Jámi‘ 3047.
Mga Ipinagbabawal na Ipinagwawalang-bahala ng mga Tao
55
sinumang nag-angkin ng hindi naman ama niya gayong siya
ay nakaaalam [sa totoo], ang Paraiso sa kanya ay bawal.” 109
Ipinagbabawal sa Sharí‘ah ang lahat ng “pangangalikot” sa
mga kaangkanan at panghuhuwad sa mga ito. Mayroon sa mga
tao na kapag sumambulat sa pakikipagbangayan niya sa maybahay
niya ay nagpaparatang dito ng pangangalunya at itinatatwa niya
ang anak niya nang walang patunay gayong ito ay anak talaga
niya. Maaari ring pagtaksilan ng isang maybahay ang tiwala sa
kanya: magdadalang-tao siya mula sa pangangalunya at ipapasok
niya sa kaangkanan ng asawa niya ang isang hindi naman mula
rito. Nasaad ang malaking banta laban doon sa isinalaysay ni Abú
Hurayrah (RA), na siya ay nakarinig sa Sugo ni Allah (SAS) na
nagsasabi noong ibinaba ang talata ng Qur’an (24:7) tungkol sa
palitan ng sumpa sa pangangalunya: “Alinmang babaing nagpasok
sa [kaangkanan ng] mga tao110 ng sinumang hindi kabilang
sa kanila, wala siyang kaugnayan kay Allah sa anumang
bagay at hindi siya papapasukin ni Allah sa Paraiso Niya. Alin
mang lalaking nagkakaila sa anak niya habang siya ay nakatingin
rito, magtatabing si Allah sa kanya111 at hihiyain siya
Nito sa harap ng mga tao ng mga sinauna at mga nahuli.”
112
Ang Ribá
Hindi nagpahayag si Allah sa Aklat Niya ng pakikidigma sa
isa man maliban sa mga nagtataguyod sa Ribá. Nagsabi si Allah
109 Isinalaysay ito ni al-Bukhárí. Tingnan ang Fat'h al-Bárí 8/45.
110 Nagdalang-tao sa hindi niya asawa at pagkatapos ay pinaaangkin niya sa
asawa niya ang anak niya sa ibang lalaki sa pangangalunya.
111 Hindi niya makikita si Allah sa araw ng Pagkabuhay.
112 Isinalaysay ito ni Abú Dáwud 2/695. Tingnan ang Mishkáh al-Masábíh 3316.
Mga Ipinagbabawal na Ipinagwawalang-bahala ng mga Tao
56
(2:278-279): “O mga sumampalataya, mangilag kayong magkasala
kay Allah at iwan ninyo ang anumang natira sa Ribá
kung kayo ay mga Mananampalataya. Ngunit kung hindi
ninyo gagawin, tanggapin ninyo ang pahayag ng digmaan
mula kay Allah at sa Sugo Niya.” Ito ay makasasapat na sa
paglilinaw sa karumalan ng krimen na ito para kay Allah. Sa
antas ng mga indibiduwal at mga bansa, ang nagmamasid ay
nakakikita sa saklaw ng pagkasira at pagkawasak na iniiwan ng
pagtangkilik sa Ribá gaya ng pagkabangkarota, pagtumal ng
pamilihan, pag-urong ng ekonomiya, kawalang-kakayahang sa
pagbabayad ng mga utang, pagkaparalisa ng ekonomiya, pagtaas
ng antas ng kawalan ng trabaho, pagkalugmok ng marami sa mga
mga korporasyon at mga kompanya. Ang kinikita sa pang-arawaraw
na paggawa at pawis ng trabaho ay nabubuhos sa kaban ng
pagpabayad ng hindi matapus-tapos na patubo ng usurero. Nagdudulot
ito ng malaking pagkakauri-uri sa lipunan dahil sa ang
limpak-limpak na salapi ay natitipon sa mga kamay ng iilang
tao.113 Marahil ito ay isa sa mga halimbawa ng digmaan na ibinanta
ni Allah sa mga nagtataguyod ng Ribá.
Lahat ng nakikilahok sa Ribá gaya ng mga pangunahing panig,
mga tagapamagitan at mga tumutulong na katuwang ay mga isinumpa
ayon sa sabi ni Propeta Muhammad (SAS). Ayon kay
Jábir (RA) na nagsabi: “Isinumpa ng Sugo ni Allah (SAS) ang
kumukuha ng patubo, ang nagpapakuha nito, ang nagsusulat
nito, at ang mga sumasaksi rito;” at sinabi pa niya: “Sila ay
magkatulad.”
114
Alinsunod dito, hindi ipinahihintulot na magtrabaho
sa pagsusulat ng Ribá, ni sa pagtatala nito at pagtataya
nito, ni sa pagtanggap nito at pag-aabot nito, ni sa pag-iimpok
113 Hindi tutol ang Islam sa pagyaman, subalit hindi sa pamamagitan ng Ribá.
114 Isinalaysay ito ni Muslim 3/1219.
Mga Ipinagbabawal na Ipinagwawalang-bahala ng mga Tao
57
nito, ni sa pagbabantay nito. Sa kabuuan, ipinagbabawal ang
pakikilahok dito at ang pagtulong dito sa anumang paraan.
Naging masigasig ang Propeta (SAS) sa paglilinaw sa kasagwaan
ng malaking kasalanan na ito ayon sa nakasaad [sa Hadíth]
ayon kay ‘Abdullah ibnu Mas‘úd (RA): “Ang Ribá ay pitumpu’t
tatlong uri na ang pinakamagaan sa mga ito ay tulad ng pakikipagtalik
ng lalaki sa ina niya. Ang pinakamatinding Ribá ay
[gaya ng paglabag sa] dangal ng isang taong Muslim.”
115 at sa
sabi pa niya (SAS) sa nasaad ayon kay ‘Abdullah ibnu Handhalah
(RA): “Ang isang Dirham ng Ribá na kinakain ng tao, gayong
siya ay nakaaalam niyon, ay higit na matindi kaysa sa tatlumpu’t
anim na pangangalunya.”
116
Ang pagbabawal sa Ribá ay pangkalahatan: hindi nagtangi sa
pagitan ng mayaman o maralita, gaya ng inaakala ng ilan sa mga
tao, bagkus ito ay pangkalahatan sa bawat kalagayan at tao. Kay
rami nang mga mayaman at mga malalaking negosyante na
nabangkarota dahil dito. Ang reyalidad ay sumasaksi roon. Ang
pinakamaliit na maidudulot nito ay ang pagpawi sa biyaya ng
salapi, kahit pa man marami sa bilang. Nagsabi ang Propeta (SAS):
“Ang Ribá, kahit dumami pa, tunay na ang kahihinatnan nito
ay hahantong sa pangangaunti.”
117 Ang Ribá ay hindi rin natatangi
sa kung ang interes nito ay mataas o mababa, kaunti o marami.
Lahat ng ito ay bawal. Ang nagtataguyod nito ay bubuhayin sa
puntod niya sa araw ng pagkabuhay at babangon na gaya ng isang
115 Isinalaysay ito ni al-Hákim sa al-Mustadrak 2/37. Ito ay nasa Sahíh al-
Jámi‘ 3533.
116 Isinalaysay ito ni Imám Ahmad 5/225. Tingnan ang Sahíh al-Jámi‘ 3375.
117 Isinalaysay ito ni al-Hákim 2/37. Ito ay nasa Sahíh al-Jámi‘ 3542.
Mga Ipinagbabawal na Ipinagwawalang-bahala ng mga Tao
58
bumabangon na ibinubuwal ng Demonyo dahil sa pagkabaliw at
epilepsi.
Sa kabila ng kahalayan ng krimen na ito, gayon pa man si Allah
ay nagpabatid din naman ng kapatawaran dito at nilinaw Niya
ang pamamaraan niyon, yamang nagsabi Siya sa mga tagatangkilik
ng Ribá (2:279): “Kung magsisisi kayo ay ukol sa inyo
ang mga puhunan ninyo. Hindi kayo gagawa ng paglabag sa
katarungan at hindi kayo gagawan ng paglabag sa katarungan.”
Ito mismo ang katarungan.
Kinakailangang kasuklaman ng kaluluwa ng mananampalataya
ang malaking kasalanan na ito na madama niya ang kasagwaan
nito. Pati na ang mga naglalagay ng mga salapi nila sa mga bangko
na pang-Ribá dahil sa pangangailangan at pangamba para rito
na baka mawala o manakaw, nararapat sa kanila na madama nila
ang nadarama ng isang napipilitan, gaya ng napipilitang kumain
ng patay na hayop (hindi kinatay) o higit na matindi pa. Kalakip
dito ang paghingi ng tawad kay Allah at ang pagsisikap na makatagpo
ng maipapalit sa abot ng makakaya. Hindi ipinahihintulot
sa kanila na humiling sa mga bangko ng patubo. Kapag nagbigay
sa kanila ng interes sa mga account nila ay ipamimigay nila ito sa
anumang paraang pinapayagan, bilang pagwawaksi hindi bilang
kawanggawa sapagkat si Allah ay mabuti at hindi Siya tumatanggap
kung hindi mabuti. Hindi ipinahihintulot sa kanila na pakinabangan
ito sa anumang uri ng pakikinabang. Hindi ito ipambibili
ng pagkain, ni kasuutan, ni sasakyan, ni tirahan. Hindi maaaring
pangsustento na kinakailangang ibigay sa maybahay o mga anak
o ama o ina. Hindi maaaring ibigay bilang zakáh, ni pambayad
sa mga buwis. Hindi niya ipambabayad ito laban sa kawalangkatarungan
dinaranas ng sarili niya. Ipamimigay niya ito bilang
pangamba lamang sa parusa ni Allah.
Mga Ipinagbabawal na Ipinagwawalang-bahala ng mga Tao
59
Ang Paglilihim ng mga Kapintasan ng Paninda at ang
Pagkukubli Nito sa Sandali ng Pagtitinda
Napadaan ang Sugo ni Allah sa isang tumpok ng pagkain.118
Ipinasok niya roon ang kamay niya at nakasalat ang mga daliri
niya ng pamamasa, kaya nagsabi siya: “Ano ito, may-ari ng
pagkain?” Nagsabi ito: “Nabasa po ng ulan, Sugo ni Allah.”
Nagsabi siya: “Bakit hindi mo inilagay ito sa ibabaw ng pagkain
upang makita ng mga tao? Ang sinumang nandaraya ay hindi
kabilang sa atin.”
119
Marami sa mga tindero sa ngayon na hindi nangangamba kay
Allah ay nagtatangkang itago ang kapintasan ng paninda sa pamamagitan
ng paglalagay ng tape, o paglalagay nito sa pinakailalim
ng kahon ng paninda, o paggamit ng mga kemikal at mga tulad
nito na nagbibigay ng magandang anyo, o naglilingid ng tunog ng
kasiraan na nasa makina [ng second hand na sasakyan] sa
unang pagkakataon kaya kapag binili ng mamimili ang paninda
hindi maglalaon at masisira sa madaling panahon. Ang iba sa
kanila ay nagpapalit ng petsa ng expiration ng paninda, o pumipigil
sa mamimili sa pagsuri sa paninda o pagsiyasat dito o pagsubok
nito.120 Marami sa mga nagtitinda ng mga sasakyan at mga
kagamitan ay hindi naglilinaw sa mga kapintasan ng mga ito. Ito
ay bawal. Nagsabi ang Propeta (SAS): “Ang Muslim ay kapatid
ng isang Muslim. Hindi ipinahihintulot sa isang Muslim na
magtinda sa kapatid niya ng isang paninda na may kapintasan
malibing nilinaw niya ito roon.”
121 Ang ilan sa kanila ay nag-
118 Marahil trigo.
119 Isinalaysay ito ni Muslim 1/99.
120 Kung maaari namang subukin.
121 Isinalaysay ito ni Ibnu Májah 2/754. Ito ay nasa Sahíh al-Jámi‘ 6705.
Mga Ipinagbabawal na Ipinagwawalang-bahala ng mga Tao
60
aakala na siya ay nag-aalis ng pananagutan niya kapag sinabi niya
sa mamimili sa isang open bidding, halimbawa: “Bili na kayo ng
isang bunton ng bakal, isang bunton ng bakal.”122 Ang ganitong
pagtitinda niya ay naalisan ng pagpapala gaya nga ng sinabi niya
(SAS): “Ang mga nagbibilihan ay makapipili hanggang sa
maghiwalay. Kaya kung nagtapatan sila at naglinawan sila,
pagpapalain sila sa pagbibilihan nila; kung nagsinungaling sila
at naglihim, papawiin ang pagpapala ng pagbibilihan nila.”
123
Ang Pakunwaring Pagpapataas ng Halaga
Ito ay ang pagdadagdag ng isang tao sa halaga ng paninda,
gayong hindi niya naman ninanais na bilhin ito upang linlangin
ang iba at maudyukan ito na magdagdag din sa presyo. Nagsabi ang
Sugo (SAS): “Huwag kayong pakunwaring magpataasan ng
halaga.”
124 Ito ay isang uri ng panlilinlang, walang duda. Nagsabi
ang Sugo (SAS): “Ang pagpapakana at ang panlilinlang ay
[ikapapasok] sa Impiyerno.”
125 Marami sa mga middleman sa
mga subastahan, mga public bidding at mga tindahan ng secondhand
na kotse ay kumikita sa paraang masama dahil sa maraming
ipinagbabawal na ginagawa nila. Kabilang sa mga ito ang sabwatan
nila sa pagtitinda na may pakunwaring pagpapataas ng
halaga, ang pandaraya at ang panlilinlang sa mamimili o duma-
122 Ang talagang ipinagbibili niya ay isang lumang kotse. Ito ay para nga naman
kapag hindi umandar ang naturang kotse o palaging nasisira ay hindi siya masisisi
sa pagtitinda ng siraing kotse dahil ang sinabi naman niya noong ipinagbibili
ito ay “isang bunton ng bakal” at hindi isang “siraing kotse.”
123 Isinalaysay ito ni al-Bukhárí. Tingnan ang al-Fat'h 4/328.
124 Ang orihinal na salitang ginamit dito ay tanájashú, na ang literal na kahulugan
ay: binili ng iba sa kanila ang paninda matapos bilhin ng iba pa kalakip
ng nagkakasunud-sunod na pagdagdag sa halaga sa tuwing bibili. Isinalaysay
ito ni al-Bukhárí. Tingnan ang Fat'h al-Bárí 10/484.
125 Tingnan ang Silsilah al-Ahádíth as-Sahíhah 1057.
Mga Ipinagbabawal na Ipinagwawalang-bahala ng mga Tao
61
rating na magbebenta. Nagsasabwatan sila sa pagpapababa sa
halaga ng paninda nito. Samantala, kung sakaling ang paninda
ay sa kanila o sa isa sa kanila, ginagawa ang kabaliktaran niyon.
Nakikihalo sila sa mga mamimili126 at tinataasan nila ang mga
halaga sa public bidding. Nililinlang nila at pinipinsala ang mga
lingkod ni Allah.
Ang Pagtitinda Matapos ang Ikalawang Adhán ng
Jumu‘ah
Nagsabi si Allah (62:9): “O mga sumampalataya, kapag
nanawagan para sa pagdarasal sa araw ng Biyernes ay magdalidali
kayo sa pag-alaala kay Allah at iwan ninyo ang pagtitinda.
Iyon ay higit na mabuti para sa inyo, kung kayo ay
nakaaalam.” Ang ilan sa mga tindero ay nagpapatuloy sa pagtitinda
matapos ang ikalawang adhán sa mga shop nila o sa harap ng
mga masjid. Nakikilahok sa kanila sa kasalanan ang mga bumibili
sa kanila kahit pa siwák lamang. Ang pagtitindang ito ay walangkabuluhan
ayon sa pinakamatimbang na pahayag. Ang ilan sa mga
may-ari ng mga restawran, mga panaderya at mga pagawaan ay
namimilit sa mga manggagawa nila na magtrabaho sa oras ng saláh
sa Jumu‘ah. Ang mga taong ito, kahit pa man mukhang nadadagdagan
ang tubo nila, sa katotohanan ay nadadagdagan lamang ng
pagkalugi. Tungkol naman sa manggagawa, siya ay kailangang
kumilos ayon sa hinihiling ng sinabi niya (SAS): “Walang pagtalima
sa isang tao kapalit ng pagsuway kay Allah.” 127
Ang Pagsusugal at ang Pagpusta
126 Upang makapagpanggap na sila ay mga mamimili rin.
127 Isinalaysay ito ni Imám Ahmad 1/129. Sinabi ni Ahmad Shákir na ang isnad
nito ay tumpak, bilang 1095. [Ang pinagmulan ng Hádíth ay nasa Sahíh al-
Bukhárí at Sahíh Muslim.(z)]
Mga Ipinagbabawal na Ipinagwawalang-bahala ng mga Tao
62
Nagsabi si Allah (5:90): “O mga sumampalataya, ang alak,
ang pagpusta, ang mga dambana, at ang pagsasapalaran sa
pamamagitan mga tagdan ng palaso ay kasalaulaan lamang
na kabilang sa gawain ng Demonyo. Kaya iwaksi ninyo ito,
nang harinawa kayo ay magtagumpay.”
Ang mga Arabe noong panahon ng Jáhilíyah ay nakikilahok
sa pustahan. Kabilang sa pinakatanyag sa mga anyo nito sa kanila
ay ganito: nag-aambag nang pantay-pantay ang sampung tao sa
pagbili ng isang kamelyo, pagkatapos ay naghahagis sila ng mga
palaso, na isang uri ng palabunutan. Ang pitong tao ay tatanggap
ng magkakaibang parte ng kamelyo na itinakda ayon sa nakaugalian
nila samantalang ang tatlo ay walang makukuhang anuman.
Sa panahon natin, ang pagpusta ay may iba’t ibang anyo na
ang ilan ay ang sumusunod:
Ang kilala sa tawag na lottery. Mayroon itong maraming anyo
at kabilang sa pinakasimple sa mga ito ay ang pagbili ng raffle
number na bobolahin. Ang unang nagwagi ay bibigyan ng premyo
at ang ikalawang nagwagi at gayon din sa ilang premyo na maaaring
nagkakaiba. Ito ay bawal kahit pa man tinatawag nila ito
na pangkawanggawa raw.
Ang pagbili ng isang paninda na sa loob nito ay may sorpresang
premyo, o ang pagbibigay ng numero sa pagbili ng isang
paninda, na bobolahin upang itakda ang mga magwawagi ng mga
papremyo.128
128 Ang gawain ay hinuhusgahan ayon sa layunin. Kung ang layunin ng pagbili
ng isang paninda ay para sa premyo, ito ay isang uri ng sugal.
Mga Ipinagbabawal na Ipinagwawalang-bahala ng mga Tao
63
Kabilang din sa mga anyo ng pagpusta sa panahon natin ay ang
mga kontrata ng pagsesegurong komersiyal:129 seguro sa buhay
(life insurance), seguro sa sasakyan (vehicle insurance), seguro sa
paninda (commercial property insurance), seguro laban sa sunog
(insurance against fire), komprehensibong seguro (comprehensive
insurance), seguro sa kapinsalaan sa iba (third party insurance),
at iba pang sarisaring anyo, na pati ang ilan sa mga mang-aawit
ay nagpaseguro pa ng mga boses nila.130
Ito at ang lahat ng uri ng pakikipagsugal ay napaloloob sa
pagpusta. Nagkaroon na sa panahon natin ngayon ng mga club na
laan sa pagsusugal na sa loob nito ay mayroong kilala sa tawag
na green table na laan sa pagkamal ng malaking pagkakasala na
ito. Ganoon din ang nangyayari sa mga pustahan sa mga sagupaan
ng football at anumang nakawawangis nito.131 Ito rin ay isa sa mga
uri ng sugal. Matatagpuan din sa ilan sa mga sport magazine at
mga recreation center ang mga uri ng mga laro na naglalaman
ng ideya ng pagpusta gaya ng tinatawag nila na flippers.132
Ang mga patimpalak at ang mga paligsahan ay tatlong uri:
129 Commercial Insurance Contracts o Policies. Marahil ang tinutukoy ng mayakda
ng salitang komersiyal ay ang serbisyong inaalok ng mga private insurance
company na taliwas sa government backed security sytems na gaya ng Social
Security System at Government Social Insurance System, na sa ayaw at sa gusto
ng isang empleyado ay kailangang magkaroon siya.
130 Hinggil sa kahatulan sa Pagseseguro at sa Pamalit na Islamiko rito, sumangguni
sa mga isyu bilang 17, 19 at 20 ng Majallah al-Buhúth al-Islámíyah (Islamic
Research Magazine) na inilalathala ng a-Ri’ásah al-‘Ámmah li Idárah al-Buhúth
al-‘Ilmíyah (Ang Pangkalahatang Panguluhan Para sa Pangangasiwa sa mga
Pananaliksik Iskolastiko).
131 Basketball sa Pilipinas.
132 Marahil ang tinutukoy ng may-akda ay ang mga slot machine.
Mga Ipinagbabawal na Ipinagwawalang-bahala ng mga Tao
64
1. Ang anumang may layunin na legal sa Sharí‘ah. Ito ay ipinahihintulot
na may gantimpala o walang gantimpala, gaya ng
karera ng kamelyo o kabayo,133 archery, target shooting at
iba pa. Kabilang din dito ang patimpalak sa kaalamang pang-
Islam gaya ng pagsasaulo ng Qur’an, ayon sa matimbang na
pahayag.
2. Ang anumang ipinahihintulot naman talaga gaya ng mga sagupaan
ng football at mga paligsahan sa pagtakbo, na dalisay sa
mga ipinagbabawal gaya ng pagpapabaya sa mga saláh at pagaalis
ng takip sa mga ‘awrah. Ang mga ito ay ipinahihintulot
nang walang pustahan.
3. Ang anumang ipinagbabawal talaga o humahantong sa bawal
gaya ng mga paligsahan sa katiwalian na tinatawag na mga
beauty pageant, o mga sagupaan ng boxing na may kasamang
pagsuntok sa mukha − ito ay bawal − o ang idinadaos na
suwagan ng mga kambing o sabong134 at mga tulad nito.135
Ang Pagnanakaw
Nagsabi si Allah (5:38): “Ang lalaking magnanakaw at ang
babaing magnanakaw ay putulin ninyo ang mga kamay nila
bilang ganti sa nagawa nila, bilang isang kaparusahang nagsisilbing
aral mula kay Allah. Si Allah ay Makapangyarihan,
Marunong.” Kabilang sa pinakamabigat sa mga krimen ng pag-
133 Sa Pilipinas, walang karera ng kabayo na hindi sangkot ang sugal.
134 Kasama na rito ang suwagan ng kalabaw sa Pilipinas, bullfighting sa mga
bansang nagsasalita ng Espanyol at anumang laro na pinag-aaway o pinagtutungali
ang mga hayop.
135 Ito ang buod ng pakikipagtalakayan na isinagawa kasama ni Shaykh
‘Abdulmuhsin az-Zámil, pangalagaan siya ni Allah, sa isang paksa. Harinawa
siya ay magsulat tungkol dito ng isang hiwalay na pananaliksik.
Mga Ipinagbabawal na Ipinagwawalang-bahala ng mga Tao
