Kushtet e fjalës “la ilahe il-lallah”


Përmendja e kushteve në mënyrë të përgjithshme:


Fjala “la ilahe il-lallah” nuk i bën dobi atij që e thotë në qoftë se nuk i jetëson kushtet e


saja, të cilat do t’i përmendim në vijim:


1. Dituria ( العلم ), e cila e kundërshton mosdijen.


2. Bindja ( اليقين ), e cila e kundërshton dyshimin.


3. Sinqeriteti ( الإخلاص ), i cili e kundërshton shirkun.


4. Vërtetësia ( الصدق ), e cila e kundërshton gënjeshtrën.


5. Dashuria ( المحبة ), e cila e kundërshton urrejtjen.


6. Nënshtrimi ( الانقياد ), i cili e kundërshton lënien e tij.


7. Pranimi ( القبول ), i cili e kundërshton refuzimin.


8. Mohimi i çdo gjëje që adhurohet në vend të Allahut.


Përmendja e kushteve në mënyrë të hollësishme:


1. Dituria, e cila e kundërshton mosdijen.


Domethënia: Ta dish kuptimin e fjalës “la ilahe il-lallah”, gjegjësisht kuptimin e mohimit


dhe pohimit që e përmban ajo.


Argumenti: Fjala e Allahut:

Dije se nuk ka zot që meriton të adhurohet përveç Allahut.1


2. Bindja, e cila e kundërshton dyshimin.


Domethënia: Ai që e thotë këtë fjalë duhet të jetë plotësisht i bindur se vetëm Allahu


është i Adhuruari i Vërtetë, pra se vetëm Ai meriton të adhurohet.


Argumenti: Fjala e Allahut:

Besimtarë të vërtetë janë vetëm ata që besojnë Allahun dhe të Dërguarin e Tij


dhe pastaj nuk dyshojnë, por luftojnë në rrugën e Allahut me pasurinë dhe jetën e


tyre. Këta janë besimtarë të sinqertë.2


1 Sureja Muhammed, 19.


2 Sureja el-huxhuratë, 15.


Kushtet e fjalës “la ilahe il-lAllah”  2 


3. Sinqeriteti, i cili e kundërshton shirkun.


Domethënia: T’ia kushtosh të gjitha ibadetet (adhurimet) vetëm Allahut dhe askujt


tjetër.


Argumenti: Fjala e Allahut:

E megjithatë, ata qenë urdhëruar vetëm që të adhuronin Allahun me


përkushtim të sinqertë, duke qenë në fenë e pastër (të Ibrahimit), si dhe të falnin


namazin e të jepnin zekatin. Kjo është feja e drejtë.3


4. Vërtetësia, e cila e kundërshton gënjeshtrën.


Domethënia: Ta shqiptosh fjalën e Teuhidit (fjalën “la ilahe il-lallah”) duke qenë i vërtetë


në atë që e thua, pra që zemra jote të jetë në përputhje të plotë me atë që e shqipton gjuha.


Argumenti: Fjala e Allahut:

Elif, Lâm, Mîm. Vërtet mendojnë njerëzit, se do të lihen të thonë “Ne


besojmë”, pa u vënë në provë?! Ne i kemi sprovuar ata që kanë qenë para tyre, në


mënyrë që, Allahu të dallojë ata, që thonë të vërtetën dhe, ata që gënjejnë.4


5. Dashuria, e cila e kundërshton urrejtjen.


Domethënia: Ta shqiptosh këtë fjalë duke e dashur Allahun dhe të Dërguarin e Tij 


dhe njëkohësisht ta duash këtë fjalë dhe gjithçka që nënkupton ajo.


Argumenti: Fjala e Allahut:

E megjithatë, disa njerëz zgjedhin (për të adhuruar) në vend të Allahut (zota)


të tjerë, (duke i konsideruar) si të barabartë me Atë dhe duke i dashur siç duhet


Allahu. Por ata që besojnë, e duan shumë më tepër Allahun (se sa ç’i duan idhujtarët


idhujt e tyre).5


3 Sureja el-bejjine, 5.


4 Sureja el-ankebutë, 1-3.


5 Sureja el-bekare, 165.


Kushtet e fjalës “la ilahe il-lAllah”  3 


6. Nënshtrimi, i cili e kundërshton lënien e tij (mosnënshtrimin).


Domethënia: Ta adhurosh vetëm Allahun, t’i nënshtrohesh sheriatit (ligjit) të Tij, ta


besosh atë (sheriatin) dhe të jesh i bindur se ai është i vërtetë.


Argumenti: Fjala e Allahut:

Kthehuni te Zoti juaj dhe nënshtrojuni Atij, para se t’ju vijë dënimi, sepse


atëherë nuk do të mund t’ju ndihmojë kush.6


7. Pranimi, i cili e kundërshton refuzimin.


Domethënia: Ta pranosh këtë fjalë dhe atë që nënkupton ajo, gjegjësisht t’ia kushtosh


tërë adhurimin vetëm Allahut dhe të mos adhurosh askënd tjetër.


Argumenti: Fjala e Allahut:

Kur u thuhej atyre: “Nuk ka zot që meriton të adhurohet veç Allahut!” - ata


tregoheshin mendjemëdhenj dhe thoshin: “Vallë, a t’i braktisim hyjnitë tona për


shkak të një poeti të marrë?”7


8. Mohimi i çdo gjëje që adhurohet në vend të Allahut.


Domethënia: Të largohesh nga adhurimi i çdo gjëje që adhurohet në vend të Allahut,


duke qenë i bindur se çdo adhurim që i kushtohet dikujt tjetër përveç Allahut është i kotë.


Argumenti: Fjala e Allahut:

S’ka detyrim në fe, sepse tashmë është dalluar e drejta nga e shtrembra! Ai që


mohon tagutin (gjithçka që adhurohet në vend të Allahut) dhe beson në Allahun,


ka siguruar lidhjen më të fortë, e cila nuk këputet kurrë. Allahu dëgjon dhe di


gjithçka.8


Marrë nga libri “Teuhidi i thjeshtësuar”, Abdullah El-Huvejl


6 Sureja ez-zumer, 54.


7 Sureja es-safatë, 35, 36.


8 Sureja el-bekare, 256.


Kushtet e fjalës “la ilahe il-lAllah”