1
Jerin Littafan Shi’a Na 5
Matsayin
Musulmi
a wajen
‘Yan Shi’a
Umar Labxo
2
بسم الله الرحمن الرحيم
Gabatarwa
Lallai godiya ta tabbata ga Allah, muna gode masa, muna neman
taimakonsa, muna neman gafara tasa. Muna neman tsari da Allah daga
sharrin kawunanmu da miyagun ayyukanmu. Wanda Allah ya shirye shi,
babu mai vatar da shi kuma wanda ya vatar babu mai shiriya tasa. Ina
shaidawa babu abin bautawa da gaskiya sai Allah, shi kaxai, ba shi da
abokin tarayya. Kuma ina shaidawa cewa Muhammad bawansa ne, kuma
Ma’aikinsa ne. Tsira da aminci su tabbata a gare shi, da Alayensa, da
Sahabbansa, da waxanda suka bi Sunnarsa har zuwa ranar sakamako.
Bayan haka, ‘yan Shi’a suna yawan yin magana dangane da haxin kan
Musulmi. Ba sa barin wata munasaba ta wuce ba tare da sun maimaita kira
izuwa haxin kai ba, da sukan rarraba da karkasuwa zuwa qungiyoyi da
mazhabobi. Sau da yawa sukan yi kira da haxin kai tsakaninsu da Ahalus
Sunna, suna masu qarfafa cewa bai kamata a samu savani ba domin hakan
yana raunana Musulmi a gaban abokan gabansu. A wasu lokuta sukan nuna
cewa abubuwan da suka raba su da Ahalus Sunna ba wasu muhimmai ba ne,
kuma su da Ahalus Sunna duka abu guda ne tunda Shi’a ita ma mazhaba ce
kamar sauran mazhabobi.
A wasu qasashe, ‘yan Shi’a suna kira da abinda suke wa laqabi da
Attaqrib bainal Mazahib, ko kuma Atta’aruf, watau kusantar da mazhabobi
ga junansu ko kuma fahimtar juna, suna nufin kusanci da fahimtar juna
tsakanin tafarkin Shi’a da na Sunna. A nan Nijeriya kuwa, mun san su da
kirarin Islam One, wanda suke bin gine-ginen hukuma kamar makarantu da
ofisoshi suna rubutawa, wai suna nufin Musulunci xaya ne, babu bambanci
tsakanin wani tafarki da wani, ko kuma wata mazhaba da wata.
Amma mene ne haqiqanin abinda ‘yan Shi’a suka xauki mai bin
tafarkin da ba nasu ba, musamman Ahalus Sunna? Shin gaskiya ne suna
xaukar dukkan Musulmi xaya ne, ko kuwa kawai yaudara ce suke yi don su
samu karvuwa a wajen mutane? Mene ne abinda manyan malaman Shi’a
suke faxi dangane da Ahalus Sunna, da sauran Musulmi duka, a da da kuma
yanzu? Shin sun yarda su Musulmi ne kamar yadda su ma suke da’awar
Musulunci, ko kuwa suna xaukar su dabam? Ya suka xauki imaninsu da
3
sallarsu da azuminsu da hajjinsu da yankansu da auratayyarsu da sauran
ma’amalolinsu da ayyukansu na addini?
Wannan xan qaramin littafi zai yi qoqarin amsa waxannan
tambayoyi, da ma wasunsu, in Allah ya yarda, kuma amsoshin duka za su
fito kai tsaye daga bakin manyan malaman ‘yan Shi’a, ta hanyar littafansu
waxanda suka yarda da su. A qarshe mai karatu zai fita da sahihiyar fahimta
ta matsayin Ahalus Sunna, da sauran Musulmi, a wajen ‘yan Shi’a ta yadda
zai yi hukunci da kansa a kan wannan da’awa ta Rafilawa ta kira zuwa ga
haxin kai da kusanto da mazhabobi da fahimtar juna idan gaskiya ce ko
kuwa qarya ce da yaudara.
Manufarmu a nan, in Allah ya yarda, ita ce bayanin gaskiya da sauke
nauyin da yake kanmu na al’ummarmu, don wanda ya halaka ya halaka a
bisa sani kuma wanda ya shiriya ya shiriya a bisa sani. Kuma gamon
katarinmu bai zamo ba sai ga Allah, a gare shi muke dogara, kuma gare shi
muke komawa.
4
Babi Na Xaya
Ma’anar Ahalus Sunna A Wajen Rafilawa
Mai karatun littafan Shi’a zai lura da wasu sunaye, ko kuma laqabai,
da suke kiran Ahalus Sunna da su. Waxannan laqabai suna cikin littafan
malamansu na farko da malamansu na zamani. Ba safai sukan kira su da
sunan Ahalus Sunna ba sai nadiran. Sunayen dukkaninsu suna nuna qazafi
da vatanci da wulaqanci. Zai yi kyau mu fara bayani da waxannan sunaye
kafin mu shiga magana a kan ma’anar Ahalus Sunna a wajen Rafilawa.
Sunayen Ahalus Sunna A Wajen ‘Yan Shi’a
Akwai sunaye guda uku da Rafilawa suke amfani da su don ambaton
Ahalus Sunna a cikin littafansu da maganganunsu waxanda suka haxa da
huxubobinsu da laccocinsu da wa’azozinsu. Waxannan su ne:
1. Nasibawa. Asalin sunan da Larabci nasib, jam’insa nawasib, watau mai
qulla gaba, ko wanda ya kafa qiyayya. Abinda suke nufi gaba da qiyayya ga
Ahalul Baiti, musamman Ali binu Abi Xalib da Faxima, Allah ya qara musu
yarda, da kuma imamai goma sha biyu daga zuri’arsu. Wannan suna shi ne
mafi muni kuma mafi yaxuwa a tsakaninsu wanda suke ambaton Ahalus
Sunna da shi.
Malaminsu mai suna Hussain Aali Usfur Addarazi Albahrani, yana
cewa, “Al’ada ta gudana, kai har ma da hadisan imamai, a kan cewa nasibi
shi ne wanda a wajensu suke kira Sunni.”1
A wajensu, yana nufin a wajen Ahalus Sunna. Amma su a nasu wajen
nasibawa suke ce da su. Dubi yadda ya yi nuni ga Ahalus Sunna da lamirin
“su” domin ya bambance su da “mu” wanda a zancensa yake nufin ‘yan
1 Almahasin Annafsaniyya na Albahrani, bugun Jam’iyyatu Ahalil Baiti, Bahrain, 1399 B.H. shafi na 147.
5
Shi’a. Wannan kawai ya isa ya nunawa mai karatu yadda xan Shi’a yake
xaukar kansa da Ahalus Sunna; watau abin mu ne da su.
Malamin Shi’a na wannan zamani wanda ya shahara da tsaurin kai,
Muhammad Tijjani Samawi, yana cewa, “Abu ne da ba ya buqatar a faxi
cewa mazhabin nasibawa shi ne mazhabin Ahalus Sunna wal Jama’a.”1
Haka yake kamar yadda malamin ya faxi. Wannan abu ba ya buqatar a faxi
saboda ya shahara a tsakanin Rafilawa kuma a cikinsu babu mai ja a kai.
2. Amawa. Wannan shi ne suna na biyu da Rafilawa ke kiran Ahalus Sunna
da shi. Asalinsa da Larabci aami, jam’insa awaam, watau gama-gari, ko
tarkacen mutane. Kuma sunan kishiyar lafazin khaas ne (jam’insa khawaas),
wanda yake nufin na musamman, ko na-gari. Watau ‘yan Shi’a su ne na
musamman, masu nagarta, Ahalus Sunna kuwa tarkace, gama-gari. Daga
cikin malaman Shi’a da suka yi amfani da wannan suna akwai Alhurrul
Amili wanda ya rubuta wani babi mai taken “Babin Hani Ga Barin Riqo Da
Abinda Ya Dace Da Amawa” a cikin littafinsa mai suna Alfusulul
Muhimma. A qarqashin wannan babin, ya ruwaito imaminsu na shida,
Ja’afar Sadiq, yana cewa idan aka samu hadisai guda biyu masu karo da
juna, to a xauki wanda ya sava wa ra’ayin Amawa, a qyale wanda ya dace
da su.2
3. Suna na uku shi ne Jumhur. Wannan suna haka yake ko a Larabci, kuma
ba shi da tilo sai jam’i kawai. Ma’anarsa ta yi kama da gama-gari koda yake
a wani yayi yana nufin agalabiya, watau mafiya yawa, masu rinjaye, ko
kuma majorati, kamar yadda ake faxi da kalmar Turanci ta aro.3
Waxannan sunaye su ne ‘yan Shi’a suke amfani da su wajen ambaton
Ahalus Sunna a cikin littafansu, maganganunsu, laccocinsu da huxubobinsu.
Kuma ma’anarsu a fili take; suna nuna yadda ‘yan Shi’a suka xauki masu
bin tafarkin Sunna a matsayin abokan gaba masu qiyayya ga imamai, bare
1 A duba Ash Shi’atu Hum Ahalus Sunna na Muhammad Tijjani Samawi, bugun Mu’assasatul Fajri, Landan,
bugu na 10, 1423 B.H. shafi na 161.
2 A duba Alfusulul Muhimma fi Usulil A’imma na Munammad binu Hassan Alhurrul Amili, bugun
Maktabatu Basirati, Qum-Iran, ba tarihi, shafi na 225.
3 Alfusulul Muhimma, shafi na 219.
6
waxanda ba na gida ba, kuma koma-baya waxanda suke gama-gari ne su,
tarkace.
Banda waxannan sunaye, akwai wasu lafuza da malaman Shi’a ke
amfani da su domin nuni ga duk wani Musulmi wanda ba ya bin tafarkinsu,
wanda yana iya haxawa da Ahalus Sunna da wasunsu. Waxannan sun haxa
da almukhalif, watau mai sava mana, da gairuna, watau waninmu, da
munafiq, watau munafiki, da sauransu.
Ma’anar Ahalus Sunna A Wajen ‘Yan Shi’a
Amma idan muka koma ga haqiqanin ma’anar Ahalus Sunna a wajen
‘yan Shi’a, to sai mu ga cewa sun gina ta a kan abubuwa uku.
1. Abu na farko: Fifita wanin Ali binu Abi Xalib(RA) a kansa. Dangane da
wannan ma’ana ne malaminsu xan hayaqi, Ni’imatullahi Aljaza’iri, yake
faxin wai, “An ruwaito daga Annabi(SAW) cewa alamar nasibawa ita ce
gabatar da wanin Ali a kansa.”1 Watau wanda ya ce wani Sahabi ya fi Ali,
ko yana gaba da shi a wajen daraja da falala, ko shi ne Khalifa na farko ba
Ali ba, to wannan ya zama nasibi. Babu shakka Ahalus Sunna suna ganin
cewa Abubakar da Umar da Usman suna gaba da Ali a wajen falala da fifiko
da kuma jerin khalifanci.2 Kai a cikin qungiyoyin Musulunci ma kaf, ba mai
fifita Ali a kan Abubakar da Umar sai ‘yan Shi’a (koda yake an samu wasu
waxanda suka fifita shi a kan Usman). Saboda haka a kan wannan, duk
wanda ba xan Shi’a ba nasibi ne ke nan.
2. Abu na biyu: Yarda da amincewa da khalifancin Abubakar da Umar,
Allah ya qara musu yarda.3 Watau ko da mutum bai fifita su ba, idan dai ya
yarda da cewa su khalifofi ne, to ya zama nasibi.
1 A duba littafinsa, Al’anwarun Nu’umaniyya, bugun Muassasatul A’alami lil Madbu’at, Bairut, 1404 B.H.,
2/307.
2 Duba littafinmu, Dangantaka da Auratayya Tsakanin Ahalul Baiti da Sahabbai, bugun Zomo Press,
Kaduna, 2010, babin Fifikon Sahabbai a Junansu, shafi na 5-6.
3 A duba Nurul Barahin na Ni’imatullahi Aljaza’iri, bugun Muassasatun Nashril Islami, Kum-Iran, 1417 B.H.
shafi na 57-58.
7
3. Abu na uku: Jivintar Jibtu da Xagutu, kamar yadda suke faxi.1 Abinda
suke nufi da Jibtu da Xagutu su ne Abubakar da Umar, Allah ya qara musu
yarda. Watau ba fifita su ba, ba yarda da khalifancinsu ba, ko jivintar su ma
kawai, watau son su da xaukar su a matsayin ‘yan uwa Musulmi, yana mai
da mutum nasibi.
Yana daga cikin aqidun Rafilawa sanannu cewa mutum ba ya zama
Musulmi sai ya barranta daga Abubakar da Umar da manyan Sahabbai tare
da su, kuma ya barranta daga duk mai son su, ko jivintar su. Babban
malaminsu, Muhammad Baqir Almajalisi, ya tabbatar da wannan aqida tasu
inda yake cewa, “Aqidarmu ta barranta ita ce cewa mu muna barranta daga
gumaka huxu: Abubakar da Umar da Usmanu da Mu’awiya; da mataye
huxu: A’isha da Hafsa da Hindu da Ummul Hakam; kuma muna barranta
daga dukkan mabiyansu da magoya bayansu; kuma muna qudure cewa su ne
mafiya sharrin halittar Allah a bayan qasa; kuma cewa imani da Allah da
Manzonsa da imamai ba ya inganta sai an barranta daga maqiyansu.”2
Daga waxannan bayanai da suka gabata zai bayyana a fili cewa a
ganin ‘yan Shi’a duk wanda bai qudure aqidarsu ba ta cewa Ali binu Abi
Xalib shi da ‘ya’yansa su kaxai su ne khalifofi, ko imamai, kuma cewa
Abubakar da Umar da Usmanu ba wai kawai su ba khalifofi ba ne a’a su
kafirai ne gumaka, wanda duk bai qudure wannan aqida ba to shi ne nasibi
kuma imaninsa da Allah da Manzo bai inganta ba. Wannan yana nufi, a
taqaice, duk wanda ba xan Shi’a ba kafiri ne, tun daga kan Abubakar(RA)
har ya zuwa ga kai mai karatun wannan littafin, in kai ba xan Shi’a ba ne.
To jama’a, ina qaryar haxin kai? Ina qaryar taqrib da ta’aruf da
“Islam One”? Ina da’awar cewa Musulmi duka xaya ne? Yaya masu
barranta daga Abubakar da Umar da Usmanu da A’isha da Hafsa da
mabiyansu da magoya bayansu za su haxa kai da wani? Shin ana haxa kai da
kafiri wanda yake goyon bayan mafiya sharrin halittar Allah a bayan qasa?
1 A duba Alfusulul Muhimma na Alhurrul Amili, shafi na 227.
2 A duba Haqqul Yaqin na Muhammad Baqir Almajalisi, bugun Darul Adwa, Bairut, ba tarihi, shafi na 519.
8
Amma ba a nan batun ya qare ba. Saurari hukuncin nasibawa
waxanda suka yarda da khalifancin Abubakar da Umar, suka fifita su a kan
Ali.
9
Babi Na Biyu
Hukuncin Ahalus Sunna A Wajen ‘Yan Shi’a
Malaman Shi’a sun gina hukunce-hukunce masu haxarin gaske a kan
Ahalus Sunna, da ma duk wani Musulmi wanda bai qudure irin qudurinsu
ba. Waxannan hukunce-hukunce suna cikin littafansu na da da kuma na
wannan zamani, kuma a kansu suke gina alaqarsu da sauran Musulmi. Ga
muhimmai daga cikin hukunce-hukuncen waxanda ya kamata duk Musulmi
ya sani domin ya san matsayinsa a wajen ‘yan Shi’a kuma ya tantance
alaqarsa da su.
Su Kafirai Ne Mushirikai
A wajen ‘yan Shi’a, Ahalus Sunna kafirai ne kuma mushirikai.
Babban malaminsu, Almajalisi, yana cewa, “’Yan Shi’a masu ban gaskiya
da imamai goma sha biyu sun yi ittifaqi a kan cewa duk wanda ya yi musun
imamar xaya daga cikin imamai, ko ya musanta abinda Allah Maxaukaki ya
wajabta masa na yi musu biyayya, to shi kafiri ne, vatacce, wanda ya
cancanci ya dauwama a wuta.”1
Wani babban shehinsu mai suna Abul Qasim Almusawi Alkhu’i
yana faxi, “Babu wata tantama dangane da kafircinsu (yana nufin Ahalus
Sunna); saboda musun wilaya da imamai, kai ko da xaya daga cikinsu, yana
wajabta kafirci da zindiqanci.”2
Har yau, wani malamin nasu da ake kira Muhsin Al’muallim, yana
cewa, “Ra’ayi mafi bayyana shi ne cewa nasibi yana cikin hukuncin kafiri,
1 Biharul Anwar na Majalisi, bugun Mu’assasatu Daril Wafa, Bairut, 1403 B.H. 23/390.
2 A duba Misbahul Faqaha na Abul Qasim Alkhu’i, bugun Darul Hadi, Bairut, 1412 B.H. shafi na 11.
10
ko da yana bayyana kalmar shahada biyu, kuma ya yi imani da Ranar
Lahira.”1
Su Masu Dauwama Ne A Wuta
Rafilawa suna xauka cewa Ahalus Sunna za su dauwama a wuta.
Malaminsu, Almajalisi, ya ce, “Ka sani cewa sanya kalmar kafiri da
mushiriki a kan wanda bai yi quduri da imamar Sarkin Musulmi ba (yana
nufin Ali binu Abi Xalib) da imamai zuri’arsa, aminci ya tabbata a gare su,
yana nufin cewa shi kafiri ne mai dauwama a wuta.”2 Irin wannan magana ta
gabata, daga shi wannan malamin, inda ya yi amfani da lafazin “wanda ya
cancanci dauwama a wuta.”
Wannan hukunci haka yake ko da mutumin bai nuna qiyayya ga
imamai da ‘yan Shi’a ba. Malaminsu Abdullahi binu Shabbar yana cewa,
“Amma sauran masu sava mana, waxanda ba su qulla gaba ba, ba su yi
taurin kai ba, ba su yi ta’assubanci ba, to ra’ayin wasu daga cikin malaman
Imamiyya, kamar su Sayyid Almurtali, shi ne cewa su kafirai ne a duniya da
lahira. Kuma ra’ayi mafi yawa, mafi shahara, shi ne cewa su kafirai ne masu
dauwama a wuta.”3
Sai mu dubi wannan nassi da kyau. Abinda yake nufi, matuqar dai
mutum bai yi imani da tafarkinsu ba, to shi kafiri ne mai dauwama a wuta,
ko da bai qulla gaba da imamai ba. Suna faxin wannan saboda sanin cewa
Ahalus Sunna suna nuna so da qauna ga Ali da Faxima da Hassan da
Hussaini, Allah ya qara musu yarda, da ma sauran zuri’arsu baki xaya.
Amma tunda yake ba su qi Abubakar da Umar ba, ba su barranta daga gare
su ba, to wannan so da suke wa Ali ba shi da amfani. Watau a taqaice idan
mutum bai saki tafarkin Sunna ya kama na Shi’a ba, to ko bai yi gaba da
‘yan Shi’a ba, bai nuna taurin kai ko ta’assubanci ba, to har yanzu dai shi
1 Duba Annasbu wan Nawasib na Muhsin Al’muallim, bugun Darul Hadir lil Diba’ah, Bairut, 1418 B.H. shafi
na 609.
2 Biharul Anwar na Majalisi, 23/390.
3 A duba Haqqul Yaqin fi Ma’arifati Usulin Din na Abdullahi binu Shabbar, bugun Darul Kitabil Islami,
Bairut, ba tarihi, 2/188.
11
kafiri ne. Watau ke nan, ko mutum ba ya gaba da ‘yan Shi’a, to su suna gaba
da shi.
Halaccin Jininsu
‘Yan Shi’a suna qudure halaccin jinin Ahalus Sunna, watau halas ne a
kashe su ba don wani laifi ba sai don zama Ahalus Sunna kawai. Malaman
Rafilawa masu yawa sun ruwaito wannan halaccin daga imamansu. Wani
mai ruwayarsu da ake kira Dawud binu Farqad ya ce: Na ce da Abu
Abdillahi (yana nufin Imam Ja’afar Sadiq), “Me za ka ce dangane da kisan
nasibi? Sai ya ce: Jininsa halal ne; sai dai ina jiye maka tsoro. Don haka idan
ka samu iko ka rusa masa gini a ka, ko ka nutsar da shi a ruwa, don kada a
samu shaida, to ka aikata haka. Sai na ce: To me kake gani dangane da
dukiyarsa? Ya ce: Ka yashe ta inda duk ka samu iko.”1
Halaccin Dukiyarsu
Kamar yadda jinin Ahalus Sunna ya halatta a addinin Shi’a haka nan
dukiyarsu halas ce. Nassin da muka kawo a sama daga imaminsu na shida,
Abu Abdillahi Ja’afar Sadiq, yana tabbatar da haka. Kuma imaminsu na
wannan zamani, Ayatullahi Ruhullahi Khumaini, ya yi wani qarin bayani a
kan wannan nassi, ya ce, “Idan ka samu iko ka karvi dukiyarsa, karve ta ka
aiko mana da khumusi!”2 Wannan qarin bayani na Khumaini yana da
muhimmanci saboda yana nuna cewa aqidar halaccin jinin Ahalus Sunna da
dukiyarsu ba wai ‘yan Shi’a na da ne kawai suke qudure ta ba, a’a har da
‘yan Shi’a na wannan zamani.
1 A duba Ilalush Shara’i’i na Muhammad binu Ali binul Hussain wanda suke ma lakabi da Assaduq, bugun
Muassasatul A’alami, Bairut, 1408 B.H. shafi na 326. Kuma akwai riwayar a cikin Biharul Anwar na
Majalisi, 27/231 da Wasa’ilush Shi’a, 18/463.
2 Kashful Asrar na Sayyid Hussain Musawi, bugun Darul Iman, Masar, ba tarihi, shafi na 89.
12
Halaccin Mutuncinsu
Rafilawa suna qudure halaccin mutuncin Ahalus Sunna da yi musu
qazafi da keta irilinsu. Babban shaihinsu mai suna Abul Qasim Almusawi
Alkhu’i yana cewa, “Lallai ya tabbata cikin riwayoyi da (littafan) addu’o’i
halaccin la’antar masu sava mana, da wajabcin barranta daga gare su, da
yawanta zagi a kansu, da zargin su, da afkawa cikin irilinsu, watau yi musu
giba, domin su ‘yan bidi’a ne masu musun (aqidojinmu).”1
Cin mutucin Ahalus Sunna da la’antar su da zagin su da yi musu
qazafi ba wai kawai halas ba ne a wajen ‘yan Shi’a, a’a shi wata ibada ce da
suke neman kusanci ga Allah da ita, da kyakkyawan sakamako a Ranar
Lahira. Kuma ko da yaushe wanda ake ci wa mutunci xin ya fi girma a
addini, to ladan ya fi yawa. Wannan ya sa suka fi mayar da hankali wajen
cin zarafin Sahabbai, da la’antar su, da jifan su da miyagun abubuwa na
vatanci. Haka nan kuma, ba su qyale manyan malamai ba da qananansu tun
daga zamanin Tabi’ai har ya zuwa yau.
Ga misali, sun yi qazafi ga Sarkin Musulmi, Umar binul
Khaxxabi(RA), suka jefe shi da liwaxi. Malaminsu xan hayaqi, mai tsaurin
ra’ayi, Ni’imatullahi Aljaza’iri, ya ce, “Umar binul Khaxxabi ya kasance
yana da wani ciwo a duburarsa (idan ya motsa) babu abinda yake sanyaya
shi sai ruwan maza.”2 Inna lillahi wa inna ilaihi raji’un!
Haka nan, sun jefi Usman binu Affan(RA) da irin wannan mummunan
aiki. Ni’imatullahi Aljaza’iri, har yau, yana cewa, “Usman ya kasance yana
daudu, kuma ya zama ana wasa da shi.”3 Wannan shi ma jifa ne da liwaxi ga
wannan babban bawan Allah, tsarkakakke, mai kunya da kamun kai, surukin
Annabi, wanda Manzo(SAW) yake jin kunyar sa, kuma mala’iku ma suke
jin kunyar sa.
1 Misbahul Faqaha na Abul Qasim Alkhu’i, shafi na 11.
2 Al’anwarun Nu’umaniyya na Ni’imatullahi Aljaza’iri, 1/63.
3 Al’anwarun Nu’umaniyya, 1/65.
13
Ummul Muminina, A’isha, Allah ya qara mata yarda, wacce malamin
Shi’a, Ali Al’amili Albayali, yake kira Ummul Shururi(uwar sharruka!)1 ba
ta tsira ba daga qagen Rafilawa da qazafinsu. Har yau har gobe suna
gaskata, kuma suna maimaita, qazafin da munafukai suka yi mata a zamanin
Annabi(SAW), inda suka jefe ta da alfasha, wanda kuma Allah Maxaukaki
ya barrantar da ita, ya kuvutar da ita daga wannan zargi. Amma ‘yan Shi’a
ba su gamsu ba; ba su yarda da ayoyi goma sha takwas da Allah ya saukar a
cikin Suratun Nur ba domin barrantar da ita. Suna ganin waxannan ayoyi
mahaifinta Abubakar ne ya soka su cikin Alqur’ani don ya wanke sunan
xiyarsa, amma ba Allah ya saukar da su ba!
Don haka suke ci gaba da laqa mata wannan zargi. Har ma suna
faxin, idan Mahadinsu ya bayyana a qarshen zamani zai fito da ita daga
kabarinta ya tsayar mata da haddi.2 Kafircin da yake cikin wannan magana
ba’a voye yake ba. Domin kuwa, bayan qaryata Alqur’ani qarara, da qazafi
ga wannan babbar baiwar Allah, matar Annabi a duniya kuma matarsa a
aljanna, maganar har yau tana nuna suka da zargi ga Annabi(SAW) cewa shi
bai tsayar mata da haddi ba. Allah ya kiyashe mu tavewa!
Wannan xan misali ne kawai muka bayar don mai karatu ya gane wa
idanunsa yadda Rafilawa suka mayar da qazafi ga magabatan wannan
al’umma ibada. Da za mu bibiyi irin waxannan misalai na qazafi da qage,
mu tsamo su daga littafan malaman Shi’a, mu rattaba su a nan, da sai littafin
ya yi tsawo ainun.
Halaccin La’antar Su
‘Yan Sh’a suna qudure halaccin la’antar Ahalus Sunna da ma duk
wani Musulmi wanda ba ya bin tafarkinsu. Kuma Ahalus Sunna xin ba wai
kawai xaixekunsu da gama-garinsu ba, a’a har da shugabanninsu da
magabatansu, kama tun daga Sahabban Annabi(SAW) har ya zuwa ko wane
1 A cikin littafinsa, Assirudul Mustaqim ila Mustahiqqi Attaqdim, bugun Madba’atul Haidari, Bairut, ba
tarihi, 3/161.
2 A duba Tafsirul Kummi na Ali binu Ibrahim Alkummi, bugun Darul Kitab, Kum-Iran, 1387 B.H. 2/377.
14
qaramin Musulmi da yake rayuwa a yau. A haqiqa ma, la’antar da suke wa
Sahabbai ba sa yi wa qananan Musulmi irinta.
Ruwaya ta gabata, a baya kaxan, daga shaihinsu Alkhu’i inda yake
cewa, “Lallai ya tabbata cikin ruwayoyi da (littafan) addu’o’i halaccin
la’antar masu sava mana…” Wannan shi ne hukuncin wanda duk yake sava
musu, watau ba ya bin tafarkinsu na Rafilanci. Su kuwa Sahabbai,
musamman manya-manyansu kamar Abubakar da Umar da Usmanu da
A’isha da Hafsa, Allah ya qara musu yarda, to su la’antar su ibada ce wacce
ake samun lada mai tarin yawa da ita.
Akwai ruwayoyi masu yawa a littafan Rafilawa da suke nuna ladan
la’antar Abubakar da Umar, Allah ya qara musu yarda. Ga xaya daga
cikinsu:
Mulla Kazim, wanda yake mashahurin malami ne na Shi’a, ya karvo
ruwaya, yana dangana ta bisa qarya ga Ali Zainul Abidin binul Hussain binu
Ali binu Abi Xalib. Ya ce, Abu Hamza Althumali ya karvo daga Ali Zainul
Abidin ya ce, “Wanda ya la’anci Jibtu da Xagutu (yana nufin Abubakar da
Umar) la’ana guda, Allah zai rubuta masa lada dubu sau dubu, ya kankare
masa zunubi dubu sau dubu kuma ya xaukaka masa daraja dubu sau dubu
saba’in. Kuma wanda ya la’ance su da yammaci la’ana guda za’a rubuta
masa kamar haka. (Mai ruwaya) ya ce: Sai shugabanmu Ali binu Hussaini
ya wuce (bayan ya faxi wannan magana, ni kuma) sai na shiga wurin
shugabanmu Abu Ja’afar Muhammad Albaqir na ce masa: Ya shugabana,
wata magana ce na ji daga mahaifinka. Sai ya ce: Faxe ta mu ji, ya kai
Thumali. Sai na maimaita masa maganar. Sai ya ce: Haka take, Thumali.
Ko kana so in yi maka qari? Sai na ce: E, ya shugabana. Sai ya ce: Wanda
ya la’ance su la’ana guda a ko wace safiya ba za’a rubuta masa zunubi ba a
15
wannan wunin har yammaci, kuma wanda ya la’ance su la’ana guda da
yammaci ba za’a rubuta masa zunubi ba har ya wayi gari.”1
Wannan ya sa malaman Rafilawa suka wallafa addu’o’i na
musamman don la’antar Abubakar da Umar, Allah ya qara musu yarda,
waxanda ‘yan Shi’a suke maimaitawa safe da yammaci, da kuma a bayan
salloli na farilla, kamar yadda Musulmi suke wurdi da lazimi. Mafi shahara a
cikin waxannan addu’o’i ita ce addu’ar nan da suke kira Du’a’u Sanamai
Quraishin, watau Addu’ar Gumakan Quraishawa Biyu (suna nufin Abubakar
da Umar).2
Har yau, akwai wata addu’ar la’ana mai lugude, wacce ta qunshi
la’antar magabata guda tara, waxanda suka haxa da Sahabbai da Tabi’ai,
tare da maimaita la’ana ga Umar sau tara. Ga yadda lafazin addu’ar yake:
Allahumma il’an Umara, thumma Ababakarin wa Umara, thumma
Usmana wa Umara, thumma Mu’awiyya wa Umara, thumma Yazid wa
Umara, thumma Ibna Ziyadin wa Umara, thumma Ibna Sa’adin wa Umara,
thumma Shamran wa Umara, thumma Askara hum wa Umara. Allahumma
il’an A’ishata wa Hafsata wa Hindan wa Ummal Hakam. Wal’an man radiya
bi af’ali him ila yaumil qiyamah.3
Ga ma’anar addu’ar: Ya Allah ka la’anci Umar, sa’an nan Abubakar
da Umar, sa’an nan Usmanu da Umar, sa’an nan Mu’awiyya da Umar, sa’an
nan Yazidu da Umar, sa’an nan Ibnu Ziyad da Umar, sa’an nan Ibnu Sa’ad
da Umar, sa’an nan Shamru da Umar, sa’an nan Askar nasu da Umar. Ya
Allah ka la’anci A’isha da Hafsa da Hindu da Ummul Hakam, kuma ka
la’anci (duk) wanda ya yarda da ayyukansu har ya zuwa ranar Alqiyama.
Wannan babbar addu’a ta ‘yan Shi’a tana bukatar darasu. Da farko dai
bari mu bi sunayen da suka zo a cikinta domin mu san su waye. Abubakar da
Umar da Usmanu da Mu’awiyya, Allah ya qara musu yarda, ba sa bukatar
bayani; kowa ya san su. Haka nan A’isha da Hafsa. Yazidu kuwa shi ne xan
1 A duba Ajma’ul Fala’ih na Mulla Kazim, 513.
2 Domin ganin wannan addu’a, sai a duba littafin Bacin Tafarkin ‘Yan Shi’a da Aqidojinsu, babin Aqidar
‘Yan Shi’a Dangane da Sahabbai.
3 A duba La’ali’ul Akhbari na malaminsu Muhammad Attursirkani, bugun Qum, Iran, ba tarihi, 4/92.
16
Mu’awiyya wanda ya gaje shi a mulkin daular Musulunci, kuma wanda a
zamaninsa ne aka kashe Hussaini(RA). Ibnu Ziyad shi ne gwamnan Kufa a
zamanin mulkin Yazidu, kuma rundunarsa ce ta kashe Hussaini(RA). Shi
kuwa Ibnu Sa’ad (sunansa Umar binu Sa’ad binu Abi Waqqas) shi ne
kwamandan rundunar da ta kashe Hussaini(RA).1 Shamru ban san shi ba;
ban gane wanda suke nufi da shi ba. Ga al’adar Rafilawa idan suka yi amfani
da kalmar Askar to A’isha suke nufi da ita, saboda raqumin da ta hau a
yaqin Jamal sunansa Askar. Kuma da yake an ambace ta da suna a cikin
addu’ar, muna iya xauka cewa ita ma an ninka mata la’ana ne saboda
tsananin qiyayya, kamar yadda aka ninninka wa Umar. Hindu kuwa ita ce
mahaifiyar Mu’awiyya(RA) kuma Ummul Hakam ita ce kakar Marwan
binul Hakam, uban yawancin khalifofin Banu Umayya, ciki har da Umar
binu Abdil’aziz khalifa mai adalci, Allah ya yi masa rahama.
Dalilin la’antar waxannan manyan bayin Allah a wajen ‘yan Shi’a
abu ne mai sauqi. Su dai Abubakar da Umar da Usmanu, Allah ya qara
musu yarda, laifinsu a wajen Rafilawa shi ne wai sun hana Ali binu Abi
Xalib khilafa, kuma sun hana ma Faxima(RA) gado na gonar da mahaifinta
Annabi(SAW) ya bari. Ita kuma A’isha(RA) ta yi faxa da Ali a Yaqin Jamal.
Hafsa(RA) ba ta yaqi Ali ba, kuma ba ta yi ma Faxima kome ba. Don haka
muna iya xauka cewa wata qila qiyayyar ubanta, Umar binul Khaxxabi, ce
ta nashe ta, ta ja mata wannan la’ana. Mu’awiyya kuwa, Allah ya qara masa
yarda, shi ne uban masu laifi, a ganin ‘yan Shi’a, domin shi ya yaqi Ali
kuma ya tankwave masa khilafa a bayan da ya same ta. Kuma wannan
babban laifi nasa shi ya shafi mahaifiyarsa, Hindu. Ummul Hakam, kakar
Marwan binul Hakam, ‘yan Shi’a suna xauka cewa jikanta, Marwan, shi ne
ya zuga Usmanu ya yi gaba da Ali. Kuma ga shi jikokinsa sun yi ta more
mulki, suka hana jikokin Ali xanawa. Su kuwa Yazid da Ibnu Ziyad da Ibnu
Sa’ad su suka kashe Hussaini(RA). Wannan ita ce aqidar ‘yan Shi’a da
1 Domin bayanin rawar da Yazidu da Ibnu Ziyad da Ibnu Sa’ad suka taka wajen shahadar Hussaini(RA) a
Karbala, sai a nemi littafinmu Wa Ya Kashe Hussaini? bugun Zomo Press, Kaduna, 2010.
17
fahimtarsu, kuma ita ta sa suke la’antar waxannan manyan bayin Allah ba
dare ba rana.1
To sai dai shin ko mai karatu ya san don me aka yi ma Umar(RA)
luguden tsinuwa da la’ana a cikin wannan addu’ar? Me ya sa aka fara la’anar
da shi, kuma aka yi ta maimaita sunansa tare da sauran? Amsar wannan
tambaya dogon labari ne, amma muna iya taqaice shi da cewa, a cikin
Sahabban Annabi kaf, kai a cikin wannan al’umma duka, kai a cikin bil
Adama baki xaya tun daga Annabi Adamu har ya zuwa yau, kai a cikin
halitta dukkaninta, mutum da aljan, ba wanda ‘yan Shi’a suka fi qi kamar
Sayyidina Umar, Allah ya qara masa yarda.2 Don me? Saboda ya rushe
daular kakanninsu Majusawan Farisa, ya maye makwafinta da daular
Musulunci. Wannan shi ne laifinsa wanda ‘yan Shi’a ba za su tava yafe
masa ba har abada!
Su Najasa Ne
‘Yan Shi’a suna qudure cewa Ahalus Sunna najasa ne. Malamansu
masu yawa sun tafi a kan haka, kamar Ni’imatullahi Aljaza’ir3 da Muhsin
Almu’allim.4 Kuma a kan wannan suka gina hukuncin haramcin amfani da
duk abinda mai bin tafarkin Sunna ya yi amfani da shi, kamar akushinsa da
tulunsa da randarsa da qore ko qoqunansa, da sauransu, kamar yadda za mu
gani a nan gaba kaxan, in Allah ya yarda.
Sun Fi Kare Najasa
A ganin Rafilawa, Ahalus Sunna ba wai kawai su najasa ba ne, a’a
najasarsu ma tana da tsanani, har ta fi ta kare. Wani mai ruwayarsu da ake
1 Domin darasun ra’ayin Ahalus Sunna dangane da wannan aqida da fahimta ta Rafilawa, sai mai karatu ya
nemi littafan Kaddara Ta Riga Fata na Muhammad Mansur Ibrahim da Wa Ya Kashe Hussaini? na Umar
Labdo.
2 Duba abinda suka fadi dangane da shi a cikin littafinmu Bacin Tafarkin ‘Yan Shi’a.
3 A cikin littafinsa, Al’anwarul Nu’umaniyya, 2/307.
4 A cikin littafinsa, Annasbu wan Nawasib, shafi na 609.
18
kira Ibnu Abi Ya’afur ya ruwaito daga imaminsu na shida, Abu Abdillahi
Ja’afar Sadiq, wai ya ce: “Na hore ka kada ka yi wanka da ruwan banxakin
wanka na haya domin tana yiwuwa a sami ragowar ruwan Bayahude ko
Banasare ko Bamajuse ko Nasibi mai gaba da mu Ahalul Baiti, kuma shi
(Nasibi) shi ne mafi sharrinsu. Lallai Allah mai girma da xaukaka bai halicci
wani abin halitta ba wanda ya fi kare najasa. Kuma lallai Nasibi mai gaba da
mu Ahalul Baiti ya fi shi (karen) najasa.”1
Wannan shi ne matsayin masu bin tafarkin Sunna, a idanun ‘yan
Shi’a. Kare ma ya fi su; saboda haka idan suka kira su zuwa ga haxin kai, ko
‘yan uwantaka, to a haqiqa isgili ne kawai suke yi. Amfani suke so su yi da
su don su cimma manufarsu ta yaxa gubarsu a tsakanin jama’a. Allah ya isar
mana sharrinsu.
Su Shegu Ne, ‘Ya’Yan Karuwai
‘Yan Shi’a suna xaukar Ahalus Sunna a matsayin shegu, ‘ya’yan zina,
kuma ‘ya’yan karuwai. Wannan shi ne faxin bakinsu, ba qage ne ake musu
ba. Wani mai ruwayarsu da ake kira Ali binu Asbax ya karvo daga
imaminsu na shida, Ja’afar Sadiq, wai ya ce: “Lallai Allah mai girma da
xaukaka yana fara duban masu ziyarar kabarin Hussaini binu Ali(AS) da
yammacin (ranar) Arafa. (Mai ruwaya ya ce:) Sai na ce: Kafin ya dubi masu
tsayuwar Arafa?! Ya ce: E. Na ce: Yaya haka?! Ya ce: Saboda a cikin
waxancan (masu tsayuwar Arafa) akwai ‘ya’yan zina, amma a cikin
waxannan (masu ziyarar kabarin Hussaini) babu ‘ya’yan zina.”2
Sai mai karatu ya dubi wannan hadisi na Rafilawa da idanun basira.
Banda qazafi da aka yiwa taron Musulmi mafi girma a duniya kuma a rana
mai alfarma, har yau hadisin xoyin Majusanci na tashi daga cikinsa. Domin
idan aka dubi hadisin da kyau, za’a ga yana yaqar xaya daga cikin shikashikan
Musulunci guda biyar, watau Hajji, wanda yake nuna qarfin Musulmi
1 A duba Annasbu wan Nawasib na Muhsin Almu’allim, shafi na 609.
2 A duba Biharul Anwar na Majalisi, bugun Mu’assasatu Daril Wafa, Bairut, 1403 B.H., Babin Falalar Ziyarar
Hussaini a ranar Arafa da Idi Biyu, 101/85.
19
da haxin kansu. Waxannan abubuwa kuwa, watau qarfin Musulmi da haxin
kansu, yana cikin abinda Majusawa waxanda suka yafa mayafin son Ahalul
Baiti, ba sa qauna. Saboda haka wannan hadisi na ‘yan Shi’a yake kira da a
bar taron Arafa kuma a bar taron Idi, aje ziyarar kabarin Hussaini! Muna
roqon Allah ya turmuza hancin masu yiwa addinin Annabi
Muhammad(SAW) zagon qasa.
Kuma ba wai kawai Ahalus Sunna ‘yan Shi’a suke yiwa qazafi da
cewa su shegu ba ne, a’a har da sauran Musulmi duka waxanda ba sa bin
tafarkinsu. Mai ruwayarsu, Abu Hamza, ya karvo daga imaminsu na biyar,
Abu Ja’afar Muhammad binu Ali binu Hussain binu Ali binu Abi Xalib, wai
ya ce: “Na rantse da Allah, ya Abu Hamza, mutane duka ‘ya’yan karuwai ne
in banda ‘yan Shi’armu.”1
Mai karatu dubi wannan katovara, kuma ka dubi yadda aka dangana ta
ga babban bawan Allah, jikan Annabi(SAW). Ya Ubangiji, muna shaidawa
cewa dukkan ruwayoyin Maguzanci da fajirci da malaman Shi’a suke
dangana wa zuri’ar Annabinka, qarya ce tsagwaronta.
Hukuncin Garuruwansu
‘Yan Shi’a suna qin garuruwan Ahalus Sunna da biranensu, kuma na
farkonsu su ne Makka da Madina. Mai ruwayarsu, Abu Basir, ya ruwaito
daga imaminsu na shida, Ja’afar Sadiq, wai ya ce: “Lallai mutanen Makka
suna kafircewa da Allah a fili kuma mutanen Madina sun fi su mugusci.
Mutanen Madina sun fi mutanen Makka zama miyagu ninki saba’in.”2
Qin Biranen Makka da Madina masu tsarki aqida ce zaunanniya a
tafarkin Shi’anci. Kuma ba wani abu suke qi ba a waxannan birane sai
masallatan nan masu alfarma waxanda su ne tushen Musulunci. Wannan ya
sa suka ruwaito cewa idan Mahadinsu ya bayyana zai rushe su. Babban
malaminsu, Muhammad Baqir Almajalisi, ya ruwaito kamar haka, “Lallai
1 A duba Arraudatu minal Kafi na Kulaini, bugun Darul Kutubil Islamiyya, Bairut, 1375 B.H., 8/285.
2 A duba Al’usul minal Kafi na Kulaini, bugun Darul Kutubil Islamiyya, Bairut, 1388 B.H., 2/410.
20
Mahadi zai rushe Masallaci mai Alfarma har sai ya mayar da shi ga
harsashensa. Kuma zai rushe Masallacin Annabi zuwa harsashinsa.”1
Waxannan ruwayoyi, banda kasancewarsu qarya ce da aka lanqayawa
imamai, kuma suna nuna mugun nufin ‘yan Shi’a da matuqar qiyayyarsu ga
addinin Musulunci, kamar yadda suke fallasa asalinsu na Majusanci wanda
suka lulluve da mayafin son Ahalul Baiti.
Kuma kada mai karatu ya xauka cewa wannan aqida ta qin Makka da
Madina tsohuwar aqida ce ta Rafilawan farko, kuma a yanzu ta mutu. A’a,
wannan aqida tana nan da ranta a cikin zukatan shugabannin ‘yan Shi’a na
wannan zamani da mabiyansu. Shaida ita ce abinda Sayyid Hussaini Musawi
ya ruwaito daga Khumaini yana cewa, “Sayyid Hussain, lokaci ya yi na
zartar da wasiyyar imamai…. Za mu shafe Makka da Madina daga doron
qasa saboda waxannan birane biyu sun zama mafakar ‘yan Wahhabiyya.”2
Sa’an nan, ba Makka da Madina kaxai ‘yan Shi’a suke qi ba. Akwai
wasu muhimman qasashen Musulunci da suke cikin jerin wuraren da suke
qi. Waxannan sun haxa da Misira da Dimashqa da Basra. Sun lanqaya
ruwaya ga Annabi(SAW) shi da kansa, suka ce wai ya ce, “Kada ku doshi
Misira, kada ku yi nufin zama a cikinta.”3 A wata ruwayar kuma suka ce wai
Ali binu Abi Xalib(RA) ya ce dangane da Misira, “Kada ku ci abinci a cikin
akusanta kuma kada ku wanke kawunanku da kwatarniyoyinta; domin yin
haka yana gadar da qasqanci kuma yana tafi da kishi.”4
Babu shakka wannan ruwaya ta Rafilawa dangane da Misira qarya ce
tsagwaronta. Abinda aka sani shi ne cewa Annabi(SAW) ya yi wasiyya da a
kyautatawa mutanen Misira, kamar yadda ya inganta a ruwayar Imam
Muslim da waninsa. Innar Muminai, Ummu Salama(RA) ta ruwaito cewa,
Annabi(SAW) ya yi wasiyya ga al’umma a lokacin rasuwarsa, ya ce, “Ina
gam muku da Allah dangane da Qibxawan Misira. Lallai ku da sannu za ku
1 A duba Biharul Anwar na Majalisi, 52/338. Kuma har yau, akwai wannan ruwaya a cikin Kitabul Gaiba na
babban malaminsu, Abu Ja’afar Muhammad binu Hassan Aldusi, shafi na 282.
2 A duba Kashful Asrar na Sayyid Hussain Musawi, bugun Darul Iman, Iskandariyya, 2002, shafi na 91.
3 Biharul Anwar na Majalisi, 40/211.
4 Biharul Anwar, 40/211.
21
yi rinjaye a kansu, kuma za su zame muku tattali da taimako wajen xaukaka
addinin Allah.”1
A wani hadisin kuma ya ce, “Lallai ku za ku buxe Misira (watau za ku
ci ta da yaqi), kuma ita qasa ce da ake ambaton qiraxi a cikinta. Idan kuka
buxe ta, to ku kyautata wa mutanenta domin lallai su suna da alqawari da
zumunta,” ko kuma cewa ya yi, “alqawari da surukuta.”2 Malamai suka ce
zumunta saboda Hajaru uwar Annabi Isma’il(AS) daga cikinsu take,
surukuta kuma saboda Mariya Alqibxiyya, kuyangar Annabi kuma
mahaifiyar xansa Ibrahim, daga cikinsu take.3
Waxannan hadisai ingatattu suna nuna falalar qasar Misira da falalar
mutanenta, savanin abinda ‘yan Shi’a suke da’awa.
Hukuncin Akusansu Da Tukwanensu
Ya gabata cewa Rafilawa suna qudure najasar Ahalus Sunna, kuma a
kan haka suka gina hukuncin amfani da abubuwan da Ahalus Sunna suka
tava na kayan amfani na yau da kullum. A baya kaxan maganarsu ta gabata
inda suka ruwaito daga Ali binu Abi Xalib(RA) yana hani ga barin amfani
da akusan Misira da kwatarninta. A kan haka, dukkan kayan amfani na masu
bin tafarkin Sunna, kamar kwanuka da tukwane, kofuna da butoci, ludaya da
cokula, da sauransu, najasa ne kuma bai halasta xan Shi’a ya yi amfani da su
sai bayan tsaftacewa irin ta Shari’a, watau wanki wanda yake gusar da
najasa.
Shaixan Na Shafar Su A Lokacin Haihuwarsu
Malaman Shi’a suna qudure cewa, Shaixan yana shafar jira-jiran
Ahalus Sunna a yayin haihuwarsu. Kuma ga alama sun yi haka ne don su
1 Haithumi ya ambaci wannan hadisi a cikin Majma’uz Zawa’id, ya ce Dabarani ya ruwaito shi kuma masu
ruwayarsa adalai ne.
2 Imam Muslim ya fitar da hadisin a cikin Sahih nasa, da Imam Ahmad a Musnadinsa.
3 Imam Nawawi ya ambata wannan a cikin littafin Riyadus Salihin. Don karin bayani, duba littafinmu
Dangantaka Da Auratayya Tsakanin Ahalul Baiti da Sahabbai, shafi na 47-48.
22
gamsar da mabiyansu a kan cewa sharrin masu bin tafarkin Sunna asali gare
shi don yana farawa tun a sa’ar da suka shigo duniya. Wani mai ruwayarsu
da ake kira Abu Yahaya ya ruwaito daga imaminsu na shida, Abu Abdillahi
Ja’afar Sadiq, wai ya ce: “Babu wani abin haihuwa da za’a haifa face Ibilis
ya halarci haihuwarsa. Idan Allah ya san cewa shi xan Shi’armu ne, sai ya
tsare shi daga Shaixanin (ba zai tava shi ba). Idan kuwa ba xan Shi’armu ba
ne sai Shaixan ya kafa xan yatsansa a cikin duburarsa idan namiji ne sai ya
zamo lalatacce. Idan kuma mace ce sai ya kafa xan yatsansa a cikin farjinta
sai ta zama fajira. Wannan ya sa jariri yake kuka mai tsanani a yayin da ya
fito daga cikin mahaifiyarsa.”1
Malamai suka ce qaryar jahili tana rushe kanta da kanta. Shin jariran
Shi’a su ba sa kuka a yayin da aka haife su?
Abinda ya inganta dangane da kukan jariri a lokacin haihuwarsa shi
ne abinda Imam Muslim ya ruwaito dangane da falalar Annabi Isa (AS) da
mahaifiyarsa cewa Manzo(SAW) ya ce, “Babu wani abin haihuwa da za’a
haifa face Shaixan ya tsunkune shi, sai ya fashe da kuka saboda tsunkunin
Shaixan, banda Xan Maryamu da Mahaifiyarsa.”2 Watau su kaxai su ne
Shaixan bai tsunkune su ba.
Sallarsu Banza, Azuminsu Banza!
‘Yan Shi’a suna qudure cewa dukkan ibadojin Ahalus Sunna, kamar
sallah da zakka da azumi da hajji da sadakoki da sauran ayyukan alheri,
duka Allah ba zai karve su ba saboda ba su yi imani da imamai goma sha
biyu ba, kuma saboda ba su barranta daga azzalumai ba, watau Sahabban
Annabi(SAW).3
Saboda haka, masu bin tafarkin Sunna hukuncinsu xaya da kafirai:
sallarsu banza, azuminsu banza!
1 A duba Tafsirul Ayashi na Muhammad binu Mas’ud Al’ayashi, bugun Mu’assasatul Bi’itha, Qum-Iran,
1421 B.H., 2/398.
2 A duba Sahih Muslim, Kitabul Fada’ili, babu Fada’ili Isa, alaihis salam.
3 A duba Kisasul Anbiya na Ni’imatullahi Aljaza’iri, bugun Darul Balag, Bairut, 1417 B.H., shafi na 344.
23
Rayuwarsu Banza, Mutuwarsu Banza!
Mai ruwayar Rafilawa, Abdullahi binu Sinan, ya tambayi imaminsu
na shida, Abu Abdillahi Ja’afar Sadiq, Allah ya rahamshe shi (kuma ya yi
masa sakayya qarerayin da ‘yan Shi’a suka laqa masa), dangane da Ahalus
Sunna masu jihadin kafirai idan aka kashe su a fagen fama, shin ana cewa
sun yi shahada? Sai ya ce: “Suna gaggautawa kansu mutuwa ne kawai.
Rayuwarsu banza ce, mutuwarsu banza. Na rantse da Allah ba mai shahada
sai xan Shi’armu, koda ya mutu a kan gadonsa.”1
To Falasxinawa da Musulmin Jos, sai ku aje makamanku; domin
jihadinku aikin banza ne, inji malaman Shi’a! Ku kuwa Rafilawa, ‘yan gata,
sai ku miqe qafa, ku yi barci da minshari, ku mutu a kan gadajenku, imamai
sun yarje muku!
Wajabcin Sava Musu
‘Yan Shi’a suna qudure wajabcin sava wa Ahalus Sunna a cikin
aqidoji da hukunce-hukunce da ra’ayoyi. Mai ruwayarsu, Ali binu Asbax, ya
ce: Na tambayi Imam Rida(AS) dangane da lamari ya bijiro mun a garin da
babu malamin Shi’a da zan tambaya fatawa. Sai ya ce, “Ka tambayi
malamin garin (wanda ba xan Shi’a ba) kuma hukuncin da ya faxa maka sai
ka yi aiki da savaninsa.”2
Wannan qa’ida ce daga cikin qa’idojin addinin Shi’a: savawa Ahalus
Sunna. Don haka idan xan Shi’a ya rasa sanin hukunci na wata mas’ala, ko
wani aiki na ibada, sai kawai ya duba yadda Ahalus Sunna suke yi sai ya
sava musu. Duk abinda suke yi, to savaninsa shi ne hukuncin gaskiya, shi ne
dai-dai. Wannan ya sa suka ce:
1 A duba Wasa’ilus Shi’a na Alhurrul Amili, bugun Mu’assasatu Ahlil Baiti, Bairut, 1413 B.H., 15/31.
2 A duba Uyun Akhbaar Rida na Ibnu Babawaihi Al’kummi, bugun Tehran-Iran, ba tarihi, 1/275.
24
Shiriya Na cikin Sava Musu
‘Yan Shi’a sun ruwaito daga imaminsu na takwas, Imam Ali binu
Musa, wanda suke ma laqabi da Rida, Allah ya jiqan sa, wai ya ce, “Abinda
duk ya savawa Amawa, to shiriya na cikinsa.”1
Kuma wannan babu mamaki, domin kuwa,
Allansu Dabam, Namu Dabam
Don savani tsakanin ‘yan Shi’a da Ahalus Sunna ya zama cikakke,
kuma kada a samu tsammanin haxin kai koda watan-wata rana, sai
malamansu suka yi shelar cewa: Ubangijinsu dabam, namu dabam,
Annabinsu dabam namu dabam, kamar yadda Khalifansu dabam namu
dabam.
Malaminsu xan hayaqi, Ni’imatullahi Aljaza’iri, ya ce, “Lallai mu ba
ma tarayya da su (yana nufin Ahalus Sunna) a Uabngiji ko Annabi ko
Imami. Domin su suna cewa Ubangijinsu shi ne wanda Muhammadu yake
Annabinsa, kuma Abubakar yake Khalifansa a bayansa. Mu kuwa ba ma ban
gaskiya da wannan Ubangijin, ko wannan Annabin. Mu muna cewa,
Ubangijin da Khalifan Annabinsa shi ne Abubakar, to mu ba Ubangijinmu
ba ne, kuma wannan Annabin ba Annabinmu ba ne.”2
Imam Khumaini ma ya yi irin wannan magana a cikin littafinsa,
Kashful Asrari, wacce take nuna su ubangijin da suke bautawa dabam yake
da Ubangijin Ahalus Sunna. Ya ce, “Mu muna bauta wa ubangijin da muka
san cewa ayyukansa suna ginuwa a kan harsashin hankali kuma ba ya aikata
wani abu da yake sava wa hankali, ba ubangijin da yake gina gini
gawurtacce ba na allantaka da adalci da addini sa’an nan ya rusa shi da
hannunsa, ya ba da sarauta ga irin su Yazidu da Mu’awiya da Usmanu binu
Affan da sauran masu kama da su ‘yan wafce, kuma ba zai bayyana wa
1 A duba Atta’adul wat Tarjih na Khumaini, bugun Daru Nashri Athar Khumaini, Tehran-Iran, 1417 B.H.,
shafi na 171.
2 A duba Al’anwarun Nu’umaniyya, na Ni’imatullahi Aljaza’iri, 2/278.
25
mutane abinda ya kamata su yi ba a bayan Annabi, sai ya bari a assasa
zalunci da cuta.”1
Wannan magana ta Khumaini wataqila tana da xan shiga duhu kaxan.
Abinda yake nufi a taqaice su ba sa bautawa Ubangiji Allah wanda ya gina
gawurtaccen gini, watau Musulunci, kuma ya rusa shi da hannunsa tunda bai
faxa wa mutane su naxa Ali binu Abi Xalib khalifa ba a bayan
Annabi(SAW); amma ya qyale shugabancin Musulmi ya zama zave, don
haka ‘yan wafce, masu warwaso, irin su Mu’awiya, suka qwace mulkin
alhali ba su cancanta ba don haka sai suka assasa zalunci da cuta. Za’a lura
cewa Aljaza’iri ya ambaci Abubakar a yayin da Khumaini ya waske, ya
ambaci Mu’awiya da Usmanu a maimakon sa, koda yake ya qara da
ambaton “masu kama da su”.
To, ina Musulmi masu sassaucin ra’ayi? Ina masu kyakkyawar niyya,
da wayewa da rashin tsanani? Ina masu zargin wasu da cewa su ne masu
raba kan Musulmi? Ina ‘yan jaridarmu masu tallan Shi’a ga Musulmin
Nijeriya a cikin jaridunsu? Ga ra’ayin ‘yan Shi’a da aqidarsu dangane da
Ahalus Sunna da ma sauran Musulmi baki xaya waxanda ba sa bisa kan
aqidarsu. Idan a da ba ku sani ba, to a yanzu kun gani da idanunku. ‘Yan
Shi’a suna yekuwa da babbar murya: Lakum dinukum, wa liya din!
1 A duba Kasful Asrari na Khumaini, shafi na 142.
