Islampi Jesús

 

UK

  Tata apuqa sapan kay yachasqa

Tata apuqa Coránpi nin: (ninku: “Al-lah paypaq uk wawata ruwan.” ¡Glorificado kachun, Payqa mana juchayuqchu! tukuy janaq pachapi chanta kay pachapi kaqkuna paypaqta.)

 

Tata apu glorificasqa kachun, mana nimamanta nitaq nipimanta yanapayninta mañanchu. imaynatataq uk wawayuq kanman tukuy ima paypataña kaqtinri?

 

Uk runaqa uk qhari u warimi wawata munan machullayninpi yanapananpaq, llak’ayninpi yanapachun, tukuy kaqta chanta wañupuqtinpis sutinta pananpaq ima.

 

Tata apu glorificasqa kachun, payqa sapan tukuy imata atin, payqa ni jayk’aq wañunchu, chay rayku mana uk wawayuqpunichu kanan tiyan.

 

                                               Iskay

            Ni jayk’aq uk warmi tata apupaq karqachu

 

Tata apu Coránpi nin: Pay chay nima kachkaqtin janap pachatawan kay pachatawan ruwarqa. ¿imayna wawayuq kanman ni warmiyuq kaspa? payqa tukuy kaqta ruwarqa tukuy chaytataq riksin.

¿Imaynataq uk wawayuq kanman si mana ni jayk’aq uk warmi paywan karqachu? tata apu tukuy kaqmanta ruwaq kachkan, nitaq paypa kayninchu uk warmiyuq u wawayuq kayqa.

 

Tata apu Coránpi nin: (Tatayku, mana ni uk warmiyuq nitaq uk wawayuq manchay jatun chanta sumaq kasqanrayku.)

 

Kimsa

         Jesúspa paqariynin mana tatayuq chayqa mana Jesústa uk divinidad nisqata jina qhawanapaqchu.

 

 

Tata apu kayta chaymanta nin: (Jesúspa rikhuriyninqa Adánpata jina. pitachus t’urumanta ruwarqa chanta “kay” nispa nirqa, karqataq.)

 

Jesúspa paqariynin uk edeidad nisqa jina rikusqa kan chayqa imaynapitaq Adán mana ni tatayuq ni mamayuq kaqmanta kanri, mana pay aswan divino kanman. Cristianokunaqa Adán mana Apuchu ninku, ajinapiqa Jesúsqa aswanta mana kayantaqchu ari.

 

                                              Tawa

 

Tata apuman uk wawa churayqa mana ni uk sut’inchanayuq rimaykunalla kanku.

 

Tata apu Coránpi nin: (ninkutaq, Al-lah uk wawata paypaq ukharin”. ¡Glorificado kachun! Payqa mana nima nipimanta mañanchu. Tukuy kay pachapi chanta janaq pachapi kaqkunaqa paypata kan. ¿Sut’inchanayuqchu kankichik u manachusqa imallatapis rimachkankichik?.)    Al-lahtaq nirqa, Jatun kaq: chay sanampa simiykichikmanta yuqsimuqkunaqa mana ñawpaq kaqkuna iñiyta munarqankuchu chaykunaman rich’akun.) Coránqa 9:30 Kay tukukuy versículopiqa tata apuman uk wawa tumpayqa uk yuya rimay kan ninku nitaq ch’uwanchanayuqchu.

 

Tata apuqa sut’inta Jesús mana wawan nitaq apu kasqanta riksichiwanchik, manachusqa uk profeta chanta tata apup chaskin kasqanta niwanchik. Tata apu Coránpi nin: (Mesías Maríap wawan, Al-lah pa chaskin chay tukuy ñawpaq karqanku ajina; mamantaq uk sumaq iñiq. Iskayninku mikhunata tukuy runa jina mikhuq kanku.) qhawariy (¡oh Muhammad!)

Imaynata ñuqanchik kaqkunata riksichinchik (Al-lah khuskachayninta) chanta imaynatataq paykuna sut’i willaymanta jatarinku.)

 

Iskayninku mikhunata mikhuq kanku chay rayku paykuna tukuy runa jina karqanku mikhunankutaq karqa, chaytaq mana divinidad nisqa jina rikuchisqachu kananku tiyan.

 

Jesúsllataq (allin kawsay paywan kachun) ni jayk’aq mana payqa tata apup wawan kani nirqachu nitaq payman wañusqa kanankuta mañarqachu. Kay rimaytaraq payqa wawa kaspa parlarqa: (Tata apup siervon kani, pay p’anqata riksichiwanqa ñuqatataq uk profetaman tukuchiwanqa.)

 

Tata apu Coránpi: (Al-lahtaq ninqa “Jesus kawsayman kutirimuqtin”: (Jesús Maríap wawan, ¿Qamchu qamtawan mamaykitawan divinidades nisqa jina nitaq ñuqata qhawanankuta mañarqanki?. “Jesús” ninqa: (¡Gloria qamta! ¿Imaynatataq mana ñuqap kaqta nisaqri? Niyman karqa chayqa qam yachawaq, qamqa ñuqapi kaqta yachanki ñuqataq mana qampi kasqanta yachanichu; Qam tukuy ima riksiq kanki.

 

Jesús kawchkasaq janaq pachaman kachasqa karqa. Romanokuna jap’ispa wañuchiy munaqtinku, Jesúspa kayni waq runaman rich’achirqanku. Ajinamanta romanokunaqa chay runata Jesús nispa jap’iytawan wañuchirqanku. Tata apu Jesús jark’aytawan janaq pachaman pusarqa.

Tata apu Coránpi nin: (mana wañuchirqankuchu nitaq crucificarqankuchu, manachusqa iñiyquchirqanku. pikunachus mana chayta iñiqkunataq tukuy imata parlanku. manapuni wañuchirqankuchu, tata apu janaq pachaman pusarqa. Al-lahtaq manchay jatun tukuy yachaq.

[Muhammadwan Jesúswan] tata apup chaskikunan jina. Puraq yanapanakunku, imaraykuchus iskayninku uk apullata munakunku.

 

Tata apu Coránpi nin: (Chaskiwan iñiqkunawanqa Al-lah willasqanpi iñinku. tukuy Al-lahpi iñinku, angelkunanpi, p’anqakunanpi chanta chaskikunanpi ima. (ninku): “Mana nima t’aqanachiyta ni mayqin chaskillapipis ruwaykuchu (wakinta khullaspa wakintataq chiknispa)”. ninkutaq: “Uyariykutaq ruwaykutaq. Tata apu qampa qhispichinaykita mañayku qamwantaq kutipunayku)”.)