DIOSAN CONCEPTUPA ISLAM MARKANA
Taqiniw yatiraktan sapa laxrawa, aruna ‘Dios’ uka aruxa janiw maynikikiti, kunatix sapa laxranwa kunjamti arsuski uk apnaqasi, árabe arunxa “Allah” uka arumpiwa, uywiriru taqi kun aka uraqin utjki uka luririru uñtapxi, akax janiw waljaptayirinikis ni chachataps yatiskiti: Dios arump kikipayasaxa, pachpakiskarakiwa, Diosax taqi aka uqaqin utji ukan uywiripawa árabe amuyunxa. Ukampinsa “Dios” uka arux waljaptaspawa “Diosanaka” sasina jan ukax warmirus kuttarakispawa “Diosa” sasina, aymar arunxa janiw warmir kutkaspati.
Wali yaqanaw kunjamti Allah “Dios” sañ muni arameona, Jesusan laxrapa, árabe laxran kullakapa. Muhammad profetan wiñanakapax (Diosan samarawipax jupampipana) Diosxat jiskht’apxatäna, jaysawix jank’akiw Corán pankan mä t’aqan purinitayna, ‘esencia de la unidad o lema del monoteísmo’ uka amuyumpi.
Aka t’aqax mä waranqa tunka payaniwa, akham sata “Chiqpach iyaw sawi”:
“Sam (¡Oh, Muhammad!”): Diosax jupawa, janiw yaqha divinidadax utjkiti. Diosakipuniwa (taqiniw jupat waxasipxi, ukat jupax janiw khitits wayxaskarakiti). Janiw jathawaykiti ni jathatawayarakisa. Janiw khitis kunas jupanpix kikipatakaspati”.
DIOSAN UNICIDADAPA
Corán arunakapax jiskht’iwa khitinakti jaqin luratanakaparu yupaykchi ukanakaru:
IYAW SIRIN KANKAÑAPA
Musulmanañatakiw Diosan ‘unicidad’ ukapar iyaw sañax wali wakiskiriwa. Juparuw spa uywirjama, khuyapt’irjam uñt’añapa. Ukampins aka sapa amuyux janiw wastakiti. Walja aka uraqin jakir jaqinakarux kunti profeta arsuwayki uk janiw wastakanti, jupanakax Diosaw taqi kuna kast jamuqanaks lurkaspa ukham amuyapxäna, ukampisukax janiw monoteistañatak wastakänti. Aka amuyunakxatxa Diosarukipuniw yupaychañax wakisi, akampix sañ muniwa janiw yaqha jaqin luratanakaparu yupaychañakiti.
Jaqin luratanakap armsaxa Diosarukipuniw taqi chuymamp iyaw saña, ukat kunti aka uraqin utji ukanakats sum amuykipañasa, kunatix Diosaw mä thaki lurawayi. Diosax akham sasaw Corán pankanx jiskht’i:
“¿Aliqatakch jumanakar uywawayapsma, ukhamch amuyapxayäta? ¿Janis nayraqatajan utjapkasm ukhamt amuyapxayäta?” (Corán 23:115)
UYWIRIX JANIW KIKIPANIKITI
Sititi mayatsipan walja uywirinak utjkaspan ukhax wali ch’axwañanakan jiskxatasnana. Ukampisa universox ch’ujukiwa.
“alaxpachana jan ukax aka pachanti yaqha Diosanaka utjaspan ukhax akanakax tukjasipxaspänwa. ¡Diosax glorificatupan Tronun Diosapa!, jupax taqikun patxankiwa”. (Corán 21:22)
DIOSARUKIW YUSPAJARASAX CHURAÑA
Iyaw sirinakax Diosarux yuspajarapxiwa kunatix jupaw taqi kuna yänaks churawayi, ukampisa jupanakax yatipxañapaw kuti lurapki uka, uka amuyunakx wali jayankaskiwa Diosan munasiñapata, ukat Diosar iyaw sirinakax wal Diosar asxarapxi, jupatakix jaqinakax p’iq alintapxiwa, wali llamp’u chuymanpiw sirwirpxaraki.
DIOSAX JANIW LURAWIPJAMAKITI
Luririx mayjawa uywanakapatsipana, pachakispawa ukampirus mä luririw munasispa, ukhamsasax chiqpachans janiw kunas jupjamakiti.
“Diosaw taqi kunanaks lurawayi ukat jupax uñjiripaxa. Jupax alaxpachan llawinakapani ukhamarak aka uraqinpacha. Khitinakati jan Diosan qillqanakapar iyawskan ukhax jupanakakiw qhiparasipkani”. (Corán 39:62 – 63)
TAQPACHA PROFETANAKA DIOSAN ‘UNICIDAD’ UKANAK KATUQAWAYAPXI
Musulmananakax Diosan khitanit profetanakapax mä amtawinikiw purinipxi sasaw iyaw sapxi: Diosan unicidadapa.
“sapa jach’a markanakaruwa mä mensajero apayatawayi, jaqinakan amuyt’asipxañapataki, Diosar yupaychañataki jan ‘idolatria’ ukamp lanktasipxañapataki”. (Corán 16:36)
Islamanakan iyaw sawipax Diosan unicidadapa, mayakitapata, ukhamarki ukhamaraki wali ch’amanitapata, mä sapa Diosakiw utji, Juparukiw yupaychana janiw yaqhanakaruxa uka amuyunakaw utjaraki.
